KPT+

យើងអាចធ្វើបាន! ការវាយបំបែកវីរុសបំប្លែង Delta គឺផ្ដើមចេញពីមនុស្សមិនមើលបំណាំគ្នាទៅមក

បានផុស

៥ years មុន

នៅ

ថ្ងៃចន្ទ ១៦ សីហា ២០២១

ដោយ

គ្មាននរណាម្នាក់អាចយកឈ្នះលើកូវីដឬវីរុសបំប្លែងខ្លួន Delta ដែលកំពុងមានវត្តមាននៅប្រទេសកម្ពុជាបានឡើយ។ បើសិនគ្មានការផ្ដើមចេញពីមនុស្សគ្រប់គ្នា ម្នាក់បន្តិចៗ និងមិនមើលបំណាំគ្នាទៅមក នោះយើងប្រកដជាយកឈ្នះលើវាបានពុំខាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះមិនច្រើនតែគ្រប់គ្នាសុទ្ធតែអាចធ្វើទៅបានដោយមិនលំបាក ជាពិសេសគឺក្រុមយុវវ័យ យុវជន នាសម័យ Delta នេះគឺអាចធ្វើនិងបង្ការ ឬកាត់បន្ថយបាន។

ប៉ុន្តែបើសិនយើងគ្រប់គ្នាមើលស្រាល គិតថាមិនអី ហើយមើលបំណាំគ្នា គេចេញទៅក្រៅគ្រប់គ្នាគេមិនអីផង សំខាន់ឲ្យតែពាក់ម៉ាសលាងដៃបាននោះ គឺមិនអាចជួយថែរក្សាខ្លួនឯងនិងមនុស្សជុំវិញបានទេ។ កុំភ្លេចថា ម៉ាសអាចជួយមិនឲ្យវីរុសឆ្លងចូលមកច្រមុះមាត់បានពិតមែន តែបើបុគ្គលនោះធ្វេសប្រហែសទៅកន្លែងដែលហាមឃាត់ពីបម្រាមរបស់ក្រសួងសុខាភិបាល គេនៅតែមានឈ្មោះថាជាជនចែកចាយកូវីដនិងប្រភេទវីរុសបំប្លែងខ្លួនមកគ្រួសារដដែល។

គ្រប់គ្នាមានសិទ្ធរៀងៗខ្លួន ក្នុងការដើរពីកន្លែងមួយទៅកន្លែងមួយ តាមភារកិច្ចឬតួនាទីបានបំពេញ។ ប៉ុន្តែមុននឹងចាកចេញពីផ្ទះឬទៅកន្លែងណាមួយក្រៅពីលំនៅឋានយើង សូមឲ្យនឹកដល់សមាជិកគ្រួសារចាស់ៗកូនក្មួយរបស់យើង។ ជាពិសេសគឺក្រុមនុស្សចាស់មានហានិភ័យ មានជំងឺរ៉ាំរ៉ៃប្រចាំកាយនៅតែផ្ទះសោះ ក៏យើងយករោគមកចម្លងពួកគាត់ដែរ។

កុំធ្វើជាជនចម្លងតែត្រូវធ្វើជាបុគ្គលដែលមោទនភាព និងអស្ចារ្យ នាំភាពរុងរឿងចូលមកឲ្យអ្នកផ្ទះសប្បាយចិត្ត។ សូមអនុវត្ត វិធានការ ៣ការពារ និង៣កុំ ឲ្យបានខ្ជាប់ខ្ជួន ក៏ដូចជាការពារជីវិតអ្នក និងសមាជិកគ្រួសារ។កុំឲ្យមានវិប្បដិសារីដ៏ឈឺចាប់តាមខ្លួន ហើយសុំទោសពួកគេជាក្រោយ។ ដល់ដំណាក់កាលនោះ វាគ្មានន័យអ្វីឡើយ មានតែផ្សែងហុយទ្រលោមចេញពីឈាបនកិច្ចតែប៉ុណ្ណោះ។

ក្នុងន័យនេះ យើងពុំបានប្រមាថជីវិតបុគ្គលណាម្នាក់ឡើយ តែយើងចង់ដាស់សតិអ្នកព្រហើនកាយ មិនខ្លបខ្លាចមេរោគ តាំងខ្លួនជាអ្នកក្លាហានសប្បាយអឺងកង ជុំគ្នាមិនគិតអ្នករស់នៅជាមួយ។

បើសិនជាអ្នកបានឆ្លងឬចម្លងទៅសមាជិកចាស់ៗនិងក្មួយ គ្រួសារអ្នកមិនត្រឹមតែពិបាកនោះទេ។ សូម្បីតែក្រុមគ្រូពេទ្យឬបុគ្គលិកថែទាំសុខភាព ក៏មានការថប់បារម្ភខ្លាំង ទាំងជំងឺធ្លាក់ទឹកចិត្ត បញ្ហានៃការគេងនិងជំងឺស្ត្រេស រួមទាំងកង្វះសម្ភារប្រើប្រាស់ក្នុងវេជ្ជសាស្ត្រមិនគ្រប់ ក្នុងពេលកំពុងប្រយុទ្ធប្រឆាំងនឹងជំងឺរាតត្បាតជាសកលនេះថែមទៀត ៕

អត្ថបទ៖ សាង ស្រីល័ក្ខ

ចុចអាន៖គ្រូពេទ្យនៅទូទាំងពិភពលោក កំពុងជួបជំងឺស្ត្រេសនិងធ្លាក់ទឹកចិត្ត អំឡុងប្រយុទ្ធប្រឆាំងកូវីដនិងវីរុសបំប្លែងខ្លួន

ចុចអាន៖វីរុសបំបែ្លង Delta មានហានិភ័យខ្ពស់ តែពលរដ្ឋក៏មិនត្រូវប្រហែសនឹង Lambda ដែល WHO ចាត់ថ្នាក់ថាឆ្លងលឿនដូចគ្នា

ចុចអាន៖សង្កេតមើលខ្លួន! រោគសញ្ញាកូវីដថ្មីមួយទៀត ទើបលេចចេញនៅ ថៃ បើប្រហែសអាចស្លាប់បាន

Related Topics:វីរុសប្រភេទ Delta