Connect with us

សុខភាព

ដឹងខ្លួនថាមានជំងឺទឹកនោមផ្អែម គួរហូបផ្លែប័រជាជំនួយសុខភាព

បានផុស

នៅ

សព្វថ្ងៃនេះជំងឺទឹកនោមផ្អែម គឺជាជំងឺធ្ងន់ធ្ងរដែលមនុស្សភាគច្រើនទទួលរង។ ដោយសារតែវាជាជំងឺដែលអាចឆ្លងពីហ្សែន។ ម្យ៉ាង​ទៀត​ក្នុង​សម័យ​នេះ មនុស្ស​ចូល​ចិត្ត​ញ៉ាំ​អាហារ​ផ្អែម​កាន់​តែ​ខ្លាំង ដែលជំងឺទឹកនោមផ្អែម ពេល​វា​កើត​ឡើង អ្នក​ត្រូវ​មើល​ថែ​ទាំ និងគ្រប់គ្រងការទទួលទានអាហារបានល្អ សូម្បី​តែ​ការ​ញ៉ាំ​ផ្លែ​ឈើ​ក៏​ដោយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែ​តើ​អ្នក​ដឹង​ទេ​ថា មាន​ផ្លែឈើ​មួយ​ប្រភេទ​ដែល​អ្នក​កើត​ជំងឺ​ទឹក​នោម​ផ្អែម​គួរ​ញ៉ាំ​ច្រើន​នោះ​គឺ​ផ្លែ​បឺរ ព្រោះ​ផ្លែ​បឺរ​មាន​ផ្ទុក​ជាតិ​ខ្លាញ់​មិន​ឆ្អែត​ក្នុង​ទឹក។ ដូច្នេះហើយ វាអាចជួយពន្យឺតប្រព័ន្ធរំលាយអាហារ និងការពារកម្រិតជាតិស្ករក្នុងឈាមមិនឲ្យឡើងលឿនពេក បន្ទាប់ពីទទួលទានរួច។ នេះគឺជាផ្លែឈើដែលសក្តិសមបំផុតសម្រាប់អ្នកជំងឺទឹកនោមផ្អែម។

បឺរគឺជាផ្លែឈើដែលមានជាតិខ្លាញ់ល្អ និងជាតិសរសៃអាហារខ្ពស់ ដែលមានប្រយោជន៍ដូចខាងក្រោម។

ខ្លាញ់ល្អក្នុងផ្លែបឺរ ជួយកាត់បន្ថយកម្រិតកូឡេស្តេរ៉ុល និងទ្រីគ្លីសេរីក្នុងឈាម។ នេះជួយកាត់បន្ថយហានិភ័យនៃជំងឺបេះដូង និងដាច់សរសៃឈាមខួរក្បាល។

ជាតិសរសៃអាហារនៅក្នុងផ្លែបឺរ ជួយពន្យឺតការស្រូបយកជាតិស្ករទៅក្នុងចរន្តឈាម។ កាត់បន្ថយកម្រិតជាតិស្ករក្នុងឈាមបន្ទាប់ពីញ៉ាំ។

ផ្លែបឺរក៏មានវីតាមីន និងសារធាតុរ៉ែសំខាន់ៗដូចជា វីតាមីន C វីតាមីន E វីតាមីន B6 ប៉ូតាស្យូម និងម៉ង់ហ្គាណែស ដែលជួយពង្រឹងប្រព័ន្ធការពាររាងកាយ។ និងចិញ្ចឹមរាងកាយឲ្យរឹងមាំ

ទោះយ៉ាងណាក៏ដោយ អ្នកជំងឺទឹកនោមផ្អែមគួរទទួលទានផ្លែប័រក្នុងបរិមាណសមស្រប។ អ្នកមិនគួរញ៉ាំលើសពីកន្លះកូនក្នុងមួយថ្ងៃទេ។ ដោយសារតែផ្លែបឺរមានកាឡូរីខ្ពស់។ អាចបណ្តាលឲ្យឡើងទម្ងន់។

សម្រាប់អ្នកជំងឺទឹកនោមផ្អែមដែលចង់ញ៉ាំផ្លែបឺរ ដើម្បីគ្រប់គ្រងកម្រិតជាតិស្ករក្នុងឈាម។ អ្នកគួរតែពិគ្រោះជាមួយគ្រូពេទ្យ ឬអ្នកជំនាញអាហារូបត្ថម្ភរបស់អ្នក។ ដើម្បីទទួលបានការណែនាំអំពីការញ៉ាំឲ្យបានត្រឹមត្រូវ។

អ្នកជំងឺជំងឺទឹកនោមផ្អែមគួរទទួលទានអាហារចម្រុះ និងពេញលេញ។ ដើម្បីទទួលបានសារធាតុចិញ្ចឹមគ្រប់គ្រាន់សម្រាប់រាងកាយ អ្នកក៏គួរតែធ្វើលំហាត់ប្រាណឲ្យបានទៀងទាត់ និងគ្រប់គ្រងទម្ងន់របស់អ្នកក្នុងដែនកំណត់សមស្រប ដើម្បីអាចគ្រប់គ្រងកម្រិតជាតិស្ករក្នុងឈាមបានយ៉ាងមានប្រសិទ្ធភាព៕

ប្រែសម្រួល សាង ស្រីល័ក្ខ

ចុចអាន ក្រូចមានប្រយោជន៍ដល់សុខភាព តែក្នុងនោះក៏ផ្ទុកគ្រោះថ្នាក់ខ្លាំងដែរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ នាទី មុន

ថៃ មិនទាន់មានលុយគ្រប់ ៤៧០ លានដុល្លារទិញនាវាមុជទឹក

ព័ត៌មានជាតិ២ ម៉ោង មុន

រដ្ឋមន្ត្រីក្រសួងសាធារណការ​ចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាម​ដងផ្លូវ

សន្តិសុខសង្គម២ ម៉ោង មុន

អាវុធហត្ថខេត្តបាត់ដំបង ឃាត់ខ្លួនជនសង្ស័យ​២នាក់ ករណីប្រើប្រាស់ឯកសណ្ឋាន និងក្លែងបន្លំឯកសារកងទ័ព

ព័ត៌មានជាតិ២ ម៉ោង មុន

តំណាងកម្ពុជានៅ UN ជំរុញក្រុមប្រឹក្សាសន្តិសុខ ធ្វើការជិតស្និទ្ធជាមួយគ្រប់ភាគីជម្លោះ ដើម្បីស្តារទំនុកចិត្ត

ជីវិតកម្សាន្ដ២ ម៉ោង មុន

ម្ចាស់បទ “Smoke” ខឹងខ្លាំងដល់ថ្នាក់ប្ដឹងប៉ូលិសជួយរកយុត្តិធម៌ ក្រោយធ្លាយរូបអាក្រាតកាយ

Sokha Hotels

ព័ត៌មានពេញនិយម