លើកឡើងក្នុងកិច្ចប្រជុំប្រចាំខែរបស់អគ្គនាយកដ្ឋានពន្ធនាគារ នាព្រឹកថ្ងៃទី២៩ ខែមិថុនានេះ លោក ហេង ហាក់ អនុរដ្ឋលេខាធិការក្រសួងមហាផ្ទៃ ថា ត្រូវបន្តយកចិត្តទុកដាក់ និងពង្រឹងលើការងារសន្តិសុខនៅក្នុងពន្ធនាគារ ដោយទប់ស្កាត់រាល់ការនាំចូលនូវវត្ថុហាមឃាត់ ពិសេសទូរស័ព្ទដៃ គ្រឿងញៀន និងការប្រព្រឹត្តបទល្មើសក្នុងពន្ធនាគារ។

លោក បានជំរុញលើការងារបែងចែកចំណាត់ថ្នាក់សន្តិសុខជនជាប់ឃុំ និងការរៀបចំបែងចែកការឃុំឃាំង ស្របតាមចំណាត់ថ្នាក់សន្តិសុខ បែបបទ នីតិវិធី ហើយត្រូវបន្តយកចិត្តទុកដាក់ដោះស្រាយបញ្ហាប្រឈមសំខាន់ៗ ភាពចង្អៀតណែន និងបណ្តុះបណ្តាលជំនាញមន្ត្រី និងហេដ្ឋារចនាសម្ព័ន្ធពន្ធនាគារ។ បន្ថែមពីនេះ គឺត្រូវបន្តពិនិត្យមើល និងពន្លឿនការងាររៀបចំលិខិតបទដ្ឋានពាក់ព័ន្ធ ពិសេសការធ្វើបច្ចុប្បន្នភាពនីតិវិធីពន្ធនាគារ បម្រើឱ្យការងារគ្រប់គ្រងពន្ធនាគារ។

យោងតាមរបាយការណ៍របស់លោកឧត្តមអគ្គានុរក្សថ្នាក់លេខ១ ឈន សាណាត អគ្គនាយកពន្ធនាគារ បានគូសរំលេចពីលទ្ធផលការងារសំខាន់ៗរបស់អគ្គនាយកដ្ឋានពន្ធនាគារ រួមមានស្ថានភាពជនជាប់ឃុំ ការអនុវត្តនីតិវិធីពន្ធនាគារ ការងារអប់រំថែទាំសុខភាព ការងារសំណង់ ការងារអប់រំកែប្រែ ការងារសន្តិសុខ ស្តារនីតិសម្បទា និងកិច្ចការរដ្ឋបាល ព្រមទាំងបានណែនាំដល់បណ្តាអង្គភាពពាក់ព័ន្ធឱ្យបន្តអនុវត្តការងារឱ្យស្របតាមផែនការសកម្មភាពប្រចាំឆ្នាំ៕

The post មន្ត្រីជាន់ខ្ពស់ក្រសួងមហាផ្ទៃ ជំរុញឱ្យពង្រឹងការងារសន្តិសុខនៅក្នុងពន្ធនាគារ appeared first on Kampuchea Thmey Daily.

លោក ហាក់ ឡេង លោកអភិបាលរងខេត្តកោះកុង នាថ្ងៃទី១២ ខែមិថុនា ឆ្នាំ២០២៦ បានដឹកនាំក្រុមការងារចុះពិនិត្យ និងបើកប្រអប់ទទួលបណ្ដឹងនៅក្នុងពន្ធនាគារខេត្តកោះកុង។ ក្នុងឱកាសចុះពិនិត្យនេះ លោកអភិបាលរងខេត្ត វាយតម្លៃមើលឃើញថា ការគ្រប់គ្រងទណ្ឌិត និងជនជាប់ឃុំក្នុងពន្ធនាគាខេត្ត ប្រព្រឹត្តទៅបានល្អប្រសើរដូចប្រក្រតី។

ថ្លែងក្រោយការដឹកនាំក្រុមការងារចុះពិនិត្យ និងបើកប្រអប់ទទួលបណ្ដឹងនៅក្នុងពន្ធនាគារខេត្តកោះកុង លោក អភិបាលរងខេត្ត បានឱ្យដឹងដែរថា ទាំងការគ្រប់គ្រងសន្តិសុខសណ្តាប់ធ្នាប់ និងសុខភាព អនាម័យ រីឯចំនួនទណ្ឌិត និងជនជាប់ឃុំវិញ ក៏ប្រព្រឹត្តទៅយ៉ាងល្អប្រសើរជាប្រក្រតី។

លោកអភិបាលរងខេត្ត បង្ហាញលទ្ធផល ចំពោះការបើកប្រអប់ទទួលបណ្ដឹងនៅក្នុងពន្ធនាគារខេត្តមិនមានលិខិត ឬបណ្ដឹងឡើយ នេះសបញ្ជាក់ថា ការយកចិត្តទុកដាក់ក្នុងការគ្រប់គ្រងបានយ៉ាងល្អប្រសើរបស់ថ្នាក់ដឹកនាំខេត្ត ថ្នាក់ដឹកនាំពន្ធនាគារ អគ្គានុរក្ស និងមន្រ្តីមានសមត្ថកិច្ចពាក់ព័ន្ធ។

ក្នុងឱកាសនោះ លោក ហាក់ ឡេង អភិបាលរងខេត្ត បានផ្ដល់នូវការណែនាំមួយចំនួនដល់ថ្នាក់ដឹកនាំពន្ធនាគារ អគ្គានុរក្ស និងមន្រ្ដីមានសមត្ថកិច្ចពាក់ព័ន្ធសំដៅដល់ការបំពេញតួនាទី ភារកិច្ចរបស់ខ្លួនឱ្យបានល្អ ធានាឱ្យបាននូវសន្តិសុខ សុវត្ថិភាព របៀបរៀបរយក្នុងពន្ធនាគារ៕

អត្តបទៈសិរីវឌ្ឍនៈ

The post ពន្ធនាគារខេត្តកោះកុង មានជនជាប់ឃុំជាង១ពាន់នាក់ កំពុងទទួលបានការគ្រប់គ្រង និងបណ្តុះបណ្តាលជំនាញ appeared first on Kampuchea Thmey Daily.

ដើម្បីយល់ច្បាស់ពីតម្លៃពិតប្រាកដនៃទស្សនទាននេះ លោកបណ្ឌិត ឈត ប៊ុនថង ក៏បានលើកឡើងនូវកត្តាមួយចំនួន ដើម្បីអាចពិនិត្យទៅលើទិដ្ឋភាពគតិយុត្ត សង្គម និងសិទ្ធិមនុស្ស ដូចតទៅ៖

១. ធម្មានុរូបភាព ភាពចាំបាច់ និងភាពសមហេតុផល
រាល់ការគ្រប់គ្រងសង្គម តែងទាមទារនូវតុល្យភាពរវាងការអនុវត្តច្បាប់ និងការដោះស្រាយបញ្ហាចម្រុះ។ បញ្ហាចង្អៀតណែនក្នុងពន្ធនាគារ គឺជាប្រធានបទដ៏ស្រួចស្រាល់មួយ។ ដូច្នេះការបង្វែរកម្លាំងទណ្ឌិតដែលជិតផុតកំណត់សាលក្រម ឬមានលក្ខខណ្ឌកែប្រែល្អឱ្យទៅបំពេញការងារអភិវឌ្ឍន៍នៅតំបន់ព្រំដែន គឺជាដំណោះស្រាយមួយប្រកបដោយភាពឆ្លាតវៃ និងសមហេតុផលបំផុត។ វាមិនត្រឹមតែជួយកាត់បន្ថយសម្ពាធនៅក្នុងមណ្ឌលអប់រំកែប្រែប៉ុណ្ណោះទេ ប៉ុន្តែបានបំប្លែង «ការឃុំឃាំងអសកម្ម» ឱ្យទៅជា «កម្លាំងចលករសកម្ម» ក្នុងការកសាងហេដ្ឋារចនាសម្ព័ន្ធ និងការការពារបូរណភាពទឹកដី តាមរយៈការអភិវឌ្ឍចម្រុះ។

២. អនុលោមភាពតាមច្បាប់ជាតិ និងគោលការណ៍សិទ្ធិមនុស្ស
សេរីភាពខាងរាងកាយ អាចត្រូវបានកម្រិតដោយអំណាចតុលាការ ប៉ុន្តែសេចក្តីថ្លៃថ្នូរជាមនុស្ស និងសិទ្ធិក្នុងការទទួលបានការអប់រំកែប្រែ មិនត្រូវត្រូវបានបំភ្លេចឡើយ។ យោងតាមច្បាប់ស្តីពីពន្ធនាគារ នៃព្រះរាជាណាចក្រកម្ពុជា គោលបំណងចម្បងនៃទណ្ឌកម្ម គឺការធ្វើសមាហរណកម្មទណ្ឌិតឡើងវិញទៅក្នុងសង្គម។

ដូចនេះ ការបញ្ជូនទណ្ឌិតវ័យក្មេងទាំងនេះ ទៅបំពេញការងារនៅតំបន់ព្រំដែន គឺអនុលោមទៅតាមស្តង់ដារសិទ្ធិមនុស្ស និងច្បាប់ជាតិ តាមរយៈ៖
• ការទទួលបានបរិយាកាសបើកទូលាយ ៖ ការផ្លាស់ប្តូរពីបន្ទប់ឃុំឃាំងដ៏ចង្អៀត មកកាន់លំហអាកាសធម្មជាតិ ដែលជួយដល់សុខភាពផ្លូវកាយនិងផ្លូវចិត្ត។
• ការបណ្តុះបណ្តាលជំនាញពិតប្រាកដ ៖ ជំនាញកសិកម្ម យន្តការ និងការសាងសង់(ចាក់គម្របលេណដ្ឋាន) គឺជាទុនជីវិតដ៏រឹងមាំសម្រាប់ពួកគេនៅថ្ងៃអនាគត។
• ការរក្សាសេចក្តីថ្លៃថ្នូរ៖ ពលកម្មនេះមិនមែនជាការធ្វើទារុណកម្មទេ ប៉ុន្តែជាពលកម្មដែលមានតម្លៃ តម្លាភាព និងត្រូវបានការពារដោយគោលការណ៍ច្បាប់ច្បាស់លាស់។

៣. ភាពស៊ីសង្វាក់គ្នានឹងបទដ្ឋានអន្តរជាតិ និងបទពិសោធក្នុងតំបន់
តាមទិដ្ឋភាពច្បាប់អន្តរជាតិ «វិធានអប្បបរមាស្ដង់ដាររបស់អង្គការសហប្រជាជាតិសម្រាប់ការអនុវត្តចំពោះទណ្ឌិត» (Nelson Mandela Rules) បានអនុញ្ញាត និងលើកទឹកចិត្តឱ្យមានការរៀបចំកម្មវិធីពលកម្មដែលមានប្រយោជន៍ដល់សហគមន៍ ដើម្បីត្រៀមខ្លួនឱ្យទណ្ឌិតវិលត្រឡប់ទៅរកសហគមន៍វិញ។

ជាក់ស្តែង នៅក្នុងតំបន់អាស៊ាន គំរូនៃការបង្កើត «ពន្ធនាគារបើកទូលាយ» (Open Prison) ឬ «មណ្ឌលកសិឧស្សាហកម្មសម្រាប់ទណ្ឌិត» ត្រូវបានអនុវត្តដោយជោគជ័យជាច្រើនទសវត្សរ៍មកហើយ ដូចជា៖
• ប្រទេសថៃ ៖ មានគម្រោងភ្នំរ៉េប (Khao Phrik) ដែលបំប្លែងទណ្ឌិតឱ្យទៅជាអ្នកជំនាញកសិកម្ម និងទេសចរណ៍។
• ប្រទេសម៉ាទ្បេស៊ី និង សិង្ហបុរី ៖ ក៏មានកម្មវិធីស្រដៀងគ្នា ដែលអនុញ្ញាតឱ្យទណ្ឌិតបំពេញការងារខាងក្រៅ ក្នុងដំណាក់កាលចុងក្រោយនៃទោសទណ្ឌ ដើម្បីកសាងទំនុកចិត្តសង្គម។

បើតាមទស្សនៈរួម ការបង្វែរដានពីជនរងទណ្ឌកម្ម មកជា «កម្លាំងស្ថាបនាព្រំដែន» គឺជាសិល្បៈនៃការអប់រំកែប្រែដ៏មានតម្លៃបំផុត។

បើតាមសេចក្តីសន្និដ្ឋានរបស់ លោកបណ្ឌិត ឈត ប៊ុនថង សេចក្តីសម្រេចចិត្តនេះ មិនមែនជាការដាក់ទណ្ឌកម្មបន្ថែមនោះទេ ប៉ុន្តែវាគឺជា «លិខិតបញ្ជាក់នៃការទុកចិត្ត» ដែលរដ្ឋបាលពន្ធនាគារនិងសង្គមជាតិ បានប្រគល់ជូនទៅដល់ ទណ្ឌិតទាំងជិតទាំង ៧៩០នាក់នោះ។ នេះជាឱកាសមាសដែលពួកគេអាចបង្ហាញថា ស្នាមប្រឡាក់ពីអតីតកាល មិនអាចមករារាំងពួកគេក្នុងការក្លាយជា «វីរជនកសាងព្រំដែន» នៅថ្ងៃនេះឡើយ។

អាស្រ័យហេតុនេះ លោកបណ្ឌិតយល់ថា យើងគួររួមគ្នាអបអរសាទរ និងផ្តល់កម្លាំងចិត្តដល់ស្ថាប័នពាក់ព័ន្ធ ព្រមទាំងទណ្ឌិតវ័យក្មេងទាំងអស់ ដែលកំពុងបំពេញបេសកកម្មនេះ។ ឯញើសឈាម និងកម្លាំងកាយចិត្តដែលពួកគេបានបង្ហូរនៅលើទឹកដីព្រំដែន នឹងក្លាយជាគ្រឹះដ៏រឹងមាំសម្រាប់ការពារជាតិផង និងជាស្ពានមាសនាំពួកគេត្រឡប់មកជួបជុំគ្រួសារវិញ ដោយភាពហ្មត់ចត់ កិត្តិយស និងសេចក្តីថ្លៃថ្នូរជាពលរដ្ឋពេញលេញ៕

The post បទវិចារណកថា ៖ ពលកម្មកែប្រែ និងការកសាងជាតិ «ឧត្តមប្រយោជន៍នៃរបត់ថ្មី ក្នុងប្រព័ន្ធពន្ធនាគារកម្ពុជា» appeared first on Kampuchea Thmey Daily.

នៅរសៀលថ្ងៃទី ៦ ខែឧសភា ឆ្នាំ ២០២៦ នេះ លោក នុត សវនា ប្រធានមណ្ឌលអប់រំកែប្រែទី ១ បានប្រាប់ កម្ពុជាថ្មី ឲ្យដឹងថា «កន្លងមក លោក លី សាមេត មានបញ្ហាសុខភាព ដោយសំពាធឈាម និងជាតិស្ករឡើងខ្ពស់។ ក្នុងនោះដែរក្រុមគ្រូពេទ្យ បានធ្វើការតាមដានវាស់សំពាធឈាម និងជាតិស្ករ ជាប្រចាំថ្ងៃ។ ហើយជារៀងរាល់ថ្ងៃ នៅពេលក្រុមគ្រូពេទ្យវាស់ជាតិស្ករ គឺជាលទ្ធផលរកឃើញថា ឡើងខ្លាំងរហូតទៅដល់ ៤០០ ទៅ ៥០០ ឯណោះ»។

លោក នុត សវនា ប្រធានមណ្ឌលអប់រំកែប្រែទី១

គួររំលឹកថា លោក លី សាម៉េត ហៅ គ្រូមា អាយុ ៧៣ ឆ្នាំ ត្រូវបានចៅក្រមស៉ើបសួរ នៃសាលាដំបូងរាជធានីភ្នំពេញ សម្រេចឃុំខ្លួនកាលពីចុងឆ្នាំ ២០២៤ ក្រោមការប្រកាន់ពីបទ «ប៉ុនប៉ងក្នុងបទសូកប៉ាន់» ជាមួយសំណុំរឿងលោក កន សុខកាយ អតីតអភិបាលស្រុកល្វាឯម និងស្រ្តី ២ នាក់ នៅខេត្តកំពង់ឆ្នាំង ដែលសូកប៉ាន់លុយ ៣០ ម៉ឺនដុល្លារ ចង់ឲ្យកូនដែលជាមន្រ្តីគយបានប្តូរកន្លែងបម្រើការងារពីខេត្តកំពង់ឆ្នាំង ទៅខេត្តបាត់ដំបង។

បច្ចប្បន្ន សពរបស់លោក លី សាម៉េត ត្រូវបានក្រុមគ្រូពេទ្យកំពុងធើ្វកោសល្យវិច័យ ពិនិត្យរួច នឹងប្រគល់ជូនក្រុមគ្រួសារ ដើម្បីធ្វើបុណ្យតាមប្រពៃណី៕

The post ប្រធានពន្ធនាគារព្រៃស បញ្ជាក់ពីមូលហេតុ នៃការស្លាប់របស់ លោក លី សាម៉េត appeared first on Kampuchea Thmey Daily.

អនុវត្តតាមបទបញ្ជាដ៏ខ្ពង់ខ្ពស់នេះ លោកឧត្ដមអគ្គានុរក្សថ្នាក់លេខ១ ឈន សាណាត អគ្គនាយក នៃអគ្គនាយកដ្ឋានពន្ធនាគារ បានដឹកនាំមន្ត្រីជំនាញចុះអនុវត្តប្រតិបត្តិការឆែកឆេរផ្ទាល់ នៅមណ្ឌលអប់រំកែប្រែទី១ មណ្ឌលអប់រំកែប្រែទី២ និងពន្ធនាគាររាជធានីភ្នំពេញ នៅថ្ងៃទី០៣ ខែមេសា ឆ្នាំ២០២៦។ ប្រតិបត្តិការនេះមានគោលបំណងសំខាន់ក្នុងការបោសសំអាត ទប់ស្កាត់ និងដកហូតវត្ថុហាមឃាត់ ដែលអាចបង្កគ្រោះថ្នាក់ដល់សន្តិសុខ និងសុវត្ថិភាពក្នុងពន្ធនាគារ ព្រមទាំងបង្ការការប្រព្រឹត្តបទល្មើសដែលអាចប៉ះពាល់ដល់សណ្តាប់ធ្នាប់សង្គម។

លោកអគ្គនាយក បានបញ្ជាក់ថា ការអនុវត្តវិធានការឆែកឆេរត្រូវធ្វើឡើងយ៉ាងម៉ត់ចត់ និងម៉ឺងម៉ាត់ខ្ពស់បំផុត ដោយគ្របដណ្តប់លើគ្រប់ទីកន្លែងក្នុងតំបន់ឃុំឃាំង រួមមានអគារ បន្ទប់ឃុំ និងតំបន់ពាក់ព័ន្ធផ្សេងៗ ដើម្បីធានាថាមិនមានវត្ថុហាមឃាត់ណាមួយអាចលួចយកចូលសម្រាប់ប្រើប្រាស់បាន។ ជាមួយគ្នានេះ លោកក៏បានណែនាំដល់ថ្នាក់ដឹកនាំមណ្ឌលអប់រំកែប្រែ និងពន្ធនាគាររាជធានី-ខេត្តទូទាំងប្រទេស ឱ្យសហការល្អជាមួយក្រុមការងារជំនាញ ដោយធានាឱ្យប្រតិបត្តិការនេះអនុវត្តបានដោយរលូន និងទទួលបានលទ្ធផលល្អប្រសើរ។  

គួរបញ្ជាក់ថា ក្នុងថ្ងៃដូចគ្នានេះ លោកអគ្គនាយកដ្ឋានពន្ធនាគារ ក៏បានចាត់តាំងថ្នាក់ដឹកនាំ និងមន្ត្រីជំនាញ ចុះអនុវត្តប្រតិបត្តិការឆែកឆេរនៅគ្រប់មណ្ឌលអប់រំកែប្រែ និងពន្ធនាគាររាជធានី-ខេត្តទូទាំងប្រទេស ដើម្បីធានាបាននូវសុវត្ថិភាព និងសណ្តាប់ធ្នាប់យ៉ាងតឹងរឹង៕

ប្រភព៖ អគ្គនាយកដ្ឋានពន្ធនាគារ

The post លោកឧត្ដមអគ្គានុរក្សថ្នាក់លេខ១ ឈន សាណាត ដឹកនាំប្រតិបត្តិការឆែកឆេររកវត្ថុហាមឃាត់ ពង្រឹងសន្តិសុខក្នុងពន្ធនាគារ appeared first on Kampuchea Thmey Daily.

នៅក្នុងកិច្ចពិភាក្សានោះក៏មានការចូលរួមអមដោយតំណាងគណៈកម្មាធិការសិទ្ធិមនុស្សកម្ពុជា និងក្រុមមេធាវីស្ម័គ្រចិត្តសម្តេចតេជោសែនប្រចាំខេត្តកំពត ក្នុងបំណងដើម្បីស្វែងយល់អំពីស្ថានភាពអ្នកជាប់ឃុំ និងបញ្ហាប្រឈម ការលំបាក ក៏ដូចជាសំណូមពររបស់ពន្ធនាគារខេត្តកំពត។

លោក ងី ច័ន្រ្ទផល ប្រធានគណៈកម្មការទី១ព្រឹទ្ធសភា ដែលទទួលបន្ទុកលើកិច្ចការសិទ្ធិមនុស្ស ទទួលពាក្យបណ្តឹង និងអង្កេត និងអធិការកិច្ច បានកោតសរសើរចំពោះកិច្ចខិតខំប្រឹងប្រែងរបស់ថ្នាក់ដឹកនាំពន្ធនាគារ និងមន្ត្រីពន្ធនាគារទាំងអស់ដែលបានបំពេញតួនាទីភារកិច្ចរបស់ខ្លូនបានយ៉ាងល្អ បើទោះបីមានការខ្វះខាត និងមានបញ្ហាប្រឈមមួយចំនួនមែន តែបានខិតខំធ្វើការកែប្រែ និងអភិវឌ្ឍគួរឱ្យកត់សម្គាល់។

លោក ងី ច័ន្ទ្រផល បានបញ្ជាក់ថា ពន្ធនាគារ គឺជាកន្លែងកែប្រែឥរិយាបទជនជាប់ទោស តាមរយ:អប់រំ បណ្តុះបណ្តាលវិជ្ជាជីវ: និងកែលម្អចរិកលក្ខណៈបុគ្គល ដើម្បីឱ្យពួកគេក្លាយជាពលរដ្ឋល្អនៅពេលត្រឡប់ទៅសហគមន៍វិញ។ ដូច្នេះ នៅទីនេះ ត្រូវតែមានការគោរពសិទ្ធិមនុស្សឱ្យបានគ្រប់ជ្រុងជ្រោយ ទោះបីជាពួកគាត់ជាប់ឃុំ ក៏នៅមានសិទ្ធិមួយចំនួនដែលត្រូវគោរព និងអនុវត្ត។ ដោយឡែក អ្នកជាប់ឃុំជាស្រ្តី ជាពិសេសស្រ្តីមានផ្ទៃពោះ លោក បានជំរុញឱ្យមានការយកចិត្តទុកដាក់ ពិនិត្យ ផ្តល់ការថែទាំសុខភាព ហើយចំពោះកុមារកុមារតូច ត្រូវចុះបញ្ជីសំបុត្រកំណើតជូនពួកគាត់ឱ្យបានសមស្រប និងទាន់ពេលវេលា។

ប្រធានគណៈកម្មការទី១ព្រឹទ្ធសភា ក៏បានលើកទឹកចិត្តឱ្យពន្ធនាគារបន្តខិតខំ​ទំនាក់ទំនងល្អជាមួយដៃគូ ក៏ដូចជាអាជ្ញាធរមានសមត្ថកិច្ច ដើម្បីអាចទទួលបាននៅសេវាមួយចំនួនទៀសម្រាប់បំពេញបន្ថែមរាល់អ្វីដែលជាតម្រូវការ៕

The post ប្រធានគណៈកម្មការសិទ្ធិមនុស្សរបស់ព្រឹទ្ធសភា ជំរុញឱ្យមានការគោរពសិទ្ធិមនុស្សចំពោះអ្នកទោស appeared first on Kampuchea Thmey Daily.

គួរឱ្យដឹងថា លោកឧត្តមអគ្គានុរក្សថ្នាក់លេខ២ ឈឹម ចំណាន ត្រូវបានប្រកាសចូលកាន់តំណែងជាប្រធានពន្ធនាគារថ្មីខេត្តបាត់ដំបង ជំនួសលោកឧត្តមអគ្គានុរក្សថ្នាក់លេខ២ សំអុល ធារិទ្ធ ដែលត្រូវចូលនិវត្តន៍។

នៅក្នុងពិធីខាងលើ លោក ឈន សាណាត បានណែនាំដល់ថ្នាក់ដឹកនាំ និងមន្ត្រីពន្ធនាគារខេត្តបាត់ដំបងឱ្យមានការរួមគ្នារក្សាឱ្យបាននូវស្ថានភាពជាវិជ្ជមាន សុខដុមបនីយកម្ម និងប្រក្រតីភាពនៅកន្លែងការងារ រក្សាឱ្យបានប្រព័ន្ធគ្រប់គ្រងផ្ទៃក្នុងល្អ បំពេញការងារតាមឋានានុក្រម មុខងារ ភារកិច្ចដែលបានបែងចែក និងការទទួលខុសត្រូវ ដើម្បីធានាប្រសិទ្ធភាពការងារ ព្រមជាមួយគោលនយោបាយលើកទឹកចិត្ត ជូនរង្វាន់ ដោយឈរលើសច្ចភាព និងតម្លាភាព។

លោកអគ្គនាយកពន្ធនាគារ បានផ្ដាំដល់ពន្ធនាគារខេត្តបាត់ដំបងទាំងអស់បន្តលើកកម្ពស់អនុវត្តច្បាប់ ក៏ដូចជាការពង្រឹងកិច្ចការពារធានាសន្តិសុខ សុវត្ថិភាព បង្កើនការយកចិត្តទុកដាក់ត្រួតពិនិត្យ ឆែកឆេរ រកវត្ថុសម្ភារៈហាមឃាត់ចូលទៅក្នុងពន្ធនាគារ ជាពិសេសគ្រឿងញៀន ទូរស័ព្ទដៃ និងសម្ភារបង្ក ហានីភ័យ ដែលជនជាប់ឃុំអាចប្រើប្រាស់ជាមធ្យោបាយប្រព្រឹត្តសកម្មភាពល្មើស។

បន្ថែមពីនេះ គឺបន្តយកចិត្តទុកដាក់ថែរក្សាសុខភាព អនាម័យ ទាំងក្នុងអគារ បន្ទប់ឃុំឃាំង និងនៅក្នុងបរិវេណពន្ធនាគារ ត្រូវធានាឱ្យមាននូវរបៀបរៀបរយ សណ្តាប់ធ្នាប់ និងបរិស្ថានល្អ។ ខណៈការធានានូវស្វ័យសិក្សារៀនសូត្របង្កើនចំណេះដឹង ក៏ជាចំណុចសំខាន់ ដែលលោក ឈន សាណាត បានលើកឡើងជាការផ្ដាំផ្ញើដល់ថ្នាក់ដឹកនាំ និងមន្ត្រីពន្ធនាគារខេត្តបាត់ដំបងទាំងអស់។

ក្រោយបញ្ចប់កម្មវិធី លោក ឈន សាណាត ក៏បានចុះពិនិត្យដោយផ្ទាល់នូវវឌ្ឍនភាពការងារ ហេដ្ឋារចនាសម្ព័ន្ធ និងជួបសំណេះសំណាលជាមួយមន្ត្រីពន្ធនាគារ និងជនជាប់ឃុំក្នុងពន្ធនាគារខេត្តបាត់ដំបងផងដែរ៕

The post មេពន្ធនាគារ ផ្ដាំមន្ត្រីពន្ធនាគារខេត្តបាត់ដំបងឱ្យបង្កើនការត្រួតពិនិត្យលើជនជាប់ឃុំ appeared first on Kampuchea Thmey Daily.

បើតាមប្រព័ន្ធផ្សព្វផ្សាយក្នុងស្រុកថៃ ស្ត្រីជនជាតិចិនពីរនាក់ត្រូវបានអនុញ្ញាតឱ្យចូលទៅក្នុងពន្ធនាគារ ហើយបន្ទាប់មកត្រូវបានគេរកឃើញថាមានស្រ្តីម្នាក់នៅជាមួយអ្នកទោសម្នាក់នៅក្នុងបន្ទប់ពិសេសមួយ។ បន្ទប់នោះមានសាឡុង តុ និងទូទឹកកក ដែលជារបស់របរអ្នកទោសធម្មតាមិនត្រូវបានអនុញ្ញាតឱ្យមានប្រើនោះទេ។

លើសពីនេះក្រុមអ្នកស៊ើបអង្កេតបានរកឃើញវត្ថុហាមឃាត់ដូចជាស្រោមអនាម័យ គ្រឿងស្រវឹង និងថ្នាំជក់នៅក្នុងពន្ធនាគារ។ វីដេអូកាមេរ៉ាសុវត្ថិភាពមួយចំនួនត្រូវបានលុបចោល ប៉ុន្តែមានវីដេអូមួយមានបង្ហាញស្ត្រីទាំងពីរនាក់កំពុងចូលទៅក្នុងពន្ធនាគារ។ ឥឡូវនេះស្រ្តីទាំងពីរកំពុងត្រូវបានធ្វើតេស្ត ក្នុងករណីសង្ស័យទាក់ទង់នឹងការរកស៊ីផ្លូវភេទ។

បុគ្គលិកពន្ធនាគារប្រហែល ២០ នាក់ផ្សេងទៀតក៏ត្រូវបានសង្ស័យថាបានបំពានច្បាប់ដែរ ហើយអ្នកទោសមួយចំនួនដែលជាប់ពាក់ព័ន្ធនឹងករណីនេះត្រូវបានផ្ទេរទៅពន្ធនាគារមួយផ្សេងទៀត។ ទោះយ៉ាងណាស្ត្រីទាំងពីរនាក់និយាយថាពួកគេមិនពាក់ព័ន្ធនឹងការរកស៊ីផ្លូវភេទទេ។

គួរបញ្ជាក់ថាករណីនេះបានធ្វើឱ្យមនុស្សមានការព្រួយបារម្ភម្តងទៀតអំពីអំពើពុករលួយនៅក្នុងប្រព័ន្ធយុត្តិធម៌របស់ប្រទេសថៃ ដែលធ្លាប់មានបញ្ហាស្រដៀងគ្នានេះកាលពីអតីតកាលមកហើយ៕

អត្ថបទ៖ ប៊ុន សុភាព

The post ​​​ថៃ​​ព្យួរតំណែង​​ប្រធានពន្ធនាគារដែលល្បី​ផ្តល់សេវាកម្មផ្លូវភេទដល់អ្នកទោសចិន appeared first on Kampuchea Thmey Daily.