ព័ត៌មានអន្ដរជាតិ
ក្នុងមួយខែ ទាហានថៃម្នាក់ទទួលបានប្រាក់ឈ្នួលប៉ុន្មាន?
មិនខុសគ្នាពីប្រទេសឡាវនោះទេ ខណៈដែលប្រាក់ឈ្នួលរបស់ទាហានថៃក៏អាចប្រែប្រួលទៅតាមឋានៈ តួនាទី ភេទ ព្រមទាំងបទពិសោធន៍ដែលធ្វើការងារមួយនេះអស់រយៈពេលជាច្រើនឆ្នាំ។
សម្រាប់ទិន្នន័យដែលនាំមកបង្ហាញពេលនេះ ត្រូវបានចងក្រងឡើងដោយទិន្នន័យផ្លូវការរបស់រដ្ឋាភិបាលថៃ ការស្ទង់មតិប្រាក់ខែ និងប្រភពផ្សេងទៀតដូចជា ការប្រកាសការងារ ក៏ដូចជាអំពីប្រាក់ខែប្រចាំឆ្នាំ ២០២៣ ។
យោងតាមប្រភពដដែលបានបញ្ជាក់ថា ទាហានម្នាក់ដែលធ្វើការនៅប្រទេសថៃ ជាធម្មតានឹងទទួលបានប្រាក់ប្រហែល ៩០៨ ២០០ បាតក្នុងមួយឆ្នាំ ហើយនេះអាចចាប់ពីប្រាក់ខែជាមធ្យមទាបបំផុតប្រហែល ៤២៨ ៤០០ បាតដល់ប្រាក់ខែជាមធ្យមខ្ពស់បំផុត ១ ៤៤០ ៧០០ បាត។
បន្ថែមពីនេះទៀតសោត ប្រាក់បៀវត្សរ៍ជាមធ្យមសម្រាប់ទាហាននៅក្នុងប្រទេសថៃទាំងអស់នេះ រួមបញ្ចូលអត្ថប្រយោជន៍ដូចជា ការស្នាក់នៅ ប្រាក់ឧបត្ថម្ភអាហារ និងប្រាក់បន្ថែមសម្រាប់កាតព្វកិច្ចគ្រោះថ្នាក់ ឬការដាក់ពង្រាយទៅកាន់តំបន់ដាច់ស្រយាលផងដែរ។ វាក៏អាចធ្វើទៅបានដែរ សម្រាប់ទាហានម្នាក់ក្នុងការរកប្រាក់បានច្រើនជាង ឬតិចជាងប្រាក់ខែមធ្យមដែលបានបង្ហាញខាងលើ។
ក្នុងនោះផងដែរ ប្រាក់ឈ្នួលប្រចាំខែដែលទាហានម្នាក់ទទួលបានខ្ពស់ ក៏អាស្រ័យលើកត្តាសំខាន់បំផុតក្នុងការកំណត់ប្រាក់ខែ ទៅតាមចំនួនបទពិសោធន៍ឆ្នាំដែលពួកគេម្នាក់ៗមាន។
សម្រាប់ទាហាននៅក្នុងប្រទេសថៃដែលមានបទពិសោធន៍តិចជាងពីរឆ្នាំ អាចរកប្រាក់បាននៅកន្លែងណាមួយនៅក្នុងតំបន់ ចំនួន ៤៩៣ ០០០ បាត ខណៈដែលអ្នកមានបទពិសោធន៍ ២ទៅ៥ ឆ្នាំ ប្រាក់ខែជាមធ្យមនឹងកើនឡើងដល់ ៦៨១ ៩០០ បាត។ ស្របពេលដែល អ្នកមានបទពិសោធន៍ចាប់ពីប្រាំឆ្នាំទៅដប់ឆ្នាំក្នុងនាមជាទាហាន ប្រាក់ខែជាមធ្យមនឹងទទួលបានដល់ទៅ ៩៧០ ២០០បាត។
នៅពេលដែលអ្នកមានបទពិសោធន៍លើសពីដប់ឆ្នាំ ប្រាក់ខែជាមធ្យមឈានដល់ប្រហែល ១ ១៨០ ៧០០ បាត។ ចំណែកទាហានដែលមានបទពិសោធន៍ពី ១៥ ទៅ ២០ ឆ្នាំអាចរកចំណូលបានជាមធ្យម ១,២៤៩,៩០០ បាត។ សម្រាប់អ្នកមានបទពិសោធន៍២០ឆ្នាំឡើងនឹងទទួលបានប្រាក់ បៀវត្សរ៍ជាមធ្យមដែលគេរំពឹងទុកនឹងកើនឡើងដល់ ១,៣៥៧,៩០០ បាតឯណោះ។
យ៉ាងណាមិញ ត្បិតថាទាហានថៃទទួលបានប្រាក់ខែយោងតាមបបទពិសោធន៍ ជំនាញច្បាស់លាស់ក្ដី ប៉ុន្តែក្នុងនោះគេក៏មានបែងចែកភេទផងដែរ។ នៅក្នុងវិជ្ជាជីវៈជាច្រើន នៅតែមានភាពខុសគ្នាខ្លាំងរវាងប្រាក់ខែដែលបុរសរកបាន បើប្រៀបធៀបទៅនឹងប្រាក់ខែរបស់ស្ត្រីក្នុងការងារដូចគ្នា។ ទាហានប្រុសអាចរកប្រាក់បានជាមធ្យម ៩៦៥ ០០០ បាត ខណៈដែលទាហានស្រីនឹងទទួលបានប្រាក់ឈ្នួលប្រហែល ៨៦៤ ៧០០ បាត។ នេះមានន័យថា ទាហានប្រុសរកចំណូលបានប្រមាណ ១២% ច្រើនជាងទាហានស្រីសម្រាប់បំពេញការងារដូចគ្នា៕
ប្រែសម្រួល៖ សាង ស្រីល័ក្ខ
ប្រភព៖Thailand
ចុចអាន៖តើមួយខែទាហាន ឡាវ ទទួលបានប្រាក់ឈ្នួលប៉ុន្មាន?
ចុចអាន៖ហេតុផល ៥យ៉ាង ដែលព្រលានយន្តហោះឡាវ មិនមានជើងហោះហើរត្រង់ទៅកាន់អឺរ៉ុប
-
សេដ្ឋកិច្ច៧ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៤ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៧ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ២ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)