អគ្គិភ័យនេះបានកើតឡើងនៅវេលាម៉ោង៣និង២០នាទីទៀបភ្លឺ និងប្រើរថយន្ត​ពន្លត់​អគ្គិភ័យ​អស់៤​គ្រឿងទើបអាច​គ្រប់គ្រង​បាន។ ទោះបីមិនមានអ្នកស្លាប់ឬរងរបួស ប៉ុន្តែភ្លើង​បាន​បំផ្លាញរបស់របរ​ស្ទើរតែទាំងអស់​នៅ​ក្នុង​វិហារ ។ ក្នុងនោះព្រះពុទ្ធបដិមាមួយអង្គ និងរូបសំណាកព្រះពុទ្ធបដិមាធំមួយអង្គបានរងការខូចខាតធ្ងន់ធ្ងរ។ ការ​ប៉ាន់​ស្មាន​ដំបូង​ការ​ខូច​ខាត​មាន​ចំនួនទឹកប្រាក់ប្រហែល ៣ លាន​បាត (៨ ម៉ឺន៤ពាន់ដុល្លារ)។

ប៉ូលិសសង្ស័យ​ថា អគ្គិភ័យ​នេះ​អាច​បណ្តាល​មក​ពី​ទុស្សេ​ខ្សែភ្លើង ឬ​បណ្ដាលមកពីធូប និង​ទៀន​ដែល​ឆេះ​សល់​ក្នុង​ពិធី​បុណ្យ​ពុទ្ធសាសនា​កាលពី​ថ្ងៃ​១៧ សីហា។ ទោះបីជាយ៉ាងណាក៏ដោយ មូលហេតុពិតប្រាកដ នៅតែស្ថិតក្រោមការស៊ើបអង្កេត៕

អត្ថបទ៖ ប៊ុន សុភាព

The post វិហារវត្តមួយ​ក្នុងខេត្តឈៀងម៉ៃ ប្រទេសថៃ ត្រូវភ្លើងឆេះស្ទើរគ្មានសល់ appeared first on Kampuchea Thmey Daily.

យោងតាមទិន្នន័យចុងក្រោយពីក្រុមហ៊ុន IQAir ដែលមានមូលដ្ឋាននៅប្រទេសស្វីស, គិតត្រឹមម៉ោង ១០:២៥នាទីព្រឹកថ្ងៃសុក្រទី២៥ខែតុលាឆ្នាំ២០២៤ រាជធានីថៃ បានជាប់ចំណាត់ថ្នាក់ទី១៣ជាមួយនឹងសន្ទស្សន៍គុណភាពខ្យល់ «AQI» កម្រិត១០១ ខណៈឈៀងម៉ៃ ជាប់ចំណាត់ថ្នាក់ទី៤៣ ជាមួយ AQI កម្រិត៦៦។

បើនិយាយពីសន្ទស្សន៍ AQI, កាលណាកម្រិតមានចន្លោះពី០ទៅ៥០ គឺត្រូវចាត់ទុកថាជាកម្រិតល្អ ប៉ុន្តែបើឈានដល់៤០០ទៅ៥០០ហើយនោះ វាគឺជាកម្រិតគ្រោះថ្នាក់ធ្ងន់ធ្ងរនិងគ្រោះថ្នាក់ហើយ។

ចំពោះទីក្រុងដែលមានការខ្យល់ពុលអាក្រក់ជាងគេបំផុតលើពិភពលោកគឺ ដែលី នៃប្រទេសឥណ្ឌា ពោលគឺ AQI បានឈានដល់កម្រិត ២៨៧។

បើគិតតែតំបន់អាស៊ីអាគ្នេយ៍ ទីក្រុងហាណូយនៃប្រទេសវៀតណាម គឺជាប់ចំណាត់ថ្នាក់លេខ ១ ដោយ AQI បានឈានដល់កម្រិត ១៧៤ ឯណោះ៕

អត្ថបទ៖ សុខ សុវណ្ណ

ចុចអាន៖ ទីក្រុងបាងកក នឹងត្រូវខ្យល់ពុល គ្របដណ្តប់ មួយសប្តាហ៍ពេញ

The post បាងកកនិងឈៀងម៉ៃ ជាប់ឈ្មោះក្នុងបញ្ជីទីក្រុងមានខ្យល់ពុល អាក្រក់បំផុតលើលោក appeared first on Kampuchea Thmey Daily.

រញ្ជួយដីនេះកើតឡើងនៅស្រុក San Sai ជាមួយជម្រៅ ២គីឡូម៉ែត្រ ប៉ុន្តែដោយសារវាមានកម្រិតស្រាលទោះជម្រៅរាក់បែបនេះក៏ដោយ ក៏វាមិនបង្កផលប៉ះពាល់អ្វីធ្ងន់ធ្ងរដែរ។

មិនត្រឹមប៉ុណ្ណឹង ដោយសារតែមានកម្រិតស្រាលពេក សូម្បីអ្នកស្រុកមួយចំនួនក៏មិនដឹងខ្លួនដែរថា មានរញ្ជួយដីកើតឡើង។

សូមបញ្ជាក់ថា ប្រទេសថៃ ឧស្សាហ៍កើតគ្រោះរញ្ជួយដីញឹកញាប់ដែរ ក្នុងរយៈពេលប៉ុន្មានឆ្នាំមកនេះ ប៉ុន្តែភាគច្រើនមានកម្រិតស្រាល ហើយបង្កការខូចខាតតិចតួចប៉ុណ្ណោះ ។

ការរញ្ជួយដីខ្លាំងបំផុតដែលវាយប្រហារប្រទេសថៃ គឺកើតឡើងកាលពីខែឧសភា ឆ្នាំ ២០១៤ ជាមួយកម្រិត ៦.៣ រ៉ិចទ័ ក្នុងស្រុក Mae Lao ខេត្តឈៀងម៉ៃ ដោយបានសម្លាប់មនុស្សម្នាក់ និងរបួសជាង ១០០ នាក់៕

អត្ថបទ៖ សុខ សុវណ្ណ

ចុចអាន៖ ផ្កាយដុះកន្ទុយ បង្ហាញខ្លួននៅប្រទេស ថៃ

The post ខេត្តឈៀងម៉ៃ ប្រទេសថៃ កើតរញ្ជួយដី កម្រិតស្រាល appeared first on Kampuchea Thmey Daily.

ពាក់ព័ន្ធគ្រោះធម្មជាតិនេះ អភិបាលខេត្តលោក Nirat Pongsitthithaworn បានជូនដំណឹងដល់ប្រជាពលរដ្ឋរស់នៅតាមដងទន្លេ សូមប្រញាប់ប្រញាល់ជម្លៀសខ្លួននិងនាំយកទ្រព្យសម្បត្តិព្រមទាំងយានជំនិះ ទៅកាន់ទីទួលសុវត្ថិភាព។

មិនត្រឹមប៉ុណ្ណឹង មន្ទីរពេទ្យនិងគ្លីនិកទាំងឡាយដែលស្ថិតនៅតាមមាត់ទន្លេ ក៏ត្រូវជម្លៀសអ្នកជំងឺ ទៅកាន់តំបន់សុវត្ថិភាពផងដែរ ជាវិធានការការពារជាមុន។

កាលពីថ្ងៃព្រហស្បតិ៍ ទឹកជំនន់រហ័ស បានវាយប្រហារស្រុក Mae Rim រួចទៅហើយ ខណៈនៅភូមិ Rim Nua ទឹកជំនន់បានកម្ទេចផ្ទះរាប់សិបខ្នងនិងរមណីយដ្ឋានជាច្រើនកន្លែង។

ងាកទៅខេត្តឈៀងរ៉ៃឯណោះវិញ ទឹកទន្លេ Mae Sai បានហក់ឡើងខ្លាំងនៅក្នុងស្រុក Mae Sai នាវេលាម៉ោង៩ព្រឹកថ្ងៃព្រហស្បតិ៍ បន្ទាប់ពីមានភ្លៀងធ្លាក់ខ្លាំងកាលពីថ្ងៃពុធ។ តំបន់មួយចំនួនក្នុងស្រុក Wiang Pao ក៏ត្រូវបានជន់លិចផងដែរ។

ទឹកជំនន់ក៏កើតឡើងនៅក្នុងខេត្ត Loei ផងដែរ ដោយនៅទីនោះ ភ្លៀងធ្លាក់ខ្លាំង បង្កជាទឹកជំនន់រហ័សវាយប្រហារផ្ទះប្រជាពលរដ្ឋនិងតំបន់កសិកម្មមួយចំនួន នៅក្នុងសហគមន៍ Ban Nam Chan និង Ban Kaeng Hin នៃស្រុក Wang Saphung។

ទោះបីជាយ៉ាងណាក៏ដោយ នាយកដ្ឋានឧតុនិយមថៃប្រកាសថា ភ្លៀងធ្លាក់នៅតំបន់ភាគខាងជើង ឦសាន កណ្តាល និងខាងកើត នឹងចាប់ផ្តើមធូរស្រាលនៅចុងសប្តាហ៍ ដោយសារខ្យល់ត្រជាក់ពីប្រទេសចិន បានរំកិលមកផ្នែកខាងលើនៃប្រទេសថៃ៕

អត្ថបទ៖ សុខ សុវណ្ណ

ចុចអាន៖ ឈៀងម៉ៃ កំពុងធ្ងន់ធ្ងរដោយគ្រោះទឹកជំនន់

The post ទឹកទន្លេនៅ ឈៀងម៉ៃ ឡើងដល់កម្រិតគ្រោះថ្នាក់, ជំនន់នឹងវាយប្រហារនៅចុងសប្តាហ៍នេះ appeared first on Kampuchea Thmey Daily.

យោងតាមការិយាល័យទំនាក់ទំនងសាធារណខេត្ត, គិតត្រឹមរាត្រីថ្ងៃពុធ កម្ពស់ទឹកទន្លេបានឡើងដល់ ៤.៧៥ម៉ែត្រ ដោយជន់លិចស្រុក Muang និង Chiang Dao រំខានដល់ការធ្វើដំណើរនិងជីវិតរស់នៅរបស់ប្រជាជន។

ដោយសារតែកម្ពស់ទឹកហក់ឡើងបែបនេះហើយ ទើបធ្វើឲ្យគេព្យាករថា ទឹកទន្លេមួយទៀតគឺ Mae Ngat ក៏ឡើងផុតច្រាំងដែរ ហើយបង្កការជន់លិចសហគមន៍នៅតាមដងទន្លេចាប់ពីថ្ងៃព្រហស្បតិ៍ទៅ។

ស្របពេលជាមួយគ្នានោះ អាជ្ញាធរខេត្តបានដាក់ពង្រាយម៉ាស៊ីនបូមទឹក ដើម្បីជួយបូមទឹកនៅតាមទីតាំងមួយចំនួន​ ហើយក៏បញ្ជូនមន្ត្រីឲ្យប្រចាំការជួយសង្គ្រោះពលរដ្ឋផងដែរ។

លើសពីនេះ ខេត្តបានចេញការព្រមានឲ្យពលរដ្ឋនៅភាគខាងជើង ត្រូវត្រៀមខ្លួនប្រឈមមុខជាមួយជំនន់ទឹកភ្លៀង ព្រោះ ភ្លៀងតែងតែធ្លាក់ខ្លាំងនៅពេលយប់។

អ្វីដែលគេកំពុងបារម្ភគឺថា អាងស្តុកទឹក Mae Ngat Somboon Chon កំពុងស្តុកទឹកលើកម្រិតទៅហើយពោលគឺឈានដល់ ២៧៧លានម៉ែត្រគូប ហើយប្រសិនបើស្ថានភាពមិនធូរស្រាលទេនោះ អាងនេះនឹងបើករំដោះទឹក ធ្វើឲ្យប៉ះពាល់ខ្លាំងដល់តំបន់នៅខ្សែទឹកខាងក្រោម៕

អត្ថបទ៖ សុខ សុវណ្ណ

ចុចអាន៖ ខេត្តឈៀងម៉ៃនិងឈៀងរ៉ៃ របស់ថៃ ជួបគ្រោះទឹកជំនន់ធ្ងន់ធ្ងរបំផុតក្នុងរយៈពេល៣០ឆ្នាំ

The post ឈៀងម៉ៃ កំពុងធ្ងន់ធ្ងរដោយគ្រោះទឹកជំនន់ appeared first on Kampuchea Thmey Daily.

ក្រុមជួយសង្គ្រោះកំពុងធ្វើការមិនហ៊ានសម្រាកចាប់តាំងពីយប់ថ្ងៃពុធមក បន្ទាប់ពីការបាក់ដីវាយប្រហារស្រុក ម៉ែអៃ នៃខេត្ត ឈៀងម៉ៃ ត្បិតថា ប្រតិបត្តិការត្រូវរំខានដោយភ្លៀងធ្លាក់ខ្លាំងក៏ដោយ។

ស្របពេលជាមួយគ្នានោះ នៅស្រុក ម៉ែសៃ នៃខេត្តឈៀងរ៉ៃ, ភ្លៀងធ្លាក់ខ្លាំងដូចហែកមេឃកាលពីយប់ថ្ងៃពុធ បានបណ្តាលឲ្យទឹកជន់លិចកម្ពស់២-៣ម៉ែត្រនៅតាមសហគមន៍ទាបៗ ជំរុញឲ្យប្រជាជនមួយចំនួនត្រូវឡើងលើដំបូងផ្ទះ ដើម្បីសុវត្ថិភាព។

អគ្គិសនីក៏ត្រូវកាត់ផ្តាច់ផងដែរដើម្បីការពារករណីឆក់ ហើយកងកម្លាំងបានដាក់ពង្រាយ ដើម្បីឈរជើងចាំជួយជនរងគ្រោះដោយទឹកជំនន់ ជាពិសេសនៅតាមតំបន់មានហានិភ័យខ្ពស់។

លើសពីនេះ ខេត្តឈៀងរ៉ៃ បានព្រមានដល់ពលរដ្ឋរស់នៅតាមដងទន្លេ សៃ ត្រូវតាមដានស្ថានភាពទឹកឲ្យបានដិតដល់ ហើយត្រៀមខ្លួនជម្លៀសជាបន្ទាន់ក្នុងករណីចាំបាច់។

ការព្រមាននេះកើតឡើង ក្រោយពេលប្រទេសថៃ ជូនដំណឹងដល់ប្រជាជនរស់នៅក្នុងខេត្តចំនួន៤៨ រួមទាំងរាជធានីបាងកកផងដែរ ត្រូវប្រុងប្រយ័ត្នខ្ពស់ចំពោះភ្លៀងធ្លាក់ខ្លាំងនិងទឹកជំនន់ដែលវាយប្រហារភ្លាមៗ ចាប់ពីថ្ងៃទី១៣ដល់ទី១៨ខែនេះ។

ខេត្តទាំងនោះរួមមាន Chiang Rai, Chiang Mai, Mae Hong Son, Tak, Phayao, Nan, Phrae, Uttaradit, Phitsanulok, Kamphaeng Phet, Phichit, Nakhon Sawan, Phetchabun, Loei, Nong Khai, Bueng Kan, Nakhon Phanom, Khon Kaen, Maha Sarakham, Roi-Et, Yasothon, Nakhon Ratchasima, Buri Ram, Surin, Si Sa Ket, Ubon Ratchathani, Lop Buri, Saraburi, Nakhon Nayok, Prachin Buri, Chon Buri, Rayong, Chanthaburi, Trat, Chumphon, Ranong, Phangnga, Phuket, Krabi, Surat Thani, Trang, Satun,​ បាងកកនិងខេត្តជុំវិញនេះផ្សេងទៀត៕

អត្ថបទ៖ សុខ សុវណ្ណ

ចុចអាន៖ ថៃ ព្រមានឲ្យខេត្តចំនួន៤៨ រួមទាំងរាជធានីបាងកក ត្រូវប្រយ័ត្នគ្រោះទឹកជំនន់

The post ខេត្តឈៀងម៉ៃនិងឈៀងរ៉ៃ របស់ថៃ ជួបគ្រោះទឹកជំនន់ធ្ងន់ធ្ងរបំផុតក្នុងរយៈពេល៣០ឆ្នាំ appeared first on Kampuchea Thmey Daily.

កាលពីសប្តាហ៍មុន អភិបាលរងខេត្តឈៀងម៉ៃលោក Weerapong Rithrod បានចេញសេចក្តីថ្លែងការណ៍អំពីពិធីបុណ្យឆ្នាំនេះ ដោយនិយាយថា បុណ្យសង្ក្រាន្តនឹងប្រព្រឹត្តទៅចាប់ពីថ្ងៃទី៧ដល់ថ្ងៃទី១៧ខែមេសា នៅក្នុងខេត្តភាគខាងជើងមួយនេះ។ ក្រៅពីការចូលរួមសប្បាយរីករាយឆ្នាំថ្មី ការប្រារព្ធពិធីបុណ្យសង្ក្រាន្តឈៀងម៉ៃ ក៏ជួយថែរក្សាវប្បធម៌ Lanna ក្នុងតំបន់ និងអបអរសាទរខួបលើកទី៧២៨នៃការបង្កើតទីក្រុងឈៀងម៉ៃ ផងដែរ។

លោក Weerapong និយាយថា ឆ្នាំនេះ សង្ក្រាន្តឈៀងម៉ៃ ពិតជាមានអ្វីពិសេសជាងឆ្នាំមុនៗ ព្រោះថា អង្គការយូណេស្កូទើបតែបញ្ចូលពិធីបុណ្យសង្ក្រាន្ត ទៅក្នុងបញ្ជីបេតិកភណ្ឌវប្បធម៌អរូបី ហើយឈៀងម៉ៃ ក៏ត្រូវបានក្រសួងវប្បធម៌ ជ្រើសរើសយកជាខេត្តមួយក្នុងចំណោមខេត្តទាំងប្រាំ ដែលមានការលើកកម្ពស់វប្បធម៌និងប្រពៃណី ខ្លាំងក្លាផងដែរ។

ក្រៅពីការអភិរក្សវប្បធម៌និងប្រពៃណី ពិធីបុណ្យសង្ក្រាន្តឈៀងម៉ៃ ថែមមានគោលបំណងជំរុញសេដ្ឋកិច្ច និងទេសចរណ៍របស់ខេត្តទៀតផង ហើយមន្ត្រីខាងលើបានសម្តែងក្តីសង្ឃឹមថា ភ្ញៀវទេសចរថៃ និងបរទេសរាប់លាននាក់ នឹងមកលេងខេត្តក្នុងពិធីបុណ្យនេះ។

យ៉ាងណាក្តី ដើម្បីធានាសុវត្ថិភាពប្រជាជននៅឈៀងម៉ៃ ប៉ូលិសខេត្តបានដាក់ពង្រាយមន្ត្រីចំនួន១ ៥០០នាក់ពង្រឹងតាមតំបន់ទីប្រជុំជន ខណៈមន្ត្រីចំនួន ៣ ០០០នាក់ នឹងឈរជើងទូទាំងខេត្ត។

សូមជម្រាបជាថ្មីថា ពិធីបុណ្យសង្ក្រាន្តចូលឆ្នាំថ្មីរបស់ ថៃ ត្រូវបានអង្គការយូណេស្កូ ដាក់បញ្ចូលទៅក្នុងបញ្ជីបេតិកភណ្ឌអរូបីនៃមនុស្សជាតិ កាលពីថ្ងៃពុធទី៦ខែធ្នូឆ្នាំ២០២៣ នាំឲ្យមានការអបអរសាទរទូទាំងប្រទេស។

មកដល់ថ្ងៃអង្គារទី២០ខែកុម្ភៈឆ្នាំ២០២៤, គណៈរដ្ឋមន្ត្រី​ថៃ បាន​អនុម័តកញ្ចប់​ថវិកា​ប្រមាណ ១០៤លាន​បាត (ជិត៣លានដុល្លារ) ​ពី​មូលនិធិ​កណ្តាល ដើម្បី​រៀបចំ “ពិធីបុណ្យ​មហា​សង្ក្រាន្ត​ពិភពលោក” ឲ្យអធិកអធម នៅ​ទីក្រុង​បាងកក និង​ទូទាំង​ប្រទេស​ក្នុង​ខែមេសា​ខាងមុខនេះ៕

អត្ថបទ៖ សុខ សុវណ្ណ

ចុចអាន៖ ថៃ ជះលុយជិត ៣លានដុល្លារ រៀបចំ “ពិធីបុណ្យ​មហា​សង្ក្រាន្ត​ពិភពលោក” ឲ្យអធិកអធម ប្រមូលទេសចរ

The post ត្រឹមសង្ក្រាន្តនៅឈៀងម៉ៃ ថៃរំពឹងទាញចំណូលបាន ៥៥០លានដុល្លារ appeared first on Kampuchea Thmey Daily.

គិតត្រឹមម៉ោង២រសៀល (ម៉ោងក្នុងស្រុក) សន្ទស្សន៍គុណភាពខ្យល់ (AQI) នៅ Chang Phueak នៃទីក្រុងឈៀងម៉ៃ ត្រូវបានកត់ត្រានៅកម្រិត១៨៧ ដែលជាកម្រិតមិនល្អសម្រាប់សុខភាព។ នេះបើយោងតាមការិយាល័យគ្រប់គ្រងគុណភាពខ្យល់និងសំឡេង នៃនាយកដ្ឋានគ្រប់គ្រងការបំពុលរបស់ប្រទេសថៃ។

​ស្របពេលជាមួយគ្នានោះ សាធារណជន​ ត្រូវ​បាន​ណែនាំ​ដល់ឲ្យ​តាមដាន​សុខភាពរបស់​ពួកគេ ក៏ដូចជា​កាត់បន្ថយ​សកម្មភាព​ខាងក្រៅផងដែរ ប្រសិនបើ​ពួកគេ​ពិបាក​ដកដង្ហើម ក្រហាយ​ភ្នែក ឬ​ក្អក​។

ការិយាល័យខាងលើបាននិយាយថា បុគ្គលដែលមានហានិភ័យ គួរតែចៀសវាងការហាត់ប្រាណខ្លាំង ជាពិសេសនៅខាងក្រៅ ហើយត្រូវពិគ្រោះជាមួយវេជ្ជបណ្ឌិត ប្រសិនបើរោគសញ្ញាកាន់តែអាក្រក់ទៅៗ។

តាមការបញ្ជាក់របស់ក្រុមហ៊ុន IQAir ដែលជាដៃគូបច្ចេកវិទ្យានៃកម្មវិធីបរិស្ថានរបស់អង្គការសហប្រជាជាតិ, ការបំពុលបរិយាកាសនៅឈៀងម៉ៃ គឺឈានដល់កម្រិតអាក្រក់បំផុតលើពិភពលោក។ ចំណាត់ថ្នាក់នៃការបំពុលទីក្រុងរបស់ IQAir គឺជាការយកទីក្រុងមួយទៅប្រៀបធៀបជាមួយទីក្រុងចំនួន៩៥នៅទូទាំងពិភពលោក៕

ប្រែសម្រួល៖ Vann Vann

ប្រភព៖ CNA

ចុចអាន៖ បញ្ហាកំហាប់ខ្យល់ពុលនៅបាងកក នឹងកាន់តែអាក្រក់ទៅៗ ក្នុងខែនេះ 

The post ឈៀងម៉ៃ ជាប់ឈ្មោះជាទីក្រុង មានខ្យល់ពុលអាក្រក់បំផុត លើលោក appeared first on Kampuchea Thmey Daily.