តាមការផ្សាយរបស់ AFP, តួលេខកើនឡើងនេះ គឺបន្ទាប់ពីក្រុមរុករក បានទាញសពចេញពីគំនរអគារ ជាពិសេសផ្សារទំនើបមួយ ក្នុងទីក្រុង General Santos និងមនុស្សស្លាប់ ដោយសារបាក់ដី នៅខេត្ត Davao Occidental។

ក្រៅពីមនុស្សស្លាប់, ទិន្នន័យពី ទីភ្នាក់ងារគ្រោះមហន្តរាយជាតិ បានបង្ហាញថា នៅមានមនុស្ស រាប់រយនាក់ទៀតរងរបួស ខណៈ ១៧នាក់ កំពុងបាត់ខ្លួន។

សូមជម្រាបថា គ្រោះរញ្ជួយដីកម្រិតធ្ងន់ ៧.៨រ៉ិចទ័រ បានវាយប្រហារឆ្នេរសមុទ្រនៃកោះ Mindanao ភាគខាងត្បូងប្រទេសហ្វីលីពីន នៅម៉ោង ៧:៣៧នាទីព្រឹក ថ្ងៃចន្ទ បណ្តាលឲ្យរង្គើ ឈានដល់ការបាក់រលំអគារ និងសាលារៀន ទៀតផង។

ហ្វីលីពីន ឧស្សាហ៍កើតរញ្ជួយដីណាស់ ព្រោះប្រទេសនេះ មានទីតាំងស្ថិតនៅលើ ខ្សែក្រវាត់ភ្នំភ្លើងប៉ាស៊ីហ្វិក (Pacific Ring of Fire) ដែលជាតំបន់មួយក្នុងចំណោមតំបន់ មានសកម្មភាពរញ្ជួយដីខ្លាំងបំផុតនៅលើផែនដី។ ផ្លាកតិចតូនិចសំខាន់ៗជាច្រើន បានជួបគ្នានៅទីនេះ រួមមាន ផ្លាកសមុទ្រហ្វីលីពីន ផ្លាកអឺរ៉ាស៊ី និងផ្លាកប៉ាស៊ីហ្វិក។

ម្យ៉ាងនៅប្រទេសនេះ មានតំបន់ស្នាមប្រេះ Philippine Fault Zone និងស្នាមប្រេះសកម្មតូចៗជាច្រើនទៀត លាតសន្ធឹងឆ្លងកាត់កោះនានា ហើយក៏មានតំបន់ Subduction ដែលជាកន្លែងផ្លាកមួយលិចចុះក្រោមផ្លាកមួយទៀត ព័ទ្ធជុំវិញប្រទេសផងដែរ បង្កើតឲ្យមានការរញ្ជួយដីខ្លាំងឥតឈប់ឈរ។

ដោយសារអន្តរកម្មនៃផ្លាកទាំងនេះហើយ ទើបការរញ្ជួយដីទាំងជម្រៅរាក់ និងជ្រៅ កើតឡើងជាញឹកញាប់។ ច្បាស់ណាស់ ការរញ្ជួយដីជម្រៅរាក់ នឹងការបំផ្លិចបំផ្លាញធំធេង ដោយសារតែវាបញ្ចេញថាមពលនៅជិតតំបន់ដែលមានមនុស្សរស់នៅ៕

អត្ថបទ៖ សុខ សុវណ្ណ

The post រកឃើញមនុស្សស្លាប់ ច្រើនឡើងៗ ក្នុងគ្រោះរញ្ជួយដីដ៏សាហាវ នៅហ្វីលីពីន appeared first on Kampuchea Thmey Daily.

តាមការផ្សាយរបស់ BBC, គ្រោះរញ្ជួយដីកម្រិតធ្ងន់នេះ វាយប្រហារឆ្នេរសមុទ្រនៃកោះ Mindanao ភាគខាងត្បូងប្រទេសហ្វីលីពីន នៅម៉ោង ៧:៣៧នាទីព្រឹក ថ្ងៃចន្ទ បណ្តាលឲ្យរង្គើ ឈានដល់ការបាក់រលំអគារ និងសាលារៀន ទៀតផង។

អ្វីដែលកាន់តែសង្វេគ គឺថា តាមរយៈវីដេអូ ដែលចែកចាយពាសពេញបណ្តាញសង្គម គេឃើញកុមារសិស្សសាលាជាច្រើននាក់ ស្រែកយំយ៉ាងទ្រហឹង នៅសាលារៀន ពេលរញ្ជួយដីវាយប្រហារ។

យោងតាមការិយាល័យការពារស៊ីវិលហ្វីលីពីន (OCD), មនុស្ស ៣៥នាក់ ត្រូវបាត់បង់ជីវិត ក្នុងនោះមាន ៣២នាក់ស្ថិតនៅតំបន់ Soccsksargen និង ៤នាក់ទៀតនៅ Davao។

ទោះបីជាយ៉ាងណាក៏ដោយ OCD ព្រមានថា តួលេខមនុស្សស្លាប់និងរបួស អាចកើនលើសនេះទៀត ព្រោះមានមនុស្សមួយចំនួនទៀត កំពុងបាត់ខ្លួននៅឡើយ។

សូមជម្រាបថា ហ្វីលីពីន ឧស្សាហ៍កើតរញ្ជួយដីណាស់ ព្រោះប្រទេសនេះ មានទីតាំងស្ថិតនៅលើ ខ្សែក្រវាត់ភ្នំភ្លើងប៉ាស៊ីហ្វិក (Pacific Ring of Fire) ដែលជាតំបន់មួយក្នុងចំណោមតំបន់ មានសកម្មភាពរញ្ជួយដីខ្លាំងបំផុតនៅលើផែនដី។ ផ្លាកតិចតូនិចសំខាន់ៗជាច្រើន បានជួបគ្នានៅទីនេះ រួមមាន ផ្លាកសមុទ្រហ្វីលីពីន ផ្លាកអឺរ៉ាស៊ី និងផ្លាកប៉ាស៊ីហ្វិក។

ម្យ៉ាងនៅហ្វីលីពីន មានតំបន់ស្នាមប្រេះ Philippine Fault Zone និងស្នាមប្រេះសកម្មតូចៗជាច្រើនទៀត លាតសន្ធឹងឆ្លងកាត់កោះនានា ហើយក៏មានតំបន់ Subduction ដែលជាកន្លែងផ្លាកមួយលិចចុះក្រោមផ្លាកមួយទៀត ព័ទ្ធជុំវិញប្រទេសផងដែរ បង្កើតឲ្យមានការរញ្ជួយដីខ្លាំងឥតឈប់ឈរ។

ដោយសារអន្តរកម្មនៃផ្លាកទាំងនេះហើយ ទើបការរញ្ជួយដីទាំងជម្រៅរាក់ និងជ្រៅ កើតឡើងជាញឹកញាប់។ ច្បាស់ណាស់ ការរញ្ជួយដីជម្រៅរាក់ នឹងការបំផ្លិចបំផ្លាញធំធេង ដោយសារតែវាបញ្ចេញថាមពលនៅជិតតំបន់ដែលមានមនុស្សរស់នៅ។

មិនត្រឹមប៉ុណ្ណឹង ហ្វីលីពីនក៏ប្រឈមនឹងហានិភ័យ នៃការរញ្ជួយដីដែលអាចបង្កឲ្យមាន រលកយក្សស៊ូណាមិ ផងដែរ ជាពិសេសនៅតាមតំបន់ Subduction ឆ្នេរសមុទ្រ៕

អត្ថបទ៖ សុខ សុវណ្ណ

The post សោកនាដកម្ម​រញ្ជួយ​ដី នៅ​ហ្វីលីពីន!​ មនុស្ស​ស្លាប់ ​កើនដល់​ ​៣៥​នាក់ ​និង​របួស ១៣៤នាក់ appeared first on Kampuchea Thmey Daily.

នៅព្រឹកថ្ងៃចន្ទ ទី៨ ខែមិថុនា ឆ្នាំ២០២៦ គ្រោះរញ្ជួយដីកម្រិត ៧.៨រ៉ិចទ័រ បានវាយប្រហារកោះ Mindanao ហើយកម្លាំងដ៏ខ្លាំងរបស់វា ជំរុញឲ្យប្រទេសជាច្រើន នៅតាមបណ្តោយឆ្នេរមហាសមុទ្រ ប៉ាស៊ីហ្វិក ទាញសញ្ញាប្រកាសអាសន្ន រលកយក្សស៊ូណាមិ ដ្បិតប្រទេសខ្លះ ដកចេញវិញហើយក៏ដោយ។

តួលេខបឋម គិតត្រឹមរសៀលថ្ងៃចន្ទ មនុស្សស្លាប់ ក្នុងគ្រោះរញ្ជួយដីដ៏សាហាវនេះ បានកើនដល់ ១៥នាក់ហើយ ខណៈ ១២៩នាក់ទៀត រងរបួស ចំណែកអគារជាច្រើន ត្រូវបាក់ស្រុត ពិសេសក្នុងទីក្រុង General Santos។

យ៉ាងណា គ្រោះអាក្រក់មិនទាន់កន្លងផុតទេ ដោយអ្នកវិទ្យាសាស្ត្រផ្នែករញ្ជួយដីនៅសកលវិទ្យាល័យមែលប៊ន នៃប្រទេសអូស្រ្តាលី លោកស្រី Grace Sethanant បានព្រមានថា ការរញ្ជួយដីបន្ទាប់បន្សំកម្រិ​តធ្ងន់ រហូតដល់ទៅ ៦.៧ រ៉ិចទ័រ អាចនឹងកើតឡើង ក្នុងរយៈពេលប៉ុន្មានថ្ងៃ ឬប៉ុន្មានសប្តាហ៍ខាងមុខ។ 

តាមសម្តីអ្នកស្រាវជ្រាវជាន់ខ្ពស់រូបនេះ, មុនរញ្ជួយដីកើតឡើង វាមានរំញ័រជាមុនសិន រួចទើបបង្កឲ្យមានគ្រោះរញ្ជួយដី ហើយបន្ទាប់មក អាចឈានដល់រលកស៊ូណាមិ និងបំណាក់បាក់ដី។

លោកស្រីបានប្រាប់កម្មវិធី Asia Now របស់ទូរទស្សន៍ CNA ថា បើផ្អែកតាមទិន្នន័យប្រវត្តិសាស្ត្រ ផុតការរញ្ជួយដីធំ នឹងមានការរញ្ជួយដីបន្ទាប់បន្សំកើតឡើង ហើយជារឿយៗ ការរញ្ជួយដីបន្ទាប់បន្សំនោះ​ គឺមានកម្រិតទាបជាងការរញ្ជួយដីមេ (Main quake) ប្រហែល ១.០ រ៉ិចទ័រ។ ដូច្នេះមានន័យថា ពេលរញ្ជួយដី ៧.៨ រ៉ិចទ័រវាយប្រហារហ្វីលីពីន នោះការរញ្ជួយដីបន្ទាប់បន្សំ នឹងមានកម្រិត ៦.៨ រ៉ិចទ័រ។

សូមជម្រាបថា ហ្វីលីពីន ឧស្សាហ៍កើតរញ្ជួយដីណាស់ ព្រោះប្រទេសនេះ មានទីតាំងស្ថិតនៅលើ ខ្សែក្រវាត់ភ្នំភ្លើងប៉ាស៊ីហ្វិក (Pacific Ring of Fire) ដែលជាតំបន់មួយក្នុងចំណោមតំបន់ មានសកម្មភាពរញ្ជួយដីខ្លាំងបំផុតនៅលើផែនដី។ ផ្លាកតិចតូនិចសំខាន់ៗជាច្រើន បានជួបគ្នានៅទីនេះ រួមមាន ផ្លាកសមុទ្រហ្វីលីពីន ផ្លាកអឺរ៉ាស៊ី និងផ្លាកប៉ាស៊ីហ្វិក។

ម្យ៉ាងនៅហ្វីលីពីន មានតំបន់ស្នាមប្រេះ Philippine Fault Zone និងស្នាមប្រេះសកម្មតូចៗជាច្រើនទៀត លាតសន្ធឹងឆ្លងកាត់កោះនានា ហើយក៏មានតំបន់ Subduction ដែលជាកន្លែងផ្លាកមួយលិចចុះក្រោមផ្លាកមួយទៀត ព័ទ្ធជុំវិញប្រទេសផងដែរ បង្កើតឲ្យមានការរញ្ជួយដីខ្លាំងឥតឈប់ឈរ។

ដោយសារអន្តរកម្មនៃផ្លាកទាំងនេះហើយ ទើបការរញ្ជួយដីទាំងជម្រៅរាក់ និងជ្រៅ កើតឡើងជាញឹកញាប់។ ច្បាស់ណាស់ ការរញ្ជួយដីជម្រៅរាក់ នឹងការបំផ្លិចបំផ្លាញធំធេង ដោយសារតែវាបញ្ចេញថាមពលនៅជិតតំបន់ដែលមានមនុស្សរស់នៅ។

មិនត្រឹមប៉ុណ្ណឹង ហ្វីលីពីនក៏ប្រឈមនឹងហានិភ័យ នៃការរញ្ជួយដីដែលអាចបង្កឲ្យមាន រលកយក្សស៊ូណាមិ ផងដែរ ជាពិសេសនៅតាមតំបន់ Subduction ឆ្នេរសមុទ្រ៕

អត្ថបទ៖ សុខ សុវណ្ណ

The post អ្នកជំនាញព្រមានថា ហ្វីលីពីន អាចជួបគ្រោះរញ្ជួយដី កម្លាំងខ្លាំងបន្ថែមទៀត នៅប៉ុន្មានថ្ងៃ ខាងមុខ appeared first on Kampuchea Thmey Daily.

BBC បានដកស្រង់ទិន្នន័យពី ការិយាល័យកាពារស៊ីវិលហ្វីលីពីន ដែលបង្ហាញថា ក្នុងចំណោមមនុស្សស្លាប់ទាំងអស់ គឺមាន ១២នាក់ ស្ថិតនៅក្នុងតំបន់ Soccsksargen។

ទន្ទឹមនោះ អ្នករបួសទាំង ១២៩នាក់ ក៏ស្ថិតនៅក្នុងតំបន់នេះ ផងដែរ។

ក្រៅពីមនុស្សស្លាប់, ឥទ្ធិពលនៃគ្រោះរញ្ជួយដីកម្រិត ៧.៨រ៉ិចទ័រនេះ ក៏បណ្តាលឲ្យអគារជាច្រើន ត្រូវបាក់ស្រុតនៅតំបន់មួយចំនួនផងដែរ ពិសេសទីក្រុង General Santos។

សូមជម្រាបថា គ្រោះរញ្ជួយដីកម្រិតធ្ងន់ជម្រៅ ១0គីឡូម៉ែត្រ បានវាយប្រហារកោះ Mindanao ភាគខាងត្បូងប្រទេសហ្វីលីពីន ដោយកម្លាំងដ៏ខ្លាំងរបស់វា បានបណ្តាលឲ្យប្រទេសជាច្រើន នៅតាមបណ្តោយឆ្នេរមហាសមុទ្រ ប៉ាស៊ីហ្វិក ទាញប្រកាសអាសន្ន រលកយក្សស៊ូណាមិ ក្នុងនោះមានទាំងជប៉ុន និងឥណ្ឌូណេស៊ីផងដែរ។

សហរដ្ឋអាមេរិក ក៏ព្រមានដែរថា រលកស៊ូណាមិដ៏មានគ្រោះថ្នាក់ អាចនឹងកើតមានឡើង ជាទ្រង់ទ្រាយធំ នៅតាមបណ្តោយឆ្នេរសមុទ្រឥណ្ឌូណេស៊ី ហ្វីលីពីន ប៉ាលូ តៃវ៉ាន់ និងប៉ាពូអាស៊ីនូវែលហ្គីណេ។

សូមជម្រាបជាថ្មី ប្រទេសហ្វីលីពីន មានទីតាំងស្ថិតនៅលើតំបន់ ដែលមានទម្រង់ផ្ទាំងតិចតូនិកដ៏ស្មុគស្មាញនៃ «ខ្សែក្រវាត់ភ្លើងប៉ាស៊ីហ្វិក» Pacific Ring of Fire ដែលជាខ្សែក្រវាត់ មានសកម្មភាពរញ្ជួយដី លាតសន្ធឹងចាប់ពីអាមេរិកខាងត្បូង រហូតដល់តំបន់ចុងបូព៌ានៃប្រទេសរុស្ស៊ី៕

អត្ថបទ៖ សុខ សុវណ្ណ

The post មនុស្សស្លាប់កើនដល់ ១៥នាក់ និងរបួស​ ១២៩នាក់ ក្នុងគ្រោះរញ្ជួយដីដ៏សាហាវ នៅ ហ្វីលីពីន appeared first on Kampuchea Thmey Daily.

សហរដ្ឋអាមេរិក ក៏ព្រមានដែរថា រលកស៊ូណាមិដ៏មានគ្រោះថ្នាក់ អាចនឹងកើតមានឡើង ជាទ្រង់ទ្រាយធំក្នុងរយៈពេលបីម៉ោងខាងមុខ នៅតាមបណ្តោយឆ្នេរសមុទ្រឥណ្ឌូណេស៊ី ហ្វីលីពីន ប៉ាលូ តៃវ៉ាន់ និងប៉ាពូអាស៊ីនូវែលហ្គីណេ។

តាមការផ្សាយរបស់ CNA, ជាមួយនឹងជម្រៅ ១គីឡូម៉ែត្រ ដំបូងឡើយរញ្ជួយដីនេះ ត្រូវបានមជ្ឈមណ្ឌលស្រាវជ្រាវ ភូគព្ភសាស្ត្រអាល្លឺម៉ង់ (GFZ) វាស់ថា មានកម្រិតដល់ទៅ ៨.២រ៉ិចទ័រឯណោះ ប៉ុន្តែក្រោយមកត្រូវបានទីភ្នាក់ងារហ្វីលីពីន Phivolcs ទម្លាក់មកនៅត្រឹម ៧.០រ៉ិចទ័រ ខណៈ BMKG របស់ឥណ្ឌូណេស៊ី បន្ទាបមកនៅ ៧.៧ រ៉ិចទ័រ។

ភ្លាមៗនេះ ប្រធានាធិបតីហ្វីលីពីន Ferdinand Marcos Jr បានចេញមកប្រកាស ឲ្យពលរដ្ឋនៅតំបន់តាមបណ្តោយឆ្នេរសមុទ្រ ជាពិសេសទីក្រុង General Santos ត្រូវជម្លៀសជាបន្ទាន់ ទៅកាន់កន្លែងសុវត្ថិភាព ដោយមិនអាចបង្អង់យូរបានឡើយ។

ស្របពេលជាមួយគ្នានោះ នាយករដ្ឋមន្ត្រីជប៉ុន លោកស្រី Sanae Takaichi ក៏ចេញសេចក្តីថ្លែងការណ៍ ជំរុញឲ្យប្រជាជន ស្តាប់តាមការណែនាំរបស់មន្ត្រីផ្នែកគ្រោះមហន្តរាយ នៅតាមមូលដ្ឋាន ហើយត្រូវជម្លៀសខ្លួន ជាបន្ទាន់ផងដែរ។

ដ្បិតតែហ្វីលីពីន មិនទាន់បញ្ចេញរបាយការណ៍អំពីការខូចខាត និងមនុស្សរងគ្រោះ ប៉ុន្តែតាមរយៈរូបភាព និងវីដេអូដែលចែកចាយលើបណ្តាញសង្គម គេឃើញថា អគារនិងសាលារៀន បានបាក់ស្រុត ចំណែកនៅជប៉ុន ក៏មានអគារនិងផ្ទះ ដួលរលំផងដែរ។

សូមជម្រាបថា ហ្វីលីពីន និងឥណ្ឌូណេស៊ី មានទីតាំងស្ថិតនៅលើតំបន់ ដែលមានទម្រង់ផ្ទាំងតិចតូនិកដ៏ស្មុគស្មាញនៃ «ខ្សែក្រវាត់ភ្លើងប៉ាស៊ីហ្វិក» Pacific Ring of Fire ដែលជាខ្សែក្រវាត់ មានសកម្មភាពរញ្ជួយដី លាតសន្ធឹងចាប់ពីអាមេរិកខាងត្បូង រហូតដល់តំបន់ចុងបូព៌ានៃប្រទេសរុស្ស៊ី៕

អត្ថបទ៖ សុខ សុវណ្ណ

The post ហ្វីលីពីន ជួបគ្រោះរញ្ជួយដីកម្រិតធ្ងន់ ខណៈអាមេរិក ព្រមានថា រលកយក្សស៊ូណាមិ ដ៏គ្រោះថ្នាក់ អាចវាយប្រហារ ច្រើនប្រទេស appeared first on Kampuchea Thmey Daily.

តាម​ការ​ផ្សាយ​របស់ Al Jazeera មន្ត្រីព័ត៌មាននៃនាយកដ្ឋានបង្ការ និងពន្លត់អគ្គិភ័យ លោកស្រី Maria Leah Sajili បានប្រាប់ឱ្យដឹងថា ក្នុងចំណោមជនរងគ្រោះទាំងពីរនាក់នោះ មានម្នាក់នៅមានដង្ហើមនៅឡើយពេលទាញចេញមក ប៉ុន្តែជាអកុសលបានបាត់បង់ជីវិត នៅពេលក្រោយមកទៀត ចំណែកឯម្នាក់ទៀត បានគាំងបេះដូងស្លាប់ តាំងពីនៅក្នុងគំនរថ្មម្ល៉េះ។

ខណៈពេលនេះ ក្រុមសង្គ្រោះ កំពុងព្យាយាមយ៉ាងដុតដៃដុតជើង ដើម្បីយកសាកសពម្នាក់ទៀត ដែលមើលឃើញថាជាប់នៅក្រោមនោះ ប៉ុន្តែមិនទាន់រាប់បញ្ចូលក្នុងបញ្ជីអ្នកស្លាប់ផ្លូវការនៅឡើយទេ លុះត្រាតែទាញយកសាកសពចេញមកក្រៅបានជោគជ័យ។ អ្វីដែលធ្វើឱ្យគេនៅមានសង្ឃឹមគឺ បន្ទាប់ពីប្រើប្រាស់ឧបករណ៍ស្កែនកម្តៅ (Thermal Scans) ស្រាប់តែរកឃើញសញ្ញានៃការដកដង្ហើម និងចលនាបេះដូងនៅក្រោមគំនរថ្ម ដែលបញ្ជាក់ថា អាចមានមនុស្សរស់រានមានជីវិតបន្ថែមទៀតជាប់នៅទីនោះ។ តាមរបាយការណ៍បឋម អ្នកបាត់ខ្លួន មានចំនួន ១៧នាក់ ដែលភាគច្រើនជាកម្មករសំណង់កំពុងបំពេញការងារ។ ជាធម្មតា ការដ្ឋាននេះ មានកម្មករធ្វើការរហូតដល់ ៧០នាក់ ប៉ុន្តែសំណាងល្អដែលចំថ្ងៃចុងសប្តាហ៍ ទើបកម្មករភាគច្រើនបានត្រឡប់ទៅផ្ទះអស់។

ទាក់ទិននឹងកិច្ចប្រតិបត្តិការសង្គ្រោះនេះដែរ លោកស្រី Sajili បានពន្យល់ថា ការជួយសង្គ្រោះមនុស្សក្នុងអគារបាក់រំលំ គឺមានការប្រឈម និងគ្រោះថ្នាក់ខ្លាំងណាស់ ពីព្រោះការរំកិលថ្ម ឬការដើររបស់ក្រុមសង្គ្រោះតែបន្តិចបន្តួច អាចធ្វើឱ្យគំនរអគាររង្គើបាក់ថែម ដែលអាចសង្កត់អ្នកជាប់នៅខាងក្រោមឱ្យស្លាប់ ឬអាចស្រុតរលំសង្កត់លើក្រុមសង្គ្រោះខ្លួនឯងតែម្តង។ ហេតុទើបបានជាដំណាក់កាលនេះ គេត្រូវធ្វើការដោយដៃ និងប្រុងប្រយ័ត្នបំផុត។ លុះត្រាតែអស់សង្ឃឹមថាគ្មានអ្នករស់រានមានជីវិតហើយ ទើបគេសម្រេចប្រើប្រាស់គ្រឿងចក្រធុនធ្ងន់ ដើម្បីកាយកម្ទេច​ថ្ម និងស្វែងរកសាកសព។

បច្ចុប្បន្ន មូលហេតុនៃការបាក់រំលំអគារនេះ នៅមិនទាន់ដឹងច្បាស់នៅឡើយទេ ខណៈអភិបាលក្រុង កំពុងស្វែងរកខ្លួនម្ចាស់អគារ ដើម្បីមកសាកសួរ និងបញ្ជាក់ពីចំនួនកម្មករពិតប្រាកដ៕

ប្រែសម្រួល៖ ឈាង

The post សោកនាដកម្មបាក់រំលំអគារ នៅហ្វីលីពីន ស្លាប់៣ និង​បាត់ខ្លួន ១៧នាក់ appeared first on Kampuchea Thmey Daily.

ការចរចានេះ កើតឡើង ស្របពេលដែលជប៉ុន ទើបតែបានកែប្រែច្បាប់នាំចេញអាវុធរបស់ខ្លួនមិនធ្លាប់មាន ក្នុងរយៈពេលរាប់សិបឆ្នាំមកនេះ ដើម្បីបើកផ្លូវឱ្យខ្លួនអាចលក់នាវាចម្បាំង មីស៊ីល និងគ្រឿងយុទ្ធោបករណ៍ផ្សេងៗទៅកាន់ក្រៅប្រទេសបានយ៉ាងទូលំទូលាយ។

បំណងប្រាថ្នារបស់ជប៉ុន ក្នុងការរឹតចំណងមិត្តភាពជាមួយបណ្តាប្រទេសក្នុងតំបន់អាស៊ី គឺដើម្បីបង្កើតកម្លាំងរួមមួយ ក្នុងការទប់ទល់នឹងឥទ្ធិពល ដែលកំពុងរីកដុះដាលយ៉ាងខ្លាំងរបស់ប្រទេសចិន។ ក្រៅពីការពង្រឹងសន្តិសុខតំបន់ ការនាំចេញអាវុធនេះ ក៏ជួយឱ្យឧស្សាហកម្មការពារជាតិរបស់ជប៉ុនកាន់តែរឹងមាំ និងមានទីផ្សារធំជាងមុនផងដែរ។ ក្រសួងការពារជាតិរបស់ប្រទេសទាំងពីរ មិនទាន់បានឆ្លើយតបជាផ្លូវការចំពោះព័ត៌មាននេះទេ ប៉ុន្តែសកម្មភាពជាក់ស្តែងនៅលើសមរភូមិហាត់ទ័ព បានបង្ហាញឱ្យឃើញពីភាពជិតស្និទ្ធនេះរួចទៅហើយ។

កាលពីដើមខែនេះ កងកម្លាំងការពារខ្លួនជប៉ុន បានសាកល្បងបាញ់មីស៊ីលប្រឆាំងនាវាប្រភេទ Type 88 នេះ ក្នុងអំឡុងពេលធ្វើសមយុទ្ធរួមគ្នាជាមួយអាមេរិក អូស្ត្រាលី និងហ្វីលីពីន។ សកម្មភាពនេះ បានកើតឡើងស្របពេលដែលទីក្រុងម៉ានីល និងទីក្រុងតូក្យូ ចាប់ផ្តើមជជែកគ្នាយ៉ាងស៊ីជម្រៅ អំពីការផ្ទេរគ្រឿងយុទ្ធោបករណ៍។ លើសពីនេះទៅទៀត លោក Shinjiro Koizumi រដ្ឋមន្ត្រីការពារជាតិជប៉ុន ក៏បានបង្ហើបក្នុងពេលទៅទស្សនកិច្ចនៅហ្វីលីពីនថា ជប៉ុនក៏មានគម្រោងប្រគល់នាវាចម្បាំងប្រភេទ Abukuma និងយន្តហោះ TC-90 ទៅឱ្យភក្តិហ្វីលីពីន ក្នុងពេលឆាប់ៗខាងមុខនេះថែមទៀតផង៕

ប្រែសម្រួល៖ ឈាង

The post ជប៉ុន ត្រៀមបញ្ជូនមីស៊ីលកម្ទេចនាវាឱ្យហ្វីលីពីន appeared first on Kampuchea Thmey Daily.

ហេតុការណ៍ដែលកើតឡើងកាលពីល្ងាចថ្ងៃសៅរ៍នោះ បានធ្វើឲ្យ​ភូមិចំនួន ៨៧ ក្នុងក្រុងចំនួន៣ ត្រូវរងគ្រោះដោយសារផេះធ្លាក់ចុះមកយ៉ាងក្រាស់ឃ្មឹក។ អភិបាលក្រុង Camalig ដែលស្ថិតនៅក្បែរជើងភ្នំភ្លើងនោះ បានរៀបរាប់ថា ផេះបានធ្លាក់ចុះមកក្រាស់ខ្លាំង រហូតដល់អ្នកធ្វើដំណើរតាមផ្លូវជាតិមើលអ្វីមិនឃើញឡើយ ហើយអ្នកភូមិខ្លះបានភ័យស្លន់ស្លោជាខ្លាំង។ ក្រៅពីការភ័យខ្លាច ផេះភ្នំភ្លើងនេះ ក៏បានបំផ្លាញចម្ការបន្លែរបស់អ្នកស្រុក និងបណ្ដាលឲ្យ​សត្វពាហនៈ ដូចជា ក្របី និងគោ ងាប់អស់មួយចំនួនផងដែរ។

អ្នកជំនាញខាងភ្នំភ្លើងហ្វីលីពីន បានបញ្ជាក់ថា បើទោះបីជាស្ថានភាពនៅថ្ងៃចន្ទនេះ ហាក់មានភាពស្ងប់ស្ងាត់ឡើងវិញបន្តិចមែន ប៉ុន្តែគ្រោះថ្នាក់នៅតែមានជានិច្ច ព្រោះភ្នំភ្លើង Mayon គឺជាភ្នំភ្លើងដែលសកម្មបំផុត ក្នុងចំណោមភ្នំភ្លើងទាំង ២៤ នៅក្នុងប្រទេសហ្វីលីពីន។ ភ្នំភ្លើងនេះ មានកម្ពស់ជាង ២ ៤០០ម៉ែត្រ និងមានរូបរាងស្រួច​​ស្អាត ដែលទាក់ទាញភ្ញៀវទេសចរជាច្រើន ប៉ុន្តែវាក៏បង្កប់នូវគ្រោះថ្នាក់ដែលមិនអាចស្មានទុកជាមុនបានដែរ។

មកដល់ពេលនេះ អាជ្ញាធរនៅតែបន្តដាក់កម្រិតប្រុងប្រយ័ត្ននៅកម្រិតទី៣ នៅឡើយ ខណៈដែលការបោសសម្អាតផេះចេញពីលំនៅឋាន និងផ្លូវថ្នល់កំពុងធ្វើឡើងយ៉ាងសស្រាក់សស្រាក់។ មន្ត្រីជំនាញ បានក្រើនរំលឹកដល់ប្រជាពលរដ្ឋ​ឲ្យរក្សាភាពស្ងប់ស្ងាត់ ប៉ុន្តែត្រូវត្រៀមខ្លួនជានិច្ច ព្រោះបើស្ថានភាពកាន់តែអាក្រក់ ហើយឈានដល់ការផ្ទុះខ្លាំងក្នុងកម្រិតទី៥ នោះវានឹងក្លាយជាគ្រោះមហន្តរាយដ៏ធំ ដែលគំរាមកំហែងដល់អាយុជីវិតជាក់ជាមិនខាន៕

ប្រែសម្រួល៖ ឈាង

The post ជម្លៀស​ពលរដ្ឋជាង ៣០០គ្រួសារ ក្រោយ​ភ្នំភ្លើង Mayon ព្រួសផេះយ៉ាងសន្ធោសន្ធៅ នៅ​ហ្វីលីពីន appeared first on Kampuchea Thmey Daily.