មន្ត្រី​បរិស្ថាន​ខេត្ត​បាត់ដំបង​បាន​បញ្ជាក់ថា​ នឹង​ចាត់វិធាន​ការ​តាមផ្លូវច្បាប់​ទៅ​លើ​ទីតាំង​កែច្នៃ​ផ្លែស្វាយ​ពីរកន្លែង​នៅ​ស្រុក​រតនៈ​មណ្ឌល​ ខេត្ត​បាត់ដំបង ប្រសិន​បើរក​ឃើញ​ថា​ទឹក​កខ្វក់​ពណ៌ខ្មៅ​ដែល​បង្ហូរ​ចេញ​ពីទីតាំង​ខាងលើ​នេះ​ចូល​ទៅ​ក្នុង​អូត្រែង ហើយ​បន្ត​ហូរ​ចូល​មក​ក្នុង​ស្ទឹងសង្កែមានសារធាតុ​ពុល។

លោក កត បូរ៉ាន់ ប្រធាន​មន្ទីរ​បរិស្ថាន​ខេត្ត​បាត់ដំបង​បាន​បញ្ជាក់​កាល​ពីថ្ងៃទី៦ ឧសភា នេះ​ថា សំណាក​ទឹក​កខ្វក់​ដែល​ហូរចេញពីរោងចក្រកែច្នៃ​ផ្លែស្វាយ​ឈ្មោះ Cambodia កង​ហ្វាមហ្វត ខូអិលធីឌី នៅ​ក្នុងភូមិស្វាយ​ស ​ឃុំត្រែង​ ស្រុក​រតនៈមណ្ឌល បាន​បញ្ជូន​ទៅកាន់ក្រសួង​នៅ​ឯ​ទីក្រុងភ្នំពេញ​ដើម្បី​ពិនិត្យរួចហើយ តែ​មិនទាន់​បាន​ទទួល​លទ្ធផល​នោះទេ ដោយ​ក្រុម​ការងារ​បាន​ចុះ​ពិនិត្យ​ឯកសារ​របស់​ក្រុមហ៊ុន​ផលិតកែច្នៃផ្លែស្វាយនេះរួចរាល់ហើយ ដើម្បី​ត្រៀម​បញ្ឈប់​សកម្មភាព ឬ​ពិន័យ​ជា​​ប្រាក់​យ៉ាង​ធ្ងន់ធ្ងរ​ទៅ​លើ​រោងចក្រ​ ប្រសិន​បើរកឃើញថា ​សំណាក់ទឹក​កខ្វក់​ពណ៌ខ្មៅ​នោះមានសារធាតុពុល​ដោយ​ផ្អែក​ទៅលើ​ភស្តុតាង​នានា​ បើ​ទោះបី​ជា​មជ្ឈដ្ឋាន​មួយចំនួននិយាយ​ថា​ រោងចក្រ​នេះ​មិនមាន​ប្រើសារធាតុគីមី​យ៉ាងណាក៏ដោយ។

ថ្មីៗ​នេះ​ដោយ​មានការណែ​នាំ​ពី​លោក សុខ លូ អភិបាល​នៃគណៈ​អភិបាល​ខេត្ត​បាត់​ដំបង បាន​ចាត់​តាំង​ឲ្យ​លោក អភិបាល​ខេត្តរង ផេង​ សុទ្ធី ដឹក​នាំ​​ក្រុមការងារ​ដែល​ក្នុងនោះមាន លោក កត បូរ៉ាន់ ប្រធានមន្ទីរ​បរិស្ថាន​ខេត្ត និង​លោក តូច ឈួនសៅរិទ្ធ ប្រធានមន្ទីរ​ឧស្សាហកម្ម វិទ្យាសាស្ត្រ បច្ចេកវិទ្យា និង​នវានុវត្តន៍ ចុះ​ទៅ​សហការ​ជា​មួយ​នឹង​អាជ្ញាធរមូលដ្ឋាន ដើម្បី​ពិនិត្យ​ និង​ធ្វើការណែ​នាំដល់រោងចក្រកែច្នៃប្រែស្វាយនេះ ដើម្បី​រក​វិធានការ​ដោះស្រាយ​ជា​បន្ទាន់​ពី​រឿង​ការ​ប៉ះពាល់​ដល់​​សុខភាព​មនុស្ស និង​សត្វ​ពាហនៈ ៕

អត្ថបទ ៖ សោ និយមរ័ត្ន

The post មន្ទីរបរិស្ថានខេត្តបាត់ដំបង កំពុងបញ្ជូនសំណាកទឹកកខ្វក់ពណ៌ខ្មៅក្នុងអូត្រែង ទៅពិនិត្យនៅភ្នំពេញ appeared first on Kampuchea Thmey Daily.

ការត្រួតពិនិត្យទីតាំងយកសំណាក នៅផ្សារ៧មករា ពីសំណាក់លោក ឯក ឃុនដឿន នេះ ធ្វើឡើងដើម្បីជម្រុញឱ្យក្រុមការងារយកចិត្តទុកដាក់លើការយកសំណាក ការជំរុញឱ្យអនុវត្តនូវវិធានសុខាភិបាលពិសេសគឺ ការអនុវត្តវិធាន ៣កុំនិង៣ការពារ របស់សម្ដេចតេជោ ហ៊ុន សែន ក្នុងកិច្ចការពារទប់ស្កាត់ឱ្យបាននូវការរីករាលដាលជំងឺកូវីដ-១៩។

លោក ឯក ឃុនដឿន បានបញ្ជាក់ឱ្យដឹងថា បងប្អូនប្រជាពលរដ្ឋ និងអាជីវករដែលបានយកសំណាកនៅផ្សារ ៧មករានេះ មានចំនួនប្រមាណជាង២០០នាក់ ហើយការបង្កើតឱ្យមានការពិនិត្យយកសំណាកនេះ គឺដោយ​សារតែ មានបងប្អូនប្រជាពលរដ្ឋចំនួន៣នាក់មានវិជ្ជមានកូវីដ-១៩ បំប្លែងថ្មី ប្រភេទដែលតា (Delta)។
លោក ឯក ឃុនដឿន បានមានប្រសាសន៍បន្តថា ដោយមានការយកចិត្តទុកដាក់ពីលោក ឃួង ស្រេង
អភិបាលរាជធានីភ្នំពេញ បានជំរុញឱ្យអាជ្ញាធរខណ្ឌទួលគោក សហការជាមួយនឹងគ្រូពេទ្យ ចុះពិនិត្យយកសំណាក បងប្អូនអាជីវករទាំងអស់នៅក្នុងផ្សារខាងលើ ដើម្បីទប់ស្កាត់ការរីករាលដាលជំងឺកូវីដ-១៩ ពីបុគ្គលមួយទៅបុគ្គលមួយទៀត។

ក្នុងឱកាសនោះ លោក ឯក ឃុនដឿន បានធ្វើការណែនាំឱ្យអាជ្ញាធរបន្តណែនាំទៅប្រជាពលរដ្ឋបន្ថែមទៀត ជុំវិញការអនុវត្តឱ្យបាននូវវិធានរបស់ក្រសួងសុខាភិបាល ការណែនាំរបស់អាជ្ញាធររាជធានីភ្នំពេញ ពិសេសអនុវត្តវិធាន ៣កុំនិង៣ការពា។

លោកបញ្ជាក់ថា ប្រជាពលរដ្ឋ និងអាជីវករទាំងអស់ក្រៅពីយកសំណាកនៅទីតាំងខាងលើ គឺអាចទៅយកសំណាងនៅវិទ្យាល័យបាក់ទូក មួយទីតាំងទៀត។ លោកបានបញ្ជាក់ទៀតថា ក្រោយពីការយកសំណាកនៅទីតាំងផ្សារ៧មករានេះរួចរាល់ នៅរសៀលថ្ងៃទី១៩ សីហានេះ អាជ្ញាធរខណ្ឌទួលគោក នឹងសហការជាមួយក្រុមគ្រូពេទ្យចុះយកសំណាកប្រជាពលរដ្ឋនៅក្នុងភូមិ៥ សង្កាត់បឹងសាឡាង ខណ្ឌទួលគោកបន្តទៀត ដោយសារតែពួកគាត់បានពាក់ព័ន្ធទៅនឹងអ្នកមានវិជ្ជមានកូវីដ-១៩ បំប្លែងថ្មី ប្រភេទដែលតា (Delta) ដែរ៕

អត្ថបទ៖ ស្រីរ័ត្ន

The post ពលរដ្ឋជាង២០០នាក់នៅផ្សារ៧មករា ពិនិត្យសំណាក ក្រោយរកឃើញអ្នកវិជ្ជមានកូវីដ-១៩ បំប្លែងថ្មី appeared first on Kampuchea Thmey Daily.

ដោយឡែក មជ្ឈមណ្ឌលគ្រប់គ្រងនិងបង្ការរជំងឺឆ្លង (CDC) សហរដ្ឋអាមេរិក ធ្លាប់បានចេញផ្សាយថា វីរុសកូវីដ-១៩អាចរស់នៅក្នុងបរិយាកាសខាងក្រៅ ៣-៤ ម៉ោង និងអាចចម្លងតាមរយៈដំណក់ទឹក ឬភាគល្អិតនៅពេលយើងដកដង្ហើម។ CDC ព្រមានថា ហានិភ័យនៃការបញ្ជូនវីរុសកូវីដ-១៩ នៅក្នុងខ្យល់មិនថយចុះនៅឡើយ ​ពោលគឺគ្រប់គ្នាអាចឆ្លងកូវីដបានគ្រប់ពេល ប្រសិនមិនប្រកាន់ខ្ជាប់វិធានសុខាភិបាលនោះទេ។

ដូច្នេះ ទាំង CDC ទាំងក្រសួងសុខភិបាលកម្ពុជាបានទូន្មាន នៅពេលអ្នកវិលត្រឡប់ចូលកន្លែងធ្វើការវិញ ឬទៅការិយាល័យ ត្រូវធ្វើតេស្តសំណាក បន្តរក្សាគម្លាតយ៉ាងហោច ១.៥ ម៉ែត្រ ឬ ២ ម៉ែត្រ ដើម្បីធានាសុវត្ថិភាពសម្រាប់ខ្លួនឯង និងមិត្តរួមការងារផងដែរ។

ចំណែក លោកបណ្ឌិត Anthony Fauci អ្នកជំនាញផ្នែកជំងឺឆ្លងជាន់ខ្ពស់មកពី CDC មានប្រសាសន៍ថា នៅពេលអ្នករក្សាគម្លាតបានខ្ជាប់ខ្ជួន ការចម្លងពីមនុស្សម្នាក់ទៅមនុស្សម្នាក់នឹងត្រូវកាត់បន្ថយ។ យ៉ាងណាមិញមនុស្សនៅតែអាចឆ្លងវីរុស Covid-19 ទោះបីជានៅឆ្ងាយពីអ្នកដទៃក៏ដោយ។ ហេតុនេះការសំខាន់មួយទៀតដែលមិនគួរបំភ្លេចចោល គឺបន្តពាក់ម៉ាស គ្រប់ពេលចេញពីផ្ទះ ជាពិសេសនៅកន្លែងធ្វើការតែម្ដង ព្រោះជាទីតាំងប្រមូលផ្ដុំមនុស្ស និងមានខ្យល់ចេញចូលមិនគ្រប់គ្រាន់។

គួរធ្វើបែបណាទើបអាចទុកចិត្តបានថា កន្លែងការងារឬការិយាល័យ មានសុវត្ថិភាព?

ការរៀបចំឱ្យមានខ្យល់ចេញចូលបានល្អ នៅតាមទីតាំងធ្វើការដែលបិទជិត ជាវិធីសាស្ត្រល្អដើម្បីការពារកំហាប់មេរោគនៅក្នុងខ្យល់និងកាត់បន្ថយហានិភ័យនៃការប៉ះពាល់វីរុស។ តាមអគារ គួរតែប្រើម៉ាស៊ីនត្រជាក់ឱ្យបានតិច និងបើកចំហរទ្វារបង្អួចតាមដែលអាចធ្វើបាន។

ក្នុងនោះ ក្រសួងសុខាភិបាល ធ្លាប់ចេញសេចក្ដីជូនដំណឹង ក៏ដូចជាផ្តល់អនុសាសន៍បន្ថែមផងដែរនូវដំណោះស្រាយផ្សេងទៀតដូចជា ផ្លាស់ប្តូរវេនគ្នាធ្វើការដើម្បីកាត់បន្ថយការប្រមូលផ្ដុំ។ ​រីឯអគារធ្វើការដែលប្រើជណ្តើរយន្ត គួរតែដើរឡើងតាមជណ្តើរជើងវិញ ទើបជាការល្អ។ មួយវិញទៀត ត្រូវលាងសម្អាតដៃឱ្យបានញឹកញាប់ផង!

អត្ថបទ៖ សន្យា

ចុចអាន៖ យើងអាចធ្វើបាន! ការវាយបំបែកវីរុសបំប្លែង Delta គឺផ្ដើមចេញពីមនុស្សមិនមើលបំណាំគ្នាទៅមក

ចុចអាន៖ ពាក់ម៉ាសនិងរក្សាគម្លាតខ្ជាប់ខ្ជួន អាចការពារហានិភ័យចម្លងកូវីដ សឹង១០0ភាគរយ

The post អ្នកត្រឡប់ចូលធ្វើការវិញ ត្រូវធ្វើតាមវិធានការថ្មីមួយទៀត ទើបអាចការពារការចម្លងកូវីដបានខ្ពស់ appeared first on Kampuchea Thmey Daily.

​លោកស្រី មិថុនា ភូ​ថង អភិបាលខេត្ត​កោះកុង បានឱ្យដឹង​នៅ​ក្នុង​សេចក្តី​ជួន​ដំណឹង​ថា ដើម្បី​ចូលរួមចំណែក​ក្នុងការ​ទប់ស្កាត់​ការឆ្លង​រីក​រាលដាល​ជំងឺ​កូ​វីដ​«៩​រដ្ឋបាលខេត្ត​កោះកុង​សុំ​ស្នើ​ដល់​លោក​លោកស្រី​ប្រធាន​មន្ទីរ​អង្គភាព​ជុំវិញ​ខេត្ត​និង​មន្ត្រី​ក្រោមឱវាទ​អញ្ជើញ​ទៅ​ធ្វើ​តេស្តរ​ករោគ​កូ​វីដ​១៩ ​តាម​ការ​បរិច្ឆេទ​និង​ទីតាំង ​ដែល​បាន​កំណត់​លើកលែងតែ​មន្ទីរអប់រំ​យុវជន​និង​កីឡា​ខេត្ត មន្ទីរ​សុខាភិបាល​នៃ​រដ្ឋបាល​ខេត្ត​ និង​សាលាខេត្ត​ត្រូវ​យក​សំណាក​នៅ​អង្គភាព​ផ្ទាល់​។

​លោក ស្រី អភិបាលខេត្ត​បាន​បន្តថា កាលបរិច្ឆេទ​នៃ​ការធ្វើ​តេស្ត​រក​មេរោគ​កូ​វីដ​១៩​ គឺ​គិត​ចាប់ពី​ថ្ងៃទី​១៩​ ខែកក្កដា ​ឆ្នាំ​២០២១ ​វេលា​ម៉ោង​៨​ព្រឹក​រហូតដល់​ម៉ោង​៣​រសៀល​រៀងរាល់ថ្ងៃ​នៅ​ទីតាំង វិទ្យាល័យ​ចំណេះ​ទូទៅ​និង​បច្ចេកវិទ្យា​សាស្ត្រ​តេ​ជោ​សែន​កោះកុង​(​វិទ្យាល័យ​កោះកុង​)​និង​កន្លែង​រៀប​អាពាហ៍ពិពាហ៍ ​ដែលមាន​ទីតាំងនៅ​ខាង​នៅ​ក្រោយ​វត្ត​ទេព​និមិត្ត​ហៅ​វត្ត​ថ្មី​៕​

អត្ថបទ៖ សំអឿន​

​

The post ខេត្ត​កោះកុង​ តម្រូវ​ឱ្យ​ថ្នាក់ដឹកនាំ និង​មន្ត្រីរាជការ​ទាំងអស់ ​ ត្រូវ​ធ្វើតេស្ត​រក​ជំងឺ​កូ​វីដ​១៩ appeared first on Kampuchea Thmey Daily.

ក្រសួង​សុខាភិបាល បាន​បង្ហាញ​ពី​របៀប​ធ្វើ​តេស្ដ​រហ័ស​កូវីដ-១៩​នៅ​តាម​ផ្ទះ តាម​ស្ដង់ដារ ដើម្បី​ទទួល​បាន​លទ្ធផល​ត្រឹមត្រូវ និង​ចៀសវាង​ប៉ះពាល់​សំណាក បណ្ដាល​ឲ្យ​ឆ្លង​មេរោគ។ ខាង​ក្រោម​នេះ ជា​ការ​ធ្វើ​តេស្ដកូវីដ-១៩ ដោយ​ខ្លួន​ឯង ទៅ​តាម​ជំហាន​នីមួយៗ​ដូចជា៖

មុន​ពេល​ពិនិត្យ​តេស្ដ​រហ័ស​កូវីដ-១៩

ជំហាន​ទី១ ៖ ជា​ដំបូង យើង​ត្រូវ​រក​ទីតាំង​ដែល​មាន​ភាព​សម​ស្រប ហើយ​យើង​អាច​ស្លៀក​សម្លៀក​បំពាក់​ធម្មតា​បាន ដោយ​មិន​ចាំ​បាច់​ពាក់​ឯកសណ្ឋាន PPE ដូច​គ្រូ​ពេទ្យ​ក៏​បាន តែ​ត្រូវ​មាន​សម្ភារៈ​សំខាន់ ៣ ​យ៉ាង​គឺ ម៉ាស់ របាំង​មុខ និង​ស្រោម​ដៃ។
ជំហាន​ទី២៖ ពិនិត្យ​មើល​ប្រភេទ​តេស្ដ កាល​បរិច្ឆេទ និង​សេចក្ដី​ណែនាំ
ជំហាន​ទី​៣៖ ពិនិត្យ​មើល​ទៅ​លើ​ឧបករណ៍​ឲ្យ​គ្រប់​មុខ មុន​ពេល​ចាប់​ផ្ដើម​ធ្វើ​តេស្ដ​ដោយ​ឧបករណ៍​មាន សូលុយស្យុង​ប៊ូហ្វ័រទីប តម្បារ គម្រប បន្ទះ​តេស្ដ​រហ័សកូវីដ-១៩ និង​ហ្វឺត។

ពេល​ដំណើរ​ការ​តេស្ដ​រហ័ស​កូវីដ-១៩

ជំហាន​ទី១៖ ហែក​កញ្ចប់​តេស្ដរហ័ស​កូវីដ-១៩ រួច​សរសេរ​ឈ្មោះ និង​កាលបរិច្ឆេទ​លើ​បន្ទះ​តេស្ដ​រហ័ស​ឲ្យ​បាន​ត្រឹម​ត្រូវ
ជំហាន​ទី២៖ ត្បារ​យក​សំណាក​ពី​ក្នុង​រន្ធ​ច្រមុះ​ឲ្យ​ដល់​ជញ្ជាំង​ច្រមុះ​ខាង​ក្នុង ដោយ​បង្វិល​៣-៤​ជុំ រួច​ដក​តម្បារ​ចេញ​មក​វិញ
ជំហាន​ទី៣៖ ដាក់​តម្បារសម្លី​ទៅ​ក្នុង​បំពង់​ទីប​សូលុយស្យុង រួច​មក​បង្វិល​ឲ្យ​បាន​ច្រើន​ជាង​៥​ដង បន្ទាប់​មក​ច្របាច់​ទីប​សូលុយស្យុង ដើម្បី​ឲ្យ​ដំណក់​សំណាក​ធ្លាក់​ចូល​ទៅ​ក្នុង​ទីប​សូលុយស្យុង​ឲ្យ​អស់ រួច​ដក​តម្បារចេញ (បោះ​តម្បារចោល​ក្នុង​ថង់​)
ជំហានទី៤៖ បិទ​គម្រប​ទីប​សូលុយស្យូង អង្រួន​ឲ្យ​សព្វ​ល្អ រួច​ច្របាច់​ទីប​សូលុយស្យុង បន្តក់​ចំនួន ៣ តំណក់ ទៅ​លើ​បន្ទះ​តេស្ដ រួច​បិទ​ស្ទីកគ័រ លើ​បន្ទះ​តេស្ដ
ជំហាន​ទី៥៖ រង់​ចាំ​រយៈ​ពេល​ ១៥-៣០​នាទី និង​មិន​ត្រូវ​លើស​ពី​៣០​នាទី​ឡើយ

ការ​ពិនិត្យ​លទ្ធផល​តេស្ដ​រហ័ស​កូវីដ-១៩

នៅ​លើ​បន្ទាត់​តេស្ដ​រហ័ស​កូវីដ ១៩ មាន​បន្ទាត់​ពីរ គឺ​បន្ទាត់ C (Control) និង បន្ទាត់ T (Test)។

• ប្រសិន​បើ​មាន​បន្ទាត់ C ឡើង​ដិត តែ​បន្ទាត់ T មិន​ឡើង​ដិត មាន​ន័យ​ថា លទ្ធផល​អវិជ្ជមាន
• ប្រសិន​បើ​ទាំង​បន្ទាត់ C និង​បន្ទាត់ T ឡើង​ដិត មាន​ន័យ​ថា លទ្ធផល​វិជ្ជមាន
• ប្រសិន​បើ​បន្ទាត់ C មិន​ឡើង​ដិត ប៉ុន្តែ​បន្ទាត់ T ឡើង​ដិត មាន​ន័យ​ថា លទ្ធផល​មិន​អាច​វាយ​តម្លៃ​បាន (គួរ​ធ្វើ​តេស្ដ​ម្ដង​ទៀត)
• ប្រសិន​បើ​បន្ទាត់ C និងT មិន​ឡើង​ដិត មាន​ន័យ​ថា លទ្ធផល​មិន​អាច​វាយ​តម្លៃ​បាន (គួរ​ធ្វើ​តេស្ដ​ម្ដង​ទៀត)

ជា​ចុង​ក្រោយ ក្រសួង​សុខាភិបាល​បាន​ណែនាំ​ឲ្យ​យក​សំរាម ឬ​ឧបករណ៍​ដែល​យើង​បាន​ប្រើ​ប្រាស់​រួច​ហើយ ដាក់​ក្នុង​ថង់​មួយ វិច​ខ្ចប់​ឲ្យ​ជិត យក​ទៅ​ដុត​ចោល​នៅ​ក្នុង​រណ្ដៅ ឬ​ក្នុង​ធុង​ដែក ដើម្បី​សម្លាប់​មេរោគ។

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ចំណុចត្រូវប្រយ័ត្នចំពោះអ្នកធ្វើតេស្តរហ័សរកអង់ទីហ្សែនកូវីដ-១៩ ដោយខ្លួនឯង

ចុចអាន៖ តេស្ដកូវីដ-១៩ នៅផ្ទះ អាចបង្កហានិភ័យបាន បើមិនចេះប្រើ ឬដឹងក្បួនយកសំណាក

The post ក្រសួងណែនាំពីវិធីធ្វើតេស្ដរហ័សកូវីដ-១៩ នៅផ្ទះត្រឹមត្រូវដោយខ្លួនឯង appeared first on Kampuchea Thmey Daily.

ហានិភ័យ​តេស្ដ​កូវីដ-១៩ នៅ​ផ្ទះ​យើង​គួរ​ដឹង

១. ភាព​វិជ្ជមាន និង​អវិជ្ជមាន៖ ដូច​គ្នា​នឹង​ការ​ធ្វើ​តេស្ដ​ដទៃ​ទៀត​ដែរ វា​អាច​ទទួល​បាន​លទ្ធផល​អវិជ្ជមាន ​ទោះ​បី​យើង​ផ្ទុក​វីរុស (False Negative) ឬ​លទ្ធផល​វិជ្ជមាន​ពេល​យើង​មិន​មាន​វីរុស (False Positive)។

២. ការ​ធ្វើ​តេស្ដ​ឲ្យ​បាន​ត្រឹម​ត្រូវ៖ បើ​គ្មាន​ការ​ណែនាំ​ពី​វេជ្ជបណ្ឌិត​ទេ ការ​យក​សំណាក​អាច​មិន​បាន​ត្រឹម​ត្រូវ​ដោយ​ហេតុ​ថា​ការ​យក​ផ្ទាល់​ខ្លួន​ឯង​នៅ​ច្រមុះ ឬ​បំពង់​ក មិន​ត្រូវ​តាម​តំបន់ ឬ​ក៏​មិន​ដល់​តំបន់​ដែល​វីរុស​ស្ថិត​នៅ ដូច​មាន​ពលរដ្ឋ​ខ្មែរ​មួយ​ចំនួន បង្ហោះ​លទ្ធផល​តេស្ដ​លើ​អនឡាញ អាច​នឹង​មិន​ត្រឹម​ត្រូវ​តាម​ក្បួន​ខ្នាត​វេជ្ជសាស្ត្រ​ឡើយ។ ការ​សិក្សា​បង្ហាញ​ថា ការ​ធ្វើ​តេស្ដ​ដោយ​ខ្លួន​ឯង​ដោយ​គ្មាន​គ្រូពេទ្យ គឺ​មិន​ត្រឹម​ត្រូវ​ជាង​ការ​ធ្វើ​ដោយ​គ្រូពេទ្យ​ទេ។ មែន​ទែន​ទៅ យើង​ត្រូវ​ត្បារ​យក​សំណាក​តាម​រន្ធ​ច្រមុះ​ឲ្យ​ជ្រៅ​ជិត​ដល់​គុម្ព​ត្រចៀក មិន​មែន​ត្បារ​យក​ត្រឹម​រន្ធ​ច្រមុះ​ខាង​ក្រៅ​រាក់​ៗនោះ​ទេ។

៣. លទ្ធផល​មិន​ប្រាកដ​ប្រជា៖ ប្រសិន​បើ​យើង​ភ្លេច​ជំហាន និង​នីតិ​វិធី​ណែនាំ​ត្រៀម​មុន​ពេល​ការ​ធ្វើ​តេស្ដ ឬ​ការ​យក​សំណាក​របស់​យើង​មិន​ត្រឹម​ត្រូវ ខណៈ​ពេល​ដែល​យើង​មាន​វីរុស ហើយ​ការ​ធ្វើ​តេស្ដ​នេះ​បែរ​ជា​ទទួល​លទ្ធផល​អវិជ្ជមាន​ទៅ​វិញ។ បើ​ការ​តេស្ដ​នៅ​ផ្ទះ​មាន​លក្ខណៈ​វិជ្ជមាន វា​ជា​ការ​ប្រសើរ​ដែល​យើងត្រូវ​តែ​ប្រាប់​គ្រូពេទ្យ​ ហើយ​អាច​ធ្វើ​ឲ្យ​លទ្ធផល​របស់​យើង​ត្រូវ​បាន​បញ្ជាក់​ពិត​ប្រាកដ​ដោយ​ការ​ធ្វើ​តេស្ដ​រក​ម៉ូលេគុល​វីរុស​កូវីដ ១៩ (PCR test) វិធី​នេះ យើង​អាច​ទទួល​ការ​ព្យាបាល​ឲ្យ​បាន​ឆាប់​បំផុត ពិសេស​ប្រសិន​បើ​យើង​មាន​រោគ​សញ្ញា​ដែល​អាច​បណ្ដាល​ឲ្យ​ឈឺ​បាន។

៤. ការ​ធ្វើ​របាយការណ៍​ត្រឹម​ត្រូវ៖ ការ​ធ្វើ​តេស្ដ​ខ្លះ​ទាមទារ​ឲ្យ​យើង​មាន​ទូរស័ព្ទ ឬ​កុំព្យូទ័រ​យួរ​ដៃ ដើម្បី​រាយការណ៍​ពី​លទ្ធផល​តេស្ដ​របស់​យើង​ទៅ​កាន់​អាជ្ញាធរ ឬ​បុគ្គលិក​សុខាភិបាល ដោយ​សារ​វា​អាស្រ័យ​លើ​អ្នក​ប្រើ​ប្រាស់​តេស្ដ ធ្វើ​ដូច​នេះ វា​អាច​នាំ​ឲ្យ​មាន​ករណី​ខ្លះ​មិន​ត្រូវ​បាន​រាយការណ៍។

វេជ្ជបណ្ឌិត​ខាង​លើ​បន្ត​ថា ដើម្បី​ទទួល​បាន​លទ្ធផល​ត្រឹម​ត្រូវ​បំផុត យើង​គួរ​លាង​ដៃ និង​សម្អាត​ផ្ទៃ​នៃ​កន្លែង​ត្រូវ​ធ្វើ​សំណាក មុន​ពេល​យើង​ចាប់​ផ្ដើម​ធ្វើ​តេស្ដ។ អនុវត្ត​តាម​ការ​ណែនាំ​នៅ​លើ​តេស្ដ​ដោយ​យក​ចិត្ត​ទុក​ដាក់​បំផុត។ រក្សា​ការ​ធ្វើ​តេស្ដ​របស់​យើង​ឲ្យ​បាន​ត្រឹម​ត្រូវ និង​ចៀស​វាង​ប្រើ​តេស្ដ​ដែល​ផុត​កំណត់ ខូច​ពណ៌ ឬ​ប្រើ​រួច​ហើយ ឬ​មិន​មាន​ការ​ទទួល​ស្គាល់​ដោយ​ក្រសួង​សុខាភិបាល។ សំខាន់​បំផុត​នោះ គឺ​ពេល​ក្រោយ​ធ្វើ​តេស្ដ យើង​ត្រូវ​រៀប​ចំ​ឧបករណ៍​ឲ្យ​បាន​ល្អ ចៀសវាង​ករណី​យើង​វិជ្ជមាន អាច​ចម្លង​ដល់​អ្នក​ក្បែរ​ខ្លួន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ចំណុចត្រូវប្រយ័ត្នចំពោះអ្នកធ្វើតេស្តរហ័សរកអង់ទីហ្សែនកូវីដ-១៩ ដោយខ្លួនឯង

ចុចអាន៖ ដ្បិតមានគុណសម្បត្តិច្រើន តែតេស្តរហ័សរកអង់ទីហ្សែនកូវីដមានចំណុចខ្សោយមួយ

The post តេស្ដកូវីដ-១៩ នៅផ្ទះ អាចបង្កហានិភ័យបាន បើមិនចេះប្រើ ឬដឹងក្បួនយកសំណាក appeared first on Kampuchea Thmey Daily.

​យោង​តាម​សេចក្តី​ប្រកាស​ព័ត៌មាន​របស់​រដ្ឋបាលខេត្ត​ព្រះសីហនុ​បាន​ឲ្យ​ដឹងថា ​នៅ​វេលា​ម៉ោង​២​រសៀល​ថ្ងៃទី​២៨​ ខែមេសា ​ឆ្នាំ​២០២១ ​មាន​ស្ត្រី​២​នាក់​ គឺ​ឈ្មោះ​ ធើ​ង​ ពៅ​ អាយុ​៤៥​ឆ្នាំ​ និង​ឈ្មោះ​ប៊ុន ​ផា​ ភេទ​ស្រី​ អាយុ​៥៥​ឆ្នាំ​ ស្នាក់នៅ​ក្រុម​ទី​១៤​ភូមិ​១​ សង្កាត់​លេខ​៤​ ក្រុងព្រះសីហនុ​ បាន​ចូលរួម​ពិធី​ដង្ហែ​សព​ជីដូន​ទៅ​បូជា​ នៅ​វត្ត​ឥន្ទ​ញ្ញាណ​ហៅ​វត្ត​ក្រោម ​សង្កាត់​លេខ​៣​ ក្រុងព្រះសីហនុ​។ រដ្ឋបាលខេត្ត​បាន​បន្តថា ​ក្រោយពេល​ចប់​ពិធី​ដង្ហែ​សព​វេលា​ម៉ោង​៣​រសៀល​ស្ត្រី​ទាំង​២​នាក់ ​ខាងលើ​បាន​ទៅ​សាលាបឋមសិក្សា​ផ្សារ​លើ ​ដើម្បី​ផ្ដល់​វត្ថុ​សំណាក់​វិភាគ​រក​មេរោគ​កូ​វីដ​១៩​ហើយ​ ជា​លទ្ធផល​ស្ត្រី​ឈ្មោះ​ ធើ​ង​ ពៅ​ និង​ស្ត្រី​ឈ្មោះ ​ប៊ុន ​ផា​ មាន​វិជ្ជមាន​វីរុស​កូ​វីដ​១៩​។

រដ្ឋបាលខេត្ត​ព្រះសីហនុ​ សូម​អំពាវនាវ​ដល់​លោក​លោកស្រី ​ដែល​បាន​ចូលរួម​ពិធី​បុណ្យ​សព​នោះ​ឬ​ធ្លាប់​បាន​ប្រាស្រ័យ​ទាក់ទង​ជាមួយ​ស្ត្រី​ទាំង​២​នាក់​ខាងលើ​ សូម​ប្រញាប់​រួសរាន់​ទៅ​ផ្ដល់​វត្ថុ​សំណាក​ ដើម្បី​វិភាគ​រ​កកូ​វីដ​១៩​នៅ​វេទិកា​៧​មករា​ នៅ​រៀងរាល់​ម៉ោង​ធ្វើការ​។​ បន្ថែម​ពីនេះ​ ក្នុងករណី​បងប្អូន​ប្រជាពលរដ្ឋ​ ដែល​ធ្លាប់​មាន​ការ​ពាក់ព័ន្ធ​ ដែល​មាន​ការសង្ស័យ​សូម​ពិនិត្យ​សុខភាព​ផ្ទាល់ខ្លួន​ជាប្រចាំ​និង​ត្រូវ​សម្រាក​នៅផ្ទះ​ដាច់​តែឯង​ថែរក្សា​អនាម័យ​ខ្លួន​ជានិច្ច​ករណី​មានការ​ប្រែប្រួល​សុខ​ភាព​ខុសប្រក្រតី​ដូចជា​ឡើង​កម្ដៅ​លើស​ពី​៣៧​អង្សា​ ក្អក​ កណ្ដាស់​ ឈឺ​បំពង់ក​ និង​មាន​កំហាក​សូម​ប្រញាប់​ទាក់ទង​ទៅ​ក្រុមការងារ​ឆ្លើយតប​មន្ទីរ​សុខាភិបាល​ខេត្ត​ឬ​មន្ទីរពេទ្យបង្អែក​ ខេត្ត​ព្រះសីហនុ​ជាបន្ទាន់​៕

អត្ថបទ៖ ​សំអឿន

សូមចុចអាន៖ ​មន្ទីរពេទ្យ​ខេត្ត​សៀមរាប រក​ឃើញ​អ្នកវិជ្ជមាន​កូវីដ​ម្នាក់ បាន​ដើរ​ពេញ​ក្រុង​សៀមរាប

​

The post ខេត្ត​ព្រះសីហនុ​ អំពាវនាវ​ដល់​អ្នកចូលរួម​ដង្ហែ​សព ​នៅ​វត្ត​ឥន្ទ​ញ្ញាណ​ប្រញាប់​រួសរាន់​ទៅ​ធ្វើ​តេស្តរ​ក​កូ​វីដ​១៩ appeared first on Kampuchea Thmey Daily.

​យោង​តាម​សេចក្តី​ជួន​ដំណឹង​របស់​រដ្ឋបាល​ខេត្ត​រតនគីរី ​ចុះ​ថ្ងៃទី​២៧​មេសា​នេះ ​បាន​ឲ្យ​ដឹងថា​ គ្រប់​អ្នក​គ្រប់​អ្នកដំណើរ​ទាំងអស់​ ដែល​ចូលមក​ភូមិសាស្ត្រ​ខេត្តរតនគិរី ​ត្រូវ​ផ្ដល់​កិច្ចសហការ​ល្អជា​មួ​យ​សមត្ថកិច្ច​ក្នុង​ការ​ផ្ដល់ព័ត៌មាន​លម្អិត​អំពី​ទីតាំង​ដែល​ចេញដំណើរ​និង​គោលដៅ​ដែល​ខ្លួន​ត្រូវ​ទៅ​។ រដ្ឋបាលខេត្ត​បន្តថា​«​ចំពោះ​អ្នកដំណើរ​ទាំងឡាយណា​ ដែល​ចេញពី​តំបន់​មាន​ផ្ទុះ​ការឆ្លង​រាលដាល​ធ្ងន់ធ្ងរ​នៃ​ជំងឺ​កូ​វីដ​១៩​នោះ​ កម្លាំង​សមត្ថកិច្ច​ដែល​ប្រចាំការ​នៅ​ចំណុច​ឈរជើង​តាម​គោលដៅ​ ត្រូវ​ចាត់វិធានការ​ដោយ​ម៉ឹងម៉ាត់​និង​ចាំបាច់​ពិសេស​ ត្រូវ​យក​សំណាក​របស់​អ្នកដំណើរ​ទាំងនោះ​ដើម្បី​វិភាគ​រហ័ស​តាម​ឧបករណ៍​តេស្ត​រហ័ស​។

​ក្នុង​ករណី​ដែល​រកឃើញថា ​មាន​វិជ្ជា​មាន​កូ​វីដ​១៩​ ខេត្ត​ដោយមាន​កិច្ចសហការ​ពី​មន្ត្រី​សុខាភិបាល​ ត្រូវអនុវត្ត​នីតិវិធី​បន្ត​ផ្នែក​សុខាភិបាល​។ ​ផ្ទុយ​មកវិញ​ក្នុង​ករណី​ដែល​រក​មិន​ឃើញ​វិជ្ជមាន​កូ​វីដ​១៩ អ្នកដំណើរ​នោះ​ត្រូវ​បាន​អនុញ្ញាត​ឲ្យ​ធ្វើដំណើ​រ​បន្ត​ទៅដល់​គោលដៅ ​ដោយ​ត្រូវ​ផ្ដល់ដំណឹង​អំពី​កន្លែង​ស្នាក់នៅ​ឬ​បំពេញការងារ​និង​អនុវត្ត​វិធាន​ការ​សុខាភិបាល​នានា​ដូចជា​ពាក់​ម៉ាស​និង​រក្សា​គម្លាត​សុវត្ថិភាព​។​ ក្នុងពេលដែល​ស្នាក់នៅ​ក្នុងករណី​សង្ស័យ​ចំពោះ​សុខភាព​របស់ខ្លួន​ឬ​បងប្អូន​សាច់ញាតិ​ក្រុម​គ្រួសារ​ ដែល​មាន​រោគសញ្ញា​ក្អក​ក្តៅខ្លួន​ពិបាក​ដកដង្ហើម​ឬ​មាន​កម្ដៅ​លើសពី​៣៧​អង្សា​សេ​សូម​ប្រញាប់​ទៅ​ជួប​គ្រូពេទ្យ​ ដើម្បី​ពិនិត្យ​សុខភាព​ជាបន្ទាន់​៕​

អត្ថបទ៖ សំអឿន

សូមចុចអាន៖ ​ប្រជាពលរដ្ឋ៣គ្រួសារពាក់ព័ន្ធជាមួយអ្នកជំងឺកូវីដ-១៩ជាជនជាតិថៃ ត្រូវបានអនុញ្ញាតឱ្យត្រឡប់ទៅគេហដ្ឋានវិញហើយ

​

The post ពលរដ្ឋ​នៅ​តំបន់​ផ្ទុះ​ជំងឺ​កូ​វីដ​១៩ ​ពេលធ្វើ​ដំណើរ​ទៅ​ខេត្ត​រតនគីរី​ត្រូវធ្វើ​តេស្តរ​កកូ​វីដ​១៩​ភ្លាមៗ appeared first on Kampuchea Thmey Daily.