គ្រប់គ្រងការងារ Archives - Kampuchea Thmey Daily

គន្លឹះធំៗ ៨ ដោះស្រាយបញ្ហា ជាមួយមេកោយគ្មានសមត្ថភាពដឹកនាំ ពូកែតែបង្គាប់បញ្ជា

សាង ស្រីល័ក្ខ — Fri, 17 Dec 2021 04:05:10 +0000

នៅ ក្នុងបរិយាកាសការងារដ៏ល្អមួយ ប្រាកដជាមានអ្នកគ្រប់គ្រងដ៏អស្ចារ្យ ឬមេកោយ ដែលជួយបុគ្គលិកក្រាមបង្គាប់ ឲ្យជោគជ័យ ហើយពួកគេក៏មានអារម្មណ៍ថា ខ្លួនគេមានតម្លៃ និងមានមនុស្សពូកែនៅ ជុំវិញខ្លួន ។

ប៉ុន្តែគ្រប់យ៉ាង មិនមែនល្អដូចរឿងនិនាននោះទេ កន្លែងការងារ ត្រូវការមនុស្សមានគំនិតច្នៃប្រឌិត រហ័ស និងលេចធ្លោលើផ្នែកណាមួយ។ កត្តាទាំងនេះ អាចនឹងមានការប៉ះទង្គិចគ្នា ក្នុងបន្ទប់ប្រជុំ ឬកន្លែងណាមួយជាយថាហេតុ។ ទោះយ៉ាងណា មិនថាមានបញ្ហាធ្ងន់ធ្ងរ ការគ្រប់គ្រងកំហឹង និងរកដំណោះស្រាយសមស្រប មិនឲ្យភាគីណាអាក់អន់ចិត្ត គឺជារឿងល្អបំផុត។

១ ត្រូវប្រាកដថា អ្នកកំពុងដោះស្រាយជាមួយចៅហ្វាយបែបនោះពិតមែន

មុននឹងព្យាយាមដាក់កំហុស លើមេកោយដែលពូកែបង្គាប់បញ្ជា បុគ្គលិកខុសម៉ោងពេល ត្រូវប្រាកដថា យើងពិតជាកំពុងដោះស្រាយបញ្ហានេះ ដោយសន្តិវិធី ។ មិនមែនយកកំហឹង ការគុំគួនគាត់ មកដាក់កំហិត មកដោះស្រាយទេ។ សាកល្បងសង្កេតមើលគាត់ពីរបីថ្ងៃសិន ហើយព្យាយាមកត់សម្គាល់ពីអ្វីដែលគាត់ធ្វើបានល្អ ធៀបនឹងការងារមិនល្អរបស់គាត់។ នៅពេលគាត់កំពុងធ្វើអ្វីមួយអាក្រក់ មិនសមជាមេយើង ព្យាយាមស្រមៃមើលហេតុផល ដែលអាចអភ័យទោសឲ្យគាត់បាន ឬគិតថា ម្ដេចក៏រឿងនេះអាចកើតឡើងបាន។ តើវាពិតជាកំហុសរបស់គាត់មែន ឬក៏ជាអ្វីដែលនៅក្រៅការគ្រប់គ្រងរបស់គាត់ ?

២ លើកទឹកចិត្តការងារចៅហ្វាយសិន

ខណៈដែលយើងដឹងពីមូលហេតុ ដែលចៅហ្វាយធ្វើរឿងនោះ ចំពោះយើង ឬយកចិត្តទុកដាក់ចំពោះរឿងនោះ វានឹងងាយឲ្យយើងឆាប់ឃើញដំណោះស្រាយលឿន ជាពិសេស យើងក៏អាចដឹងពីរចនាប័ទ្មការគ្រប់គ្រងរបស់គាត់ដែរ។ ប្រសិនបើច្បាប់គ្រប់គ្រងតឹងរ៉ឹងពេក សូមព្យាយាមស្វែងយល់ និងលើកទឹកចិត្ត គិតវិជ្ជមានចំពោះគាត់។

៣ កុំឲ្យបញ្ហាល្អក់កករមកប៉ះពាល់ការងារឲ្យសោះ

មិនថាអត្តចរិតរបស់មេកោយអាក្រក់ប៉ុនណាទេ ចូរចៀសវាង កុំឲ្យបញ្ហានោះមកប៉ះពាល់ដល់ការងារឲ្យសោះ។ ត្រូវរក្សាលក្ខខណ្ឌការងារល្អជាមួយអ្នកដឹកនាំផ្សេងទៀត នៅ ក្នុងក្រុមហ៊ុន ហើយរក្សាការងារនៅ តែល្អដូចដើម។ កុំប្រព្រឹត្តិឲ្យសោះ រឿងមកធ្វើការយឺត ខ្ជិលច្រអូសឡើងមក ប្រើសំដីមិនល្អ។ ការធ្វើដូចនោះ ដូចធ្វើបាបខ្លួនឯងទេ ព្រោះធ្លាប់តែធ្វើការខ្លាំង តែប្រែជាមនុស្សផ្សេង ដោយសារតែបញ្ហាប៉ុណ្ណឹង!

៤ រៀនកំណត់ព្រំដែនអារម្មណ៍

អ្នកណាក៏ដូចអ្នកណា កាលបើធ្វើការជាមួយមនុស្សប្រើអារម្មណ៍ហួសហេតុ ប្រាកដជាធុញថប់ លែងចង់ធ្វើការឲ្យពួកគេ។ ប៉ុន្តែមិនថាយ៉ាងណា ប្រសិនបើមានបញ្ហាបែបនេះកើតឡើងពិតមែន ចូរចាកឆ្ងាយពីមេកោយមានចរិតបែបនោះមួយពេលសិន ឬបើគាត់និយាយអីតាមតែគាត់ទៅ។ ខណៈយើងដកឃ្លាចេញពីគាត់ យើងនឹងបានធូរស្បើយ ជាងនៅតទល់នាំមានជម្លោះខ្លាំង។

៥ ឈប់សន្មតថា ចៅហ្វាយដឹងអ្វីៗទាំងអស់

ជាអ្នកគ្រប់គ្រង មិនមែនមានន័យថា គាត់មានចម្លើយត្រឹមត្រូវគ្រប់ពេលវេលា ឬដឹងឮរឿងទាំងអស់នោះទេ។ មេកោយដែលស្ថិតក្នុងមុខតំណែងជាអ្នកមានអំណាច មិនមែនមានន័យថា គាត់ដឹងគ្រប់យ៉ាងនោះទេ ។ ឈប់សន្មតតែឯង ហើយស្មានៗថា គេខុស យើងត្រូវទៅ។

៦ ដើរតួជាអ្នកដឹកនាំខ្លួនឯងម្ដង

នៅពេលយើងដោះស្រាយ ជាមួយចៅហ្វាយនាយដែលគ្មានសមត្ថភាព ជួនកាលវាជាការល្អបំផុត ក្នុងការធ្វើការសម្រេចចិត្តអំពីភាពជាអ្នកដឹកនាំដោយខ្លួនឯង។ ប្រសិនបើយើងស្គាល់ខ្លួនឯងច្បាស់ ជាងអ្នកណា វាគ្មានហេតុផលណាដែលយើងមិនអាចបង្កើត និងបន្តទិសដៅ ដែលអ្នកដឹងថា អាចសម្រេចបានលទ្ធផលល្អសម្រាប់ក្រុមហ៊ុនទាំងមូល។ ប៉ុន្តែបើទោះជាអ្នកអាចសម្រេចលើកដាក់ការងារនោះ ឲ្យចេញលទ្ធផលក៏ដោយ ក៏មិនត្រូវមើលរំលងចៅហ្វាយដែរ។ ការគោរពអោនលំទោនមេកោយ គឺជារឿងល្អ នេះក៏បង្ហាញពីការសាងពិន្ទុសម្រាប់ខ្លួនឯងដែរទៅថ្ងៃមុខដែរ។

៧ ប្រើនិចនិចនិយាយដូចគូស្នេហ៍

នៅពេលបញ្ហាកាន់តែធំ ត្រូវប្រញាប់ដោះស្រាយការមិនចុះសម្រុងនេះ ដូចជាប្ដីប្រពន្ធ ។ វិធីនេះ គឺការប្រើសំដីផ្អែមនិយាយសម្រួលគ្នា រកហេតុផល និងមិនបង្អាប់គ្នា នាំតែមានបញ្ហាធំកើតឡើងក្នុងក្រុមហ៊ុននោះទេ។

៨ ចៀសវាងចៅហ្វាយ មានអត្តចរិតបែបនេះម្ដងទៀត

ពេលសំភាសន៍ជាមួយក្រុមហ៊ុនថ្មី ត្រូវធ្វើការស្រាវជ្រាវជាមុន ដើម្បីប្រាកដថា អ្នកមិនចូលទៅ ក្នុងស្ថាប័នដដែលៗជាមួយអ្នកគ្រប់គ្រង ដែលមិនសូវមានគំនិតល្អម្ដងទៀត។

សាកល្បងរាប់អានមិត្តថ្មីៗ ដោយការញ៉ាំកាហ្វេ ឬអាហារថ្ងៃត្រង់ជាមួយបុគ្គលិកម្នាក់ ឬច្រើននាក់នៅក្រុមហ៊ុនថ្មី។ ជាក់ស្តែង គោលបំណងរបស់អ្នក គឺដើម្បីរៀនព័ត៌មានទូទៅ អំពីក្រុមហ៊ុន និងវប្បធម៌របស់គេ។ ទោះជាយ៉ាងណាក៏ដោយ សូមប្រើឱកាសនេះ ដើម្បីស្វែងយល់ឲ្យបានច្រើន អំពីចៅហ្វាយនាយដែលមានសក្តានុពល តាមដែលអាចធ្វើបាន ។ រឿងទាំងអស់នេះ មិនគួរឲ្យភ័យខ្លាច ជាជាងរត់គេច មិនរកដំណោះស្រាយល្អៗនោះទេ៕

ប្រែសម្រួល៖ សាង ស្រីល័ក្ខ

ចុចអាន៖សួរខ្លួនឯង ១០ សំណួរនេះសិន មុនសម្រេចចិត្តដើរចេញពីកន្លែងការងារសព្វថ្ងៃ

ចុចអាន៖ចរិតលក្ខណៈ ៧ យ៉ាង មេដឹកនាំឆ្នើម គួររៀនរហូតមិនចេះចប់សោះឡើយ

The post គន្លឹះធំៗ ៨ ដោះស្រាយបញ្ហា ជាមួយមេកោយគ្មានសមត្ថភាពដឹកនាំ ពូកែតែបង្គាប់បញ្ជា appeared first on Kampuchea Thmey Daily.

គន្លឹះ ៦ យ៉ាងជួយបន្ថយល្បឿនធ្វើផែនការហួសហេតុ និងជំរុញទៅមុខជានិច្ច

សាង ស្រីល័ក្ខ — Thu, 30 Sep 2021 03:48:55 +0000

គ្រប់គ្នា មិនអាចចង់បានអ្វីបានហ្នឹង តាមចិត្ត រហ័សទាន់ពេលនោះទេ។ ចង់បានលិទ្ធផលល្អ ត្រូវដើរសន្សឹមៗ កុំលឿន កុំចង់ចង់ជោគជ័យមុន ដោយមិនបានសិក្សាស្វែងយល់ពីរឿងដែលខ្លួនកំពុងធ្វើ។

ដល់ពេលបរាជ័យក៏តាំងបន្ទោសខ្លួនឯង! នេះក៏ដោយសារយើងមិនយល់មិនបានសិក្សា មិនបានដឹងថាខ្លួនកំពុងនៅឯណា ហើយធ្វើអី។

បើហត់ណាស់ តឹងតែងណាស់ ចាប់ផ្ដើមដោយការ៖

១ បន្ថយល្បឿនសិន

អ្នកជោគជ័យខ្ពស់តែងមានទំនោរធ្វើការងារដោយខ្លួនឯង រហូតច្រើនពេកហួសប្រមាណ។ ប្រសិនបើអ្នកមានអារម្មណ៍ស្ត្រេសខ្លាំងលើកាលវិភាគ សូមចំណាយពេលខ្លះ ហើយយកចិត្តទុកដាក់ចំពោះអាទិភាពរបស់អ្នកវិញម្ដង។

២ ដឹងច្បាស់ពីគុណតម្លៃ

ជំហានដំបូងមួយ ឆ្ពោះទៅរកការបង្កើតជីវិតដែលធ្វើឲ្យអ្នកសប្បាយចិត្ត គឺត្រូវយល់ពីអ្វីដែលសំខាន់បំផុតសម្រាប់អ្នក៖ គ្រួសារ? សេរីភាពហិរញ្ញវត្ថុ? ទំនាក់ទំនងជាមួយធម្មជាតិ? ធ្វើឲ្យច្បាស់អំពីគុណតម្លៃរបស់អ្នក ហើយធ្វើការពីទីនោះ។

៣ តែងតែផ្ដល់ជូន

អ្នកមិនអាចផ្គាប់ចិត្តមនុស្សគ្រប់គ្នាបានទេ ប៉ុន្តែអ្នកអាចបង្កើតទំនាក់ទំនងដែលផ្ដល់ផលប្រយោជន៍ទៅវិញទៅមក។ វាចាប់ផ្ដើមដោយសេចក្ដីសប្បុរស។ ចាត់វិធានការវាស់វែង ដើម្បីស្វាគមន៍អ្នករាល់គ្នា ដែលបានដើរចូលមករកយើង។

៤ កំណត់សញ្ញាខ្លួនឯង

អ្វីក៏ដោយដែលយើងកំពុងលក់ មិនថាជាអចលនទ្រព្យ សេវាកម្មប្រឹក្សា ឬកម្លាំងពលកម្មដោយដៃរបស់យើងទេ ។ ត្រូវដឹងច្បាស់ថា យើងពិតជាចង់ធ្វើវាសម្រាប់អ្នកណា ហើយហេតុអ្វី។ កំណត់ពីរបៀបទាក់ទាញអតិថិជនដ៏ល្អ តាមវិធីនេះ។យឺតៗកុំបំបោល លឿននាំតែខាតទេ។

៥ ធ្វើជាខ្លួនឯង កុំផ្លាស់ប្ដូរតាមគេថា

ភាពជាសហគ្រិននាំមកជាមួយនូវការសង្ស័យ និងអ្នកនិយាយមិនពិតជាច្រើនដាក់យើង។ វិធីល្អល្អបំផុត ដើម្បីជឿជាក់លើអ្វីដែលយើងកំពុងធ្វើដោយអស់ពីចិត្ត។ ចំណាយពេលខ្លះនៅចុងសប្ដាហ៍ ដើម្បីឆ្លុះបញ្ចាំងនិងកត់ត្រាអំពីមនុស្សដែលទទួលបានអត្ថប្រយោជន៍ពីការងាររបស់យើង។

៦ ដឹងថាខ្លួនឯងឈរនៅឯណា

សេរីភាពហិរញ្ញវត្ថុ គឺជាជណ្ដើរនៃគោលដៅដែលនីមួយៗ នាំមកនូវសន្តិសុខកម្រិតថ្មី។ យល់ថាអ្នកនៅឯណា ហើយមានអ្វីធ្វើបន្ទាប់ទៀត៕

ប្រែសម្រួល៖ សាង ស្រីល័ក្ខ

ចុចអាន៖មេរៀនជីវិតចាំបាច់បំផុត ដែលសហគ្រិនត្រូវតែរៀនដាច់ខាត

ចុចអាន៖ចរិតលក្ខណៈ ៧ យ៉ាង មេដឹកនាំឆ្នើម គួររៀនរហូតមិនចេះចប់សោះឡើយ

ចុចអាន៖ពេលចៅហ្វាយធ្វើខុស!

The post គន្លឹះ ៦ យ៉ាងជួយបន្ថយល្បឿនធ្វើផែនការហួសហេតុ និងជំរុញទៅមុខជានិច្ច appeared first on Kampuchea Thmey Daily.

ចង់ក្លាយជា CEO ថ្ងៃដំបូង?

សាង ស្រីល័ក្ខ — Thu, 09 Sep 2021 09:14:45 +0000

ក្នុងនាមជានាយកប្រតិបត្តិ ឱកាសបានមកដោយសមត្ថភាព និងការស៊ូទ្រាំពីជំហានដំបូង ខុសពីការបង្កើតតួនាទីឡើងមកភ្លាមៗ ដោយគ្រាន់តែដូរ ចំណុច Work as លើហ្វេសប៊ុក។

តួនាទី ពិតណាស់ ទាក់ទាញចំណាប់អារម្មណ៍ដំបូងតែត្រឹមប៉ុន្មានថ្ងៃប៉ុណ្ណោះ យើងដឹងថា ពិតជាត្រូវការចំណុចខាងក្រោមចាំបាច់យកមកគាំទ្រតួនាទីខាងលើ៖

១ លទ្ធផលនៃការងារ

មានបទពិសោធន៍សិន មានលទ្ធផលសិន គឺមានសារៈសំខាន់ណាស់ ព្រោះថា នោះនឹងក្លាយជាភស្តុតាងនៃភាពត្រឹមត្រូវ សម្រាប់ការកាន់កាប់តួនាទី (មិនលោតឆ័ត្រ) ដែលអាចជះឥទ្ធិពលដល់ប្រសិទ្ធភាពការគោរព ក្នុងនាមជាអ្នកដឹកនាំ។ គួរធ្វើអ្វីមួយ ចាប់ផ្តើមឲ្យបានរឹងមាំសិនលើ ការគ្រប់គ្រងបុគ្គលិក ហិរញ្ញាវត្ថុនិងទីផ្សារ សឹមទទួលយកតំណែងនេះ។

មុនពេលចាប់ផ្តើមតួនាទីនេះផ្លូវការ គ្រប់គ្នាគួរចំណាយពេលធ្វើការស្រាវជ្រាវស៊ីជម្រៅ អំពីបរិយាកាសប្រកួតប្រជែង ក្រឡេកមើលឲ្យបានដិតដល់នូវអ្វីដែលដៃគូប្រកួតប្រជែង កំពុងធ្វើនិងរបៀបដែលពួកគេទទួលបានជោគជ័យមុនយើង។ សិក្សានិន្នាការសេដ្ឋកិច្ចដែលអាចជះឥទ្ធិពលដល់អាជីវកម្មយើងទាំងក្នុងរយៈពេលដ៏ខ្លីនិងវែង។

ចាប់ផ្ដើមគិតពិចារណាជាមុន ពីរបៀបប្រើបច្ចេកវិទ្យាជឿនលឿននានា ដូចជា ឧបករណ៍វៃឆ្លាតសិប្បនិម្មិត ឬអ៊ិនធឺរណែតធានាឲ្យសមត្ថភាពប្រកួតប្រជែងនាពេលអនាគត។

២ កសាងបុគ្គលិកលក្ខណៈ

ពាក្យចាស់ពោលថា ការងារ៩០ពិន្ទុ ចរិតគ្រប់១០០។ កុំគិតថាធ្វើធំឡើងធំ នឹងបានសម្រាកច្រើន។
ដើម្បីដោះស្រាយជាមួយការទាមទាររបស់បុគ្គលិក ដែលជាទូទៅគេចង់បានមេដឹកនាំពិតម្នាក់នាំមុខជីវិតពួកគេ អ្នកត្រូវតែមករកការងារនៅពេលពួកគេសម្រាក អ្នករិះគិតពេលពួកគេប្រហែស អ្នកមិនរិះគន់តែអ្នកជួយជ្រោមជ្រែង។ ដូចម្តេចហៅថាមេដឹកនាំ មិនមែនមានន័យថាពិន្ទុប្រមូលយក ពិន័យទម្លាក់ទៅគេទេ? ពេលអ្នកចំណាយវិស្សមកាល ហ៊ឺហា ហើយបុគ្គលិកយ៉ាប់វេទនាតោកយ៉ាក នោះយូរនឹងឆាប់សេចក្តីវេទនានឹងត្រូវបានរាលដាល ផ្តល់បន្តមកដល់ក្រុមហ៊ុន។ បុគ្គលិកឲ្យពានជោគជ័យដល់អ្នក អ្នករក្សាវាបាន ប្រសិនពួកគេបន្តឲ្យ។

៣ ស្វែងយល់ពីអ្វីទៅជាគោលដៅ

តើអាជីវកម្មអ្នកកំពុងឈានមុខគេផ្នែកហិរញ្ញវត្ថុទេ? មានស្ថេរភាពទេ? អាចមានហានីភ័យហិរញ្ញវត្ថុទេ ? CEO ត្រូវមានការយល់ដឹងឲ្យបានល្អ អំពីបញ្ហានេះហើយដាក់ផែនការជាក់ស្តែងសម្រាប់ដោះស្រាយផង។ ប្រសិនបើផ្ទះកំពុងឆេះ ម្ចាស់ត្រូវធ្វើការសម្រេចចិត្តយ៉ាងឆាប់រហ័ស ជុំវិញអ្វីដែលត្រូវយកចេញជាអាទិភាព ហើយការការផ្លាស់ប្ដូរនិងការកាត់ចិត្ត គេមិនអាចពន្យារដំអក់ទេ។ កំណត់ចក្ខុវិស័យនិងធ្វើឲ្យមនុស្សគ្រប់គ្នានៅលើផ្លូវតែមួយកុំបែរបញ្ច្រាស នេះនឹងជួយឲ្យក្រុមការងារផ្ដោតអារម្មណ៍លើបញ្ហានានា ដែលសំខាន់បំផុតទាន់ពេល។ លទ្ធភាពនេះ នឹងជួយអ្នកក្នុងការគ្រប់គ្រងនូវបញ្ហាប្រឈមជាច្រើនដែលនឹងទទួលបានក្នុងនាមជានាយកប្រតិបត្តិថ្មី មិនថាអ្នកកំពុងចូលថ្មីមកជំនួសមនុស្សម្នាក់ដែលចង់ចូលនិវត្តន៍ ឬត្រូវបានគេឲ្យមកសាកល្បងទេ។

៤ ឲ្យតម្លៃចំណេះជំនាញ

ក្នុងនាមជានាយកប្រតិបត្តិ ត្រូវផ្តល់ឲ្យបុគ្គលិកនូវបរិបទរៀនបន្តជានិច្ច ផ្ទេរចំណេះដឹង ប្រជុំ ចែករំលែកបទពិសោធន៍ ដល់មនុស្សផ្សេងៗទៀតនៅក្នុងក្រុមហ៊ុន។ បើមិនដូច្នោះទេ នឹងក្លាយជាកន្លែងអេតចាយដែលមានក្រុមមនុស្សហួសម័យកំពុងតោងទាមប្រាក់ខែមិនចេះលាឈប់។ CEO ត្រូវពូកែដឹកនាំការប្រជុំ និយាយចំបញ្ហា បើកចំហនិងតម្លាភាព បង្កើតវប្បធម៌ទទួលយកមតិសេរី និងការកែលំអគ្នា។ វិបត្តិកូវីដ បានបង្ហាញឲ្យឃើញថា ទេពកោសល្យជាច្រើន សំខាន់ប៉ុណ្ណា ថ្លៃប៉ុន្មានដែលបុគ្គលិករាប់លានបានបាត់បង់ចំណូលនិងការងារ ហើយក្រុមហ៊ុនដួលរលំបន្តបន្ទាប់ តែអ្នកជំនាញការ នៅតែមានការងារពីផ្ទះនិងមានកម្រៃចំណូលខ្ពស់ៗ? ជានាយកប្រតិបត្តិ ការគ្រប់គ្រងធនធានមនុស្ស ជាការគ្រប់គ្រងទ្រព្យសម្បត្តិ។ គេមិនដែលដណ្តើមបុគ្គលិកគ្នាទេ ព្រោះបុគ្គលិកមានមិនដែលខ្វះឡើយ ដែលគេដណ្តើម គឺ អ្នកមានជំនាញពិតប្រាកដ។

៥ កេរ៍ឈ្មោះនិងទំនាក់ទំនងសាធារណៈ

ត្បិតតែជា CEO ត្រូវការល្បីមានគេស្គាល់និងគោរព មានគេជឿព្រមកមកវិនិយោគជាមួយតែកុំអួតអាង តែងខ្លួនដូចតារា ឬមានរូបភាពតុបតែងហួសហេតុដូចជាក្រុមអ្នកប្រកបមុខរបរខាងកែសម្រស់ រហូតដល់អ្នកជំនាញធ្វើការច្បាស់លាស់ គេពិបាកទទួលយកអ្នកមកដឹកនាំពួកគេ។ កេរ៍ឈ្មោះជារឿងលូតលាស់តាមដំណើរ មិនមែនជារឿងទាមទារដណ្តើមយកមកដោយសារការចង់បានហួតហេតុទេ។ សូម្បីតែការប្រជែងក៏ប្រកបដោយក្រមសីលធម៌តាមគោលការណ៍ត្រឹមត្រូវ។ និងត្រៀមខ្លួនឲ្យបានពេញលេញសម្រាប់រកវិធីពិតប្រាកដរបស់ខ្លួនមិនចម្លងតាម ឬមិនប្រើល្បិចកល ក្នុងការប្រជែងនីមួយៗ។ ភាពស្មោះត្រង់ និងត្រូវបានក្លាយជាឧបករណ៍ជម្រុញទំនាក់ទំនងសាធារណៈ របស់យើង មនុស្សលិបល លៀនក្បាល ចេញកន្ទុយ នឹងមិនដែលជោគជ័យអ្វីទាំងអស់៕

អត្ថបទ៖ហុង

ចុចអាន៖ពេលចៅហ្វាយធ្វើខុស!

ចុចអាន៖មនុស្សមានលក្ខណៈផ្ទាល់ខ្លួនបែបណាដែលសមស្របសម្រាប់តំណែង CEO ?

The post ចង់ក្លាយជា CEO ថ្ងៃដំបូង? appeared first on Kampuchea Thmey Daily.

ពេលចៅហ្វាយធ្វើខុស!

សាង ស្រីល័ក្ខ — Tue, 31 Aug 2021 03:35:32 +0000

យើងដឹងថា ចៅហ្វាយធ្វើខុស ប៉ុន្តែអ្នកដែលក្លាហានប្រាប់គាត់ មាន ០.០០០០០១ ភាគរយ។ មូលហេតុគឺ ៖

១. ថៅកែនោះប្រហែលជាមនុស្សដែលមានលុយជួលយើង ហើយគេមិនមែនជួលឲ្យមករកកំហុសគេទេ

២. ខ្ជិល! បើរលំ ក៏ក្រុមហ៊ុនគាត់ ទៅទាស់នឹងគាត់ធ្វើអី!

៣. ច្បាប់ចាស់គឺអ្នកក្រោមបង្គាប់ តែងតែខុស

៤. មានគេមុនធ្លាប់ត្រូវគុំស្អប់ ដល់ដើរចេញខ្លួនឯង ដោយសារប្រាប់មេថាគាត់ខុស

៥. ឡេមឡឺមយកសុខមិនចង់?

ដូច្នេះតើការប្រថុយប្រាប់មេដឹកនាំអំពីកំហុសរបស់ពួកគេ បង្ហាញថា យើងជាមនុស្សបង្ករឿង ឬកំពុងខាំអណ្ដាតសម្លាប់ខ្លួនឯងចាកចេញពីក្រុមហ៊ុននោះ?

សូមពិចារណាលើហេតុផលទាំងនេះ ៖

១. ប្រសិនបើសុខុមាលភាពរបស់អង្គភាព និងសុចរិតភាពផ្ទាល់ខ្លួនសំខាន់ ត្រូវយកឈ្នះការភ័យខ្លាច ហើយជម្រាបគាត់ត្រង់ៗ។ អារម្មណ៍ថាខុសពីគេឯង និងប្រថុយប្រថាន វាអាចប្រឆាំងនឹងវប្បធម៌ការិយាល័យបែបអែបអប ប៉ុន្តែវាមានភាពថ្លៃថ្នូរ និងជាលក្ខណៈមនុស្សជំនាញ តែងតែធ្វើដោយស្មោះសរជាមួយមេកោយខ្លួន។ វាអាចពេលខ្លះ ដូចមេទ័ពត្រូវអូសយកទៅប្រហារជីវិត ក្នុងរឿងសាមកុក តែនៅសង្គមនេះ មិនដល់ស្លាប់ទេ ចំណែកលទ្ធផលគឺជួយចៅហ្វាយឲ្យធ្វើអ្វីៗបានត្រឹមត្រូវឡើងវិញ ចៀសវាងលង់ខ្លាំងទៅៗ ខាតបង់ជ្រៅឡើងៗ។

អាចជាការពិបាក ក្នុងការទស្សន៍ទាយថា តើចៅហ្វាយនឹងមានប្រតិកម្មយ៉ាងណាចំពោះការប្រាប់ថា គាត់ខុស។ អាចជាការមិនអើពើ ដែលបុគ្គលិកផ្សេងទុកនិយាយដើមគាត់លេងជាយូរមកហើយ ចួនគាត់ក៏ដឹងខ្លួន ចួនកំពុងកែខ្លួន និងចួនមិនដឹងសោះ។ ត្រូវចាំថាមេដឹកនាំខ្លះរំពឹងថា នឹងមានបុគ្គលិកប្រភេទអ្នក មកដល់នៅថ្ងៃណាមួយ ហើយគាត់ធុញពេកហើយ ចំពោះមនុស្សឡេមឡឺមជុំវិញគាត់ គ្រាន់តែគាត់ខ្ជិលនិយាយដែរ។

គន្លឹះសំខាន់គឺ ធ្វើការងារនេះតាមវិធីត្រឹមត្រូវ ដើម្បីកុំឲ្យគាត់ «បាក់មុខមាត់»។

យ៉ាងណាមិញ គ្មាននរណាម្នាក់សប្បាយចិត្ត ពេលត្រូវគេមកប្រាប់ថាខុសឡើយ ឬអាច «ប្រដៅ»គាត់ គាត់នឹងគុំខឹង អន់ចិត្ត ។ គ្រប់គ្នាមានកំហុស។ កំហុសតូចតាចទាត់ចោល ព្រោះយើងចៀសវាមិនរួចទេ ។ បើនឹងនិយាយ និយាយតែកំហុសធំដែលពិបាករីកចម្រើនទាំងអស់គ្នា ។

គ្រាន់តែចងចាំនូវគន្លឹះទាំងប៉ុន្មានខាងក្រោមនេះ៖

១. ធ្វើកិច្ចការរបស់ខ្លួនល្អសិន

ត្រូវតែប្រាកដថា ថៅកែទំនងជាអាចទទួលព័ត៌មានតែពីបុគ្គលិកល្អទេ កុំអង្គុយទំនេរនិយាយតែកំហុសគាត់ ការងារខ្លួនមិនបានអីនៅឡើយ។

២. ត្រូវបង្កើតដំណោះស្រាយ

កុំនិយាយកំហុសមេ ដោយមិននាំមកជូនគាត់នូវដំណោះស្រាយផង។ យ៉ាងហោចណាស់ត្រូវមានផ្លូវមួយដែលអាចឲ្យគាត់ងក់ក្បាលធ្វើ។

៣. មានភស្តុតាង

ចង់និយាយពីបញ្ហា ឬកំហុសការងារអ្នកណាម្នាក់ កុំស្រមើស្រមៃមកនិយាយត្រូវមានទឡ្ហីករណ៍គាំទ្រជាមួយទិន្នន័យ លេខអក្សរច្បាស់ៗ។

៤. កុំនិយាយគ្រាន់តែចង់ប្រឆាំង

ចរិតប្រឆាំងអគតិ និងអវិជ្ជមាន អាចនឹងធ្វើឲ្យបញ្ហាកាន់តែអាក្រក់ទៅៗ អាចធ្វើឲ្យខូចកេរ្តិ៍ឈ្មោះចៅហ្វាយថែមទាំងនាំបញ្ហាល្អក់កករដល់គាត់។

៥. រកពេលវេលាត្រឹមត្រូវ

ការជ្រើសរើសពេលវេលាដែលត្រឹមត្រូវដើម្បីពិភាក្សានឹងចៅហ្វាយនាយ ពីបញ្ហាឬកំហុសរបស់គាត់ មិនមែនចេះតែនិយាយមុខគេឯងទេ។ ការឈានចូល official មេរបស់យើង ជាមួយនឹងបញ្ជីវិជ្ជមានមិនដែលទទួលបានការស្វាគមន៍យ៉ាងកក់ក្តៅទេ នេះជារឿងធម្មតា គួរនាំមកនូវលទ្ធផលឬដំណឹងល្អមួយពីរសិន សឹមលើកបញ្ហាដេលមានដំណោះស្រាយ មកភ្ជាប់ឲ្យទំនងជាដំណើរការល្អ ចៅហ្វាយអាចផ្ដល់ការយកចិត្តទុកដាក់ស្តាប់។

៦. បង្ហាញការគោរព និងសុភាពរាបសា

នៅពេលនិយាយជាមួយចៅហ្វាយជាឯកជន ជាវិធីល្អបំផុត ព្រោះការធ្វើឲ្យពួកគេខ្មាសអ្នកដទៃ នឹងធ្វើឲ្យគេបំពានកំហុសតែម្តង មិនត្រឹមមិនកែខ្លួន ថែមទាំងចង់ខឹងឬស្អប់យើងវិញ។

ប្រសិនបើវាជាស្ថានភាពកំហុសនោះបន្ទាន់និងអាសន្ន ហើយការនិយាយជាលក្ខណៈឯកជនមិនមានពេលទេ សូមលើកបញ្ហាដោយការគោរពនិងតាមរបៀបដែលមិនប្រឆាំង ផ្តល់ការពន្យល់មួយៗ នឹងនរជាលក្ខណៈវិជ្ជាជីវៈ។

ចាប់ផ្តើមដោយសុំការអនុញ្ញាត និងចរិតបើកចំហដោយសុចរិត ដើម្បីពិភាក្សាអំពីបញ្ហាលំបាកមួយមានលក្ខណៈបន្ទាន់។

ចាំបាច់ណាស់ក្នុងការរក្សាភាពជាអ្នកជំនាញ និងផ្តោតលើសិល្បៈនៃការគោរពគ្នាក្នុងការសន្ទនា។ បើទោះបីជាអ្នកត្រូវបានគេលើកទឹកចិត្តឲ្យនិយាយស្តីដោយចំហក្តី តែគួររើសយកតែរឿងណាដែលផ្ដល់ផលប្រយោជន៍មិនមែនផ្ទាល់ខ្លួន តែរបស់ក្រុមហ៊ុនយើងទាំងមូល៕

អត្ថបទ ៖ លីណា

ចុចអាន៖ភាពខុសគ្នារវាងបុគ្គលិកបញ្ចេញមតិ និងបុគ្គលិក Yes/OK

ចុចអាន៖វិធី ៥ យ៉ាង រៀនគ្រប់គ្រងជីវិត ប្រសិនបើត្រូវបាត់បង់ការងារធ្វើភ្លាមៗដោយមិនបានត្រៀម

The post ពេលចៅហ្វាយធ្វើខុស! appeared first on Kampuchea Thmey Daily.

ហេតុអ្វីជប់លៀងនៅការិយាល័យមានប្រសិទ្ធិភាពវិជ្ជមានជាងទៅតុស្រា

phea KPT — Mon, 16 Nov 2020 04:26:49 +0000

ដើម្បីទទួលបានអត្ថប្រយោជន៍ពីការជួបជុំ កុំដឹកនាំពិធីជប់លៀងនៅហាង ។ ការជុំគ្នាបរិភោគជាមួយការតុបតែងប្លែកៗនៅកន្លែងធ្វើការ បន្សល់ទុកនូវភាតរៈ និង មានប្រសិទ្ធិភាពខ្ពស់ក្នុងការចងសម្ព័នជាក្រុមតាមបែបវិជ្ជមាន។

ហេតុអ្វី?

១ សុរាគ្រឿងស្រវឹងបង្កើតទំនាស់និងបក្សពួក

អាល់កុលមិនអនុញ្ញាត្តិនៅកន្លែងធ្វើការស្រាប់ហើយ ដូច្នេះប្រារព្ធ ជប់លៀងនៅការិយាល័យ ជាការបញ្ចៀសបានល្អណាស់។ គ្រឿងស្រវឹង មិនគួរប្រើប្រាស់អបអរលទ្ធផលធ្វើការទេព្រោះវាអាចធ្វើឱ្យប៉ះពាល់ដល់ដំណើរការគិតវិជ្ជមាន។ គ្រឿងស្រវឹងអាចប៉ះពាល់ដល់ជំនាញដោះស្រាយបញ្ហា ការវិនិច្ឆ័យ ការប្រមូលផ្តុំពេលវេលា និងអាចបង្កើតប្រតិកម្មអវិជ្ជមានដល់ភាពជាអ្នកដឹកនាំក៏ដូចជា ការសម្របសម្រួលបង្កផលវិបាកអវិជ្ជមានទៅលើ“ ភាពរឹងមាំសម្រាប់ការងារក្រុម” សុខុមាលភាពបុគ្គលក្នុងរយៈពេលខ្លីនិងរយៈពេលវែង។

២ នំដុត ដែលឌីសាញស្អាតៗនាំមកនូវការចងចាំ

ធ្វើនំដុតដែលមានLogoរបស់យើង ឬពាក្យរួបរួម នានា អបអរត្រីមាស ឬឆមាស អបងឬលទ្ធផលហិរញ្ញវត្ថុជាវិធីដែលអ្នកដឹកនាំជើងថ្នឹក តែងតែប្រើ។ គំនិតនេះបង្កើតគំនិតល្អជាមួយពិធីជប់លៀងបុគ្គលិក ភាពវិជ្ជមានទៅក្នុងវប្បធម៌និង បង្កើតបរិយាកាសស្រស់ស្អាត ពុំមែនម្នាក់ៗទោរទន់ទប់ខ្លួនមិនជាប់នោះឡើយ។

៣ កំណត់អត្តសញ្ញាណ“ ឈ្នះ” ដែលអាចជប់លៀងជានិច្ច

នៅពេលមេដឹកនាំពូកែបង្កើតព្រឹត្តិការណ៍សំខាន់ៗដើម្បីអបអរសាទរជាមួយក្រុមសូម្បីរឿងតិចតួច គឺបានន័យថា បរិយាកាសវិជ្ជមាន នឹងកើតមានទូទាំងការិយាល័យ។ អ្នកដែលមិនចូលចិត្តរបៀបទាំងនេះ មានសិល្បៈអន់ថយក្នុងការដឹកនាំំសន្ទុះចិត្តក្រុម បានន័យថាការគ្រប់គ្រងរបស់គេ នៅក្នុងភាពចាស់គំរឹលនៅឡើយដែលយើងអាចបញ្ជាក់ឃើញតាមរយៈក្រុមការងារដែលមិនសប្បាយចិត្ត សោះអង្គើយ ដាក់គ្នា។

៤ ជប់លៀងត្រឹមត្រូវកសាងតម្លៃស្នូល

ឧទាហរណ៍ប្រសិនបើបុគ្គលិកនាទីតាំងដ៏សោះកក្រោះមួយបានឃើញ ម្លៃស្នូលនៃភាពជាក្រុមរបស់កន្លែងផ្សេង គេពិតជាចង់ទៅណាស់ ហើយចង់បានរស់ជាតិបែបនោះមកក្នុងជីវិតការងាររបស់គេ។ យើងអាចបង្កើតការញាំអាហារសម្រន់មួយជុំគ្នាបង្កើតអាល់ប៊ុមដ៏ស្អាតនៅរៀងរាល់ល្ងាចថ្ងៃសុក្រ ឬរសៀលថ្ងៃពុធកណ្តាលសប្តាហ៍ សម្រាលការហត់នឿយនិង បង្កើតភាពស្រស់បំព្រង។

៥ ហេតុផលដែលអាចជប់លៀង

សម្រាប់អ្នកមកទៀង បុគ្គលិកឆ្នើម បុគ្គលិកធ្វើការរហ័ស បុគ្គលិកដោះស្រាយបញ្ហាជោគជ័យ អ្វីៗសុទ្ធតែអាចជាហេតុផលជប់លៀងបាន។ ការមើលឃើញអ្នកដទៃធ្វើការងារដែលមានគុណភាពខ្ពស់ សូម្បីលើកយកមកនូវចំណុចតូចៗ និងផ្តល់ថាមពលដល់មនុស្សគ្រប់គ្នាក្នុងក្រុមហ៊ុន។ការស្រាវជ្រាវរកឃើញថា សមាមាត្រនៃការសរសើរសម្រាប់ក្រុមដែលមានស្នាដៃខ្ពស់បង្ហាញនិយោជិកថា គេកំពុងស្ថិតនៅកន្លែងត្រឹមត្រូវសម្រាប់ជីវិត។ សម្រាប់មនុស្សជាច្រើនលើលោកនេះ គេគ្រាន់តែ ចង់បានសុខនិងលើកទឹកចិត្តហើយបើយើងផ្តល់បាន យើងនឹងបាន ពេលវេលានៃជីវិតការងាររបស់ពួកគេមកជំរុញជោគជ័យធំសម្រាប់យើង។

ចំណែកអតិថិជនក៏គេតែងពេញចិត្តនឹងសេវាកម្មពីក្រុមការងារណាដែលមានបរិយាកាសវិជ្ជមាន។

asian colleagues enjoy their lunch in modern office happily

ដោយសុភា

ប្រភព Forbes