ទោះជាយ៉ាងណាក៏ដោយ ជំនួសឲ្យការបង្ហាញការ​តតាំង​ដោយ​​​​​​​​កំហឹង និងការឆ្លើយតបយ៉ាងខ្លាំងក្លាចំពោះអ្វីដែលត្រូវបានគេមើលឃើញថាជា «ការរំលោភលើអធិបតេយ្យភាព» នេះ លោកស្រី Sheinbaum បានជ្រើសរើសយកភាពអត់ធ្មត់ជាមួយនឹង​រដ្ឋបាល​សហរដ្ឋអាមេរិក។ នេះបើយោងតាមការចុះផ្សាយពីទីភ្នាក់ងារសារព័ត៌មាន Reuters។

ជាក់ស្ដែង លោកស្រីប្រធានាធិបតី មិនបានរិះគន់ជាសាធារណៈនោះទេ ដោយ​​គ្រាន់តែបានផ្ញើកំណត់ទូតមួយច្បាប់ទៅកាន់ស្ថានទូតអាមេរិក ដើម្បីសម្តែងនូវការភ្ញាក់ផ្អើល និងស្នើសុំការបំភ្លឺ ហើយបានបង្វែរការវាយប្រហារទៅលើអភិបាលរដ្ឋ Chihuahua (ដែលមកពីគណបក្សប្រឆាំង) ចំពោះការ «សហការជាមួយប្រទេសក្រៅ» ដោយមិនឆ្លងកាត់រដ្ឋាភិបាលកណ្ដាល។

ការដោះស្រាយបែបនេះបង្ហាញពីការលំបាកដែលលោកស្រី កំពុងជួបប្រទះក្នុងទំនាក់ទំនងជាមួយអាមេរិក ក្រោមការដឹកនាំរបស់លោកត្រាំ។ យោងតាមអ្នកអត្ថាធិប្បាយរបស់កាសែត WSJ លោក Santiago Perez និងលោក Michael Amon បានឲ្យដឹងថា រាល់ជម្រើសដែលម៉ិកស៊ិកសម្រេចចិត្តនៅពេលនេះ មិនថាតែក្នុងរូបភាពទន់ភ្លន់ ឬរឹងត្អឹងនោះទេ សុទ្ធតែអាចនាំមកនូវតម្លៃដែលត្រូវសងទាំងផ្នែកនយោបាយ និងយុទ្ធសាស្ត្រ។

មិនតែប៉ុណ្ណោះ បន្ទាប់ពីមានការរិះគន់ពីសេតវិមានថា ម៉ិកស៊ិកខ្វះការអាណិតអាសូរដល់អ្នកស្លាប់ លោកស្រីក៏បានថ្លែងសារចូលរួមរំលែកទុក្ខជាថ្មី ដើម្បីបង្ហាញពីភាពទន់ភ្លន់ក្នុងទំនាក់ទំនងទ្វេភាគី។

ថ្វីដ្បិតតែបែបនេះក្ដី ព្រឹត្តិការណ៍វិវត្តន៍ជាបន្តបន្ទាប់បានបង្ហាញថា កិច្ចសហប្រតិបត្តិការយ៉ាងសកម្មរបស់ម៉ិកស៊ិក មិនមែនមានន័យថាសម្ពាធពីមេរិកត្រូវបានកាត់បន្ថយនោះទេ។ លោកត្រាំ បានព្រមានដដែលៗអំពីសកម្មភាពយោធារបស់អាមេរិក ប្រសិនបើម៉ិកស៊ិកមិនកម្ចាត់ក្រុមជួញដូរគ្រឿងញៀននៅតាមព្រំដែនឲ្យអស់នោះទេ។

លោកនៅតែមិនទាន់ពេញចិត្តនៅឡើយទេ ដោយបានសរសេរនៅលើបណ្តាញសង្គម Truth Social ថា៖ «ម៉ិកស៊ិកត្រូវតែពង្រឹងកិច្ចខិតខំប្រឹងប្រែងប្រឆាំងនឹងក្រុមបងធំ និងគ្រឿងញៀនឲ្យកាន់តែខ្លាំងក្លាបន្ថែមទៀត»។ ក្រោយមក លោកស្រី Sheinbaum បានច្រានចោលការព្រមាននេះ ប៉ុន្តែក្នុងពេលជាមួយគ្នា គាត់ក៏បានបន្ធូរបន្ថយការព្រួយបារម្ភរបស់អ្នកជិតខាង ដោយការផ្តល់ធនធានបន្ថែមទៀតក្នុងការបង្ក្រាបបទល្មើសជាក់ស្ដែង៕

អត្ថបទ៖ សាង ស្រីល័ក្ខ

​ការស្លាប់​ភ្នាក់ងារស៊ើបការណ៍​ CIA ២រូប​របស់​អាមេរិក​នៅ​​ម៉ិកស៊ិក ធ្វើឲ្យ​ជម្លោះ​កាន់តែក្តៅ​​​

The post ប្រធានាធិបតី​ម៉ិកស៊ិក ​យក​ជម្រើស​​​អត់ធ្មត់​ក្នុងសម្ពាធ​ពី​ លោក ត្រាំ appeared first on Kampuchea Thmey Daily.

ទីក្រុង Monterrey ដែលជាមជ្ឈមណ្ឌលពាណិជ្ជកម្មដ៏សំខាន់មានប្រជាជនចំនួន ៥.៣ លាននាក់ នឹងអនុញ្ញាតឲ្យប្រើប្រាស់ទឹកចាប់ពីម៉ោង ៤ព្រឹកដល់ម៉ោង ១០ព្រឹកជារៀងរាល់ថ្ងៃ។ គោលការណ៍ពីមុនរបស់ទីក្រុងនេះ បានដាក់កម្រិត ឲ្យប្រើទឹកត្រឹមមួយថ្ងៃ ក្នុងមួយសប្តាហ៍ដោយផ្អែកលើទីតាំង។

​នេះ​ជា​វិធានការ​ចុងក្រោយបង្អស់​របស់​អាជ្ញាធរ​ ដើម្បី​ដោះស្រាយ​ការ​ខ្វះខាត​ទឹក​ក្នុង​តំបន់។

នាយករដ្ឋាករទឹកទីក្រុង លោក Juan Ignacio Barragan បាននិយាយនៅក្នុងសន្និសីទសារព័ត៌មានមួយថា តម្រូវការបច្ចុប្បន្ន គឺលើសពីការផ្គត់ផ្គង់ប្រហែល ២.៥ ម៉ែត្រគូបក្នុងមួយវិនាទី។

គួរបញ្ជាក់ថា រដ្ឋ Nuevo Leon ដែល​បាន​ជួបប្រទះ​សីតុណ្ហភាព​លើស៤០អង្សាសេ បានប្រកាសដាក់រដ្ឋ​ក្នុង​ភាព​អាសន្នដោយសារគ្រោះ​រាំង​ស្ងួត​ខ្លាំងធ្ងន់ធ្ងរ កាលពី​ខែ​កុម្ភៈ។

យោងតាមលោក Barragan, តំបន់នេះមានបរិមាណទឹកភ្លៀងតិចជាងការរំពឹងទុកចាប់តាំងពីឆ្នាំ ២០១៥មក៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ ស្លាប់​ ៥៣ នាក់ ក្នុងឧបទ្ទវហេតុ​ដ៏រន្ធត់នៅ ម៉ិកស៊ិក ខណៈប្រថុយជីវិតទៅព្រំដែន អាមេរិក

The post ទីក្រុងនៅម៉ិកស៊ិក មួយថ្ងៃបើកទឹកឲ្យប្រើតែ ៦ម៉ោងប៉ុណ្ណោះ appeared first on Kampuchea Thmey Daily.

សេវាកម្មការពារជនស៊ីវិលរដ្ឋ Chiapas ដែលមានព្រំប្រទល់ជាប់ប្រទេស ហ្គាតេម៉ាឡា បាននិយាយថា មនុស្សចំនួន៥៨នាក់ទៀតបានរងរបួសនៅក្នុងឧបទ្ទវហេតុនេះ ដោយក្នុងនោះមាន៣នាក់របួសធ្ងន់។

ទោះបីជាយ៉ាងណាក៏ដោយ មូលហេតុនៃគ្រោះថ្នាក់នេះ មិនត្រូវបានគេបញ្ជាក់ភ្លាមៗទេ។

រដ្ឋមន្ត្រីការបរទេសម៉ិកស៊ិក លោក Marcelo Ebrard បាននិយាយថា ជនចំណាកស្រុកមួយចំនួនដែលស្លាប់ ក៏រួមមានជនបរទេសដែរ។

លោក Ebrard បានសរសេរនៅលើ Twitter ថា “សូមចូលរួមរំលែកទុក្ខ ចំពោះជនរងគ្រោះ និងក្រុមគ្រួសារដែលរងផលប៉ះពាល់។ យើងកំពុងធ្វើការទំនាក់ទំនងជាមួយក្រសួងការបរទេសនៃប្រទេសដែលរងផលប៉ះពាល់”៕

ប្រែសម្រួល៖ Vann Vann

ប្រភព៖ CNN

ចុចអាន៖ រដូវធ្លាក់ទឹកកកនៅ អាមេរិក រដ្ឋទាំងនេះជាប់ឈ្មោះបង្កគ្រោះថ្នាក់ចរាចរណ៍ច្រើនជាងគេ​

The post ជនចំណាកស្រុកជិត ៥០នាក់ស្លាប់ ក្នុងគ្រោះថ្នាក់ចរាចរណ៍ដ៏រន្ធត់ នៅ ម៉ិកស៊ិក appeared first on Kampuchea Thmey Daily.

កីឡាការិនី Zapata ត្រូវបានផ្តួលឲ្យសន្លប់ក្នុងទឹកទី ៤ ទល់នឹងកីឡាការិនី Marie Pier Houle កាលពីយប់ថ្ងៃសៅរ៍សប្តាហ៍មុននៅឯសង្វៀន GVM Gala International ក្នុងទីក្រុង Montreal។

នាងបានទទួលរងកណ្តាប់ដៃជាបន្តបន្ទាប់នៅជ្រុងសង្វៀន នៅចុងទឹកទី៤។

Zapata ហាក់ដូចជាប្រកាច់ខណៈដែលកំពុងឈរប៉ុន្តែដៃគូនិងគ្រូបង្វឹករបស់នាងគឺ Jovanni Martinez បានដាក់ឲ្យនាងដេកភ្លាមៗនៅលើសង្វៀន។ ក្រុមគ្រូពេទ្យនៅនឹងកន្លែង បានប្រញាប់ទៅជិតនាងហើយនាងត្រូវបានគេធ្វើចលនា មុនពេលត្រូវបានរថយន្តសង្គ្រោះបន្ទាន់ដឹកទៅមន្ទីរពេទ្យ។

អ្នករៀបចំកម្មវិធីប្រដាល់លោក Yvon Michel បានជូនដំណឹងកាលពីថ្ងៃអាទិត្យថា Zapata នៅតែសន្លប់ ហើយបានបញ្ជាក់ពីការស្លាប់របស់នាងនៅថ្ងៃព្រហស្បតិ៍។

រដ្ឋមន្រ្តីក្រសួងសន្តិសុខសាធារណៈ Quebec លោក Geneviève Guilbault បាននិយាយនៅលើ Twitter កាលពីព្រឹកថ្ងៃសុក្រថា ការិយាល័យពិនិត្យសាកសព Quebec នឹងស៊ើបអង្កេតការស្លាប់របស់អ្នកប្រដាល់ម៉ិកស៊ិកវ័យ ១៨ ឆ្នាំរូបនេះនិងមូលហេតុដែលអាចកើតមាន៕

វីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ មើលវីដេអូនេះដឹងហើយថា សភាពរបស់ Pacquiao បែបណា ក្រោយចាញ់ Ugas

The post វីដេអូស្តែងៗ អ្នកប្រដាល់ស្រីម៉ិកស៊ិក វ័យ១៨ឆ្នាំ បាត់បង់ជីវិត ក្រោយត្រូវដៃគូវាយលើសង្វៀន appeared first on Kampuchea Thmey Daily.

ហេតុការណ៍នេះ បានកើតឡើងនៅស្ថានីយ៍ Olivos។

រូបថតនិងវីដេអូពីកន្លែងកើតហេតុ បានបង្ហាញពីរថភ្លើងដាំក្បាលចុះពីលើស្ពានអាកាសដែលបាក់ ហើយរថយន្តជាច្រើនគ្រឿងត្រូវជាប់នៅពីក្រោម។

អាជ្ញាធរការពារស៊ីវិលម៉ិកស៊ិកបានបង្ហោះ Twitter ថា “រហូតមកដល់ពេលនេះ សម្រាប់តួលេខបឋម មានមនុស្សចំនួន១៣នាក់ បានបាត់បង់ជីវិតហើយប្រហែល ៧០នាក់ទៀតរងរបួស”។

ស្របពេលជាមួយគ្នានោះ ការិយាល័យរដ្ឋាភិបាលក្នុងតំបន់ LOCATEL ដែលផ្តល់ជំនួយគ្រាអាសន្នបាននិយាយថា “យើងកំពុងបន្តធ្វើការដើម្បីផ្តល់ព័ត៌មានដល់សាច់ញាតិជនរងគ្រោះ និងស្វែងរកមូលហេតុពិតប្រាកដនៃគ្រោះថ្នាក់នេះ”៕

ប្រែសម្រួលដោយ៖ Vann Vann

ប្រភព៖ ABC

ចុចអាន៖ រន្ធត់! ស្លាប់និងរបួសមនុស្សជាង១០០នាក់ ក្នុងហេតុការណ៍រថភ្លើងធ្លាក់ផ្លូវនៅ អេហ្ស៊ីប

The post Breaking News! មនុស្សជិត១០០នាក់ ស្លាប់និងរបួស ក្នុងហេតុការណ៍បាក់ផ្លូវរថភ្លើងនៅ ម៉ិកស៊ិក appeared first on Kampuchea Thmey Daily.

ដូសក្លែងក្លាយនៃវ៉ាក់សាំងចាក់ពីរដង ដែលត្រូវបានអភិវឌ្ឍជាមួយដៃគូអាល្លឺម៉ង់ BioNTech SE ត្រូវបានគេរកឃើញនៅក្នុងប្រទេសម៉ិកស៊ិក និងប៉ូឡូញ។

វ៉ាក់សាំងនៅប្រទេសម៉ិកស៊ិក គឺមានដាក់ស្លាកក្លែងបន្លំ ខណៈវ៉ាក់សាំងដែលត្រូវបានរកឃើញនៅប៉ូឡូញ គឺមានផ្ទុកសារធាតុដែលត្រូវបានគេប្រើប្រាស់នៅក្នុងផលិតផលថែរក្សាស្បែក។

វាគឺជាការប៉ុនប៉ងចុងក្រោយបង្អស់នៅក្នុងឧក្រិដ្ឋកម្មទាក់ទងនឹងវ៉ាក់សាំង ស្របពេលដែលជនល្មើសព្យាយាមទាញយកប្រយោជន៍ ពីយុទ្ធនាការចាក់ថ្នាំបង្ការរោគទូទាំងពិភពលោក និងរកប្រាក់ចំណេញពីវ៉ាក់សាំងសង្គ្រោះជីវិត។

នៅប្រទេសម៉ិកស៊ិក មនុស្សប្រមាណ៨០នាក់នៅគ្លីនិកមួយក្នុងរដ្ឋ Nuevo León បានទទួលវ៉ាក់សាំងក្លែងក្លាយ ជាមួយតម្លៃប្រហែល១,០០០ដុល្លារ ក្នុងមួយដូស។

លោកវេជ្ជបណ្ឌិត Manuel de la O រដ្ឋលេខាធិការក្រសួងសុខាភិបាលរដ្ឋ បានប្រាប់កាសែត The Journal ថា វ៉ាក់សាំងទាំងនេះត្រូវបានរកឃើញនៅក្នុងធុងទឹកកក។

ទោះបីជាយ៉ាងណាក៏ដោយ គ្មានមនុស្សណាម្នាក់ហាក់ដូចជាមានប្រតិកម្មក្រោយចាក់វ៉ាក់សាំងទេ ហើយមនុស្ស៦នាក់ត្រូវបានឃុំខ្លួន។

ទន្ទឹមនឹងនេះដែរ នៅប្រទេសប៉ូឡូញ វ៉ាក់សាំងក្លែងក្លាយត្រូវបានរឹបអូសពីផ្ទះល្វែងរបស់បុរសម្នាក់ ហើយហាក់ដូចជាមិនទាន់ចាក់ឲ្យនរណាម្នាក់ទេ។

កាសែត The Journal បានរាយការណ៍ថា វត្ថុរាវនៅខាងក្នុងដូស ត្រូវបានពិនិត្យ ហើយមើលទៅគឺជាថ្នាំព្យាបាលស្នាមជ្រួញ។

គួរបញ្ជាក់ថា វ៉ាក់សាំងកូវីដ ក្លែងក្លាយរាប់ពាន់ដូស ក៏ត្រូវបានរឹបអូសដោយប៉ូលិសនៅប្រទេសចិននិងអាហ្វ្រិកខាងត្បូងផងដែរ​ កាលពីខែមីនា៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ អ្នកជំនាញណែនាំ ផឹកទឹកឲ្យបានច្រើន មុននិងក្រោយពេលចាក់វ៉ាក់សាំង

The post រកឃើញវ៉ាក់សាំងកូវីដក្លែងក្លាយនៅម៉ិកស៊ិក ឯនៅប៉ូឡូញ យកថ្នាំបំបាត់ស្នាមជ្រួញក្លែងធ្វើវ៉ាក់សាំង appeared first on Kampuchea Thmey Daily.

នៅក្នុងរឿងរ៉ាវមិននឹកស្មានដល់ដែលកើតចេញពីប្រទេសម៉ិកស៊ិក បុរសអាយុ២៩ឆ្នាំឈ្មោះ Mario Alberto កំពុងរង់ចាំលទ្ធផលនៃការធ្វើតេស្តទីពីរនៅពេលគាត់សម្រេចចិត្តបញ្ចប់ជីវិតខ្លួនឯងនៅក្នុងបន្ទប់ទឹកមន្ទីរពេទ្យ។

បុរសម្នាក់នេះត្រូវបានគេបញ្ជូនទៅមណ្ឌលសុខភាពក្នុងទីក្រុង Monclova បន្ទាប់ពីលទ្ធផលនៃការធ្វើតេស្តរហ័សបង្ហាញថា គាត់បានឆ្លងជំងឺកូវីដ១៩។

វេជ្ជបណ្ឌិតបានបញ្ជាក់អំពីលទ្ធផលវិជ្ជមានហើយនៅពេលគាត់មានរោគសញ្ញាមួយចំនួន វេជ្ជបណ្ឌិតបានបញ្ជាឲ្យមានការធ្វើតេស្តលើកទីពីរដើម្បីបញ្ជាក់ពីរោគវិនិច្ឆ័យរបស់គាត់។

ខណៈពេលកំពុងត្រូវបានព្យាបាលនៅក្នុងបន្ទប់ពិសេសសម្រាប់ជំងឺកូវីដ១៩ លោក Mario បានចូលបន្ទប់ទឹករយៈពេល២០នាទីដោយគ្មានអ្នកណាយកចិត្តទុកដាក់។

គិលានុបដ្ឋាយិកាម្នាក់បានឃើញគាត់ចង.កសម្លាប់ខ្លួនជាមួយនឹងកម្រាលពូក។

លទ្ធផលនៃការធ្វើតេស្តលើកទី២បានបង្ហាញថា គាត់មិនមានឆ្លងជំងឺនោះទេ។

អង្គការសុខភាពពិភពលោកចាត់ទុកការធ្វើតេស្តរហ័សថាមានភាពត្រឹមត្រូវជាងមុនក្នុងការស្កេនរកវត្តមានរបស់វីរុសកូរ៉ូណាប៉ុន្តែមិនអាចយកជាការបាន១០០ភាគរយនោះទេ៕

ប្រែសម្រួលដោយ៖ Vann Vann

ប្រភព៖ Daily Star

ចុចអាន៖ បាងកក​ បិទសាលាទាំងអស់២សប្តាហ៍ព្រោះស្ថានការណ៍កាន់តែធ្ងន់ធ្ងរ

ចុចអាន៖ ចិន ប្រកាសចាក់វ៉ាក់សាំងកូវីដដល់ប្រជាជនទាំងមូលដោយមិនគិតថ្លៃ

The post ស្មានឆ្លងកូវីដ បុរសម្នាក់ ចង ក សម្លាប់ខ្លួនតែលទ្ធផលមិនអ៊ីចឹងឯណា appeared first on Kampuchea Thmey Daily.