ក្នុងរបាយការណ៍ដែលយកមកចុះផ្សាយបន្តដោយសារព័ត៌មាន BBC, ឥទ្ធិពលនៃការទម្លាក់គ្រាប់បែករបស់អាមេរិក គ្រាន់តែបង្អាក់ដំណើរការផលិត​នុយក្លេអ៊ែរនៅអ៊ីរ៉ង់ច្រើនខែប៉ុណ្ណោះ ពោលគឺមិនបានបំផ្លាញឃ្លាំងស្តុកសារធាតុអ៊ុយរ៉ាញ៉ូមដែលចម្រាញ់រួចរបស់សាធារណរដ្ឋឥស្លាមមួយនេះទេ។

កាលពីថ្ងៃសៅរ៍ទី២១ខែមិថុនាឆ្នាំ២០២៥ អាមេរិកបានបើកប្រតិបត្តិការ Midnight Hammer វាយប្រហាររោងចក្រនុយក្លេរអ៊ែរអ៊ីរ៉ង់៣កន្លែងដូចជា Fordo, Natanz និង Isfahan ហើយក្រោយមកលោកត្រាំប្រកាសថា ទីតាំងទាំងនោះត្រូវបានកម្ទេចចោល។

ទោះយ៉ាងណា ការវាយតម្លៃចារកម្មរបស់មន្ទីរបញ្ចកោណបង្ហាញថា ម៉ាស៊ីន Centrifuge សម្រាប់ចម្រាញ់អ៊ុយរ៉ាញូមគឺនៅដដែល មានតែរចនាសម្ព័ន្ធលើដីប៉ុណ្ណោះ ដែលត្រូវប៉ះពាល់ខ្លាំង ប៉ុន្តែរចនាសម្ព័ន្ធភាគច្រើននៅក្រោមដីជ្រៅគឺ មិនរងគ្រោះឡើយ។

ទន្ទឹមនោះមានប្រភពជាច្រើនក៏បានប្រាប់ទៅសារព័ត៌មាន CBS ផងដែរថា សារធាតុអ៊ុយរ៉ាញ៉ូមមួយចំនួន ក៏ត្រូវបានអ៊ីរ៉ង់យកចេញពីរោងចក្ររួចទៅហើយដែរ មុនការវាយប្រហាររបស់អាមេរិក។

របាយការណ៍ខាងលើ ក៏ផ្ទុយពីការអះអាងរបស់អនុប្រធានាធិបតី​អាមេរិក JD Vance ផងដែរ ដែលនិយាយថា ពេលនេះអ៊ីរ៉ង់​មិនអាចផលិតអាវុធនុយក្លេអ៊ែរបាន​ទេ ព្រោះការវាយប្រហារនាពេលថ្មីៗនេះរបស់ក្រុង​វ៉ាស៊ីនតោន​បានបំផ្លាញហេដ្ឋារចនាសម្ព័ន្ធនុយក្លេអ៊ែរដ៏សំខាន់​របស់​ទីក្រុង​តេហេរ៉ង់ បាត់ទៅហើយ។

ក្នុងបទសម្ភាសន៍មួយ​ជាមួយ Fox News កាល​ពី​ថ្ងៃ​ទី​២៣​ខែមិថុនា​ លោក Vance ​លើក​ឡើង​ថា «អ៊ីរ៉ង់​គឺ​ជិត​មាន​អាវុធ​នុយក្លេអ៊ែរ​ហើយ។​ ឥឡូវ​នេះ អ៊ីរ៉ង់​មិន​មាន​សមត្ថភាព​ក្នុង​ការ​បង្កើត​អាវុធ​នុយក្លេអ៊ែរ​ជាមួយ​ឧបករណ៍​ដែល​ពួកគេ​មាន​ទៀតទេ ព្រោះ​យើង​បាន​បំផ្លាញ​វា»៕

អត្ថបទ៖ សុខ សុវណ្ណ

ចុចអាន៖ អនុប្រធានាធិបតីអាមេរិក ប្រកាសថា អ៊ីរ៉ង់អស់សមត្ថភាព​ផលិត​អាវុធនុយក្លេអ៊ែរ​ហើយ

The post មន្ទីរបញ្ចកោណ៖ ការវាយប្រហាររបស់អាមេរិក មិនបានបំផ្លាញកម្មវិធីនុយក្លេអ៊ែរអ៊ីរ៉ង់ទេ appeared first on Kampuchea Thmey Daily.

ការអះអាងនេះ គឺចេញពីមាត់អ្នកនាំពាក្យមន្ទីរបញ្ចកោណលោកស្រី Sabrina Singh  នៅថ្ងៃអង្គារទី២៩ខែតុលាឆ្នាំ២០២៤ និងដកស្រង់សម្តីយកមកចុះផ្សាយដោយសារព័ត៌មាន AP។ លោកស្រីបន្ថែមថា ទាហានកូរ៉េខាងជើង មួយចំនួនបានចូលកៀកប្រទេសអ៊ុយក្រែន រួចបាត់ទៅហើយ ហើយច្បាស់ណាស់ រឿងនេះពិតជាធ្វើឲ្យសង្គ្រាមអាយុ៣ឆ្នាំនឹងកាន់តែពុះកញ្ជ្រោល និងរុញឲ្យទំនាក់ទំនងក្នុងតំបន់ឥណ្ឌូប៉ាស៊ីហ្វិក ធ្លាក់ចូលភាពតានតឹងកម្រិតខ្ពស់។

ពាក់ព័ន្ធបញ្ហានេះដែរ នៅចុងសប្តាហ៍នេះ រដ្ឋមន្ត្រីការពារជាតិអាមេរិក Lloyd Austin និងរដ្ឋមន្ត្រីការបរទេស Antony Blinken នឹងជួបជាមួយសមភាគីកូរ៉េខាងត្បូង ក្នុងទីក្រុងវ៉ាស៊ីនតោន ដើម្បីពិភាក្សាគ្នាជុំវិញការវិវត្ដស្ថានការណ៍ថ្មីៗនៅអ៊ុយក្រែន។

ចំណែកអង្គការណាតូឯណោះក៏ទទួលស្គាល់ចំពោះរឿងនេះដែរ ដោយកាលពីថ្ងៃចន្ទ ប្រមុខសម្ព័ន្ធភាពយោធាដឹកនាំដោយអាមេរិកលោក Mark Rutte បានយល់ស្របចំពោះរបាយការណ៍ចារកម្មរបស់អ៊ុយក្រែនដែលថា ទាហានកូរ៉េខាងជើង ទៅដល់តំបន់ Kursk រួចហើយ។

លោកប្រាប់អ្នកយកព័ត៌មាននៅទីក្រុងព្រុចសែល នៃប្រទេសបែលហ្ស៊ិកថា «ទង្វើរបស់កូរ៉េខាងជើង ធ្វើឲ្យខ្លួនចូលរួមជម្លោះនេះដោយផ្ទាល់និងនាំឲ្យសង្គ្រាមរុស្ស៊ី កាន់តែគ្រោះថ្នាក់។ យើងនឹងបន្តតានដានស្ថានការណ៍នេះ យ៉ាងយកចិត្តទុកដាក់ជាទីបំផុត»។

ទោះបែបនេះក្តី គេមិនទាន់ដឹងឡើយថាតើ ណាតូនឹងឆ្លើយតបទៅកូរ៉េខាងជើង តាមរបៀបណា។

មុននេះ សហរដ្ឋអាមេរិក បានព្រមានរួចហើយថា ទាហានកូរ៉េខាងជើង នឹងក្លាយជាគោលដៅស្រប់ច្បាប់ បើពួកគេទៅជួយរុស្ស៊ី ប្រយុទ្ធជាមួយអ៊ុយក្រែន ប៉ុន្តែទីក្រុង​ព្យុងយ៉ាងតែង​ច្រានចោល​ការចោទប្រកាន់ទាំងនេះថា ​គ្មាន​មូលដ្ឋាន​និង​មិន​ច្បាស់លាស់ទាល់តែសោះ៕

អត្ថបទ៖ សុខ សុវណ្ណ

ចុចអាន៖ អាមេរិក ព្រមានថា កងទ័ពកូរ៉េខាងជើងនៅរុស្ស៊ី នឹងក្លាយជាគោលដៅស្របច្បាប់

The post អាមេរិក៖ កូរ៉េខាងជើង ពិតបញ្ជូនទ័ព ១ម៉ឺននាក់ទៅជួយរុស្ស៊ីមែន ហើយនឹងចូលសមរភូមិ ប៉ុន្មានសប្តាហ៍ទៀត appeared first on Kampuchea Thmey Daily.

សម្រាប់របាយការណ៍លើកមុន មន្ទីរបញ្ចកោណ ប៉ាន់ស្មានថា ទីក្រុងប៉េកាំង មានក្បាលគ្រាប់នុយក្លេអ៊ែរប្រតិបត្តិការ ត្រឹមជាង៤០០គ្រាប់ប៉ុណ្ណោះក្នុងឆ្នាំ២០២១។ នេះបញ្ជាក់យ៉ាងច្បាស់ថា ប្រទេសចិន កំពុងមានការអភិវឌ្ឍគួឲ្យកត់សម្គាល់ក្នុងវិស័យយោធា។

យ៉ាងណាក្តី ថ្វីបើចិនមានការកើនឡើងអាវុធនុយក្លេអ៊ែរច្រើនបែបនេះក៏ដោយ ក៏តួលេខរបស់ចិន នៅតែទាបជាងរុស្ស៊ី និងសហរដ្ឋអាមេរិកដដែល។

សហរដ្ឋអាមេរិក មានឃ្លាំងផ្ទុកក្បាលគ្រាប់នុយក្លេអ៊ែរប្រហែល ៣៧០០គ្រាប់ ដែលក្នុងនោះក្បាលគ្រាប់នុយក្លេអ៊ែរយុទ្ធសាស្ត្រប្រហែល ១៤១៩ត្រូវបានដាក់ពង្រាយ។ ចំណែករុស្ស៊ី​ មាន​អាវុធ​នុយក្លេអ៊ែរ​ប្រហែល១៥៥០គ្រាប់ ​ត្រូវ​បាន​ដាក់​ពង្រាយ ហើយ​យោង​តាម​សហព័ន្ធ​អ្នក​វិទ្យាសាស្ត្រ​អាមេរិក, រុស្ស៊ីមានឃ្លាំង​ផ្ទុក​ក្បាល​គ្រាប់​នុយក្លេអ៊ែរ​ចំនួន ៤៤៨៩ គ្រាប់។

មន្ត្រីជាន់ខ្ពស់អាមេរិកម្នាក់ បានប្រាប់អ្នកយកព័ត៌មានក្នុងអំឡុងសន្និសីទសារព័ត៌មានមួយថា “យើងមើលឃើញថា សាធារណរដ្ឋប្រជាមានិតចិន បានបន្តធ្វើទំនើបកម្មយ៉ាងឆាប់រហ័ស ហើយធ្វើពិពិធកម្ម និងពង្រីកកងកម្លាំងនុយក្លេអ៊ែររបស់ខ្លួន។ អ្វីដែលពួកគេកំពុងធ្វើឥឡូវនេះ ប្រសិនបើអ្នកប្រៀបធៀបវាទៅនឹងអ្វីដែលពួកគេកំពុងធ្វើកាលពីមួយទសវត្សរ៍មុន វាពិតជាលើសពីទំហំ និងជឿនលឿន”។

លើសពីនេះ របាយការណ៍បានបន្ថែមថា កងទ័ពជើងទឹកចិន មាននាវា និងនាវាមុជទឹកជាង ៣៧០គ្រឿង ពោលគឺកើនឡើងពីចំនួន៣៤០គ្រឿង ដែលពួកគេមានកាលពីឆ្នាំមុន។

ការពង្រីកកម្លាំងទ័ពជើងទឹក គឺជាចំណុចសំខាន់សម្រាប់ការប៉ុនប៉ងរបស់លោកប្រធានាធិបតី ស៊ី ជីនពីង ក្នុងការធ្វើឲ្យប្រទេសចិន ក្លាយជាមហាអំណាចយោធាដ៏លេចធ្លោនៅក្នុងតំបន់ ខណៈទីក្រុងប៉េកាំង មានកងទ័ពជើងទឹកធំបំផុតនៅលើពិភពលោករួចទៅហើយ៕

ប្រែសម្រួល៖ Vann Vann

ប្រភព៖ CNA

ចុចអាន៖ អាមេរិកបារម្ភថា ចិន​ ទំនង​ជា​មាន​ក្បាល​គ្រាប់​នុយក្លេអ៊ែរ​ ១៥០០​គ្រាប់ ត្រឹម​ឆ្នាំ ​២០៣៥

The post មន្ទីរបញ្ចកោណ ចេញរបាយការណ៍ បង្ហាញពីចំនួនក្បាលគ្រាប់នុយក្លេអ៊ែររបស់ចិន នឹកស្មានមិនដល់ appeared first on Kampuchea Thmey Daily.

ប្រមុខមន្ទីរបញ្ចកោណ បានលាតត្រដាងបែបនេះ ក្នុងអំឡុងកិច្ចប្រជុំលើកទី១២នៃក្រុមដែលត្រូវបានគេដឹងថា មានការចូលរួមពីសំណាក់ សមាជិកអង្គការណាតូចំនួន៣១ ព្រមទាំងប្រទេសដែលមិនចូលបក្សសម្ព័ន្ធ មួយចំនួនតូចផងដែរ។

លោក​និយាយ​ថា “ទីក្រុងវ៉ាស៊ីនតោន ប្តេជ្ញាចិត្តឈរជាមួយអ៊ុយក្រែន សម្រាប់រយៈពេលវេលាដ៏វែងឆ្ងាយ។ សរុប​មក ក្រុម​ទំនាក់ទំនង​ បាន​ផ្តល់​ជំនួយ​សន្តិសុខ​ជិត ៦៥ពាន់​លាន​ដុល្លារ។ ​ហើយកាលពីសប្តាហ៍មុន ប្រធានាធិបតីសហរដ្ឋអាមេរិកលោក ចូ បៃដិន បានប្រកាសថា ទីក្រុងវ៉ាស៊ីនតោន នឹងគាំទ្រកិច្ចខិតខំប្រឹងប្រែងរួមគ្នាជាមួយសម្ព័ន្ធមិត្ត និងដៃគូរបស់យើង ដើ​ម្បីបណ្តុះបណ្តាលភីឡុតអ៊ុយក្រែន ឲ្យធ្វើប្រតិបត្តិការយន្តហោះជំនាន់ទី៤ រួមទាំងយន្តហោះ F-16 ផងដែរ។ យើងសង្ឃឹមថា ការបណ្តុះបណ្តាលនេះនឹងចាប់ផ្តើមនៅប៉ុន្មានសប្តាហ៍ខាងមុខ”។

លោកបន្តថា ក្រៅពីការផ្គត់ផ្គង់យន្តហោះចម្បាំងទំនើបដល់ទីក្រុងកៀវ ពេលនេះ សហរដ្ឋអាមេរិកកំពុងផ្តោតលើការផ្តល់ឲ្យអ៊ុយក្រែននូវប្រព័ន្ធការពារដែនអាកាស និងគ្រាប់រំសេវបន្ថែមទៀតផង។ លោកអះអាងថា ខែលការពារដែនអាកាស គឺមានសារសំខាន់ណាស់ សម្រាប់ការពារផ្ទៃមេឃអ៊ុយក្រែន និងហេដ្ឋារចនាសម្ព័ន្ធស៊ីវិលពីការវាយលុករបស់រុស្ស៊ី។

ទោះបីជាយ៉ាងណាក៏ដោយ ទីក្រុងមូស្គូ បានគូសបញ្ជាក់ម្តងហើយម្តងទៀតថា ខ្លួនបាននិងកំពុងកំណត់គោលដៅលើជំនួយសព្វាវុធទាំងឡាយណា ដែលលោកខាងលិចបញ្ជូនទៅឲ្យអ៊ុយក្រែន៕

ប្រែសម្រួល៖ Vann Vann

ប្រភព៖ RT

ចុចអាន៖ មន្ទីរបញ្ចកោណ ថា ឯកសារ លេច ធ្លាយ គឺ ហានិភ័យ ធ្ងន់ធ្ងរចំពោះ សហរដ្ឋអាមេរិក

The post មន្ទីរបញ្ចកោណ លាតត្រដាង តម្លៃជំនួយយោធាដែលផ្តល់ទៅឲ្យ អ៊ុយក្រែន appeared first on Kampuchea Thmey Daily.

ឯកសាររបស់មន្ទីរបញ្ចកោណនេះ បានបង្ហាញវិសាលភាព ដែលយុទ្ធសាស្ត្រចារកម្មរបស់អាមេរិក ប្រជ្រៀតចូលទៅក្នុងសង្គ្រាមរបស់លោក វ្ល៉ាឌីមៀ ពូទីន។ ម្យ៉ាងវិញទៀត យោងទៅតាមកាសែត Wall Street Journal, ឯកសារនេះ ក៏បានបង្ហាញឲ្យឃើញពីយុទ្ធនាការស៊ើបអង្កេតរបស់អាមេរិក នៅក្នុងប្រទេសជាច្រើន រួមទាំងកូរ៉េខាងត្បូង អ៊ីរ៉ង់ និងចក្រភពអង់គ្លេសផងដែរ។

សារព័ត៌មានខាងលើរាយការណ៍ថា ប្រទេសកូរ៉េខាងត្បូង អ៊ីស្រាអែល អ៊ុយក្រែន និងចក្រភពអង់គ្លេស ស្ថិតក្នុងចំណោមសម្ព័ន្ធមិត្ត ដែលសហរដ្ឋអាមេរិក កំពុងតាមដាន។

ពាន់ព័ន្ធបញ្ហាអ៊ុយក្រែន​, បច្ចុប្បន្ន មន្ត្រីយោធាអាមេរិក អាចផ្តល់ការព្រមានទាន់ពេលដល់សមភាគីអ៊ុយក្រែន អំពីការវាយប្រហាររបស់រុស្ស៊ី ដែលជិតកើតឡើងនៅក្នុងទីតាំងជាក់លាក់។

ថ្វីបើឯកសារបែកធ្លាយនេះ បានគូសបញ្ជាក់ពីសមត្ថភាពរបស់អាមេរិកក្នុងការជ្រៀតចូលមើលព័ត៌មានរបស់ទីក្រុងមូស្គូពិតមែន ប៉ុន្តែក៏បង្កឲ្យមានការភ័យខ្លាចផងដែរថា ឥឡូវ ចារកម្មរុស្ស៊ី អាចយល់កាន់តែច្បាស់អំពីអ្វីដែលអាមេរិកធ្វើ ហើយផ្តល់ឱកាសដើម្បីកាត់ផ្តាច់ប្រភពព័ត៌មាននានា។

គួរបញ្ជាក់ថា​ ការលេចធ្លាយនេះកើតឡើងចំពេលមានការសន្និដ្ឋានថា ឯកសារសម្ងាត់បែកធ្លាយជាបន្តបន្ទាប់អាចនឹងត្រូវរុស្ស៊ីរៀបចំ ដើម្បីធ្វើឲ្យបែកបាក់ដល់កិច្ចព្រមព្រៀងចែករំលែកព័ត៌មានសម្ងាត់រវាងសហរដ្ឋអាមេរិក អង់គ្លេស អូស្ត្រាលី នូវែលសេឡង់ និងកាណាដា៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ បែកធ្លាយឯកសារកំពូលសម្ងាត់របស់ណាតូ, អាមេរិក កំពុងបារម្ភ

The post បែកធ្លាយឯកសារសម្ងាត់របស់មន្ទីរបញ្ចកោណ លាតត្រដាងសុទ្ធព័ត៌មានរសើប appeared first on Kampuchea Thmey Daily.

តួលេខនេះ បានគូសបញ្ជាក់ក្តីព្រួយបារម្ភកាន់តែខ្លាំងរបស់អាមេរិក អំពីចេតនារបស់ចិនសម្រាប់ការពង្រីកឃ្លាំងអាវុធនុយក្លេអ៊ែររបស់ខ្លួន។

មន្ត្រីការពារជាតិអាមេរិកជាន់ខ្ពស់ម្នាក់បាននិយាយក្នុងអំឡុងសន្និសីទសារព័ត៌មានស្តីពីរបាយការណ៍ប្រចាំឆ្នាំរបស់មន្ទីរបញ្ចកោណ ទាក់ទិននឹងយោធាចិនថា “ចិនបានធ្វើការកសាង អ្វីៗដែលជាប្រភេទសំខាន់យ៉ាងឆាប់រហ័ស”។

របាយការណ៍ដែលគ្របដណ្តប់ជាចម្បងលើសកម្មភាពក្នុងឆ្នាំ២០២១ បាននិយាយថា បច្ចុប្បន្ន ប្រទេសចិន មានឃ្លាំងស្តុកក្បាលគ្រាប់នុយក្លេអ៊ែរជាង ៤០០គ្រាប់។

មន្ត្រីដដែលនិយាយថា ការព្យាកររបស់មន្ទីរបញ្ចកោណសម្រាប់ឃ្លាំងអាវុធនុយក្លេអ៊ែររបស់ចិនចំនួន ១០០០ គ្រាប់ត្រឹមឆ្នាំ២០៣០ នៅតែមិនផ្លាស់ប្តូរ ខណៈការព្យាករសម្រាប់ឆ្នាំ ២០៣៥ គឺផ្អែកលើល្បឿននៃការពង្រីក។

ទោះបីជាយ៉ាងណាក៏ដោយ ចិននិយាយថា ឃ្លាំងអាវុធរបស់ខ្លួនគឺតូចជាងសហរដ្ឋអាមេរិក និងរុស្ស៊ី ហើយថា ខ្លួនត្រៀមរួចជាស្រេចសម្រាប់ការសន្ទនា ប៉ុន្តែលុះត្រាតែទីក្រុងវ៉ាស៊ីនតោនកាត់បន្ថយឃ្លាំងអាវុធនុយក្លេអ៊ែរ ដល់កម្រិតដូចចិនជាមុនសិន។

យោងតាមវិទ្យាស្ថានស្រាវជ្រាវសន្តិភាពអន្តរជាតិ Stockholm (SIPRI) បានឲ្យដឹងថា សហរដ្ឋអាមេរិកមានឃ្លាំងស្តុកផ្ទុកក្បាលគ្រាប់នុយក្លេអ៊ែរប្រហែល ៣៧០០គ្រាប់ ដែលក្នុងនោះប្រហែល១៧៤០គ្រាប់ត្រូវបានដាក់ពង្រាយ៕

ប្រែសម្រួល៖ Vann Vann

ប្រភព៖ CNA

ចុចអាន៖ ប្រមុខ UN៖ វោហាសាស្ត្រគ្រោះថ្នាក់ កំពុងជំរុញឲ្យមានភាពតានតឹង នុយក្លេអ៊ែរ

The post អាមេរិកបារម្ភថា ចិន​ ទំនង​ជា​មាន​ក្បាល​គ្រាប់​នុយក្លេអ៊ែរ​ ១៥០០​គ្រាប់ ត្រឹម​ឆ្នាំ ​២០៣៥ appeared first on Kampuchea Thmey Daily.

ក្នុងសេចក្តីថ្លែងការណ៍ដែលចេញដោយមន្ទីរបញ្ចកោណ, លោក Austin និងលោក Wei បានពិភាក្សាគ្នាអំពីទំនាក់ទំនងការពារជាតិអាមេរិក-ចិន និងបញ្ហាសន្តិសុខក្នុងតំបន់ ព្រមទាំងពិភពលោក។ លោក Austin បានសង្កត់ធ្ងន់លើភាពចាំបាច់ក្នុងការគ្រប់គ្រងការប្រកួតប្រជែង ប្រកបដោយភាពទំនួលខុសត្រូវ និងរក្សាទំនាក់ទំនងឲ្យបើកចំហ។

លោក Austin ក៏បានពិភាក្សាផងដែរ អំពីសារសំខាន់នៃកិច្ចសន្ទនា ស្តីពីការកាត់បន្ថយហានិភ័យជាយុទ្ធសាស្រ្ត ការកែលម្អទំនាក់ទំនងដែលមានវិបត្តិ និងការលើកកម្ពស់សុវត្ថិភាពប្រតិបត្តិការ។

ស្របពេលជាមួយគ្នានោះ លោក​បាន​លើក​ឡើង​ពី​ក្តី​ព្រួយ​បារម្ភ ​អំពី​អាកប្បកិរិយាដ៏​គ្រោះថ្នាក់​ដែល​បង្ហាញ​ដោយ​យន្តហោះរបស់កងទ័ពរំដោះប្រជាជន នៅ​ក្នុង​តំបន់​ឥណ្ឌូ​ប៉ាស៊ីហ្វិក ដែល​បង្កើន​ហានិភ័យ​នៃ​គ្រោះថ្នាក់។ លោករដ្ឋមន្ត្រីក៏បានបញ្ជាក់ផងដែរថា សហរដ្ឋអាមេរិកនឹងបន្តហោះហើរ ធ្វើនាវាចរណ៍ និងប្រតិបត្តិការគ្រប់ទីកន្លែងដែលច្បាប់អន្តរជាតិអនុញ្ញាត។

លើសពីនេះ លោក Austin បានពិភាក្សាអំពីសង្គ្រាមរបស់រុស្ស៊ីប្រឆាំងនឹងអ៊ុយក្រែន ហើយបានគូសបញ្ជាក់ពីរបៀបដែលទាំងសហរដ្ឋអាមេរិក និងចិន ប្រឆាំងនឹងការប្រើប្រាស់អាវុធនុយក្លេអ៊ែរ ឬការគំរាមកំហែងក្នុងការប្រើប្រាស់នុយក្លេអ៊ែរ។

លោក Austin ក៏បានសម្តែងក្តីព្រួយបារម្ភផងដែរ អំពីការបង្កហេតុនាពេលថ្មីៗនេះពីសំណាក់ប្រទេសកូរ៉េខាងជើង និងបានអំពាវនាវឲ្យចិន អនុវត្តយ៉ាងពេញលេញនូវសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិដែលមានស្រាប់ ទាក់ទងនឹងកម្មវិធីអាវុធខុសច្បាប់របស់កូរ៉េខាងជើង។

រដ្ឋមន្ត្រីការពារជាតិអាមេរិក បានរំលឹកឡើងវិញថា ទីក្រុងវ៉ាស៊ីនតោន នៅតែប្តេជ្ញាចិត្តចំពោះគោលនយោបាយចិនតែមួយដ៏យូរអង្វែង ដែលត្រូវបានដឹកនាំដោយច្បាប់ទំនាក់ទំនងតៃវ៉ាន់, សេចក្តីថ្លែងការណ៍រួមបីសហរដ្ឋអាមេរិក-ចិន និងការធានាគោលការណ៍៦ចំណុច៕

ប្រែសម្រួល៖ Vann Vann

ប្រភព៖ ក្រសួងការពារជាតិអាមេរិក

ចុចអាន៖ អាមេរិក ឲ្យ ចិន ឈប់បង្កអស្ថិរភាពបន្ថែមទៀតលើ តៃវ៉ាន់

The post មន្ទីរបញ្ចកោណ ចេញសេចក្តីថ្លែងការណ៍ ក្រោយជំនួបរវាងលោក Lloyd Austin និងរដ្ឋមន្ត្រីការពារជាតិចិន នៅ កម្ពុជា appeared first on Kampuchea Thmey Daily.

យោងតាមសេចក្តីប្រកាស ដែលរដ្ឋមន្រ្តីក្រសួងការពារជាតិ Lloyd Austin ផ្ញើទៅកាន់បុគ្គលិកនៃក្រសួងការពារជាតិទាំងអស់ បានបង្ហាញថា កងទ័ពទាំងអស់នឹងមានពេលរហូតដល់ថ្ងៃទី ១៥ ខែកញ្ញា ដើម្បីចាក់វ៉ាក់សាំង។ វាអាចលឿនជាងនេះ អាស្រ័យលើការវិវត្តទាក់ទងនឹងការអនុម័តវ៉ាក់សាំង ឬការរីករាលដាលនៃជំងឺកូវីដ-១៩។

លោក Austin បាននិយាយនៅក្នុងសេចក្តីប្រកាសនោះថា “ខ្ញុំនឹងស្វែងរកការយល់ព្រមពីប្រធានាធិបតី ដើម្បីធ្វើឲ្យវ៉ាក់សាំង ក្លាយជាកាតព្វកិច្ច មិនលើសពីពាក់កណ្តាលខែកញ្ញានោះទេ ឬភ្លាមៗបន្ទាប់ពីមានការយល់ព្រមពី FDA មុនពេលនោះ”។

លោក Austin បានបន្ថែមថា “ខ្ញុំនឹងមិនស្ទាក់ស្ទើរឡើយ ក្នុងការធ្វើសកម្មភាពឆាប់ៗ ឬផ្តល់អនុសាសន៍ផ្សេងៗទៅលោកប្រធានាធិបតី។ ដើម្បីការពារជាតិនេះ យើងត្រូវការកម្លាំងដែលមានសុខភាពល្អនិងត្រៀមខ្លួនជាស្រេច”។

វ៉ាក់សាំង Pfizer ត្រូវបានគេរំពឹងថានឹង ទទួលបានការអនុម័តដោយរដ្ឋបាលចំណីអាហារនិងឱសថនាដើមខែកញ្ញា។ ប្រសិនបើរឿងនេះមិនកើតឡើងទេនោះ លោក Austin អាចស្វែងរកការលើកលែងពីប្រធានាធិបតី ដើម្បីទាមទារឲ្យកងទ័ពទទួលថ្នាំបង្ការ។

លោកលោក Austin លើកទឹកចិត្តដល់បុគ្គលិកទាំងអស់ឲ្យចាក់វ៉ាក់សាំងភ្លាមៗ ដោយមិនគិតពីតម្រូវការអ្វីឡើយ។

ស្របពេលជាមួយគ្នានោះ លោកប្រធានាធិបតី Joe Biden បានគាំទ្រគំនិតវ៉ាក់សាំងកាតព្វកិច្ច នៅក្នុងសេចក្តីថ្លែងការណ៍មួយដែលបញ្ចេញកាលពីរសៀលថ្ងៃចន្ទ។

លោក Biden និយាយថា “ខ្ញុំគាំទ្រសាររបស់លោក Austin ចំពោះកងកម្លាំងនៅថ្ងៃនេះ អំពីផែនការរបស់ក្រសួងការពារជាតិដើម្បីបន្ថែមវ៉ាក់សាំងការពារជំងឺកូវីដ -១៩ ទៅក្នុងបញ្ជីនៃការចាក់វ៉ាក់សាំងកាតព្វកិច្ច សម្រាប់សមាជិកសេវាកម្មរបស់យើងមិនលើសពីពាក់កណ្តាលខែកញ្ញា។ លោក Austin និងខ្ញុំ បានចែករំលែកការប្តេជ្ញាចិត្ត ដើម្បីធ្វើឲ្យប្រាកដថា កងទ័ពរបស់យើងមានគ្រប់ឧបករណ៍ដែលពួកគេត្រូវការ ដើម្បីធ្វើការងាររបស់ពួកគេប្រកបដោយសុវត្ថិភាពតាមដែលអាចធ្វើទៅបាន”៕

ប្រែសម្រួល៖ Vann Vann

ប្រភព៖ Fox

ចុចអាន៖ អាល្លឺម៉ង់ គ្រោងបញ្ចប់ការធ្វើតេស្តរកកូវីដដោយឥតគិតថ្លៃ ដេញជើងអ្នកមិនចាក់វ៉ាក់សាំង

The post ក្រសួងការពារជាតិអាមេរិក តម្រូវឲ្យយោធាទាំងអស់ ចាក់វ៉ាក់សាំងជាកាតព្វកិច្ច appeared first on Kampuchea Thmey Daily.