ពានរង្វាន់ស្វាយរៀងខាប់ Archives - Kampuchea Thmey Daily

គ្រូ U15 ព្រះខ័នរាជស្វាយរៀង សំណូមពរឲ្យយុវជនកុំមានអំនួតចំពោះការចាប់អាជីពបាល់ទាត់

Sina Noun — Wed, 18 Feb 2026 08:35:41 +0000

គ្រូបង្វឹករបស់ក្រុមបាល់ទាត់ U15 ព្រះខ័នរាជ្យស្វាយរៀង ភោក សីហា បានផ្ដាំផ្ញើទៅដល់យុវជនដែលចង់ចាប់អាជីពជាកីឡាករបាល់ទាត់សូមកុំមានអំនួតពេលបានលេង ១១នាក់ដំបូង និងត្រូវបន្តខំប្រឹងប្រែងហ្វឹកហាត់ទើបឈានដល់ភាពជោគជ័យទៅបាន។

លោក ភោក សីហា

លោក ភោក សីហា បានឲ្យដឹងថា ក្នុងនាមជាអ្នកមានបទពិសោធម្នាក់ក្នុងវិស័យបាល់ទាត់នេះ សូមយុវជនទាំងអស់បើទោះជាបានជាប់ជម្រើស ១១នាក់ដំបូងយ៉ាងណាក្ដីមិនត្រូវមានអំនួតលើខ្លួនឯង និងមិនខំប្រឹងហ្វឹកហាត់ ឬហ្វឹកហាត់បែបលេងសើចនោះឡើយ។

ទិដ្ឋភាពប្រកួតពានស្វាយរៀងខាប់

គ្រូបង្វឹករូបនេះបន្ថែមទៀតថា ប្រសិនបើចង់ក្លាយជាកីឡាករអាជីពត្រូវតែខំប្រឹងប្រែងហ្វឹកហាត់ និងត្រូវឆ្លៀតហាត់ដោយខ្លួនឯងបន្ថែម។ បើទោះជាខ្លួនមានសមត្ថភាពល្អហើយក្ដី ប៉ុន្តែបោះបង់ការហ្វឹកហាត់ចោលគឺមិនអាចសម្រេចក្ដីបំណងជាកីឡាករអាជីពបានឡើយ។ អ្នកដែលមានឥរិយាបថដូចលើកឡើងនេះសូមបោះបង់ចោលទើបអាចវិវត្តន៍សមត្ថភាពខ្លួនតទៅមុខទៀតបាន។

ទិដ្ឋភាពក្រោយបញ្ចប់ពានស្វាយរៀងខាប់

បញ្ជាក់ដែរថា លោក ភោក សីហា ជាគ្រូបង្វឹកក្រុមបាល់ទាត់ U15 ព្រះខ័នរាជ្យស្វាយរៀង។ លោកទើបតែជួយក្រុមឲ្យឈ្នះពានរង្វាន់ស្វាយរៀងខាប់ លើកទី២ កាលពីថ្ងៃទី១៤ ខែកុម្ភៈ ឆ្នាំ២០២៦ ថ្មីៗនេះនៅឯខេត្តស្វាយរៀង៕

អត្ថបទដោយ៖ នួន ស៊ីណា

The post គ្រូ U15 ព្រះខ័នរាជស្វាយរៀង សំណូមពរឲ្យយុវជនកុំមានអំនួតចំពោះការចាប់អាជីពបាល់ទាត់ appeared first on Kampuchea Thmey Daily.

តំណាងក្រុមគោព្រៃភូមិស្វាយធំ៖ កូនក្រុមលេងបានលេខ២នេះល្អលើសការរំពឹងទុកហើយក្រុមទើបតែបង្កើតផង

Sina Noun — Tue, 17 Feb 2026 03:31:25 +0000

តំណាងក្រុមយុវជន U15 គោព្រៃភូមិស្វាយធំ ថាលទ្ធផលចំណាត់ថ្នាក់លេខ២ នេះគឺល្អលើសការរំពឹងទុកទៅហើយ ព្រោះជាក្រុមទើបបង្កើតតែមានទម្រង់លេងល្អអាចឡើងដល់វគ្គផ្ដាច់ព្រ័ត្រ និងអាចទប់ទល់ជាមួយក្រុមអាជីពបានទៀតផងក្នុងពានរង្វាន់ស្វាយរៀងខាងប់ លើកទី២នេះ។

លោក ថា សុភាអរុណ

លោក ថា សុភាអរុណ តំណាងក្រុម U15 គោព្រៃភូមិស្វាយធំ បានឲ្យដឹងថា ក្រុមយុវជននេះទើបតែបង្កើតក្នុងឆ្នាំនេះនោះទេ ប៉ុន្តែការខំប្រឹងប្រែង និងទម្រង់លេងសហការគ្នាបានល្អក្នុងពានរង្វាន់ស្វាយរៀងខាប់ លើកទី២។ លទ្ធផលទទួលបានលេខ២ ឬជើងឯករងនេះគឺល្អខ្លាំងហើយសម្រាប់លោក ព្រោះក្រុមទើបតែបង្កើតមានការប្រមូលផ្ដុំហ្វឹកហាត់ក៏ទើបតែមានពេលវេលាខ្លី។

ក្រុម U15 គោព្រៃភូមិស្វាយធំ

តំណាងក្រុមរូបនេះបន្ថែមទៀតថា មុនការប្រកួតលោករំពឹងត្រឹមវគ្គ ៤ក្រុមចុងក្រោយតែប៉ុណ្ណោះ ដូច្នេះការក្លាយជាជើងឯករងនេះគឺជាលទ្ធផលល្អហើយសម្រាប់ក្រុមដែលទើបចាប់ផ្ដើមបែបនេះ។ នៅវគ្គផ្ដាច់ព្រ័ត្រនេះគឺកូនក្រុមធ្វើការខ្លាំង និងពិបាកក្នុងការលេងទល់ជាមួយក្រុមអាជីពយុវជនព្រះខ័នរាជ្យស្វាយរៀង។ យ៉ាងណាការចាញ់លើក្រុមអាជីពបែបនេះក៏ជាមោទកភាពសម្រាប់ពួកគេផងដែរ ព្រោះក្រុមទើបចាប់ផ្ដើមតែខំប្រឹងប្រែងលេងរហូតឡើងវគ្គផ្ដាច់ព្រ័ត្រ និងបានចាញ់តែក្រុមអាជីពហើយនៅវគ្គទាត់បាល់កាត់ ១១ម៉ែត្រសេចក្ដីទៅទៀត។

ក្រុម U15 គោព្រៃភូមិស្វាយធំ

ពានរង្វាន់ស្វាយរៀងខាប់នេះគឺល្អសម្រាប់យុវជនដែលពួកគេមានឱកាសបានប្រកួតប្រជែងក្នុងកម្មវិធីធំ និងអាចពង្រឹងសមត្ថភាព និងបណ្ដុះឆន្ទៈឆ្ពោះទៅក្លាយជាកីឡាករអាជីពនៅថ្ងៃខាងមុខ។ លោកនឹងដឹកនាំក្រុមគោព្រៃភូមិស្វាយធំមកចូលរួមប្រកួតប្រជែងនៅរដូវកាលថ្មីទៀត។

ទិដ្ឋភាពវគ្គផ្ដាច់ព្រ័ត្រ

បញ្ជាក់ដែរថា ក្រុមបាល់ទាត់ U15 គោព្រៃភូមិស្វាយធំជាក្រុមថ្មីទើបបង្កើតអំឡុងពានរង្វាន់ស្វាយរៀងខាប់ លើកទី២ នេះនោះទេ។ ក្រុមគោព្រៃភូមិស្វាយធំនេះទទួលបានចំណាត់ថ្នាក់លេខ២ ជើងឯករងពានរង្វាន់ស្វាយរៀងខាប់ លើកទី២ បន្ទាប់ពីចាញ់វគ្គផ្ដាច់ព្រ័ត្រដោយការទាត់បាល់ ១១ម៉ែត្រកាត់សេចក្ដីក្រោយពីប្រកួតបានត្រឹម ១-១ ក្នុងរយៈពេល ៨០នាទី (យុវជនក្នុង១វគ្គលេងតែ៤០នាទីប៉ុណ្ណោះ)៕

ក្រុម U15 គោព្រៃភូមិស្វាយធំ ជាប់ចំណាត់ថ្នាក់លេខ២

អត្ថបទដោយ៖ នួន ស៊ីណា

The post តំណាងក្រុមគោព្រៃភូមិស្វាយធំ៖ កូនក្រុមលេងបានលេខ២នេះល្អលើសការរំពឹងទុកហើយក្រុមទើបតែបង្កើតផង appeared first on Kampuchea Thmey Daily.

អ្នកចាំទី U15 ព្រះខ័នរាជ្យស្វាយរៀង ទោះក្រុមលើកពានមែន ប៉ុន្តែស្ដីបន្ទោសខ្លួនឯងធ្វើមិនបានល្អសោះនៅវគ្គផ្ដាច់ព្រ័ត្រ

Sina Noun — Mon, 16 Feb 2026 02:17:45 +0000

ក្រុមបាល់ទាត់ U15 ព្រះខ័នរាជស្វាយរៀង បានក្លាយជាជើងឯកពានរង្វាន់ស្វាយរៀងខាប់ លើកទី២ ក្រោយប្រកួតឈ្នះ-ចាញ់ ដោយការស៊ុតបាល់កាត់សេចក្ដី ១១ម៉ែត្រ ប៉ុន្តែអ្នកចាំទី ធឿន ណាក់មុនី បន្ទោសខ្លួនឯងថាធ្វើមិនបានល្អសោះនៅវគ្គផ្ដាច់ព្រ័ត្រនេះ។

កីឡាករ ធឿន ណាក់មុនី និងមិត្តរួមក្រុម

កីឡាករ ធឿន ណាក់មុនី អ្នកចាំទីរបស់ក្រុមយុវជនព្រះខ័នរាជ្យស្វាយរៀង U15 បានឲ្យដឹងថា ការប្រកួតនៅវគ្គផ្ដាច់ព្រ័ត្ររវាងក្រុមខ្លួន និងគោព្រៃភូមិស្វាយធំនេះគឺខ្លួនធ្វើមិនបានល្អទាល់តែសោះ។ ដោយសារតែអារម្មណ៍ភ័យខ្លាំង ព្រោះជាការប្រកួតធំមានមនុស្សមើលច្រើនទើបធ្វើឲ្យខ្លួនហាក់មិនអាចប្រមូលអារម្មណ៍លេងបានដូចការប្រកួតរាល់ដង។

កីឡាករ ធឿន ណាក់មុនី

យុវជនកម្ពស់ ១៨០សង់ទីម៉ែត្ររូបនេះបន្ថែមទៀតថា ការធ្វើមិនបានល្អនេះមានដូចជាទាត់បាល់ឧហ្សាហ៍ខុស និងបញ្ជូនបាល់ឲ្យមិត្តរួមក្រុមមិនសូវបានល្អដោយភាគច្រើនចំទៅកីឡាកររបស់គូប្រកួតទៅវិញ។ មួយវិញទៀតនោះគឺរូបគេលេងមិនសូវបានស្រែកបញ្ជាទៅដល់ក្រុមទាំងនេះហើយដែលខ្លួនយល់ឃើញថាលេងបានមិនល្អសោះវគ្គផ្ដាច់ព្រ័ត្រនេះ។

កីឡាករ ធឿន ណាក់មុនី

បញ្ជាក់ដែរថា ការប្រកួតវគ្គផ្ដាច់ព្រ័ត្រពានរង្វាន់ស្វាយរៀងខាប់ លើកទី២ នេះរកឃើញម្ចាស់ជើងឯកហើយដោយបានលើយុវជនព្រះខ័នរាជ្យស្វាយរៀង U15 កាលពីថ្ងៃទី១៤ ខែកុម្ភៈ ឆ្នាំ២០២៦ នៅឯខេត្តស្វាយរៀង។ យ៉ាងណាការប្រកួតវគ្គផ្ដាច់ព្រ័ត្ររវាង U15 ព្រះខ័នរាជ្យស្វាយរៀង និង គោព្រៃភូមិស្វាយធំ នេះបានត្រឹមស្មើគ្នា ១-១ ប៉ុណ្ណោះដែលឈានទៅដល់ការទាត់បាល់ ១១ម៉ែត្រកាត់សេចក្ដីទើបរកឃើញក្រុមឈ្នះ។ ចំណែកកីឡាករ ធឿន ណាក់មុនី អ្នកចាំទីរបស់ U15 ព្រះខ័នរាជ្យស្វាយរៀង ជាប់ជាកីឡាករចាំទីល្អបំផុត និងជួយឲ្យក្រុមលើកពានផងដែរ៕

ទិដ្ឋភាព U15 ព្រះខ័នរាជ្យស្វាយរៀងលើកពាន

អត្ថបទដោយ៖ នូន ស៊ីណា

The post អ្នកចាំទី U15 ព្រះខ័នរាជ្យស្វាយរៀង ទោះក្រុមលើកពានមែន ប៉ុន្តែស្ដីបន្ទោសខ្លួនឯងធ្វើមិនបានល្អសោះនៅវគ្គផ្ដាច់ព្រ័ត្រ appeared first on Kampuchea Thmey Daily.

លោក ភោក សីហា អរគុណឯកឧត្ដម ឌី វិជ្ជា សម្រាប់ការបង្កើតពានរង្វាន់ជាច្រើនផ្ដល់ឱកាសដល់យុវជន

Sina Noun — Sun, 15 Feb 2026 12:45:59 +0000

លោក ភោក សីហា ដែលជាគ្រូបង្វឹករបស់ក្រុមយុវជនព្រះខ័នរាជ្យស្វាយរៀង U15 ថ្លែងអំណរគុណដល់ឯកឧត្ដម ឌី វិជ្ជា ដែលបានជ្រោមជ្រែងបង្កើតឲ្យមានការប្រកួតពានរង្វាន់ជាច្រើនជាការផ្ដល់ឱកាសដល់ក្មេងៗក្នុងខេត្តស្វាយរៀងនេះបានហ្វឹកហាត់បង្កើនសមត្ថភាព។

លោក ភោក សីហា

លោក ភោក សីហា គ្រូបង្វឹក U15 ព្រះខ័នរាជ្យស្វាយរៀងបានឲ្យដឹងថា ពានរង្វាន់ស្វាយរៀងខាប់នេះគឺពិតជាល្អ និងមានសារសំខាន់ណាស់ចំពោះយុវជននៅក្នុងខេត្តស្វាយរៀងនេះបានចូលរួមប្រកួតប្រជែងបង្ហាញសមត្ថភាព និងជាការផ្ដល់បទពិសោធលើទីលាន។

យុវជនព្រះខ័នរាជ្យស្វាយរៀងកាលពីឆ្នាំ ២០២៣

គ្រូបង្វឹករូបនេះបន្ថែមទៀតថា លោកពិតជាអរគុណចំពោះការស្រឡាញ់ និងការជ្រោមជ្រែងរបស់ឯកឧត្ដម ឌី វិជ្ជា ដែលបានបង្កើតពានរង្វាន់ផ្សេងៗពិសេសដូចជាពានស្វាយរៀងខាប់នេះជាដើម។ ការបង្កើតពានរង្វាន់នេះគឺបានជំរុញ និងរួមចំណែកលើការបណ្ដុះធនធានយុវជនក្នុងខេត្តស្វាយរៀងឲ្យមានសមត្ថភាពល្អក្លាយជាជើងខ្លាំងតំណាងខេត្ត និងថ្ងៃអនាគតក្លាយជាកីឡាករអាជីពលេងក្នុងក្លឹបនានា។ ដូច្នេះយុវជនខេត្តស្វាយរៀងក៏នឹងមានជើងខ្លាំងជាច្រើនដែរដែលមានសមត្ថភាពអាចប្រកួតប្រជែងជាមួយបណ្ដាខេត្តផ្សេងៗ។

បញ្ជាក់ដែរថា ពានរង្វាន់ស្វាយរៀងខាប់ U15 លើកទី២ ឆ្នាំ២០២៦ នេះបានបិទបញ្ចប់ហើយកាលពីល្ងាចថ្ងៃទី១៤ ខែកុម្ភៈ ក្រោយរកឃើញម្ចាស់ជើងឯកគឺក្រុមយុវជនព្រះខ័នរាជ្យស្វាយរៀង។ ចំណែកក្រុមលេខ២ បានលើក្រុមគោព្រៃភូមិស្វាយធំ ក្រុមចំណាត់ថ្នាក់លេខ៣ បានលើក្រុមសាលាបឋមសិក្សាជ្រៃធំ។ ពានរង្វាន់នេះគឺរៀបចំឡើងនៅកីឡដ្ឋានព្រះខ័នរាជ្យស្វាយរៀងក្នុងខេត្តស្វាយរៀង៕

ទិដ្ឋភាពលើកពាន U15

អត្ថបទដោយ៖ នួន ស៊ីណា

The post លោក ភោក សីហា អរគុណឯកឧត្ដម ឌី វិជ្ជា សម្រាប់ការបង្កើតពានរង្វាន់ជាច្រើនផ្ដល់ឱកាសដល់យុវជន appeared first on Kampuchea Thmey Daily.

អបអរសាទរ! ជ័យលាភីពានរង្វាន់ ស្វាយរៀងខាប់ អាយុ ១៥ ឆ្នាំ លើកទី២

chean virakbot — Sun, 15 Feb 2026 01:22:38 +0000

ការប្រកួតកីឡាបាល់ទាត់ ពានរង្វាន់ ស្វាយរៀងខាប់ យុវជនអាយុ ១៥ ឆ្នាំ លើកទី២ បានបញ្ចប់ដោយជោគជ័័យកាលពីល្ងាចថ្ងៃទី១៤ ខែកុម្ភ: ឆ្នាំ ២០២៦ នៅកីឡដ្ឋាន ខេត្តស្វាយរៀង។ ការប្រកួតក្រោមក្រសែភ្នែកអ្នកគាំទ្រជាច្រើននាក់ កីឡាករពិតជាបង្ហាញសមត្ថភាព បច្ចេកទេស និងស្មារតីដ៏ល្អ។

ខាងក្រោមជា ជ័យលាភីក្រុម និងឯកត្តជន

ជើងឯក៖ ក្រុម U15 ព្រះខ័នរាជស្វាយរៀង
លេខ២: ក្រុម គោព្រៃភូមិស្វាយធំ
លេខ៣: ក្រុមសាលាបឋមសិក្សាជ្រៃធំ
ក្រុមគោរពវិន័យល្អ៖ ក្រុមសាលាបឋមសិក្សាជ្រៃធំ
អ្នកចាំទីល្អ៖ កីឡាករ ធឿន ណាក់មុនី របស់ក្រុម U15 ព្រះខ័នរាជស្វាយរៀង
គ្រូបង្វឹកល្អ៖ លោក ភោគ សីហា គ្រូបង្វឹកក្រុម U15 ព្រះខ័នរាជស្វាយរៀង
កីឡាកររកបានគ្រាប់បាល់ច្រើនជាងគេ៖ កីឡាករ ជៀវ ដេវីត របស់ក្រុម U15 ព្រះខ័នរាជស្វាយរៀង

អត្ថបទ៖ វិរបុត្រ

The post អបអរសាទរ! ជ័យលាភីពានរង្វាន់ ស្វាយរៀងខាប់ អាយុ ១៥ ឆ្នាំ លើកទី២ appeared first on Kampuchea Thmey Daily.

តើ U15 ព្រះខ័នរាជស្វាយរៀង ឬ គោព្រៃភូមិស្វាយធំ ជាជើងឯក ស្វាយរៀងខាប់ U15 ថ្ងៃស្អែក?

chean virakbot — Fri, 13 Feb 2026 02:14:19 +0000

បន្ទាប់ពីប្រើពេលប្រកួតអស់ជាច្រើនខែ ទីបំផុតការប្រកួតពានរង្វាន់ស្វាយរៀងខាប់ យុវជនអាយុ ១៥ ឆ្នាំ លើកទី២ ឈានដល់វគ្គផ្តាច់ព្រ័ត្រហើយនៅពេល ក្រុម U15 ព្រះខ័នរាជស្វាយរៀង ត្រូវតទល់នឹង U15 គោព្រៃភូមិស្វាយធំ នៅល្ងាចថ្ងៃសៅរ៍ ទី១៤ ខែកុម្ភៈ ឆ្នាំ ២០២៦ នៅកីឡដ្ឋានខេត្តស្វាយរៀង។

ពានរង្វាន់ស្វាយរៀងខាប់ អាយុ ១៥ ឆ្នាំ លើកទី២ បានចាប់ផ្តើមតាំងពីថ្ងៃទី១១ ខែតុលា ឆ្នាំ ២០២៥ ដោយមានក្រុមចំនួន ១៥ មកពីបណ្តាស្រុក-ក្រុងទាំង ៨ នៃខេត្តស្វាយរៀងបានចូលរួមប្រកួត។ ក្រុមទាំង ១៥ ត្រូវបានបែងចែកជា ៤ ពូល ហើយធ្វើការប្រកួតសន្សំពិន្ទុក្នុងពូលជាច្រើនសប្តាហ៍ មុនពេលរកឃើញក្រុមឡើងវគ្គ ៨ ក្រុមចុងក្រោយ វគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ។

ក្រុមខ្លាំងពីរគឺ ក្រុម U15 ព្រះខ័នរាជស្វាយរៀង និង ក្រុម U15 គោព្រៃភូមិស្វាយធំ មិនទាន់ស្គាល់បរាជ័យដូចគ្នា មុនពេលឈានដល់វគ្គផ្តាច់ព្រ័ត្រ ប៉ុន្តែក្រុម U15 ព្រះខ័នរាជស្វាយរៀង ធ្វើបានល្អជាងដោយសារឈ្នះគ្រប់ការប្រកួត ខណៈក្រុម U15 គោព្រៃភូមិស្វាយធំ ធ្លាប់ស្មើ។

លទ្ធផលការប្រកួតកន្លងមកក នៅវគ្គសន្សំពិន្ទុក្នុងពូលចំនួន ៧ ប្រកួត ក្រុម U15 ព្រះខ័នរាជស្វាយរៀង ទទួលបានជ័យជម្នះទាំង ៧ ប្រកួត។ នៅវគ្គ ៨ ក្រុមចុងក្រោយ យុវជនព្រះខ័នរាជស្វាយរៀង បានឈ្នះ ក្រុម ត្នោត អេហ្វស៊ី ៨-០ និងឈ្នះ ក្រុមសាលាបឋមសិក្សាជ្រៃធំ ៦-០ ក្នុងវគ្គពាក់កណ្តាលផ្តាច់ព្រ័ត្រ។

ចំណែកក្រុម U15 គោព្រៃភូមិស្វាយធំ នៅវគ្គសន្សំពិន្ទុក្នុងពូល គឺបានឈ្នះ ៤ ប្រកួត និងស្មើ ២ ប្រកួត ខណៈវគ្គ ៨ ក្រុមចុងក្រោយបានឈ្នះក្រុម សាមគ្គីកីឡា ៣-១ និងបន្តឈ្នះក្រុម យុវជនសាមគ្គី ២-១ នៅវគ្គពាក់កណ្តាលផ្តាច់ព្រ័ត្រ។

សូមបញ្ជាក់ថា នៅវេលាម៉ោង ២ រសៀល ជាការប្រកួតដណ្តើមលេខ ៣ រវាង ក្រុមយុវជនសាមគ្គី ជាមួយក្រុម យុវជនសាលាបឋមសិក្សាជ្រៃធំ។ នៅវេលាម៉ោង ៤ រសៀល ជាការប្រកួតដណ្តើមជើងឯករវាង ក្រុមយុវជន ព្រះខ័នរាជស្វាយរៀង ជាមួយ ក្រុមយុវជនគោព្រៃភូមិស្វាយធំ៕

លទ្ធផលរបស់ U15 ព្រះខ័នរាជស្វាយរៀង

ឈ្នះក្រុម សង្កាត់ស្វាយតឿ ៧-០ វគ្គសន្សំពិន្ទុក្នុងពូល
ឈ្នះក្រុម ឃុំត្នោត ៩-០ វគ្គសន្សំពិន្ទុក្នុងពូល
ឈ្នះ សង្កាត់ស្វាយតឿ ៥-០ វគ្គសន្សំពិន្ទុក្នុងពូល
ឈ្នះ សាលាបឋមសិក្សាជ្រៃធំ ៧-១ វគ្គសន្សំពិន្ទុក្នុងពូល
ឈ្នះក្រុម ឃុំត្នោត ៨-៣ វគ្គសន្សំពិន្ទុក្នុងពូល
ឈ្នះ សាលាបឋមសិក្សាជ្រៃធំ ៤-១ វគ្គសន្សំពិន្ទុក្នុងពូល
ឈ្នះ សាលាបឋមសិក្សាជ្រៃធំ ៤-១ វគ្គសន្សំពិន្ទុក្នុងពូល
ឈ្នះ ក្រុម ត្នោត អេហ្វស៊ី ៨-០ វគ្គ ៨ ក្រុមចុងក្រោយ
ឈ្នះ ក្រុមសាលាបឋមសិក្សាជ្រៃធំ ៦-០ ក្នុងវគ្គពាក់កណ្តាលផ្តាច់ព្រ័ត្រ

លទ្ធផលរបស់ ក្រុម U15 គោព្រៃភូមិស្វាយធំ

ឈ្នះក្រុម CRS Sports ៣-២ វគ្គសន្សំពិន្ទុក្នុងពូល
ឈ្នះក្រុម ស្រុកចន្ទ្រា ៤-០ វគ្គសន្សំពិន្ទុក្នុងពូល
ស្មើក្រុម ស្រុកំពង់រោទិ៍ ០-០ វគ្គសន្សំពិន្ទុក្នុងពូល
ស្មើក្រុម CRS Sports ១-១ វគ្គសន្សំពិន្ទុក្នុងពូល
ឈ្នះក្រុម ស្រុកចន្ទ្រា ៣-២ វគ្គសន្សំពិន្ទុក្នុងពូល
ឈ្នះក្រុម ស្រុកកំពង់រោទិ៍ ១-០ វគ្គសន្សំពិន្ទុក្នុងពូល
ឈ្នះក្រុម សាមគ្គីកីឡា ៣-១ វគ្គ ៨ ក្រុមចុងក្រោយ
ឈ្នះក្រុម យុវជនសាមគ្គី ២-១ វគ្គពាក់កណ្តាលផ្តាច់ព្រ័ត្រ

អត្ថបទ៖ វិរបុត្រ

The post តើ U15 ព្រះខ័នរាជស្វាយរៀង ឬ គោព្រៃភូមិស្វាយធំ ជាជើងឯក ស្វាយរៀងខាប់ U15 ថ្ងៃស្អែក? appeared first on Kampuchea Thmey Daily.

ពានស្វាយរៀងខាប់អាយុ ១៥ ឆ្នាំ លើកទី២ ឈានដល់វគ្គផ្តាច់ព្រ័ត្រ ថ្ងៃសៅរ៍នេះ

chean virakbot — Mon, 09 Feb 2026 07:18:48 +0000

ការប្រកួតកីឡាបាល់ទាត់ ពានរង្វាន់ ស្វាយរៀងខាប់ យុវជនអាយុ ១៥ឆ្នាំ លើកទី២ ឆ្នាំ២០២៥ បានឈានដល់វគ្គផ្តាច់ព្រ័ត្រ នាចុងសប្តាហ៍នេះហើយ បន្ទាប់ពីបានរង់ចាំពេលវេលាល្អអស់រយៈពេលប្រមាណជាងមួយខែមកហើយ។

ក្រុមដែលឈានដល់វគ្គផ្តាច់ព្រ័ត្រដណ្តើមជើងឯក និងក្រុមដណ្តើមចំណាត់ថ្នាក់លេខ ៣ បានរកឃើញតាំងពីខែធ្នូ ឆ្នាំ ២០២៥ ប៉ុន្តែដោយសារពេលវេលាមមាញឹក ទើបត្រូវបានពន្យារពេលដើម្បីរកពេលវេលាល្អសម្រាប់ការប្រកួតថ្ងៃផ្តាច់ព្រ័ត្រ។

ពេលនេះកាលបរិច្ឆេទនៃការប្រកួតត្រូវបានប្រកាសជាផ្លូវការហើយគឺ នៅថ្ងៃសៅរ៍ ទី១៤ ខែកុម្ភៈ ឆ្នាំ ២០២៦ នៅកីឡដ្ឋានខេត្តស្វាយរៀង។ វេលាម៉ោង ២ រសៀល ជាការប្រកួតដណ្តើមយកចំណាត់ថ្នាក់លេខ ៣ រវាង ក្រុមយុវជនសាមគ្គីអាយុ ១៥ ឆ្នាំ ជាមួយក្រុម សាលាបឋមសិក្សាជ្រៃធំអាយុ ១៥ ឆ្នាំ។

នៅវេលាម៉ោង ៤ រសៀល ជាការប្រកួតដណ្តើមជើងឯករវាង ក្រុមព្រះខ័នរាជស្វាយរៀងអាយុ ១៥ ឆ្នាំ ជាមួយ ក្រុមគោព្រៃជ្រៃធំអាយុ១៥ឆ្នាំ។

មុនឈានដល់វគ្គផ្តាច់ព្រ័ត្រ ក្រុមគោព្រៃភូមិស្វាយធំ បានយកឈ្នះលើក្រុម យុវជនសាមគ្គី ក្នុងលទ្ធផល ២-១ ក្នុងវគ្គពាក់កណ្តាលផ្តាច់ព្រ័ត្រ កាលពីថ្ងៃទី២០ ខែធ្នូ ឆ្នាំ ២០២៥។

ចំណែក ក្រុមព្រះខ័នរាជស្វាយរៀង អាយុក្រោម ១៥ ឆ្នាំ បានយកឈ្នះលើក្រុម សាលាបឋមសិក្សាជ្រៃធំ ក្នុងលទ្ធផលយ៉ាងចាស់ដៃ ៦-០ ក្នុងវគ្គពាក់កណ្តាលផ្តាច់ព្រ័ត្រ កាលពីថ្ងៃទី២១ ខែធ្នូ ឆ្នាំ ២០២៥។

ដូច្នេះក្រុមឈ្នះ ប៉ះ ក្រុមឈ្នះ ដើម្បីដណ្តើមជើងឯក ខណៈក្រុមចាញ់ ប៉ះ ក្រុមចាញ់ ដើម្បីដណ្តើមចំណាត់ថ្នាក់លេខ ៣៕

អត្ថបទ៖ វិរបុត្រ

The post ពានស្វាយរៀងខាប់អាយុ ១៥ ឆ្នាំ លើកទី២ ឈានដល់វគ្គផ្តាច់ព្រ័ត្រ ថ្ងៃសៅរ៍នេះ appeared first on Kampuchea Thmey Daily.

ទីបំផុត រកឃើញក្រុមខ្លាំង៤ឡើងវគ្គពាក់កណ្តាលផ្តាច់ព្រ័ត្រពានស្វាយរៀងខាប់ U15 លើកទី២

Kosal Sem — Mon, 15 Dec 2025 04:50:13 +0000

ការប្រកួតពានរង្វាន់ ស្វាយរៀងខាប់ យុវជនអាយុក្រោម ១៥ឆ្នាំ លើកទី២ ឆ្នាំ២០២៥ បានរកឃើញក្រុមខ្លាំងចំនួន ៤ ដែលទទួលបានកៅអីឡើងមកកាន់វគ្គពាក់កណ្តាលផ្តាច់ព្រ័ត្រហើយ បន្ទាប់ពីបញ្ចប់ការប្រកួតវគ្គ ៨ ក្រុមចុងក្រោយដ៏ស្វិតស្វាញ កាលពីថ្ងៃ អាទិត្យ ទី ១៤ ខែ ធ្នូ ឆ្នាំ ២០២៥។

រូបភាពតំណាងការប្រកួតវគ្គ ៨ ក្រុម

រម្លឹកអំពីលទ្ធផលក្នុងវគ្គ ៨ ក្រុមចុងក្រោយ ដែលធ្វើឡើងនៅថ្ងៃទី ១៣ និង ១៤ ខែ ធ្នូ នៅទីលានវិទ្យាល័យ ហ៊ុន សែន ស្វាយរំពារ ក្នុងនោះក្រុមយុវជនសាមគ្គី បានយកឈ្នះក្រុម CRS Sport ១-០, ក្រុម ដារ៉ូពិទូ Sport FC បានចាញ់ក្រុម សាលាបឋមសិក្សាជ្រៃធំ ២-៣, ក្រុម ព្រះខ័នរាជស្វាយរៀង U15 បានយកឈ្នះក្រុម ត្នោត FC ៤-០ និងចុងក្រោយក្រោយ ក្រុមគោព្រៃភូមិស្វាយធំ បានយកឈ្នះលើក្រុម សាមគ្គីកីឡា ៣-១។

លទ្ធផលវគ្គ ៨ ក្រុមចុងក្រោយ

ដូច្នេះក្រុមខ្លាំង ៤ ក្រុមចុងក្រោយ ដែលឡើងមកកាន់វគ្គពាក់កណ្តាលផ្តាច់ព្រ័ត្រស្វាយរៀងខាប់ យុវជនអាយុក្រោម ១៥ឆ្នាំ លើកទី២ ឆ្នាំ២០២៥ រួមមាន យុវជនសាមគ្គី សាលាបឋមសិក្សាជ្រៃធំ ព្រះខ័នរាជស្វាយរៀង U15 និងក្រុម គោព្រៃភូមិស្វាយធំ៕

ក្រុម យុវជនសាមគ្គី

ក្រុម សាលាបឋមសិក្សាជ្រៃធំ

ក្រុម ព្រះខ័នរាជស្វាយរៀង U15

ក្រុម គោព្រៃភូមិស្វាយធំ

អត្ថបទ៖ សេម កុសល

The post ទីបំផុត រកឃើញក្រុមខ្លាំង៤ឡើងវគ្គពាក់កណ្តាលផ្តាច់ព្រ័ត្រពានស្វាយរៀងខាប់ U15 លើកទី២ appeared first on Kampuchea Thmey Daily.

ពាន​រង្វាន់​ស្វាយរៀងខាប់ Archives - Kampuchea Thmey Daily

គ្រូ U15 ព្រះខ័នរាជស្វាយរៀង សំណូមពរឲ្យយុវជនកុំមានអំនួតចំពោះការចាប់អាជីពបាល់ទាត់

លោក​ ភោក​ សីហា​ អរគុណ​ឯកឧត្ដម​ ឌី វិជ្ជា​ សម្រាប់​ការបង្កើត​ពាន​រង្វាន់​ជា​ច្រើន​ផ្ដល់​ឱកាស​ដល់​យុវជន​

អបអរសាទរ! ​ជ័យលាភី​ពាន​រង្វាន់ ស្វាយរៀង​ខាប់ អាយុ ១៥ ឆ្នាំ លើក​ទី​២

តើ U15 ព្រះ​ខ័ន​រាជ​ស្វាយរៀង ឬ គោព្រៃភូមិ​ស្វាយធំ ជា​ជើង​ឯក ស្វាយរៀងខាប់ U15 ថ្ងៃ​ស្អែក?

ពាន​ស្វាយរៀងខាប់​អាយុ ១៥ ឆ្នាំ លើក​ទី​២​ ឈាន​ដល់​វគ្គ​ផ្តាច់​ព្រ័ត្រ ថ្ងៃ​សៅរ៍​នេះ

ទីបំផុត រកឃើញក្រុមខ្លាំង៤ឡើងវគ្គពាក់កណ្តាលផ្តាច់ព្រ័ត្រពានស្វាយរៀងខាប់ U15 លើកទី២

ពានរង្វាន់ស្វាយរៀងខាប់ Archives - Kampuchea Thmey Daily

លោក ភោក សីហា អរគុណឯកឧត្ដម ឌី វិជ្ជា សម្រាប់ការបង្កើតពានរង្វាន់ជាច្រើនផ្ដល់ឱកាសដល់យុវជន

អបអរសាទរ! ជ័យលាភីពានរង្វាន់ ស្វាយរៀងខាប់ អាយុ ១៥ ឆ្នាំ លើកទី២

តើ U15 ព្រះខ័នរាជស្វាយរៀង ឬ គោព្រៃភូមិស្វាយធំ ជាជើងឯក ស្វាយរៀងខាប់ U15 ថ្ងៃស្អែក?

ពានស្វាយរៀងខាប់អាយុ ១៥ ឆ្នាំ លើកទី២ ឈានដល់វគ្គផ្តាច់ព្រ័ត្រ ថ្ងៃសៅរ៍នេះ