ការចេញប្រតិកម្មរបស់មន្រ្តីទាំងនេះ បន្ទាប់ពីមានរូបភាពនារីមួយក្រុមនៅលើបណ្តាញសង្គម ដែលរស់នៅប្រទេសក្រៅ នាំគ្នាលើកមឈូស និងបិទរូបថតសម្តេចតេជោ ហ៊ុន សែន ក្នុងអត្ថន័យប្រមាថដល់ជីវិត កាលពីពេលថ្មីៗនេះ។ មិនត្រឹមតែមួយករណីនេះទេ ក្រុមជ្រុលនិយមផ្សេងៗទៀត ដែលរស់នៅបរទេស តែងតែធ្វើសកម្មភាព ញុះញង់ និងបង្កើតរូបភាពផ្សេងៗប្រមាថដល់សម្តេចតេជោ ជារឿយៗ។

ចំពោះបញ្ហានេះ លោក ជា ច័ន្ទបរិបូរណ៍ រដ្ឋលេខាធិការក្រសួងព័ត៌មាន បានសរសេរលើហ្វេសប៊ុករបស់លោកកាលពីថ្ងៃទី១៧ ខែកក្កដា ឆ្នាំ២០២៣ ថា មនុស្សម្នាក់ៗស្រឡាញ់គណបក្សខុសៗគ្នា ប៉ុន្តែ ក៏មិនដល់ថ្នាក់ប្រមាថដល់អាយុជីវិតអ្នកដទៃដែរ កុំថាឡើយអ្នកដឹកនាំ សូម្បីតែជីវិតមនុស្សធម្មតាម្នាក់ ក៏មិនអាចប្រមាថបាននោះទេ។ ជាពិសេស សម្តេចតេជោ គឺបុរសម្នាក់ដែលដឹកនាំប្រទេសឱ្យមានសន្តិភាព មានការអភិវឌ្ឍ និងស្តារកេរ្តិ៍ឈ្មោះល្បីល្បាញលើឆាកអន្តរជាតិតាំងពីប្រទេសបញ្ចប់សង្គ្រាម ដល់សព្វថ្ងៃនេះ។​ លោកបានបញ្ជាក់ថា អ្នកនៅក្នុងរូបនៅក្មេងៗ បានចូលសាលាបរទេសជឿនលឿន ចូល Google តែបន្តិច ក៏អាចមើលឃើញពីការអភិវឌ្ឍរបស់កម្ពុជាហើយ មិនគួរណាមានគំនិតអគតិបែបនេះសោះ។

ចំណែក លោក ប៉ែន បូណា រដ្ឋលេខាធិការក្រសួងព័ត៌មានមួយរូបទៀត បានលើកឡើងថា អ្នកដែលប្រមាថជីវិតមេដឹកនាំ ដែលបានដឹកនាំប្រទេសឱ្យរួចផុតពីភ្លើងសង្គ្រាម ក្លាយជាប្រទេសដែលមានការរីកចម្រើនដូចសព្វថ្ងៃ មានវាសនា មិនខុសពីមនុស្សដែលតាមព្យាបាទគេ ចុងក្រោយមិនទទួលបានលទ្ធផលល្អនោះទេ។

លោក ប៉ែន បូណា លើកឡើងបែបនេះ ដោយភ្ជាប់ជាមួយនឹងរឿងនិទាន «ព្រះឈ្នះមារ» និង«ប្រេតញីស៊ីខ្ទុះឈាម» ដែលចង់សំដៅដល់មនុស្សមួយក្រុមដែលធ្វើបែបនេះចំពោះថ្នាក់ដឹកនាំរបស់ខ្លួន នឹងមិនទទួលបានផលល្អសម្រាប់ខ្លួនឯងនោះឡើយ។

ដោយឡែក លោក សុខ ឥសាន អ្នកនាំពាក្យគណបក្សប្រជាជនកម្ពុជាវិញ ធ្លាប់បានលើកឡើងថា ទង្វើអសីលធម៌ ដែលដឹកនាំដោយទណ្ឌិត សម រង្ស៊ី ដូចជា ការញុះញង់ ប្រមូលផ្តុំគ្នាបង្កើតរូបភាពផ្សេងៗ ប៉ះពាល់ដល់ថ្នាក់ដឹកនាំកម្ពុជា គឺជាទង្វើដែលបង្ហាញឱ្យពលរដ្ឋខ្មែរឃើញថា មិនមានសីលធម៌ និងមិនស្គាល់បុណ្យ បាបនោះទេ។

លោក សុខ ឥសាន ធ្លាប់បញ្ជាក់ថា ទង្វើទាំងនេះ មិនត្រឹមតែជាទង្វើដែលអសីលធម៌នោះទេ ក៏ជាទង្វើមួយដែលទាល់ច្រក មិនមានការទទួលខុសត្រូវ ហើយក៏បាត់បង់ក្រមសីលធម៌នយោបាយរបស់ខ្លួនដែរ។ ទង្វើទាំងអស់នេះ ដែលនាំឲ្យការធ្វើនយោបាយរបស់បក្សប្រឆាំង តែងទទួលបានមកវិញនូវការបរាជ័យ ហើយមិនអាចចូលស្រុកកំណើតវិញថែមទៀត។

រីឯ អតីតសកម្មជន២រូបទៀតរបស់អតីតគណបក្សប្រឆាំង គឺលោក យឹម ស៊ីណន និង លោក សូ ណារ៉ូ ដែលបានសុំចូលរួមជីវភាពនយោបាយជាមួយរាជរដ្ឋាភិបាល ធ្លាប់ប្រាប់សារព័ត៌មាន កម្ពុជាថ្មី ថា លោកទាំង២ មកជ្រកកោនជាមួយគណបក្សប្រជាជនកម្ពុជា ព្រោះគណបក្សប្រឆាំង តែងតែប្រមាថដល់ថ្នាក់ដឹកនាំ គ្មានសីលធម៌ និង ណែនាំឱ្យខ្មែរស្អប់ខ្មែរតែប៉ុណ្ណោះ៕

The post មន្ត្រី២រូប ចេញមុខប្រតិកម្មខ្លាំងៗចំពោះមនុស្សមួយក្រុមដែលប្រមាថជីវិតសម្តេច ហ៊ុន សែន appeared first on Kampuchea Thmey Daily.

ប៉ុន្តែទោះបីជាយ៉ាងណាក៏ដោយ នាពេលថ្មីៗនេះ ក្រុមអ្នកវិទ្យាសាស្រ្តបានធ្វើការព្រមានអំពីផលរំខានមួយចំនួនដែលតម្រូវឲ្យអ្នកចាក់វ៉ាក់សាំងរួច ត្រូវទៅជួបគ្រូពេទ្យជាបន្ទាន់ ព្រោះវាអាចបង្កឲ្យមានគ្រោះថ្នាក់។

ខុសពីផលរំខានខាងលើ មនុស្សមួយចំនួនបានរាយការណ៍អំពីផលរំខានថ្មីៗ ដែលពួកគេជួបប្រទះក្រោយចាក់វ៉ាក់សាំង ហើយក្រុមគ្រូពេទ្យបានព្រមានថា ផលរំខានថ្មីៗទាំងនេះ ត្រូវតែយកចិត្តទុកដាក់ជាទីបំផុត។

ផលរំខានថ្មីៗដែលតម្រូវឲ្យយកចិត្តទុកដាក់ និងទៅជួបគ្រូពេទ្យជាបន្ទាន់មានដូចជា៖

– ដកដង្ហើមខ្លី ឬពិបាកដកដង្ហើម

– ឈឺ​ទ្រូង

– ចង្អោរ ក្អួតឬមានការឈឺចាប់ជាប្រចាំនៅត្រង់ពោះ

– ប្រកាច់

– ឈឺចាប់អវយវៈ ឬហើមដៃជើង៕

ប្រែសម្រួល៖ Vann Vann

ប្រភព៖ TOI

ចុចអាន៖ ឆាប់នាំកូនទៅពេទ្យភ្លាម បើចេញអាការ២នេះ ត្រង់មុខម្ជុល ក្រោយចាក់វ៉ាក់សាំងកូវីដ

The post លេចចេញផលរំខានថ្មីចំនួន ៥ អ្នកចាក់វ៉ាក់សាំងរួច ត្រូវទៅជួបពេទ្យជាបន្ទាន់ ទុកយូរអាចគ្រោះថ្នាក់ appeared first on Kampuchea Thmey Daily.

មជ្ឍមណ្ឌលគ្រប់គ្រងនិងបង្ការជំងឺសហរដ្ឋអាមេរិក (CDC) បាននិយាយថា មានការកើនឡើងនូវរបាយការណ៍អំពីបញ្ហាបេះដូង បន្ទាប់ពីការចាក់វ៉ាក់សាំង mRNA (Pfizer Moderna) ចាប់តាំងពីខែមេសាមក ជាពិសេសចំពោះបុរសវ័យជំទង់និងមនុស្សពេញវ័យ ដែលមានអាយុចាប់ពី១៦ឆ្នាំឡើងទៅ។

បញ្ហាបេះដូងនេះគឺជារោគរលាកសាច់ដុំបេះដូង។ ដូច្នេះ តើឪពុកម្តាយនិងយុវវ័យគួរព្រួយបារម្ភដែរឬទេ?

លោកបណ្ឌិត Arnold Baskies ប្រធានក្រុមប្រឹក្សាផ្តល់យោបល់គ្រប់គ្រងជាសកល បានធ្វើការពន្យល់។

ថ្លែងទៅកាន់ទូរទស្សន៍ NBC10 Philadelphia លោកនិយាយថា “បច្ចុប្បន្ននេះ មានករណីកម្រមួយចំនួនដែលយើងហៅថាជា Myocarditis ដែលជាជំងឺរលាក ជះឥទ្ធិពលដល់សាច់ដុំបេះដូង។

“ទិន្នន័យដែលយើងទទួលបានលើបញ្ហានេះ គឺមកពីប្រទេសអ៊ីស្រាអែល។ ហើយនៅក្នុងប្រទេសអ៊ីស្រាអែល។ អ្វីដែលសំខាន់គឺថា ក្នុងចំណោម មនុស្ស៥លាននាក់ដែលបានទទួលថ្នាំបង្ការ គឺមានជំងឺ Myocarditis ប្រហែលជា៦២ករណី ដែលទាក់ទងនឹងការចាក់វ៉ាក់សាំង”។

ជំងឺនេះ នឹងកើតឡើងបន្ទាប់ពីការចាក់ដូសទី២ ហើយជាធម្មតាក្នុងរយៈពេល៤ថ្ងៃបន្ទាប់ពីការចាក់។ ស្ថានភាពកម្រ ហាក់ដូចជាកើតមានចំពោះបុរសឬក្មេងជំទង់ ដែលមានអាយុចន្លោះពី ១៦ ទៅ ៣០ ឆ្នាំ។

វេជ្ជបណ្ឌិត Baskies បានសន្និដ្ឋានថា ជំងឺនេះគឺជាព្រឹត្តិការណ៍មិនធម្មតាមួយ ហើយបានកត់សម្គាល់ថា វាជាសញ្ញាបង្ហាញថា វ៉ាក់សាំងបានបង្កើតស្ថានភាពរលាក ហើយផ្នែកមួយដែលអាចទទួលរងផលប៉ះពាល់គឺសាច់ដុំបេះដូង។

ទោះបីជាយ៉ាងណាក៏ដោយ លោកនៅតែទទូចឲ្យគ្រប់គ្នាចាក់វ៉ាក់សាំង ដើម្បីការពារវីរុស ហើយថា ប្រតិកម្មនេះ មិនមានផលប៉ះពាល់ដល់អាយុជីវិតនោះទេ៕

ប្រែសម្រួល៖ Vann Vann

ប្រភព៖ Express 

ចុចអាន​៖ ប្រសើរណាស់! ចិន ត្រៀមជួយ ប្រទេសរងគ្រោះដោយកូវីដខ្លាំងជាងគេនៅ អាស៊ាន ក្លាយជាមជ្ឈមណ្ឌលផលិតវ៉ាក់សាំងចែកចាយក្នុងតំបន់

The post ប្រតិកម្មកម្រមួយ ក្រោយចាក់វ៉ាក់សាំងកូវីដ អ្នកប្រហែលមិនធ្លាប់ដឹង! appeared first on Kampuchea Thmey Daily.

មនុស្ស​ជា​ច្រើន​ដែល​បាន​ចាក់វ៉ាក់សាំង​ការពារ​កូវីដ-១៩​​រួច ​តែងតែកើត​មាន​​​​​​អាការ​​ផ្សេង​ៗ​​ដូច​ជា​ ក្តៅ​ខ្លួន ឈឺ​​ក្បាល ​​អស់​កម្លាំង​ ចង់​ក្អួត​ ឬហើមដៃជា​ដើម។

អ្នក​ជំនាញ​សុខភាព​និយាយ​ថា ផល​រំខាន​ទាំង​នោះ​សុទ្ធតែបង្ហាញ​ពីមុខងារប្រព័ន្ធ​ភាព​ស៊ាំ​​​ដែលកំពុង​ធ្វើកា​​របស់​ខ្លួន និង​ស្វែង​យល់​ពី​របៀប​​​ប្រយុទ្ធ​ប្រឆាំង​នឹង​​​កូវីដ-១៩។

យ៉ាងណាមិញ​ ​ប្រតិកម្ម​ក្រោយទទួលឥទ្ធិពលវ៉ាក់សាំង មនុស្សម្នាក់ៗរមែងកើតមានប្រតិកម្មខុសគ្នា។ តើវាបណ្ដាលមកពីមូលហេតុអ្វី?

យោង​តាម​ការដកស្រង់សម្ដីពីលោកវេជ្ជបណ្ឌិត Chris Thompson អ្នក​​ឯកទេសភាព​ស៊ាំ​​និង​ជា​សាស្ត្រាចារ្យ​​ផ្នែក​ជីវវិទ្យា​នៅ​សាកល​វិទ្យាល័យ Loyola University Maryland សហរដ្ឋអាមេរិកមានប្រសាសន៍​ថា មនុស្ស​​មាន​ប្រតិកម្ម​ផ្សេង​ៗ​គ្នា​ចំពោះ​ការ​ចាក់​វ៉ាក់​សាំង​ បណ្តាល​មក​ពី​កត្តាសុខភាព អាយុ ភេទ ពេលវេលាចាក់ថ្នាំ (រដូវកាល) ភាព​​ស៊ាំ​ដែល​មាន​ស្រាប់ ហ្សែន ចំណី​អាហារ បរិយាកាស និង​ការ​ប្រើ​ឱសថ​ជា​ដើម។

បន្ថែម​ពី​លើនោះ អ្នក​ដែល​​ធ្លាប់​មាន​ជំងឺ​​កូវីដ-១៩ ទំនង​ជា​មាន​ប្រតិកម្ម​កាន់​តែ​ខ្លាំង​ចំពោះ​វ៉ាក់សាំង​។ ការ​សិក្សា​មួយ​លើក​ឡើង​ថា​ ចំពោះ​អ្នក​ដែល​ធ្លាប់​ឆ្លង​វីរុស SARS-CoV-2 អាចមាន​ប្រតិកម្ម​រហូតដល់ ៧ ថ្ងៃ​ បើ​ប្រៀបធៀប​ទៅ​នឹង ​អ្នក​ដែល​មិន​ធ្លាប់ឆ្លង​ជំងឺ​កូវីដគឺពួកគេមានផលរំខានតែពីរបីថ្ងៃប៉ុណ្ណោះ។

ថ្វីត្បិតប្រព័​ន្ធ​ភាព​​ស៊ាំរបស់​មនុស្ស​ប្រតិកម្ម​ដោយ​វិធី​ផ្សេង​​​ៗ​គ្នា ដោយ​អ្នក​ខ្លះ​មាន​ប្រតិកម្មឆ្លើយ​តប​ខ្លាំង​ចំពោះ​ការ​ចាក់វ៉ាក់សាំង ឯអ្នកខ្លះប្រតិកកម្មតិច និងខ្លះទៀតគ្មានប្រតិកម្មសោះតែម្ដងក៏ដោយ វាមិន​សំខាន់នោះទេ វ៉ាក់សាំងនៅតែមានប្រសិទ្ធភាពនិងដំណើរការចំពោះអ្នកដែលបានចាក់គ្រប់គ្នា៕

ប្រែសម្រួល៖ សន្យា

ប្រភព៖ Healthline/Health

ចុចអាន៖ កុំ​បារម្ភ ទោះ​មាន​ឬ​គ្មាន​អាការ​ទាំង​នេះ​ក្រោយ​ចាក់​វ៉ាក់សាំង ក៏​នៅ​តែ​មាន​ប្រសិទ្ធភាព​ចំពោះ​រាងកាយ

ចុចអាន៖ ស្វែងយល់​អាការ​ខុស​គ្នា​រវាង​អ្នក​វិជ្ជមាន និង​អវិជ្ជមាន​កូវីដ ក្រោយ​ចាក់​វ៉ាក់សាំង

The post ហេតុអ្វីអ្នកចាក់វ៉ាក់សាំងកូវីដ-១៩មានប្រតិកម្មខុសគ្នា? appeared first on Kampuchea Thmey Daily.

តើអ្នកឆ្ងល់ទេ ហេតុអ្វីបានទៅជា​អញ្ចឹង?

យោងតាមវេជ្ជបណ្ឌិត William B. Greenough សាស្ត្រាចារ្យនៅសាលាវេជ្ជសាស្ត្រ Johns Hopkins បានធ្វើការពន្យល់អំពីប្រតិកម្មនេះ។

ជាមួយនឹងវ៉ាក់សាំងដូសទី១ រាងកាយរបស់អ្នកចាប់ផ្តើមបង្កើតភាពស៊ាំដំបូងរបស់ខ្លួន រួមទាំងផលិតអង់ទីគ័រផងដែរ។ ប៉ុន្តែជាមួយនឹងការចាក់លើកទី២ ធាតុសំខាន់ៗនៃប្រព័ន្ធភាពស៊ាំរបស់អ្នក បានបញ្ចេញប្រតិកម្មកាន់តែខ្លាំងឡើងដើម្បីឆ្លើយតបទៅនឹងវ៉ាក់សាំង។

លោក Greenough បាននិយាយថា “នៅពេលដែលប្រព័ន្ធភាពស៊ាំរបស់អ្នកស្គាល់វីរុស (បន្ទាប់ពីការចាក់វ៉ាក់សាំងលើកទី២) ប្រព័ន្ធភាពស៊ាំនឹងមានប្រតិកម្មកាន់តែខ្លាំងឡើងចំពោះវ៉ាក់សាំង។ នេះគឺជាសញ្ញាមួយដែលថា វ៉ាក់សាំងកំពុងធ្វើការហើយប្រព័ន្ធភាពស៊ាំរបស់អ្នក ស្គាល់វ៉ាក់សាំងនៅក្នុងខ្លួនអ្នក”។

ជាមួយនឹងវ៉ាក់សាំងដូសទី២ រាងកាយរបស់អ្នកមិនត្រឹមតែបង្កើតអង់ទីគ័រប៉ុណ្ណោះទេ ប៉ុន្តែថែមទាំងជំរុញឲ្យកូនកណ្តុរនិងផ្នែកផ្សេងទៀតនៃរាងកាយ ប្រតិកម្មទៅនឹងវ៉ាក់សាំងនៅកម្រិតដ៏ខ្លាំងមួយផងដែរ។

ទាំងនេះហើយជាមូលហេតុដែលការចាក់វ៉ាក់សាំងការពារជំងឺកូវីដ-១៩ ដូសទី២ មានប្រតិកម្មខ្លាំងជាងដូសទី១។ ហើយអ្នកពុំចាំបាច់ព្រួយបារម្ភអ្វីឡើយ ប្រសិនបើប្រតិកម្មទាំងនេះកើតឡើង។

ប៉ុន្តែអ្វីដែលអ្នកត្រូវតមជាចាំបាច់នោះគឺ គ្រឿងស្រវឹងនិងអាហារដែលមានជាតិហឹរខ្លាំង ព្រោះថា វាអាចធ្វើឲ្យប្រសិទ្ធភាពរបស់វ៉ាក់សាំងអន់ថយ៕

ប្រែសម្រួលដោយ៖ Vann Vann

ប្រភព៖ WFLA

ចុចអាន៖ រយៈពេល​២​ថ្ងៃ​មាន​មាន​សហជីព និង​កម្មករ​រោងចក្រ​ជិត​១​ម៉ឺន​នាក់​ស្ម័គ្រចិត្ត​ចាក់​វ៉ាក់សាំង​ស៊ី​ណូ​វ៉ា​ក់​

The post គួរដឹងឲ្យហើយ! វ៉ាក់សាំងកូវីដដូសទី២ មានប្រតិកម្មខ្លាំងជាងដូសទី១ទៅទៀត appeared first on Kampuchea Thmey Daily.

បុគ្គលិកថែទាំសុខភាពដែលត្រូវបានគេស្គាល់ថាជាស្ត្រីវ័យកណ្តាលរូបនេះមានប្រតិកម្មអាឡ័កស៊ីដូចជាមុខឡើងក្រហមនិងពិបាកដកដង្ហើមរយៈពេល១០នាទី បន្ទាប់ពីការចាក់វ៉ាក់សាំងលើកដំបូងរបស់ក្រុមហ៊ុន Pfizer កាលពីថ្ងៃពុធម្សិលមិញនេះ។

នាងត្រូវបានគេបញ្ជូនទៅកាន់មន្ទីរពេទ្យ Bartlett ដោយសារតែប្រតិកម្មនេះ។

ក្រុមមន្រ្តីបាននិយាយនៅក្នុងសន្និសីទសារព័ត៌មានមួយថា ស្ត្រីដែលគេមិនបង្ហាញឈ្មោះរូបនេះបានទទួលរងនូវប្រតិកម្មអាឡ័កស៊ីអាណាហ្វីឡាក់ទិចដែលតម្រូវឲ្យព្យាបាលក្នុងមន្ទីរពេទ្យនិងតាមដានហើយនឹងមិនទទួលការចាក់វ៉ាក់សាំងលើកទី២ទេ។ នាងគ្មានប្រវត្តិអាឡ័កស៊ីពីមុនមកឡើយ។

នៅពេលនាងត្រូវបានគេបញ្ជូនទៅកាន់បន្ទប់សង្គ្រោះបន្ទាន់នៃមន្ទីរពេទ្យ Bartlett, អាការៈរបស់នាងត្រូវបានគេជួយសង្គ្រោះភ្លាម។

ទោះបីជាយ៉ាងណាក៏ដោយ មន្ត្រីសុខាភិបាលរដ្ឋ Alaska បាននិយាយថា នឹងមិនមានការផ្លាស់ប្តូរផែនការចែកចាយវ៉ាក់សាំងទេបន្ទាប់ពីឧប្បត្តិហេតុនេះ៕

ប្រែសម្រួលដោយ៖ Vann Vann

ប្រភព៖ Fox News

The post ជនជាតិអាមេរិកមានប្រតិកម្មធ្ងន់ធ្ងរ ត្រូវបញ្ជូនទៅសង្គ្រោះបន្ទាន់ក្រោយចាក់វ៉ាក់សាំងកូវីដ appeared first on Kampuchea Thmey Daily.

ក្រុមអ្នកវិទ្យាសាស្ត្រនិយាយថា ការឆ្លើយតបមិនសមប្រកបចំពោះវ៉ាក់សាំងនេះគឺជារឿងនឹកស្មានមិនដល់បន្ទាប់ពីការចាប់ផ្តើមយុទ្ធនាការចាក់វ៉ាក់សាំងកូវីដទ្រង់ទ្រាយធំរបស់ចក្រភពអង់គ្លេសនៅថ្ងៃ V-Day។

ភ្នាក់ងារនិយ័តកផលិតផលវេជ្ជសាស្ត្រនិងថែរក្សាសុខភាព (MHRA) បានណែនាំដល់ប្រជាជនដែលមានប្រវតិ្តប្រតិកម្មអាឡ័កស៊ីឲ្យចៀសវាងការចាក់វ៉ាក់សាំងរបស់ក្រុមហ៊ុន Pfizer / BioNTech។

វាកើតឡើងបន្ទាប់ពីបុគ្គលិក NHS ពីរនាក់មានប្រតិកម្មអាឡ័កស៊ីបន្ទាប់ពីត្រូវបានចាក់វ៉ាក់សាំងកាលពីថ្ងៃអង្គារ។

បុគ្គលិកសុខាភិបាលទាំងពីរនាក់ដែលគេដឹងថាមានប្រវត្តិនៃប្រតិកម្មអាឡ័កស៊ីធ្ងន់ធ្ងរគឺស្ថិតក្នុងចំណោមមនុស្សរាប់ពាន់នាក់ដែលបានទទួលថ្នាំបង្ការនៅថ្ងៃដំបូងនៃកម្មវិធីចាក់វ៉ាក់សាំងកូវីដទ្រង់ទ្រាយធំ។

ពួកគេនិយាយថា “រោគសញ្ញានៃប្រតិកម្មអាឡែកស៊ីគឺរួមមានកន្ទួលរមាស់ស្បែក ដង្ហើមខ្លីនិងហើមមុខឬអណ្តាត”។

ខិត្តប័ណ្ណសុវត្ថិភាពរបស់អ្នកជំងឺសម្រាប់វ៉ាក់សាំងនេះបានព្រមានថា អ្នកណាម្នាក់ដែលមានប្រតិកម្មទៅនឹងសារធាតុសកម្មណាមួយនៅក្នុងវ៉ាក់សាំងមិនគួរទទួលថ្នាំបង្ការនេះទេ៕

ប្រែសម្រួលដោយ៖ Vann Vann

ប្រភព៖ Mirror

ចុចអាន៖ អង់គ្លេស ប្រាប់កុំទាន់ឆោឡោបន្ទាប់ពីមនុស្ស២នាក់មានប្រតិកម្មធ្ងន់ធ្ងរក្រោយចាក់វ៉ាក់សាំងកូវីដ

ចុចអាន៖ ទោះមានវ៉ាក់សាំង តែប្រជាជនអង់គ្លេសត្រូវបន្តពាក់ម៉ាស់មួយឆ្នាំទៀត

The post អ្នកវិទ្យាសាស្រ្តបង្ហាញរោគសញ្ញានៃប្រតិកម្មអាឡ័កស៊ីក្រោយចាក់វ៉ាក់សាំងកូវីដ appeared first on Kampuchea Thmey Daily.

ក្នុងរយៈពេល២៤ម៉ោងនៃកម្មវិធីចាក់ថ្នាំបង្ការរោគដ៏ធំបំផុតមិនធ្លាប់មាននៅក្នុងប្រវត្ដិសាស្ដ្រចក្រភពអង់គ្លេស និយតករថ្នាំពេទ្យរបស់ចក្រភពអង់គ្លេសបានប្រាប់ថា អ្នកណាម្នាក់ដែលមានប្រតិកម្មអាឡ័កស៊ីធ្ងន់ធ្ងរទៅនឹងថ្នាំឬអាហារមិនគួរត្រូវបានទទួលវ៉ាក់សាំងទេ។

យ៉ាងណាក្តី ចំនួនមនុស្សដែលគេហាមឃាត់មិនត្រូវបានគេដឹងនោះទេថ្វីបើអង់គ្លេសត្រូវបានគេដឹងថាជាប្រទេសមានប្រជាជនរហូតដល់ទៅ៧លាននាក់ មានអាឡ័កស៊ីធ្ងន់ធ្ងរដែលត្រូវការការថែទាំសុខភាពនិងប្រមាណ២៥០,០០០នាក់ត្រូវការលាបថ្នាំ EpiPen គ្រប់ពេលក៏ដោយ។

បុគ្គលិកថែទាំសុខភាពដែលមិនបញ្ចេញឈ្មោះទាំងពីរត្រូវការការព្យាបាលជាបន្ទាន់ប៉ុន្តែបានជាសះស្បើយឡើងវិញបន្ទាប់ពីពួកគេចេញរោគសញ្ញាភ្លាមៗក្រោយទទួលបានការចាក់វ៉ាក់សាំង។

បើទោះបីជាមានប្រតិកម្មអាឡ័កស៊ីពីរករណីក៏ដោយ រដ្ឋាភិបាលនៅតែបន្តចាក់វ៉ាក់សាំងមនុស្សពី៥,០០០ទៅ៧,០០០នាក់ក្នុងមួយថ្ងៃនៅទូទាំងចក្រភពអង់គ្លេសដោយប្រើថ្នាំ Pfizer។

ទោះបីជាយ៉ាងណាក៏ដោយ ក្រុមអ្នកវិទ្យាសាស្ត្រអង់គ្លេសនៅថ្ងៃនេះបានអំពាវនាវឲ្យមានភាពស្ងប់ស្ងាត់ស្របពេលមានការភ័យខ្លាចជាសាធារណៈអំពីគ្រោះថ្នាក់ដែលបង្កឡើងដោយវ៉ាក់សាំងថ្មីនេះ។ វាបានគំរាមកំហែងដល់ការបង្អាក់កម្មវិធីចាក់ថ្នាំបង្ការដ៏ធំរបស់ NHS។

សាស្រ្តាចារ្យ Graham Ogg នៃសាកលវិទ្យាល័យ Oxford បានជំរុញឲ្យមានភាពស្ងប់ស្ងាត់ដោយនិយាយថា វានឹងក្លាយជាការសំខាន់ក្នុងការយល់ពីលក្ខណៈជាក់លាក់នៃប្រតិកម្មនិងប្រវត្តិវេជ្ជសាស្ត្ររបស់បុគ្គលដែលរងផលប៉ះពាល់ដូច្នេះហានិភ័យនៃប្រតិកម្មអាចត្រូវបានកំណត់បានយ៉ាងច្បាស់លាស់៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ ទោះមានវ៉ាក់សាំង តែប្រជាជនអង់គ្លេសត្រូវបន្តពាក់ម៉ាស់មួយឆ្នាំទៀត

ចុចអាន៖ វ៉ាក់សាំង​ផ្លូវការ​រាប់​លាន​ដូស​ទៅ​ដល់​អង់គ្លេស ប៉ុន្តែ​ដើម្បី​សុវត្ថិភាព​ កន្លែង​រក្សា​ទុក​ គឺ​អាថ៌កំបាំង​បំផុត

The post អង់គ្លេស ប្រាប់កុំទាន់ឆោឡោបន្ទាប់ពីមនុស្ស២នាក់មានប្រតិកម្មធ្ងន់ធ្ងរក្រោយចាក់វ៉ាក់សាំងកូវីដ appeared first on Kampuchea Thmey Daily.