កីឡា

គ្រូ U15 ព្រះខ័នរាជស្វាយរៀង សំណូមពរឲ្យយុវជនកុំមានអំនួតចំពោះការចាប់អាជីពបាល់ទាត់

បានផុស

៥ ខែ មុន

នៅ

ថ្ងៃពុធ ១៨ កុម្ភៈ ២០២៦

ដោយ

គ្រូបង្វឹករបស់ក្រុមបាល់ទាត់ U15 ព្រះខ័នរាជ្យស្វាយរៀង ភោក សីហា បានផ្ដាំផ្ញើទៅដល់យុវជនដែលចង់ចាប់អាជីពជាកីឡាករបាល់ទាត់សូមកុំមានអំនួតពេលបានលេង ១១នាក់ដំបូង និងត្រូវបន្តខំប្រឹងប្រែងហ្វឹកហាត់ទើបឈានដល់ភាពជោគជ័យទៅបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ភោក សីហា

លោក ភោក សីហា បានឲ្យដឹងថា ក្នុងនាមជាអ្នកមានបទពិសោធម្នាក់ក្នុងវិស័យបាល់ទាត់នេះ សូមយុវជនទាំងអស់បើទោះជាបានជាប់ជម្រើស ១១នាក់ដំបូងយ៉ាងណាក្ដីមិនត្រូវមានអំនួតលើខ្លួនឯង និងមិនខំប្រឹងហ្វឹកហាត់ ឬហ្វឹកហាត់បែបលេងសើចនោះឡើយ។

ទិដ្ឋភាពប្រកួតពានស្វាយរៀងខាប់

គ្រូបង្វឹករូបនេះបន្ថែមទៀតថា ប្រសិនបើចង់ក្លាយជាកីឡាករអាជីពត្រូវតែខំប្រឹងប្រែងហ្វឹកហាត់ និងត្រូវឆ្លៀតហាត់ដោយខ្លួនឯងបន្ថែម។ បើទោះជាខ្លួនមានសមត្ថភាពល្អហើយក្ដី ប៉ុន្តែបោះបង់ការហ្វឹកហាត់ចោលគឺមិនអាចសម្រេចក្ដីបំណងជាកីឡាករអាជីពបានឡើយ។ អ្នកដែលមានឥរិយាបថដូចលើកឡើងនេះសូមបោះបង់ចោលទើបអាចវិវត្តន៍សមត្ថភាពខ្លួនតទៅមុខទៀតបាន។

ទិដ្ឋភាពក្រោយបញ្ចប់ពានស្វាយរៀងខាប់

បញ្ជាក់ដែរថា លោក ភោក សីហា ជាគ្រូបង្វឹកក្រុមបាល់ទាត់ U15 ព្រះខ័នរាជ្យស្វាយរៀង។ លោកទើបតែជួយក្រុមឲ្យឈ្នះពានរង្វាន់ស្វាយរៀងខាប់ លើកទី២ កាលពីថ្ងៃទី១៤ ខែកុម្ភៈ ឆ្នាំ២០២៦ ថ្មីៗនេះនៅឯខេត្តស្វាយរៀង៕

អត្ថបទដោយ៖ នួន ស៊ីណា