អាជីវករលក់ផ្លែឈើនៅក្បែរង្វង់មូលគោព្រៃ ក្រុងសែនមនោរម្យ អ្នកស្រី កែវ អាយុ ៣៥ឆ្នាំ បានឱ្យដឹងថា ផ្លែប័រដែលសម្បូរខ្លាំងជាងគេក្នុងរដូវខែនេះ ជាប្រភេទផ្លែប័រមូល ពូជប៊ូត វាមានរស់ជាតិមិនចាញ់ផ្លែប័រពូជវែង ០៣៤ ដែលកសិករបានប្រមូលអស់មួយរយៈកន្លងមកហើយ។ ចំពោះប័រប៊ូតនេះ សាច់ក្រាសស្ងួតរមួតរសជាតិផ្អែមឆ្ងាញ់។ បើតាមអ្នកស្រី ៖«ប័រប៊ូតនេះ លក់ចេញបានតម្លៃ ៥ ០០០ រៀល ក្នុងមួយគីឡូ មួយថ្ងៃៗប្រមូលទិញពីកសិករបានច្រើនដែរ។ ពេលខ្លះភ្ញៀវទេសចរមិនស្គាល់ប័រនេះទេ ប៉ុន្តែបន្ទាប់ពីបានភ្លក្សហើយគាត់ថាឆ្ងាញ់ និងទិញច្រើនគីឡូទៀតផង»។

អតិថិជនក៏ដូជាភ្ញៀវទេសចរនិយមទទួលទានប័រនេះឱ្យតែដល់រដូវប្រមូលផល ព្រោះវាមានតម្លៃធូរថ្លៃត្រឹម ៥ ០០០ រៀលប៉ុណ្ណោះក្នុងមួយគឺឡូក្រាម។ អជីវកររូបនេះបញ្ជាក់ថា អ្នកដែលធ្លាប់ទទួលទានតាមបណ្ដាលខេត្តផ្សេងនាពេលកន្លងមក តែងតែធ្វើការកម្មង់ជាប្រចាំ ពិសេសគឺទីក្រុងភ្នំពេញផងដែរ។

បន្ថែមពីនេះ ក្នុងនាមអាជីវករលក់ផ្លែឈើបន្តនៅផ្សាក្រុងសែនមនោរម្យ អំពាវនាវដល់ប្រជាពលរដ្ឋ ភ្ញៀវទេសចរទាំងអស់សូមជួយគាំទ្របន្លែផ្លែឈើក្នុងស្រុក ពិសេសផ្លែប័រធម្មជាតិក្នុងខេត្តមណ្ឌលគិរី ដាំដុះដោយកសិករ ដើម្បីរួមចំណែកលើកកម្ពស់ជីវភាពគ្រួសារពួកគេ។

ជាមួយគ្នានេះ ភ្ញៀវទេសចរដែលមកកម្សាន្តក្នុងខេត្តមណ្ឌលគិរីឈ្មោះ វេង សេង រស់នៅទីក្រុងភ្នំពេញ បានបង្ហាញចំអារម្មណ៍ថា បន្ទាប់ពីសាកល្បងភ្លក្សនៅរសជាតិផ្លែប័រមូលនេះ ឃើញថាមានរសជាតិឈ្ងុយឆ្ងាញ់ ផ្អែមរមួត។ បើតាមលោក សេង ប្រៀបធៀបថា៖«ខ្ញុំធ្លាប់ទិញនៅភ្នំពេញអត់សូវឆ្ងាញ់ដូចប័រនេះទេ ពិសេសតម្លៃប័រខេត្តធូរថ្លៃជាង»។

ក្នុងនាមភ្ញៀវទេសចរមួយរូប ក៏សូមអំពាវនាវទៅដល់ ប្រជាពលរដ្ឋភ្ញៀវទេសចរដែលបានមកកម្សាន្តនៅខេត្តមណ្ឌលគិរី ងាកមកជួយគាំទ្រផលិតផលក្នុងស្រុក ជាពិសេសរដូវផ្លែប័រធម្មជាតិប្រចាំតំបន់ ដាំដោយកសិករផ្ទាល់ មិនប្រើប្រាស់សារធាតុគីមី សម្បូរវីតាមីនជំនួយទៅដល់សុខភាព។

ចំណែកភ្ញៀវទេសចរម្នាក់ទៀត អ្នកស្រី ធីតា បានលើកឡើងថា៖« មិនថា ផ្លែប័រ ក្រូច ផាសិន និងបន្លែផ្លែឈើផ្សេងៗ នៅក្នុងខេត្តមណ្ឌលគិរី ខ្ញុំទិញហូបរហូត​។ ខ្ញុំមកលេងខេត្តនេះ ក្រៅពីដើរលេងកម្សាន្តនៅតាមរមណីយដ្ឋាន មើលទេសភាពព្រៃភ្នំ ក៏មានបំណងទិញផ្លែឈើពីខេត្តទៅហូបនៅភ្នំពេញ និងចែកបងប្អូនផងដែរ»៕

អត្ថបទ៖ រៀម សុខហេង

The post កសិករក្នុងខេត្តមណ្ឌលគិរី ចាប់ផ្តើមប្រមូលផលផ្លែប័រពូជប៊ូត រាងមូល មានរសជាតិឆ្ងាញ់ appeared first on Kampuchea Thmey Daily.

អ្នកស្រី ឡង ស្រីម៉ៅ អាយុ៣២ឆ្នាំ ដែលជាអាជីវកលក់ផ្លែឈើនៅក្បែររង្វង់មូលគោព្រៃ ក្រុងសែនមនោរម្យ បានឱ្យដឹងនៅថ្ងៃទី ៣ខែកញ្ញានេះថា ជាទូទៅផ្លែប័រធម្មតាផុតរដូវប្រមូលផលចាប់តាំងពីចុងខែខែសីហា ហើយប័រធម្មតានេះ ក៏ទទួលបានការពេញនិយមពីសំណាក់អតិថិជនដែរ។ ទោះបីជាផុតរដូវប័រធម្មតា ប៉ុន្តែក្នុងខេត្តមណ្ឌលគិរី ដែលស្ថិតនៅភូមិភាគឦសាន នឹងចាប់ផ្តើមប្រមូលផលផ្លែប័រប៊ូត ចាប់ពីខែកញ្ញានេះតទៅ។

អ្នកស្រីបន្តថា៖« ផ្លែប័រប៊ូតនេះវាមានរាងមូលសាច់ក្រាស់ រមួតឆ្ងាញ់ ប៉ុន្តែវារាងខុសពីប័រធម្មតាបន្តិច វាមានសភាពទុំខៀវ មិនទុំក្រហមដូចប័រធម្មតានោះទេ»។ផ្លែឈើមួយប្រភេទនេះ វាចាប់ផ្ដើមឱ្យផលចន្លោះពីខែ កញ្ញា រហូតដល់ខែធ្នូទើបចាប់ផ្ដើមស្បើយការប្រមូលផល។

ក្នុងនាមអាជីវករលក់ផ្លែឈើ អ្នកស្រី ឡង ស្រីម៉ៅ អំពាវនាវដល់ប្រជាពលរដ្ឋជាពិសេសភ្ញៀវទេសចរ ដែលមកកម្សាន្តនៅក្នុងខេត្តមណ្ឌលគិរី សូមមេត្តាគាំទ្រផលិតផលធម្មជាតិ ដែលដាំដោយកសិករផ្ទាល់មិនមានប្រើប្រាស់សារធាតុគីមី មានរសជាតិរួមមួតឆ្ងាញ់ តម្លៃធូថ្លៃត្រឹម ៥០០០រៀលប៉ុណ្ណោះក្នុង១គីឡូក្រាម និងបរិភោគជំនួយទៅដល់សុខភាព។

ពាក់ព័ន្ធដំណាំផ្លែប័រនេះ លោក សុង ឃាង ប្រធានមន្ទីរកសិកម្មខេត្តមណ្ឌលគិរី ធ្លាប់ប្រាប់កម្ពុជាងថ្មីថា រដូវប្រមូលផលផ្លែប័រនៅក្នុងខេត្តមណ្ឌលគិរីចាប់ពីចន្លោះខែ មិថុនា ដល់ សីហា ទៅតាមប្រភេទពូជប័រនីមួយៗ។ អំឡុងខែ មិថុនា ដល់ សីហា ប្រមូលផលផ្លែប័រដែលជាពូជមានដាំតាំងពីទសវត្សឆ្នាំ ៨០។ បើតាមប្រធានមន្ទីរកសិកម្មខេត្តមណ្ឌលគិរី កសិករនឹងធ្វើការប្រមូលផលពូជប័រប្រភេទផ្សេងទៀតដូចជាពូជ ៣៤ និងពូជប័រមួយចំនួនទៀត។

គួរជម្រាបថា ដីដាំដុះដំណាំផ្លែប័រនៅទូទាំងខេត្តមណ្ឌលគិរី មានរង្វង់ ៤០០ហិតា ក្នុងនោះផ្ទៃដីប្រមូលផលមានប្រមាណ ២០០ ហិកតាប៉ុណ្ណោះ។ ក្រៅពីដំណាំផ្លែប័រក្នុងខេត្តមណ្ឌលគិរី បច្ចុប្បន្នក៏មានដំណាំសក្ដានុពលមួយចំនួនទៀតដូចជា ក្រូច ផាសសិន និងទុរេន សម្រាប់នាំចេញយកទៅផ្គត់ផ្គង់តម្រូវការទីផ្សាររាជធានីភ្នំពេញនិងតាមបណ្ដាខេត្តមួយចំនួន៕

អត្ថបទ៖ រៀម សុខហេង

The post កសិករក្នុងខេត្តមណ្ឌលគិរី ចាប់ផ្តើមប្រមូលផលផ្លែប័រមួយប្រភេទទៀត ពីខែកញ្ញានេះតទៅ appeared first on Kampuchea Thmey Daily.

អ្នកស្រី ម៉ៅ អាយុ៤១ឆ្នាំ ជាអាជីវករលក់ផ្លែឈើគ្រប់មុខនៅក្រុងសែនមនោរម្យបានប្រាប់ «កម្ពុជាថ្មី» ឲ្យដឹងនៅថ្ងៃទី៣ ខែកក្កដា ថា ផ្លែប័រប្រចាំតំបន់ភូមិភាគឦសានខេត្តមណ្ឌលគិរីចាប់ផ្ដើមឲ្យផលបណ្តើរៗចន្លោះពីដើមខែមិថុនាមកម្លេះ ហើយបច្ចុប្បន្នផ្លែប័រដែលសម្បូរមានពីរប្រភេទ គឺប្រភេទ ប័រមូលដែលជាផ្លែប័រប្រចាំខេត្តមណ្ឌលគិរីមុនគេបង្អស់ ឯមួយប្រភេទទៀត គឺកសិករនិយមដាំដុះគឺជាប្រភេទ ផ្លែប័រ០៣៤ដែលវាមានរាងវែង គ្រាប់ក៏មិនសូវធំ សាច់ល្មួតផ្អែមឆ្ងាញ់។ ហើយផ្លែប៊័រដែលអតិថិជន ឧស្សាហ៍កុម្ម៉ង់ ច្រើនទៅតាមបណ្ដាខេត្តនោះ គឺខេត្តកំពង់ចាម ខេត្តរតនគិរី ខេត្តសៀមរាបខេត្តបាត់ដំបងជាពិសេស គឺរាជធានីភ្នំពេញ។

អាជីវកររូបនេះបានបញ្ជាក់ថា តម្លៃប័រពីដើមរដូវមានតម្លៃចន្លោះពី៧០០០ ទៅ៨០០០រៀល រីឯពូជផ្លែប័រ០៣៤ដែលមានតម្លៃចន្លោះពី១០០០០ទៅ១២០០០រៀលឯណោះ។ ប៉ុន្តែនៅពេលបច្ចុប្បន្ននេះផ្លែប័រដាំដុះដោយមិនមានប្រើប្រាស់សារជាតិគីមីក្នុងខេត្តមណ្ឌលគិរី សម្រាប់ប័រធម្មតាមានតម្លៃចន្លោះពី៤០០០ទៅ៥០០០រៀលប៉ុណ្ណោះ។

សម្រាប់ ផ្លែប័រសម្បូរជនលើទីផ្សារដែលកសិករប្រមូលផលព្រមគ្នានេះ ក្នុងនាមអាជីវករលក់ផ្លែឈើនៅក្រុងសែនមនោរម្យក៏បានអំពាវនាវទៅដល់ប្រជាពលរដ្ឋក៏ដូចភ្ញៀវទេសចរដែលបានមកកម្សាន្តនៅក្នុងខេត្តមណ្ឌលគិរីមេត្តាជួយគាំទ្រផលិតផលស្រស់ខ្មែរដែលដាំដោយកសិករនៅក្នុងខេត្ត ដែលមិនបាននាំចូលពីប្រទេសខាងក្រៅមិនមានប្រើប្រាស់សារជាតិគីមី មិនធ្វើប៉ះពាល់ដល់សុខភាព ហើយអ្វីដែលពិសេសគឺតម្លៃធូថ្លៃអាចទទួលយកបានផងដែរ។

ទន្ទឹមនឹងនោះអាជីវករមួយរូបទៀតមានឈ្មោះ សោម ម៉ាឡា អាយុ៥៦ឆ្នាំមានទីលំនៅក្រុងសែនមនោរម្យក៏បានលើក ឡើងផងដែរថា បច្ចុប្បន្នគាត់ក៏មាន ផ្លែប័រក្នុងចម្ការផ្ទាល់ខ្លួនផងដែរហើយលើសពីនោះគាត់ក៏ទទួលទិញផ្លែប័រពីកសិករប្រជាពលរដ្ឋតាមចម្កាផ្សេងក្នុងខេត្តមណ្ឌលគិរីបន្តទៀតផង។ អ្នកស្រីបានបញ្ជាក់ផងដែរថា ផ្លែប័រក្នុងខេត្តមណ្ឌលគិរីចាប់ផ្ដើមសម្បូរ ស្ទើរគ្រប់ចម្ការរបស់កសិករក្នុងខេត្តមណ្ឌលគិរី ហើយក៏បានអំពាវនាវទៅដល់ភ្ញៀវទេសចរមេត្តាជួយគាំទ្រផ្លែឈើផលិតផលខ្មែរនៅខេត្តមណ្ឌលគិរីពិតប្រាកដ ទន្ទឹមនឹងនោះ គឺតម្លៃធូរតម្លៃសមរម្យ។

ជាមួយគ្នានេះ បើតាមរបាយការណ៍របស់មន្ទីរកសិកម្មរុក្ខាប្រមាញ់ និងនេសាទខេត្តមណ្ឌលគិរី បានបង្ហាញថា ដំណាំផ្លែប័រនៅទូទាំងខេត្តមណ្ឌលគិរីមានផ្ទៃដីសរុបចំនួន៣១២ហិកតា ស្មើនិង(១៨%) បរិមាណផល២.៨៧៧ តោន បើគិតក្នុងឆ្នាំ២០២៤៕

អត្ថបទ៖ រៀម សុខហេង

The post ផ្លែប័រមណ្ឌលគិរី ចាប់ផ្ដើមសម្បូរខ្លាំង តម្លៃក៏ធូ អាជីវករអំពាវនាវឲ្យមានការគាំទ្រកសិផលខ្មែរ appeared first on Kampuchea Thmey Daily.

កសិករមួយរូបអ្នកស្រី ដាំប៉ែន រាជនី មានអាយុ៣៣ឆ្នាំ មានទីលំនៅបច្ចុប្បន្នស្ថិតក្នុងភូមិឡៅកា សង្កាត់សុខដុមក្រុងសែន មនោរម្យខេត្តមណ្ឌលគិរី បានប្រាប់«កម្ពុជាថ្មី»ថា សព្វថ្ងៃគាត់បានប្រកបរបរកសិកម្មដាំដំណាំផ្សេងៗជាច្រើនប្រភេទ រួមទាំងប័រផងដែរ ដែលមានផ្ទៃដីចំនួន២ហិកតា។ អ្នកស្រីបានបន្ថែមថា នៅក្នុងចម្ការរបស់គាត់សព្វថ្ងៃមានដំណាំប័រចំនួន២ប្រភេទ ពូជទី១ជាប្រភេទប័រមូលដែលប្រជាពលរដ្ឋទូទៅក្នុងខេត្តមណ្ឌលគិរីដាំតាមលំនៅឋាន​ និងចម្ការ។ ទី២ជាប្រភេទពូជប័រ០៣៤ ដែលកសិករភាគច្រើននិយមដាំនៅពេលបច្ចុប្បន្ននេះ វាមានជាតិឈ្មុយ ផ្អែមស្អិត ថែមទាំងគ្រាប់ខាងក្នុងរាងតូចទៀត បើធៀបនឹងផ្លែប័រធម្មតា។

អ្នកស្រីបានបញ្ជាក់ថា ផ្លែប័រនៅក្នុងចម្ការរបស់គាត់ចាប់ពីដើមខែឧសភា គាត់ចាប់ផ្តើមប្រមូលផលផ្លែប័របោះលក់លើទីផ្សារបានតម្លៃថ្លៃគួរសមចន្លោះពី៨០០០រដល់១០០០០រៀល។ ប៉ុន្តែចាប់ពីចូលដើមខែមិថុនានេះផ្លែប័រក្នុងចម្ការចាប់ផ្តើម ឲ្យផលច្រើនបណ្តើរៗហើយ។ បើនិយាយតម្លៃវិញក៏ចុះផងដែរ គឺនៅសល់ត្រឹម ៥០០០ទៅ៦០០០រៀលប៉ុណ្ណោះ។

ក្នុងនាមកសិករមួយរូបក្នុងខេត្តមណ្ឌលគិរី ដែលមានបទពិសោធក្នុងការថែទាំ និងលក់ផ្លែប័រនៅលើទីផ្សារច្រើនឆ្នាំ សូមអំពាវនាវទៅដល់ប្រជាពលរដ្ឋក៏ដូចជាភ្ញៀវទេសចរ ដែលបានមកកម្សាន្តនៅក្នុងខេត្តមណ្ឌលគិរី មេត្តាជួយគាំទ្រផលិតផលប័រខ្មែរ ដែលដាំដោយកសិករនៅក្នុងខេត្តមណ្ឌលគិរីផ្ទាល់តែម្តង ជាពិសេសតម្លៃក៏ធូរថ្លៃផងដែរ ហើយមានរសជាតិឈ្ងុយផ្អែមឆ្ងាញ់ហើយអតិថិជនអាចទំនាក់ទំនងទិញដល់ចម្ការផ្ទាល់ដែលគិតក្នុងតម្លៃបោះដុំដូចភ្ញៀវដែរកម្មង់ខាងភ្នំពេញ។ ដែលចៀសវាងទិញប៉ះផលិតផលក្លែងក្លាយព្រោះ នៅលើទីផ្សារបច្ចុប្បន្នមានទាំងផលិតផលនាំចូលពីក្រៅស្រុក ដែលមិនមែនជារបស់ធម្មជាតិ របស់កសិករនៅខេត្តមណ្ឌលគិរី៕

អត្ថបទ៖ រៀម សុខហេង

The post ផ្លែប័រនៅខេត្តមណ្ឌលគិរី ចាប់ផ្ដើម​ហុចផល​ច្រើន ហើយតម្លៃក៏ធូរ appeared first on Kampuchea Thmey Daily.

អាជីវករលក់ផ្លែឈើមួយរូបឈ្មោះ ឡុង ស្រីម៉ៅ អាយុ៣៦ឆ្នាំ មានទីលំនៅបច្ចុប្បន្នក្រុងសែនមនោរម្យ ខេត្តមណ្ឌលគិរី បានប្រាប់ «កម្ពុជាថ្មី» នៅថ្ងៃទី១៦ ខែឧសភា ឆ្នាំ២០២៥នេះថា គាត់មានមុខរបរលក់ផ្លែឈើនេះចាប់តាំងពីឆ្នាំ២០១៨​មកម្លេះ ហើយសព្វថ្ងៃគាត់មានលក់ផ្លែឈើគ្រប់មុខដែលមានទីតាំងនៅក្បែរង្វង់គោព្រៃ។ អ្នកស្រីបន្តថា សម្រាប់ផ្លែប័រប្រចាំតំបន់ក្នុងខេត្តមណ្ឌលគិរី ចាប់ផ្ដើមសម្បូបណ្តើរៗហើយនៅដើមដៃ ចាប់តាំងពីចូលដើមខែឧសភានេះទៅ ប៉ុន្តែសម្រាប់ផ្លែប័រនេះមិនទាន់ឲ្យផលច្រើននៅឡើយទេ នៅតាមចម្ការលំនៅដ្ឋានរបស់ប្រជាពលរដ្ឋ។

អាជីវកររូបនេះបន្ថែមថា ផ្លែប័រមណ្ឌលគិរីចាប់ផ្តើមសម្បូខ្លាំងក្នុងខែមិថុនា ទៅដល់ខែកក្តដា ពេលចុងដៃ ទើបស្បើយខ្លះ។ លើសពីនេះ ស្របពេលដែលដល់រដូវផ្លែប័រធម្មជាតិនេះ ផ្លែឈើផ្សេងក៏ហាក់ដល់រដូវផងដែររួមមាន ផ្លែទាបបារាំង និងផ្លែក្រូចវល្លិ៍។ អាជីវកររូបនេះ បានបញ្ជាក់ថា គាត់ប្រមូលទិញប័រតាមចម្ការរបស់កសិករ ជាពិសេស ផ្លែប័រតាមមូលដ្ឋានរបស់បងប្អូនជនជាតិដើមភាគតិចព្នង ហើយក្នុងមួយថ្ងែគាត់ទទួលទិញបានចន្លោះពី៤០ទៅ៥០គីឡូក្រាម តាមថ្ងៃខ្លះលក់ដាច់តាមតិចតាមច្រើនប៉ុណ្ណោះ។ ហើយបើមានអតិថិជននៅខាងភ្នំពេញ ឬតាមបណ្តាខេត្តផ្សេងកម្មង់ច្រើន គាត់ក៏អាចទទួលទិញពីពលរដ្ឋច្រើនជាងនេះបន្ថែមទៀតផង។ លើសពីនេះ ផ្លែប័រខេត្តមណ្ឌលគិរី ចាប់សម្បូឲ្យផលខ្លាំងស្ទើរគ្រប់ចម្ការ ពេលខ្លះអាជីវករទទួលទិញហើយលក់មិនទាន់ អាចនឹងទុំជ្រុះតាមដើមចោលផងដែរ។

ក្នុងនាមអាជីវករមួយរូបដែលទទួលទិញផ្លែឈើផ្សេងៗលក់បន្តនៅក្រុងសែនមនោរម្យ អ្នកស្រី ឡុង ស្រីម៉ៅ ក៏សូមអំពាវនាវដល់អតិថិជនទាំងអស់សូមជួយគាំទ្រផ្លែឈើផ្សេៗដែលដាំដោយប្រជាពលរដ្ឋក្នុងខេត្តមណ្ឌលគិរី ជាពិសេសផ្លែប័រធម្មជាតិទើបតែដល់ដើមដៃដែលមានរសជាតិផ្អែមស្អិតរមួតឆ្ងាញ់ពិតៗ។ ជាមួយគ្នានេះ ស្របពេលដែលផ្លែប័របានផលបណ្តើរៗ លោក សុង ឃាង ប្រធានមន្ទីរកសិកម្មរុក្ខាប្រមាញ់ និងនេសាទ បានប្រាប់«កម្ពុជាថ្មី»ឲ្យដឹងផងដែថា ផ្លែប័រទូទាំងខេត្តមណ្ឌលគិរី មានផ្ទៃដីសរុប ៣១២ ហិកតា បរិមាណផលសរុប ២.៨៧៧តោនក្នុងមួយឆ្នាំ៕

អត្ថបទ៖ រៀម សុខហេង

The post រដូវផ្លែប័រនៅខេត្តមណ្ឌលគិរី ចាប់ផ្ដើមដល់បណ្ដើរៗ​ហើយ appeared first on Kampuchea Thmey Daily.

ប្រភពដដែលបានឱ្យដឹងថា អ្នកជំងឺខ្សោយតម្រងនោមកម្រិតធ្ងន់ គឺតម្រូវឱ្យប្រើប្រាស់ថ្នាំទៀងទាត់ ដើម្បីកាត់បន្ថយគ្រោះ ថ្នាក់ផ្សេងៗជាយថាហេតុ ដូចជាការឡើងសំពាធឈាម ហើមសួត និងវិបត្តិចលនាបេះដូងជាដើម។ ក្រៅពីនេះ ក៏ត្រូវ​យក​ចិត្តទុកដាក់លើការទទួលទានផងដែរ ពិសេសការទទួលទានអាហារប្រៃខ្លាំងដូចជា ប្រហុក ផ្អក ឬឆៃប៉ូវ និងអាហារដែលមានផ្ទុកសារធាតុប៉ូតាស្យូមខ្ពស់ដូចជា ចេក ក្រូច ផ្លែប័រ និងផ្លែដូង ជាដើម។

តាមការគូសបញ្ជាក់ បើសិនជាអ្នកជំងឺខ្សោយតម្រងនោម ទទួលទានអាហារដែលមានរៀបរាប់ខាងលើនេះ ពិសេសការទទួលទានអាហារដែលមានសារធាតុប៉ូតាស្យូមខ្ពស់ អាចនឹងបង្កឱ្យគ្រោះថ្នាក់ធ្ងន់ធ្ងរ និងបានណែនាំទៀតថា សម្រាប់ការទទួលទានសារជាតិអំបិល ធ្វើយ៉ាងណាមិនឱ្យលើសពី ៥ក្រាម ក្នុងរបបអាហារប្រចាំថ្ងៃឡើយ។ លើសពីនេះ ត្រូវកាត់បន្ថយ​សារធាតុខ្លាញ់ ដែលមានប្រពភពីសត្វ និងអាហារដែលមានសារធាតុផូស្វ័រ។

បើតាមការណែនាំ អ្នកជំងឺប្រភេទនេះ ត្រូវទទួលទឹកស្អាតក្នុងកម្រិតធម្មតា (១,៥ – ៣លីត្រ/ថ្ងៃ) បន្លែឆ្អិន ហើយ​បើ​ចំពោះ​សាច់ ដូចជាត្រី, មាន់, ទា គឺអាចទទួលបានក្នុង​កម្រិតសមល្មម ដោយមានជាឧទាហរណ៍បញ្ជាក់ សម្រាប់អ្នកជំងឺទំងន់ ៥០គីឡូក្រាម អាចបរិភោគសាច់សរុបមិនឱ្យលើសពី ១៥០ក្រាម ឬមួយខាំកន្លះក្នុងមួយថ្ងៃ។

គួរបញ្ជាក់ថា ការប្រើប្រាស់ថ្នាំសម្រាប់ការព្យាបាលតែមួយមុខ មិនគ្រប់គ្រាន់ទេ ចំពោះអ្នកជំងឺខ្សោយ​តម្រងនោម​កម្រិតធ្ងន់។ ហេតុនេះការទទួលទានបានត្រឹមត្រូវ ក៏ជាផ្នែកមួយអាចជួយថែរក្សាសុខភាព និងកាត់បន្ថយគ្រោះថ្នាក់ ប្រឈមផ្សេងៗផងដែរ៕

The post ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ appeared first on Kampuchea Thmey Daily.

លោក Bsckii មន្ទីរពេទ្យសាកលវិទ្យាល័យវេជ្ជសាស្ត្រ ៣ បាននិយាយថា ប័រមានផ្ទុកនូវសារធាតុចិញ្ចឹមជាតិប្រូតេអ៊ីនវីតាមីន B និងវីតាមីនអ៊ីក៏ផ្តល់នូវវីតាមីន C វីតាមីនខេ, Gluxit និងសារធាតុផ្សេងទៀត។ ក្នុង ១០០ ក្រាមនៃសាច់ប័ររួមមាន: ម្សៅ ១,៩ក្រាម ជាតិខ្លាញ់ ៩,៤ ក្រាមជាតិខ្លាញ់ ៦០ មីលីក្រាម, ស្ពាន់ធ័រ ១,៦ មីលីក្រាម និង វីតាមីនអ៊ី ២។

ជាមួយនឹងតម្លៃអាហារូបត្ថម្ភដ៏សំបូរបែប ការបរិភោគផ្លែប័ររាល់ថ្ងៃនឹងនាំមកនូវអត្ថប្រយោជន៍ជាច្រើនដល់សុខភាពរបស់អ្នកដូចជា៖​ ប្រសើរឡើងនូវសុខភាពសរសៃឈាមបេះដូង, ធ្វើឲ្យប្រសើរឡើងនូវប្រព័ន្ធរំលាយអាហារ, ការពារការរលាក, ការពារនិងការពារជំងឺពុកឆ្អឹង, ការពារជំងឺមហារីក, ធ្វើឲ្យប្រសើរឡើងនូវសុខភាពផ្លូវចិត្ត, ល្អសម្រាប់ខួរក្បាល, ការការពារចក្ខុវិស័យ, ល្អសម្រាប់ទារក, ជួយសម្រកទម្ងន់និងរក្សាទំងន់, ស្បែកសម្រស់កាន់តែតឹងណែន។

នេះជាអ្វីដែលមនុស្សមានទម្លាប់ទទួលទានប័រជារៀងរាល់ថ្ងៃ៖

នៅពេលដែលអ្នកចង់ញ៉ាំប័ររាល់ថ្ងៃ វាជាការល្អបំផុតក្នុងការបែងចែកវាជា ២-៣ ដងព្រោះផ្លែឈើនេះសំបូរទៅដោយថាមពល។ Maghan Cameron ដែលជាអ្នកជំនាញបាននិយាយថា នេះគឺស្របជាមួយនឹងការស្រាវជ្រាវដែលមនុស្សបរិភោគខ្លាញ់តិច បន្ទាប់ពីញ៉ាំផ្លែប័រ ហើយក៏ជាទម្លាប់ល្អ ពីព្រោះខ្លាញ់ភាគច្រើននៅក្នុងអាហារជាច្រើនគឺខ្លាញ់ឆ្អែតដែលមិនល្អសម្រាប់សុខភាព។

ជាពិសេសប័រ ពោរពេញទៅដោយខ្លាញ់ដែលមានសុខភាពល្អដើម្បីជួយយើងឲ្យឆាប់ឆ្អែតពេញលេញ។ ការរួមបញ្ចូលគ្នានៃប្រូតេអ៊ីនដែលមានជាតិខ្លាញ់និងជាតិសរសៃ គឺល្អណាស់ក្នុងការជួយរក្សាជាតិស្ករក្នុងឈាម និងជួយអ្នកមានអារម្មណ៍ថាឆ្អែតបានយូរ។​ ដូច្នោះហើយអ្នកដែលញ៉ាំមួយឬពាក់កណ្តាលនៃផ្លែប័រក្នុងអាហារ នឹងវែងជាងមុន។ ផ្លែបឺរបង្កើនបរិមាណអរម៉ូន Pyy ដែលជាអរម៉ូននេះនៅពេលមានការថយចុះ​ នឹងធ្វើឲ្យមនុស្សមានអារម្មណ៍ឃ្លានតិច។

លោកវេជ្ជបណ្ឌិត Zhaoping Li ប្រធានផ្នែកអាហាររូបត្ថម្ភគ្លីនិកសាកលវិទ្យាល័យកាលីហ្វ័រញ៉ាបានមានប្រសាសន៍ថាការសិក្សាខាងលើបានបង្ហាញថា ប្រសិនបើអ្នកចង់ឲ្យស្បែកនៅក្មេង និងពោរពេញទៅដោយភាពរឹងមាំប៉ុណ្ណោះទេ ប៉ុន្តែវាក៏ត្រូវការកែលម្អដំណើរការផងដែរ។ នៅពេលអ្នកថែរក្សារាងកាយទាំងមូលរបស់អ្នកជាមួយនឹងរបបអាហារសមហេតុផលស្បែករបស់អ្នកនឹងឆ្លុះបញ្ចាំងពីវាផងដែរ៕

អត្ថបទ៖ សាង ស្រីល័ក្ខ

ចុចអាន៖ដឹងខ្លួនថាមានជំងឺទឹកនោមផ្អែម គួរហូបផ្លែប័រជាជំនួយសុខភាព

The post តើមានអ្វីកើតឡើង​ ប្រសិនបើអ្នកញ៉ាំផ្លែប័រ ពេញមួយសប្តាហ៍? appeared first on Kampuchea Thmey Daily.

​

ទិន្នផល​ដែល​ទើប​ប្រមូល​បាន​តិចតួច ​​ភាគ​ច្រើន​បាន​ដឹក​ចេញ​ទៅលក់​នៅ​​រាជ​ធានី​ភ្នំពេញ និង​តាម​បណ្តា​ខេត្ត​មួយ​ចំនួន​។ នេះបើតាមលោក​ សុង​ ឃាង។

សព្វថ្ងៃ​នេះ​ផ្លែ​ប័រ​មណ្ឌល​គិរី​តម្លៃ​ទៅ​តាម​គុណភាព​ដោយ​ក្នុង​ ១​គីឡូ អាច​លក់​បាន​ចន្លោះ​ពី ៥ ពាន់រៀល ទៅ​ដល់ ១​ ម៉ឺន​រៀល ដែល​តម្លែ​នេះ​ប្រហាក់​ប្រហែល​គ្នា​ទៅ​នឹង​ឆ្នាំ​មុន​ដែរ​។

ស្រប​ទៅ​នឹង​ការប្រមូលផល​ ការ​ដាំដំណាំ​​ផ្លែ​ប័រ​នៅ​ក្នុង​ខេត្ត​មណ្ឌល​គិរី​ក៏​ប្រឈម​នឹង​បញ្ហា​អាកាស​ធាតុ​ផង​ដែរ ដែល​ឆ្នាំ​នេះ​អាកាស​ធាតុ​ក្តៅ​ខ្លាំង​ ​ជា​ហេតុ​ធ្វើ​ឱ្យ​​ផ្លែ​ប័រ​មិន​សូវ​ធំ និង​លូត​លាស់​​បាន​ល្អ​ដូច​ឆ្នាំ​មុន​ៗ ព្រម​ទាំង​ធ្វើ​ឱ្យ​ទិន្នផល​មាន​ការ​ថយ​ចុះ​​ផង​ដែរ។

ជាក់ស្តែង សម្រាប់​ការ​នាំ​ចេញ​មក​កាន់​ទីផ្សារ​រាជធានី​ភ្នំពេញ​បច្ចុប្បន្ន​ មិន​មាន​ឈ្មួញ​កណ្ដាល​មកបញ្ជា​ទិញ​នោះ​ទេ គឺប្រជាកសិករ​​នាំ​ចេញ​ដោយ​ខ្លួន​ឯង តាម​រយៈ​ការ​បញ្ជា​ទិញ​ពី​អ្នក​លក់​នៅ​ទីផ្សារ​រាជធានី​ភ្នំពេញ​ និងអ្នកធ្លាប់ទិញកាលមុន​។

លោក សុង ឃាង បាន​បញ្ជាក់ថា រដូវប្រមូល​ផល​ផ្លែ​ប័រ​នៅ​ក្នុង​ខេត្ត​មណ្ឌល​គិរី​ចាប់ពីចន្លោះ​ខែ​ មិថុនា ដល់ សីហា ទៅ​តាម​​ប្រភេទ​​ពូជ​ប័រ​នីមួយ​ៗ។ ​បច្ចុប្បន្ន​ កសិករ​ប្រមូល​ផល​ពូជ​ប័រ​ធម្មតា​​​ប៉ុណ្ណោះ​ ដែល​ជា​ពូជ​មាន​ដាំ​តាំង​ពី​ទសវត្ស​ឆ្នាំ​ ៨០។ យ៉ាងណា បើតាម​ប្រធាន​មន្ទីរកសិកម្ម​ខេត្ត​មណ្ឌលគិរី ​កសិករ​នឹង​ធ្វើ​ការ​ប្រមូល​ផល​ពូជ​ប័រ​មួយ​ប្រភេទ​ទៀត ដែល​គេ​ហៅ​ថា ពូជ​៣៤ ប៉ុន្តែ​ពូជ​នេះ​គឺ​ជា​ពូជ​ប័រ​នាំ​ចូល ហើយ​​ខែ​កក្កដា និង​សីហា អាច​ឈាន​ចូល​ប្រមូល​ផល​ប័រ​មួយ​ប្រភេទ​ទៀត​ដែល​គេហៅថាជា​ពូជ២៥។

ផ្ទៃ​ដី​ដាំ​ដុះ​ដំណាំ​ផ្លែ​ប័រ​នៅ​ទូទាំង​ខេត្ត​មណ្ឌល​គិរី មាន​រង្វង់​ ៤០០​ហិតា​ ក្នុង​​នោះ​ផ្ទៃ​ដី​ប្រមូល​ផល​មាន​ប្រមាណ ២០០ ​ហិតា​ប៉ុណ្ណោះ​។ ក្រៅ​ពី​ដំណាំ​ផ្លែ​ប័រ​ក្នុង​ខេត្ត​មណ្ឌល​គិរី បច្ចុប្បន្ន​ក៏​មាន​ដំណាំ​សក្ដានុពល​មួយ​ចំនួន​ទៀត​ដែល​កំពុង​ប្រមូល​​ផល​ដូច​ជា​ ក្រូច ផាសសិន និង​ទុរេន សម្រាប់​នាំចេញយកទៅផ្គត់ផ្គង់តម្រូវការ​ទី​ផ្សារ​រាជ​ធានី​ភ្នំពេញ និង​តាម​បណ្ដា​ខេត្ត​មួយ​ចំនួន​​៕

The post ទិន្នផល​ប័រ​ក្នុង​ខេត្ត​មណ្ឌលគិរី កសិករ​ទើបប្រមូលផលបានពី ៥-១០% ប៉ុណ្ណោះ appeared first on Kampuchea Thmey Daily.