ទន្ទឹមគ្នានឹងការចុះជួយនេះដែរ តារាសម្តែង ពេជ្រ ចរណៃ ក៏បានធ្វើការអំពាវនាវចំពោះសាធារណជនខ្មែរទាំងអស់ត្រូវរួបរួមសាគ្គីគ្នាជាធ្លុងតែមួយ ដើម្បីបន្តជួយដល់វីរកងទ័ពជួរមុខដែលកំពុងលះបង់អស់ហើយ រឿងអីជួរក្រោយលះបង់មិនបាន។

កញ្ញា ពេជ្រ ចរណៃ ស្នើថា “សូមបងប្អូនខ្មែរទាំងអស់រួបរួមសាមគ្គីកុំបែកបាក់សាមគ្គីឬឈ្លោះទាស់ទែងពាក្យសម្តីគ្នា ខណ:ពេលនេះគឺប្រទេសជាតិកំពុងជួបបញ្ហាឈ្លានពីខ្មាំងចោរសៀម។ ម្យ៉ាងទៀតយើងគួរអាណិតដល់បងៗវីរ:កងទ័ពដែលលះបង់សាច់ស្រស់ឈាមស្រដើម្បីការពារបូរណភាពទឹកដីនិងប្រជាជនពីការឈ្លានពានរបស់ក្រុមទាហានចោរសៀម”។

ពេជ្រ ចរណៃ ក៏បានសម្តែងអារម្មណ៍ក្តុកក្តួលជាខ្លាំង ពេលដែលចុះយកអំណោយទៅជួយដល់វីរកងទ័ព និងជនភៀសសឹកនៅតាមបន្ទាត់ព្រំដែន ដែលរងការឈ្លានពានពីចោរឈ្លានពាន។

តារាស្រីកញ្ញា ពេជ្រ ចរណៃ ពេលនេះកំពុងបន្តសកម្មភាពចុះជួយដល់បងប្អូនវីរកងទ័ព និងជនភៀសសឹកដល់គោលដៅដោយផ្ទាល់ ខណ:កញ្ញាបានបញ្ជាក់ថា “រាល់ជំនួយសប្បុរសជននឹងយកទៅដល់ដៃបងប្អូនទាំងអស់”៕ ដោយ: ចាន់រ៉ា

The post ពេជ្រ ចរណៃ បន្តសកម្មភាពចុះជួយដល់វីរកងទ័ពជួរមុខ និងអំពាវនាវខ្មែរ ឱ្យរួមសាមគ្គីគ្នា appeared first on Kampuchea Thmey Daily.

កញ្ញា ពេជ្រ ចរណៃ បានរៀបរាប់ខ្លឹមសារថា ខ្លួនស្គាល់ទីតាំងដែលខ្វះខាតខ្លាំង ដាច់ស្រយាលនិងមិនសូវមានអ្នកជំនួយដល់កន្លែងខ្លះគឺមិនទាន់មានតាំងពីថ្ងៃ ៧មក គ្រាន់តែមិនសូវសុវត្ថិភាពទេ ខ្លួនបានឃើញផ្ទាល់ ទប់ទឹកភ្នែកមិនជាប់ទេ សំលេងគ្រាប់ F16 ធ្លាក់ខ្ទរជិតៗទីតាំង។

ពេជ្រ ចរណៃ បន្តទៀតថា “ម៉ែចាស់មើលថែរកូនខ្វិនដេកមួយកន្លែង ឪចាស់ងងឹតភ្នែកទាំងសង មានតែឈើរាវជំនួសភ្នែក កូនក្មេងតូចៗស្រែកយំពេញព្រៃ ព្រោះស្រេកទឹកឃ្លានបាយអ្នកម្ដាយរត់ភៀសសឹក ៩ខែ ទឹកមុខស្លេកស្លក់ព្រោះអត់អាហារ។ រៀបរាប់ទៅមុខទៀតលែងកើតហើយអួលដើមកណាស់ ចុកណែនក្នុងទ្រូងណាស់”។

ជាមួយគ្នានេះ ក៏មានការបញ្ចេញមតិគាំទ្រមួយចំនួនដល់តារាចម្រៀងលោក សាយ ផងដែរ ខណ:មានខ្លះ ទៀតបានជូនពរដល់វីរ:កងទ័ពដ៏អង់អាចក្លាហានរបស់កម្ពុជាឱ្យទទួលបានជ័យជំនះនិងឈ្នះខ្មាំងសត្រូវឈ្លានពានពីសំំណាក់ចោរសៀមផងដែរ។

កញ្ញា ពេជ្រ ចរណៃ ពេលនេះកំពុងបន្តសកម្មភាពចុះជួយដល់បងប្អូនវីវ:កងទ័ព និង ជនភៀសសឹកដល់គោលដៅដោយផ្ទាល់ខណ:កញ្ញាបានបញ្ជាក់ថារាល់ជំនួយសប្បុរសជននឹងយកទៅដល់ដៃបងប្អូនទាំងអស់៕ ដោយ: ចាន់រ៉ា

The post ពេជ្រ ចរណៃ ទប់ទឹកភ្នែកមិនជាប់ពេលចុះទៅដល់ទីតាំងវីរកងទ័ព និងជនភៀសសឹក appeared first on Kampuchea Thmey Daily.

កញ្ញា ពេជ្រ ចរណៃ បានសរសេរខ្លឹមសារអបដោយវីដេអូក្នុងឈុតរបាំបុរាណ ដោយបង្ហាញការហួសចិត្តនឹងរបៀបលាបពណ៌របស់ផ្ទះលេខ២ ដែលចេះតែរកនឹកឃើញនូវគំនិតលាបពណ៌ឱ្យម្ចាស់ដើម។ កញ្ញាថា ឱ្យតែរាល់ពេលដែលខ្លួនថតផ្សព្វផ្សាយពីសិល្ប: របាំបុរាណ ឬក្បាច់គុនខ្មែរ គឺពួកជ្រុលនិយមសៀមដែលវង្វេងប្រវត្តិសាស្ត្រ តែងព្រួតគ្នាចូលតែម្តង។

កញ្ញា ពេជ្រ ចរណៃ បាននិយាយទៀតថា “បងប្អូងដឹងហើយ ផ្ទះលេខ២នេះ គឺពួកគេចង់បានណាស់មិនថាទឹកដីសិល្ប: វប្បធម៌ អក្សរ ចម្លាក់ ក្បាច់គុន ឬ របាំដែលជាកេរតំណែលដូនតាខ្មែរ គឺពួកវាចង់បានណាស់។ ត្រង់ចំណុចនេះចង់ឱ្យបងប្អូនយកគិតបន្តិចថា អ្វីដែលខ្ញុំរៀបរាប់ទាំងអស់ហ្នឹងបើមិនមានតម្លៃភាពអស្ចារ្យនោះទេ មិនមែនពួកចោរវាចង់បានទេព្រោះពួកវាចេះណាស់”។

តារាស្រី ពេជ្រ ចរណៃ និយាយទៀតថា “អ៊ីចឹងហើយក្នុងនាមយើងជាម្ចាស់កេរតំណែលដែលដូនតាខ្មែរបានបន្សល់ទុកឱ្យចូលយើងត្រូវតែរួមគ្នាថែរក្សាការពារ និងអភិរក្សលើកស្ទួយផ្សព្វផ្សាយទាំងអស់គ្នាឱ្យបានឋិតថេរគង់វង្សសម្រាប់កូនខ្មែរជំនាន់ក្រោយៗទៀត”៕ អត្ថបទ៖ ចាន់រ៉ា

The post ពេជ្រ ចរណៃ ហួសចិត្តនឹងទង្វើអ្នកជ្រុលនិយមផ្ទះលេខ២ ដែលពូកែលាបពណ៌រឿងសម្បត្តិវប្បធម៌ខ្មែរ appeared first on Kampuchea Thmey Daily.

កញ្ញា ពេជ្រ ចរណៃ ជាតារាសម្តែង និងជាគ្រូគុនល្បុក្កតោមួយរូប ដែលតែងសកម្មក្នុងការចូលរួមចំណែកផ្សព្វផ្សាយ និងលើកស្ទួយវប្បធម៌ក្បាច់គុនបុរាណខ្មែរ តាមរយៈការចូលរួមសម្តែងក្បាច់គុនក្នុងព្រឹត្តិការណ៍ជាតិ ក៏ដូចជាតាមកម្មវិធីនានា ខណៈថ្មីៗនេះ កញ្ញាទើបតែបើកសាលាគុនល្បុក្កតោ តេជ័យតេជៈ ដើម្បីរួមរក្សាមរតកក្បាច់គុនខ្មែរដល់កូនខ្មែរជំនាន់ក្រោយ។

ជាមួយនឹងការបំផុសគំនិតចូលរួមលើកស្ទួយមរតកក្បាច់គុនល្បុក្កតោនេះដែរ ពេជ្រ ចរណៃ កាលពីពាក់កណ្តាលតុលាកន្លងទៅថ្មីៗនេះ បានសហការជាមួយនឹងក្រុមហ៊ុនគ្រឿងសម្អាងធំមួយប្រចាំកម្ពុជា ក្នុងការរៀបចំកម្មវិធី «ឥទ្ធិពលនៃវប្បធម៌ ជាសម្រស់នារីខ្មែរសម័យថ្មី» ដើម្បីចូលរួមលើកស្ទួយគុនល្បុក្កតោខ្មែរ។ មិនតែប៉ុណ្ណោះ ក៏មានគម្រោងបន្តរៀបចំនៅតាមបណ្តាខេត្តក្រុងនានាផងដែរ ដោយចាត់ទុកជាផ្នែកមួយនៃចលនាចូលរួមផ្សព្វផ្សាយទៅកាន់ពិភពលោក បានស្គាល់ពីគុនខ្មែរកាន់តែទូលំទូលាយ។

គួរឱ្យដឹងដែរថា កម្មវិធី “ឥទ្ធិពលនៃវប្បធម៌ជាសម្រស់នារីខ្មែរសម័យថ្មី” ដែលទើបរៀបចំធ្វើកាលពីពាក់កណ្តាលខែតុលាកន្លងទៅ មិនត្រឹមតែបានបង្ហាញពីឈុតឆាកគុនល្បុក្កតោពីសំណាក់កញ្ញា​ ពេជ្រ ចរណៃ និងគ្រូ ព្រមទាំងកូនសិស្សគុនល្បុក្កតោនោះទេ តែអ្នកចូលរួមក៏មានឱកាសបានស្លៀកឈុតគុនល្បុក្កតោដូចគ្នាដែរ​ ដើម្បីចូលរួមផ្សព្វផ្សាយទៅកាន់ពិភពលោកផងដែរ។

ក្នុងកម្មវិធីនេះដែរ ក៏មានការចូលរួមទស្សនាពីសំណាក់សាធារណជនខ្មែរជាច្រើន ព្រមទាំងជនបរទេសផងដែរ និងបានសម្ភាសដោយផ្ទាល់ជាមួយកញ្ញាផ្ទាល់ទៀតផង។ ស្របនឹងការតស៊ូបំផុសផ្សព្វផ្សាយក្បាច់គុនល្បុក្កតោជាហូរហែរ តែ ពេជ្រ ចរណៃ ក៏មិនដែលភ្លេចបង្ហាញនូវការដឹងគុណចំពោះវីរភាពរបស់លោកគ្រូតាក្រមាមាស ក្បាច់គុនល្បុក្កតោ សាន គឹមស៊ាន នៅដែរ។

ដោយមើលឃើញនូវគុណតម្លៃ នៃការផ្សព្វផ្សាយមរតកក្បាច់គុនបុរាណខ្មែរ ពេជ្រ ចរណៃ ក៏តែងអំពាវនាវជារឿយៗឱ្យសាធារណជនខ្មែរចូលរួមលើកស្ទួយ និងផ្សព្វផ្សាយមរតកក្បាច់គុនដ៏ផូរផង់របស់ខ្មែរឱ្យបានផុសផុល។ ទន្ទឹមនេះ​ កញ្ញាក៏ប្រកាសពីជំហានបន្ទាប់របស់ខ្លួនផងដែរ តាមរយៈការបង្ហាញ និងផ្សព្វផ្សាយពីក្បាច់គុនល្បុក្កតោ នាថ្ងៃទី ៥ -៦ ខែវិច្ឆិកាខាងមុខនេះ នៅសួនច្បារ មាត់ស្ទឹងសៀមរាប ចាប់ពីម៉ោង ៦ល្ងាច ក្នុងមហាព្រឹត្តិការណ៍ ផ្ទាំងទស្សនីយភាពសិល្បៈវប្បធម៌ខ្មែរចម្រុះជាច្រើន ដោយសង្កត់ធ្ងន់ថា “ចូលរួមផ្សព្វផ្សាយពីសិល្បៈ វប្បធម៌ជាតិយើងទៅកាន់ពិភពលោកទាំងអស់គ្នា”៕

The post ពេជ្រ ចរណៃ នឹងនាំយកមរតកគុនល្បុក្កតោ ទៅបង្ហាញក្នុងព្រឹត្តិការណ៍បុណ្យអុំទូកនៅក្រុងសៀមរាប សប្តាហ៍ក្រោយនេះ appeared first on Kampuchea Thmey Daily.

ជាការពិតថ្មីៗនេះ មហាជនអ្នកគាំទ្រគឺបានចាប់អារម្មណ៍នូវកម្មវិធីមួយដែលសាលាគុនល្បុក្កតោតេជ័យតេជៈរបស់កញ្ញា ពេជ្រ ចរណៃ សហការណ៍ជាមួយនឹងក្រុមហ៊ុនគ្រឿងសម្អាងមួយក្នុងការរៀបចំកម្មវិធី” ឥទ្ធិពលនៃវប្បធម៌ ជាសម្រស់នារីខ្មែរសម័យថ្មី” ដើម្បីចូលរួមលើកស្ទួយគុនល្បុក្កតោខ្មែរ។

នៅក្នុងកម្មវិធីនេះដែរ ក៏មានការចូលរួមទស្សនាពីសំណាក់បងប្អូនជាច្រើនផងដែរ ខណ:គេសង្កេតឃើញមានជនបរទេសក៏ចូលរួមទស្សនា និងចាប់អារម្មណ៍តាមរយ:ការសម្ភាសដោយផ្ទាល់ជាមួយកញ្ញា ពេជ្រ ចរណៃ ផងដែរ ។ កញ្ញា ពេជ្រ ចរណៃ បញ្ជាក់ថា នេះហើយការតស៊ូក្រាញននៀលជាមួយនឹងក្បាច់គុនល្បុក្កតោរបស់នាងខ្ញុំ ហើយក៏សូមគោរពដឹងគុណចំពោះវីរភាពរបស់លោកគ្រូតាក្រមាមាសក្បាច់គុនល្បុក្កតោ សាន គឹមស៊ាន ។

ចរណៃ បាននិយាយទៀតថា”បរទេសគេឲ្យតម្លៃលើ ក្បាច់គុនយើងណាស់ចុះចំណែកយើងដែលជាម្ចាស់ក្បាច់គុន? នេះហើយជាឥទ្ធិពលនៃការផ្សព្វផ្សាយមិនថាផ្សព្វផ្សាយក្នុងរូបភាពបែបណាទេឲ្យតែមានតម្លៃសម្រាប់វប្បធម៌ជាតិរបស់យើងចូលរួមផ្សព្វផ្សាយទាំងអស់គ្នាដើម្បីជាតិយើងទាំងអស់គ្នា”។

គួរបញ្ជាក់ថាកម្មវិធី “ឥទ្ធិពលនៃវប្បធម៌ជាសម្រស់នារីខ្មែរសម័យថ្មី” មិនត្រឹមតែបានបង្ហាញពីឈុតឆាកគុនល្បុក្កតោពីសំណាក់កញ្ញា​ ពេជ្រ ចរណៃ និងគ្រូ ព្រមទាំងកូនសិស្សគុនល្បុក្កតោនោះទេ តែអ្នកចូលរួមក៏មានឱកាសបានស្លៀកឈុតគុនល្បុក្កតោដូចគ្នាដែរ​ ដើម្បីចូលរួមផ្សព្វផ្សាយទៅកាន់ពិភពលោកផងដែរ៕ ចាន់រ៉ា

The post បរទេសឱ្យតម្លៃ! ពេជ្រ ចរណៃ ជំរុញទឹកចិត្តយុវជនរួមគ្នាលើកស្ទួយគុនល្បុក្កតោខ្មែរ appeared first on Kampuchea Thmey Daily.

កញ្ញា ពេជ្រ ចរណៃ បានឱ្យដឹងថា ឆាប់ៗនេះ ខ្លួននឹងធ្វើបេសកកម្មមួយដើម្បីប្រមូលថវិកាជួយដល់វីរកងទ័ពជួរមុខ ក៏ដូចជាពលរដ្ឋភៀសសឹកកម្ពុជា តាមរយៈការសម្តែងក្បាច់គុនល្បុក្កតោ ទូទាំងខេត្ត-ក្រុងទាំង២៥ នៃព្រះរាជាណាចក្រកម្ពុជា ក្រោម”មូលនិធិ ម្នាក់ ១ដុល្លារ ដើម្បីជួយដល់វីរកងទ័ពជួរមុខ និង ជួយដល់ជនភៀសសឹក“។

ទន្ទឹមនេះ កញ្ញា ពេជ្រ ចរណៃ ក៏បានអំពាវនាវដល់សប្បុរសជននានាចូលរួមជាមួយមូលនិធិនេះ ក្នុងន័យដើម្បីជាចំណែកជួយដល់ប្រទេសជាតិយើងទាំងអស់គ្នា។

គួររំលឹកដែរថា គំនិតផ្តួចផ្តើមនៃមូលនិធិខាងលើនេះ គឺធ្វើឡើងក្រោយមូលនិធិ “១ដុល្លារ សម្រាប់វីរជន ដើម្បីទិញដ្រូនបំពាក់កាមេរ៉ាចាប់កម្ដៅ” កាលពីអំឡុងពាក់កណ្តាលខែសីហាកន្លងទៅ ៕

The post ពេជ្រ ចរណៃ គ្រោងសម្តែងគុនល្បុក្កតោ ២៥ខេត្ត-ក្រុង ក្រោមមូលនិធិ ម្នាក់ ១ដុល្លារ ដើម្បីវីរកងទ័ពជួរមុខ និងពលរដ្ឋភៀសសឹក appeared first on Kampuchea Thmey Daily.

តារាសម្តែងស្រីកញ្ញា ពេជ្រ ចរណៃ បានបង្ហាញអារម្មណ៍ផ្ទាល់ខ្លួនថាខ្ញុំឈឺចុកចាប់ខ្លាំងណាស់សរសេរទាំងទប់ទឹកភ្នែកមិនជាប់ចំពោះវីរបុរសដ៏អង់អាចរបស់កម្ពុជាថា “សូមឱ្យវិញ្ញាណក្ខន្ធវីរបុរសខ្មែរដែលបានពលីការពារបូរណភាពទឹកដី ទៅកាន់ទីស្ងប់សុខផងចុះ។ ជយោកម្ពុជា អរគុណសន្តិភាព”។

ពេជ្រ ចរណៃ លើកឡើងទៀតថា វីរ:កងទ័ពយេីងពិតជាអង់អាចក្លាហានណាស់ ក្នុងនាមនាងជាកូនខ្មែរមួយរូបនាងសូមគោរពអរគុណដល់វីរកងទ័ពខ្មែរកម្ពុជាទាំងអស់ ដែលបានលះបង់សាច់ស្រស់ឈាមស្រស់ ដើម្បីតែបុព្វហេតុជាតិការពារទឹកដីកុំឲ្យសត្រូវឈ្លានពានបាន ហើយក៏សូមគោរពអរគុណដល់ថ្នាក់ដឹកនាំយើងដូចគ្នា នូវភាពអង់អាចក្លាហាន និងការលះបង់ដ៏ធំធេងនេះនឹងដក់ជាប់នៅក្នុងក្រអៅបេះដូងរបស់ប្រជាជនខ្មែរជានិច្ច។

ពេជ្រ ចរណៃ ថា “ពួកយើងនឹងចងចាំអ្នកនៅក្នុងបេះដូង យើងជាជនជាតិខ្មែរ សូមធ្វើការគោរពនិងកាន់ទុក្ខដល់វីរ:កងទ័ពដ៏អង់អាចដែលបានពលីជីវិតក្នុងសមរភូមិជួរមុខយ៉ាងអង់អាចក្លាហាន ដើម្បីការពារបូរណភាពទឹកដីជាតិមាតុភូមិប្រជាជនខ្មែរនឹងចង់ចាំទុកនូវវីរៈភាពដ៏អង់អាចមួយនេះជាប់ក្នុងក្រអៅបេះដូង”៕ ចាន់រ៉ា

The post ពេជ្រ ចរណៃ ក្តុកក្តួលខ្លាំងនៅមុខរូបថតកងទ័ពពលីដើម្បីការពារជាតិមាតុភូមិ ប្រឆាំងការឈ្លានពានពីសៀម appeared first on Kampuchea Thmey Daily.

ឧកញ៉ា ហ៊ួត ជា បានឱ្យដឹងថា នៅក្នុងការចុះទៅជួយកញ្ញា ពេជ្រ ចរណៃនាពេលនេះ គឺធ្វើឡើងបន្ទាប់ពីលោកបានសន្យាថា នឹងជួយសម្ភារៈគ្រឿងសំណង់ខ្លះៗក្នុងការជួសជុលរៀបចំហាងឡើងវិញ។

លោកឧកញ៉ា បានបន្ថែមថា យើងមិនត្រឹមតែជួយជាសម្ភារៈសំណង់តែប៉ុណ្ណោះទេ ក្រុមហ៊ុន ហ៊ួត ជា ក៏បានផ្ដល់ឱកាសនិងអញ្ជើញកញ្ញា ពេជ្រ ចរណៃ ឱ្យធ្វើជា BA ថ្នាំលាបMC PAINT ផងដែរ។

លោកឧកញ៉ារំពឹងថា ក្រោយពីលោកទទួលកញ្ញា ពេជ្រ ចរណៃ ឱ្យធ្វើជា BA បងប្អូនប្រជាពលរដ្ឋនឹងជួយគាំទ្រថ្នាំលាប MC PAINTកាន់តែច្រើនឡើងថែមទៀត។

សូមជម្រាបជូនថា លោកឧកញ៉ា ហ៊ួត ជា គឺជាអគ្គនាយកក្រុមហ៊ុនសំណង់ ហ៊ួត ជា គ្រុប, ប្រធានសមាគមជាងសំណង់កម្ពុជា និងជាសមាជិកសមាគមឧកញ៉ាកម្ពុជា។ លោកឧកញ៉ា បានបង្កើតក្រុមហ៊ុន ហ៊ួត ជា គ្រុប រយៈពេលប្រមាណ ១៤ឆ្នាំមកហើយ។ បច្ចុប្បន្ន ក្រុមហ៊ុនផ្គត់ផ្គង់គ្រឿងសំណង់មួយនេះ កំពុងទទួលបានការគាំទ្រពីសំណាក់អតិថិជនយ៉ាងច្រើន ដោយសារកត្តាគុណភាព និងតម្លៃសមរម្យ ជាពិសេសមានការនាំចូលពីក្រៅប្រទេសយ៉ាងប្រណីតៗផងដែរ៕

The post ត្រឡប់មកពីក្រៅប្រទេសភ្លាម លោកឧកញ៉ា ហ៊ួត ជា នាំយកសម្ភារៈសំណង់ទៅជួយកញ្ញា ពេជ្រ ចរណៃ ភ្លាម និងទទួលធ្វើជា BA ថ្នាំលាប MC PAINT ថែមទៀត appeared first on Kampuchea Thmey Daily.