ខេត្តឈៀងម៉ៃ ប្រទេសថៃ កើតរញ្ជួយដី កម្រិតស្រាល

តាមសេក្តីរាយការណ៍របស់ Khaosod​ នៅថ្ងៃព្រហស្បតិ៍ទី១៧ខែតុលាឆ្នាំ២០២៤, ខេត្ត ឈៀងម៉ៃ ប្រទេសថៃ បានកើតមានគ្រោះរញ្ជួយដីកម្រិតស្រាល ១.១រ៉ិចទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រញ្ជួយដីនេះកើតឡើងនៅស្រុក San Sai ជាមួយជម្រៅ ២គីឡូម៉ែត្រ ប៉ុន្តែដោយសារវាមានកម្រិតស្រាលទោះជម្រៅរាក់បែបនេះក៏ដោយ ក៏វាមិនបង្កផលប៉ះពាល់អ្វីធ្ងន់ធ្ងរដែរ។

មិនត្រឹមប៉ុណ្ណឹង ដោយសារតែមានកម្រិតស្រាលពេក សូម្បីអ្នកស្រុកមួយចំនួនក៏មិនដឹងខ្លួនដែរថា មានរញ្ជួយដីកើតឡើង។

សូមបញ្ជាក់ថា ប្រទេសថៃ ឧស្សាហ៍កើតគ្រោះរញ្ជួយដីញឹកញាប់ដែរ ក្នុងរយៈពេលប៉ុន្មានឆ្នាំមកនេះ ប៉ុន្តែភាគច្រើនមានកម្រិតស្រាល ហើយបង្កការខូចខាតតិចតួចប៉ុណ្ណោះ ។

ការរញ្ជួយដីខ្លាំងបំផុតដែលវាយប្រហារប្រទេសថៃ គឺកើតឡើងកាលពីខែឧសភា ឆ្នាំ ២០១៤ ជាមួយកម្រិត ៦.៣ រ៉ិចទ័ ក្នុងស្រុក Mae Lao ខេត្តឈៀងម៉ៃ ដោយបានសម្លាប់មនុស្សម្នាក់ និងរបួសជាង ១០០ នាក់៕

អត្ថបទ៖ សុខ សុវណ្ណ

ចុចអាន៖ ផ្កាយដុះកន្ទុយ បង្ហាញខ្លួននៅប្រទេស ថៃ