អាជ្ញាធរខណ្ឌកំបូលជួសជុលជង្ហុកសំបុកមាន់ក្នុងមូលដ្ឋាន

ផ្លូវដែលរងការខូចខាតកើតជាជង្ហុកតូចធំ​ សំបុកមាន់នៅក្នុងមូលដ្ឋានខណ្ឌកំបូល ត្រូវបានអាជ្ញាធរចុះធើ្វការជួសជុលឲ្យមានភាពល្អប្រសើរឡើងវិញ ដើម្បីសម្រួលការធ្វើដំណើររដល់ប្រជាពលរដ្ឋ។

បើយោងតាមផែនការដឹកនាំ លោក ឃឹម ស៊ុនសូដា អភិបាលនៃគណ:អភិបាលខណ្ឌកំបូល លោក​ ទ្រី​ ណារ៉េត​ អភិបាលរងខណ្ឌកំបូល​ កាលពីថ្ងៃទី៥​ ខែធ្នូ​ ឆ្នាំ២០២៥នេះ​ បានដឹកនាំមន្រ្តីការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណ: និងអាជ្ញាធរសង្កាត់-ភូមិ ចុះធ្វើការជួសជុលផ្លូវបេតុងសំបុកមាន់ ដែលរងការខូចខាត ដោយសារជំនន់ទឹកភ្លៀង។

អាជ្ញាធរបានឲ្យដឹងថា​ ការជួសជុលផ្លូវខាងលើនេះមានចំនួន២ខ្សែ​ ដោយខ្សែទី១​ នៅផ្លូវបេតុងវត្តស្ងួនពេជ្រ ស្ថិតនៅភូមិស្ងួនពេជ្រ សង្កាត់កន្ទោក​ និងទី២​ ផ្លូវបេតុងកែងផ្លូវជាតិលេខ៤​ ចូលសាលាខណ្ឌ ភូមិគល់ សង្កាត់កន្ទោក ខណ្ឌកំបូល រាជធានីភ្នំពេញ​ ដើម្បីសម្រួលមួយគ្រាឲ្យប្រជាពលរដ្ឋធ្វើដំណើរប្រកបរបរផ្សេងៗ​ ចំណែកផ្លូវដែលសេសសល់អាជ្ញាធរនិងបន្តជួសជុលជាបន្តបន្ទាប់៕

អត្ថបទ៖ សុខា