យោងតាមសេចក្តីប្រកាសរបស់ក្រសួង ករណីវិជ្ជមាននេះ ត្រូវបានរកឃើញ កាលពីថ្ងៃទី១៨ ខែឧសភា ដូច្នេះ ពលរដ្ឋ ត្រូវយកចិត្តទុកដាក់ បង្ការការចម្លងជំងឺកូវីដ-១៩ គ្រប់ទម្រង់។

ទន្ទឹមនឹងការរកឃើញនៅកម្ពុជា, NB.1.8.1 កំពុងវាយលុកខ្លាំងនៅប្រទេសអាស៊ីអាគ្នេយ៍ ចំនួន ២ទៀត ដូចជា សិង្ហបុរី និងថៃ ជាពិសេសសិង្ហបុរីតែម្តង ដែលវាកំពុងបង្កការឆ្លង យ៉ាងរីករាលដាល។

ក្នុងពេលមួយសប្តាហ៍ បើគិតចាប់ពីថ្ងៃទី១០ ដល់ទី១៦ ខែឧសភា, មជ្ឈមណ្ឌលគ្រប់គ្រង និងបង្ការជំងឺសិង្ហបុរី បានរាយការណ៍ ពីការឆ្លងជំងឺកូវីដ-១៩ថ្មី ប្រមាណ ១២ ៧០០ករណី ពោលគឺកើនឡើង ដល់ទៅ៥៩% បើធៀបនឹងសប្តាហ៍មុននោះទៀត ដែលមានការឆ្លងត្រឹម ៨ ០០០ករណី។

ក្នុងអំឡុងពេលនោះដែរ ជាមធ្យម មានអ្នកជំងឺកើនឡើង ពី ៥៦ ដល់ ៧៣នាក់ ដែលតម្រូវឲ្យចូលព្យាបាល នៅមន្ទីរពេទ្យក្នុងមួយថ្ងៃ ខណៈជាមធ្យម ក្នុងមួយថ្ងៃ មានអ្នកជំងឺ ម្នាក់ ត្រូវសង្គ្រោះបន្ទាន់។

ចំណែកថៃវិញ! បើគិតចាប់តាំងពីដើមឆ្នាំនេះ មកដល់ថ្ងៃទី២៣ ខែឧសភា មានករណីឆ្លងជំងឺកូវីដ-១៩ សរុប ៣ ៦៤២ករណី ហើយអ្វីដែលគួរឲ្យបារម្ភគឺថា ក្នុងចំណោមនោះ មាន ៥០.៩៥% ដែលជំរុញដោយវីរុសបំប្លែងថ្មី NB.1.8.1។

យោងតាមភ្នាក់ងារតាមដានជំងឺឆ្លងថៃ, ក៏មានមនុស្សម្នាក់ បាត់បង់ជីវិតផងដែរ ដោយសារជំងឺនេះ ខណៈអ្នកឆ្លង ភាគច្រើនមានអាយុចន្លោះ ៣០-៣៥ឆ្នាំ។

សូមជម្រាបថា បើយោងតាមក្រសួងសុខាភិបាលកម្ពុជា វីរុសបំប្លែងថ្មី NB.1.8.1 គឺជាពូជកូនចៅ ដែលវិវត្ត ចេញពីពូជអូមីក្រុង ខ្សែស្រឡាយ JN.1។

នៅថ្ងៃទី២៣ ខែឧសភា ឆ្នាំ២០២៥ អង្គការសុខភាពពិភពលោក (WHO) បានចាត់ថ្នាក់វីរុសនេះ ជា «វីរុសបំប្លែងខ្លួន ដែលស្ថិតក្រោមការតាមដាន» បន្ទាប់ពីសង្កេតឃើញ ការកើនឡើងយ៉ាងឆាប់ ពីទិន្នន័យវិភាគលម្អិតហ្សែន នៅលើសកលលោក៕

អត្ថបទ៖ សុខ សុវណ្ណ

The post ២ប្រទេស នៅអាស៊ីអាគ្នេយ៍ កំពុងត្រូវកូវីដបំប្លែងខ្លួន NB.1.8.1 វាយលុកខ្លាំង  appeared first on Kampuchea Thmey Daily.

នាយកដ្ឋាន​ប្រយុទ្ធ​នឹង​ជំងឺ​ឆ្លង​បាន​បង្ហោះ​លើ​ហ្វេសបុក​ផេក​ផ្លូវ​ការ​នៅ​រសៀល​ថ្ងៃ​ទី​២៣ ខែ​ឧសភា​នេះ​ថា «មិន​មាន​ភស្ភុតាង»​បង្ហាញ​ថា​មេរោគ​កូវីដ​បំប្លែង​ថ្មី​នេះ​មាន​ភាព​ធ្ងន់ធ្ងរ​កើន​ឡើង​ទេ។ រោគសញ្ញា​នៃ​វីរុស​បំប្លែង​ថ្មី​នេះ​មាន​លក្ខណៈ​ធម្មតា​ដូច​ជា​គ្រុន​ក្ដៅ ក្អក​ ឈឺ​បំពង់ក ហៀរ​សំបោរ អស់​កម្លាំង​។

​នាយក​ដ្ឋាន​បាន​សរសេរ​បញ្ជាក់​ថា៖ «ករណី​ភាគ​ច្រើន​មាន​លក្ខណៈ​ស្រាល​។ វ៉ាក់សាំង​ Covid-19 នៅ​តែ​មាន​ប្រសិទ្ធ​ភាព​បង្ហារ​ជំងឺ​ធ្ងន់ធ្ងរ​។ ហានិភ័យ​សុខភាព​សាធារណៈ​ទូទៅ​ត្រូវ​បាន​វាយ​តម្លៃ​ថា​ទាប»។

បើ​តាម​ CDC មេរោគ​កូវីដ​បំប្លែង​ថ្មី​ NB.1.8.1 ឬNimbus នេះ​គឺ​ជា​វីរុស​រង​នៃ​ Omicron SARS-CoV-2 ជា​ប្រភេទ​វីរុស​ក្រោម​ការ​ត្រួត​ពិនិត្យ​ចាត់​ថ្នាក់​ដោយ​អង្គការ​សុខភាព​ពិភព​លោក​កាល​ពី​ខែ​ឧសភា ឆ្នាំ​២០២៥​មក​ម្លេះ។

ការ​ភ្ជាក់​ផ្អើល​នៃ​ការ​ឆ្លង​កូវីដ​១៩​បំប្លែង​ថ្មី​កំពុង​កើត​ឡើង​នៅ​ប្រទេស​សឹង្ហបុរី​ ដែល​មាន​មនុស្ស​ជិត​ ១៣ ០០០នាក់​បាន​ឆ្លង​ក្នុង​រយៈ​ពេល​មួយ​សប្ដាហ៍​ប៉ុណ្ណោះ​។ យ៉ាងណា​ក្ដីអាជ្ញាធរសុខាភិបាលសិង្ហបុរី បានច្រានចោលភាពធ្ងន់ធ្ងរ នៃការរីករាលដាលនេះ ហើយប្រកាសឲ្យពលរដ្ឋ កុំភ័យស្លន់ស្លោ ព្រោះស្ថានការណ៍ ស្ថិតក្រោមការគ្រប់គ្រងបានយ៉ាងល្អប្រសើរ៕

អត្ថបទដោយ ហ៊ុន សិរីវឌ្ឍន៍

The post នាយកដ្ឋាន​ប្រយុទ្ធ​ជំងឺ​ឆ្លង​បញ្ជាក់​ថា​វ៉ាក់សាំង​កូវីដ​១៩​នៅ​តែ​មាន​ប្រសិទ្ធ​ភាព​ទប់ទល់នឹង​​កូវីដ​បំប្លែង​ថ្មី appeared first on Kampuchea Thmey Daily.

ក្នុងពេលមួយសប្តាហ៍ បើគិតចាប់ពីថ្ងៃទី១០ ដល់ទី១៦, សិង្ហបុរី បានរាយការណ៍ ពីការឆ្លងជំងឺកូវីដ-១៩ថ្មី ប្រមាណ ១២ ៧០០ករណី ពោលគឺកើនឡើង ដល់ទៅ៥៩% បើធៀបនឹងសប្តាហ៍មុននោះទៀត ដែលមានការឆ្លងត្រឹម ៨ ០០០ករណី។

ក្នុងអំឡុងពេលនោះដែរ ជាមធ្យម មានអ្នកជំងឺកើនឡើង ពី ៥៦ ដល់ ៧៣នាក់ ដែលតម្រូវឲ្យចូលព្យាបាល នៅមន្ទីរពេទ្យក្នុងមួយថ្ងៃ ខណៈជាមធ្យម ក្នុងមួយថ្ងៃ មានអ្នកជំងឺ ម្នាក់ ត្រូវសង្គ្រោះបន្ទាន់។

មជ្ឈមណ្ឌលគ្រប់គ្រង និងបង្ការជំងឺសិង្ហបុរី (CDA) បានបញ្ជាក់កាលពីថ្ងៃសុក្រ ទី២២ ខែឧសភា ឆ្នាំ២០២៦ថា ការផ្ទុះឆ្លងដ៏ខ្លាំងនេះ គឺបណ្តាលមកពីកូវីដពូជបំប្លែងថ្មី NB.1.8.1 ដែលមានសមត្ថភាព បុកទម្លុះប្រព័ន្ធភាពស៊ាំ។

ទោះបីជាយ៉ាងណាក៏ដោយ អាជ្ញាធរសុខាភិបាលសិង្ហបុរី បានច្រានចោលភាពធ្ងន់ធ្ងរ នៃការរីករាលដាលនេះ ហើយប្រកាសឲ្យពលរដ្ឋ កុំភ័យស្លន់ស្លោ ព្រោះស្ថានការណ៍ ស្ថិតក្រោមការគ្រប់គ្រងបានយ៉ាងល្អប្រសើរ។

សូមជម្រាបថា រោគសញ្ញាពូជថ្មីនេះ ក៏មិនខុសពីកូវីដជំនាន់មុនៗដែរ ដោយវាចេញអាការៈដូចជា៖ ក្ដៅខ្លួនស្ទិញៗ ឬក្ដៅខ្លាំង ឈឺបំពង់ក ក្អកស្ងួត ហៀរសំបោរ តឹងច្រមុះ អស់កម្លាំង ឈឺក្បាល និងឈឺសាច់ដុំ។ ករណីខ្លះ អ្នកជំងឺខ្លះអាចមានអាការៈចង្អោរ ក្អួត រាគរូស ឬលែងដឹងក្លិន និងរសជាតិ៕

អត្ថបទ៖ សុខ សុវណ្ណ

The post ជំងឺកូវីដ-១៩ ពូជថ្មី កំពុងវាយលុក សិង្ហបុរី, មួយសប្តាហ៍ ឆ្លងដល់មនុស្សជិត ១៣ ០០០នាក់ appeared first on Kampuchea Thmey Daily.

ឥឡូវ ពិភពលោកកំពុងតាមដាន និងប្រុងប្រយ័ត្នចំពោះជំងឺមួយទៀត ដែលបង្កឡើងដោយ វីរុសហាន់តា ខណៈអ្នកជំនាញបរទេស ក៏ទើបតែចេញការព្រមានដែរថា កុំច្រឡំ! វីរុសហាន់តា និងជំងឺផ្តាសាយ ចេញរោគសញ្ញាស្រដៀងគ្នា ប្រយ័ត្នព្យាបាលមិនទាន់។

ដូច្នេះហើយ មានសំណួរថា តើ រវាងកូវីដ-១៩ និង វីរុសហាន់តា មួយណាកាចសាហាវជាង?

យោងតាមគេហទំព័រ Clinikk, ប្រសិនបើវាស់ទៅលើ កម្រិតគ្រោះថ្នាក់ដល់ជីវិត សម្រាប់អ្នកឆ្លង គឺ វីរុសហាន់តា កាចសាហាវជាងឆ្ងាយ។ ពោលគឺ ប្រភេទ HPS (Hantavirus Pulmonary Syndrome) ដែលរកឃើញនៅ អាមេរិក គឺមានអត្រាស្លាប់ខ្ពស់ រហូតដល់ ៣៨% ទៅ ៤០% ឯណោះ ដែលនេះមានន័យថា អ្នកឆ្លង ១០ នាក់ អាចស្លាប់ជិត ៤ នាក់ ទៅហើយ។

ចំពោះ កូវីដ-១៩ មានអត្រាស្លាប់ ទាបជាងច្រើន ពោលជាមធ្យម គឺចន្លោះពី ១% ទៅ ៣% ឬទាបជាងនេះ អាស្រ័យលើវ៉ាក់សាំង។

ដោយឡែក ប្រសិនបើវាស់ទៅលើ ការបង្កវិនាសកម្មជាសកលវិញ! កូវីដ-១៩ គឺ កាចសាហាវជាង ដោយសារ វាឆ្លងពីមនុស្សទៅមនុស្ស តាមខ្យល់ និងដំណក់ទឹកមាត់ បានយ៉ាងលឿនបំផុត ដែលបង្កជា ជំងឺរាតត្បាតសកល។

ចំណែកវីរុសហាន់តា ឆ្លងតាមរយៈ ការប៉ះពាល់ សារធាតុបញ្ចេញចោលរបស់សត្វកណ្តុរ ដូចជាលាមក ឬទឹកនោម។ ជាទូទៅ វាមិនឆ្លងពីមនុស្សទៅមនុស្សឡើយ លើកលែងតែប្រភេទកម្របំផុត នៅអាមេរិកខាងត្បូង ប៉ុណ្ណោះ។

ដូច្នេះ ជាបឋម ក្រុមអ្នកវិទ្យាសាស្រ្ត បានទាញសញ្ញាថា វាមិនទាន់ មានលទ្ធភាព រីករាលដាលពេញទីក្រុង ឬពេញពិភពលោក ដូចកូវីដបានទេ លុះត្រាតែវា​ អាចក្លាយពូជមេរោគប៉ុណ្ណោះ៕

អត្ថបទ៖ សុខ សុវណ្ណ

The post តើរវាង កូវីដ-១៩ និង វីរុសហាន់តា មួយណា កាចសាហាវជាង? appeared first on Kampuchea Thmey Daily.

តាមការផ្សាយរបស់ Thairath កាលពីថ្ងៃព្រហស្បតិ៍ទី២៦ខែមីនាឆ្នាំ២០២៦ វិទ្យាស្ថានវ៉ាក់សាំងជាតិ បានបញ្ជាក់ពីការរកឃើញនេះ ដោយអះអាងថា មេរោគនេះមានអត្រាឆ្លងខ្លាំង ហើយថៃកំពុងតាមដានយ៉ាងយកចិត្តទុកដាក់។

ទោះបីជាយ៉ាងណាក៏ដោយ ថៃមិនប្រាប់ឡើយថាតើក្នុងប្រទេសខ្លួន មានការឆ្លងប៉ុន្មានករណីហើយ ប៉ុន្តែបានអំពាវនាវដល់ពលរដ្ឋកុំទាន់ព្រួយបារម្ភនិងស្លន់ស្លោ។

សូមជម្រាបថា វីរុសកូវីដបំប្លែងខ្លួនCicada ឬ BA.3.2 កំពុងត្រូវបានអង្គការសុខភាពពិភពលោក (WHO) និងមជ្ឈមណ្ឌលគ្រប់គ្រងនិងបង្ការជំងឺអាមេរិក (CDC) តាមដានយ៉ាងយកចិត្តទុកដាក់ ខណៈបច្ចុប្បន្នវាត្រូវគេរកឃើញនៅក្នុងប្រទេសចំនួន២៣ហើយរួមមាន អូស្ត្រាលី អាល្លឺម៉ង់ និងអាមេរិក ជាដើម។

វាមានលក្ខណៈខុសប្លែកខ្លាំង ដោយវាមានការបំប្លែងខ្លួនពី ៧០ ទៅ ៧៥ កន្លែង នៅលើ Spike ប្រូតេអ៊ីន បើធៀបនឹងមេរោគបំប្លែងខ្លួនមុនៗ ហើយវាមានសមត្ថភាពអាចគេចផុតពីប្រព័ន្ធភាពស៊ាំ។

ចំពោះរោគសញ្ញា មិនខុសពីវីរុសមុនៗឡើយ, Cicada បណ្តាលឲ្យឈឺបំពង់កខ្លាំង ក្អកស្ងួត អស់កម្លាំងខ្លាំង ហៀរសំបោរ តឹងច្រមុះ ឈឺក្បាល គ្រុនក្តៅ រងាញាក់ ឈឺសាច់ដុំ និងជួនកាលមានរោគសញ្ញានៃប្រព័ន្ធរំលាយអាហារ ដូចជាចង្អោរ ឬរាក។

វីរុសនេះមិនខ្លាចវ៉ាក់សាំងឡើយ ប៉ុន្តែគេមិនទាន់រកឃើញព័ស្តុតាងថា វាបណ្តាលឲ្យអ្នកជំងឺធ្លាក់ខ្លួនឈឺធ្ងន់ឬបាត់បង់ជីវិតនោះទេ៕

អត្ថបទ៖ សុខ សុវណ្ណ

The post ថៃ រកឃើញវីរុសកូវីដបំប្លែងខ្លួនប្រភេទថ្មី Cicada ដែលឆ្លងខ្លាំង appeared first on Kampuchea Thmey Daily.

តាមការផ្សាយរបស់ Thaiger, គិតត្រឹមថ្ងៃព្រហស្បតិ៍ទី២ខែតុលា ការឆ្លងវីរុស XFG សរុបកើនឡើងដល់៣៣ករណីហើយ ដែលនេះជាការបន្ថែមបន្ទុកមួយកម្រិតទៀតដល់ថៃ ដើម្បីប្រយុទ្ធប្រឆាំងនឹងសមរភូមិសុខភាពនេះ ស្របពេលប្រជាជនខ្លួនកំពុងរងទុក្ខដោយសារគ្រោះធម្មជាតិដ៏កាចសាហាវ ស្រាប់ហើយ។

យោងតាមអង្គការសុខភាពពិភពលោក (WHO), វីរុសកូវីដបំប្លែងខ្លួន XFG ដែលគេឲ្យឈ្មោះហៅក្រៅថា Stratus បានវាយលុកខ្លាំងរួចទៅហើយនៅតាមបណ្តាប្រទេសចំនួន៣៨រួមទាំងក្នុងសហរដ្ឋអាមេរិក និងតំបន់អឺរ៉ុបផងដែរ។

XFG មានសមត្ថភាព គេចផុតពីខែលការពារនៃប្រព័ន្ធភាពស៊ាំ របស់មនុស្សមួយផ្នែក មានន័យថា អង្គបដិប្រាណដែលទទួលបានពីការចាក់វ៉ាក់សាំងឬការឆ្លងពីមុន ប្រហែលមិនអាចទប់ស្កាត់វីរុស XFG បានទាំងស្រុងទេ។ យ៉ាងណា វាមិនបង្កឲ្យអ្នកឆ្លងធ្លាក់ខ្លួនឈឺធ្ងន់ ឬឈានដល់បាត់បង់ជីវិតឡើយ។

មិនខុសពីកូវីដធម្មតាទេ រោគសញ្ញារបស់XFG មានដូចជា៖

• ក្តៅខ្លួន, រងា (ញាក់)
• ឈឺបំពង់ក
• ហៀរសំបោរ
• ឈឺក្បាល
• អស់កម្លាំង, ហេវហត់
• ចង្អោរ និង ក្អួត
• ឈឺសាច់ដុំ និង ឈឺខ្លួន
• ពិបាកដកដង្ហើម
• បាត់បង់រសជាតិ និង ក្លិន
• រាគ

អត្ថបទ៖ សុខ សុវណ្ណ

ចុចអាន៖ ការពារខ្លួន! មួយថ្ងៃ ថៃ រកឃើញអ្នកឆ្លងកូវីដ ជាង ១៨ ០០០ករណី

The post ថៃ ឆ្លងរាលដាលកូវីដប្រភេទថ្មី XFG ស្របពេលប្រជាជនកំពុងរងទុក្ខដោយទឹកជំនន់  appeared first on Kampuchea Thmey Daily.

យោងតាមការចេញផ្សាយរបស់ Asia News Network ដែលដកស្រង់របាយការណ៍របស់ក្រសួងសុខាភិបាលមីយ៉ាន់ម៉ាចាប់ពីថ្ងៃទី ៨ ដល់ថ្ងៃទី ១៥ ខែមិថុនា ករណីសង្ស័យសរុបចំនួន ២,២៨៥ នាក់ត្រូវបានធ្វើតេស្ត ហើយមនុស្ស ៥២នាក់ត្រូវបានបញ្ជាក់ថាវិជ្ជមាន ស្មើនឹង ២.២៨%នៃចំនួនអ្នកតេស្ត។

បើប្រៀបធៀបទៅនឹងសប្តាហ៍មុន ពីថ្ងៃទី ១ ដល់ថ្ងៃទី ៨ ខែមិថុនា ការធ្វើតេស្តមនុស្សចំនួន ២,១៥៤ បានរកឃើញករណីវិជ្ជមានចំនួន ៣១ ដែលស្មើនឹង ១.៤៤% នៃអ្នកដែលបានធ្វើតេស្ត។ ខណៈ ចាប់ពីថ្ងៃទី២៥ ខែឧសភា ដល់ថ្ងៃទី ១ ខែមិថុនា មានតែ ១៧ ករណីប៉ុណ្ណោះត្រូវបានរកឃើញ ដែលភាគច្រើនមកពីទីប្រជុំជននានាក្នុងតំបន់ Yangon ។

មន្ត្រីសុខាភិបាលមីយ៉ាន់ម៉ានិយាយថា ការកើនឡើងនៃករណីឆ្លងទាំងនេះបង្ហាញពីការកើតឡើងវិញបន្តិចម្តងៗនៃមេរោគកូវីដ១៩ជាថ្មី។ ទោះបីជាមិនមានការរាយការណ៍ពីការស្លាប់ក៏ដោយ ប៉ុន្តែនិន្នាការកើនឡើងបង្ហាញពីតម្រូវការសម្រាប់ការបន្តការត្រួតពិនិត្យ ការយល់ដឹងជាសាធារណៈ និងការប្រកាន់ខ្ជាប់នូវគោលការណ៍ណែនាំសុខភាពដើម្បីការពារការរីករាលដាល៕

អត្ថបទ៖ ប៊ុន សុភាព

The post ករណីឆ្លងកូវីដ១៩កើនឡើងជាលំដាប់នៅក្នុងប្រទេសមីយ៉ាន់ម៉ា appeared first on Kampuchea Thmey Daily.

ការកើនឡើងនេះត្រូវបានគេសង្កេតឃើញជាចម្បងនៅក្នុងតំបន់មេឌីទែរ៉ាណេភាគខាងកើត អាស៊ីអាគ្នេយ៍ និងតំបន់ប៉ាស៊ីហ្វិកខាងលិច។

ចំពោះសហរដ្ឋអាមេរិក ករណីឆ្លងកូវីដ១៩ថ្មី NB.1.8.1 ​បាន​ផ្ទុះ​ឡើង​នៅ​ក្នុងរដ្ឋ ដូចជា California, Washington, Virginia, និង New York។ កូវីដប្រភេទថ្មីនេះត្រូវបានចាត់ថ្នាក់ជា «ប្រភេទស្ថិតក្រោមការត្រួតពិនិត្យ» ដោយអង្គការ​សុខភាពពិភពលោក បញ្ជាក់ថា ទោះយ៉ាងណាហានិភ័យសុខភាពសកលនៅតែមានកម្រិតទាប ដោយសារវ៉ាក់សាំងបច្ចុប្បន្នត្រូវបានគេរំពឹងថា នឹងផ្តល់ការការពារ។ ក្រៅពីប្រភេទ NB.1.8.1 ដែលលេចធ្លោប្រភេទ LP.8.1 នៅតែមាន​វត្តមានកើនឡើង។

គិតត្រឹមពាក់កណ្តាលខែឧសភា មេរោគ​បំប្លែង​ថ្មី NB.1.8.1 មានចំនួនជិត​១១% នៃករណីឆ្លងជាបន្តបន្ទាប់គ្នាទូទាំងពិភពលោក។ ទោះបីជាប្រទេសមួយចំនួននៅភាគខាងលិចប៉ាស៊ីហ្វិកបានរាយការណ៍ថា មានករណីឆ្លងខ្ពស់ជាងនេះក៏ដោយ រហូតមកដល់ពេលនេះមិនទាន់មានភស្តុតាងណាមួយដែលថា ការប្រែប្រួលនេះបណ្តាលឱ្យមានជំងឺធ្ងន់ធ្ងរជាងនេះនោះទេ។

ទន្ទឹមនឹងនេះ វិធីសាស្រ្តរបស់រដ្ឋាភិបាលសហរដ្ឋអាមេរិក ចំពោះការចាក់វ៉ាក់សាំង កូវីដ១៩ កំពុងផ្លាស់ប្តូរ។ រដ្ឋមន្ត្រីសុខាភិបាលលោក Robert F. Kennedy Jr. ថ្មីៗនេះ បានប្រកាសថា ការចាក់វ៉ាក់សាំង កូវីដ១៩ មិនត្រូវបានណែនាំ​ទៀតទេឲ្យចាក់ឲ្យកុមារ និងស្ត្រីមានផ្ទៃពោះ ដែលជាវិធានការដែលបានទាក់ទាញការរិះគន់ពីអ្នកជំនាញសុខភាពសាធារណៈជាច្រើន៕

អត្ថបទ៖ ប៊ុន សុភាព

The post WHO៖ កូវីដ​បំប្លែង​ថ្មី NB.1.8.1 រួមចំណែកដល់ការកើនឡើងនៃករណីឆ្លងជាសកល appeared first on Kampuchea Thmey Daily.