ការប្រកាសរបស់អ្នកនាងនាព្រឹកនេះ គឺបន្ទាប់ពីយោធាថៃបើកការបាញ់ប្រហារមកលើប្រជាពលរដ្ឋខ្មែរ នៅក្នុងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ កាលពីថ្ងៃទី១២ ខែវិច្អិកាឆ្នាំ ២០២៥ បង្កឱ្យស្លាប់ម្នាក់ និងរបួស៣នាក់។ ខណៈមុននឹងមានការបាញ់ប្រហារនេះ យោធាថៃបានធ្វើសកម្មភាពបង្កហេតុជាច្រើនរាប់មិនអស់ និងច្រើនថ្ងៃមកហើយក្នុងចេតនាញុះញង់ដើម្បីនាំដលការប៉ះទង្គិចគ្នា។

តារាចម្រៀង មាស សុខសោភា បានលើកឡើងថា “នាងខ្ញុំសូមអធ្យាស្រ័យអ្នកទាំងអស់គ្នាកម្មវិធីនៅ Tick Tock Pub យប់នេះយើងសុំពន្យាពេលសិន ដោយសារស្ថានការណ៍នៅតាមព្រំដែនប្រទេសយើងកំពុងមានបញ្ហាជួបគ្នាឆាប់ៗម្ដងទៀត អ្នកទាំងអស់គ្នា”។ ទន្ទឹមនេះ អ្នកនាងក៏បានជូនពរដល់ពលរដ្ឋខ្មែរនៅតាមព្រំដែន មានសុខសុវត្ថិភាពទាំងអស់គ្នា។

ជាការកត់សម្គាល់ សិល្បករសិល្បការិនីល្បីៗខ្មែរជាច្រើន បាននាំគ្នាចេញមុខថ្កោលទោស និងប្រើសំឡេងប្រាប់ទៅកាន់អន្តរជាតិករណីដ៏ព្រៃផ្សៃចំពោះទង្វើទាហានសៀមបានបើកការបាញ់ប្រហារមកលើប្រជាពលរដ្ឋស្លូតត្រង់កម្ពុជានៅភូមិព្រៃចាន់ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យបង្កឱ្យស្លាប់ម្នាក់នឹងរបួស ៣នាក់។

ប្រាកដណាស់ទាហានឈ្លានពានរបស់ចោរសៀមបានប្រើប្រាស់អាវុធការបាញ់ប្រហារមកលើប្រជាពលរ ដ្ឋស្លូតត្រង់កម្ពុជានៅភូមិព្រៃចាន់ ឃុំអូរបីជាន់ស្រុកអូ រជ្រៅខេត្តបន្ទាយមានជ័យកាលពីរសៀលថ្ងៃទី១២ខែ វិច្ឆិកាឆ្នាំ២០២៥ដោយទង្វើនេះគឺខុសច្បាប់មនុស្សធម៌អន្តរជាតិ និងច្បាប់អន្តរជាតិហើយផ្ទុយទៅនឹងស្មារ តីមនុស្សធម៌៕ ចាន់រ៉ា

The post មាស សុខសោភា ប្រកាសផ្អាកច្រៀងតាម Pub ដោយសារស្ថានការណ៍នៅតាមព្រំដែនប្រទេស appeared first on Kampuchea Thmey Daily.

តារាចម្រៀងសំនៀងផ្អែម មាស សុខសោភា បានចេញវីដេអូបដិសេធលើការរិះគន់ថា “សូមផ្ញើជូនអ្នកប្រមាថខ្ញុំ…មនុស្សបច្ចុប្បន្នមិនថាពួកគាត់យកអ្វីមកគិតនោះទេ ដោយមួយចំនួនចូលទៅខមមិនជេរយកៗតែម្តង ហើយខ្ញុំក៏មិនយល់ទេថាពួកគាត់ទាំងនេះជានជនជាតិខ្មែរឬជនជាតិឡើយ”។

អ្នកនាង មាស សុខសោភា បានបន្តថា ខ្លួនមិនត្រូវការមនុស្សដែលចូលមកប្រមាថជេរដៀលត្មិះខ្លួនទេ ហើយរឹតតែមិនត្រូវការការកោតសរសើរពីសំណាក់មនុស្សប្រភេទនេះដែរ ព្រោះការគាំទ្រឬប្រជាប្រិយភាពបានមកពីមនុស្សប្រភេទឱ្យស្ថិតក្រោមបាតជើងរបស់ពួកគេបែបនេះ ខ្លួនមិនទទួលទេ។

មាស សុខសោភា និយាយទៀតថា ការចេញមកនិយាយបែបនេះ គឺយកសច្ច:ធម៌ការពិតដើម្បីបញ្ជាក់ខ្លះ បើមិនដូចច្នេះនឹងនៅតែមានអ្នកយល់ច្រឡំមកលើរូបនាងថាជាមនុស្សបែបនេះបែបនោះ ឬមិនល្អតាមតែសម្តីនិយាយ។ នាងបន្ថែមថាតាំងពីដើមមកនាងបានដាក់ចិត្តនិងបេះដូងស្រលាញ់ជាតិសាសន៍ និងក៏បានចូលរួមធ្វើការងារច្រើនដើម្បីជាតិផងដែរ។

មាស សុខសោភា និយាយទៀតថា នាងមិនមែនជាចិត្តព្រះនោះទេ ហេតុនេះហើយត្រូវចេញមកពន្យល់ឲ្យយល់រឿងនេះ។ ម្យ៉ាងទៀតនាង សូមច្រានចោលនៅរឿងយល់ច្រឡំថាលោកឪសក់សភ្នំត្បែងលួចប្រពន្ធគេ ឬខ្លួនយកប្តីគេ គឺអត់មានទេ ដូច្នេះអ្នកនាងស្នើឱ្យឈប់សង្ស័យទៀតទៅ។ មិនតែប៉ុណ្ណោះ អ្នកនាងទម្លាយថា អ្នកដែលនិយាយប្រឌិតរឿងរ៉ាវនេះឡើង ក៏ជាមនុស្សស្គាល់គ្នាដែលធ្លាប់សមាធិជាមួយគ្នាទៀតផង (មនុស្សបែកធម៌និងរមើលគុណ)៕ ចាន់រ៉ា

The post មាស សុខសោភា ចេញបកស្រាយ ក្រោយផ្ទុះការវែកញែកថាមិនអើពើរឿងជាតិ និងប្រមាថរឿងយកប្ដីគេ​ appeared first on Kampuchea Thmey Daily.

តារាចម្រៀង មាស សុខសោភា បានឱ្យដឹងថា ដោយផ្អែកទៅលើស្ថានការណ៍ស្រុកទេស កំពុងកើតសង្រ្គាម ខ្លួនក៏មិនខុសថ្នាក់ដឹកនាមនោះដែរ គឺមានសេចក្តីព្រួយបារម្ភអំពីសុខទុក្ខពលរដ្ឋខ្លាំងណាស់។ ពិសេសប្រមុខដឹកនាំនៃរាជរដ្ឋាភិបាលកម្ពុជា ដែលលោកក៏កំពុងខ្នះខ្នែងព្យាយាមទប់ស្កាត់មិនចង់ឱ្យកើតមាននៅសង្រ្គាមបំផ្លិចបំផ្លាញដល់អាយុជីវិតមនុស្សលោក។

មាស សុខសោភា ថា “ឆ្លៀតក្នុងឱកាសនេះ ខ្ញុំសូមចិត្តពុកម៉ែបងប្អូនទាំងអស់គ្នា រក្សាភាពស្ងៀមស្ងាត់ដោយទុកឱ្យប្រមុខដឹកនាំរបស់យើងដែលលោកមានបញ្ញាញ្ញាណជាអ្នកដោះស្រាយ លោកមិនទុកពួកយើងចោលទេ អ្វីដែលសំខាន់ក្នុងពេលដែលកំពុងមានអាសន្ននេះ យើងទាំងអស់ត្រូវចេះរួមសាមគ្គីគ្នា ស្រលាញ់គ្នាទម្លាកក់ចោលនូវការជេប្រមាថគ្នាការយកកំហឹងមកធ្វើជាល្បិចកលដើម្បីដាក់ជាទោសកំហុសដល់គ្នា ក្នុងនាមយើងជាកូនខ្មែរដូចគ្នា ក៏ត្រូវនាំគ្នាបញ្ឈប់ការប្រមាថគ្នាត្រឹមនេះទៅចុះ”។

អ្នកនាង មាស សុខសោភា និយាយទៀតថា ក្នុងនាមខ្មែរតែមួយ មិនមែនជាសត្រូវនិងគ្នានោះទេ ដូច្នេះគួរតែចេះជួយចែករំលែកចំណេះដឹងល្អៗដល់គ្នា នាំគ្នាសាងអំពើល្អ ប្រកាន់ឱ្យខ្ជាប់នូវសច្ចធម៌ និងគុណធម៌ ព្យាយាមចែករំលែកគុណធម៌ទាំងឡាយដល់គ្នា។

បន្ថែមពីនេះ តារាចម្រៀងសំនៀងផ្អែមអ្នកនាង មាស សុខសោភា ណែនាំដែរថា កំហុសទាំងឡាយណាដែលមានគួរតែចេះអត់ឱនដល់គ្នា ចេះជួយអប់រំកែតម្រូវចំណុចខុសដល់គ្នាដោយសេចក្តីថ្លៃថ្នូរស័ក្តិសមជាពូជពង្សអំបូរខ្មែរ៕ ចាន់រ៉ា

The post មាស សុខសោភា ស្នើឱ្យបន្តរួមសាមគ្គី និងណែនាំគ្នាជំនួសឱ្យការប្រមាថគ្រប់រូបភាព appeared first on Kampuchea Thmey Daily.

មួយរយៈពេលដែលអ្នកនាង មាស សុខសោភា កំពុងមានបញ្ហាជីវិតគូ ក៏ដូចជារងនូវការមិនពេញចិត្តជាច្រើនពីមហាជន ចំពោះសកម្មភាពដែលតារាស្រីល្បីឈ្មោះរូបនេះ បានធ្វើទាក់ទងនឹងរឿងជីវិតឯកជន សង្កេតឃើញមានអ្នករួមអាជីព និងសាច់ញាតិ បានចេញមុខបញ្ជាក់ពីចំណុចល្អៗជាច្រើន ដែលពួកគេបានដឹងនិងស្គាល់អ្នកនាង។ ក្នុងនោះ រួមមានទាំងលោក សោម ដូរ៉េ កវីនិពន្ធនិងដឹកនាំវ័យក្មេងផងដែរ។

តាមរយៈសារភ្ជាប់រូបភាពមួយរយៈពេលកន្លងទៅ កវីនិពន្ធនិងដឹកនាំវ័យក្មេងរូបនេះ រៀបរាប់ថា “ជាបងស្រីដែលពូកែ ចរិកមានះបន្តិច មានបេះដូងថ្លាបរិសុទ្ធទៀងត្រង់ ត្រង់ខ្លាំងពេកសឹងតែលាក់ភាពទន់ជ្រាយខ្លួនឯងមិនបាន ចូលចិត្តស្ទួយប្អូន លើកតម្កើងសរសើរគ្រប់ពេលវេលាមិនដែលបំភ្លេច”។

ជាមួយគ្នានេះ លោក មាស សុខរតន: ដែលជាបងប្រុសបានលើកឡើងដែរថា “អត្តចរិតមារយាទសន្តានរបស់មនុស្សម្នាក់ៗកើតមកតែងតែខុសៗគ្នា គឺតាំងពីកំណើតមកម៉្លេះ ចង់លុបចង់កែពិតជាពិបាកខ្លាំងណាស់ អ៊ីចឹងបើយើងម្នាក់ៗទទួលបានប៉ុណ្ណាយកប៉ុណ្ណឹងទៅ មែនទេអូន?”។

គួររម្លឹកថា តារាចម្រៀងមនោសញ្ចេតនាអ្នកនាង មាស សុខសោភា ថ្មីៗនេះ បាននូវរឿងរ៉ាវដ៏ភ្ញាក់ផ្អើលនិងចាប់អារម្មណ៍ដល់មហាជន បន្ទាប់ពីបែកធ្លាយលែងលះជាមួយស្វាមី ខណ:ស្របពេលជាមួយនេះដែរ នាងក៏ផ្ទុះរឿងចាញ់បោកលុយខ្ទង់លានដុល្លារជាមួយលោកតាសក់សភ្នំត្បែង៕ ចាន់រ៉ា

The post បងប្រុសតារាចម្រៀង មាស សុខសោភា លើកឡើងបែបនេះ ក្រោយឃើញលោក សោម ដូរ៉េ រំលឹកពីប្អូនខ្លួន appeared first on Kampuchea Thmey Daily.

ការចេញមុខបំផុសពីសំណាក់កំពូលតារាចម្រៀងអ្នក នាង មាស សុខសោភា ពេលនេះគឺក្នុងគោលបំណងដើម្បីជាចូលរួមលើកទឹកចិត្តដល់ក្រុមកីឡាករបាល់ទាត់ និងគាំទ្រដល់វិស័យកីឡាបាល់ទាត់នៅកម្ពុជា ខណ:ថ្ងៃនោះអ្នកនាងក៏នឹងមានវត្តមានច្រៀងផ្តល់ភាពសប្បាយរីករាយដល់អ្នកគាំទ្រផងដែរ។

អ្នកនាង មាស សុខសោភា បានឱ្យដឹងដែរថា ក្នុងកម្មវិធីបើកព្រឹត្តិការណ៍ការប្រកួតបាល់ទាត់ពានរង្វាន់ SOCCER LEAGUE លើកទី៨នេះ អ្នកនាងនឹងមានការសម្ដែងពិសេសបទចម្រៀង «រះឡើងជាមួយគ្នា» បង្ហាញជូនដល់អ្នកគាំទ្រផងដែរ។

តារាចម្រៀងស្រីល្បីឈ្មោះរូបនេះ ស្នើដូច្នេះថា “សូមបងប្អូនចូលរួមគាំទ្រនិងទស្សនាការប្រកួតបាល់ទាត់ឱ្យបានគ្រប់គ្នាហើយពិសេសថែមទៀតក៏នឹងមានវត្តមានរបស់អ្នកនាងចូលរួមច្រៀងអបអរគាំទ្រដល់ក្រុមកីឡាករបាល់នៅពហុកីឡដ្ឋានជាតិអូឡាំពិកថ្ងៃទី៣១ ខែឧសភា ឆ្នាំ២០២៥ ឆាប់ៗនេះផងដែរ”។

គួរជម្រាបថា SOCCER LEAGUE លើកទី៨ ឆ្នាំ២០២៥ ជាសកម្មភាពមួយក្នុងការរួមចំណែកក្នុងការលើកស្ទួយវិស័យបាល់ទាត់នៅកម្ពុជា ៕ អត្ថបទ៖ ចាន់រ៉ា

The post មាស សុខសោភា ស្នើមហាជនផុសផុលចូលរួមគាំទ្រព្រឹត្តិការណ៍ប្រកួតបាល់ទាត់ នាចុងខែឧសភានេះ appeared first on Kampuchea Thmey Daily.

យ៉ាងណា ឆ្លើយតបនឹងការចោទថាខាងលើ សាម៉ីខ្លួន ពោលអ្នកនាង មាស សុខសោភា បានចេញមុខអះអាងម្តងហើយម្តងទៀតថា អ្វីដែលខ្លួនធ្វើ គ្រាន់ជាការដឹងគុណលើបុគ្គលដែលខ្លួនហៅថាលោកឪ (តាសក់សភ្នំត្បែង) ប៉ុណ្ណោះ។

ខណៈមុននេះ​ អ្នកនាងបានចេញមុខការពារលោក វង្ស ចក្រាយយុទ្ធ ហៅតាសក់សភ្នំត្បែងជាថ្មី ក្រោយដឹងថាអតីតស្វាមីប្តឹងបុគ្គលរូបនោះ ដោយអះអាងថា រាល់ការបរិច្ចាគជូនតាសក់សភ្នំត្បែង គឺជាផ្តល់ឱ្យដោយខ្លួនឯង មិនមែនជាការបោកប្រាស់អ្វីឡើយ។

ទន្ទឹមនេះ អ្នកនាងបានលើកឡើងដែរថា ខ្លួននិងបុគ្គលកាន់សាសនាខាងលើ ក៏មានការធ្វើជំនួញជាមួយគ្នាផងដែរ។​ សូមស្តាប់វីដេអូលម្អិត៖

ពាក់ព័ន្ធនឹងការបែកបាក់ចែកផ្លូវគ្នាជាមួយអតីតស្វាមី តារាចម្រៀងស្រីល្បីឈ្មោះរូបនេះ ធ្លាប់បានទម្លាយពីឬសគល់នៃបញ្ហាជីវិតគូរបស់ខ្លួន និងអះអាងថា ការដែលឈានដល់ការស្វែងរកខ្លួនឯងតាមរយៈការសមាធិ ក៏ព្រោះតែពេលប្រឈមនឹងការបាក់ទឹកចិត្តម្តងៗ អ្នកនាងធ្លាប់ប៉ងបញ្ចប់ជីវិតមិនតិចនោះឡើយ។

តួយ៉ាង ទន្ទឹមនឹងវេលាដែលត្រូវការជំនួយបំផុត ក៏មានវត្តមានលោក វង្ស ចក្រាយយុទ្ធ ហៅតាសក់សភ្នំត្បែង ជាចំណែកនៃការបើកបង្ហាញផ្លូវសង្គ្រោះទុក្ខវិបត្តិផ្លូវចិត្តរបស់ខ្លួន ដោយហេតុនេះហើយ អ្នកនាងពោលពាក្យដឹងគុណដល់ តាសក់សភ្នំត្បែង និងអះអាងថា បើទោះជាឱ្យខ្លួនលះបង់លុយកាក់ ទ្រព្យធន់ជូនដល់លោកក៏សុខចិត្តដែរ។

យ៉ាងណារាជិនីសំឡេងផ្អែមស្រទន់រូបនេះ ក៏បញ្ជាក់កុំឱ្យមហាជនយល់ច្រឡំដែរថា ខ្លួនធ្លាប់កើតមានជំងឺផ្លូវចិត្តធ្ងន់ធ្ងរអំឡុងផ្ទុះកូវីដ ហើយបើមិនបានជួបលោកតាសក់សភ្នំត្បែងទេ ម៉្លេះក៏គ្មានជីវិតមកដល់បច្ចុប្បន្នដែរ។ មិនតែប៉ុណ្ណោះ អ្នកនាង មាស សុខសោភា ថែមទាំងដាក់ចំៗទៅអតីតស្វាមីឱ្យដោះលែងខ្លួន មិនបាច់រករឿងរុកគួននឹងគ្នាតទៅទៀត ខណៈកន្លងមក ខ្លួនបានលះបង់ច្រើនណាស់សម្រាប់គ្រួសារ ពិសេសស្វាមី។

ដ្បិតតែមានការបកស្រាយជុំវិញរឿងរ៉ាវនេះម្តងហើយម្តងទៀតក៏ដោយ មហាជនមួយចំនួន នៅតែមានមតិលើកឡើង និងមិនយល់ថា ហេតុអ្វីតារាចម្រៀងស្រីល្បីឈ្មោះរូបនេះចេញមុខការពារបុគ្គល វង្ស ចក្រាយយុទ្ធ ដល់ថ្នាក់នេះ៕

The post មាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក appeared first on Kampuchea Thmey Daily.

លោក គួច ខេវិន បានរៀបរាប់ថា ផ្ញើជូនប្អូនស្រី មាស សុខសោភា ជាទីស្រឡាញ់រាប់អានយ៉ាងជ្រាលជ្រៅបំផុត! បើទោះណាជាយើងមិនបានកើតមករួមផ្ទៃម្តាយតែមួយ ប៉ុន្តែការរាប់អានយល់ចិត្តថ្លើម រួមការងារក្នុងអាជីពជាអ្នកសិល្បៈជា ច្រើនឆ្នាំ ការប្រាស្រ័យទាក់ទងគ្នាក្នុងសកម្មភាពសង្គមជាញឹកញាប់ វាបានបង្កើតឡើងនូវមនោញ្ចេតនាស្រឡាញ់រាប់អានគ្នាដូចបងដូចប្អូនបង្កើត រវាងយើងទាំងពីររួមទាំងស្វាមីរបស់ប្អូនផង។

លោកបន្តថា ខណៈដែលបងបានឃើញប្អូនដែលមានសភាពមិនដូចគ្រាមុន និងស្ថិតក្នុងស្ថានភាពប្រឈមទៅនឹងការបាក់បែកទ្រនំសុភមង្គលនៃប្តីប្រពន្ធដែលធ្លាប់តែរឹងមាំនិងផ្អែមល្ហែមគួរឱ្យកោតសសើរនោះ បងហាក់មានអារម្មណ៍ស្រណោះស្រណោកសោកសង្រេងក្នុងចិត្តមិនគិតស្មានដល់ និងសែនអាណិតឥតឧបមាចំពោះប្អូននិងស្វាមី។ 

លោក គួច ខេវិន បន្តទៀតថា បងសូមនិយាយជាមួយ និងចំពោះប្អូនថា ជំនឿគឺជាសេរីភាពនៃគំនិត តែទោះជាយ៉ាងណា ជំនឿក៏មានព្រំដែនកំណត់ ដែលវាមិនត្រូវរំលោភឬប៉ះពាល់ទៅដល់សភាវគតិណាមួយផ្សេងទៀត។ មនុស្សដែលជឿទៅលើសភាវៈក្រៅខ្លួនដោយសារតែបាត់បង់នូវជំនឿលើខ្លួនឯង ជំនឿគួរមានព្រំដែនដែលកំណត់ដោយគំនិត មានហេតុ បច្ច័យនិងផលត្រឹមត្រូវប្រកបដោយសច្ចភាព។

លោក គួច ខេវិន បញ្ជាក់ថាជំនឿស៊ប់ មិនមែនជំនឿងប់នោះឡើយ ហើយបងយល់ថាសម្រាប់ប្អូនដែលតែងតែក្លាហានរឹងមាំប្រកបដោយការតស៊ូកន្លងមក។ បន្ថែមពីនេះលោកគួច ខេវិនលើកឡើងថា ជំនឿស៊ប់ មិនមែន ជំនឿងប់ នោះឡើយ ហើយបងយល់ថាសម្រាប់ប្អូនដែលតែងតែក្លាហានរឹងមាំប្រកបដោយការតស៊ូកន្លងមក៕ អត្ថបទ៖ ចាន់រ៉ា

The post គួច ខេវិន ជូនប៉ុន្មានប្រយោគទៅ មាស សុខសោភា ព្រោះសោកស្តាយ ដែលនាងជ្រើសបញ្ចប់ជីវិតគូ ភ្ជាប់ខ្លួនទៅនឹងជំនឿ appeared first on Kampuchea Thmey Daily.

ដើមហេតុដែលឈានដល់ការចេញបញ្ជាក់ពីរឿងរ៉ាវ នៃទុក្ខសោករបស់ខ្លួនលែងខ្មាសនេះ គឺបន្ទាប់ពីលោក អុិត រ៉ាដា ត្រូវជាស្វាមី បានទម្លាយការបែកបាក់អាពាហ៍ពិពាហ៍របស់ខ្លួនជាមួយនឹងអ្នកនាង មាស សុខសោភា និងលើករឿងរ៉ាវពាក់ព័ន្ធនឹងតាសក់សភ្នំត្បែង។

យ៉ាងណា ដើម្បីអាចឱ្យមហាជនពិសេសអ្នកគាំទ្រអ្នកនាង បានជ្រួតជ្រាបនូវឬសគល់នៃបញ្ហាជីវិតគូរបស់ខ្លួន ដោយរៀបរាប់ថា ជាង១០ឆ្នាំមកនេះ អ្នកនាងពុំមែនជាមនុស្សស្រីរឹងមាំដូចដែលគ្រប់គ្នាបានឃើញនោះទេ ខណៈសម្ពាធដែលអ្នកនាងរ៉ាប់រង មិនមានសមាជិកគ្រួសារណាម្នាក់ខ្វាយខ្វល់ និងសូម្បីតែស្វាមី។ 

តារាចម្រៀងស្រីល្បីឈ្មោះរូបនេះ បន្ថែមទៀតថា ការដែលអ្នកនាងឈានដល់ការស្វែងរកខ្លួនឯងតាមរយៈការសមាធិ ក៏ព្រោះតែពេលប្រឈមនឹងការបាក់ទឹកចិត្តម្តងៗ អ្នកនាងធ្លាប់ប៉ងបញ្ចប់ជីវិតមិនតិចនោះឡើយ។ តួយ៉ាង ទន្ទឹមនឹងវេលាដែលត្រូវការជំនួយបំផុត ក៏មានវត្តមានលោក វង្ស ចក្រាយយុទ្ធ ហៅតាសក់សភ្នំត្បែង ជាចំណែកនៃការបើកបង្ហាញផ្លូវសង្គ្រោះទុក្ខវិបត្តិផ្លូវចិត្តរបស់ខ្លួន ដោយហេតុនេះហើយ អ្នកនាងពោលពាក្យដឹងគុណដល់ តាសក់សភ្នំត្បែង និងអះអាងថា បើទោះជាឱ្យខ្លួនលះបង់លុយកាក់ ទ្រព្យធន់ជូនដល់លោក ក៏សុខចិត្តដែរ។

គួររំលឹកថា កន្លងមក រាជិនីសំឡេងផ្អែមស្រទន់រូបនេះ ក៏ធ្លាប់បានទម្លាយដែរថា ខ្លួនធ្លាប់កើតមានជំងឺផ្លូវចិត្តធ្ងន់ធ្ងរអំឡុងផ្ទុះកូវីដ ហើយបើមិនបានជួបលោកតាសក់សភ្នំត្បែងទេ ម៉្លេះក៏គ្មានជីវិតមកដល់បច្ចុប្បន្នដែរ។ 

ក្រោយការអះអាងនេះ មិនបានមួយខែផង ស្វាមីសោភា ក៏លាលែងពីតំណែងជានាយក CamtraxMusic ដែលជាផលិតកម្មបង្កើតឡើងដោយអ្នកនាង មាស សុខសោភា ព្រមទាំងបញ្ជាក់ថា គ្មានការពាក់ព័ន្ធអ្វីទាំងអស់ជាមួយលោកតាសក់សភ្នំត្បែង។ ខណៈកាលពីថ្មីៗកន្លងទៅនេះ លោក អុិត រ៉ាដា ក៏ប្រកាសពីផ្លូវស្នេហ៍បែកបាក់រវាងលោក និងអ្នកនាង មាស សុខសោភា រហូតផ្ទុះការវែកញែកហូរហែរ ឈានដល់ការសម្រេចចេញមុខទម្លាយគ្រប់យ៉ាងលែងខ្មាសពីតារាចម្រៀងល្បីឈ្មោះរូបនេះតែម្តង។

មិនតែប៉ុណ្ណោះ អ្នកនាង មាស សុខសោភា ថែមទាំងដាក់ចំៗទៅអតីតស្វាមី ឱ្យដោះលែងខ្លួន មិនបាច់រករឿងរុកគួននឹងគ្នាតទៅទៀត ខណៈកន្លងមក ខ្លួនបានលះបង់ច្រើនណាស់សម្រាប់គ្រួសារ ពិសេសស្វាមី បើមិនអាចថែនាងឱ្យល្អ ទុកឱ្យផ្លូវលោករក្សានាងប្រសើរជាង ។ ក្នុងន័យនេះ អ្នកនាងចង់សំដៅដល់កាលដែលស្វាមីស្គាល់និងចាប់ដៃរៀបការជាមួយខ្លួន គឺខ្លួនល្បីល្បាញ មានគ្រប់យ៉ាងអស់ហើយ នាងចង់បានត្រឹមការថ្នាក់ថ្នម យកចិត្តទុកដាក់ពីស្វាមីប៉ុណ្ណោះ ប៉ុន្តែស្វាមីបែរពុំអាចផ្តល់ឱ្យ និងមិនខ្វល់សូម្បីតែពេលនាងត្រូវការបំផុត៕  

The post ផ្តើមពីបាក់ទឹកចិត្តធ្ងន់ធ្ងរ! មាស សុខសោភា សារភាពថា ទង្វើសព្វថ្ងៃ គឺដើម្បីខ្លួនឯងនិងដឹងគុណអ្នកធ្លាប់ជួយ appeared first on Kampuchea Thmey Daily.