រញ្ជួយដី រង្គើទីក្រុង មែលប៊ន ទាំងព្រឹក

ការរញ្ជួយដីនេះ បានកើតឡើងនៅម៉ោងប្រហែល ០៩ និង ១៥ នាទីព្រឹក (ម៉ោងក្នុងស្រុក) ថ្ងៃពុធនៅឯទីប្រជុំជន Mansfield នៃទីក្រុង មែលប៊ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូនៅលើបណ្តាញសង្គម បានបង្ហាញពីការខូចខាតអគារខ្លះ ប៉ុន្តែភ្លាមៗ មិនមានរបាយការណ៍អំពីអ្នករងរបួសទេ។

យោងតាមក្រុមតាមដាន Geosciences Australia របស់រដ្ឋាភិបាលបានឲ្យដឹងថា ការរញ្ជួយដីនេះ វាយប្រហារនៅជម្រៅ ១០ គីឡូម៉ែត្រ។

សេវាកម្មគ្រាអាសន្នរដ្ឋ Victoria ក៏បាននិយាយផងដែរថា ប្រជាពលរដ្ឋនៅទូទាំងតំបន់ បានទទួលអារម្មណ៍ញ័រដោយការរញ្ជួយ។

ទោះបីជាយ៉ាងណាក៏ដោយ អាជ្ញាធរបានបង្ហោះ Twitter ថា គ្មានការគំរាមកំហែងពីរលកយក្សស៊ូណាមិឡើយ។

គួរបញ្ជាក់ថា មែលប៊ន ជាទីក្រុងធំលំដាប់ទី២របស់ប្រទេសអូស្រ្តាលី ដែលមានប្រជាជនប្រហែលប្រាំលាននាក់។

បច្ចុប្បន្នទីក្រុងនេះ ត្រូវបានបិទខ្ទប់ដោយសារតែរលកនៃករណីឆ្លងវីរុសកូវីដ-១៩៕

ប្រែសម្រួល៖ Vann Vann

ប្រភព៖ BBC

ចុចអាន៖ រញ្ជួយដីនៅហៃទី ស្លាប់កើនដល់ ១,២៩៧នាក់ របួស៥,៧០០នាក់