កីឡា

លោក ភោក សីហា អរគុណឯកឧត្ដម ឌី វិជ្ជា សម្រាប់ការបង្កើតពានរង្វាន់ជាច្រើនផ្ដល់ឱកាសដល់យុវជន

បានផុស

២ ខែ មុន

នៅ

ថ្ងៃអាទិត្យ ១៥ កុម្ភៈ ២០២៦

ដោយ

លោក ភោក សីហា ដែលជាគ្រូបង្វឹករបស់ក្រុមយុវជនព្រះខ័នរាជ្យស្វាយរៀង U15 ថ្លែងអំណរគុណដល់ឯកឧត្ដម ឌី វិជ្ជា ដែលបានជ្រោមជ្រែងបង្កើតឲ្យមានការប្រកួតពានរង្វាន់ជាច្រើនជាការផ្ដល់ឱកាសដល់ក្មេងៗក្នុងខេត្តស្វាយរៀងនេះបានហ្វឹកហាត់បង្កើនសមត្ថភាព។

លោក ភោក សីហា

លោក ភោក សីហា គ្រូបង្វឹក U15 ព្រះខ័នរាជ្យស្វាយរៀងបានឲ្យដឹងថា ពានរង្វាន់ស្វាយរៀងខាប់នេះគឺពិតជាល្អ និងមានសារសំខាន់ណាស់ចំពោះយុវជននៅក្នុងខេត្តស្វាយរៀងនេះបានចូលរួមប្រកួតប្រជែងបង្ហាញសមត្ថភាព និងជាការផ្ដល់បទពិសោធលើទីលាន។

យុវជនព្រះខ័នរាជ្យស្វាយរៀងកាលពីឆ្នាំ ២០២៣

គ្រូបង្វឹករូបនេះបន្ថែមទៀតថា លោកពិតជាអរគុណចំពោះការស្រឡាញ់ និងការជ្រោមជ្រែងរបស់ឯកឧត្ដម ឌី វិជ្ជា ដែលបានបង្កើតពានរង្វាន់ផ្សេងៗពិសេសដូចជាពានស្វាយរៀងខាប់នេះជាដើម។ ការបង្កើតពានរង្វាន់នេះគឺបានជំរុញ និងរួមចំណែកលើការបណ្ដុះធនធានយុវជនក្នុងខេត្តស្វាយរៀងឲ្យមានសមត្ថភាពល្អក្លាយជាជើងខ្លាំងតំណាងខេត្ត និងថ្ងៃអនាគតក្លាយជាកីឡាករអាជីពលេងក្នុងក្លឹបនានា។ ដូច្នេះយុវជនខេត្តស្វាយរៀងក៏នឹងមានជើងខ្លាំងជាច្រើនដែរដែលមានសមត្ថភាពអាចប្រកួតប្រជែងជាមួយបណ្ដាខេត្តផ្សេងៗ។

បញ្ជាក់ដែរថា ពានរង្វាន់ស្វាយរៀងខាប់ U15 លើកទី២ ឆ្នាំ២០២៦ នេះបានបិទបញ្ចប់ហើយកាលពីល្ងាចថ្ងៃទី១៤ ខែកុម្ភៈ ក្រោយរកឃើញម្ចាស់ជើងឯកគឺក្រុមយុវជនព្រះខ័នរាជ្យស្វាយរៀង។ ចំណែកក្រុមលេខ២ បានលើក្រុមគោព្រៃភូមិស្វាយធំ ក្រុមចំណាត់ថ្នាក់លេខ៣ បានលើក្រុមសាលាបឋមសិក្សាជ្រៃធំ។ ពានរង្វាន់នេះគឺរៀបចំឡើងនៅកីឡដ្ឋានព្រះខ័នរាជ្យស្វាយរៀងក្នុងខេត្តស្វាយរៀង៕