តាមប្រភពពីលោក ហៀប ថុន ដែលបានធ្វើដំណើរជារៀងរាល់ថ្ងៃបានឲ្យដឹងថា ផ្លូវដែលមានជង្ហុកនោះគឺស្ថិតនៅតាមបណ្តោយផ្លូវ៣៦៩ក្បែងច្រកចូលផ្សារបន្លែច្បារអំពៅក្នុងភូមិកណ្តាលសង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ។ លោកបានបន្តថាផ្លូវ៣៦៩នេះ ពីមុនមកគឺល្អស្អាតណាស់ប៉ុន្តែក្រោយពីមានការជីកកកាយតបណ្តាញផ្សេងៗមកបែរជាទៅជាជង្ហុកស្ទើរគ្រប់កន្លែងដោយពុំបានជួសជុលឲ្យល្អដូចដើមឡើយ។

ពលរដ្ឋបានសំណូមពរដ៏ទទូចសុំឲ្យអាជ្ញាធរជួយអន្តរាគមន៍ទៅផ្នែកជំនាញឲ្យមកជួសជុលឬក៏ទុកឲ្យគ្រោះថ្នាក់ដល់អ្នកដំណើរ។

ទាក់ទិនទៅនិងបញ្ហាខាងលើនេះលោក យុិន វុធ ចៅសង្កាត់ច្បារអំពៅទី២ បានប្រាប់ឲ្យកម្ពុជាថ្មីដឹងនៅថ្ងៃទី២១នេះថា ផ្លូវដែលរងការខូចខាតនេះគឺក្រុមជំនាញតបណ្តាញទឹកស្អាតលោកបានចុះមកការដ្ឋានជួសជុលទុយោដែលធ្លាយក្រោមផ្លូវ៣៦៩នេះ។ ហើយអាជ្ញាធរសង្កាត់ក៏បានស្នើរឲ្យក្រុមជំនាញតបណ្តាញមកជួសជុលនៅទីតាំងដែលបានជីកចៀសវាងទុកចោលនាំឲ្យគ្រោះថ្នាក់ដល់អ្នកដំណើរសឹងរាល់ថ្ងៃនេះ៕អត្ថបទ៖នរា

The post ពលរដ្ឋនិងអ្នកដំណើរ ស្នើរឲ្យអាជ្ញាធរជំនាញពន្លឿនជួសជុលផ្លូវ៣៦៩ ខណៈកំពុងកើតមានជង្ហុក appeared first on Kampuchea Thmey Daily.

អាជ្ញាធរ បាន​ឲ្យ​ដឹង​ថា ដោយ​ឃើញ​ផ្លូវ​មួយ​ចំនួន​ក្នុង​មូលដ្ឋាន​ខណ្ឌ​កំបូល​រង​នូវ​ការ​ខូចខាត​ដោយ​ទឹកភ្លៀង ជង្ហុក​តូច-ធំ សំបុក​មាន់ ប៉ះពាល់ និង​ពិបាក​ធ្វើ​ដំណើរ​របស់​ប្រជាពលរដ្ឋ ដោយ​មាន​ការ​យកចិត្តទុកដាក់​ពី លោក ឃឹម ស៊ុនសូដា ចាត់តាំង​ក្រុម​ការងារ​ការិយាល័យ​សាធារណការ ដឹក​ជញ្ជូន អនាម័យ បរិស្ថាន និង​សណ្ដាប់ធ្នាប់​សាធារណៈ សហការ​ជាមួយ​អាជ្ញាធរ​សង្កាត់​ឪឡោក និង​ភូមិ​ពាក់ព័ន្ធ ដាក់​គ្រឿងចក្រ​ឈូស​ឆាយ​កៀរ​ផ្លូវ​ជង្ហុក​សំបុក​មាន់​ទាំង​នោះ ដើម្បី​សម្រួល​ដល់​ប្រជាពលរដ្ឋ​ក្នុង​មូលដ្ឋាន​ងាយ​ស្រួល​ធ្វើ​ដំណើរ។

អាជ្ញាធរ បន្ថែម​ថា ការ​ឈូស​ឆាយ​កៀរ​ផ្លូវ​ជង្ហុក​ខាង​លើ​នោះ​មាន​ចំនួន ៥ ខ្សែ ដែល​ស្ថិត​ក្នុង​សង្កាត់​ឪឡោក ខណ្ឌ​កំបូល រាជធានី​ភ្នំពេញ៕

អត្ថបទ ៖ សុខា

The post រដ្ឋបាលខណ្ឌកំបូល ដាក់គ្រឿងចក្រឈូសកៀរផ្លូវជង្ហុកសំបុកមាន់ សម្រួលដល់ប្រជាពលរដ្ឋធ្វើដំណើរ appeared first on Kampuchea Thmey Daily.

លោក ចាន់វី ពលរដ្ឋលើកឡើងថា ចំណុចផ្លូវនេះធ្លាប់ឃើញអាជ្ញាធរ បានចុះមកស្ថាបនាប្រព័ន្ធលូរួចរាល់ហើយ ប៉ុន្តែគិតមកទល់ថ្ងៃនេះ មានរយៈពេលយូរគួរសមដែរ ល្មមគ្រប់គ្រាន់តែអាចដំណើរការចាក់កៅស៊ូ អ៊ុតផ្លូវឡើងវិញបានហើយ។ ពលរដ្ឋបន្តថា មិនគួរទុកចោលយូរពេកបែបនេះទេ ព្រោះមិនថាតែពួកគាត់ជាអ្នករស់នៅ នឹងអ្នកប្រកបអាជីវកម្មតំបន់នេះនោះទេ សូម្បីតែអ្នកធ្វើដំណើរ ក៏ជួបការលំបាកដូចគ្នាដែរ ។

និស្សិតសកលវិទ្យាល័យមួយកន្លែង សុំមិនបញ្ចេញឈ្មោះ ដែលតែងឆ្លងកាត់ចំណុចនេះជាប្រចាំបានអោយដឹងថា កាលពីសប្តាហ៍មុន គាត់ឆ្លងកាត់ចំណុចនេះ ធ្វើដំណើរទៅសាលារៀនបានរអិលដួល ០២-០៣ដង រលាត់ដៃជើងគួរសមដែរមួយរយៈនេះ។ ក៏ព្រោះថាផ្លូវនេះ មានដី និងគ្រួស លាយលំដោយផ្លូវមានសភាពស្រុតចុះក្រោម ទើបបង្កការលំបាកយ៉ាងខ្លាំង ទៅលើអ្នកឆ្លងកាត់ទៅមក។

ពាក់ព័ន្ធបញ្ហាក្រុមការងារកម្ពុជាថ្មី របស់យើងបានទំនាក់ទំនងទៅកាន់ លោក នី សាមិត្ត ប្រធានការិយាល័យសាធារណការខណ្ឌដូនពេញ បានបញ្ជាក់អោយដឹងថា លោក នឹង ចាត់អោយក្រុមការងារចុះទៅបន្ថែមថ្ម ព្រោះទើបតែថ្មីៗ ខ្លាចនៅពេលអ៊ុតកៅស៊ូទៅ ស្រុតផ្លូវ។ ដូច្នេះទើបអាជ្ញាធរសុំពេល ដើម្បីអោយ ដីថ្មីហាប់ណែន នឹងចាប់ផ្តើមការដ្ឋានតែម្តង៕ អត្ថបទ ៖ រដ្ឋា

The post ពលរដ្ឋស្នើសុំជួយពន្លឿនធ្វើផ្លូវឡើងវិញ ម្តុំផែថ្ម ក្រោយអាជ្ញាធរកាយដាក់លូ មិនទាន់បានជួសជុលផ្លូវឡើងវិញ appeared first on Kampuchea Thmey Daily.

បើយោងតាមផែនការដឹកនាំ លោក ឃឹម ស៊ុនសូដា អភិបាលនៃគណ:អភិបាលខណ្ឌកំបូល លោក​ ទ្រី​ ណារ៉េត​ អភិបាលរងខណ្ឌកំបូល​ កាលពីថ្ងៃទី៥​ ខែធ្នូ​ ឆ្នាំ២០២៥នេះ​ បានដឹកនាំមន្រ្តីការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណ: និងអាជ្ញាធរសង្កាត់-ភូមិ ចុះធ្វើការជួសជុលផ្លូវបេតុងសំបុកមាន់ ដែលរងការខូចខាត ដោយសារជំនន់ទឹកភ្លៀង។

អាជ្ញាធរបានឲ្យដឹងថា​ ការជួសជុលផ្លូវខាងលើនេះមានចំនួន២ខ្សែ​ ដោយខ្សែទី១​ នៅផ្លូវបេតុងវត្តស្ងួនពេជ្រ ស្ថិតនៅភូមិស្ងួនពេជ្រ សង្កាត់កន្ទោក​ និងទី២​ ផ្លូវបេតុងកែងផ្លូវជាតិលេខ៤​ ចូលសាលាខណ្ឌ ភូមិគល់ សង្កាត់កន្ទោក ខណ្ឌកំបូល រាជធានីភ្នំពេញ​ ដើម្បីសម្រួលមួយគ្រាឲ្យប្រជាពលរដ្ឋធ្វើដំណើរប្រកបរបរផ្សេងៗ​ ចំណែកផ្លូវដែលសេសសល់អាជ្ញាធរនិងបន្តជួសជុលជាបន្តបន្ទាប់៕

អត្ថបទ៖ សុខា

The post អាជ្ញាធរខណ្ឌកំបូលជួសជុលជង្ហុកសំបុកមាន់ក្នុងមូលដ្ឋាន appeared first on Kampuchea Thmey Daily.

ជាក់ស្ដែងកំណាត់ផ្លូវដែលកំពុងកើតមានជង្ហុកឡើងវិញនេះ ស្ថិតនៅតាមបណ្ដាយផ្លូវលេខ ៣២២ កែងផ្លូវត្រសក់ផ្អែម សង្កាត់បឹងកេងកង ១ ខណ្ឌបឹងកេងកង រាជធានីភ្នំពេញ។

បើតាមការសាកសួរជាមួយលោក វណ្ណា ជារត់កង់ដែលតែងតែចាំភ្ញៀវនៅលើកំណាត់ផ្លូវនោះបានអោយដឹងថាលោកសង្កេតឃើញថាជង្ហុកទាំងនេះ ដំបូងឡើងមាន បន្តិចបន្តួចនោះទេ តែដោយសារ មិនជួលជុលទុកអោយជ្ហុកទាំងនោះទៅជាធំទៅៗ ពេលខ្លះឃើញមានម្ចាស់ផ្ទះ បានយកកំទេចថ្មមកចាក់បំពេញជង្ហុក ជៀសវាងមានអ្នកធ្វើដំណើរជិះធ្លាក់ជង្ហុកគ្រោះថ្នាក់ជាយថាហេតុ ។ 

ពាក់ព័ន្ធបញ្ហានេះ លោក ហេង ពិសិដ្ឋ អភិបាលរងខណ្ឌបឹងកេងកង បានប្រាប់កម្ពុជាថ្មី ឲ្យដឹងថា ចំពោះផ្លូវនេះអាជ្ញាធរសង្កាត់ បានលើកជាគម្រោងរួចរាល់ហើយ និង ធើ្វការស្ថាបនាឡើងវិញនៅឆ្នាំក្រោយ ដោយប្រើប្រាស់ថិវិកាអភិវឌ្ឍន៍សង្កាត់។ ចំពៅះផ្លូវនេះនៅសល់តែមួយកំណាត់តែប៉ុណ្ណាះ ចាប់ពីផ្លូវលេខ ៣២២ កែង ៦៣។

លោកអភិបាលរង ក៏បានសូមឲ្យប្រជាពលរដ្ឋដែលធើ្វដំណើរឆ្លងកាត់ផ្លូវខាងលើ មេត្តាអធ្យាស្រ័យដល់ការយឺតយ៉ាវក្នុងការជួសជុលឡើងវិញផង។

គួររំលឹកផងដែរថា កន្លងមកប្រជាពលរដ្ឋរស់នៅក្នុងមូលដ្ឋាន បានរៀបរាប់ពីការលំបាកក្នុងការធើ្វដំណើរ និងសំណូមពរទៅកាន់អាជ្ញាធរពីបញ្ហាផ្លូវនេះផងដែរ ដោយផ្លូវខាងលើនេះចាប់ផ្តើមខូចខាតកាន់តែខ្លាំងទៅៗ ដោយសារមានភ្លៀងធ្លាក់ទឹកហូរច្រោះ បង្កឲ្យកើតមាននូវជង្ហុកសំបុកមាន់កាន់តែច្រើនស្ទើរតែជិះមិនកើតតែម្តង ដែលខូចខាតប្រវែងជិត ១០០ ម៉ែត្រ។៕

អត្ថបទ ៖ ម៉េង

The post កំណាត់ផ្លូវ ៣២២ ចាប់ផ្ដើមកើតមានជង្ហុកឡើងវិញ ពលរដ្ឋស្នើអាជ្ញាធរពន្លឿនការជួសជុល appeared first on Kampuchea Thmey Daily.

លោក ពៅ ប៊ុនរី មន្ត្រី​សង្កាត់​ភ្លើង​ឆេះ​រទេះ បាន​ឲ្យ​ដឹង​ថា ក្រោយ​ពី​មាន​ការ​ស្នើ​សុំ​ពី​ប្រជាពលរដ្ឋ​ថា​ទីតាំង​ខាង​លើ​តែងតែ​ជន់​លិច​ពេល​ភ្លៀង​មក នា​រដូវវស្សា ខណៈ​ទីតាំង​នោះ​មិន​មាន​ប្រព័ន្ធ​លូ​បង្ហូរ​ទឹក​គ្រប់គ្រាន់ និង​ផ្លូវ​ទ្រុឌទ្រោម​ពិបាក​ធ្វើ​ដំណើរ ទើប​អាជ្ញាធរ លោក​ចៅសង្កាត់​ភ្លើង​ឆេះ​រទេះ បាន​ចុះ​ដឹកនាំ​ក្រុមការងារ​ធ្វើការ​ចាក់​ដី​លាយ​ថ្ម​មក​បំពេញ​ជង្ហុក​តូច-ធំ ដាក់​គ្រឿងចក្រ​ឈូស​ឆាយ​ផ្លូវ ថែមទាំង​កាយ​រៀបចំ​ដាក់​ប្រព័ន្ធ​លូ​ថ្មី​តែម្ដង។

អាជ្ញាធរ បាន​ឲ្យ​ដឹង​ដែរ​ថា ការ​កាយ​ដាក់​លូ​ជូន​ប្រជាពលរដ្ឋ​ខាង​លើ​នេះ ស្ថិតនៅ​ក្នុង​ភូមិ​ព្រៃ​កី សង្កាត់​ភ្លើង​ឆេះ​រទេះ ខណ្ឌ​កំបូល រាជធានី​ភ្នំពេញ មាន​ប្រវែង​ប្រហែល ២១៥ ម៉ែត្រ មុខកាត់ ១ ម៉ែត្រ។

អាជ្ញាធរ ក៏បាន​អំពាវនាវ​ដល់​ប្រជាពលរដ្ឋ​ទាំងអស់ សូម​មេត្តា​ទុក​ដាក់​វេច​ខ្ចប់​សំរាម​ក្នុង​ធុងសំរាម​ដែល​អាជ្ញាធរ​កំណត់​គោលដៅ​ឲ្យ​ដាក់ និង​ចៀសវាង​បោះចោល​តាម​ប្រឡាយ ឬ​ចូល​ប្រព័ន្ធ​លូ​ងាយ​នឹង​ស្ទះ​ចរន្ត​ទឹក​ហូរ៕

អត្ថបទ ៖ សុខា

The post អាជ្ញាធរសង្កាត់ភ្លើងឆេះរទេះ ឈូសឆាយផ្លូវលំ ១ ខ្សែ និងកាយដាក់ប្រព័ន្ធលូថ្មីជូនពលរដ្ឋ appeared first on Kampuchea Thmey Daily.

ជាក់ស្ដែង​កំណាត់​ផ្លូវ​កំពុង​រង​ការ​ខូចខាត​នេះ​នៅ​តាម​បណ្ដោយ​ផ្លូវ​លេខ ២៥៤ កែង​ផ្លូវ​លេខ ៥១ ស្ថិត​ក្នុង​សង្កាត់​ចតុមុខ ខណ្ឌ​ដូនពេញ រាជធានី​ភ្នំពេញ។

លោក ដានី ជា​ប្រជាពលរដ្ឋ បាន​ឲ្យ​ដឹង​ថា ផ្លូវ​ខូចខាត​នេះ​បាន​បង្ក​ការ​លំបាក​ខ្លាំង ពេល​ឆ្លងកាត់​ម្តងៗ ជិះ​ធ្លាក់​ជង្ហុក​ស្ទើរតែ​ដួល​ទៅ​ហើយ ដោយសារ​តែ​ជង្ហុក​ច្រើន​គួរសម​ដែរ គឺ​មាន​តូច-ធំ នៅ​ចំណុច​នោះ។

លោក ដានី បន្ត​ថា ចំពោះ​ជង្ហុក​នេះ រាល់ពេល​គាត់​ឆ្លងកាត់​ទៅ​ធ្វើការ​ម្តងៗ ពិបាក​ខ្លាំង ព្រោះ​ត្រូវ​គេច​ជង្ហុក​ទឹក​ដក់​នេះ​ផង ខ្លាច​ពេល​ជិះ​ធ្លាក់​ប្រឡាក់​ខោអាវ​​ធ្វើការ​ផង។

អ្នកស្រី វណ្ណាក់ ពលរដ្ឋ​ក្បែរ​ទីតាំង​ខាង​លើ បាន​ឲ្យ​ដឹង​ដែរ​ថា ផ្លូវ​លេខ ២៥៤ កន្លងមក គ្រាន់​តែ​ខូច​តិចតួច​តែប៉ុណ្ណោះ ប៉ុន្តែ​យូរៗ ទៅ មាន​រថយន្ត​ម៉ូតូ​ឆ្លងកាត់​ច្រើន ក៏​កើត​ទៅ​ជា​ជង្ហុក​ធំៗ ទឹក​ដក់​តែម្តង។ ប្រជាពលរដ្ឋ​សំណូមពរ​ទៅកាន់​អាជ្ញាធរ​ពាក់ព័ន្ធ សូម​មេត្តា​ចុះ​ត្រួតពិនិត្យ​ផ្លូវ​ជង្ហុក​ខាង​លើ​នេះ​ជួសជុល​ឡើងវិញ​ផង ព្រោះថា ​ទោះបី​ផ្លូវ​នេះ​ជា​ផ្លូវ​តូច ប៉ុន្តែ​មាន​អ្នក​ធ្វើ​ដំណើរ​ឆ្លងកាត់​ច្រើន ដើម្បី​កាត់បន្ថយ​ផល​លំបាក នា​រដូវ​ធ្លាក់​ភ្លៀង​នេះ។

ពាក់ព័ន្ធ​បញ្ហា​នេះ លោក នី សាមិត្ត ប្រធាន​ការិយាល័យ​សាធារណការ​ខណ្ឌ​ដូនពេញ បាន​ប្រាប់​ឲ្យ​កម្ពុជា​ថ្មី​ដឹង​ថា កំណាត់​ផ្លូវ​លេខ ២៥៤ ប្រវែង ៤០ ម៉ែត្រ នេះ នឹង​ជួសជុល​នៅ​ក្នុង​ឆ្នាំ ២០២៦ ដោយសារ​តែ​កញ្ចប់​ថវិកា​ការ​អភិវឌ្ឍ​ឆ្នាំ ២០២៥ ត្រូវ​បាន​ប្រើប្រាស់​អស់​ទៅ​ហើយ។ ចំពោះ​បញ្ហា​នេះ លោក​បាន​លើក​សំណើ​ដាក់​ក្នុង​គម្រោង​អភិវឌ្ឍន៍​ភូមិ-ឃុំ-សង្កាត់ ៣ ឆ្នាំ​រំកិល ឆ្នាំ ២០២៦ រួចរាល់​ហើយ ដើម្បី​ជួសជុល​ផ្លូវ​ខាង​លើ​នេះ​ជូន​ប្រជាពលរដ្ឋ។

លោក​ប្រធាន​ការិយាល័យ​សាធារណការ​ខណ្ឌ​ដូនពេញ ក៏បាន​សំណូមពរ និង​សូម​ការ​យោគយល់​ពី​ប្រជាពលរដ្ឋ​ក្នុង​មូលដ្ឋាន​ចំពោះ​បញ្ហា​ទាំងអស់​នេះ​ផង។ លោក នឹង​ព្យាយាម​ជួសជុល​រាល់​ផ្លូវ​ដែល​ខូច​ឡើង​វិញ​ជូន​ប្រជាពលរដ្ឋ ដើម្បី​សម្រួល​ការ​លំបាក​កន្លងមក៕

អត្ថបទ ៖ រដ្ឋា

វីដេអូជង្ហុកលើកំណាត់ផ្លូវ ២៥៤

The post ជង្ហុកលើកំណាត់ផ្លូវ ២៥៤ ប្រវែង ៤០ ម៉ែត្រ បង្កផលលំបាកដល់ពលរដ្ឋធ្វើដំណើរ appeared first on Kampuchea Thmey Daily.

ជាក់ស្ដែង​បណ្ដោយ​ចំណុច​ផ្លូវ ២៧១ ខូចខាត​ប្រវែង ៥០ ម៉ែត្រ នេះ ស្ថិតនៅ​ក្បែរ​ស្តុប​បឹង​ទំនប់ រហូត​ទៅ​ជិត​ដល់​កែង​ផ្លូវ ជីបម៉ុង សង្កាត់​ចាក់អង្រែលើ ខណ្ឌ​មានជ័យ រាជធានី​ភ្នំពេញ។

កញ្ញា ឈៀន បាន​ឲ្យ​ដឹង​ថា ផ្លូវ​ជង្ហុក​នេះ​ខូចខាត​រាង​យូរ​គួរសម​ដែរ ហើយ​ចំណុច​នេះ​មាន​ចរាចរណ៍​មមាញឹក ឆ្លងកាត់​ទៅមក​ច្រើន ដែល​បង្ក​ការ​លំបាក​រាល់​ពេល​ធ្វើដំណើរ​ឆ្លងកាត់។

កញ្ញា បាន​បន្ត​ថា គាត់​តែង​ឧស្សាហ៍​ឃើញ​មាន​ពលរដ្ឋ​អ្នក​បើក​ម៉ូតូ​ឆ្លងកាត់ តែងតែ​ជិះ​ធ្លាក់​ចូល​ជង្ហុក​នេះ​ម្តងៗ ដោយ​ខ្លះ​ដួល ឯ​ខ្លះ​ទៀត ស្ទើរតែ​ដួល​ទៅ​ហើយ។ យ៉ាងណា ទោះបី​ចំណុច​នេះ​មាន​ការ​ខូច​ត្រឹម ៥០ ម៉ែត្រ ក៏​ពិតមែន ប៉ុន្តែ​មាន​ជង្ហុក​រាង​ជ្រៅ ដែល​ជា​ហេតុ​ប៉ះពាល់​ដល់​ការ​ធ្វើដំណើរ​របស់​ប្រជាពលរដ្ឋ ជាពិសេស​ពេលយប់ រួមមាន​ធ្លាក់​ភ្លៀង ជង្ហុក​នេះ​បាន​ដក់​ទឹក បង្ក​ឲ្យ​អ្នក​ឆ្លង​កាត់​មិន​បាន​ចាប់អារម្មណ៍​ជិះ​ធ្លាក់​ដួល​ច្រើន​នាក់​ហើយ។

លោក សុន ហៀង ជា​ពលរដ្ឋ​អ្នក​ប្រកប​របរ​ចិញ្ចឹម​ជីវិត​លើ​ផ្លូវ​ខាង​លើ​នេះ បាន​អរគុណ​ចំពោះ​ការ​ជួសជុល​របស់​អាជ្ញាធរ។ លោក​ថា បន្ទាប់ពី​មាន​ការ​សំណូម​ពី​ពលរដ្ឋ​ដែល​ជួប​ការ​លំបាក​បញ្ហា​ផ្លូវ​ខូច អាជ្ញាធរ តែងតែ​យកចិត្តទុកដាក់​ដោះស្រាយ​បញ្ហា​ជានិច្ច ទោះបីជា​រាង​យឺត​បន្តិច​ក៏ដោយ។

ពាក់ព័ន្ធ​បញ្ហា​នេះ លោក កែវ សាវឿន ចៅសង្កាត់​ចាក់អង្រែលើ បាន​ឲ្យ​កម្ពុជា​ថ្មី​ដឹង​ថា អាជ្ញាធរ​ខណ្ឌ​មានជ័យ បាន​ចុះ​ជួសជុល​ផ្លូវ​រង​ការ​ខូចខាត ដោយសារ​ទឹកភ្លៀង ព្រោះ​ចំណុច​នេះ​មិន​មាន​លូ​សម្រាប់​បង្ហូរ​ទឹក​នោះ​ឡើយ ដែល​ធ្វើ​ឲ្យ​ពេល​ធ្លាក់​ភ្លៀង​មក​ទឹក​ដក់​លើ​ផ្លូវ​រហូត​ឈាន​ដល់​កើតមាន​នូវ​ជង្ហុក​បែប​នេះ។

លោក​ចៅសង្កាត់​ចាក់អង្រែលើ បន្ត​ថា លោក នឹង​ជួយ​សម្រួល​ផល​លំបាក​រាល់ពេល​ធ្វើដំណើរ​របស់ ប្រជាពលរដ្ឋ និង​បង្ការ​ការពារ​កុំ​ឲ្យ​កើតមាន​នូវ​គ្រោះថ្នាក់​ណាមួយ​កើតឡើង​បន្ត​ទៀត។ អាជ្ញាធរ នឹង​ខិតខំ​ប្រឹង​ជួសជុល ក៏ដូចជា​រក​ដំណោះស្រាយ​ជូន​ប្រជាពលរដ្ឋ​កុំ​ឲ្យ​ជួប​ការ​លំបាក​បន្ត​ទៅ​ទៀត៕

អត្ថបទ ៖ រដ្ឋា

The post មន្ត្រីជំនាញ ជួសជុលកំណាត់ផ្លូវ ២៧១ មានជង្ហុកធំ តែងបង្កគ្រោះថ្នាក់ដល់ពលរដ្ឋធ្វើដំណើរ appeared first on Kampuchea Thmey Daily.