ក្រុមបាល់ទាត់នារីកម្ពុជា Archives - Kampuchea Thmey Daily

ក្រុមនារីកម្ពុជា ឈរលេខ ១ ពូល B ក្រោយឈ្នះ ទីម័រខាងកើត ល្ងាចមិញ

chean virakbot — Tue, 14 Jul 2026 02:07:05 +0000

កាលពីល្ងាចថ្ងៃចន្ទ ទី១៣ ខែកក្កដា ឆ្នាំ ២០២៦ ក្រុមបាល់ទាត់ជម្រើសជាតិនារីកម្ពុជា បានឈ្នះ ក្រុមនារីទីម័រខាងកើត ដោយលទ្ធផល ៣-១ សម្រាប់ការប្រកួតវគ្គសន្សំពិន្ទុក្នុងពូល ពានរង្វាន់ AFF Women’s Cup នៅប្រទេសម៉ាឡេស៊ី។

គ្រាប់បាល់របស់ ក្រុមនារីទីម័រខាងកើត រកបានយ៉ាងលឿននៅនាទីទី២ ក្នុងវគ្គទី១ ដោយកីឡាការិនី Juleica បន្ទាប់ពីក្រុមនារីកម្ពុជាត្រៀមខ្លួនមិនទាន់បានស្រួលផង។ ទោះបីជាយ៉ាងណា ក្រោយត្រូវបានដៃគូនាំមុខ ១-០ ក្រុមនារីកម្ពុជា បានដាក់សម្ពាធយ៉ាងខ្លាំងស្ទើរទាំងស្រុងក្នុងវគ្គទី១ និងវគ្គទី២ ហើយបានបង្កើតឱកាសស៊ុតជាច្រើនលើក។

ទីបំផុត ក្រុមនារីកម្ពុជា រកបាន ៣ គ្រាប់ ដោយកីឡាការិនី ហេង សុវណ្ណមុនី នៅនាទីទី ២៩ កីឡាការិនី ឈិត សោភ័ណ្ឌ នៅនាទីទី៣៦ និងវគ្គទី២រកបាន ១ គ្រាប់ទៀតដោយកីឡាការិនី វិបុល សេរីសេដ្ឋា នៅនាទីទី ៩០+៦ ដើម្បីទទួលបានជ័យជម្នះដោយលទ្ធផល ៣-១។

សម្រាប់ជ័យជម្នះនេះ ក្រុមនារីកម្ពុជា បានកក់កៅអី ឡើងទៅកាន់វគ្គពាក់កណ្តាលផ្តាច់ព្រ័ត្រ ដោយសារពូល B មានតែ ៣ ក្រុម ទោះបីជាការប្រកួតចុងក្រោយ ទទួលបានលទ្ធផល បែបណាក៏ដោយ ហើយ ទីម័រខាងកើត បានធ្លាក់ត្រឹមនេះហើយ បន្ទាប់ពីចាញ់ ២ ប្រកួតជាប់គ្នាគឺចាញ់ ឥណ្ឌូណេស៊ី ២-០។

ក្រុមនារីកម្ពុជា មាន ៣ ពិន្ទុ ស្ថិតនៅលេខ ១ ក្នុងពូល ខណៈ ឥណ្ឌូណេស៊ី មាន ៣ ពិន្ទុដែរស្ថិតនៅលេខ ២ ដោយក្រុមទាំងពីរបានឡើងទៅកាន់វគ្គពាក់កណ្តាលផ្តាច់ព្រ័ត្រដូចគ្នា ប៉ុន្តែក្រុមទាំងពីរត្រូវប៉ះគ្នានៅថ្ងៃទី១៦ ខែកក្កដា ដើម្បីកំណត់ថា ក្រុមណាឈរលេខ ១ និងលេខ ២ សម្រាប់វគ្គពាក់កណ្តាលផ្តាច់ព្រ័ត្រ។

ចំណែកនៅពូល A មាន ៣ ក្រុមដែរ ពិតជាតឹងតែងខ្លាំងមែនទែន ដោយមាន ១ ក្រុមបានឆ្លងកាត់ ២ ប្រកួតហើយ ប៉ុន្តែមិនទាន់មានក្រុមណាបានឡើងទៅកាន់វគ្គពាក់កណ្តាលផ្តាច់ព្រ័ត្រឡើយ ដោយសារលទ្ធផលស្មើទាំងពីរប្រកួត។

ក្រុមនារីឡាវ រកបាន ២ ពិន្ទុ ស្ថិតនៅលេខ ១ ក្នុងពូល បន្ទាប់ពីស្មើក្រុមម្ចាស់ផ្ទះ ម៉ាឡេស៊ី ១-១ និងការប្រកួតទី២ ស្មើជាមួយក្រុមនារី សិង្ហបុរី ១-១ ទៀត។ ចំណែក ក្រុមនារី ម៉ាឡេស៊ី និង សិង្ហបុរី មាន ១ ពិន្ទុដូចគ្នា។ ការប្រកួតចុងក្រោយរវាង ម៉ាឡេស៊ី និង សិង្ហបុរី ទើបកាត់សេចក្តីក្រុមណាឡើងវគ្គពាក់កណ្តាលផ្តាច់ព្រ័ត្រ និងក្រុមណាត្រូវធ្លាក់។

ក្នុងករណី បញ្ចប់ទៅដោយលទ្ធផលឈ្នះចាញ់ រវាង ម៉ាឡេស៊ី និង សិង្ហបុរី ដូច្នេះក្រុមឈ្នះ ចាប់ដៃ ក្រុមនារីឡាវ ឡើងវគ្គពាក់កណ្តាលផ្តាច់ព្រ័ត្រ ប៉ុន្តែបើបញ្ចប់ដោយលទ្ធផលស្មើគ្នា នោះនឹងអាស្រ័យលើគ្រាប់បាល់ចំណេញដើម្បីកំណត់ក្រុមឡើង៕

អត្ថបទ៖ វិរបុត្រ

The post ក្រុមនារីកម្ពុជា ឈរលេខ ១ ពូល B ក្រោយឈ្នះ ទីម័រខាងកើត ល្ងាចមិញ appeared first on Kampuchea Thmey Daily.

អបអរ! ក្រុមនារីកម្ពុជា ឡើងវគ្គពាក់កណ្តាលផ្តាចព្រ័ត្រ ក្រោយឈ្នះ ទីម័រខាងកើត ៣-១

chean virakbot — Mon, 13 Jul 2026 10:44:45 +0000

ក្រុមបាល់ទាត់ជម្រើសជាតិនារីកម្ពុជា បានឡើងវគ្គពាក់កណ្តាលផ្តាច់ព្រ័ត្រ ពានរង្វាន់ AFF Women’s Cup បន្ទាប់ពីបានឈ្នះលើក្រុមនារីទីម័រខាងកើត ដោយលទ្ធផល ៣-១ នៅវគ្គសន្សំពិន្ទុក្នុងពូល។

ការប្រកួតវគ្គទី១ បើកឆាកបានត្រឹមតែ ២ នាទី ក្រុមនារីទីម័រខាងកើត បានស៊ុតចូលនាំមុខ ក្រុមនារី កម្ពុជា ១-០ ប៉ុន្តែក្រុមនារីកម្ពុជាបានវាយបក ២ គ្រាប់ដើម្បីនាំមុខ ២-១ ចប់វគ្គទី១។ សម្រាប់ការប្រកួតវគ្គទី២ ក្រុមនារីកម្ពុជារកបាន ១ គ្រាប់ទៀត។

គ្រាន់តែជ័យជម្នះលើកទី១ វគ្គសន្សំពិន្ទុក្នុងពូល ក្រុមនារី កម្ពុជា បានចាប់ដៃក្រុមនារី ឥណ្ឌូណេស៊ី បានឡើងទៅកាន់វគ្គពាក់កណ្តាលផ្តាច់ព្រ័ត្រ ដោយសារពូល B មានតែ ៣ ក្រុមប៉ុណ្ណោះ។ ចំណែកក្រុមនារីទីម័រខាងកើតបានអស់ឱកាសហើយ បន្ទាប់ពីចាញ់ពីរប្រកួតជាប់គ្នាគឺចាញ់ កម្ពុជា – និងចាញ់ ឥណ្ឌូណេស៊ី ២-០។

សម្រាប់ការប្រកួតសន្សំពិន្ទុចុងក្រោយរវាង នារីកម្ពុជា និងឥណ្ឌូណេស៊ី នៅថ្ងៃទី១៦ ខែកក្កដា ឆ្នាំ ២០២៦ គឺជាការប្រកួតដើម្បីដណ្តើមចំណាត់ថ្នាក់លេខ ១ និង លេខ ២ ក្នុងពូល សម្រាប់វគ្គខ្វែង៤ក្រុមចុងក្រោយ៕

អត្ថបទ៖ វិរបុត្រ

The post អបអរ! ក្រុមនារីកម្ពុជា ឡើងវគ្គពាក់កណ្តាលផ្តាចព្រ័ត្រ ក្រោយឈ្នះ ទីម័រខាងកើត ៣-១ appeared first on Kampuchea Thmey Daily.

ក្រុមនារីកម្ពុជា នឹងឡើងវគ្គពាក់កណ្តាលផ្តាច់ព្រ័ត្រ បើឈ្នះ ទីម័រខាងកើត រសៀលនេះ

chean virakbot — Mon, 13 Jul 2026 01:10:36 +0000

ដល់ថ្ងៃដែលក្រុមបាល់ទាត់ជម្រើសជាតិនារីកម្ពុជា ប្រកួតជាមួយ ក្រុមនារីទីម័រខាងកើត វេលាម៉ោង ៣:៤៥នាទី រសៀល ថ្ងៃទី១៣ ខែកក្កដា ឆ្នាំ ២០២៦ វគ្គសន្សំពិន្ទុក្នុងពូលពានរង្វាន់ AFF Women’s Cup នៅប្រទេសម៉ាឡេស៊ី។

ក្រុមនារីកម្ពុជា នឹងឡើងទៅកាន់វគ្គពាក់កណ្តាលផ្តាច់ព្រ័ត្រដោយស្វ័យប្រវត្តិតែម្តង ប្រសិនបើឈ្នះទីម័រខាងកើត នៅរសៀលថ្ងៃចន្ទនេះ ពីព្រោះក្រុមនារីទីម័រខាងកើត បានចាញ់ ក្រុមនារីឥណ្ឌូណេស៊ី ២-០ ខណៈនៅក្នុងពូលមានតែ ៣ ក្រុមប៉ុណ្ណោះ។ ប្រសិនបើទីម័រខាងកើត ចាញ់ ពួកគេអស់ឱកាស ហើយមានតែ កម្ពុជា និងឥណ្ឌូណេស៊ី ជាអ្នកឡើងវគ្គពាក់កណ្តាលផ្តាច់ព្រ័ត្រ។

ប្រវត្តិជួបគ្នា ៣ លើកកន្លងមក ក្រុមនារីកម្ពុជាធ្លាប់ចាញ់ ទីម័រខាងកើតឡើយពោលគឺឈ្នះទាំងអស់នៅក្នុងពានរង្វាន់ AFF Women’s Championship។ ឆ្នាំ ២០១៨ ក្រុមនារីកម្ពុជា បានឈ្នះ ១២-០, ឆ្នាំ ២០២២ បានឈ្នះ ៣-១ និងឆ្នាំ ២០២៤ បានឈ្នះ ៣-០។

សម្រាប់ការចូលរួមប្រកួតរបស់ក្រុមនារីកម្ពុជាលើកនេះមានទំនុកចិត្ត និងក្តីសង្ឃឹមខ្ពស់ក្នុងការទទួលបានលទ្ធផលល្អ បន្ទាប់ពីសិក្សាស្វែងយល់ពីដៃគូប្រកួត និងការត្រៀមខ្លួនបានល្អ។

កាលពីខែមិថុនាកន្លងទៅ ក្រុមនារីកម្ពុជា បានចេញទៅប្រកួតមិត្តភាពអន្តរជាតិនៅប្រទេសឥណ្ឌូណេស៊ីចំនួន ២ ប្រកួត គឺឈ្នះក្រុមជម្រើសជាតិនារីសិង្ហបុរី ដោយលទ្ធផល ៥-០ និងស្មើជាមួយក្រុមម្ចាស់ផ្ទះឥណ្ឌូណេស៊ី ១-១។ នេះជាការត្រៀមខ្លួនយ៉ាងល្អមុនពេលការប្រកួតផ្លូវការឈានចូលមកដល់។

ក្រុមនារីកម្ពុជា បាននាំចូលកីឡាការិនីកូនកាត់មកពីក្រៅប្រទេស ២ នាក់ទៀតគឺកីឡាការិនីខ្មែរ-កាណាដា ឈីវ សាលីណា និងកីឡាការិនីខ្មែរ-អាមេរិក សាំង រ៉ូសានហ្គីនដូលីន។ ពេលបានចូលរួមហ្វឹកហាត់ជាមួយមិត្តរួមក្រុម កីឡាការិនីទាំងពីរនាក់សុទ្ធតែរំពឹងខ្ពស់ក្នុងការឈ្នះជើងឯក។

ពានរង្វាន់ AFF Women’s Cup ឆ្នាំ ២០២៦ នេះមានក្រុមចំនួន ៦ ចូលរួមប្រកួតគឺ កម្ពុជា ឥណ្ឌូណេស៊ី ទីម័រខាងកើត សិង្ហបុរី ឡាវ និងម្ចាស់ផ្ទះ ម៉ាឡេស៊ី។ ក្នុងចំណោមក្រុមទាំងអស់នេះ បើគិតលើស្ថិតិ និងលទ្ធផលនៃការប្រកួតកន្លងមកគឺមានតែ ឥណ្ឌូណេស៊ី មានគុណភាពល្អដែលក្លាយជាគូប្រជែងធំ សម្រាប់ក្រុមនារីកម្ពុជា៕

អត្ថបទ៖ វិរបុត្រ

The post ក្រុមនារីកម្ពុជា នឹងឡើងវគ្គពាក់កណ្តាលផ្តាច់ព្រ័ត្រ បើឈ្នះ ទីម័រខាងកើត រសៀលនេះ appeared first on Kampuchea Thmey Daily.

ថ្ងៃស្អែក ក្រុមនារីកម្ពុជា ចេញទៅប្រកួតពាន AFF Women’s Cup ជាមួយក្តីសង្ឃឹមខ្ពស់

chean virakbot — Fri, 10 Jul 2026 02:58:31 +0000

ក្រុមបាល់ទាត់ជម្រើសជាតិនារីកម្ពុជា នឹងចេញដំណើរទៅប្រទេសម៉ាឡេស៊ី នៅថ្ងៃទី១១ ខែកក្កដា ឆ្នាំ ២០២៦ ដើម្បីចូលរួមប្រកួតពានរង្វាន់នារីអាស៊ានកម្រិតទី២ AFF Women’s Cup ឆ្នាំ ២០២៦។

ក្រុមនារីកម្ពុជា

សម្រាប់ការចូលរួមប្រកួតរបស់ក្រុមនារីកម្ពុជាលើកនេះពោរពេញដោយទំនុកចិត្ត និងក្តីសង្ឃឹមខ្ពស់ក្នុងការទទួលបានលទ្ធផលខ្ពស់ បន្ទាប់ពីសិក្សាស្វែងយល់ពីដៃគូប្រកួត និងការត្រៀមខ្លួនបានល្អ។

ក្រុមនារីកម្ពុជា ទទួលបានលេខ ២ កាលពីឆ្នាំ ២០២៤

ជាមួយគ្នានេះ ក្រុមនារីកម្ពុជា បាននាំចូលកីឡាការិនីកូនកាត់មកពីក្រៅប្រទេស ២ នាក់ទៀតគឺកីឡាការិនីខ្មែរ-កាណាដា ឈីវ សាលីណា និងកីឡាការិនីខ្មែរ-អាមេរិក សាំង រ៉ូសានហ្គីនដូលីន។ ពេលបានចូលរួមហ្វឹកហាត់ជាមួយមិត្តរួមក្រុម កីឡាការិនីទាំងពីរនាក់សុទ្ធតែរំពឹងខ្ពស់ក្នុងការឈ្នះជើងឯក។

ក្រុមនារីឥណ្ឌូណេស៊ី

ប្រវត្តិជួបគ្នា ៥ លើកកន្លងមក ក្រុមនារីកម្ពុជាចាញ់ ឥណ្ឌូណេស៊ី ២ លើក និងស្មើ ៣ លើក។ ក្រុមនារីកម្ពុជា បានចាញ់ ឥណ្ឌូណេស៊ី ៤-០ វគ្គសន្សំពិន្ទុក្នុងពូលពាន ASEAN Women’s Championship ឆ្នាំ ២០១៩។ ក្រុមនារីកម្ពុជា បានស្មើគ្នា ០-០ នៅវគ្គសន្សំពិន្ទុ និងចាញ់ ១-៣ វគ្គផ្តាច់ព្រ័ត្រ AFF Women’s Cup ឆ្នាំ ២០២៤។ នៅឆ្នាំ ២០២៥ ក្នុងពានរង្វាន់ ASEAN Women’s Championship ក្រុមនារីកម្ពុជា និង ឥណ្ឌូណេស៊ី បានស្មើគ្នា ១-១ ហើយការប៉ះគ្នាចុងក្រោយក្នុងជំនួបមិត្តភាពគឺស្មើគ្នា ១-១ ទៀត។

ចំណែក ទីម័រខាងកើត សិង្ហបុរី ឡាវ និង ម៉ាឡេស៊ី មិនមែនជាឧបគ្គធំសម្រាប់ក្រុមនារីកម្ពុជាឡើយ។ ផ្អែកតាមការត្រៀមខ្លួន និងបទពិសោធកន្លងមក គឺក្រុមនារីកម្ពុជាមានភាគរយខ្ពស់ឈានដល់វគ្គផ្តាច់ព្រ័ត្រ។

សូមបញ្ជាក់ថា ក្រុមនារីកម្ពុជា ស្ថិតនៅពូល B ជាមួយ ឥណ្ឌូណេស៊ី និង ទីម័រខាងកើត។ ការប្រកួតសន្សំពិន្ទុលើកទី១ ប៉ះ ទីម័រខាងកើត វេលាម៉ោង ៣:៤៥ នាទីរសៀល នៅថ្ងៃទី១៣ ខែកក្កដា និងការប្រកួតន្សំពិន្ទុ លើកទី២ ប៉ះ ឥណ្ឌូណេស៊ី វេលាម៉ោង ៣:៤៥នាទី ថ្ងៃទី១៦ ខែកក្កដា ឆ្នាំ ២០២៦។ ក្រុមលេខ ១ និង លេខ ២ នៃពូលទាំង ២ ត្រូវឡើងទៅវគ្គពាក់កណ្តាលផ្តាច់ព្រ័ត្រ៕

អត្ថបទ៖ វិរបុត្រ

The post ថ្ងៃស្អែក ក្រុមនារីកម្ពុជា ចេញទៅប្រកួតពាន AFF Women’s Cup ជាមួយក្តីសង្ឃឹមខ្ពស់ appeared first on Kampuchea Thmey Daily.

កីឡាការិនីកូនកាត់ ២ រូបរំពឹងក្រុមនារីកម្ពុជា ឈ្នះជើងឯក AFF Women’s Cup 2026

chean virakbot — Tue, 07 Jul 2026 00:30:00 +0000

ក្រុមបាល់ទាត់ជម្រើសជាតិនារីកម្ពុជា មានសមាជិកកូនកាត់ ២ នាក់សម្រាប់ការចូលរួមប្រកួតជើងឯកនារីអាស៊ានលំដាប់ទី២ AFF Women’s Cup ចាប់ពីថ្ងៃទី១០ ដល់ថ្ងៃទី២២ ខែកក្កដា ឆ្នាំ ២០២៦ នៅប្រទេសម៉ាឡេស៊ី។

កីឡាការិនី ឈីវ សាលីណា

កីឡាការិនីខ្មែរ-កាណាដា ឈីវ សាលីណា ធ្លាប់បានចូលរួមជាមួយក្រុមកីឡាការិនីបាល់ទាត់កម្ពុជាតាំងពីកីឡាស៊ីហ្គេម ឆ្នាំ ២០២៣ និងបានប្រកួតពានរង្វាន់អន្តរជាតិជាច្រើនទៀតនាប៉ុន្មានឆ្នាំចុងក្រោយ។

នៅឆ្នាំ ២០២៦នេះ សហព័ន្ធកីឡាបាល់ទាត់កម្ពុជា នាំយកកីឡាការិនីខ្មែរ-អាមេរិក សាំង រ៉ូសានហ្គីនដូលីន ដែលទើបមានអាយុ ២១ ឆ្នាំមកចូលរួមសម្រាប់ពានរង្វាន់ AFF Women’s Cup។ កីឡាការិនីដែលឪពុកជាជនជាតិខ្មែរ និងម្តាយជាជនជាតិអាមេរិកកំពុងលេងតួនាទីជាខ្សែបម្រើនៅក្រុមបាល់ទាត់សកលវិទ្យាល័យ Pacific Boxers នៅសហរដ្ឋអាមេរិក។

កីឡាការិនី សាំង រ៉ូសានហ្គីនដូលីន

នៅក្នុងបទសម្ភាស កីឡាការិនី ឈីវ សាលីណា បានលើកឡើងថា កាលពីឆ្នាំ ២០២៤ ក្រុមនារីកម្ពុជាធ្វើបានល្អរហូតឈានដល់វគ្គផ្តាច់ព្រ័ត្រ ប៉ុន្តែសំណាងមិនល្អទទួលបានត្រឹមចំណាត់ថ្នាក់លេខ ២ ក្នុងពានរង្វាន់ AFF Women’s Cup។

សាលីណា បាននិយាយថា ៖«ក្តីសង្ឃឹមរបស់ខ្ញុំខ្ពស់សម្រាប់ការប្រកួតលើកនេះ។ លើកមុន យើងទទួលបានត្រឹមលេខ ២ ហើយឥឡូវនេះសម្រាប់ខ្លួនខ្ញុំផ្ទាល់ ខ្ញុំដាក់គោលដៅយកលេខ ១។ ខ្ញុំគិតថា គ្រប់មិត្តរួមក្រុមក៏មានគោលដៅដូចខ្ញុំដែរ ដូច្នេះយើងនឹងធ្វើអ្វីៗគ្រប់យ៉ាងដើម្បីឲ្យវាកើតឡើង»។

កីឡាការិនីខ្មែរ-អាមេរិក សាំង រ៉ូសានហ្គីនដូលីន បាននិយាយថា ពិតជារីករាយណាស់ដែលបានចូលរួមជាមួយក្រុមជម្រើសជាតិនារីកម្ពុជា ពីព្រោះនេះជាសុបិនក្លាយជាការពិត។ កញ្ញាធ្លាប់បានលេងប្រទេសកម្ពុជា ២ ដងហើយ ប៉ុន្តែសម្រាប់លើកទី ៣ នេះគឺពោរពេញដោយមោទនភាព។

កញ្ញា បានលើកឡើងថា ៖«ខ្ញុំបានឮ សេលីណា បាននិយាយថា ពួកគាត់ធ្វើបានល្អកាលពីលើកមុន ប៉ុន្តែពួកគាត់បានត្រឹមលេខ ២ ដូច្នេះខ្ញុំគិតថា សម្រាប់លើកនេះ ខ្ញុំរំពឹងទទួលបានលេខ ១»។

សូមបញ្ជាក់ថា ក្រុមបាល់ទាត់នារីកម្ពុជា ស្ថិតនៅពូល B ជាមួយ ក្រុមនារីឥណ្ឌូណេស៊ី និង ទីម័រខាងកើត។ ការប្រកួតសន្សំពិន្ទុលើកទី១ ប៉ះ ក្រុមនារីទីម័រខាងកើត វេលាម៉ោង ៣:៤៥ នាទីរសៀល នៅថ្ងៃទី១៣ ខែកក្កដា និងការប្រកួតន្សំពិន្ទុ លើកទី២ ជាមួយ ក្រុមនារីឥណ្ឌូណេស៊ី វេលាម៉ោង ៣:៤៥នាទី ថ្ងៃទី១៦ ខែកក្កដា ឆ្នាំ ២០២៦៕

អត្ថបទ៖ វិរបុត្រ

The post កីឡាការិនីកូនកាត់ ២ រូបរំពឹងក្រុមនារីកម្ពុជា ឈ្នះជើងឯក AFF Women’s Cup 2026 appeared first on Kampuchea Thmey Daily.

កីឡាការិនីខ្មែរ-កាណាដា ឈីវ សាលីណា ត្រូវបានកោះហៅចូលក្រុមនារីកម្ពុជា ត្រៀមពាន AFF Women’s Cup

chean virakbot — Thu, 25 Jun 2026 05:30:00 +0000

កីឡាការិនីបាល់ទាត់ខ្មែរ-កាណាដា ឈីវ សាលីណា ត្រូវបានកោះហៅចូលរួមជាមួយក្រុមបាល់ទាត់ជម្រើសជាតិនារីកម្ពុជា ជាថ្មី ដើម្បីត្រៀមប្រកួតពានរង្វាន់ AFF Women’s Cup ឆ្នាំ ២០២៦ នៅប្រទេសម៉ាឡេស៊ី។

ឈីវ សាលីណា ថតជាមួយអ្នកគាំទ្រកាលកីឡាស៊ីហ្គេម ឆ្នាំ ២០២៣

ខ្សែការពារ ឈីវ សាលីណា ដែលកំពុងលេងឲ្យក្រុម Saint-Laurent នៅប្រទេសកាណាដាបានចូលរួមជាមួយក្រុមបាល់ទាត់នារីកម្ពុជាតាំងពីឆ្នាំ២០២៣ ក្នុងព្រឹត្តិការណ៍កីឡាស៊ីហ្គេម លើកទី៣២។ បន្តាប់មក កីឡាការិនីរូបនេះក៏ត្រូវបានកោះហៅចូលរួមប្រកួតពាន AFF Women’s Cup ឆ្នាំ ២០២៤ នៅប្រទេសឡាវ។

ជាពិសេស ឈីវ សាលីណា ក៏មានវត្តមានជាមួយក្រុមនារីកម្ពុជា ក្នុងការប្រកួតជម្រុះក្នុងពូល ពាននារីអាស៊ី AFC Women’s Asian Cup ឆ្នាំ ២០២៥ និងការប្រកួតមិត្តភាពអន្តរជាតិដែលបានឈ្នះ ក្រុមនារី កោះហ្គាំ ដោយលទ្ធផល ១-០។ ចុងក្រោយបំផុត កីឡាការិនីកម្ពុជារូបនេះបានចូលរួមប្រកួតពានរង្វាន់ AFF Women’s Championship ឆ្នាំ ២០២៥ នៅប្រទេសវៀតណាម។

ឈីវ សាលីណា ថតជាមួយអ្នកគាំទ្រ កាលកីឡាស៊ីហ្គេម ឆ្នាំ ២០២៣

ទោះបីជាយ៉ាងណា ឈីវ សាលីណា មិនបានចូលរួមជាមួយក្រុមនារីកម្ពុជា សម្រាប់ការប្រកួតមិត្តភាពអន្តរជាតិ ២ លើកចុងក្រោយដែលបានឈ្នះ សិង្ហបុរី ៥-០ និងស្មើ ឥណ្ឌូណេស៊ី ១-១ កាលពីដើមខែមិថុនា ឆ្នាំ ២០២៦ទេ។

ឈីវ សាលីណា ពេលប្រកួតជម្រុះ AFC Women’s Cup ឆ្នាំ ២០២៥

សម្រាប់ការប្រកួតពានរង្វាន់ផ្លូវការ AFF Women’s Cup នៅប្រទេសម៉ាឡេស៊ី ខ្សែការពារ ឈីវ សាលីណា មានវត្តមានជាថ្មីជាមួយក្រុមជម្រើសជាតិកម្ពុជា។ ក្រុមនារីកម្ពុជា ស្ថិតនៅពូល B ជាមួយ ឥណ្ឌូណេស៊ី និង ទីម័រខាងកើត ដែលនឹងចាប់ប្រកួតពីថ្ងៃទី១០ ដល់ទី ១៩ ខែកក្កដា ឆ្នាំ ២០២៦៕

ឈីវ សាលីណា ជាមួយមិត្តរួមក្រុម

អត្ថបទ៖ វិរបុត្រ

The post កីឡាការិនីខ្មែរ-កាណាដា ឈីវ សាលីណា ត្រូវបានកោះហៅចូលក្រុមនារីកម្ពុជា ត្រៀមពាន AFF Women’s Cup appeared first on Kampuchea Thmey Daily.

ក្រុមនារី កម្ពុជា ប៉ះ ឥណ្ឌូណេស៊ី និង ទីម័រខាងកើត ក្នុងពូល B ពាន AFF Women’s Cup 2026

chean virakbot — Mon, 22 Jun 2026 07:42:44 +0000

ក្រុមបាល់ទាត់ជម្រើសជាតិនារី កម្ពុជា ស្ថិតនៅពូល B ដែលមានក្រុមនារី ឥណ្ឌូណេស៊ី និង ក្រុមនារី ទីម័រខាងកើត ក្នុងពានរង្វាន់កម្រិតទី២ ប្រចាំតំបន់អាស៊ាន AFF Women’s Cup ឆ្នាំ ២០២៦ ខណពូល A មានម្ចាស់ផ្ទះ ម៉ាឡេស៊ី សិង្ហបុរី និង ឡាវ។

ក្រុមនារីកម្ពុជា

តាមការគ្រោងទុក ការប្រកួតពានរង្វាន់ AFF Women’s Cup ឆ្នាំ ២០២៦ ចាប់ពីថ្ងៃទី១០ ដល់ ថ្ងៃទី២២ ខែកក្កដា នៅប្រទេសម៉ាឡេស៊ី ដែលជាម្ចាស់ផ្ទះ។ ពានរង្វាន់នេះសម្រាប់ក្រុមបាល់ទាត់នារីកម្រិតទាបប្រចាំតំបន់អាស៊ាន។ ការប្រកួតនេះ ត្រូវជ្រើសរើសយក ៣ ក្រុម ដើម្បីឡើងទៅកាន់ពានរង្វាន់កម្រិតទី១គឺ AFF Women’s Championship។

ក្រុមនារីសិង្ហបុរី

កាលពីឆ្នាំ ២០២៤ ការប្រកួតនៅនប្រទេសឡាវ មាន ៦ ក្រុមដដែលនេះដែលបានចូលរួមប្រកួត ហើយក្រុមនារីឥណ្ឌូណេស៊ី បានក្លាយជាជើងឯក ខណៈក្រុមនារីកម្ពុជា ទទួលបានចំណាត់ថ្នាក់លេខ ២ និង សិង្ហបុរី លេខ ៣។ ទាំង ៣ ក្រុមនេះជាអ្នកទទួលបានកៅអីទៅប្រកួត ពានរង្វាន់កម្រិតទី១ AFF Women’s Championship ប៉ុន្តែ ក្រុមនារីសិង្ហបុរី បានដកខ្លួន ហើយជំនួសដោយក្រុមនារី ទីម័រខាងកើត ដែលចំណាត់ថ្នាក់លេខ ៤។

ក្រុមនារីសិង្ហបុរី

ផ្អែកតាមលទ្ធផលការប្រកួតចុងក្រោយ ក្រុមនារីកម្ពុជា និង ឥណ្ឌូណេស៊ី មានកម្រិតសមត្ថភាពមិនលើសគ្នាឡើយគឺជាបេក្ខភាពដែលអាចប្រជែងជើងឯក។ ចំពោះក្រុមនារី ម៉ាឡេស៊ី សិង្ហបុរី ទីម័រខាងកើត និងឡាវ មានកម្រិតគុណភាពទាបជាង។

កាលពីពេលថ្មីៗនេះ ក្រុមនារី កម្ពុជា ទើបតែបានឈ្នះ ក្រុមនារី សិង្ហបុរី ដោយលទ្ធផល ៥-០ និងស្មើគ្នាជាមួយ ក្រុមនារី ឥណ្ឌូណេស៊ី ១-១ សម្រាប់ការប្រកួតមិត្តភាពអន្តរជាតិ។

សូមបញ្ជាក់ថា រូបមន្តនៃការប្រកួតពាន AFF Women’s Cup គឺ លេខ ១ និង លេខ ២ នៃពូលទាំងពីរ ត្រូវឡើងទៅវគ្គពាក់កណ្តាលផ្តាច់ព្រ័ត្រ ហើយក្រុមលេខ ៣ នៃពូលទាំងពីរអស់ឱកាស៕

ពានរង្វាន់ AFF Women’s Championship មានក្រុមជម្រើសជាតិនារី ចំនួន ៥ កំពុងរង់ចាំគឺ

ក្រុមនារី ថៃ
ក្រុមនារី វៀតណាម
ក្រុមនារី ហ្វីលីពីន
ក្រុមនារី មីយ៉ាន់ម៉ា
ក្រុមនារី អូស្ត្រាលី

អត្ថបទ៖ វិរបុត្រ

The post ក្រុមនារី កម្ពុជា ប៉ះ ឥណ្ឌូណេស៊ី និង ទីម័រខាងកើត ក្នុងពូល B ពាន AFF Women’s Cup 2026 appeared first on Kampuchea Thmey Daily.

ក្រុមបាល់ទាត់នារីកម្ពុជា មានភារកិច្ចក្នុងពាន AFF Women’s Cup ខែក្រោយ

chean virakbot — Thu, 18 Jun 2026 02:41:00 +0000

ក្រុមបាល់ទាត់ជម្រើសជាតិនារី កម្ពុជា នឹងមានភារកិច្ចប្រកួតជើងឯកនារីអាស៊ានកម្រិតទី២ AFF Women’s Cup នៅខែកក្កដា ឆ្នាំ ២០២៦ នៅប្រទេសម៉ាឡេស៊ី។

បើតាមការផ្សាយរបស់សារព័ត៌មានសិង្ហបុរី Straitstimes ថា ពានរង្វាន់ AFF Women’s Cup ឆ្នាំ ២០២៦ ត្រូវបានប្រទេសម៉ាឡេស៊ី ទទួលធ្វើជាម្ចាស់ផ្ទះចាប់ពីថ្ងៃទី១៧ ដល់ ទី២៦ ខែកក្កដា។ នេះជាពានរង្វាន់កម្រិតទី២ សម្រាប់ក្រុមជម្រើសជាតិនារីអាស៊ានត្រូវប្រកួតប្រជែង បន្ទាប់ពីពានរង្វាន់កម្រិតទី១ AFF Women’s Championship។ ទោះបីជាយ៉ាងណា សម្រាប់ការប្រកួត ឆ្នាំ ២០២៦ នៅមិនទាន់មានព័ត៌មានលំអិតផ្លូវការឡើយ។

ពានរង្វាន់នេះទើបតែត្រូវបានរៀបចំបានមួយលើកប៉ុណ្ណោះកាលពីឆ្នាំ ២០២៤ ជាពេលដែលប្រទេសឡាវទទួលធ្វើម្ចាស់ផ្ទះ។ ពេលនោះមានក្រុមបាល់ទាត់ជម្រើសជាតិប្រចាំតំបន់អាស៊ានដែលមានចំណាត់ថ្នាក់ទាបជាងគេចូលរួមប្រកួតគឺ ម្ចាស់ផ្ទះ ឡាវ កម្ពុជា ឥណ្ឌូណេស៊ី សិង្ហបុរី ទីម័រខាងកើត និង ម៉ាឡេស៊ី។ ក្រុមនារីឥណ្ឌូណេស៊ី ជាម្ចាស់ជើងឯក ខណៈក្រុមនារីកម្ពុជាទទួលបានចំណាត់ថ្នាក់លេខ ២ និងលេខ ៣ បានទៅក្រុមនារី សិង្ហបុរី។

ការប្រកួតកាលពីឆ្នាំ ២០២៤ ត្រូវបានគេដឹងថា ក្រុមជើងឯកទទួលបានកៅអីទៅប្រកួតពានរង្វាន់កម្រិតទី១ AFF Women’s Championship ប៉ុន្តែកាលពីឆ្នាំ ២០២៥ ពានរង្វាន់កម្រិតទី១ នៅប្រទេសវៀតណាម មាន ៣ ក្រុមពីពានកម្រិតទី២ AFF Women’s Cup គឺក្រុមលេខ១ ឥណ្ឌូណេស៊ី ក្រុមលេខ២ កម្ពុជា និងក្រុមលេខ៣ ទីម័រខាងកើត បានទៅប្រកួតពានរង្វាន់កម្រិតទី១។

សម្រាប់ឆ្នាំ ២០២៦ នេះដែលប្រទេសម៉ាឡេស៊ី ទទួលធ្វើជាម្ចាស់ផ្ទះទំនងជាក្រុមនារីទាំង ៦ ដដែលត្រូវចូលរួមប្រកួតគឺ កម្ពុជា ឥណ្ឌូណេស៊ី សិង្ហបុរី ទីម័រខាងកើតម៉ាឡេស៊ី និងឡាវ។ សម្រាប់ក្រុមនារីទាំង ៦ នេះបើពិនិត្យមើលលទ្ធផលកាលពីខែមិថុនា ឆ្នាំ ២០២៦ កន្លងទៅថ្មីៗគឺ ក្រុមនារីកម្ពុជាមានកម្រិតគុណភាពរីកចម្រើនគួរឲ្យកត់សំគាល់។

ក្រុមបាល់ទាត់ជម្រើសជាតិនារីកម្ពុជា បានចេញប្រកួតមិត្តភាពអន្តរជាតិនៅក្រៅប្រទេស ២ លើកនៅក្នុងខែមិថុនានេះ។ ការប្រកួតលើកទី១ ក្រុមនារីកម្ពុជា បានយកឈ្នះ ក្រុមនារីសិង្ហបុរី ដោយលទ្ធផល ៥-០ និងការប្រកួតលើកទី២ បានស្មើនឹងក្រុមនារី ឥណ្ឌូណេស៊ី ដោយលទ្ធផល ១-១។

តាមរយៈលទ្ធផលដ៏ល្អនេះ តារាងចំណាត់ថ្នាក់ក្រុមបាល់ទាត់នារីកម្ពុជា នៅ FIFA Ranking បានល្អប្រសើរគួរឲ្យចាប់អារម្មណ៍។ មុនការប្រកួតកាលមិត្តភាពអន្តរជាតិ ២ លើក ក្រុមនារីកម្ពុជាស្ថិតនៅចំណាត់ថ្នាក់លេខ ១១៤ ក្នុងចំណោម ១៩៨ ប្រទេសទូទាំងពិភពលោក ប៉ុន្តែក្រោយចប់ការប្រកួតមិត្តភាពអន្តរជាតិតារាងចំណាត់ថ្នាក់របស់នារីកម្ពុជាល្អប្រសើរដល់ ១១៣។

អត្ថបទ៖ វិរបុត្រ

The post ក្រុមបាល់ទាត់នារីកម្ពុជា មានភារកិច្ចក្នុងពាន AFF Women’s Cup ខែក្រោយ appeared first on Kampuchea Thmey Daily.

ក្រុមបាល់ទាត់នារីកម្ពុជា Archives - Kampuchea Thmey Daily

ក្រុម​នារី​កម្ពុជា ឈរ​លេខ ១ ពូល B ក្រោយ​ឈ្នះ​ ទីម័រ​ខាងកើត ល្ងាច​មិញ

អបអរ! ក្រុម​នារី​កម្ពុជា ឡើង​វគ្គ​ពាក់​កណ្តាល​ផ្តាចព្រ័ត្រ ក្រោយ​ឈ្នះ ទីម័រ​ខាង​កើត ៣-១

ក្រុម​នារី​កម្ពុជា នឹង​ឡើង​វគ្គ​ពាក់​កណ្តាល​ផ្តាច់​ព្រ័ត្រ បើ​ឈ្នះ ទីម័រខាង​កើត រសៀល​នេះ

ថ្ងៃ​ស្អែក ក្រុម​នារី​កម្ពុជា ​ចេញ​ទៅ​ប្រកួត​ពាន AFF Women’s Cup ជា​មួយ​ក្តី​សង្ឃឹម​ខ្ពស់

កីឡាការិនី​កូន​កាត់​ ២ រូប​រំពឹង​​ក្រុម​នារី​កម្ពុជា ឈ្នះ​ជើងឯក AFF Women’s Cup 2026

កីឡាការិនី​ខ្មែរ-កាណាដា ឈីវ សាលីណា ត្រូវ​បានកោះហៅ​ចូល​ក្រុម​​នារី​កម្ពុជា ត្រៀមពាន AFF Women’s Cup

ក្រុម​នារី កម្ពុជា ប៉ះ ឥណ្ឌូណេស៊ី និង ទីម័រ​ខាង​កើត​ ក្នុង​ពូល B ពាន AFF Women’s Cup 2026

ក្រុម​បាល់ទាត់​​នារីកម្ពុជា​ មាន​ភារកិច្ច​ក្នុង​ពាន AFF Women’s Cup ខែ​ក្រោយ

ក្រុមនារីកម្ពុជា ឈរលេខ ១ ពូល B ក្រោយឈ្នះ ទីម័រខាងកើត ល្ងាចមិញ

អបអរ! ក្រុមនារីកម្ពុជា ឡើងវគ្គពាក់កណ្តាលផ្តាចព្រ័ត្រ ក្រោយឈ្នះ ទីម័រខាងកើត ៣-១

ក្រុមនារីកម្ពុជា នឹងឡើងវគ្គពាក់កណ្តាលផ្តាច់ព្រ័ត្រ បើឈ្នះ ទីម័រខាងកើត រសៀលនេះ

ថ្ងៃស្អែក ក្រុមនារីកម្ពុជា ចេញទៅប្រកួតពាន AFF Women’s Cup ជាមួយក្តីសង្ឃឹមខ្ពស់

កីឡាការិនីកូនកាត់ ២ រូបរំពឹងក្រុមនារីកម្ពុជា ឈ្នះជើងឯក AFF Women’s Cup 2026

កីឡាការិនីខ្មែរ-កាណាដា ឈីវ សាលីណា ត្រូវបានកោះហៅចូលក្រុមនារីកម្ពុជា ត្រៀមពាន AFF Women’s Cup

ក្រុមនារី កម្ពុជា ប៉ះ ឥណ្ឌូណេស៊ី និង ទីម័រខាងកើត ក្នុងពូល B ពាន AFF Women’s Cup 2026

ក្រុមបាល់ទាត់នារីកម្ពុជា មានភារកិច្ចក្នុងពាន AFF Women’s Cup ខែក្រោយ