បើតាមការបញ្ជាក់ពីសមត្ថកិច្ចបានឱ្យដឹងថា ជនរងគ្រោះឈ្មោះ​ម៉េង​ គឹមលាង ភេទប្រុសអាយុ១៧ ឆ្នាំ​ មានទីលំនៅភូមិព្រៃស្មិត​ ឃុំមានជ័យ​ សាមគ្គីមុនីជ័យ​ ខេត្តកំពង់ស្ពឺ។

តាមប្រភពព័ត៌មានបានឱ្យដឹងថា​ មុនពេលកើតហេតុមានកម្មកររោងចក្របានធ្វើដំណើរទៅធ្វើការរោងចក្រក៏ប្រទះសពជនរងគ្រោះនៅលើផ្លូវដែកដោយដាច់ខ្លួនជាពីរកំណាត់ស្លាប់យ៉ាងអាណោចអាធ័ម​ បន្ទាប់មកក៏រាយការណ៍ទៅសមត្ថកិច្ចចុះទៅពិនិត្យជាក់ស្តែង។

បើតាមឱ្យដឹងពីសាច់ញាតិជនរងគ្រោះបានឱ្យដឹងថា​ ជនរងគ្រោះពេលចាកចេញពីផ្ទះមានម៉ូតូមួយគ្រឿងតែពេលស្លាប់មិនឃើញមានម៉ូតូនៅកន្លែងកើតហេតុនោះទេ។

ក្រោយកើតហេតុសពជនរងគ្រោះត្រូវបានសមត្ថកិច្ចប្រគល់ឱ្យសាច់ញាតិយកទៅធ្វើបុណ្យតាមប្រពៃណី៕ អត្ថបទ ៖ សុខា

The post ប្រទះឃើញសពយុវជនម្នាក់ ត្រូវរថភ្លើងកិនដាច់ខ្លួនជាពីរកំណាត់លើផ្លូវរថភ្លើង ផ្អើលទាំងព្រឹក appeared first on Kampuchea Thmey Daily.

មធ្យោបាយធ្វើដំណើរជាច្រើនកំពុងតែជួបបញ្ហា ដោយសារស្ថានភាពផ្លូវក្រវាត់ក្រុងទី៣ មានភាពរអិលដោយសារតែមានសំណើមសើមនៅលើផ្លូវ។ ពេលខ្លះក៏ឃើញមានប្រេងដែលហូរចេញពីរថយន្តធ្ងន់ធំដឹកទំនិញ ធ្លាក់មកលើផ្លូវ ដែលកំពុងបង្កការរំខានដល់ការធើ្វដំណើរផងដែរ។ ក្នុងរយៈពេលជិត១សប្ដាហ៍​នេះ​ ដោយសារតែស្ថានភាពផ្លូវរអិលធើ្វឲ្យខូចខាតមធ្យោបាយធើ្វដំណើរ និងមានអ្នករងរបួសជាច្រើនផងដែរ។

ជាក់ស្ដែងកាលពីម៉ោង៧ព្រឹក ថ្ងៃទី១២ ខែកុម្ភៈ ឆ្នាំ២០២៦នេះ នៅលើមហាវិថី ស៊ីជិនពីង(ផ្លូវក្រវាត់ក្រុង) មានរថយន្តមួយគ្រឿង ជ្រុលចង្កូតបុកហោះឡើងខឿន បែងចែកផ្លូវ ទៅគន្លងម្ខាងទៀត ក្រឡាប់ផ្ងារជើងម្ខាង បណ្ដាលឲ្យរថយន្តរងការខូចខាត ចំណែកម្ចាស់រថយន្តរងរបួសបន្តិចបន្តួចប៉ុណ្ណោះ នៅចន្លោះពីស្ពានទួលក្រសាំង​ ទៅស្ពានកោះ​អន្លង់ចិន ក្រុងតាខ្មៅ ខេត្តកណ្តាល។

ជុំវិញបញ្ហានេះ លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានឲ្យដឹងថា ក្រុមការងារជំនាញកំពុងសិក្សាបន្ថែមទៀត ពាក់ព័ន្ធបញ្ហារអិលនៅលើផ្លូវក្រវាត់ក្រុងទី៣នេះ ហើយក្នុងនោះមន្រ្តីជំនាញបានចុះសិក្សាត្រួតពិនិត្យឃើញថា បញ្ហារអិលនេះមួយចំនួនកើតឡើងដោយសារ រថយន្តទូកុងតឺន័រ បានចតលើផ្លូវធើ្វអោយប្រេងហូរចេញពីរថយន្តធ្លាក់មកលើផ្លូវ និង បញ្ហាមួយទៀតកើតឡើងដោយសារ ការដឹកប្រេងខ្មៅតាមរ៉ឺម៉ក ក៏ជាហេតុធើ្វអោយប្រេងហូរតាមផ្លូវ បង្កជាគ្រោះថា្នក់ជាយថាហេតុ។ ជាមួយគ្នានេះមន្រ្តីជំនាញពាក់ព័ន្ធ នឹង មានវិធានការចំពោះ រថយន្តដឹកក្រួស ដឹកខ្សាច់ ដឹកដី ធើ្វអោយធ្លាក់លើផ្លូវបង្កការរំខានដល់ការធើ្វដំណើររបស់ប្រជាពលរដ្ឋផងដែរ។

សូមបញ្ជាក់ផងដែរថា ផ្លូវក្រវ៉ាត់ក្រុងទី៣ នេះមានប្រវែងសរុប ៥២,៩៨គីឡូម៉ែត្រ (ផ្លូវមេប្រវែង ៤៧,៦១គ.ម និងផ្លូវខ្នែងប្រវែង ៥,៣៧គ.ម) មានចំណុចចាប់ផ្តើមត្រង់រង្វង់មូលមហាវិថីឈ្នះ-ឈ្នះ ចម្ងាយ ៥០០ម៉ែត្រ ពីផ្លូវជាតិលេខ៤ (គីឡូម៉ែត្រលេខ១៤+១០៥) ស្ថិតក្នុងភូមិជម្ពូវ័ន្ត២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។ ផ្លូវនេះ ឆ្លងកាត់ផ្លូវជាតិលេខ៤ ,ផ្លូវជាតិលេខ៣ , ផ្លូវជាតិលេខ២ ,ផ្លូវជាតិលេខ២១ ,ផ្លូវជាតិលេខ២១A ,ផ្លូវខេត្តលេខ១១០ រហូតដល់ផ្លូវជាតិលេខ១ (គីឡូម៉ែត្រលេខ២៤+៨៤០) ស្ថិតនៅភូមិដីឥដ្ឋ កោះផុស៣ ឃុំដីឥដ្ឋ ស្រុកកៀនស្វាយ ខេត្តកណ្តាល៕

The post មន្ត្រីជំនាញបញ្ជាក់ច្បាស់ៗ មូលហេតុផ្លូវក្រវាត់ក្រុងរអិលតែងបង្កគ្រោះថ្នាក់ដល់អ្នកដំណើរញឹកញាប់ appeared first on Kampuchea Thmey Daily.

អាជ្ញាធរ​ម៉ិ​ក​ស៊ិ​កបាន​និយាយ​ថា រថភ្លើង​បាន​បុក​រថយន្តក្រុង​ ខណៈពេលរថយន្តឆ្លង​ផ្លូវ​រថភ្លើង​ ដែលធ្វើឲ្យរថយន្តដាច់ជាពីរនិងធ្លាក់ចេញពីផ្លូវ​។ ភ្លាមៗនោះមានស្ត្រី​៧​នាក់និងមនុស្ស​ប្រុស​៣​នាក់​បាន​ស្លាប់​នៅនឹង​កន្លែង​កើតហេតុ ។

ឧបទ្ទវហេតុនេះកើតឡើងចំពេលមានការកើនឡើងនៃការប៉ះទង្គិចគ្នារវាងរថភ្លើង និងរថយន្តនៅក្នុងប្រទេសម៉ិកស៊ិក ដែលបានកើនឡើងពី ៦៧៣ ក្នុងឆ្នាំ ២០២១ រហូតដល់ ៧៨៤ ក្នុងឆ្នាំ ២០២៤ ខណៈគ្រោះថ្នាក់ភាគច្រើនដោយសារអ្នកបើកបរមិនអើពើនឹងច្បាប់ចរាចរណ៍នៅពេលផ្លូវកាត់ផ្លូវដែក។

ជាការឆ្លើយតបប្រធានាធិបតីម៉ិកស៉ិកលោក Claudia Sheinbaum បានសន្យាថានឹងផ្តល់ប្រាក់ចំនួន ៨ ពាន់លានដុល្លារ ដើម្បីសាងសង់ខ្សែរថភ្លើងថ្មីចម្ងាយជិត២៩០០គីឡូម៉ែត្រ ដែលបង្កើនចម្ងាយទ្វេដងនៃខ្សែរថភ្លើងសាងសង់ដោយប្រធានាធិបតីមុនលោក Andres Manuel Lopez Obrador។ ទោះរដ្ឋាភិបាលអះអាងថា ផ្លូវដែកនឹងជំរុញការងារ ពាណិជ្ជកម្ម និងទេសចរណ៍ តែក្តីបារម្ភអំពីសុវត្ថិភាពនៅតែមានកម្រិតខ្ពស់៕

អត្ថបទ៖ ប៊ុន សុភាព

The post រថភ្លើង​បុក​ឡានក្រុង​នៅ​ម៉ិ​ក​ស៊ិ​ក ស្លាប់​និង​របួស​ជាង៧០​នាក់​ appeared first on Kampuchea Thmey Daily.

លោក គី វីរិន្ទ ប្រធានមន្ទីរសាធារណៈការ និងដឹងជញ្ជូន និងជាអនុគណៈកម្មការសុវត្ថិភាពចរាចរណ៍ផ្លូវគោកខេត្តសៀមរាប បានឱ្យដឹងថា គោលបំណងសំខាន់បំផុត នៃសកម្មភាពរបស់អនុគណៈកម្មកាសុវត្ថិភាពចរាចរណ៍ផ្លូវគោកខេត្ត គឺដើម្បីដាស់ស្មារតីអ្នកប្រើប្រាស់ផ្លូវទាំងឡាយឱ្យយល់ដឹងអំពីផលប៉ះពាល់នៃគ្រោះថ្នាក់ចរាចរណ៍ និងត្រូវយកចិត្តទុកដាក់គោរពច្បាប់ស្តីពីចរាចរណ៍ផ្លូវគោកឱ្យបានខ្ជាប់ខ្ជួន សំដៅរួមគ្នាកាត់បន្ថយគ្រោះថ្នាក់ចរាចរណ៍ឱ្យមកនៅកម្រិតទាប។ ទាំងនេះ គឺជាផ្នែកមួយដ៏សំខាន់ ដើម្បីឈានទៅចូលរួមលុបបំបាត់សកម្មភាពអនាធិបតេយ្យនៃការធ្វើចរាចរណ៍តាមដងផ្លូវសាធារណៈ និងជំរុញការអនុវត្តច្បាប់ឱ្យទទួលបានលទ្ធផលជាវិជ្ជមាន។

លោកបន្តថា នៅក្នុងឱកាសពិធីបុណ្យភ្ជុំបិណ្ឌប្រពៃណីខ្មែរខាងមុខនេះ អនុគណៈកម្មការសុវត្ថិភាពចរាចរណ៍ផ្លូវគោកខេត្តសៀមរាប សូមអំពាវនាវដល់អ្នកប្រើប្រាស់ផ្លូវទាំងអស់ សូមមេត្តាយកចិត្តទុកដាក់ចូលរួម និងទប់ស្កាត់គ្រោះថ្នាក់ចរាចរណ៍ផ្លូវគោក ដោយអនុវត្តវិធានការដូចជា ១.អ្នកបើកបរត្រូវបន្ថយល្បឿនបើកបរតាមច្បាប់កំណត់ និងតាមស្ថានភាពជាក់ស្តែងដូចជា ទីប្រជុំជន សាលារៀន ផ្លូវកោង ផ្លូវប្រសព្វ ផ្លូវចំណោត ឬផ្លូវរអិល។ល។ ២.សូមកុំផ្ទុកអ្នកដំណើរ ឬទំនិញលើសច្បាប់កំណត់ ចំពោះរថយន្តដឹកអ្នកដំណើរ ឬដឹកកម្មករ មិនត្រូវ ផ្ទុកអ្នកដំណើរ ឬកម្មករលើដំបូល និងសូមមេត្តាកុំដំឡើងថ្លៃធ្វើដំណើរក្នុងឱកាសនេះ។ ៣.ត្រូវពាក់មួកសុវត្ថិភាពជានិច្ច ក្នុងពេលធ្វើដំណើរតាមទោចក្រយានយន្ត។ ៤.ត្រូវពាក់ខ្សែក្រវាត់សុវត្ថិភាពជានិច្ច ក្នុងពេលធ្វើដំណើរតាមរថយន្ត។៥-អ្នកបើកបរត្រូវបន្ថយល្បឿន និងគោរពសិទ្ធិអាទិភាពនៅត្រង់ផ្លូវប្រសព្វ គោរពសញ្ញាចរាចរណ៍ និង ប្រកាន់ស្តាំជានិច្ច។ ៦.ត្រូវត្រួតពិនិត្យលក្ខណៈបច្ចេកទេសយានយន្តជានិច្ច ពិសេសត្រួតពិនិត្យកង់ ចង្កូត ហ្វាំង ភ្លើងបំភ្លឺ។ ៧.មិនត្រូវបើកបរក្រោមឥទ្ធិពលនៃគ្រឿងស្រវឹងជាដាច់ខាត។ ៨.មិនត្រូវបត់ ឬវ៉ាជែង ក្នុងភាពប្រថុយប្រថាន ឬធ្វេសប្រហែស និង៩.មិនត្រូវបើកបរក្នុងស្ថានភាពងងុយដេកជាដាច់ខាត និងត្រូវមានអ្នកបើកបរបម្រុងសម្រាប់ប្តូរវេន។

លោកក៏សង្ឃឹម និងជឿជាក់ទុកចិត្តលើស្មារតី ប្រុងប្រយ័ត្នរបស់សាធារណជន ដើម្បីនាំមកនូវសុវត្ថិភាព និងសេចក្តីសុខ ជាមួយក្រុមគ្រួសារ ក្នុងឱកាសប្រារព្ធពិធីបុណ្យភ្ជុំបិណ្ឌប្រពៃណីជាតិឆ្នាំខាងមុខនេះ កុំឱ្យថ្ងៃសប្បាយក្លាយជា ថ្ងៃកើតទុក្ខ៕

ដោយ៖ គឿនវេត

The post អនុគណៈកម្មការសុវត្ថិភាពចរាចរណ៍ផ្លូវគោកខេត្តសៀមរាប អំពាវនាវឱ្យពលរដ្ឋទាំងអស់គោរពច្បាប់ចរាចរណ៍ ដើម្បីកាត់បន្ថយគ្រោះថ្នាក់ appeared first on Kampuchea Thmey Daily.

អំឡុងពេលកើតហេតុមានមនុស្សប្រហែល ២០០នាក់នៅលើរថភ្លើង Eurocity ដែលស្ថិតនៅជិតទីក្រុង Nove Zamky។ អ្នកស្លាប់ទាំងអស់ គឺជាអ្នកដំណើរលើរថយន្តក្រុង ខណៈគ្មានអ្នកស្លាប់នៅលើរថភ្លើងនោះទេ។

គួរបញ្ជាក់ថាផ្លូវរថភ្លើងនេះជាផ្លួដ៏សំខាន់ដែលតភ្ជាប់រដ្ឋធានី Bratislava របស់ប្រទេសស្លូវ៉ាគី ជាមួយនឹងទីក្រុង Budapest ប្រទេសហុងគ្រី ។បន្ទាប់ពីកើតហេតុផ្លូវនេះត្រូវបានបិទបណ្ដោះអាសន្ន ខណៈអ្នកដំណើរដែលជាប់គាំងនៅលើរថភ្លើងរងគ្រោះ ត្រូវបានដឹកតាមឡានក្រុងទៅកាន់ទីក្រុង Sturovo ជាប់ព្រំដែនហុងគ្រី។

ភ្លាមៗ​នោះ​គេ​មិន​ទាន់​ដឹង​ច្បាស់​ពី​មូលហេតុ​នៃ​ការបុកគ្នានេះនោះ​ទេ ដោយ​សមត្ថកិច្ច​កំពុង​ស៊ើបអង្កេតនៅឡើយ៕

អត្ថបទ៖ ប៊ុន សុភាព

The post រថភ្លើងបុកឡានក្រុងនៅស្លូវ៉ាគី ស្លាប់និងរបួសមនុស្សជាង ១០នាក់ appeared first on Kampuchea Thmey Daily.

ហេតុការណ៍គ្រោះថ្នាក់នេះ បានកើតឡើង នៅវេលាម៉ោង ៩ និង ២០ នាទីព្រឹក ថ្ងៃទី០៣ ខែកុម្ភៈ ឆ្នាំ២០២៤។ ជនរងគ្រោះទាំង ២ នាក់ រួមមាន​៖ ទី១ ឈ្មោះ ស៊ាង វឌ្ឍនៈ ភេទប្រុស អាយុ ២៥ ឆ្នាំ មុខរបរកម្មករ និងទី២ ឈ្មោះ ប៉េង អរ ភេទប្រុស អាយុ ១៩ ឆ្នាំ មុខរបរកម្មករ។

​

បេីតាមប្រភពព័ត៌មាននៅកន្លែងកើតហេតុបានឱ្យដឹងថា ជាងមួយក្រុមបានឡើងរន្ទាតបណ្ដាញប្រព័ន្ធភ្លើងអគារកំពុងសាងសង់ក្នុងបរិវេណឃ្លាំងស្តុកភេសជ្ជៈ ដោយមិនពាក់ឧបករណ៍សុវត្ថិភាពនោះទេ ក្រោយមកស្រាប់តែឃើញធ្លាក់ពីលើរន្ទា បណ្ដាលឱ្យកម្មករជាងភ្លើង ២ នាក់របួសធ្ងន់ ត្រូវបានរថយន្តសង្គ្រោះរបស់មន្ទីរពេទ្យបង្អែកដង្កោ ដឹកបញ្ជូនទៅជួយសង្រ្គោះ។

​

បច្ចុប្បន្ន​ ជនរងគ្រោះទាំងពីរនាក់ខាងលើកំពុងសម្រាកព្យាបាលនៅមន្ទីរពេទ្យមិត្តភាពខ្មែរសូវៀត តាមការស្នើសុំពីមេការជនរងគ្រោះ រីឯម្ចាស់ទីតាំង នៅពេលកម្លាំងសមត្ថកិច្ចមូលដ្ឋានចុះទៅពិនិត្យកន្លែងកើតហេតុមិនព្រមសហការនោះទេ ព្យាយាមលាក់បាំងសមត្ថកិច្ចទៅវិញ៕

អត្ថបទ៖ ​សុខា

The post ជាងភ្លេីង ២នាក់ មិនពាក់ឧបករណ៍សុវត្ថិភាព ​រអិលធ្លាក់ពីលេីអគារកំពុងសាងសង់ appeared first on Kampuchea Thmey Daily.

១ កោះពស់ ប្រទេស​ប្រេស៊ីល

កោះពស់មានទីតាំងនៅជិតឆ្នេរសមុទ្រនៃប្រទេសប្រេស៊ីល។ វា​ត្រូវ​បាន​គេ​ដឹង​យ៉ាង​ច្បាស់​ថា​វា​មាន​ពស់​ពិស​បំផុត​ក្នុង​ពិភពលោក។ មានពស់ពិសជាង ៥ពាន់ ក្បាលក្នុងមួយគីឡូម៉ែត្រការ៉េ​នៅលើកោះនេះ ដែលស្មើនឹងពស់ប្រាំក្បាលក្នុងមួយម៉ែត្រការ៉េនៃផ្ទៃដី។ ពស់ទាំងនេះភាគច្រើន​ជាពស់វែក​ពុកចង្ការខ្មៅ។ នេះគឺជាពស់ដែលមានពិសខ្លាំង​ដែលអាចបណ្តាល​ឲ្យ​ស្លាប់ក្នុងរយៈពេល​ប៉ុន្មានម៉ោង។

២ វាលខ្សាច់ Danakil ប្រទេស​អេត្យូពី

វាលខ្សាច់ Danakil គឺជា​វាលខ្សាច់​ដ៏ក្តៅបំផុត និងស្ងួតបំផុតនៅលើពិភពលោក។ សីតុណ្ហភាព​នៅទីនេះអាចឡើងដល់ ៥០ អង្សាសេ។ តំបន់នេះក៏ជាជម្រកនៃភ្នំភ្លើងសកម្មមួយចំនួនផងដែរ។ ដូច្នេះ តែងតែមាន​គ្រោះថ្នាក់​ពីភ្នំភ្លើង និង​កម្អែល​ភ្នំភ្លើង។

៣ Bermuda Triangle មហាសមុទ្រ​អាត្លង់ទិក

Bermuda Triangle គឺជាតំបន់ត្រីកោណដ៏ធំមួយនៅក្នុងមហាសមុទ្រអាត្លង់ទិក។ វាត្រូវបាន​គេជឿថាជា​តំបន់​ដែល​កប៉ាល់ និងយន្តហោះបានបាត់ខ្លួនយ៉ាងអាថ៌កំបាំង។ មូលហេតុនៃ​ការបាត់ខ្លួន​ទាំងនេះ នៅមិនទាន់ដឹងនៅឡើយ។ ប៉ុន្តែអ្នកខ្លះជឿថា វាអាច​បណ្តាល​មកពីបាតុភូត​ធម្មជាតិ ឬសកម្មភាព​អបិយជំនឿ។

៤ Mount Nyiragongo សាធារណរដ្ឋ​ប្រជាធិបតេយ្យ​កុងហ្គោ

ភ្នំភ្លើង Fifu គឺជាភ្នំភ្លើងសកម្ម​មួយ​នៅ​សាធារណរដ្ឋប្រជាធិបតេយ្យកុងហ្គោ។ ភ្នំភ្លើងនេះមានបឹង​កម្អែល​​ភ្នំភ្លើង​ធំ​ជាងគេលើពិភពលោក។ បឹង​កម្អែ​នេះ​ឡើង​ដល់​សីតុណ្ហភាព​ដល់​ទៅ ១០០០ អង្សា​សេ ហើយ​អាច​ផ្ទុះ​គ្រប់​ពេល។

៥ Skeleton Coast ប្រទេស​ណាមីប៊ី (Namibia)

ឆ្នេរ Skeleton គឺជាឆ្នេរសមុទ្រដែលមានទីតាំងនៅប្រទេសណាមីប៊ី។ ឆ្នេរសមុទ្រនេះ​ត្រូវបានគេស្គាល់​ដោយសារលក្ខខណ្ឌអាកាសធាតុដ៏អាក្រក់ និងគ្រោះថ្នាក់របស់វា។ រលកធំៗ និងចរន្តទឹកខ្លាំងធ្វើ​ឲ្យ​ឆ្នេរសមុទ្រនេះមានគ្រោះថ្នាក់ដល់ទូក និងអ្នកធ្វើដំណើរ។

៦ ព្រៃ​អាម៉ាហ្សូន អាមេរិកខាងត្បូង

ព្រៃអាម៉ាហ្សូនគឺជាព្រៃត្រូពិច​ដ៏ធំបំផុតនៅលើពិភពលោក។ ព្រៃនេះគឺជាជម្រក​របស់សត្វព្រៃជាច្រើន។ រួមទាំងសត្វពិស​មួយ​ចំនួនដូចជា ពស់​ពិស ខ្យាដំរី និងមូស។

៧ ភ្នំអេវឺរេស ប្រទេស​ចិន និង​នេប៉ាល់

ភ្នំអេវឺរេស គឺជាភ្នំដែលខ្ពស់ជាងគេលើពិភពលោក។ ការឡើងភ្នំនេះ​គឺមានគ្រោះថ្នាក់​ខ្លាំងណាស់។ ដោយសារតែអាកាសធាតុត្រជាក់ និងខ្យល់អាកាសស្តើង អ្នកឡើងភ្នំរាប់​សិបនាក់បានស្លាប់​ជារៀងរាល់ឆ្នាំនៅលើភ្នំអេវឺរេស។

៨ បឹង Natron ប្រទេស​តង់ហ្សានី (Tanzania)

បឹង Natron គឺជាបឹងដែលមានជាតិអាល់កាឡាំងខ្ពស់ កម្រិត pH របស់វាគឺ ១០.៥ ដែលខ្ពស់ជាងសាប៊ូបោកខោអាវ​បន្តិច។ សត្វដែលធ្លាក់ចូលទៅក្នុងបឹង​នេះនឹងបង្កកទៅជា​ថ្មក្នុងរយៈពេលប៉ុន្មាននាទី​ប៉ុណ្ណោះ។

៩ Oymyakon ប្រទេ​សរុស្ស៊ី

Oiyakon គឺជាភូមិមួយស្ថិតនៅភាគខាងជើងនៃប្រទេសរុស្ស៊ី។ វាជាភូមិត្រជាក់បំផុត​នៅលើ​ពិភពលោក។ សីតុណ្ហភាពរដូវរងាជាមធ្យមគឺ -៥០អង្សាសេ អាកាសធាតុត្រជាក់ និងស្ងួត ធ្វើឲ្យ​អ្នកភូមិ​មាន​គ្រោះថ្នាក់​ដល់​អាយុជីវិត។

១០ Grand Canyon សហរដ្ឋអាមេរិក

Grand Canyon គឺជាកន្លែងទាក់ទាញទេសចរណ៍ដ៏ល្បីល្បាញលើពិភពលោក។ ប៉ុន្តែវាក៏ជា​កន្លែងគ្រោះថ្នាក់ផងដែរ។ គែមអន្លង់គឺចោត និងគ្រោះថ្នាក់ក្នុងការឡើងភ្នំ។ អ្នកទេសចររាប់សិបនាក់​បានស្លាប់ជារៀងរាល់ឆ្នាំនៅក្នុង Grand Canyon៕

ប្រែសម្រួល៖ សាង ស្រីល័ក្ខ

ចុចអាន៖ក្នុងមួយខែ ទាហានថៃម្នាក់ទទួលបានប្រាក់ឈ្នួលប៉ុន្មាន?

The post ១០កន្លែងនេះ ល្បីថាគ្រោះថ្នាក់បំផុតលើពិភពលោក appeared first on Kampuchea Thmey Daily.

ជនរងគ្រោះមានឈ្មោះថា Zhang ដែលជាសមាជិកក្លឹបហាត់ប្រាណ Wuhan Pafik Fitness Club ។ រាល់ដងគាត់មិនដែលលើដែកធ្ងន់យ៉ាងនេះឡើយ មិនដឹងមូលហេតុអ្វីទើបលើកនេះគាត់សម្រេចចិត្តធ្វើវាទាំងគ្មានអ្នកចាំជួយដូច្នេះសោះ ។

នៅពេលដែល Zhang ខំប្រឹងលើកដុំដែក ដៃរបស់គាត់បានទន់ បណ្ដាលឲ្យវារមៀលពីទ្រូងទៅករបស់គាត់ ដែលជាហេតុនាំឲ្យដាច់ខ្យល់ត្រឹមរយៈពេល ២៥ វិនាទីប៉ុណ្ណោះ ។

លុះទម្រាំតែមានបុគ្គលិកមកឃើញ ពួកគេចំណាយពេលអស់ជាង ១ នាទីទៅហើយ ទោះខំជួយសង្គ្រោះយ៉ាងណាក៏លោក Zhang មិនដឹងខ្លួនវិញដែរ ៕

ប្រែសម្រួល៖ វារី

ប្រភព៖ todayonline

ចុចអាន៖ រូបសំណាកទេវតាតម្លៃជាង១ម៉ឺនដុល្លារនៅ ចិន រងការចំអកពីមហាជនថាមុខអាក្រក់

The post បុរសចិនម្នាក់ត្រូវដុំដែក ១០០ គីឡូក្រាមសង្កត់ស្លាប់លើកៅអីហាត់ប្រាណ appeared first on Kampuchea Thmey Daily.