មាន ពេជ្ររីតា Archives - Kampuchea Thmey Daily

ផ្តើមចេញពីរឿងស្នេហា តារាខ្មែរ ២ដួង ផុងខ្លួនជាប់ឃុំក្នុងឆ្នាំ២០២១

Sonya — Sun, 15 Aug 2021 07:55:00 +0000

ផ្តើមចេញពីរឿងស្នេហាត្រីកោណក្រៅឆាកដូចគ្នា គេសង្កេតឃើញតារាប្រុស-ស្រីវ័យក្មេង២ដួងរបស់ខ្មែរ នៅក្នុងឆ្នាំ២០២១នេះបានផុងខ្លួនតែមួយពព្រិចភ្នែកជាប់ពន្ធនាគា និងធ្លាក់ប្រជាប្រិយភាពដូចគ្នា។

តារាប្រុស-ស្រីទាំង២ដួងដែលផុងខ្លួននេះគឺតារាប្រុស លោក យិត មាសឧស្សាហ៍ ហៅ អេដវីន និងពិធីការិនី មាន ពេជ្ររីតា ហៅ យូប៊ី។ ប៉ុន្តែអ្វីដែលខុសគ្នានៅពេលនេះគឺកញ្ញា យូប៊ី ត្រូត្រូវតុលាការដោះលែងឲ្យមានសេរីភាព ចំណែកតារាសម្ដែង អេដវីន នៅនៅបន្តជាប់ឃុំក្នុងពន្ធនាគានៅឡើយ។

អ្វីដែលគេចាប់អារម្មណ៍ទៀតនោះគឺ តារាទាំង២ដួងនេះបានផ្ទុះហិង្សាកើតចេញពីរឿងស្នេហាដូចគ្នាដែលក រណីនេះកើតឡើងក្នុងឆ្នាំ២០២១ដូចគ្នា។ រម្លឹកដល់ករណីពិធីការិនីកញ្ញា មាន ពេជ្ររីតា កន្លងមកត្រូវបានតុលាការចោទប្រកាន់ពីបទលួច មានស្ថានភាពទម្ងន់ទោស បន្ទាប់ពីមានការដាក់ពាក្យបណ្តឹងដោយលោកឧកញ៉ា ហេង សៀ កាលពីថ្ងៃទី១០ ខែឧសនភា ឆ្នាំ២០២១។

ករណីនេះកើតឡើងបន្ទាប់ពីកញ្ញា មាន ពេជ្ររីតា ផ្ទុះហិង្សាប្រតាយប្រតប់គ្នានៅក្នុងឡានបណ្ដាលឱ្យ ឧកញ៉ា ហេង សៀ រងរបួសត្រង់ពោះ និងបាត់ទូរស័ព្ទ ក្នុងហេតុការណ៍ប៉ងរំលោភលើរថយន្ត។ យ៉ាងមិញបន្ទាប់ពីមានការចោទប្រកាន់នេះ កាលណោះនាងត្រូវបានតុលាការបានសម្រេចឃុំខ្លួននាងជាបណ្តោះអាសន្ន។

ប៉ុន្តែដោយមានការចូលខ្លួនការពារក្តី និងដាក់ពាក្យស្នើររបស់ក្រុមមេធាវីស្ម័គ្រចិត្តសម្តេចតេជោដឹកនាំដោយលោក គី តិច កាលពីថ្ងៃទី១៣ ខែឧសភា ឆ្នាំ២០២១ តុលាការបានសម្រេចដោះលែងកញ្ញា មាន ពេជ្ររីតា ឲ្យនៅក្រៅឃុំជាបណ្តោះអាសន្នដោយភ្ជាប់ជាមួយនឹងលក្ខខណ្ឌមួយចំនួន។បន្ទាប់មកទៀត មាន ពេជ្ររីតា ក៏ត្រូវបានតុលាការសម្រេចលើកលែងការចោទប្រកាន់ជុំវិញករណីបណ្តឹងរបស់ ឧកញ៉ា ហេង សៀ បន្ទាប់បើកការស៊ើបអង្កេតនិងស្រាវជ្រាវ។

ចំណែកតារាសម្ដែងសម្បូរសាច់ដុំ លោក យិត មាស ឧស្សាហ៍ ហៅ អេដវីន កាលពីថ្ងៃទី១៥ ខែមិថុនាបា នផ្ទុះរឿងហិង្សាជាមួយនឹងសង្សារដែលធ្លាប់តែផ្អែមល្ហែមនឹងគ្នាស្ទើរចាក់ទឹកមិនលេចគឺ អ្នកនាង សុទ្ធ បញ្ចការ ដោយសារភ្លើងប្រច័ណ្ឌ។

បន្ទាប់ផ្ទុះហិង្សាលោកត្រូវជាប់បណ្ដឹងចំនួន៣នៅតុលាការគឺបណ្ដឹង២បានប្ដឹងលោកពីបទ “ហិង្សាដោយចេតនា” ពីសំណាក់សង្សារ សុទ្ធ បញ្ចកា និងបុរសម្នាក់ដែលជាគ្រូពេទ្យ។ រីឯបណ្ដឹង១ទៀត គឺជាបណ្ដឹងរបស់ម្ដាយអ្នកនាង បញ្ចកា ដែលប្ដឹងពីបទ “បំផ្លិចបំផ្លាញទ្រព្យសម្បត្តិអ្នកដទៃ”។

ក្រោយមកសមត្ថកិច្ចនៃកងរាជអាវុធហត្ថរាជធានីភ្នំពេញបានឃាត់ខ្លួនលោក រួចកសាងសំណុំរឿងបញ្ជូនទៅតុលាការ។ លោក អេដវីន បច្ចុប្បន្នត្រូវបានតុលាការសម្រេចដាក់ពន្ធនាគារបណ្ដោះអាសន្ន រង់ចាំសាកសួរបន្ថែម និងរង់ចាំសវនាការលើអង្គសេចក្ដី៕

អត្ថបទ៖ ចាន់រ៉ា

ចុចអាន៖ ក្រោយធ្លាក់ខ្លួនឈឺនាយ ក្រិន បាត់ដំណឹងឈឹងពីសិល្បៈ

ចុចអាន៖ ឌឿ វិសាល ត្រៀមបទរៀបរាប់ការលះបង់ក្រុមគ្រូពេទ្យកូវីដ-១៩ ដែលឃ្លាតឆ្ងាយគ្រួសារ

The post ផ្តើមចេញពីរឿងស្នេហា តារាខ្មែរ ២ដួង ផុងខ្លួនជាប់ឃុំក្នុងឆ្នាំ២០២១ appeared first on Kampuchea Thmey Daily.

មុននេះ សមត្ថកិច្ចចាប់ខ្លួនកូនប្រសាឧកញ៉ា ហេង សៀ ជួលមនុស្សថតរូបអាសអាភាស បំផ្លាញកិត្តិយស កញ្ញា មាន ពេជ្ររីតា

deth leng — Sat, 15 May 2021 11:28:55 +0000

សមត្ថកិច្ចនៅល្ងាចថ្ងៃទី ១៥ ខែឧសភានេះ បានចាប់ខ្លួនកូនប្រសារបស់លោកឧកញ៉ា ហេង សៀ ជុំវិញរឿងជួលមនុស្សប្រុស-ស្រីថតរូបអាសអាភាសដើម្បីបំភាន់សាធារណជន និងបំផ្លាញកិត្តិយស លើកញ្ញា មាន ពេជ្ររីតា ហើយចែកចាយលើបណ្តាញសង្គម។

ជនសង្ស័យដែលបានជួលមនុស្សប្រុស-ស្រីថតរូបអាសអាភាស ឈ្មោះ ឃន ឈុនដារ៉ា ជាម្ចាស់ហាងកាហ្វេThe KOI និង Tube Cafe។ សមត្ថកិច្ចកំពុងបន្តតាមដានរកអ្នកពាក់ព័ន្ធដែលរួមគំនិតប្រឌិតករណីនេះ។

ឧកញ៉ា ហេង សៀ បានបញ្ចេញនូវលិខិតមួយ កាលពីថ្ងៃទី១៣ ខែឧសភា ឆ្នាំ២០២១ ដោយអះអាងថា ខ្លួនលួចមានទំនាក់ទំនងស្នេហាស៊ីជម្រៅជាមួយនឹង កញ្ញា មាន ពេជ្ររីតា បន្ទាប់ពីការប្ដឹងផ្ដល់គ្នាទៅតុលាការ។

ក្រោយមកក៏មានរូបភាពអាសអាភាសមួយចំនួនត្រូវបានផ្សព្វផ្សាយតាមបណ្តាញសង្គមដោយចោទប្រកាន់ថាជារូបរបស់កញ្ញា មាន ពេជ្ររីតា ខណៈដែលកញ្ញា មាន ពេជ្ររីតា បានបដិសេធ ហើយចាត់ទុកការចោទប្រកាន់របស់ ឧកញ៉ា ហេង សៀ ថាម្តងមានទំនាក់ទំនងស្នេហាស៊ីជម្រៅ ម្តងចោទជា ស្ត្រីលក់ខ្លួន បានធ្វើឱ្យប៉ះពាល់ធ្ងន់ធ្ងរដល់កិត្តិយសរបស់នាង។

រឿងក្ដីក្ដាំរបស់ឧកញ៉ា ហេង សៀ និងកញ្ញា មាន ពេជ្ររីតា ពិធីការិនីទូរទស្សន៍ កើតមានឡើង បន្ទាប់ពីមានហេតុការណ៍មួយកាលពីថ្ងៃទី០៤ ខែឧសភា នៅក្បែរផ្សារគីឡូលេខ៤ ជិតសាកលវិទ្យាល័យអាស៊ីអឺរ៉ុប។

កញ្ញា មាន ពេជ្ររីតា បានចោទថា លោកឧកញ៉ា ហេង សៀ បានប៉ុនប៉ងរំលោភសេពសន្ថវៈមកលើរូបនាងក្នុងរថយន្ត ខណៈឧកញ៉ា ហេង សៀ បានចោទប្រកាន់តារារូបនេះថា បានចាក់រូបលោក២កំបិត និងលួចយកទូរស័ព្ទ iPhone ១២ Pro៕

The post មុននេះ សមត្ថកិច្ចចាប់ខ្លួនកូនប្រសាឧកញ៉ា ហេង សៀ ជួលមនុស្សថតរូបអាសអាភាស បំផ្លាញកិត្តិយស កញ្ញា មាន ពេជ្ររីតា appeared first on Kampuchea Thmey Daily.

ឧកញ៉ា ហេង សៀ សុំអភ័យទោសភរិយា និងបកស្រាយទំនាស់ជាមួយ កញ្ញា មាន ពេជ្ររីតា

KC Virak — Thu, 13 May 2021 07:17:37 +0000

ឧកញ៉ា ហេង សៀ បានចេញលិខិតសុំអភ័យទោសចំពោះថ្នាក់ដឹកនាំ ប្រជាពលរដ្ឋ ព្រមទាំងភរិយា និងក្រុមគ្រួសារ ដែលរូបលោកលួចមានស្នេហាជាមួយ កញ្ញា មាន ពេជ្ររីតា កន្លងមក។

ឧកញ៉ា ហេង សៀ បញ្ជាក់ទៀតថា៖ “នៅថ្ងៃកើតហេតុនេះ បណ្ដាលមកពីកញ្ញា មាន ពេជ្ររីតា បានទាក់ទងឱ្យខ្ញុំមកជួប បន្ទាប់ពីគាត់បានទាមទារប្រាក់ផ្ដាច់ចំណងស្នេហាច្រើនលើសលប់ពេក ដែលបណ្ដាលឱ្យខ្ញុំបាទមិនអាចបំពេញបំណងនាងបាន ហើយក៏ខ្ញុំបាទមិននឹកស្មានថា នាងមានកាំបិតមកចាក់ខ្ញុំបាទភ្លាមៗទេ”។

គួរបញ្ជាក់ផងដែរថា ថ្ងៃនេះចៅក្រមសាលាដំបូងបានចេញដីកាសម្រេចដោះលែងកញ្ញា មាន ពេជ្ររីតា ឱ្យនៅក្រៅឃុំបណ្ដោះអាសន្នហើយ បន្ទាប់ពីតុលាការបានសាកសួរបន្ថែមលើជនជាប់ចោទ២ថ្ងៃ និងមានការសម្របសម្រួលធានាសុំនៅក្រៅឃុំពីសំណាក់មេធាវីការពារសិទ្ធិឱ្យជនត្រូវចោទ។
ការសម្រេចឱ្យនៅក្រៅឃុំបណ្តោះអាសន្ននេះ បន្ទាប់ពីចៅក្រមស៊ើបសួរបានពិនិត្យលើសំណុំរឿង និងពាក្យសុំចប់សព្វគ្រប់ ហើយតំណាងអយ្យការបានឆ្លើយឯកភាពតាមការស្នើសុំ៕

The post ឧកញ៉ា ហេង សៀ សុំអភ័យទោសភរិយា និងបកស្រាយទំនាស់ជាមួយ កញ្ញា មាន ពេជ្ររីតា appeared first on Kampuchea Thmey Daily.

លោក ជិន ម៉ាលីន ស្នើឲ្យមហាជន កុំទាន់វិនិច្ឆ័យមុនតុលាការ ដោយគ្រាន់តែឃើញព័ត៌មាន និងរូបភាពខាងក្រៅ

Sorn Phanith — Thu, 13 May 2021 05:01:57 +0000

រដ្ឋលេខាធិការ និងជាអ្នកនាំពាក្យក្រសួងយុត្តិធម៌ លោក ជិន ម៉ាលីន បានស្នើឲ្យប្រជាពលរដ្ឋ ក៏ដូចជាមហាជនទាំងអស់ កុំទាន់ធ្វើការវិនិច្ឆ័យមុនតុលាការលើសំណុំរឿងពិធីការិនីទូរទស្សន៍ My TV កញ្ញា មាន ពេជ្ររីតា ជាមួយលោក ឧកញ៉ា ហេង សៀ ដោយគ្រាន់តែឃើញព័ត៌មាន និងរូបភាពខាងក្រៅ ទុកឲ្យសមត្ថកិច្ច និងតុលាការ ធ្វើការស៊ើបអង្កេត និងដំណើរការនីតិវិធីតាមផ្លូវច្បាប់។

លោក ជិន ម៉ាលីន លើកឡើងថា តាំងពីព្រឹកម្សិលមិញ មានបងប្អូនប្រជាពលរដ្ឋអ្នកប្រើប្រាស់បណ្តាញសង្គម អ្នកសារព័ត៌មាន រួមទាំងសង្គមស៊ីវិលមួយចំនួនផងដែរ បានបញ្ចេញអារម្មណ៍តាមបណ្តាញសង្គម ដោយដើរតួនាទីជំនួសសមត្ថកិច្ច និងតុលាការ ធ្វើការវិនិច្ឆ័យកាត់សេចក្តីក្នុងសំណុំរឿងវិវាទរវាងឧកញ៉ា និងពិធីការនី ទាំងមិនបានដឹងច្បាស់ពីអង្គហេតុពិតប្រាកដ នៃសំណុំរឿងនេះ ដោយគ្រាន់តែទទួលព័ត៌មាន និងរូបភាពតៗគ្នាពីខាងក្រៅតែប៉ុណ្ណោះ។ លោកថា តុលាការ និងសមត្ថកិច្ចក៏កំពុងធ្វើការស៊ើបអង្កេត និងដំណើរការនីតិវិធីតាមផ្លូវច្បាប់ក្នុងសំណុំរឿងនេះ មិនទាន់ឈានដល់ការសម្រេចសេចក្តីនៅឡើយទេ។

បើតាមលោក ជិន ម៉ាលីន “ផ្អែកលើគោលការណ៍ច្បាប់ ជាពិសេសការសន្មតជាមុនថា គ្មានទោសមុនតុលាការសម្រេច យើងគួរទុកការងារនេះ ជូនសមត្ថកិច្ច និងតុលាការធ្វើការស៊ើបអង្កេត និងសម្រេចសេចក្តីក្នុងសំណុំរឿងនេះ ដោយផ្អែកលើអង្គហេតុ និងអង្គច្បាប់ពិតប្រាកដ ដើម្បីធានាបាននូវយុត្តិធម៌តាមផ្លូវច្បាប់សម្រាប់ភាគីវិវាទទាំងពីរ ហើយភាគីទាំងពីរនេះ ក៏បានប្តឹងទៅតុលាការរៀងៗខ្លួនរួចហើយដែរ ដើម្បីការពារសិទ្ធិរបស់ខ្លួនតាមផ្លូវច្បាប់ ដោយមានជំនួយផ្នែកច្បាប់ពីមេធាវីទាំងសងខាងផងដែរ”។

លោក ជិន ម៉ាលីន លើកឡើងដែរថា ក្នុងនាមជាពលរដ្ឋសកម្ម និងឈឺឆ្អាលស្រឡាញ់យុត្តិធម៌ យើងអាចតាមដាន និងឃ្លាំមើល ដោយយកចិត្តទុកដាក់នូវដំណើរការ នៃការស៊ើបអង្កេត និងសម្រេចសេចក្តីក្នុងសំណុំរឿងនេះបាន។

សូមបញ្ជាក់ថា ពិធីការិនីទូរទស្សន៍ My TV កញ្ញា មាន ពេជ្ររីតា ហៅយូប៊ី អាយុ២០ឆ្នាំ បានដាក់ពាក្យបណ្តឹងតបទៅលោក ឧកញ៉ា ហេង សៀ ពីបទប៉ុនប៉ងរំលោភសេពសន្ថវៈ និងទាមទារសំណងជំងឺចិត្តចំនួន១០ ម៉ឺនដុល្លារ (១០០,០០០) ព្រមទាំងការខាតបង់ និងខូចខាតពេលវេលា និងសេវាផ្លូវច្បាប់ចំនួន១ ម៉ឺនដុល្លារ ហើយសំណុំរឿងនេះ ក្រុមមេធាវីសម្តេចតេជោ ហ៊ុន សែន ចាប់ផ្តើមស្រាវជ្រាវផងដែរ។

កញ្ញា មាន ពេជ្រ រីតា ត្រូវបានព្រះរាជអាជ្ញារងអមសាលាដំបូងរាជធានីភ្នំពេញ បង្គាប់ឱ្យចាប់ខ្លួនពីបទលួចទូរសព្ទដៃ និងប្រើហិង្សាចាក់ទៅលើឧកញ៉ា ហេង សៀ បណ្តាលឲ្យរងរបួស៕

អត្ថបទ៖ កោះកែវ

សូមចុចអាន៖ សាលាដំបូងរាជធានី បន្តការសាកសួរកញ្ញា មាន ពេជ្ររីតា នៅព្រឹកនេះ

The post លោក ជិន ម៉ាលីន ស្នើឲ្យមហាជន កុំទាន់វិនិច្ឆ័យមុនតុលាការ ដោយគ្រាន់តែឃើញព័ត៌មាន និងរូបភាពខាងក្រៅ appeared first on Kampuchea Thmey Daily.

តុលាការចេញដីកាបង្គាប់ឱ្យដោះលែង កញ្ញា មាន ពេជ្ររីតា ឱ្យនៅក្រៅឃុំ បណ្តោះអាសន្ន

deth leng — Thu, 13 May 2021 04:04:09 +0000

ចៅក្រមស៉ើបសួរ សាលាដំបូងរាជធានីភ្នំពេញ លោក កូយ សៅ នៅថ្ងៃទី ១៣ ខែឧសភានេះ បានចេញដីកាបង្គាប់ឱ្យដោះលែង កញ្ញា មាន ពេជ្ររីតា ហៅយូប៊ី ជាបន្ទាន់ ហើយបញ្ជាក់ថា នាងគ្មានទោសពីបទលួចមានស្ថានទម្ងន់ទោស ជាបទល្មើសព្រហ្មទណ្ឌ បើជននេះមិនជាប់ពាក់ព័ន្ធ នឹងដីការឃុំខ្លួននៃបទល្មើសផ្សេងទៀតនោះទេ។

ការសម្រេចឱ្យនៅក្រៅឃុំ បណ្តោះអាសន្ន បន្ទាប់ពីចៅក្រមស៉ើបសួរ បានពិនិត្យលើសំណុំរឿង និងពាក្យសុំចប់សព្វគ្រប់ ហើយតំណាងអយ្យការបានឆ្លើយឯកភាព ក្នុងការឱ្យជនត្រូវចោទ បាននៅក្រៅឃុំជាបណ្តោះអាសន្ន តាមការស្នើសុំរបស់មេធាវីការពារសិទ្ធឱ្យជនត្រូវចោទ។

ដីកាសម្រេចដោះលែងឱ្យនៅក្រៅឃុំជាបណ្តោះអាសន្នបញ្ជាក់ថា ការសម្រេចបែបនេះពុំបានធ្វើឱ្យប៉ះពាល់ដល់នីតិវិធីក្នុងការស៉ើបសួរឡើយ ដូច្នេះតុលាការគប្បីអនុញ្ញាតឱ្យជនត្រូវចោទ បាននៅក្រៅឃុំជាបណ្តោះអាសន្ន ដោយជំនួសមកវិញនូវការដាក់ជនត្រូវចោទឱ្យស្ថិតនៅក្រោមការត្រួតពិនិត្យតាមផ្លូវតុលាការ៕

អត្ថបទ៖ ឡេង ដេត

The post តុលាការចេញដីកាបង្គាប់ឱ្យដោះលែង កញ្ញា មាន ពេជ្ររីតា ឱ្យនៅក្រៅឃុំ បណ្តោះអាសន្ន appeared first on Kampuchea Thmey Daily.

តារាស្រី២ដួងទម្លាយរឿងស្រដៀងកញ្ញា មាន ពេជ្ររីតា តែសំណាងល្អពួកគេរួចផុតគ្រោះថ្នាក់បែបនេះ

Sorn Phanith — Wed, 12 May 2021 08:31:36 +0000

ខណៈពេលដែលរឿងរ៉ាវរបស់ពិធីការិនីកញ្ញា មាន ពេជ្ររីតា កំពុងល្បីរីកសុះសាយពាសពេញបណ្តាញសង្គមហ្វេសប៊ុកនិងសារព័ត៌មានក្នុងស្រុក ក្នុងករណីរឿងរ៉ាវក្ដីក្ដាំជាមួយឧកញ៉ា ហេង សៀ នោះក៏ស្រាប់តារាស្រី២ដួងទម្លាយរឿងស្រដៀង មាន ពេជ្ររីតា ដែរតែសំណាងល្អពួកគេរួច ផុតគ្រោះថ្នាក់នេះ។

តារាស្រីទាំង២ដួងនេះគឺកញ្ញា សេង រដ្ឋា ដែលជា Miss Grand ខេត្តកំពង់ធំនិងតារាចម្រៀងស្រីកញ្ញា នីគីនីគី។ តាមរយៈនេះកញ្ញា សេង រដ្ឋា បានលើកឡើងថា និយាយការងារតាមtelegramនិយាយហើយលុបនិយាយហើយលុប។ សំណាងរបស់ខ្ញុំហើយ ដែលមិនបានសម្រេចចិត្តទទួលការងារពីបុគ្គលនោះ។ ចំណែកតារាស្រី នីគីនីគី ក៏បានលើកឡើងដែរថា សំណាងណាស់! ពិតជាសំណាងណាស់ ដែលខ្ញុំជឿលើសភាវគតិរបស់ខ្ញុំនៅពេលដែលនិយាយការងារមិនចេញសាច់ការអ្វីសោះ។ បន្ទាប់ពីបានទទួល ការងាររាប់ពាន់ដងហើយ វាពិតជាងាយយល់ណាស់សម្រាប់ពួកខ្ញុំក្នុងការសំគាល់ថា អ្វីធម្មតាអ្វីដែលខុសប្រក្រតី។ នាងបន្ថែមទៀតថា ត្រូវមានការប្រុងប្រយ័ត្នជានិច្ច ហើយបើការនិយាយស្ដីចេះតែផ្ដោតទៅលើតែតួនិងការជួបគ្នាផឹកកាហ្វេជាងការងារជាក់ស្ដែងទាក់ទងទៅនឹងconceptឬប្រភេទវីដេអូផ្សាយពាណិជ្ជកម្មគួរបោះបង់ការសន្ទនានោះទៅសុវត្ថិភាពសំខាន់ជាងលុយ។ សូមបញ្ជាក់ពួកខ្ញុំកម្រជួបភ្ញៀវប្រជុំផ្ទាល់ណាស់។

ខាងលើនេះ ជាសារចែករំលែករបស់តារាស្រីទាំង ២ដួងគឺកញ្ញា សេង រដ្ឋា ដែលជា Miss Grand ខេត្តកំពង់ធំនិងតារាស្រីកញ្ញា នីគីនីគី ដើម្បីជាបទពិសោធន៍និងចំណេះដឹងសម្រាប់មហាជនទូទៅក្រោយពីកើតមានករណីដ៏រសើបរបស់កញ្ញា មាន ពេជ្ររីតា៕

អត្ថបទ៖ ចាន់រ៉ា

សូមចុចអាន៖ តារាល្បីៗជាច្រើនចេញមុខអំពាវនាវរកយុត្តិធម៌ដល់ពិធីការិនី មាន ពេជ្រវីតា

The post តារាស្រី២ដួងទម្លាយរឿងស្រដៀងកញ្ញា មាន ពេជ្ររីតា តែសំណាងល្អពួកគេរួចផុតគ្រោះថ្នាក់បែបនេះ appeared first on Kampuchea Thmey Daily.

តារាល្បីៗជាច្រើនចេញមុខអំពាវនាវរកយុត្តិធម៌ដល់ពិធីការិនី មាន ពេជ្រវីតា

KC Virak — Wed, 12 May 2021 07:29:40 +0000

ភ្នំពេញ៖ ស្របពេលពិធីការិនីកញ្ញា មាន ពេជ្រវីតា ពិធីការិនីទូរទស្សន៍My ត្រូវបានបញ្ជូនទៅពន្ធនាគាក្នុងករណីរឿងរ៉ាវក្ដីក្ដាំជាមួយនឹងលោកឧកញ៉ា ហេង សៀ នោះក៏មានតារាល្បីៗជាច្រើនទៀតបានចេញមុខអំពាវនាវដើម្បីជួយស្វែងរកយុត្តិធម៌ជូននាង។

តាមការសង្កេតឃើញតារាល្បីៗក្នុងប្រទេសដែលចេញមុខអំពាវនាវនេះដូចជាអ្នកនាង ចន ច័ន្ទល ក្ខិណា អ្នកនាង ពេជ្រ សោភា អ្នកនាង ឱក សុគន្ធកញ្ញា កញ្ញា ទេព បូព្រឹក្ស កញ្ញា តន់ ច័ន្ទសីម៉ា កញ្ញា រ៉េត ស៊ូហ្សាណា លោក ជីដេវីត លោក វណ្ណដា និងតារាសិស្ប:ល្បីជាច្រើនទៀត។

ការអំពាវនាវនេះក៏បានបង្ហោះអបដោយសារមួយប្រយោគរបស់កញ្ញា មាន ពេជ្ររីតា ដែលយំរៀបរាប់ក្នុងវីដេអូបង្ហាញពីការឈឺចាប់របស់ខ្លួនផងដែរ។

តាមរយៈប្រយោគនោះបានលើកឡើងថា៖ “គេស្ទាបខ្ញុំ” “ខ្ញុំខ្ពើមខ្លួនឯង” “ខ្លួនខ្ញុំត្រូវគេរំលោភលើរាងកាយ ហើយខ្ញុំត្រូវជាប់ខ្នោះទៀត ហើយចូលគុកទៀត”។ ខ្លឹមសារនេះដែលត្រូវបានតារាល្បីៗយកមកសរសេរបង្ហោះចែកចាយព្រោងព្រាតលើបណ្តាញសង្គមដើម្បីទាមទារយុត្តិធម៌ជូនពិធីការិនីកញ្ញា មាន ពេ ជ្រវីតា។

ដោយឡែកនៅលើបណ្តាញសង្គមហ្វេសប៊ុកក៏មិនខុសគ្នាពីបុគ្គលស្ថិតនៅក្នុងចង្កោមអ្នកសិល្បៈនោះទេ គឺមានមហាជនជាច្រើនទៀតក៏បានអំពាវនាវដល់ស្ថាប័នច្បាប់ជួយរកយុត្តិធម៌ជូនកញ្ញា មាន ពេជ្ររីតា ផងដែរ៕

អត្ថបទ៖ ចាន់រ៉ា

The post តារាល្បីៗជាច្រើនចេញមុខអំពាវនាវរកយុត្តិធម៌ដល់ពិធីការិនី មាន ពេជ្រវីតា appeared first on Kampuchea Thmey Daily.

រឿងក្តីបណ្តឹងតបប៉ងរំលោភរបស់កញ្ញា មាន ពេជ្ររីតា មេធាវី គី តិច ចេញមុខស្រាវជ្រាវ

deth leng — Wed, 12 May 2021 04:20:58 +0000

ប្រធានក្រុមមេធាវីរាជរដ្ឋាភិបាល និងជាប្រធានក្រុមមេធាវីស្ម័គ្រចិត្តសម្តេចតេជោ លោក គី តិច បានប្រាប់សារព័ត៌មានថា រឿងក្តីបណ្តឹងតបរបស់កញ្ញា មាន ពេជ្ររីតា ពិធីការិនីទូរទស្សន៍ My TV ដែលបានដាក់ពាក្យបណ្តឹងឧកញ៉ា ហេង សៀ ពីបទប៉ុនប៉ងរំលោភសេពសន្ធវៈក្នុងរថយន្ត ក្រុមមេធាវីរបស់លោក កំពុងចាប់ផ្តើមស្រាវជ្រាវ។

ពិធីការិនីទូរទស្សន៍ My TV កញ្ញា មាន ពេជ្ររីតា បានដាក់ពាក្យបណ្តឹងតបទៅលោក ឧកញ៉ា ហេង សៀ ពីបទប៉ុនប៉ងរំលោភសេពសន្ថវៈ និងទាមទារសំណងជំងឺចិត្តចំនួន ១០ ម៉ឺនដុល្លារ (១០០,០០០) ព្រមទាំងការខាតបង់ និងខូចខាតពេលវេលា និងសេវាផ្លូវច្បាប់ចំនួន ១ ម៉ឺនដុល្លារ។

កញ្ញា មាន ពេជ្ររីតា ហៅយូប៊ី អាយុ ២០ឆ្នាំ ត្រូវបាន ព្រះរាជអាជ្ញារងអមសាលាដំបូងរាជធានីភ្នំពេញ បង្គាប់ឱ្យចាប់ខ្លួន ពីបទលួចទូរស័ព្ទដៃ និងប្រើហិង្សាចាក់ទៅលើឧកញ៉ា ហេង សៀ បណ្តាលឱ្យរងរបួស។

បន្ទាប់ពីបញ្ជូនខ្លួនទៅតុលាការ ព្រះរាជអាជ្ញា បានសម្រេចឱ្យបញ្ជូនទៅឃុំខ្លួន ខណៈដែលពាក្យបណ្តឹង១ច្បាប់របស់នាងប្តឹងតបទៅឧកញ៉ាលេចចេញមក ធ្វើឱ្យមហាជនកំពុងរង់ចាំតាមដានការចោទប្រកាន់គ្នាទៅវិញទៅមករវាងគូទំនាស់ទាំងពីរ។

ពាក្យបណ្តឹង របស់ កញ្ញា មាន ពេជ្ររីតា បានប្រាប់ថា ខ្លួនបានស្គាល់ឧកញ្ញា ហេង សៀមួយរយៈកន្លងមក បន្ទាប់ពីនាងបានទៅចូលរួមពិធីសម្ពោធហាងកូនស្រីរបស់លោក។ ក្រោយមកលោក ឧកញ៉ា ហេង សៀ បានព្យាយាមទាក់ទងទៅរូបនាង តាមបណ្តាញសង្គមតេឡេក្រាម ហើយប្រាប់នាងថា ចង់យកនាងធ្វើជាពិធីការិនីនៅពេលចប់កូវីដ។

កញ្ញា មាន ពេជ្ររីតា បន្តថា “ អំឡុងពេលនោះ គាត់បានលួងលោមឱ្យនាងខ្ញុំប្រើលេខដែលគាត់ទិញឱ្យវិញ ដើម្បីងាយស្រួលក្នុងការទំនាក់ទំនង នាងខ្ញុំក៏បានប្រកែកមិនប្រើ”។

យោងតាមពាក្យបណ្តឹង នាងបានបន្តរៀបរាប់ដំណើររឿងថា “ក្រោយមកទៀត គាត់ក៏បានប្រើពាក្យលួងលោម ចង់ជួប និងស្គាល់រូបនាងខ្ញុំ តែនាងខ្ញុំបដិសេធ មិនព្រមជួប លុះត្រាទាក់ទងនិងការងារទើបនាងខ្ញុំព្រមជួបគាត់។ គាត់ក៏នៅតែបន្តការរំខានរហូតដល់មានការផ្ញើរូបអាសអាភាសមកខ្ញុំ ហើយគាត់លុបចេញវិញដោយខ្លួនឯង ធ្វើឱ្យនាងខ្ញុំមានចម្ងល់ តែក៏មិនគិតថាគាត់មានបំណងអាក្រក់មកលើរូបនាងខ្ញុំឡើយ”។

នាងបន្តថា “រហូតដល់ថ្ងៃកើតហេតុ នៅថ្ងៃទី ០៤ អំឡុងពេលម៉ោង ២ រសៀល គាត់បានទូរស័ព្ទប្រាប់ថាចង់ជួបនាងខ្ញុំ ហើយចង់ឱ្យអីវ៉ាន់ មកនាងខ្ញុំមានដូចជា អង្ករ ទឹកត្រីមួយចំនួន ដើម្បីចែកអំណោយទៅប្រជាពលរដ្ឋដែលទទួលរងគ្រោះដោយសារកូវីដ គាត់បានឱ្យនាងខ្ញុំចាំនៅក្បែរផ្សារ គីឡូលេខ៤ ជិតសាកលវិទ្យាល័យអាស៊ីអឺរ៉ុប រួចក៏បង្ខំឱ្យចូលក្នុងឡាន។ គាត់ថាឱ្យចូលក្នុងឡានសិនមក ដោយមានរឿងការងារត្រូវនិយាយគ្នា ក៏ដូចជាចែកម្ហូបអាហារសម្រាប់អ្នកកូវីដ ហើយចំបាច់ត្រូវនិយាយជាមួយនាងខ្ញុំ ក៏នាងខ្ញុំចូលក្នុង នឹកឃើញថាពេលយកម្ហូបអាហារសម្រាប់ចែកអ្នកូវីដរួចហើយចេញទៅវិញ ពេលនៅក្នុងឡានគាត់និយាយពាក្យអាសអាភាសដាក់ខ្ញុំ រួចក៏យកដៃរបស់គាត់មកលូកស្ទាប់អង្អែលភ្លៅ និងប្រដាប់ភេទរបស់នាងខ្ញុំជាញឹកញាប់ ហើយនិយាយថាពាក្យលេបខាយ និងចង់យកនាងចូលផ្ទះសំណាក់”។

បន្ទាប់មកគាត់ (ហេង សៀ) ក៏បានផ្តល់លេខទូរស័ព្ទថ្មី ទៅឱ្យនាង និងបានព្យាយាមផ្ញើប្រាក់ចំនួន ៥ ដង ដែលសរុបទៅមានទឹកប្រាក់ចំនួន ៨៤៧ដុល្លារចូលក្នុងគណី ABA របស់នាង គ្រាដែលនាងបដិសេធមិនទទួលយក តែលោកនៅតែបន្តផ្ញើ ហើយបាននិយាយាថាសំណាងណាស់បានស្គាល់នាង។

តាមពាក្យបណ្តឹង នាងបន្តថា “ពេលនោះនាងខ្ញុំបានប្រាប់គាត់ថា សុំកុំធ្វើចឹង ប្រយ័ត្នខ្ញុំលោតចុះពីលើឡាន សូមជូននាងខ្ញុំទៅផ្ទះវិញទៅ ហើយគាត់ប្រាប់ថាគាត់មានកាំភ្លើង ពេលឭដូច្នេះនាងខ្ញុំមានអារម្មណ៍ភិតភ័យជាខ្លាំង ដោយមិនអាចចេញពីក្នុងឡានបាន នាងខ្ញុំបានរត់មកកៅអីឡានផ្នែកខាងក្រោយ ហើយគាត់ក៏បានឈប់ឡាន យកដៃរបស់គាត់មកចាប់សង្គ្រប់លើរូបនាងខ្ញុំ ហើយខំរើបម្រាស់ច្រានគាត់ចេញ ទាំងដៃទទេ”។

នាងប្រាប់ថា ហេតុការណ៍នេះ មិនបានប្រាប់ឱ្យគ្រួសារខ្លួនដឹងនោះឡើយ ព្រោះមិនចង់ឱ្យគាត់ពិបាកចិត្ត ស្រាប់តែនៅថ្ងៃទី ០៨ ខែឧសភា សមត្ថកិច្ចអធិការខណ្ឌទួលគោក បាននាំខ្លួននាងទៅឃុំ រយៈពេល ២ ថ្ងៃ ដោយមិនដឹងមូលហេតុ ទើបបញ្ជូនមកសាលាដំបូងរាជធានីភ្នំពេញ ដោយបានចោទពីបទលួច មានស្ថានទម្ងន់ទោស ខណៈនាងអះអាងថា មិនបានលួចអ្វីឡើយ។

នគរបាលនៃអធិការដ្ឋាននគរបាលខណ្ឌទួលគោក នៅព្រឹកថ្ងៃទី១១ ខែឧសភា ឆ្នាំ២០២១នេះ បានធ្វើការចាប់បញ្ជូនខ្លួននារីជាជនសង្ស័យឈ្មោះ មាន ពេជ្ររីតា មកអយ្យការអមសាលាដំបូងរាជធានីភ្នំពេញ ដើម្បីធ្វើការសាកសួរពាក់ព័ន្ធនឹងករណី លួចទូរស័ព្ទដៃនិងប្រើហិង្សា ចាក់ឧកញ៉ាម្នាក់រងរបួស។

ព្រះរាជអាជ្ញារងអមសាលាដំបូងរាជធានីភ្នំពេញ នៅថ្ងៃទី ១១ឧសភា ឆ្នាំ២០២១នេះ បានសម្រេចធ្វើការចោទប្រកាន់នារីម្នាក់ឈ្មោះ មាន ពេជ្ររីតា ហៅ យូប៊ី អាយុ២០ឆ្នាំ ពីបទ «លួចមានស្ថានទម្ងន់ទោស» និងបង្គាប់ឱ្យបញ្ជូនទៅពន្ធនាគារ ឬមណ្ឌលឃុំខ្លួន(ម២) រង់ចាំការសម្រេចជាថ្មី៕