ទោះមានវ៉ាក់សាំង តែប្រជាជនអង់គ្លេសត្រូវបន្តពាក់ម៉ាស់មួយឆ្នាំទៀត
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ទោះមានវ៉ាក់សាំង តែប្រជាជនអង់គ្លេសត្រូវបន្តពាក់ម៉ាស់មួយឆ្នាំទៀត

Published

on

អ្នកជំនាញបានព្រមានថា ប្រជាជនចក្រភពអង់គ្លេសអាចនឹងបន្តការពាក់ម៉ាស់រយៈពេលមួយឆ្នាំទៀតបើទោះបីជាមានវ៉ាក់សាំងការពារជំងឺកូវីដ១៩ក៏ដោយ។

ថ្វីបើចក្រភពអង់គ្លេសបានបង្កើតព្រឹត្តិការណ៍ជាប្រវត្តិសាស្ត្រហើយចាប់ផ្តើមកម្មវិធីចាក់វ៉ាក់សាំងក៏ដោយក៏ប្រទេសនេះត្រូវការពេលវេលាបន្ថែមទៀតមុនពេលអាចវិលមករកភាពធម្មតាវិញបាន។

លោក Sir Patrick Vallance បានលើកឡើងថា ការរឹតត្បិតអាចនៅតែបន្តយូរទៀតបន្ទាប់ពីវ៉ាក់សាំងត្រូវបានដាក់ឲ្យប្រើប្រាស់ពេញលេញ។

បច្ចុប្បន្ននេះ អ្នកដែលងាយរងគ្រោះបំផុតកំពុងចាប់ផ្តើមទទួលវ៉ាក់សាំងជាបន្តបន្ទាប់។

ប្រធានទីប្រឹក្សាវិទ្យាសាស្ត្ររូបនេះបានបន្ថែមថា ប្រជាជនចក្រភពអង់គ្លេសនឹងត្រូវពាក់ម៉ាស់យ៉ាងហោចណាស់មួយឆ្នាំទៀតដោយសារតែពួកគេនៅកង្វះចំណេះដឹងអំពីវ៉ាក់សាំងដែលបង្ការការឆ្លងរោគក៏ដូចជាការបញ្ឈប់វីរុសពីការរាលដាលផងដែរ។

ការព្រមាននេះបានកើតឡើងចំពេលមានក្តីរំភើបរីករាយជុំវិញវ៉ាក់សាំងរបស់ក្រុមហ៊ុន Pfizer។

កាលពីម្សិលមិញ លោកយាយអាយុ៩០ឆ្នាំឈ្មោះ Margaret Keenan បានបង្កើតប្រវត្តិសាស្រ្តក្នុងនាមជាអ្នកជំងឺដំបូងគេដែលត្រូវបានផ្តល់វ៉ាក់សាំង Pfizer/BioNtech ក្នុងចក្រភពអង់គ្លេស។

ទោះបីជាមានវ៉ាក់សាំងក៏ដោយ ក៏រដ្ឋមន្រ្តីបានព្រមានប្រជាជនឲ្យបន្តអនុវត្តវិធានការគម្លាតសង្គមដូចធម្មតាហើយបានណែនាំជីដូនជីតាកុំឲ្យឱបចៅៗ៕

ប្រែសម្រួលដោយ៖ Vann Vann

ប្រភព៖ Daily Star

ចុចអាន៖ រំភើបពេក រដ្ឋមន្រ្តីសុខាភិបាលអង់គ្លេសសម្រក់ទឹកភ្នែកពេលឃើញមនុស្សដំបូងចាក់វ៉ាក់សាំងកូវីដ

ចុចអាន៖ លោកយាយអាយុ៩០ឆ្នាំក្លាយជាមនុស្សដំបូងគេក្នុងលោកដែលទទួលបានវ៉ាក់សាំងកូវីដនៅ អង់គ្លេស

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services