ក្រសួងទេសចរណ៍ នៅរសៀលថ្ងៃទី១០ ខែមិថុនា ឆ្នាំ២០២៦ បានប្រកាសជាផ្លូវការអំពីការរៀបចំព្រឹត្តិការណ៍ «រត់ជាមួយអេនណា រត់ផ្សព្វផ្សាយរដូវកាលបៃតង រត់ដើម្បីកុមារកម្ពុជា» ដែលជាសកម្មភាពមួយរួមបញ្ចូលការលើកកម្ពស់វិស័យទេសចរណ៍បែបធម្មជាតិ (Eco-Tourism) នៅតំបន់គិរីរម្យ និងការងារសប្បុរសធម៌សម្រាប់កុមារកម្ពុជា។

តាមការបញ្ជាក់របស់ក្រសួងទេសចរណ៍ ប្រាក់ចំណេញពីការលក់សំបុត្រទាំងអស់ នឹងត្រូវយកទៅបរិច្ចាគដល់សាលារៀន កម្មវិធីសុខុមាលភាពកុមារ និងការអប់រំនៅតាមតំបន់ដាច់ស្រយាល។

ក្រៅពីគោលបំណងសប្បុរសធម៌ ព្រឹត្តិការណ៍នេះក៏មានបំណងជំរុញការធ្វើដំណើរកម្សាន្តក្នុងរដូវកាលបៃតង និងផ្សព្វផ្សាយសក្ដានុពលទេសចរណ៍ធម្មជាតិដ៏ស្រស់បំព្រងរបស់តំបន់ឋានសួគ៌គិរីរម្យផងដែរ។ អ្នកចូលរួមនឹងបានរីករាយជាមួយការរត់កម្សាន្តចម្ងាយ ៥គីឡូម៉ែត្រ លើផ្លូវចុះឡើងភ្នំក្នុងបរិយាកាសបៃតង និងខ្យល់អាកាសបរិសុទ្ធ ដែលផ្ដល់បទពិសោធថ្មីទាំងផ្នែកសុខភាពផ្លូវកាយ និងផ្លូវចិត្ត៕

ចុះឈ្មោះទិញសំបុត្រឥឡូវនេះតាមរយៈ https://www.bookme.plus/t/events/Kiriron_FunRun

The post កុយ អេនណា ត្រូវបានក្រសួងទេសចរណ៍ជ្រើសជាតួអង្គសំខាន់ សម្រាប់ព្រឹត្តិការណ៍រត់ នៅថ្ងៃទី ២៨ មិថុនា ខាងមុខ appeared first on Kampuchea Thmey Daily.

បន្ទាប់ពីដំណើរផ្សព្វផ្សាយអត្តសញ្ញាណវប្បធម៌ខ្មែរ នៅតំបន់ Times Square នៃទីក្រុងញ៉ូវយ៉ក នៅយប់ថ្ងៃទី១៧ ខែឧសភា ឆ្នាំ២០២៦នេះ បវរកញ្ញាកម្ពុជា កុយ អេនណា បានបង្ហាញខ្លួនជាមួយថ្មីជាមួយឈុតស្បៃខ្មែរ នៅទឹកដីប្រទេសបារាំង។ ក្នុងវីដេអូខ្លីមិនដល់ ១នាទី បវរកញ្ញាកម្ពុជារូបនេះ សម្តែងការរាក់ទាក់ទៅកាន់ទស្សនិកជនជាភាសាបារាំង និងណែនាំថា នេះជាដំណើរនៃការនាំយកអត្ត្តសញ្ញាណវប្បធម៌ខ្មែរ ទៅកាន់ឆាកអន្តរជាតិរបស់កញ្ញា។ កញ្ញាក៏បានសួរទៅកាន់អ្នកគាំទ្រខ្លួនផងដែរថា តើចង់ឃើញកញ្ញាបង្ហាញខ្លួនជាមួយឈុតស្បៃខ្មែរនៅប្រទេសណាបន្ទាប់ទៀត?

ការបង្ហាញឈុតបុរាណស្បៃខ្មែរ ជាមួយ Tour Eiffel និមិត្តរូបនៃទីក្រុងបារីសដ៏ល្បីល្បាញមួយនេះ ត្រូវបានមហាជនមើលឃើញថា ជាការបន្តបេសកកម្មដ៏មានអត្ថន័យ ក្នុងការលើកស្ទួយវប្បធម៌ និងអត្តសញ្ញាណជាតិខ្មែរ ឱ្យអន្តរជាតិស្គាល់កាន់តែទូលំទូលាយ។

គួររំលឹកផងដែរថា កាលពីខែមេសាកន្លងទៅ កញ្ញា កុយ អេនណា ក៏ធ្លាប់បានធ្វើឱ្យអ្នកគាំទ្រខ្មែររំភើបចិត្តយ៉ាងខ្លាំង បន្ទាប់ពីនាងបានគ្រងឈុតស្បៃខ្មែរ ដើរបង្ហាញនៅតំបន់ Times Square ដែលជាចំណុចកណ្ដាល និងជាតំបន់ដ៏មមាញឹកមួយនៃទីក្រុង New York City សហរដ្ឋអាមេរិក។ បេសកកម្មនោះ ត្រូវបានចាត់ទុកថា ជាជំហានដ៏សំខាន់មួយ ក្នុងការនាំយកវប្បធម៌ខ្មែរ ទៅបង្ហាញជូនពិភពលោក។

សកម្មភាពទាំងនេះ មិនត្រឹមតែជាការបង្ហាញពីសម្រស់នៃស្បៃខ្មែរប៉ុណ្ណោះទេ ប៉ុន្តែថែមទាំងជាការបញ្ជាក់ប្រាប់ពិភពលោកថា វប្បធម៌ខ្មែរ មានអត្តសញ្ញាណច្បាស់លាស់ មានប្រវត្តិសាស្ត្រយូរអង្វែង និងជាមរតកដ៏មានតម្លៃ ដែលកូនខ្មែរគ្រប់រូបគួរចូលរួមថែរក្សា និងលើកតម្កើង៕

The post បវរកញ្ញា កុយ អេនណា បន្តបេសកកម្មផ្សព្វផ្សាយឈុតស្បៃខ្មែរ ដល់ទីក្រុងបារីស appeared first on Kampuchea Thmey Daily.

ជាការកត់សម្គាល់ក្រោយពីបញ្ចប់បេសកម្មដំណើរថ្មើជើងក្រោមប្រធានបទ “ដើរដោយក្តីសង្ឃឹមដើរដើម្បីទេសចរណ៍” ដោយជោគជ័យកញ្ញា កុយ អេនណា ពេលនេះកាន់ទទួលបានការគាំទ្រយ៉ាងខ្លាំងពីមហាជន ខណ:ពេលនេះនាងក៏ត្រូវបានក្រសួងកិច្ចការនារីកោតសរសើរចំពោះការលះបង់របស់នាងផងដែរ។

តួយ៉ាង ដោយមើលឃើញពីឆន្ទ: និងការខិតខំលះបង់ពេលវេលាផ្ទាល់ខ្លួនក្នុងបេសកម្មដំណើរថ្មើរជើងពីរាជធានីភ្នំពេញឆ្ពោះទៅកាន់ទឹកដីសៀមរាបប្រមាណជាង ៣០០គីឡូម៉ែត្រក្រសួងកិច្ចការនារីបានសម្រេចជ្រើសរើសបវរកញ្ញា កុយ អេនណា ជាទូតសុឆន្ទៈថ្មីរបស់ក្រសួង។

កញ្ញា កុយ អេនណា បានបញ្ជាក់ថា ខ្លួនពិតជាមានមោទនភាពដែលត្រូវបានតែងតាំងក្នុងតំណែងជាទូតសុឆន្ទៈថ្មីរបស់ក្រសួងកិច្ចការនារី ពីសំណាក់លោកជំទាវកិត្តិបណ្ឌិត អុឹង កន្ថាផាវី រដ្ឋមន្រ្តីក្រសួងកិច្ចការនារី ដើម្បីចូលរួមលើកកម្ពស់តម្លៃនារីមិនថាជាក្មេងស្រី ឬស្ត្រីមានពិការភាព និងផ្សព្វផ្សាយភាពជាគំរូ ព្រមទាំងស្នាដៃរបស់ស្ត្រីដែលមានសក្តានុពលក្នុងការចូលរួមអភិវឌ្ឍសង្គមជាតិ។

គួររម្លឹកថា កន្លងទៅក្រសួងកិច្ចការនារីក៏ធ្លាប់ចូលរួមអបអរសាទរនិងកោតសរសើរចំពោះកញ្ញា កុយ អេន ណាក្នុងបេសកម្មដំណើរថ្មើរជើងដោយជោគជ័យពីរា ជធានីភ្នំពេញទៅកាន់ខេត្តសៀមរាបក្រោមយុទ្ធការ ” ដើរដើម្បីក្តីសង្ឃឹម ដើរដើម្បីទេសចរណ៍”ដើម្បីរៃអង្គា សថវិកាជួយដល់ក្មេងៗនិង ជនមានពិការភាពក្នុងម ណ្ឌលខ្វះខាតជាដើម៕ ចាន់រ៉ា

The post កុយ អេនណា ក្លាយជាទូតសុឆន្ទៈរបស់ក្រសួងកិច្ចការនារី ដើម្បីលើកកម្ពស់តម្លៃនារី ឬស្ត្រីមានពិការភាព appeared first on Kampuchea Thmey Daily.

មន្ត្រីជាន់ខ្ពស់ក្រសួងកិច្ចការនារីរូបនេះបានឲ្យដឹងថា ២ថ្ងៃនេះ ហ្វេសប៊ុកឈ្មោះ Makara Moum បានសរសេរញ៉ុះញ៉ង់ ប្រកូកប្រកាសចោទប្រកាន់ទៅលើកញ្ញា កុយ អេនណា ដែលជាទូតសុឆន្ទៈសប្បុរសធម៌របស់ជនមានពិការភាពធ្វើឱ្យប៉ះពាល់ដល់កិត្តិយសសេចក្តីថ្លៃថ្នូរ ប៉ះអារម្មណ៍ដល់ អេនណា អ្នកដែលស្រលាញ់គាំទ្រ អេនណា ពិសេសជនមានពិការដែលទទួលការគាំទ្រទ្រពីបវរកញ្ញារូបនេះយ៉ាងខ្លាំង។

លោកស្រី ញ៉ែម មរកត បានបញ្ជាក់ថាករណីនេះ លោកស្រីនិងមេធាវី២រូប បានសិក្សាប្រភពរឿង និងឈានទៅចេញសេចក្តីជូនដំណឹងដល់សាធារណជន ជៀសវាងធ្វើឱ្យមានការយល់ច្រឡំមកលើ កុយ អេនណា។ ក្រោយពិនិត្យគឺ អេនណា អត់ស្គាល់ស្ត្រីរូបនោះ និងគ្មានកិច្ចសន្យាការងារ ឬបានទទួលប្រាក់កក់អ្វីទាំងអស់។

ដោយឃើញស្ត្រីឈ្មោះ មករា វាយប្រហារមកលើអេនណា មិនដកដៃ បុរសឈ្មោះ Riko Riko បានឆាតមកអេនណាប្រាប់ថា គាត់បានយកលុយកក់របស់ស្ត្រីនោះទៅចាយ និងទិញឥវ៉ាន់អស់ហើយដោយក្រុមការងារ អេនណា អត់ទទួលរួមជាមួយការបង្ហោះសារថា អេនណា អត់មានកំហុស។ តែស្រ្តីដែលជាម្ចាស់ផលិតផលមិនដឹងកំហុស បែរជាបង្ហោះឱ្យ អេនណា សហកាជាមួយគាត់ចាប់មនុស្សដែលយកលុយគាត់ចាយទៅវិញ។ ចំណុចនេះគួរធ្វើយូរហើយជាមួយគ្នាឯង មិនមែនយកមកជះលើអេនណា និងក្រុមការងារគេទេ។

ម៉្យាងវិញទៀត ស្ត្រីរូបនោះ មិនបានគិតពីកិត្តិយសរបស់ កុយ អេនណា ដែលជាស្រី្តដូចខ្លួនទេ បែរជាបានបង្ហោះមួលបង្កាច់ដោយបន្តឡាយសម្ភាសតែពីរឿងខូចខាតទឹកប្រាក់របស់ខ្លួនដែលមិនពាក់ព័ន្ធជាមួយ អេនណា ឡើយ។

ដោយហេតុនេះ រដ្ឋលេខាធិការក្រសួងកិច្ចការនារីបានបញ្ជាក់បន្ថែមថា លោកស្រីក្នុងនាមជាអាណាព្យាបាលរបស់ កុយ អេនណា ជាចាស់ទុំនឹងមិនអនុញ្ញាតិឱ្យបុគ្គលណាមកបំផ្លាញការខិតខំប្រឹងប្រែងកសាងកិត្តិយសស្នាដៃដែល អេនណា បានចូលរួមចំណែកជួយសង្គម និងប្រទេសជាតិឡើយ ហើយមេធាវីនឹងបន្តកិច្ចការនេះតាមនិតិវិធីច្បាប់៕ ចាន់រ៉ា

The post រឿងចោទ កុយ អេនណា! រដ្ឋលេខាធិការក្រសួងកិច្ចការនារី អះអាងការពារ មិនឱ្យជនណាបំផ្លាញកិត្តិយសនាងទាំងបំពានឡើយ appeared first on Kampuchea Thmey Daily.

លុះលើកបន្ទាប់ ក៏មានបុគ្គលឈ្មោះ Doctor Riko ទាក់ទងមកក្រុមការងាររបស់កញ្ញា ដោយគ្រាន់តែជជែកពីលក្ខខណ្ឌនិងតម្លៃការងារជាមួយ ហើយមិនទាន់មានការព្រមព្រៀងអ្វីឡើយ ប៉ុន្តែបែរជាម្ចាស់គណនីហ្វេកប៊ុកឈ្មោះ Makara Moum (ហេង មករា) បានផុសខ្លឹមសារថា៖ “ស្វាគមន៍អូន Koy Anna ចូលមកក្រុមហ៊ុន KM BA ថ្នាំដុសធ្មេញខ្មែរតែមួយ នឹងសាប៊ូរសង្វារ សម្រាប់អ្នកទាយត្រូវរ៉ៃមុន ទទួលបានការដូរ” ទាំងដែលកញ្ញាមិនទាន់បានចុះកិច្ចព្រមព្រៀង និងទទួលកម្រៃ ដើម្បីទទួលធ្វើការផ្សព្វផ្សាយផលិតផលនោះទេ។

យោងតាមលិខិតរបស់មេធាវី ក្នុងនាមជាអ្នកតំណាងឱ្យកញ្ញា កុយ អនណា ចុះថ្ងៃទី២០ ខែតុលា ឆ្នាំ២០២៥ បញ្ជាក់ថា ករណីបង្ហោះព័ត៌មានមិនពិតនាំឱ្យមានការភ័ន្តច្រឡំ នៅលើគណនីហ្វេកប៊ុកឈ្មោះ Makara Moum (ហេង មករា) កាលពីថ្ងៃទី១៩ ខែតុលា ឆ្នាំ២០២៥ ដែលបានធ្វើឱ្យប៉ះពាល់ដល់យ៉ាងខ្លាំងដល់កេរ្តិ៍ឈ្មោះ កិត្តិយស សេចក្ដីថ្លៃថ្នូរ ប្រជាប្រិយភាព និងការងារ របស់កញ្ញា កុយ អេនណា។

តបតាមកម្មវត្ថុ និងយោងខាងលើ មេធាវីតំណាងគូសបញ្ជាក់ដូច្នេះថា កាលពីថ្ងៃទី១៩ ខែតុលា ឆ្នាំ២០២៥ គណនីហ្វេកប៊ុកឈ្មោះ Makara Moum (ហេង មករា) បានធ្វើការផុសនូវ status ជាច្រើនដែលជាព័ត៌មានមិនពិត នាំឱ្យមហាជន និងសាធារៈជនមានការភ័ន្តច្រឡំ ហើយពិតជា ធ្វើឱ្យមានការប៉ះពាល់យ៉ាងខ្លាំងដល់កិត្តិយស សេចក្តីថ្លៃថ្នូរ ប្រជាប្រិយភាព និងការងាររបស់កូនក្តីយើងខ្ញុំ ។

ប្រភពដដែល បញ្ជាក់ថា ជាក់ស្ដែង កញ្ញា កុយ អេនណា មិនធ្លាប់ស្គាល់ ឬធ្លាប់ទំនាក់ទំនងដោយផ្ទាល់ជាមួយម្ចាស់ប្រេន MKM (Makara Moum) ប្រើប្រាស់គណនីហ្វេកប៊ុកឈ្មោះ Makara Moum (ហេង មករា) នោះទេ។

កន្លងមក នៅពេល កុយ អេនណា កំពុងបំពេញបេសកកម្មធ្វើដំណើរដោយថ្មើរជើងទៅកាន់ខេត្តសៀមរាប ក៏មានបុគ្គលម្នាក់ ដែលអះអាងថា មកពីក្រុមហ៊ុនរបស់ម្ចាស់ប្រេន MKM (Makara Moum) ស្នើសុំឱ្យបវរកញ្ញាកម្ពុជារូបនេះប្រូម៉ូតផលិតផល ពេលកំពុងធ្វើដំណើរតាមផ្លូវ ពេលនោះកញ្ញាបានឆ្លើយតបវិញថា គាត់មិនអាចប្រូម៉ូតផលិតផលណា ផ្សេងពេលកំពុងតែធ្វើដំណើរ ដើម្បីសប្បុរសធម៌បានទេ ហើយបុគ្គលនោះក៏បានប្រាប់ថានឹងទាក់ទងមក កុយ អេនណា តាមក្រោយទៀត ដើម្បីឱ្យទទួលការងារធ្វើការផ្សព្វផ្សាយផលិតផលរបស់ក្រុមហ៊ុន KM (Makara Moum)។

ក្រោយមកបុគ្គលខាងលើដែលប្រើប្រាស់តេឡេក្រាមឈ្មោះ Doctor Riko ក៏បានទាក់ទងមកក្រុមការងាររបស់ កុយ អេនណា ដោយជជែកគ្នាអំពីលក្ខខណ្ឌ និងតម្លៃការងារជាមួយ។ នៅពេលកំពុងជជែកអំពីការងារដែលមិនទាន់មានការព្រមព្រៀងនៅឡើយ ក៏ក្រុមការងាររបស់ កុយ អេនណា បានឃើញម្ចាស់គណនី ហ្វេកប៊ុកឈ្មោះ Makara Moum (ហេង មករា) បានផុសខ្លឹមសារថា៖ “ស្វាគមន៍អូន Koy Anna ចូលមកក្រុមហ៊ុន KM BA ថ្នាំដុសធ្មេញខ្មែរតែមួយ នឹងសាប៊ូរសង្វារ សម្រាប់អ្នកទាយត្រូវរ៉ៃមុន ទទួលបានការដូរ – ខាងក្រុមការងាររបស់ កុយ អេនណា ក៏បានទាក់ទងប្រាប់ទៅបុគ្គលឈ្មោះ Doctor Riko ភ្លាមៗថា សុំឱ្យម្ចាស់ប្រេនជួយលុប Status នោះវិញ ព្រោះកញ្ញាមិនទាន់បានចុះកិច្ចព្រមព្រៀង និងទទួលកម្រៃ ដើម្បីទទួលធ្វើការផ្សព្វផ្សាយផលិតផលនោះទេ។

ជាមួយគ្នានេះដែរ តាំងពីថ្ងៃដែលបុគ្គលឈ្មោះ Doctor Riko ទាក់ទងមកក្រុមការងាររបស់កញ្ញា រហូតមកដល់បច្ចុប្បន្ន កុយ អេនណា និងក្រុមការងារ ពុំដែលធ្លាប់បានទទួលប្រាក់កក់ថ្លៃទទួលធ្វើការផ្សព្វផ្សាយផលិតផលឱ្យក្រុមហ៊ុន MKM (Makara Moum) នោះទេ។

ក្នុងនោះបញ្ជាក់ទៀតថា “ចំណែកឯម្ចាស់ផលិតផលមិនបានសួរនាំក្រុមការងាររបស់ខ្លួនឱ្យបានច្បាស់លាស់ចំពោះករណីម្ចាស់ប្រេន MKM (Makara Moum) បានផ្ញើលុយថ្លៃសេវាការងារឱ្យទៅបុគ្គល ឈ្មោះ Doctor Riko ចំនួនប៉ុន្មានជារឿងរវាងពួកគាត់ មិនពាក់ព័ន្ធនឹងភាគីខាង កុយ អេនណា នោះទេ ឬក៏ម្ចាស់ប្រេន MKM (Makara Moum) អាចធ្វើការទាក់ទងមកក្រុមការងាររបស់កូនក្តីយើងខ្ញុំដោយផ្ទាល់ ដើម្បីសួរនាំអំពីបញ្ហាទាក់ ទងនឹងការងារខាងលើជាមុនសិននោះទេ បែរជាម្ចាស់ប្រេនផលិតផល MKM (Makara Moum) ដែលប្រើប្រាស់ គណនី ហ្វេកប៊ុកឈ្មោះ Makara Moum (ហេង មករា) ធ្វើការផុសខ្លឹមសារជាសាធារណៈដូចមានរៀប រាប់ខាងលើ ធ្វើឱ្យមានចូលបញ្ចេញមតិយោបល់វែកញែក (comments) និងការស៊ែរចែករំលែកជាច្រើននៅ លើបណ្តាញទំនាក់ទំនងសង្គមហ្វេកប៊ុក (Facebook) ធ្វើឱ្យប៉ះពាល់យ៉ាងខ្លាំងដល់កេរ្តិ៍ឈ្មោះ កិត្តិយស សេចក្តីថ្លៃថ្នូរ ប្រជាប្រិយភាព និងការងាររបស់កូនក្តីយើងខ្ញុំយ៉ាងខ្លាំង ក្នុងនាមជាសិល្បៈការនី, ជាទូតសុឆន្ទៈ (Brand Ambassador) តំណាងឱ្យផលិតផលជាច្រើនក្នុងព្រះរាជាណាចក្រកម្ពុជា និងជាទូតសុឆន្ទៈរបស់ សមាគមតន្ត្រីសំនៀងជនពិការ ផងដែរ។

ហេតុនេះ ដើម្បីជៀសវាងការយល់ច្រឡំរបស់មហាជន និងសាធារណជន ដែលប្រើប្រាស់បណ្តាញទំនាក់ទំនងសង្គមហ្វេកប៊ុក (Facebook) និងបណ្តាញសង្គមនានា ក្នុងនាមជាអ្នកតំណាងដោយ អាណត្តិឱ្យ កញ្ញា កុយ អេនណា សូមធ្វើការបំភ្លឺជូនមហាជន និងសាធារណជននូវខ្លឹមសារដូចបានជម្រាបជូនខាងលើ ដើម្បីកុំមានការភ័ន្តច្រឡំមកលើកូនក្តីយើងខ្ញុំ ដែលជាបុគ្គលសុចរិត និងមានទំនួលខុសត្រូវ ខ្ពស់ចំពោះការងារ ដែលបានទទួលកន្លងមក។

មិនតែប៉ុណ្ណោះកូនក្តីយើងខ្ញុំក៏បានបំពេញសកម្មភាពសប្បុរស ជាច្រើនដើម្បីជួយសង្គមជាតិផងដែរ។ កូនក្តីយើងខ្ញុំក៏រក្សាសិទ្ធិក្នុងការចាត់វិធានការចំពោះបុគ្គលដែលបាន បរិហារកេរ្តិ៍របស់កូនក្តីយើងខ្ញុំ តាមផ្លូវច្បាប់៕

The post អេនណា មិនបានទទួលលុយមួយរៀលណា ឬព្រមព្រៀងលក្ខខណ្ឌណាមួយឡើយ នឹងឈ្មោះ Makara Moum appeared first on Kampuchea Thmey Daily.

ថ្លែងក្នុងកម្មវិធីទស្សនកិច្ច និងប្រគល់មូលនិធិថ្មើរជើងសប្បុរសធម៌ នៅសមាគមតន្ត្រីសំនៀងជនពិការ ក្រោមប្រធានបទ ដើរដើម្បីផ្តល់ក្តីសង្ឃឹមដល់កុមារ និងជនមានពិការភាពកម្ពុជាកាលពីរសៀលថ្ងៃទី១៦តុលា លោកស្រី ញ៉ែម មរកត រដ្ឋលេខាធិការក្រសួងកិច្ចការនារី និងជាប្រធានកិត្តិយសសមាគមតន្រ្តីសំនៀងជនពិការ បានថ្លែងថា «ខ្ញុំសូមស្ញើចសសើរ មែនទែន ចំពោះវីរភាពរបស់ អេនណា។ ខ្លួនជាស្ត្រីមានរូបសម្បត្តិស្រស់ស្អាតដែលបានបង្កើតនូវគោលដៅមួយនៅក្នុងការចូលរួមផ្ដល់នូវការលើកទឹកចិត្តដល់បងប្អូនជនមានពិការភាព ហើយជាពិសេសក៏ភ្ជាប់ជាមួយនឹងទេសចរណ៍ និងវប្បធម៌ ដែលបានផ្សព្វផ្សាយនៅក្នុងប្រទេសរបស់យើង»។

លោកស្រីបានបន្តថា សកម្មភាពរបស់ អេនណា គឺជាសក្តានុពលមួយ និងជាគោលដៅមួយរបស់ក្រសួងកិច្ចការនារីឲ្យស្ត្រី និងក្មេងស្រី ធ្វើការតស៊ូដើម្បីក្លាយខ្លួនទៅជាថ្នាក់ដឹកនាំ និងជាបុគ្គលម្នាក់ដែលផ្ដល់ផលប្រយោជន៍ដល់សង្គម។សកម្មភាពរបស់អេនណា បានផ្ដល់ទៅជាគំរូដល់យុវជនយុវតីនៅក្នុងប្រទេសកម្ពុជាយើងត្រូវរៀបចំខ្លួនថា តើយើងត្រូវធ្វើយ៉ាងម៉េចដើម្បីសង្គមជាតិរបស់យើង។ អេនណា បានផ្សព្វផ្សាយ និងលើកទឹកចិត្តពីបញ្ហាពីការភាព ដល់បងប្អូនប្រជាពលរដ្ឋបានយល់ដឹង កាត់បន្ថយនូវការរើសអើង ហើយក៏ដូចជាជួយផ្សព្វផ្សាយទៅលើទេសចរណ៍វប្បធម៌។

លោក ចាប តូ អនុរដ្ឋលេខាធិការក្រសួងសង្គមកិច្ចអតីតយុវជនយុវនីតិសម្បទា និងជាប្រធានសមាគមតន្ត្រីសំនៀងជនពិការ បានទទួលស្វាគមន៍វត្តមានកញ្ញា កុយ អេនណា ដែលបានព្យាយាមលះបង់ពេលវេលាទាំងយប់ទាំងថ្ងៃជួបនឹងរដូវព្យុះភ្លៀង បានដើរថ្មើជើងពីរាជធានីភ្នំពេញទៅខេត្តសៀមរាបចម្ងាយ ៣១៥គីឡូម៉ែត្រក្នុងរយៈពេល១៩ថ្ងៃ ដើម្បីរៃអង្គាសថវិកាជួយដល់កុមារ និងជនមានពិការភាពនៅក្នុងប្រទេសកម្ពុជា។

លោក ចាប តូ បានបន្តទៀតថា កញ្ញា អេន ណា បានរៃអង្គាសថវិកាពីសប្បុរសជនពីបងប្អូនប្រជាពលរដ្ឋ ដើម្បីសម្រាប់​ជួយឧបត្ថម្ភគាំទ្រនៅតាមសមាគម និងអង្គការមួយចំនួន នៅពេលខាងមុខនេះ។ ក្រសួងសង្គមកិច្ចអតីតយុទ្ធជន និងយុវនីតិសម្បទា ដោយមានការយកចិត្តទុកដាក់ដ៏ខ្ពង់ខ្ពស់ពីលោករដ្ឋមន្ត្រី ជា សុមេធី បានចេញនូវលិខិតកោតសរសើរ ដល់កញ្ញា កុយ អេនណា ដែលបានលះបង់ពេលវេលាដ៏មានតម្លៃផ្សព្វផ្សាយលើវិស័យពិការភាព ធ្វើយ៉ាងណាដើម្បីកុំឲ្យប្រជាពលរដ្ឋមួយចំនួនមានការរើសអើងជនមានពិការភាព ជាពិសេសផ្សព្វផ្សាយទៅដល់ពិភពលោកទាំងអស់ បានដឹងថា ជនមានពិការភាពក៏មានសមត្ថភាព ក៏មានគំនិតនូវការគិតក៏មាននៅឆន្ទៈនានា និងទទួលបាននូវឱកាសការងារផ្សេងៗ ពីប្រមុខរាជរដ្ឋាភិបាល និងពីអង្គការសង្គមស៊ីវិលផងដែរ។

កញ្ញា កុយ អេនណា បានលើកឡើងថា «ដោយមានការមើលឃើញពីជនពិការមានការខ្វះខាតច្រើនមែនទែន ហើយពុកម៉ែបងប្អូនមួយចំនួនពួកគាត់បានដឹងឮ ប៉ុន្តែពួកគាត់បាត់បង់នូវការយកចិត្តទុកដាក់ចំពោះជនពិការ ដូចគ្នានេះហើយទើបខ្ញុំយល់ឃើញថា ជនពិការគាត់គឺជាមនុស្សដូចគ្នា មានបេះដូងមានអារម្មណ៍ ពួកគាត់ត្រូវការការស្រឡាញ់ពី​ពុកម៉ែបងប្អូន ទើបបានជាខ្ញុំបង្កើតនូវយុទ្ធនាការដើរដោយក្តីសង្ឃឹមដើរដើម្បីទេសចរណ៍បូករួមក្នុងការជួយទៅដល់ជនពិការផងដែរ ក្នុងការប្រមូលនូវមូលនិធិទាំងអស់ជួយជួយដល់ពួកគាត់ ហើយមូលនិធិចំនួនជាង១២ម៉ឺនដុល្លារនេះ ពិតជាច្រើនលើសលប់ ហើយនាងខ្ញុំនឹងធ្វើឲ្យបានច្រើនឲ្យបានទូលំទូលាយនៅក្នុងប្រទេសយើងតែម្ដង»។

គួរបញ្ជាក់ថា នៅក្នុងកម្មវិធីទស្សនកិច្ច និងប្រគល់មូលនិធិថ្មើរជើងសប្បុរសធម៌កញ្ញា កុយ អេនណា បវរកញ្ញាមហាជនបានផ្តល់ប្រាក់ចំនួន ១៥០០០ដុល្លារ ដល់សមាគមតន្ត្រីសំនៀងជនពិការសម្រាប់ប្រើប្រាស់ជួយដល់បងប្អូនជនពិការ៕

អត្ថបទ៖ សំអឿន

The post មន្ត្រីជាន់ខ្ពស់កិច្ចការនារី ចាត់ទុកសកម្មភាពរបស់កញ្ញ កុយ អេនណា ជាគំរូដ៏ល្អសម្រាប់ស្ត្រី និងក្មេងស្រីកម្ពុជា appeared first on Kampuchea Thmey Daily.

សកម្មភាពជួយសង្គមតាមរយៈការដើរជាង ៣០០គីឡូម៉ែត្រ គឺធ្វើឡើងក្នុងគោលបំណងដើម្បីលើកទឹកចិត្ត និងជួយដល់ជនមានពិការភាព ក៏ដូចជាជំនះការតស៊ូរបស់ខ្លួនឯងផង។ ខណៈការជំរុញឱ្យមានគំនិតផ្តួចផ្តើមនេះឡើង ក៏ព្រោះតែ កញ្ញា កុយ អេនណា បានមើលឃើញទុក្ខលំបាករបស់ជនមានពិការភាពជាក់ស្តែង ខណៈដែលពួកគាត់ត្រូវការការលើកទឹកចិត្ត និងជ្រោមជ្រែងពីសង្គមខ្លាំង។

សកម្មភាពជួយសង្គមតាមរយៈការដើរជាង ៣០០គីឡូម៉ែត្រ គឺធ្វើឡើងក្នុងគោលបំណងដើម្បីលើកទឹកចិត្ត និងជួយដល់ជនមានពិការភាព ក៏ដូចជាជំនះការតស៊ូរបស់ខ្លួនឯងផង។ ខណៈការជំរុញឱ្យមានគំនិតផ្តួចផ្តើមនេះឡើង ក៏ព្រោះតែ កញ្ញា កុយ អេនណា បានមើលឃើញទុក្ខលំបាករបស់ជនមានពិការភាពជាក់ស្តែង ខណៈដែលពួកគាត់ត្រូវការការលើកទឹកចិត្ត និងជ្រោមជ្រែងពីសង្គមខ្លាំង។

តាមរយៈវីដេអូជាង ១៧នាទី បវរកញ្ញាកម្ពុជារូបនេះ ក៏បានបញ្ជាក់ពីឧបសគ្គធំៗដែលខ្លួនបានឆ្លងកាត់ និងត្រូវជំនះផងដែរ។ កុយ អេនណា ថា ខ្លួនមានបញ្ហាជើងស្រាប់ ដោយគ្រាន់តែអង្គុយខុសឥរិយាបទយូរ ក៏ទៅជាហើមជើងដែរ ទម្រាំតែដើរមួយថ្ងៃប្រហែល៣០គីឡូ នោះពិតជាលំបាកសម្រាប់កញ្ញាខ្លាំង។

កញ្ញបន្ថែមថា កំឡុងពេលបំពេញបេសកកម្ម ដើរទើបតែបាន ៥ថ្ងៃ ខ្លួនធ្លាប់ចង់សម្រាកមួយថ្ងៃសិន ព្រោះដោយសារតែឈើជើងខ្លាំងទ្រាំមិនបាន និងដើម្បីសន្សំកម្លាំងបន្តដំណើរផង តែចុងក្រោយ នោះគ្រាន់ជាការគិតទុកប៉ុណ្ណោះ ដោយខ្លួននៅតែបន្តដំណើរមិនឈប់ដដែល ព្រោះគិតថា ដើរបានត្រឹមណាសម្រាកត្រឹមនោះចុះ។ ម៉្យាង ក៏ដោយសារកម្លាំងចិត្តពីសាធារណជនតាមបណ្តោយផ្លូវធ្វើដំណើរផង ទើបធ្វើឱ្យកញ្ញាបន្តដំណើររហូតដល់គោលដៅ។

ទន្ទឹមនេះ កញ្ញាពិតជាមោទនភាពចំពោះការផ្តួចផ្តើមយុទ្ធនាការនេះ ដ្បិតអី កញ្ញាផ្ទាល់ ក៏មិននឹកស្មានថាទទួលបានការគាំទ្រពីពលរដ្ឋខ្មែរ ក្រសួងស្ថាប័ន និងក្រុមហ៊ុននានា យ៉ាងផុសផុលដូចនេះឡើយ។ កញ្ញាបញ្ជាក់ដែរថា នៅថ្ងៃទី១៦ និង១៧ តុលាសប្តាហ៍នេះដែរ ខ្លួននឹងចុះទៅជួបពលរដ្ឋអ្នកមានពិការភាពផ្ទាល់ផងដែរ។ សូមស្តាប់វីដេអូលម្អិត៖

គួររំលឹកថា បេសកកម្មថ្មើរជើងរបស់ អេនណា គឺចាប់ចេញដំណើរតាំងពីថ្ងៃទី ០៤ខែកញ្ញា និងទៅដល់គោលដៅនៅថ្ងៃទី២១ ពោលគឺប្រើពេល ១៩ថ្ងៃ ដើរឆ្លងកាត់រាជធានី-ខេត្តចំនួន ៥ ហើយបញ្ចប់គោលដៅដើររបស់ខ្លូននៅមុខប្រាសាទអង្គរវត្ត។ ខណៈគោលបំណងនៃយុទ្ធនាការនេះ គឺដើម្បីរៃអង្គាសថវិកាជួយកុមារ ​និងជនពិការ​ក្នុងមណ្ឌលខ្វះខាត ហើយទទួលបានស្វាគមន៍យ៉ាងកក់ក្តៅពីសាធារណជនខ្មែរ។

យ៉ាងណា ក្រោយបិទបញ្ចប់បេសកកម្មដើរដោយថ្មើរជើងពីភ្នំពេញ ទៅកាន់ខេត្តសៀមរាប ក្រោមប្រធានបទ “ដើរដោយក្តីសង្ឃឹម ដើរដើម្បីទេសចរណ៍” កញ្ញា កុយ អេនណា ក៏បានរួមចំណែកផ្សព្វផ្សាយតំបន់សក្តានុពលទេសចរណ៍ដ៏ទាក់ទាញក្នុងទឹកដីខេត្តសៀមរាប និងផ្សព្វផ្សាយវប្បធម៌ផងដែរ តាមរយៈការបង្ហាញខ្លួនក្នុងឈុតប្រណិតរបស់ជាតិ។

មិនតែប៉ុណ្ណោះ កាលពីដើមខែតុលានេះ កញ្ញារួមជាមួយនឹងសិល្បករសិល្បការិនីជាច្រើនរូបទៀត ក៏បានចូលរួមផងដែរក្នុងការយុទ្ធនាការប្រគុំតន្ត្រីសប្បុរសធម៌ ដើម្បីរៃអង្គាសថវិកាទ្រទ្រស់ដល់កងទ័ព និងពលរដ្ឋភៀសសឹកកម្ពុជា នៅកូរ៉េខាងត្បូង៕

The post កុយ អេនណា ប្រកាសថា យុទ្ធនាការថ្មើរជើងជាង៣០០គីឡូម៉ែត្ររបស់ខ្លួន រៃអង្គាសបានជាង ១២មុឺនដុល្លារ appeared first on Kampuchea Thmey Daily.

បវរកញ្ញាកម្ពុជារូបនេះ អះអាងថា ខ្លួននឹងនាំយកមូនិធិដែលទទួលបានពីការបរិច្ចាគរបស់សប្បុរសជន ក្នុងអំឡុងពេលបេសកកម្មដំណើរថ្មើរជើងនេះដែរ ទៅឧបត្ថម្ភជួយដល់ជនមានពិការភាព។

កុយ អេនណា ថា “ការយឺតយ៉ាវនៃការចុះសួរសុខទុក្ខជនមានពិការភាពក៏ដូចជាក្មេងៗនេះដែរ ក៏ព្រោះតែថ្មីៗ ខ្លួនបានចាកចេញពីកម្ពុជាទៅទឹកដីប្រទេសកូរ៉េ រួមជាមួយសិល្បករសិល្បការិនី ក្នុងគោលបំណងធំតាមរយ:ការប្រគុំតន្ត្រីទ្រទ្រង់ដល់វីរ:កងទ័ពដើម្បីរៃអង្គាសថវិកាសប្បុរសជនជួយដល់កងទ័ពជួរមុខ និងពលរដ្ឋភៀសសឹកនៅតាមខេត្តព្រំដែនកម្ពុជា។

ទន្ទឹមនេះ កញ្ញា កុយ អេនណា ក៏បានអំពាវនាវឱ្យសាធារណជនខ្មែរទាំងអស់ ចូលរួមនឹងសកម្មភាពនេះ ក្នុងស្មាតីលើកកម្ពស់ការគាំទ្រដល់ជនមានពិការភាពនៅកម្ពុជា និងបញ្ឈប់ការរើសអើងដល់ជនពិការគ្រប់រូបភាព៕ ចាន់រ៉ា

The post កុយ អេនណា ស្នើរួមគ្នាលើកកម្ពស់ជនមានពិការភាព និងបញ្ឈប់ការរើសអើងជនពិការគ្រប់រូបភាព appeared first on Kampuchea Thmey Daily.