ប្រទះឃើញសពយុវជនម្នាក់ ត្រូវរថភ្លើងកិនដាច់ខ្លួនជាពីរកំណាត់លើផ្លូវរថភ្លើង ផ្អើលទាំងព្រឹក

សពយុវជនម្នាក់ត្រូវបានប្រជាពលរដ្ឋប្រទះឃើញដេកស្លាប់នៅផ្លូវដែកដោយរថភ្លើងកិនដាច់ខ្លួនជាពីរកំណាត់យ៉ាងអាណិចអាធ័ម។ ហេតុការណ៍នេះបង្កការភ្ញាក់ផ្អើលកាលពីវេលាម៉ោង៦ព្រឹក​ ថ្ងៃទី២៤​ ខែកុម្ភៈ​ ឆ្នាំ២០២៦​ នៅលើផ្លូវរថភ្លើង​ ភូមិស្រែក្នុង​ សង្កាត់កន្ទោក​ ខណ្ឌកំបូល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់ពីសមត្ថកិច្ចបានឱ្យដឹងថា ជនរងគ្រោះឈ្មោះ​ម៉េង​ គឹមលាង ភេទប្រុសអាយុ១៧ ឆ្នាំ​ មានទីលំនៅភូមិព្រៃស្មិត​ ឃុំមានជ័យ​ សាមគ្គីមុនីជ័យ​ ខេត្តកំពង់ស្ពឺ។

តាមប្រភពព័ត៌មានបានឱ្យដឹងថា​ មុនពេលកើតហេតុមានកម្មកររោងចក្របានធ្វើដំណើរទៅធ្វើការរោងចក្រក៏ប្រទះសពជនរងគ្រោះនៅលើផ្លូវដែកដោយដាច់ខ្លួនជាពីរកំណាត់ស្លាប់យ៉ាងអាណោចអាធ័ម​ បន្ទាប់មកក៏រាយការណ៍ទៅសមត្ថកិច្ចចុះទៅពិនិត្យជាក់ស្តែង។

បើតាមឱ្យដឹងពីសាច់ញាតិជនរងគ្រោះបានឱ្យដឹងថា​ ជនរងគ្រោះពេលចាកចេញពីផ្ទះមានម៉ូតូមួយគ្រឿងតែពេលស្លាប់មិនឃើញមានម៉ូតូនៅកន្លែងកើតហេតុនោះទេ។

ក្រោយកើតហេតុសពជនរងគ្រោះត្រូវបានសមត្ថកិច្ចប្រគល់ឱ្យសាច់ញាតិយកទៅធ្វើបុណ្យតាមប្រពៃណី៕ អត្ថបទ ៖ សុខា