ព័ត៌មានអន្ដរជាតិ
វៀតណាម ធ្ងន់ធ្ងរហើយ ពេលនេះកាន់តែព្រួយខ្លាំង ព្រោះអ្នកឆ្លង Delta ភាគច្រើន មិនបញ្ចេញរោគសញ្ញា
ស្របពេលដែលវីរុសបំប្លែងខ្លួន Delta កំពុងវាយលុកប្រទេសវៀតណាម ករណីមិនបញ្ចេញរោគសញ្ញា អាចនឹងធ្វើឲ្យស្ថានភាពកាន់តែធ្ងន់ធ្ងរក្នុងរយៈពេលដ៏ខ្លីខាងមុខ។ នេះបើយោងតាមក្រសួងសុខាភិបាល វៀតណាម។
លោក Nguyen Truong Son អនុរដ្ឋមន្រ្តីក្រសួងសុខាភិបាលវៀតណាម បាននិយាយថា “ការពិនិត្យតាមដាន និងមើលថែទាំអ្នកជំងឺមិនបញ្ចេញរោគសញ្ញាគឺ ដើរតួយ៉ាងសំខាន់បំផុតនាពេលនេះ”។
លោក Son បន្តថា ដោយសារតែស្ថានភាពជំងឺកូវីដ-១៩កាន់តែធ្ងន់ធ្ងរទៅៗ ដូច្នេះពួកគេមិនអាចត្រូវបានគេដឹកទៅមន្ទីរពេទ្យទាន់ពេលវេលាទេ ហើយបានស្លាប់នៅក្នុងផ្ទះ។ ប្រជាជនចាំបាច់ត្រូវទទួលបានព័ត៌មានបន្ថែមអំពីរោគសញ្ញាដំបូង ហើយចាំបាច់ត្រូវធ្វើតេស្ត រួចបញ្ជូនអ្នកជំងឺទៅមន្ទីរពេទ្យនិងកន្លែងព្យាបាលផ្សេងទៀត។
ទាក់ទងនឹងស្ថានភាពជំងឺឆ្លងនៅទីក្រុង ហូជីមិញ លោក Son បាននិយាយថា ការផ្ទុះឡើងក្នុងទីក្រុងភាគខាងត្បូងមួយនេះ នៅតែបន្តតាមរបៀបដ៏ស្មុគស្មាញ។ ជាមួយវិធានការបិទខ្ទប់និងគម្លាតសង្គមជាបន្តបន្ទាប់ ការឆ្លងរោគនឹងចុះខ្សោយ ប៉ុន្តែសំណួរអំពីថាតើវិធានការបែបនេះនឹងត្រូវអូសបន្លាយពេលយូរប៉ុនណានោះ គឺអាស្រ័យទៅលើការអនុលោមរបស់ប្រជាជន ការគ្រប់គ្រងមូលដ្ឋាននិងកិច្ចខិតខំពីប្រព័ន្ធសុខាភិបាល។
ស្ថិតិផ្លូវការពីមន្ទីរសុខាភិបាលក្រុង ហូជីមិញ បានបង្ហាញថា ករណីកូវីដមិនបញ្ចេញរោគសញ្ញា និងកម្រិតស្រាល គឺមានប្រហែល ៨០ ភាគរយឯណោះនៃករណីឆ្លងទាំងអស់។
ទីក្រុងភាគខាងត្បូងនេះ បានកត់ត្រាការឆ្លងក្នុងសហគមន៍ចំនួន ៦៨,២៧១ ករណីនៅក្នុងរលកទី៤ ចាប់តាំងពីចុងខែមេសាមក ហើយជាតំបន់រងគ្រោះធ្ងន់ធ្ងរបំផុតរបស់ប្រទេស។
គួរបញ្ជាក់ថា ចំនួនអ្នកឆ្លងកូវីដសរុបនៅវៀតណាម ក្នុងរលកថ្មីនេះ បច្ចុប្បន្នមាន ១០៥,២៨៧ ករណី៕
ប្រែសម្រួល៖ Vann Vann
ប្រភព៖ VN Express
ចុចអាន៖ អ្នកឆ្លង Delta មានផ្ទុកមេរោគនៅក្នុងច្រមុះ ច្រើនជាងអ្នកឆ្លងកូវីដទម្រង់ដើម ដល់ទៅ ១,២៦០ ដងឯណោះ
-
ព័ត៌មានជាតិ១៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)