លោក លី សារី បានឲ្យដឹងថា ការចុះអប់រំផ្សព្វផ្សាយ នាពេលនេះ ដើម្បីពញ្ញាក់ស្មារតីដល់អ្នកប្រើប្រាស់ផ្លូវទាំងឡាយឲ្យយល់ដឹងអំពីផលប៉ះពាល់ នៃគ្រោះថ្នាក់ចរាចរណ៍ និង ត្រូវយកចិត្តទុកដាក់គោរពច្បាប់ស្តីពីចរាចរណ៍ផ្លូវគោកឲ្យបានខ្ជាប់ខ្ជួន សំដៅរួមគ្នាកាត់បន្ថយគ្រោះថ្នាក់ចរាចរណ៍ឲ្យមកនៅកម្រិតទាប ដែលនេះគឺជាផ្នែកមួយដ៏សំខាន់ ដើម្បីឈានទៅចូលរួមលុបបំបាត់សកម្មភាពអនាធិបតេយ្យ នៃការធ្វើចរាចរណ៍តាមដងផ្លូវសាធារណៈ និង ជំរុញការអនុវត្តច្បាប់ឲ្យទទួលបានលទ្ធផលជាវិជ្ជមាន។

លោក លី សារី ក៏បានណែនាំដល់អ្នកបើកបរយានយន្តគ្រប់ប្រភេទដែលធ្វើដំណើរនៅលើដងផ្លូវឲ្យចូលរួមគោរពច្បាប់ចរាចរណ៍ , បើកបរគោរពស្លាកសញ្ញា , គំនូសសញ្ញា , ភ្លើងសញ្ញាចរាចរណ៍ , ពាក់មួកសុវត្ថិភាព , ខ្សែក្រវាត់សុវត្ថិភាព ឲ្យបានត្រឹមត្រូវគ្រប់ពេលធ្វើដំណើរ។ លោកបន្ថែមថា ដើម្បីចូលរួមកាត់បន្ថយអត្រាគ្រោះថ្នាក់ចរាចរណ៍ផ្លូវគោក សូមសាធារណជនដែលជាអ្នកប្រើប្រាស់ដងផ្លូវទាំងអស់ សូមយកចិត្តទុកដាក់ និង ប្រុងប្រយ័ត្នឲ្យបានខ្ពស់គ្រប់ពេលដែលធ្វើដំណើរនៅលើដងផ្លូវ ចូលរួមគោរពច្បាប់ចរាចរណ៍ដោយស្មារតីទទួលខុសត្រូវ ដើម្បីសុវត្ថិភាពផ្ទាល់ខ្លួន និង អ្នកដទៃ។

លោកអភិបាលរងខេត្ត បានបន្តថា យុទ្ធនាការចែកមួកសុវត្ថិភាពដល់ប្រជាពលរដ្ឋធ្វើដំណើរតាមដងផ្លូវ គឺជាសកម្មភាពសង្គមដ៏សំខាន់មួយ ដើម្បីកាត់បន្ថយអត្រាគ្រោះថ្នាក់ចរាចរណ៍ និង លើកកម្ពស់ការយល់ដឹងអំពីច្បាប់ចរាចរណ៍នៅកម្ពុជា។ សកម្មភាពទាំងនេះ មានគោលដៅសំខាន់ក្នុងការការពារអាយុជីវិត និង កាត់បន្ថយការរងរបួសក្បាលធ្ងន់ធ្ងរនៅពេលមានគ្រោះថ្នាក់ចរាចរណ៍។

ដោយឡែក លោក ឆែម ពេ តំណាងក្រុមហ៊ុន Ganzberg (ហ្គែនប៊ឺក) បានឲ្យដឹងដែរថា ក្រុមហ៊ុន Ganzberg (ហ្គែនប៊ឺក) មានយុទ្ធនាការចែកមួកការពារសុវត្ថិភាពចំនួន ១ ម៉ឺនមួក ដោយឥតគិតថ្លៃ ដល់ប្រជាពលរដ្ឋ ដើម្បីចូលរួមចំណែកកាត់បន្ថយគ្រោះថ្នាក់ចរាចរណ៍នៅក្នុងប្រទេសកម្ពុជា។ ការចែកមួកសុវត្ថិភាពដល់ប្រជាពលរដ្ឋ គឺជាផ្នែកមួយ នៃការចូលរួមចំណែកផ្សព្វផ្សាយពីសារៈសំខាន់ នៃការពាក់មួកសុវត្ថិភាពអំឡុងពេលបើកបរ និង ធ្វើដំណើរទាំងជិត និង ឆ្ងាយ។ ក្នុងការផ្តល់មួកសុវត្ថិភាពនេះ មានគោលបំណងបញ្ជ្រាប និង លើកកម្ពស់ចំណេះដឹងអំពីសុវត្ថិភាពចរាចរណ៍ដល់ប្រជាពលរដ្ឋ កាត់បន្ថយហានិភ័យគ្រោះថ្នាក់ នេះគឺជាសកម្មភាពសង្គមដ៏សកម្មមួយរបស់ក្រុមហ៊ុនក្នុងការជួយកាត់បន្ថយអត្រាគ្រោះថ្នាក់ផងដែរ៕
អត្ថបទ ៖ គឿនវេត

The post អនុគណៈកម្មការសុវត្ថិភាពចរាចរណ៍ផ្លូវគោកខេត្តសៀមរាប ចុះអប់រំផ្សព្វផ្សាយច្បាប់ចរាចរណ៍ និង ចែកមួកសុវត្ថិភាពជូនពលរដ្ឋ  appeared first on Kampuchea Thmey Daily.

ការថ្លែងនេះនៅក្នុងកិច្ចប្រជុំគណៈអភិបាលខេត្ត ប្រចាំអឌ្ឍមាសទី១ ខែមេសា តាមរយៈប្រព័ន្ធអនឡាញ Zoom កាលពីព្រឹកថ្ងៃទី២១ ខែមេសា ឆ្នាំ២០២៦នេះ លោក គួច ចំរើន អភិបាលខេត្តកណ្តាល បានកោតសរសើរចំពោះ គ្រប់អនុគណៈកម្មការរៀបចំកម្មវិធីសង្ក្រាន្តខេត្តកណ្ដាល មន្ត្រីរាជការ និងមន្ទីរជុំវិញខេត្តទាំងអស់ ដែលបានខិតខំប្រឹងប្រែងរៀបចំកម្មវិធីសង្ក្រាន្តខេត្ត បានយ៉ាងល្អប្រសើរសម្រាប់បង្កភាពសប្បាយរីករាយដល់ប្រជាពលរដ្ឋចូលរួមលេងកម្សាន្ត។ ចំពោះការថែរក្សាការពារសន្តិសុខសណ្តាប់ធ្នាប់ក្នុងកម្មវិធីសង្ក្រាន្តនេះក៏បានល្អប្រសើរផងដែរដោយមិនមានបញ្ហាកើតឡើងណាមួយដែលគួរឱ្យកត់សម្គាល់ឡើយ។

ក្នុងនោះ លោកអភិបាលខេត្ត បានជំរុញដល់កម្លាំងមានសមត្ថកិច្ចត្រូវបន្តមានវិធានការរឹតបន្តឹងសុវត្ថិភាពចរាចរណ៍ និងសណ្តាប់ធ្នាប់តាមដងផ្លូវសាលារៀនដើម្បីបន្តកាត់បន្ថយគ្រោះថ្នាក់ចរាចរណ៍ អាជ្ញាធរទាំង១៣ ក្រុង-ស្រុក ត្រូវបន្តដាក់ប៉ុស្តិ៍ត្រួតពិនិត្យចរាចរណ៍នៅតាមដងផ្លូវសំខាន់ៗ ក្នុងមូលដ្ឋានរបស់ខ្លួន ទន្ទឹមនឹងនេះកងកម្លាំងមានសមត្ថកិច្ចត្រូវដាក់សាជីចរាចរណ៍ នៅតាមដងផ្លូវចេញ-ចូលមុខសាលារៀននានា ដើម្បីការពារសុវត្ថិភាពជូនក្មួយៗសិស្សានុសិស្សទាំងពេលចូលរៀន និងពេលត្រឡប់ទៅផ្ទះវិញ។

ពាក់ព័ន្ធនឹងការរៀបចំសណ្តាប់ធ្នាប់តាមដងផ្លូវសាធារណៈ និងការគ្រប់គ្រងការសាងសង់សំណង់គ្រប់ប្រភេទ លោកអភិបាលខេត្ត បានជំរុញដល់អាជ្ញាធរក្រុង-ស្រុកទាំងអស់ ត្រូវបន្តខិតខំរៀបចំសណ្តាប់ធ្នាប់តាមដងផ្លូវ ដោយត្រូវរុះរើសំណង់ដែលរំលោភលើដីចំណីផ្លូវ ឬសំយាបផ្ទះដែលប៉ះពាល់ដល់ផ្លូវសាធារណៈ បង្កជាការកកស្ទះ គ្មានសោភណ្ឌភាពសណ្ដាប់ធ្នាប់ អាចក៏អាចបង្ករជាគ្រោះថ្នាក់ចរាចរណ៍បានផងដែរ ការអនុវត្តត្រូវធ្វើឡើងក្នុងស្មារតី ទន់ភ្លន់ តែម៉ឺងម៉ាត់ និងមានលទ្ធផលល្អប្រសើរ។ 

លោកអភិបាលខេត្ត បានកោតសរសើរទៅដល់រដ្ឋបាលស្រុកលើកដែក និងរដ្ឋបាលស្រុកកៀនស្វាយ ដែលបានធ្វើការរាយការណ៍អំពីវឌ្ឍនភាព នៃការរៀបចំសម្រាប់ធ្នាប់តាមដងផ្លូវក្នុងមូលដ្ឋានរបស់ខ្លួនប្រកបដោយការទទួលខុសត្រូវខ្ពស់ និងទទួលបានលទ្ធផលល្អប្រសើរ  ដោយឡែកសម្រាប់ក្រុងសំពៅពូន និងក្រុងអរិយក្សត្រ ត្រូវត្រៀមរៀបចំរបាយការណ៍ស្តីពីការរៀបចំសណ្តាប់ធ្នាប់តាមដងផ្លូវក្នុងមូលដ្ឋានរបស់ខ្លួនឱ្យបានច្បាស់លាស់ជូនគណៈអភិបាលខេត្តមានកិច្ចប្រជុំខាងមុខនេះ។

លោកអភិបាលខេត្ត បានមានប្រសាសន៍ថា ចំពោះការទប់ស្កាត់សំណង់មិនមានច្បាប់អនុញ្ញាត និងសំណង់មិនរៀបរយអាជ្ញាធរក្រុង-ស្រុក ត្រូវចុះពិនិត្យ និងគ្រប់គ្រងការសាងសង់ឱ្យបានហ្មត់ចត់ ដោយត្រូវណែនាំម្ចាស់សំណង់ឱ្យសុំច្បាប់អនុញ្ញាតឱ្យបានត្រឹមត្រូវ និងបន្តធ្វើបច្ចុប្បន្នភាពស្ថិតិសំណង់មិនរៀបរយដើម្បីងាយស្រួលគ្រប់គ្រង ត្រូវធ្វើស្ថិតិគ្រប់គ្រងឱ្យបានច្បាស់លាស់ចំពោះសំណង់ដែលមិនមានច្បាប់អនុញ្ញាត និងសំណង់ដែរមិនរៀបរយ៕

The post អភិបាលខេត្តកណ្តាល ជំរុញដល់សមត្ថកិច្ចត្រូវបន្តមានវិធានការរឹតបន្តឹងសុវត្ថិភាពចរាចរណ៍ និងសណ្តាប់ធ្នាប់តាមដងផ្លូវ appeared first on Kampuchea Thmey Daily.

ក្រោយពីឃើញទង្វើអង្គរក្សឯកជនបំពានសិទ្ធិអ្នកបើកបរយានយន្តក្នុងភូមិសាស្ត្ររាជធានីភ្នំពេញ ស្នងការនគរបាលរាជធានី ឧត្ដមសេនីយ៍ឯក ជួន ណារិន្ទ សរសេរលើបណ្ដាញសង្គមដូច្នេះ៖«ខ្ញុំបានដាក់បទបញ្ជាឱ្យជំនាញកោះហៅមកសួរនាំអំពីសកម្មភាពតាមដងផ្លូវសាធារណៈបែបនេះ(សូមកុំធ្វើទង្វើឱ្យមានការភ័យខ្លាចដល់អ្នកធ្វើដំណើរ)។ »។

បណ្ឌិត ឈត ប៊ុនថង អ្នកតាមដានបញ្ហាសង្គមយល់ថា អង្គរក្សឯកជនមានតួនាទីការពារសុវត្ថិភាពមេកើយរបស់ខ្លួន ប៉ុន្តែចំពោះបញ្ហាចរាចរណ៍លើដងផ្លូវបន្តិចបន្តួច មិនមានគ្រោះថ្នាក់បែបនេះ អង្គរក្សឯកជនមិនគួរកាត់សេចក្ដីដោយខ្លួនឯងជំនួសអាជ្ញាធរ ប្រើសម្ដីគ្មានសីលធម៌ បំពានដល់អ្នកដទៃ បំពានច្បាប់ឡើយ។  

លោកបណ្ឌិត គាំទ្រចំពោះសមត្ថកិច្ចដែលកោះហៅអង្គរក្សឯកជនទាំងពីរនេះមកសួរនាំ ហើយបើរកឃើញថាមានកំហុសកម្រិតស្រាល  អាជ្ញាធរត្រូវតែធ្វើកិច្ចសន្យាអប់រំ បង្គាប់ឱ្យបញ្ឈប់ទង្វើអសីលធម៌បំពានសិទ្ធិអ្នកដទៃតទៅទៀត តែបើមានកំហុសធ្ងន់ធ្ងរត្រូវតែចាត់វិធានការច្បាប់។

អ្នកតាមដានបញ្ហាសង្គមរូបនេះ ចាត់ទុកថា វិធានការរបស់អាជ្ញាធរលើអង្គរក្សឯកជនដែលមានកំហុស គឺជាការយកចិត្តទុកដាក់ចំពោះសណ្ដាប់ធ្នាប់សង្គម ការការពារពលរដ្ឋទន់ខ្សោយពីការបំពាន និងជាការព្រមានចំពោះជនប្រព្រឹត្តកំហុសផ្ទាល់ និងដោយប្រយោលទៅកាន់អង្គរក្សឯកជនដទៃទៀតកុំឱ្យប្រព្រឹត្តទង្វើបំពានអ្នកដទៃ។

លោកក៏ព្រមានទុកមុនថា បើអាជ្ញាធរមិនចាត់វិធានការច្បាប់ចំពោះអ្នកដែលប្រព្រឹត្តកំហុសធ្ងន់ធ្ងរមិនអាចលើកលែងទេ ទៅថ្ងៃក្រោយ អាចនឹងអង្គរក្សឯកជនប្រព្រឹត្តទង្វើមិនគប្បីដាក់លើពលរដ្ឋផ្សេងទៀត។

តាមការផ្សព្វផ្សាយនៅលើបណ្ដាញសង្គម អង្គរក្សឯកជនទាំងពីររូបនេះ គឺការកូនចៅរបស់ឧកញ៉ាមួយរូប ដែលរស់នៅសង្កាត់ព្រែក​ប្រា​ ខណ្ឌ​ច្បារអំពៅ​ រាជធានីភ្នំពេញ​៕

The post អគ្គស្នងការរង ជួន ណារិន្ទ បញ្ជាឱ្យហៅអង្គរក្សឯកជន២នាក់ជិះម៉ូតូកាងមេខ្លួន ជេរអ្នកបើកឡានថា«អាឆ្កួត»មកសួរនាំ appeared first on Kampuchea Thmey Daily.

លោក​បណ្ឌិត​បាន​បន្តថា ការបង្កើន​ការអប់រំ​ផ្សព្វផ្សាយ​ច្បាប់​ស្តីពី “​ចរាចរណ៍​ផ្លូវគោក​” ជូន​ដល់​អ្នក​បើកបរ​យានយន្ត​ដឹក​កម្មករ-និយោជិត​នេះ ដើម្បី​បង្កើន​ការ​យល់ដឹង​ចូលរួម​កាត់បន្ថយ​អត្រា​គ្រោះថ្នាក់​ចរាចរណ៍​មក​នៅ​កម្រិត​ទាប និង​ធ្វើ​ឱ្យ​កម្មករ-និយោជិត ទទួល​បាន​នូវ​ផាសុកភាព និង​សុវត្ថិភាព ក្នុង​ការ​ធ្វើដំណើរ​ទៅមក​ធ្វើការ​ប្រចាំថ្ងៃ។

លោក​បណ្ឌិត​បាន​បន្តទៀត​ថា គិត​ត្រឹម​ឆមាស​ទី ១ ឆ្នាំ ២០២៥ នេះ ក្រុមការងារ​សុវត្ថិភាព​ចរាចរណ៍​ផ្លូវគោក​សម្រាប់​គាំពារ​កម្មករ-និយោជិត នៃ​បេឡា​ជាតិ​សន្តិសុខ​សង្គម នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ បាន​ចុះ​ផ្សព្វផ្សាយ​ច្បាប់​ស្ដីពី​ចរាចរណ៍​ផ្លូវគោក សុវត្ថិភាព​ក្នុង​ការ​ធ្វើដំណើរ និង​សុវត្ថិភាព​លើ​មធ្យោបាយ​ដឹកជញ្ជូន ជូន​ដល់​អ្នកបើកបរ​យានយន្ត​ដឹក​កម្មករ-និយោជិត និង​កម្មករ-និយោជិត​បាន​ចំនួន ១៦៣ លើក ដោយមាន​អ្នកចូលរួម ៤៥ ៤៥១ នាក់ ក្នុងនោះ ស្រី ៣៥ ៤៥៣ នាក់។

លោក​បណ្ឌិត​បាន​លើក​ឡើង​ថា ស្ថានភាព​គ្រោះថ្នាក់​ចរាចរណ៍​ផ្លូវគោក​របស់​កម្មករ​-​និយោជិត ឆមាស​ទី ១ ឆ្នាំ ២០២៥ ករណី​គ្រោះថ្នាក់​ចរាចរណ៍​កើត​ឡើងលើ​កម្មករ​-​និយោជិត​មាន​ចំនួន ២ ៣០៩ ករណី ជនរងគ្រោះ​សរុប ២ ៩៧៧ នាក់ ស្រី ១ ៦៩១ នាក់ ក្នុង​នោះ ស្លាប់ ៩០ នាក់ រងរបួស​ធ្ងន់ ៩១២ នាក់ និង​រង​របួស​ស្រាល ១ ៩៧៥ នាក់។

លោក​បណ្ឌិត​បាន​បន្ត​ថា ក្នុងចំណោម​ករណី​គ្រោះថ្នាក់​លើ​រថយន្ត​ដឹកទំនិញ​គ្រោះថ្នាក់​ចំនួន ៤ ករណី ជនរងគ្រោះ​សរុប ៩៤ នាក់ ស្រី ៨៦ នាក់ ក្នុង​នោះ ស្លាប់ ១ នាក់ រង​របួស​ធ្ងន់ ១១ នាក់ និង​រង​របួស​ស្រាល ៨២ នាក់។

លោក​បណ្ឌិត​បាន​បន្តទៀតថា មាន​កត្តា​សំខាន់​មួយចំនួន​ដែល​ជំរុញឱ្យមាន​ករណី​គ្រោះថ្នាក់​ចរាចរណ៍​កើតឡើង ក្នុងនោះ រួមមាន បើកបរ​លើស​ល្បឿន​កំណត់ មិន​ប្រកាន់​ស្តាំ (​បញ្ច្រាស​ទិស​) កត្តា​មិន​គោរព​សិទ្ធិ​អាទិភាព ការ​បត់​មិន​ត្រឹមត្រូវ និង​កត្តា​យានយន្ត។

លោក​បណ្ឌិត បាន​ធ្វើការ​អំពាវនាវ​ដល់​កម្មករ​-​និយោជិត ទាំងអស់ មេត្តា​បង្កើន​ការ​ប្រុងប្រយ័ត្ន​ឱ្យ​បាន​ខ្ពស់​ក្នុង​ការ​ធ្វើដំណើរ ទាំង​អ្នក​ធ្វើ​ដំណើរ​ដោយ​ម៉ូតូ និង​ទាំង​អ្នក​ធ្វើ​ដំណើរ​ដោយ​រថយន្ត​ដឹក​កម្មករ​-​និយោជិត ត្រូវ​គោរព​ច្បាប់​ស្ដីពី​ចរាចរណ៍​ផ្លូវគោក ដើម្បី​ចៀសវាង​ករណី​គ្រោះថ្នាក់​ជាយថា​ហេតុ និង​ក្រើនរំលឹក​ទៅកាន់​អ្នកបើកបរ​រថយន្ត​ដឹក​កម្មករ​-​និយោជិត ទាំងអស់ ត្រូវ​មាន​ស្មារតី​ទទួល​ខុស​ត្រូវ​ខ្ពស់ និង​យកចិត្តទុកដាក់​រាល់ពេល​បើកបរ​ផង​ដែរ៕

អត្ថបទ ៖ សំអឿន

The post ប្រធានក្រុមការងារ ស.ផ.ក ប្ដេជ្ញានឹងបង្កើនការផ្សព្វផ្សាយច្បាប់ស្ដីពីចរាចរណ៍ ដល់អ្នកដឹកកម្មករ និងកម្មករ-និយោជិត appeared first on Kampuchea Thmey Daily.

កាលពី​ព្រឹក​ថ្ងៃ​ទី ៨ ខែ​កក្កដា ឆ្នាំ ២០២៥ នេះ កម្លាំង​ផ្នែក​ចរាចរណ៍​បាន​ដាក់​គោលដៅ​ត្រួតពិនិត្យ​ច្បាប់​ចរាចរណ៍​ផ្លូវគោក​នៅ​ចំណុច​ស្តុប​ស្ថានីយ​ប្រេងឥន្ធនៈ កាល់​តិច ដើម្បី​ត្រួតពិនិត្យ​ច្បាប់​ចរាចរណ៍​ផ្លូវគោក ស្ថិត​ក្នុង​សង្កាត់​ព្រែក​ឫស្សី ក្រុង​តាខ្មៅ ខេត្ត​កណ្តាល។

លោក​វរសេនីយ៍ឯក យី វណ្ណដា អធិការ នៃ​អធិការដ្ឋាន​នគរបាល​ក្រុង​តាខ្មៅ បាន​ឲ្យ​ដឹង​ថា កម្លាំង​ផ្នែក​ចរាចរណ៍ នៃ​អធិការដ្ឋាន​នគរបាល​ក្រុង​តាខ្មៅ បាន​បន្ត​អនុវត្ត​ច្បាប់​ចរាចរណ៍​ផ្លូវគោក​ឲ្យ​ដូច​ភ្លៀង​រលឹម ហើយ​ដោយ​សង្កេត​ឃើញ​ថា ពលរដ្ឋ​មួយ​ចំនួន​ធំ នៅតែ​មិន​ទាន់​យល់​ពី​ច្បាប់​ចរាចរណ៍​ផ្លូវ​គោក បន្ត​ល្មើស​ជិះ​ម៉ូតូ​មិន​ពាក់មួក​សុវត្ថិភាព​ស្ទើរតែ​រាល់ថ្ងៃ នៅ​ចំណុច​ស្តុប​ស្ថានីយ​ប្រេងឥន្ធនៈ កាល់​តិច ទើប​លោក​បាន​ចាត់​កម្លាំង​ដាក់​ស្ទាក់​ចាប់ ដើម្បី​ធ្វើការ​ផាក​ពិន័យ​តាម​ផ្លូវ​ច្បាប់​ចរាចរណ៍​ដែល​បាន​ចែង​ទុក។

លោក​បន្ត​ថា ជាក់ស្ដែង​ជា​លទ្ធផល កម្លាំង​នគរបាល​ចរាចរណ៍​ក្រុង​តាខ្មៅ បាន​ស្ទាក់​ចាប់ និង ផាក​ពិន័យ​ម៉ូតូ​ល្មើសច្បាប់​ចរាចរណ៍​ចំនួន ១២ គ្រឿង ហើយ​ចេញ​វិក័យប័ត្រ​ឲ្យ​យក​ទៅ​បង់​ដោយ​ខ្លួនឯង ក្នុង​នោះ សុទ្ធតែ​មិន​ពាក់មួក​សុវត្ថិភាព​ទាំងអស់។

លោក​អធិការ​ក្រុង​តាខ្មៅ បាន​អំពាវនាវ ក៏ដូចជា​សំណូមពរ​ទៅកាន់​ប្រជាពលរដ្ឋ​បើកបរ​ម៉ូតូ និង បើកបរ​រថយន្ត​ទាំងអស់ ត្រូវ​គោរព​ច្បាប់​ចរាចរណ៍​ឲ្យ​បាន​គ្រប់ៗ គ្នា ដើម្បី​សុវត្ថិភាព និង​ជា​ការ​ជួយ​កាត់​បន្ថយ​គ្រោះថ្នាក់​ចរាចរណ៍​ដល់​អាយុជីវិត​ណាមួយ​កើតឡើង៕

អត្ថបទ ៖ រដ្ឋា

The post នគរបាលចរាចរណ៍ក្រុងតាខ្មៅ ចាប់ផាកពិន័យម៉ូតូល្មើសច្បាប់ចំនួន ១២ គ្រឿង appeared first on Kampuchea Thmey Daily.

អគ្គស្នងការដ្ឋាននគរបាលជាតិ បញ្ជាក់ថា៖ “យានយន្តចូលគោលដៅចំនួន ៧,៣៨០គ្រឿង, រថយន្តធំ ៧៣គ្រឿង, រថយន្តតូច ២,៧៥៧គ្រឿង, ម៉ូតូ ៤,៥៥០គ្រឿង ។ ក្នុងនោះរកឃើញយានយន្តល្មើសសរុបចំនួន ៥,៥៩៨គ្រឿង, រថយន្តធំ ៤៣គ្រឿង, រថយន្តតូច ២,១០០គ្រឿង និងម៉ូតូ ៣,៤៥៥គ្រឿង ត្រូវបានផាកពិន័យតាមអនុក្រឹត្យ លេខ ៣៩.អនក្រ.បក នៅទូទាំងប្រទេស”។

ដោយឡែក បើគិតត្រឹមតែថ្ងៃទី១៩ ខែមិថុនា មានយានយន្តមានយានយន្តចូលគោដៅចំនួន ៣៣៣គ្រឿង ក្នុងចំណោមគោដៅ ១២១គោលដៅ។ ចំពោះយានយន្តចូលគោលដៅទាំង ៣៣៣គ្រឿងមានដូចជា រថយន្តធំ ០គ្រឿង, រថយន្តតូច ១៣៦គ្រឿង និងម៉ូតូ ១៩៧គ្រឿង ក្នុងនោះរកឃើញយានយន្តល្មើសសរុបចំនួន ២៦៥គ្រឿង, រថយន្តធំ ០គ្រឿង, រថយន្តតូច ១០៤គ្រឿង និងម៉ូតូ ១៦១គ្រឿង ត្រូវបានផាកពិន័យ។ នេះបើតាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈស្តីពីការរឹតបន្តឹងច្បាប់ចរាចរណ៍ផ្លូវគោក៕

The post ជិត២០ថ្ងៃ មានយានយន្តល្មើសច្បាប់ចរាចរណ៍ជាង ៥ពាន់គ្រឿង appeared first on Kampuchea Thmey Daily.

ការ​ឃាត់​អប់រំ​នេះ​ដែរ​បាន​ធ្វើ​ឡើង​កាលពី​វេលា​ព្រឹក​ថ្ងៃ​ទី ១៦ ខែ​មិថុនា ឆ្នាំ ២០២៥ ស្ថិត​នៅ​ចំណុច​អតីត​សណ្ឋាគារ​តាយ​ម៉េង តាម​ផ្លូវ​ព្រះ​នរោត្ដម ភូមិ ១០ សង្កាត់​ទន្លេបាសាក់ ខណ្ឌ​ចំការមន រាជធានី​ភ្នំពេញ។

លោក​វរសេនីយ៍ទោ ហួរ ម៉េងហួន អធិការ​ខណ្ឌ​ចំការមន បាន​ឲ្យ​ដឹង​ថា ការ​ឃាត់​អប់រំ​នេះ ដោយ​អនុវត្ត​តាម​បទបញ្ជា​របស់ លោក​ឧត្ដមសេនីយ៍​ឯក ជួន ណារិន្ទ ស្នងការ​រាជធានី​ភ្នំពេញ ដើម្បី​អនុវត្ត​ច្បាប់​ចរាចរណ៍​ទៅ​លើ​អ្នក​ជិះ​បញ្ច្រាស​នៅ​ខាង​មុខ​អតីត​សណ្ឋាគារ​តាយ​ម៉េង លើ​ផ្លូវ​នរោត្តម។

លោក​បាន​បន្ត​ថា តាម​ការ​សង្កេត​មើល​មួយ​រយៈ​ចុងក្រោយ​នេះ គ្រោះថ្នាក់​ចរាចរណ៍​មាន​ការ​កើន​ឡើង ដោយសារ​តែ​ភាគច្រើន​បណ្តាល​មកពី​ការ​ជិះ​បញ្ច្រាស​ទិស ទើប​នៅ​ថ្ងៃ​ទី ១៦ មិថុនា នេះ លោក​បាន​ចាត់​ឲ្យ លោក សួ សំ អធិការរង​ទទួល​ផែន​ចរាចរណ៍​ខណ្ឌ​ចំការមន ដោយ​មាន​ការ​ចូលរួម​ជាមួយ​ការិយាល័យ​ចរាចរណ៍​ផ្លូវគោក ស្នងការដ្ឋាន​នគរបាល​រាជធានី​ភ្នំពេញ ដើម្បី​ស្ទាក់​ឃាត់​អ្នក​បើកបរ​បញ្ច្រាស​ទិស​មក​អប់រំ​ណែនាំ។ ក្នុង​នោះ កម្លាំង បាន​បន្ត​ធ្វើការ​អនុវត្ត​ច្បាប់​ចរាចរណ៍​ដោយ​ឃាត់​ពលរដ្ឋ​ដែល​ល្មើសច្បាប់​ចរាចរណ៍ ជិះ​បញ្ច្រាស មាន​រថយន្ត និង​ម៉ូតូ ចំនួន ១៧ គ្រឿង (រថយន្ត ១ គ្រឿង , ម៉ូតូ ១៦ គ្រឿង) មក​អប់រំ​ណែនាំ កុំ​ឲ្យ​បន្ត​ជិះ​បញ្ច្រាស​ខុសច្បាប់​ចរាចរណ៍​បែបនេះ​ជា​បន្តបន្ទាប់។

ក្រោយ​ឃាត់​រួចរាល់ សមត្ថកិច្ច បាន​អប់រំ​ណែនាំ​មិន​ឲ្យ​ជិះ​បញ្ច្រាស​បែបនេះ​បន្ត​ទៀត​នោះ​ឡើយ រួច​បាន​ឲ្យ​ត្រឡប់​ទៅវិញ ឬ​ប្រកប​អាជីវកម្ម​បន្ត។ ទន្ទឹម​នោះ ករណី​មិន​រាងចាល សមត្ថកិច្ច នឹង​ធ្វើការ​អនុវត្ត​តាម​នីតិវិធី​ច្បាប់៕

អត្ថបទ ៖ រដ្ឋា

The post នគរបាលចាប់ឃាត់រថយន្ត-ម៉ូតូ ១៧ គ្រឿង ជិះបញ្ច្រាសខាងមុខអតីតសណ្ឋាគារ តាយម៉េង នៅខណ្ឌចំការមន appeared first on Kampuchea Thmey Daily.

ប្រភពដដែលបញ្ជាក់ថា យានយន្តចូលគោលដៅចំនួន ៤,២១០គ្រឿង, រថយន្តធំ ៤៥គ្រឿង, រថយន្តតូច ១,៤០៩គ្រឿង, ម៉ូតូ ២,៧៥៦គ្រឿង ។ ក្នុងនោះរកឃើញយានយន្តល្មើសសរុបចំនួន ៣,១២៥គ្រឿង, រថយន្តធំ ២៩គ្រឿង, រថយន្តតូច ៩៧៨គ្រឿង និងម៉ូតូ ២,១១៨គ្រឿង ត្រូវបានផាកពិន័យតាមអនុក្រឹត្យ លេខ ៣៩.អនក្រ.បក នៅទូទាំងប្រទេស ។

បើគិតត្រឹមតែថ្ងៃទី១២ ខែមិថុនា ចំនួនគោលដៅសរុប ១៦៣គោលដៅ មានយានយន្តចូលគោលដៅចំនួន ២៥៣គ្រឿង, រថយន្តតូច ៥១គ្រឿង និងម៉ូតូ ២០២គ្រឿង ក្នុងនោះរកឃើញ យានយន្តល្មើសសរុបចំនួន ១៤៣គ្រឿង, រថយន្តតូច ៣៥គ្រឿង និងម៉ូតូ ១០៨គ្រឿង ត្រូវបាន ផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស៕

The post រយៈពេល១២ថ្ងៃ ប៉ូលិសរកឃើញយានយន្តល្មើសច្បាប់ចរាចរណ៍ជាង ៣ពាន់គ្រឿង appeared first on Kampuchea Thmey Daily.