ផ្នែកនៃស្ពានដែលបានបាក់នេះគឺជាស្ពាន Hongqi ដែលមានប្រវែង ៧៥៨ម៉ែត្រមានទីតាំងនៅទីក្រុង Maerkang ខេត្តSichuan។ តាមពិតទៅស្ពាននេះ ត្រូវបានបិទមួយថ្ងៃមុន បន្ទាប់ពីស្នាមប្រេះលេចឡើងនៅលើជម្រាលក្បែរនោះ ។ លើសពីនេះ ប៉ូលិសបានជម្លៀសយានយន្តទាំងអស់ និងបានរារាំងការធ្វើដំណើរមុនមានដួលរលំ។ រហូតមកដល់ពេលនេះមិនមានរបាយការណ៍អ្នករងរបួសឬក៏ស្លាប់នោះទេ។

សូមបញ្ជាក់ថាស្ពាននេះ ត្រូវបានសាងសង់កាលពីដើមឆ្នាំនេះដោយក្រុមហ៊ុន Sichuan Road & Bridge Group ស្ថិតនៅលើផ្លូវហាយវេសំខាន់មួយដែលតភ្ជាប់ភាគកណ្តាលប្រទេសចិនទៅកាន់ទីបេ។ វាក៏នៅជិតគម្រោងវារីអគ្គិសនី Shuangjiangkou ដែលនឹងក្លាយជាទំនប់ខ្ពស់បំផុតរបស់ពិភពលោកនៅពេលសាងសង់រួច។

បើតាមអាជ្ញាធរចិន ផ្លូវនេះនឹងនៅតែបន្តបិទរហូតដល់វាមានសុវត្ថិភាពម្តងទៀត និងមិនទាន់មានកាលបរិច្ឆេទបើកដំណើរការឡើងវិញនៅឡើយទេ៕

អត្ថបទ៖ ប៊ុន សុភាព

The post ស្ពានថ្មីមួយផ្នែកបាក់រលំយ៉ាងរន្ធត់ ក្នុងខេត្ត Sichuan ប្រទេសចិន appeared first on Kampuchea Thmey Daily.

ស្ពានអាកាសនេះ​មាន​ប្រវែង ៣៦ ម៉ែត្រសាងសង់ជិតរួចរាល់ និងមានតម្លៃប្រហែល១៩ម៉ឺនដុល្លារ។ ធ្នឹម​ស្ពាន​បានបាក់​ធ្លាក់​ទៅ​លើ​រថយន្ត​ស្ទូច​និង​រថយន្ត​សណ្តោង​រ៉ឺម៉ក ធ្វើ​ឲ្យ​កកស្ទះ​ចរាចរណ៍និងបង្កការភ្ញាក់ផ្អើលទាំងយប់។ បើតាមខ្សែ​វីដេអូ CCTV បាន​បង្ហាញ​កម្មករ​រាប់​សិប​នាក់​បាន​រត់​គេច​ខ្លួន​ពេលកើតហេតុ។ បើទោះបីជា​គ្មាន​អ្នក​ស្លាប់និងរបួស​ត្រូវ​បាន​គេ​រាយការណ៍​ ប៉ុន្តែ​អាជ្ញាធរ​ថៃប៉ាន់​ប្រមាណ​ថាមានការ​ខូច​ខាតសរុប​យ៉ាង​ហោច​ណាស់ ១០​លាន​បាត( ២៧ ម៉ឺនដុលា្លរ។

ឥឡូវនេះនាយកដ្ឋានផ្លូវថ្នល់ និងអ្នកម៉ៅការកំពុងធ្វើការសម្អាតកំទេចកំទីនិងយលធ្នឹមចេញពីផ្លូវ ដើម្បីសម្រួលចរាចរណ៍ ខណៈមូលហេតុនៃការបាក់រលំស្ថិតក្រោមការស៊ើបអង្កេតនៅឡើយ៕

អត្ថបទ៖ ប៊ុន សុភាព

អត្ថបទ៖ ប៊ុន​ សុភាព

The post បាក់ស្ពាន​អាកាស​​​ នៅ​ខេត្ត​ Chanthaburi ប្រទេសថៃ ​បង្កការភ្ញាក់ផ្អើលទាំងយប់ appeared first on Kampuchea Thmey Daily.

ហេតុការណ៍នេះបានកើតឡើងកាលពីព្រឹកថ្ងៃសុក្រ បណ្តាលឲ្យបាក់ដែកស្ពានប្រវែង១០៨ម៉ែត្រ ខណៈមានកម្មករ១៦នាក់នៅនឹងកន្លែងកើតហេតុ។ ប្រតិបត្តិការជួយសង្គ្រោះត្រូវបានចាប់ផ្តើមភ្លាមៗ ដោយមានការចូលរួមពីបុគ្គលិកជាង ៨០០ នាក់ រថយន្ត ៩១ គ្រឿង ទូក ២៧ គ្រឿង ឧទ្ធម្ភាគចក្រមួយគ្រឿង និងមនុស្សយន្ត ៥ គ្រឿង។ មន្ទីរពេទ្យ​ក្នុង​តំបន់​បាន​បើក​បណ្តាញ​សង្គ្រោះ​បន្ទាន់​ដើម្បី​ព្យាបាល​អ្នក​របួស និង​ជំនួយ​ត្រូវ​បាន​ផ្តល់​ដល់​គ្រួសារ​ជនរងគ្រោះផងដែរ។

ក្រសួងគ្រប់គ្រងគ្រោះអាសន្នចិនបានបញ្ជូនក្រុមមួយដើម្បីត្រួតពិនិត្យកិច្ចខិតខំប្រឹងប្រែងជួយសង្គ្រោះ និងបានសង្កត់ធ្ងន់លើការស៉ើបអង្កេតរកមូលហេតុឱ្យបានឆាប់រហ័សដើម្បីការពារគ្រោះថ្នាក់ស្រដៀងគ្នានេះ។

របាយការណ៍បាននិយាយថា វាក៏ជាស្ពានដែកផ្លូវដែកទីមួយរបស់ប្រទេសចិនដែលលាតសន្ធឹងលើទន្លេលឿង និងជាស្ពានវែងបំផុតទីពីររបស់ប្រទេសដែល​គ្រោង​នឹង​បញ្ចប់​ការសាងសង់នៅ​ចុង​ខែ​នេះ។

គួរបញ្ជាក់ថាកាលពីខែធ្នូឆ្នាំមុន មនុស្ស ១៣​នាក់បានបាត់ខ្លួនបន្ទាប់ពីបាក់រូងភ្នំនៅការដ្ឋានសាងសង់ផ្លូវរថភ្លើងដ៏សំខាន់មួយនៅក្នុងទីក្រុង Shenzhen ភាគខាងត្បូងប្រទេសចិន ដែលមិន​មាន​របាយការណ៍​អំពី​អ្នក​នៅ​រស់រាន​មាន​ជីវិត​ឡើយ៕

អត្ថបទ៖ ប៊ុន សុភាព

The post បាក់ស្ពានក្នុងខេត្ត Qinghai ប្រទេសចិន សម្លាប់មនុស្ស ១២ នាក់ appeared first on Kampuchea Thmey Daily.

ហេតុការណ៍ដ៏រន្ធត់នេះបានកើតឡើងនៅ Xiata ជាតំបន់ទេសចរណ៍មួយក្នុងខេត្តស្វយ័ត Ili Kazakh ដែលមានទេសភាពធម្មជាតិ រួមទាំងផ្លូវភ្នំ ជ្រលងភ្នំ និងទន្លេ ព្រមទាំងសំណល់វប្បធម៌ ដូចជាប្រាសាទបុរាណនៃទីក្រុងបុរាណ។ បើតាមវីដេអូដែលបង្ហាញដោយ Reuters ឃើញថាស្ពានរងការខូចខាតនិងផ្អៀងទៅម្ខាង ខណៈកំពុងមានកិច្ទខិតខំប្រឹងប្រែងជួយសង្គ្រោះមនុស្សដែលធ្លាក់ចុះមកក្រោមនិងអ្នកដែលជាប់នៅខាងលើស្ពាន។

តំបន់ទេសចរណ៍ខាងលើត្រូវបានបិទ ដើម្បីធ្វើការស៊ើបអង្កេត។ រដ្ឋាភិបាល​​​ចិនក៏​បាន​បញ្ជូន​ក្រុម​មួយ​ទៅ​ជួយ​ក្នុង​ការ​ជួយ​សង្គ្រោះ និង​ស្វែង​រកមូលហេតុដែលនាំឲ្យមានហេតុការណ៍ដ៏រន្ធត់នេះកើតឡើង៕

អត្ថបទ៖ ប៊ុន សុភាព

The post ដាច់ខ្សែស្ពានយោលនៅតំបន់ Xinjiang ប្រទេសចិនសម្លាប់មនុស្ស៥នាក់ appeared first on Kampuchea Thmey Daily.

ឧបទ្ទវហេតុនេះ បានកើតឡើងកាលពីព្រឹកថ្ងៃពុធនៅក្នុងទីក្រុង Vadodara ដោយផ្នែកមួយនៃស្ពាន Gambira ដែលបាន​សាង​សង់​ក្នុងឆ្នាំ ១៩៨៥ បានបាក់ភ្លាមៗបណ្តាលឱ្យរថយន្តជាច្រើនគ្រឿងធ្លាក់ចូលទៅក្នុងទន្លេ Mahisagar នៅខាងក្រោមស្ពាន។

ប្រតិបត្តិការជួយសង្គ្រោះកំពុងបន្ត ដោយអាជ្ញាធរបញ្ជាក់ថា សាកសពត្រូវបានរកឃើញទាំងអស់ ហើយអ្នករបួសកំពុងទទួលការព្យាបាល។ ជាមួយគ្នានេះ នាយករដ្ឋមន្រ្តី Narendra Modi ក៏បានសម្តែងនូវ​សមាន​ទុក្ខ​យ៉ាងជ្រាលជ្រៅចំពោះសោកនាដកម្មនេះ និងបានចូលរួមរំលែកទុក្ខដល់គ្រួសារជនរងគ្រោះផងដែរ។

គួរបញ្ជាក់ថា គ្រោះមហន្តរាយចុងក្រោយនេះ បន្ថែមទៅលើការព្រួយបារម្ភកាន់តែខ្លាំងឡើងលើហេដ្ឋារចនាសម្ព័ន្ធចាស់ជរារបស់ប្រទេសឥណ្ឌា។ កាលពីឆ្នាំ ២០២២ នៅក្នុងរដ្ឋ Gujarat មានស្ពានមួយបាក់បានសម្លាប់មនុស្សយ៉ាង​ហោច​ណាស់​ ១៣២នាក់ ដែល​ជាហេតុការណ៍បាក់ស្ពានស្លាប់មនុស្សច្រើនបំផុតមួយ។ ឧបទ្ទវហេតុទាំងនេះបានចោទជា​សំណួរបន្ទាន់ម្តងទៀតអំពីសុវត្ថិភាព និងការថែទាំហេដ្ឋារចនាសម្ព័ន្ធនៅក្នុងប្រទេសឥណ្ឌា៕

អត្ថបទ៖ ប៊ុន សុភាព

The post បាក់ស្ពាននៅរដ្ឋ Gujarat ប្រទេសឥណ្ឌាសម្លាប់មនុស្ស​យ៉ាងតិច ៩ នាក់ appeared first on Kampuchea Thmey Daily.

ស្ពាន​ឈើ ២ កន្លែង បាក់​ស្រុត​នេះ ស្ថិត​នៅ​ភូមិ​កា​ឡឹម ឃុំ​កា​ចូ​ន ស្រុក​វើ​ន​សៃ ខេត្ត​រតនគិរី។ ស្ពាន​ឈើ​នេះ ជនជាតិ​ដើម​ភាគតិច ឆ្លង​កាត់​ជាង ១ ពាន់​គ្រួសារ។ ការ​សាងសង់​ស្ពាន​នេះ ជា​ថវិកា​របស់​ឃុំ ហើយ​ក្រុមហ៊ុន​ជា​អ្នក​ទទួល​ម៉ៅការ​ដេញថ្លៃ​បាន​ត្រឹម ១ ឆ្នាំ​កន្លះ ដោយ​ត្រូវ​ទឹក​ហូរ​នាំ​ដី​ក្រោម​ស្ពាន បណ្តាល​ឲ្យ​ផ្អៀង​មួយ​ចំហៀង។ ចំពោះ​ការ​បាក់​ស្រុត​ស្ពាន​ពាក់​កណ្ដាល​នេះ​ដែរ មិន​ទាន់​ត្រូវ​បាន​អ្នក​ម៉ៅការ​សាងសង់​ស្ពាន​នេះ​មក​ទទួល​ជួសជុល​នៅឡើយ​ទេ។

លោក សាក់ ខាំ​លឿន មេភូមិ បាន​ឲ្យ​ដឹង​ថា ស្ពាន​ក្នុង​ភូមិ​របស់​លោក​មាន ២ កន្លែង គឺ ស្ពាន​ដែល​ជនជាតិ​ដើម​ភាគតិច​ពិបាកធ្វើ​ដំណើរ​ដោយ​រង​ការ​ខូចខាត​ដោយសារ​ទឹកភ្លៀង និង​ស្ពាន​អូរ​កា​ឡឹម។ បច្ចុប្បន្ន លោក បាន​ស្នើសុំ​ឃុំ​ឲ្យ​ជួយ​ជួសជុល ប៉ុន្តែ​នៅ​មិន​ទាន់​ធ្វើ​នៅឡើយ។ ក្នុង​នោះ លោក ក៏​បាន​បិទ​មិន​ឲ្យ​គោយន្ត​ឆ្លងកាត់​នោះ​ទេ ពីព្រោះ​ខ្លាច​បាក់​ស្ពាន អនុញ្ញាត​ឲ្យ​តែ​ម៉ូតូ និង​ថ្មើរ​ជើង​ធ្វើដំណើរ ទម្រាំ​រួច​ខែវស្សា ទឹក​ស្រក បាន​កៀរគរ​គ្នា​ធ្វើ។

ក្នុង​នាម​លោក​ជា​មេភូមិ​តំណាង​ឲ្យ​ជនជាតិ​ដើម​ភាគតិច​ដែល​ធ្វើដំណើរ​ស្ពាន​នេះ បាន​សំណូមពរ​ដល់​រាជរដ្ឋាភិបាល និង​រដ្ឋបាល​ឃុំ សូម​មេត្តា​ជួយ​ជ្រោមជ្រែង​កសាង​ស្ពាន​នេះ ដើម្បី​ឲ្យ​ជនជាតិ​ដើម​ភាគតិច នៅមុន​រដូវ​ប្រមូល​ផល​កសិកម្ម អាច​ដឹក​ទៅ​លក់​នៅ​លើ​ទីផ្សារ។

ដោយឡែក លោក ខាំ កាប៊ីន មេឃុំ​កា​ចូ​ន បាន​ប្រាប់​ដែរ​ថា ជនជាតិ​ដើម​ភាគតិច​រស់នៅ​ភូមិ​ខាងលើ​ថា ក្រុមហ៊ុន​បាន​ដេញថ្លៃ​គម្រោង​ធ្វើ​ស្ពាន​នេះ តាម​កិច្ច​កុងត្រា​ក្រុមហ៊ុន​ថែទាំ​តែ​រយៈពេល ៦ ខែ​ប៉ុណ្ណោះ ចំណែក​ឃុំ​មិន​ទាន់​មាន​កញ្ចប់​ថវិកា​ធ្វើ​ស្ពាន​នេះ​នៅឡើយ។ ទោះបីជា​យ៉ាងណា​ក៏ដោយ លោក​បាន​គិតគូរ​ធ្វើ​សំណើ​ជួសជុល និង​ធ្វើ​ស្ពាន​នេះ​ជា​ថ្មី​ម្តង​ទៀត រង់ចាំ​ជួយ​ពី​ខាង​សប្បុរស​ដែរ ពីព្រោះ​ថវិកា​នៅ​មាន​កម្រិត ដោយ​មាន​គម្រោង​ធ្វើ​ផ្លូវលំ​ផ្សេងទៀត​អស់​ថវិកា​ច្រើន។ លោក​ថា ខែ​វស្សា​នេះ ភ្លៀង​ធ្លាក់​ញឹកញាប់ មាន​ទឹក​ហូរ​ខ្លាំង មិន​អាច​ជួសជុល​បាន​នោះ​ទេ។

គួរ​ជម្រាប​ថា ចំពោះ​ស្ពានឈើ​នៅ​តាម​អូរ​នានា​ខ្លះ​រង​ការ​ខូច​បាក់​ស្រុត ត្រូវ​ថែទាំ​ជួសជុល​ពី​សំណាក់​ប្រជាពលរដ្ឋ​ជា​រៀងរាល់​ឆ្នាំ៕

អត្ថបទ ៖ ចាប

The post ស្ពានឈើ ២ កន្លែង ក្នុងភូមិកាឡឹម របស់ជនជាតិដើមភាគតិច រងការបាក់ស្រុត មិនអាចដឹកដំណាំកសិផលលក់លើទីផ្សារ appeared first on Kampuchea Thmey Daily.

១. ហេតុការណ៍ធ្លាក់យន្តហោះ Air India

កាលពីថ្ងៃទី១២ខែមិថុនា យន្តហោះ Boeing 787-8 Dreamliner (Flight 171) របស់ក្រុមហ៊ុនអាកាសចរណ៍ Air India បានធ្លាក់ភ្លាមៗបន្ទាប់ពីហោះចេញពីទីក្រុង Ahmedabad ដែលកំពុងធ្វើដំណើរទៅកាន់ទីក្រុងឡុងដ៍។ យន្តហោះ​នេះបានធ្លាក់ទៅលើមហាវិទ្យាល័យ​វេជ្ជសាស្រ្ដ​មួយដោយ​សម្លាប់​មនុស្ស​២៤១ ​​នាក់​នៅលើ​យន្តហោះ និង ៣៨ នាក់​នៅលើ​ដី។ មានតែអ្នកដំណើរម្នាក់ប៉ុណ្ណោះដែលនៅរស់រានមានជីវិត។ នេះ​ជា​ហេតុការណ៍​ធ្លាក់​យន្តហោះ Boeing787 លើក​ដំបូង​ដែល​ស្លាប់មនុស្សច្រើន​ និង​ជា​គ្រោះ​មហន្តរាយ​ផ្លូវ​អាកាស​ដ៏​សាហាវ​បំផុត​មួយ​របស់​ឥណ្ឌា​ក្នុង​រយៈ​ពេល​ជាច្រើន​ទសវត្សរ៍។

២. ហេតុការណ៍ធ្លាក់ឧទ្ធម្ភាគចក្រក្នុងរដ្ឋ Uttarakhand

បួនថ្ងៃបន្ទាប់ពីហេតុការណ៍ធ្លាក់យន្តនោះ Air India គឺនៅថ្ងៃទី១៥ មនុស្ស ៧នាក់ រួមទាំងកុមារអាយុ ២ឆ្នាំ និងអ្នកបើកយន្តហោះម្នាក់បានស្លាប់នៅក្នុងហេតុការណ៍ធ្លាក់ឧទ្ធម្ភាគចក្រ Aryan Aviation Bell 407 ដែលកំពុង ហោះចេញពីប្រាសាទ Kedarnath ទៅកាន់​ទីប្រជុំជន Guptkashi ដែលជាបណ្តោយផ្លូវធ្វើធម្មយាត្រា លើភ្នំហិម៉ាឡៃនៅរដ្ឋ Uttarakhand ប្រទេសឥណ្ឌា។ ក្រោយពីហោះឡើង ​ឧទ្ធ​ម្ភាគចក្រ បាន​បាត់ទំនាក់ទំនងភ្លាមៗ ហើយក្រោយមកបានធ្លាក់នៅជិតទីប្រជុំជន Gaurikund​។

៣. ឧបទ្ទវហេតុបាក់ស្ពានដែកចូលទន្លេ

នៅថ្ងៃទី១៥ ដដែលនោះ ក៏មានហេតុការណ៍មួយទៀតគឺ ឧបទ្ទហេតុបាក់ស្ពានដែកមួយ ក្នុងតំបន់ទេសចរណ៍ដ៏ពេញនិយមមួយ​​កន្លែង​​ក្នុងទីក្រុង Pune រដ្ឋ Maharashtra ភាគខាងលិចប្រទេសឥណ្ឌា ដែលបណ្ដាលឲ្យមនុស្ស២នាក់ស្លាប់និង ៣២ នាក់បាន​រង​របួស។ ឧបទ្ទវហេតុនេះកើតឡើងបន្ទាប់ពីមានភ្លៀងធ្លាក់ខ្លាំង ទឹកទន្លេហក់ឡើងខ្លាំងនាំឲ្យមានហេតុការណ៍បាក់ស្ពានធ្លាក់អ្នកទេសចរចូលទន្លេដែលកំពុងមានទឹកហូរខ្លាំងតែម្ដង។

ក្រៅពីមានហេតុការណ៍ឆក់យកជីវិតមនុស្សទាំងនេះក៏មានហេតុការណ៍ផ្សេងៗទៀតជាពិសេសទាក់ទងនឹងផ្លូវអាកាសដូចជាយន្តហោះ Boeing787-8 Dreamliner របស់ Air India មួយទៀតត្រូវបង្ខំត្រឡប់ទៅចុះចតនៅហុងកុងវិញក្រោយមានបញ្ហាបច្ចេកទេសពេលកំពុងហោះហើរ។ ទោះយ៉ាងណាយន្តហោះនេះបានចុះចតដោយសុវត្ថិភាពនិងមិនមានអ្នករបួសនោះទេ។ ហេតុការណ៍ដ៏រន្ធត់ និង ឧបទ្ទវហេតុទាំងនេះបានជំរុញឲ្យអាជ្ញាធរឥណ្ឌា ពង្រឹងការត្រួតពិនិត្យសុវត្ថិភាពសារធារណៈជាពិសេសសុវត្តិភាពផ្លូវអាកាស៕

អត្ថបទ៖ ប៊ុន សុភាព

The post មិនដល់មួយសប្ដាហ៍ ឥណ្ឌាជួបហេតុការណ៍ស្លាប់មនុស្សផ្ទួនៗ appeared first on Kampuchea Thmey Daily.

ការបាក់ស្រុតនេះបានកើតឡើងនៅក្នុងតំបន់ Kundamala ដែលថ្មីៗនេះមានភ្លៀងធ្លាក់ខ្លាំង បណ្តាលឱ្យទឹកទន្លេខាងក្រោម​ស្ពាន​ហក់ឡើងខ្លាំង។ ទោះបីជា វាមិនមានភ្លៀងធ្លាក់នៅពេលបាក់ស្ពានក៏ដោយ ក៏ខាងក្រោមស្ពាននេះមានទឹកហូរខ្លាំងនិងមានអ្នកទេសចរជាច្រើននៅលើនោះ ទើបបណ្ដាលឲ្យអ្នកទេសចរធ្លាក់ចូលទៅក្នុងទន្លេដែល​​មាន​ចរន្ត​ទឹក​ហូរយ៉ាង​ខ្លាំង​។

ក្រុមជួយសង្គ្រោះ រួមទាំងកងកម្លាំងឆ្លើយតបគ្រោះមហន្តរាយជាតិ បានជួយសង្គ្រោះមនុស្សចំនួន ៦នាក់ និងបន្តស្វែងរកអ្នកផ្សេងទៀតដែលបាន​បាត់ខ្លួន។ អភិបាលរដ្ឋ លោក Devendra Fadnavis បានបញ្ជាក់ពីចំនួនអ្នកស្លាប់ ២នាក់ និងមានអ្នករបួស៦នាក់ក្នុងចំណោម៣២នាក់ស្ថិតក្នុងស្ថានភាពធ្ងន់ធ្ងរ។

ឧប្បត្តិហេតុសោកនាដកម្មនេះបង្ហាញពីការព្រួយបារម្ភអំពីសុវត្ថិភាពដែលកំពុងកើតមានជុំវិញហេដ្ឋារចនាសម្ព័ន្ធរបស់ប្រទេសឥណ្ឌា។ នៅក្នុងគ្រោះមហន្តរាយស្រដៀងគ្នានេះក្នុងឆ្នាំ ២០២២ ហេតុការណ៍បាក់ស្ពាននៅរដ្ឋ Gujarat បានសម្លាប់មនុស្ស ១៣២ នាក់ ដែលបង្កឱ្យមានការចោទសួរអំពីសុវត្ថិភាពសាធារណៈជាខ្លាំង៕

អត្ថបទ៖ ប៊ុន សុភាព

The post ស្លាប់​និង​របួស​​៣៤​នាក់​ក្នុងហេតុការណ៍​បាក់ស្ពាននៅតំបន់ទេសចរណ៍ភាគខាងលិច​ឥណ្ឌា​ appeared first on Kampuchea Thmey Daily.