អ្នកជំនាញណែនាំ ផឹកទឹកឲ្យបានច្រើន មុននិងក្រោយពេលចាក់វ៉ាក់សាំង

អ្នកជំនាញផ្នែកវេជ្ជសាស្ត្របាននិយាយថា វាជារឿងធម្មតាទេដែលអ្នកមានអារម្មណ៍មិនស្រួលខ្លួនរហូតដល់ទៅ៤៨ម៉ោង ក្រោយពេលចាក់រួច។ នោះជាសញ្ញាបង្ហាញថា វ៉ាក់សាំងកំពុងបំពេញការងាររបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផលប៉ះពាល់ដែលអ្នកអាចជួបប្រទះបន្ទាប់ពីការចាក់វ៉ាក់សាំង អាចពឹងផ្អែកលើប្រភេទធំៗ ដូចជាអាយុនិងភេទ ក៏ដូចជាលក្ខណៈបុគ្គលបន្ថែមទៀតដូចជាហ្សែនឬប្រវត្តិនៃការឆ្លងរោគផងដែរ។

ក្រុមអ្នកជំនាញ បានណែនាំឲ្យអ្នកផឹកទឹកឲ្យបានច្រើនមុននិងក្រោយពេល ចាក់វ៉ាក់សាំងការពារជំងឺកូវីដ-១៩។

ផលរំខានដូចជាគ្រុនក្តៅនិងចង្អោរ អាចធ្វើឲ្យអ្នកខ្សោះជាតិទឹក។ ឬប្រសិនបើអ្នកខ្សោះជាតិទឹករួចទៅហើយនោះ ក៏អាចធ្វើឲ្យផលប៉ះពាល់របស់អ្នកកាន់តែធ្ងន់ធ្ងរផងដែរ។

វេជ្ជបណ្ឌិត Sharon Nachman ប្រធានផ្នែកឆ្លងជំងឺកុមារ នៅមន្ទីរពេទ្យកុមារ Stony Brook បា​នប្រាប់ Insider ថា មានតិចនិចងាយមួយ ដែលត្រូវប្រាប់ថាតើអ្នកគួរតែផឹកទឹកបន្ថែមឬក៏អត់។

លោកស្រីនិយាយថា “ប្រសិនបើឆ្លុះកញ្ចក់ និងលៀនអណ្តាតរបស់អ្នក ហើយអណ្តាតរបស់អ្នកមានពណ៌សនោះ អ្នកមិនមានជាតិទឹកទេ”។

ដូចនេះ អ្នកគួរតែផឹកទឹកឲ្យបានច្រើន៕

ប្រែសម្រួលដោយ៖ Vann Vann

ប្រភព៖ Business Insider

ចុចអាន៖ ធ្លាប់តែជួយផ្តល់ឧបករណ៍ធ្វើតេស្តនិងម៉ាស់ទៅឲ្យអាមេរិក ពេលនេះកូរ៉េខាងត្បូង សុំឲ្យក្រុងវ៉ាស៊ីនតោនជួយផ្តល់វ៉ាក់សាំងវិញផងព្រោះខ្លួនកំពុងខ្វះខាត