KPT+
៥ វិធីការពារខ្សែសាកថ្មទូរសព្ទកុំឱ្យឆាប់ខូច
ធ្លាប់ដែរទេ! ប្រើខ្សែសាកថ្មទូរសព្ទមិនបានប៉ុន្មានផង បន្តិចខូចៗ? ជួនប្រើបានតែមួយអាទិត្យ មិនទាន់ដឹងអីផង ដាច់ក្បាល ឬដាច់ខ្សែ ឬសាកលែងចូល។ ការដែលខ្សែសាកថ្មឆាប់ខូចបែបនេះ មិនមែនព្រោះវាអន់មួយមុខប៉ុណ្ណោះទេ តែមកពីម្ចាស់ខ្សែមិនចេះប្រើឱ្យបានត្រឹមត្រូវ។
ដូច្នេះ មកការពារខ្សែសាកថ្មទូរសព្ទឱ្យប្រើបានយូរ តាមវិធី ៥ ខាងក្រោម៖
១.កុំរមូខ្សែតឹងពេក
ជារឿយៗ បើអ្នកនិយមប្រើខ្សែទូរសព្ទ ដោយមួលឬរមូវាតឹងខ្លាំងពេក មិនយូរទេខ្សែនឹងខូច។ មូលហេតុនោះដោយសារការរមូខ្សែទូរសព្ទតឹងៗ អាចធ្វើឱ្យខ្សែខាងក្រៅបន្ថែមសម្ពាធទៅលើខ្សែភ្លើងខាងក្នុង ធ្វើឱ្យវាដាច់ដោយមិនដឹងខ្លួន ហើយក៏ឈប់ប្រើការបាន ទាំងដែលខ្សែនៅថ្មីនៅឡើយ។
២. កុំឧស្សាហ៍ពត់ខ្សែចុះឡើង
ការទម្លាប់ពត់ខ្សែម្ដងលើម្ដងក្រោម ឬម្ដងឆ្វេងម្ដងស្ដាំញឹកញាប់ពេក អាចនាំឱ្យវាងាយបាក់ក្បាលត្រង់តំណភ្ជាប់ទៅនឹងឌុយទូរសព្ទនិងឌុយភ្លើង។ ការពត់ខ្សែចុះឡើងៗបែបនេះ ជាទង្វើដែលបំផ្លាញខ្សែសាកថ្មឱ្យខ្ទេចលឿនបំផុត។
៣. ប្រយ័ត្នពេលដកខ្សែពីការសាក
អ្នកខ្លះពេលដកខ្សែសាកថ្មម្ដងៗ ច្រើនតែដកយកៗ ឬកន្ត្រាក់ខ្លាំងៗ មិនប្រយ័ត្នប្រយែងត្រង់ឌុយរបស់វានោះទេ ដែលនេះក៏ជាមូលហេតុបណ្ដាលឱ្យខ្សែឆាប់ដាច់ ហើយខូចរហ័សផងដែរ។
៤. ប្រើប្រដាប់ការពាខ្សែ ឬរំស័រ
នៅស្រុកយើង មិនសូវស្គាល់ឬនិយមប្រើប្រដាប់ស្រោបខ្សែដើម្បីការពារឌុយនោះទេ។ ដូច្នេះបើសិនចង់ឱ្យខ្សែសាកថ្មប្រើបានយូរ អ្នកគួរជ្រើសរើសប្រើប្រដាប់ស្រោបពីលើខ្សែឌុយមួយជាន់ទៀត ដែលវាធ្វើឱ្យខ្សែសាកថ្មមិនងាយខូចទៅណា។
៥. ប្រើខ្សែមានគុណភាពល្អ
បើសិនជាអាច គួរប្រើខ្សែសាកថ្មដែលមានគុណភាពល្អ។ ត្បិតថា ខ្សែគុណភាពល្អចំណាយច្រើនជាងខ្សែធម្មតាបន្តិច តែប្រើមួយដឹងមួយ។ ជាពិសេស កុំទម្លាប់ប្រើខ្សែ ២៥០០រៀល ដោយសារខ្លាចអស់លុយ ទោះវាថោកពិតមែន តែប្រើហើយបង្កហានិភ័យច្រើនណាស់៕
ប្រែសម្រួល៖ សន្យា
ប្រភព៖ wikiHow
ចុចអាន៖ របៀបសាកថ្មទូរសព្ទឲ្យមានសុវត្ថិភាព ហើយមិនងាយខូច
ចុចអាន៖ តោះ! ស្វែងយល់អំពីបច្ចេកវិទ្យាសាកថ្មលឿននៅក្នុងទូរសព្ទ iPhone 12
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)