តាមរយៈរដ្ឋាភិបាល ខេត្តចំនួន ១១ នឹងមានប្រជាជនធ្លាក់ចុះជាង ៣០% ខណៈពេលដែលចំនួនអ្នកស្រុកនៅក្នុង ២០% នៃក្រុងទាំងអស់ ត្រូវបានគេរំពឹងថា នឹងមានច្រើនជាងពាក់កណ្តាល។

ស្ថាប័នស្រាវជ្រាវរបស់ក្រសួងសុខាភិបាលបានបន្ថែមថា ចំនួនប្រជាជនរបស់ប្រទេសជប៉ុនត្រូវបានគេរំពឹងថា នឹងធ្លាក់ចុះ ១៧% ក្នុងអំឡុងពេលដូចគ្នាមកនៅត្រឹម ១០៤.៦៩ លាននាក់។

ចំពោះតំបន់មួយចំនួនដែលមានការថយចុះចំនួនប្រជាជនយ៉ាងច្រើនទំនងជាប្រឈមមុខនឹងការលំបាកក្នុងការថែរក្សាហេដ្ឋារចនាសម្ព័ន្ធ និងរដ្ឋាភិបាលក្នុងតំបន់ដោយសារតែការថយចុះនៃប្រាក់ចំណូលពន្ធ និងការធ្លាក់ចុះសេដ្ឋកិច្ច ការដោះស្រាយការថយចុះអត្រាកំណើត និងការប្រមូលផ្តុំប្រជាជននៅទីក្រុងតូក្យូបានក្លាយជាបញ្ហាបន្ទាន់។

មានតែទីក្រុងតូក្យូមួយគត់ដែលចំនួនប្រជាជនត្រូវបានព្យាករណ៍ថា នឹងកើនឡើងចាប់ពីឆ្នាំ ២០២០ កើនឡើង ២.៥% ដល់ចំនួន ១៤.៤០ លាននាក់។

ដោយឡែក សម្រាប់អ្នកដែលមានអាយុ ១៤ ឆ្នាំនិងក្រោមត្រូវបានគេរំពឹងថានឹងធ្លាក់ចុះ ៣០.៨% នៅទូទាំងប្រទេស ខណៈដែល ២៥ ខេត្តត្រូវបានគេព្យាករណ៍ថា នឹងមានមនុស្សដែលមានអាយុលើសពី ៦៥ ឆ្នាំមានចំនួនលើសពី ៤០% នៃចំនួនប្រជាជនរបស់ពួកគេនៅឆ្នាំ ២០៥០៕

ប្រែសម្រួល៖ នាង រតនៈ

ប្រភព៖​ The Japan Times

The post គ្រប់ខេត្តនៃប្រទេសជប៉ុន នឹងមានការធ្លាក់ចុះចំនួនប្រជាជន លើកលែងតែតូក្យូប៉ុណ្ណោះ appeared first on Kampuchea Thmey Daily.

ក្រសួងសេដ្ឋកិច្ច ពាណិជ្ជកម្ម និងឧស្សាហកម្ម រំពឹងថា តម្រូវការថាមពលនឹងជួបប្រទះបញ្ហាធ្ងន់ធ្ងរនៅរសៀលនេះ (ម៉ោងក្នុងស្រុក)។ ក្រសួងនិយាយថា មនុស្សគួរតែបិទភ្លើងដែលមិនចាំបាច់ ប៉ុន្តែនៅតែអាចប្រើម៉ាស៊ីនត្រជាក់ ដើម្បីចៀសវាងការឡើងកម្តៅ។

អស់រយៈពេលជាច្រើនសប្តាហ៍មកហើយ ក្រុមមន្ត្រីបានព្រមានអំពីការកាត់ផ្តាច់ចរន្តអគ្គិសនី នៅពេលសីតុណ្ហភាពកើនឡើងខ្លាំង។

កាលពីចុងសប្តាហ៍ សីតុណ្ហភាពនៅកណ្តាលទីក្រុងតូក្យូ បានកើនឡើងលើស ៣៥អង្សា ខណៈទីក្រុង Isesaki ភាគពាយ័ព្យនៃរាជធានីមានសីតុណ្ហភាពខ្ពស់បំបែកកំណត់ត្រា ៤០.២អង្សាសេ។ នោះគឺជាសីតុណ្ហភាពខ្ពស់បំផុតមិនធ្លាប់មានក្នុងខែមិថុនា សម្រាប់ប្រទេសជប៉ុន។

ខែមិថុនា គឺជាការចាប់ផ្តើមនៃរដូវក្តៅនៅក្នុងប្រទេសជប៉ុន ដោយសីតុណ្ហភាពជាធម្មតាក្នុងខែនេះគឺស្ថិតនៅក្រោម ៣០ អង្សាសេ។

នៅក្នុងសេចក្តីថ្លែងការណ៍មួយកាលពីថ្ងៃអាទិត្យទី២៦ខែមិថុនា ក្រសួងនិយាយថា សមត្ថភាពផលិតអគ្គិសនី ត្រូវបានគេរំពឹងថានឹងធ្លាក់ចុះមកត្រឹម ៣,៧% នៅរសៀលថ្ងៃចន្ទក្នុងទីក្រុង តូក្យូ និងខេត្តជុំវិញចំនួនប្រាំបី។

រដ្ឋាភិបាលបានស្នើឲ្យប្រជាជនបិទភ្លើងដែលមិនចាំបាច់រយៈពេល៣ម៉ោង ចាប់ពីម៉ោង ១៥:០០ ទៅ ហើយប្រើប្រាស់ម៉ាស៊ីនត្រជាក់ឲ្យបានត្រឹមត្រូវ។

គួរបញ្ជាក់ថា ការផ្គត់ផ្គង់ថាមពលរបស់ប្រទេសជប៉ុន មិនដំណើរការរលូនឡើយ ចាប់តាំងពីការរញ្ជួយដីនៅក្នុងតំបន់ភាគឦសានរបស់ខ្លួនកាលពីខែមីនា បានបង្ខំឲ្យរោងចក្រថាមពលនុយក្លេអ៊ែរមួយចំនួនត្រូវផ្អាកប្រតិបត្តិការ។

ក្រុមមន្ត្រីក៏បានបិទរោងចក្រឥន្ធនៈហ្វូស៊ីលដែលមានវ័យចំណាស់មួយចំនួនផងដែរ ក្នុងការប៉ុនប៉ងកាត់បន្ថយការបញ្ចេញកាបូនឌីអុកស៊ីត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ កាន់តែតានតឹង! នាវាចម្បាំងរុស្ស៊ី និងចិន ត្រូវគេប្រទះឃើញ នៅជិតប្រទេស ជប៉ុន

The post ជប៉ុន អំពាវនាវឲ្យប្រជាជន ៣៧លាននាក់ បិទភ្លើង (មានវីដេអូ) appeared first on Kampuchea Thmey Daily.

វាជាការរញ្ជួយដីខ្លាំងបំផុត នៅតំបន់កណ្តាលរាជធានី ចាប់តាំងពីមហាគ្រោះមហន្តរាយរញ្ជួយដីដែលគេឲ្យឈ្មោះថា Great East Japan Earthquake Disaster ក្នុងឆ្នាំ២០១១។

ពីដំបូង ការរញ្ជួយនេះ ត្រូវបានគេវាស់ថាមានកម្រិត ៦.១ រ៉ិចទ័រ ប៉ុន្តែក្រោយមកត្រូវបាន ទីភ្នាក់ងារឧតុនិយម បន្ទាបមកនៅត្រឹម ៥.៩​រ៉ិចទ័រវិញ។

ស្របពេលជាមួយគ្នានោះដែរ ទីភ្នាក់ងារនេះបានព្រមានថា ការរញ្ជួយដីដែលមានកម្លាំងប្រហាក់ប្រហែលគ្នានេះ អាចនឹងកើតឡើងក្នុងរយៈពេលមួយសប្តាហ៍ទៀត។

ពេលវេលាចុងក្រោយដែលការរញ្ជួយដីមានកម្លាំងខ្លាំងក្លា វាយប្រហារទីក្រុងតូក្យូ គឺនៅថ្ងៃទី ១១ ខែមីនាឆ្នាំ ២០១១ នៅពេលការរញ្ជួយដីកម្រិត ៩.០ រ៉ិចទ័រ វាយប្រហារប្រទេសជប៉ុន។

ការរញ្ជួយដីថ្មីបំផុតនេះ បានកើតឡើងបន្ទាប់ពីលោកនាយករដ្ឋមន្រ្តី Fumio Kishida ចូលការិយាល័យនៅម៉ោងប្រហែល ១១ និង ២០ នាទីយប់​ថ្ងៃព្រហស្បតិ៍។ លោកបានប្រាប់អ្នកយកព័ត៌មានថា លោកបានបញ្ជាឲ្យមន្រ្តី ជួយជនរងគ្រោះដោយសាររញ្ជួយដី និងទប់ស្កាត់ការខូចខាតបន្ថែមទៀត។

ទន្ទឹមនោះ អ្នកនាំពាក្យជាន់ខ្ពស់របស់រដ្ឋាភិបាល លោក Hirokazu Matsuno បានប្រាប់សន្និសីទសារព័ត៌មានថា មិនមានភាពមិនប្រក្រតីណាមួយ ត្រូវបានរាយការណ៍នៅឯរោងចក្រនុយក្លេអ៊ែរនោះទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ JP Times

ចុចអាន៖ រញ្ជួយដី រង្គើទីក្រុង មែលប៊ន ទាំងព្រឹក

The post ទីក្រុង តូក្យូ ជួបការរញ្ជួយដីខ្លាំងបំផុត ចាប់តាំងពីមហាគ្រោះមហន្តរាយឆ្នាំ ២០១១ (វីដេអូ) appeared first on Kampuchea Thmey Daily.

គិតត្រឹមថ្ងៃអាទិត្យ ២០,៨ភាគរយ នៃអ្នកជំងឺ ១២,៦៣៥ នាក់ របស់រាជធានីជប៉ុនមួយនេះ ត្រូវបានបញ្ជូនទៅព្យាបាលនៅក្នុងមន្ទីរពេទ្យ។

ទីក្រុងតូក្យូ បានប្រកាសអាសន្នជាលើកទី ៤ រួចទៅហើយក្នុងខែនេះ រហូតដល់បញ្ចប់ព្រឹត្តិការ​ណ៍កីឡាអូឡាំពិក ហើយប្រទេសជប៉ុនបានធ្វើការសម្រេចចិត្ត មិនធ្លាប់មានពីមុនមក ​ដើម្បីរៀបចំព្រឹត្តិការណ៍កីឡានេះ ដោយគ្មានអ្នកទស្សនា ដើម្បីទប់ស្កាត់ការរីករាលដាល។

សារព័ត៌មាន TBS បានរាយការណ៍ថា ស្របពេលដែលមន្ទីរពេទ្យ ទទួលយកអ្នកជំងឺកាន់តែច្រើននោះ ទីក្រុងតូក្យូ មានគោលបំណងបង្កើនចំនួនគ្រែដល់ទៅ ៦,៤០៦ ត្រឹមដើមខែក្រោយពីចំនួន ៥,៩៦៧ នាពេលបច្ចុប្បន្ននេះ។

TBS បានដកស្រង់សេចក្តីជូនដំណឹងរបស់អាជ្ញាធរក្រុង ទៅស្ថាប័នវេជ្ជសាស្រ្តដែលបាននិយាយថា មន្ទីរពេទ្យ គួរតែបន្ថយការវះកាត់ដែលបានគ្រោងទុក និងកាត់បន្ថយការព្យាបាលជំងឺផ្សេងទៀត៕

ប្រែសម្រួល៖ Vann Vann

ប្រភព៖ Reuters

ចុចអាន៖ វៀតណាម ធ្ងន់ធ្ងរហើយ ពេលនេះកាន់តែព្រួយខ្លាំង ព្រោះអ្នកឆ្លង Delta ភាគច្រើន មិនបញ្ចេញរោគសញ្ញា

The post ទីក្រុងម្ចាស់ផ្ទះអូឡាំពិក រកឃើញអ្នកឆ្លងកូវីដច្រើនបំផុត មិនធ្លាប់មាន appeared first on Kampuchea Thmey Daily.

ការរកឃើញនេះ គឺជាករណីឆ្លងកើនលើស ១,០០០ ករណីជាលើកដំបូង គិតចាប់តាំងពីថ្ងៃទី ១៣ ខែឧសភាមក។

រាជធានីជប៉ុនមួយនេះ ស្ថិតក្រោមច្បាប់គ្រាអាសន្នលើកទី៤ដោយសារជំងឺកូវីដ-១៩ ហើយកំពុងប្រឈមនឹងការកើនឡើងនូវករណីឆ្លង ខណៈពិធីបើកព្រឹត្តិការណ៍កីឡា អូឡាំពិក ទីក្រុងតូក្យូ នឹងមកដល់នៅសប្តាហ៍ក្រោយ៕

ប្រែសម្រួល៖ Vann Vann

ប្រភព៖ Asian Nikkei

ចុចអាន៖ ប្រទេសអាស៊ាន ២ ទៀតទទួលវ៉ាក់សាំងការពារកូវីដឥតគិតថ្លៃពី ជប៉ុន

The post មួយសប្តាហ៍ទៀតដល់អូឡាំពិក ស្រាប់តែទីក្រុង តូក្យូ រកឃើញករណីឆ្លងកូវីដ យ៉ាងធ្ងន់ធ្ងរ appeared first on Kampuchea Thmey Daily.

យោងតាមអ្នករៀបចំបានឲ្យដឹងថា បាតុករប្រមាណ៣,០០០នាក់បានចូលរួម។

អ្នកចូលរួមបាតុកម្មបានទទូចដល់រដ្ឋាភិបាលជប៉ុន កុំឲ្យគាំទ្រដល់រដ្ឋាភិបាលយោធារបស់ប្រទេសមីយ៉ាន់ម៉ានិងបានលើកសញ្ញាដែលសរសេរថា “រដ្ឋាភិបាលជប៉ុនសូមជួយយើងផង” និង “សូមដាក់សម្ពាធលើមេបញ្ជាការយោធា”។ ពួកគេក៏បានលើករូបថតរបស់លោកស្រី ស៊ូជី ផងដែរ។

បាតុករម្នាក់បានបោះរូបថតរបស់មេបញ្ជាការយោធាមីយ៉ាន់ម៉ាទៅលើដីហើយជាន់ អំឡុងការតវ៉ាដែលរៀបចំឡើងដោយសហព័ន្ធពលរដ្ឋសហភាពមីយ៉ាន់ម៉ា។ ហ្វូងមនុស្សក៏បានច្រៀងបទចម្រៀងដែលតែងតែច្រៀងដោយសមាជិកនៃចលនាគាំទ្រលទ្ធិប្រជាធិបតេយ្យរបស់ប្រទេសមីយ៉ាន់ម៉ាផងដែរ។

គួរបញ្ជាក់ថា បន្ទាប់ពីរដ្ឋប្រហារ ប៉ូលិសនៅក្នុងប្រទេសមីយ៉ាន់ម៉ាបានដាក់ការចោទប្រកាន់ប្រឆាំងនឹងមេដឹកនាំលោកស្រី អ៊ុងសាន ស៊ូជី ខណៈលោកស្រីត្រូវបានបញ្ជូនទៅកាន់មន្ទីរឃុំឃាំងរហូតដល់ថ្ងៃទី១៥ខែកុម្ភៈ។

លោកស្រី ស៊ូជី ត្រូវបានចោទប្រកាន់ពីបទរំលោភច្បាប់នាំចូលនិងនាំចេញរបស់ប្រទេស មីយ៉ាន់ម៉ា។ ប៉ូលិសអះអាងថា វិទ្យុទាក់ទងចំនួន៤គ្រឿងដែលនាំចូលដោយខុសច្បាប់ត្រូវបានរកឃើញក្នុងអំឡុងពេលកំពុងឆែកឆេរផ្ទះរបស់លោកស្រី ស៊ូជី៕

ប្រែសម្រួលដោយ៖ Vann Vann

ប្រភព៖ Asahi

ចុចអាន៖ មេដឹកនាំក្រុមឧទ្ទាមជនជាតិភាគតិច ថា រដ្ឋប្រហារមីយ៉ាន់ម៉ាគំរាមកំហែងដល់បទឈប់បាញ់

The post បាតុកម្មទាមទារឲ្យដោះលែងលោកស្រី ស៊ូជី ផ្ទុះឡើងក្នុងទីក្រុង តូក្យូ appeared first on Kampuchea Thmey Daily.

ទីភ្នាក់ងារសារព័ត៌មានជប៉ុន Jiji បានរាយការណ៍ថា លោកនាយករដ្ឋមន្រ្តី Yoshihide Suga បានកោះប្រជុំជាបន្ទាន់ជាមួយរដ្ឋមន្រ្តីស្តីពីស្ថានភាពមេរោគនៅល្ងាចថ្ងៃព្រហស្បតិ៍នេះ។

អភិបាលក្រុងតូក្យូលោកស្រី Yuriko Koike បានប្រាប់អ្នកយកព័ត៌មានថា “យើងកំពុងប្រមូលតួលេខច្បាស់លាស់នៅថ្ងៃនេះ។ គេបានរាយការណ៍មកខ្ញុំថា វានឹងមានលើស១,០០០ករណីហើយនៅកន្លែងខ្លះមានប្រហែល១,៣០០ករណី”។

លោកស្រីបានព្រមានថា “សម្រាប់វីរុសកូរ៉ូណា គ្មានថ្ងៃចុងឆ្នាំនិងគ្មានថ្ងៃឈប់សម្រាកចូលឆ្នាំថ្មីទេ។ នៅក្នុងរដូវរងានេះ យើងកំពុងមើលឃើញការឆ្លងវីរុសនេះហើយវាគឺជាស្ថានភាពធ្ងន់ធ្ងរបំផុត”។

ប្រទេសជប៉ុនត្រូវបានគេមើលឃើញថាអាចគ្រប់គ្រងការផ្ទុះឡើងនៃជំងឺកូវីដ១៩បានបើប្រៀបធៀបទៅនឹងផ្នែកខ្លះនៃពិភពលោកពោលគឺមានអ្នកស្លាប់តិចជាង៣,៥០០នាក់ចាប់តាំងពីខ្លួនបានកត់ត្រាករណីដំបូងនៃវីរុសនេះកាលពីខែមករា។

ជប៉ុនក៏បានចៀសវាងវិធានការបិទប្រទេសដ៏តឹងរ៉ឹងដែលត្រូវបានប្រើនៅក្នុងប្រទេសមួយចំនួនផងដែរបើទោះបីជារដ្ឋាភិបាលបានដាក់ស្ថានភាពអាសន្ននៅនិទាឃរដូវដោយអំពាវនាវឲ្យបិទអាជីវកម្មនិងស្នើសុំឲ្យប្រជាជនស្នាក់នៅក្នុងផ្ទះក៏ដោយ៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ ជប៉ុនរកឃើញអ្នកឆ្លងវីរុសកូរ៉ូណាក្លាយពូជប្រភេទថ្មី ៥ករណី

ចុចអាន៖ ធ្លាក់ព្រិលកប់រថយន្ត១,០០០គ្រឿង ស្ទះចរាចរណ៍២ថ្ងៃនៅ ជប៉ុន

The post តូក្យូ បំបែកកំណត់ត្រាមួយថ្ងៃឆ្លងកូវីដជាង១,០០០នាក់ ជប៉ុនព្រមានដាក់ទីក្រុងក្នុងគ្រាអាសន្ន appeared first on Kampuchea Thmey Daily.