ព័ត៌មានអន្ដរជាតិ

ប្រមុខ UN៖ វោហាសាស្ត្រគ្រោះថ្នាក់ កំពុងជំរុញឲ្យមានភាពតានតឹង នុយក្លេអ៊ែរ (មានវីដេអូ)

បានផុស

១ year មុន

នៅ

ថ្ងៃពុធ ២៣ វិច្ឆិកា ២០២២

ដោយ

នៅថ្ងៃពុធទី២៣ខែវិច្ឆិកានេះ ប្រមុខអង្គការសហប្រជាជាតិ លោក Antonio Guterres បានព្រមានប្រឆាំងនឹង “វោហាសាស្ត្រគ្រោះថ្នាក់” ដែលជំរុញឲ្យមានភាពតានតឹងក្នុងចំណោមគូប្រជែងប្រដាប់អាវុធនុយក្លេអ៊ែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Guterres បានប្រាប់សន្និសីទមួយក្នុងប្រទេសម៉ារ៉ុកថា “ការបែកបាក់គ្នាកាន់តែខ្លាំង កំពុងគំរាមកំហែងដល់សន្តិភាពនិងសន្តិសុខពិភពលោក ដែលបង្កឲ្យមានការប្រឈមមុខគ្នាថ្មី និងធ្វើឲ្យកាន់តែលំបាកក្នុងការដោះស្រាយជម្លោះចាស់ៗ”។

លោកព្រមានថា “វោហាសាស្ត្រគ្រោះថ្នាក់ កំពុងបង្កើនភាពតានតឹងនុយក្លេអ៊ែរ។ ក្នុងពេលជាមួយគ្នានេះ ពួកយើងកំពុងស្ថិតនៅជិតគែមអាកាសធាតុដ៏គ្រោះថ្នាក់ ខណៈពាក្យសម្តីស្អប់ខ្ពើម និងព័ត៌មានមិនពិត កំពុងរីករាលដាល”។

លោកនិយាយបែបនេះ ចំពេលសង្រ្គាមរបស់រុស្ស៊ីនៅអ៊ុយក្រែន ជិតឈានដល់ខែទីដប់ ទាំងដែលគ្មានសញ្ញានៃទីបញ្ចប់ និងបង្កភាពភ័យខ្លាចនុយក្លេអ៊ែរកាន់តែខ្លាំង។

លោក Guterres បានថ្លែងសុន្ទរកថានៅក្នុងកិច្ចប្រជុំ នៃសម្ព័ន្ធភាពស៊ីវិល័យ របស់អង្គការសហប្រជាជាតិ។ វាជាលើកទីមួយហើយ ដែលក្រុមនេះបានជួបប្រជុំនៅលើទឹកដីនៃទ្វីបអាហ្វ្រិក។

នៅក្នុងសេចក្តីប្រកាសដែលអនុម័តកាលពីយប់ថ្ងៃអង្គារ កិច្ចប្រជុំនេះបានថ្កោលទោស ការតស៊ូមតិនៃភាពស្អប់ខ្ពើមណាមួយ ដែលបង្កើតជាការញុះញង់ឲ្យមានការរើសអើង អរិភាព ឬអំពើហិង្សា។

កិច្ចប្រជុំនេះក៏បានសម្តែងក្តីព្រួយបារម្ភយ៉ាងខ្លាំងផងដែរ អំពីការប្រើប្រាស់បច្ចេកវិទ្យាព័ត៌មានថ្មី ក្នុងគោលបំណងផ្ទុយពីការគោរពតម្លៃមនុស្ស ភាពជាអ្នកជិតខាងល្អ សមភាព ការមិនរើសអើង និងការគោរពចំពោះអ្នកដ៏ទៃ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA

ចុចអាន៖ UN សម្រេច ឲ្យ រុស្ស៊ី សង អ៊ុយក្រែន