មាស សុខសោភា ចេញបកស្រាយ ក្រោយផ្ទុះការវែកញែកថាមិនអើពើរឿងជាតិ និងប្រមាថរឿងយកប្ដីគេ​

តារាចម្រៀងអ្នកនាង មាស សុខសោភា បានចេញមុខបកស្រាយនិងប្រតិកម្មឆ្លើយតបបន្ទាប់ពីមានការរិះគន់ប្រមាថ ជុំវិញរឿងរ៉ាវនៃមន្ទិលសង្ស័យយកប្តីគេគឺតាសក់សភ្នំត្បែង ខណ:ខ្លះទៀតលើកឡើងថា ខ្លួនមិនអើពើរឿងជួយជាតិដែលកំពុងរងការឈ្លានពានពីចោរសៀម។

តារាចម្រៀងសំនៀងផ្អែម មាស សុខសោភា បានចេញវីដេអូបដិសេធលើការរិះគន់ថា “សូមផ្ញើជូនអ្នកប្រមាថខ្ញុំ…មនុស្សបច្ចុប្បន្នមិនថាពួកគាត់យកអ្វីមកគិតនោះទេ ដោយមួយចំនួនចូលទៅខមមិនជេរយកៗតែម្តង ហើយខ្ញុំក៏មិនយល់ទេថាពួកគាត់ទាំងនេះជានជនជាតិខ្មែរឬជនជាតិឡើយ”។

អ្នកនាង មាស សុខសោភា បានបន្តថា ខ្លួនមិនត្រូវការមនុស្សដែលចូលមកប្រមាថជេរដៀលត្មិះខ្លួនទេ ហើយរឹតតែមិនត្រូវការការកោតសរសើរពីសំណាក់មនុស្សប្រភេទនេះដែរ ព្រោះការគាំទ្រឬប្រជាប្រិយភាពបានមកពីមនុស្សប្រភេទឱ្យស្ថិតក្រោមបាតជើងរបស់ពួកគេបែបនេះ ខ្លួនមិនទទួលទេ។

មាស សុខសោភា និយាយទៀតថា ការចេញមកនិយាយបែបនេះ គឺយកសច្ច:ធម៌ការពិតដើម្បីបញ្ជាក់ខ្លះ បើមិនដូចច្នេះនឹងនៅតែមានអ្នកយល់ច្រឡំមកលើរូបនាងថាជាមនុស្សបែបនេះបែបនោះ ឬមិនល្អតាមតែសម្តីនិយាយ។ នាងបន្ថែមថាតាំងពីដើមមកនាងបានដាក់ចិត្តនិងបេះដូងស្រលាញ់ជាតិសាសន៍ និងក៏បានចូលរួមធ្វើការងារច្រើនដើម្បីជាតិផងដែរ។

មាស សុខសោភា និយាយទៀតថា នាងមិនមែនជាចិត្តព្រះនោះទេ ហេតុនេះហើយត្រូវចេញមកពន្យល់ឲ្យយល់រឿងនេះ។ ម្យ៉ាងទៀតនាង សូមច្រានចោលនៅរឿងយល់ច្រឡំថាលោកឪសក់សភ្នំត្បែងលួចប្រពន្ធគេ ឬខ្លួនយកប្តីគេ គឺអត់មានទេ ដូច្នេះអ្នកនាងស្នើឱ្យឈប់សង្ស័យទៀតទៅ។ មិនតែប៉ុណ្ណោះ អ្នកនាងទម្លាយថា អ្នកដែលនិយាយប្រឌិតរឿងរ៉ាវនេះឡើង ក៏ជាមនុស្សស្គាល់គ្នាដែលធ្លាប់សមាធិជាមួយគ្នាទៀតផង (មនុស្សបែកធម៌និងរមើលគុណ)៕ ចាន់រ៉ា