រយៈពេល១២ថ្ងៃ ប៉ូលិសរកឃើញយានយន្តល្មើសច្បាប់ចរាចរណ៍ជាង ៣ពាន់គ្រឿង

បើតាមការផុសពីអគ្គស្នងការនគរបាលជាតិ បានឱ្យដឹងថា រយៈពេល១២ថ្ងៃ ចាប់ពីថ្ងៃទី១ ដល់ថ្ងៃទី១២ ខែមិថុនា ឆ្នាំ២០២៥ តាមរបាយការណ៍ពី នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ស្តីពីការរឹតបន្ដឹង ច្បាប់ចរាចរណ៍ផ្លូវគោក មានយានយន្តចូលគោលដៅចំនួន ៤,២១០គ្រឿង ក្នុងនោះរកឃើញយានយន្តល្មើសសរុបចំនួន ៣,១២៥គ្រឿង។

ប្រភពដដែលបញ្ជាក់ថា យានយន្តចូលគោលដៅចំនួន ៤,២១០គ្រឿង, រថយន្តធំ ៤៥គ្រឿង, រថយន្តតូច ១,៤០៩គ្រឿង, ម៉ូតូ ២,៧៥៦គ្រឿង ។ ក្នុងនោះរកឃើញយានយន្តល្មើសសរុបចំនួន ៣,១២៥គ្រឿង, រថយន្តធំ ២៩គ្រឿង, រថយន្តតូច ៩៧៨គ្រឿង និងម៉ូតូ ២,១១៨គ្រឿង ត្រូវបានផាកពិន័យតាមអនុក្រឹត្យ លេខ ៣៩.អនក្រ.បក នៅទូទាំងប្រទេស ។

បើគិតត្រឹមតែថ្ងៃទី១២ ខែមិថុនា ចំនួនគោលដៅសរុប ១៦៣គោលដៅ មានយានយន្តចូលគោលដៅចំនួន ២៥៣គ្រឿង, រថយន្តតូច ៥១គ្រឿង និងម៉ូតូ ២០២គ្រឿង ក្នុងនោះរកឃើញ យានយន្តល្មើសសរុបចំនួន ១៤៣គ្រឿង, រថយន្តតូច ៣៥គ្រឿង និងម៉ូតូ ១០៨គ្រឿង ត្រូវបាន ផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស៕