បុរសចិនម្នាក់ត្រូវដុំដែក ១០០ គីឡូក្រាមសង្កត់ស្លាប់លើកៅអីហាត់ប្រាណ

កាលពីថ្ងៃទី១៤ ខែកញ្ញា វេលាម៉ោង ៣ រសៀល មានបុរសចិនម្នាក់អាយុ ២៥ ឆ្នាំ រស់នៅទីក្រុង Wuhan បានបាត់បង់ជីវិត ដោយសារត្រូវដុំដែកទម្ងន់ ១០០ គីឡូក្រាមសង្កត់ក ។

ជនរងគ្រោះមានឈ្មោះថា Zhang ដែលជាសមាជិកក្លឹបហាត់ប្រាណ Wuhan Pafik Fitness Club ។ រាល់ដងគាត់មិនដែលលើដែកធ្ងន់យ៉ាងនេះឡើយ មិនដឹងមូលហេតុអ្វីទើបលើកនេះគាត់សម្រេចចិត្តធ្វើវាទាំងគ្មានអ្នកចាំជួយដូច្នេះសោះ ។

នៅពេលដែល Zhang ខំប្រឹងលើកដុំដែក ដៃរបស់គាត់បានទន់ បណ្ដាលឲ្យវារមៀលពីទ្រូងទៅករបស់គាត់ ដែលជាហេតុនាំឲ្យដាច់ខ្យល់ត្រឹមរយៈពេល ២៥ វិនាទីប៉ុណ្ណោះ ។

លុះទម្រាំតែមានបុគ្គលិកមកឃើញ ពួកគេចំណាយពេលអស់ជាង ១ នាទីទៅហើយ ទោះខំជួយសង្គ្រោះយ៉ាងណាក៏លោក Zhang មិនដឹងខ្លួនវិញដែរ ៕

ប្រែសម្រួល៖ វារី

ប្រភព៖ todayonline

ចុចអាន៖ រូបសំណាកទេវតាតម្លៃជាង១ម៉ឺនដុល្លារនៅ ចិន រងការចំអកពីមហាជនថាមុខអាក្រក់