ពេជ្រ ចរណៃ ហួសចិត្តនឹងទង្វើអ្នកជ្រុលនិយមផ្ទះលេខ២ ដែលពូកែលាបពណ៌រឿងសម្បត្តិវប្បធម៌ខ្មែរ

តារាសម្តែង និងគ្រូគុនល្បុក្កតោ កញ្ញា ពេជ្រ ចរណៃ បានបង្ហាញការហួសចិត្តខ្លាំង ទៅលើទង្វើឥតខ្មាសអៀនរបស់ផ្ទះលេខ២ ដែលតែងតែងវង្វេងប្រវត្តិសាស្ត្ររឿងចម្លងវប្បធម៌តែបែរជាលាបពណ៌ខ្មែរទៅវិញ។

កញ្ញា ពេជ្រ ចរណៃ បានសរសេរខ្លឹមសារអបដោយវីដេអូក្នុងឈុតរបាំបុរាណ ដោយបង្ហាញការហួសចិត្តនឹងរបៀបលាបពណ៌របស់ផ្ទះលេខ២ ដែលចេះតែរកនឹកឃើញនូវគំនិតលាបពណ៌ឱ្យម្ចាស់ដើម។ កញ្ញាថា ឱ្យតែរាល់ពេលដែលខ្លួនថតផ្សព្វផ្សាយពីសិល្ប: របាំបុរាណ ឬក្បាច់គុនខ្មែរ គឺពួកជ្រុលនិយមសៀមដែលវង្វេងប្រវត្តិសាស្ត្រ តែងព្រួតគ្នាចូលតែម្តង។

កញ្ញា ពេជ្រ ចរណៃ បាននិយាយទៀតថា “បងប្អូងដឹងហើយ ផ្ទះលេខ២នេះ គឺពួកគេចង់បានណាស់មិនថាទឹកដីសិល្ប: វប្បធម៌ អក្សរ ចម្លាក់ ក្បាច់គុន ឬ របាំដែលជាកេរតំណែលដូនតាខ្មែរ គឺពួកវាចង់បានណាស់។ ត្រង់ចំណុចនេះចង់ឱ្យបងប្អូនយកគិតបន្តិចថា អ្វីដែលខ្ញុំរៀបរាប់ទាំងអស់ហ្នឹងបើមិនមានតម្លៃភាពអស្ចារ្យនោះទេ មិនមែនពួកចោរវាចង់បានទេព្រោះពួកវាចេះណាស់”។

តារាស្រី ពេជ្រ ចរណៃ និយាយទៀតថា “អ៊ីចឹងហើយក្នុងនាមយើងជាម្ចាស់កេរតំណែលដែលដូនតាខ្មែរបានបន្សល់ទុកឱ្យចូលយើងត្រូវតែរួមគ្នាថែរក្សាការពារ និងអភិរក្សលើកស្ទួយផ្សព្វផ្សាយទាំងអស់គ្នាឱ្យបានឋិតថេរគង់វង្សសម្រាប់កូនខ្មែរជំនាន់ក្រោយៗទៀត”៕ អត្ថបទ៖ ចាន់រ៉ា