ដំណឹងនៃការប្រកាសដាក់មីននេះ និងការវាយប្រហារកប៉ាល់ដឹកប្រេងជាបន្តបន្ទាប់ ធ្វើឲ្យតម្លៃប្រេងសកលហក់ឡើងលើសពី ១២០ ដុល្លារក្នុងមួយបារ៉ែល និងរុញទម្លាក់សេដ្ឋកិច្ចសកល ធ្លាក់ចូលក្នុងជ្រោះវិបត្តិងើបមិនទាន់រួច។

មីនសមុទ្រ គឺជាអាវុធ «ចំណាយតិចតែប្រសិទ្ធភាពខ្ពស់» ដែលអាចបង្កការខូចខាតយ៉ាងធ្ងន់ធ្ងរដល់នាវាចម្បាំងតម្លៃរាប់ពាន់លានដុល្លារ ហើយការបោសសម្អាតវិញ ក៏ត្រូវចំណាយពេលយូរ និងមានគ្រោះថ្នាក់បំផុតផងដែរ ដែលអាចធ្វើឲ្យច្រកសមុទ្រ Hormuz ត្រូវបិទទាំងស្រុងក្នុងរយៈពេលយូរ។

ដូច្នេះ តើមីនសមុទ្រមានប្រភេទអ្វីខ្លះ ហើយវាដំណើរការដោយរបៀបណាទៅ?

ដំបូងយើងនិយាយពីប្រភេទមីនសិន! តាមការផ្សាយរបស់ NDTV កាលពីថ្ងៃពុធទី១១ខែមីនាឆ្នាំ២០២៦ មីនសមុទ្រចែកចេញជា២ប្រភេទធំៗដូចជា «មីនប៉ះទង្គិច» និង «មីនឥទ្ធិពល»។ មីនប៉ះទង្គិច ផ្ទុះនៅពេលមាននាវាមកបុកផ្ទាល់ ចំណែកមីនឥទ្ធិពល ទំនើបជាង ពោលគឺវាមិនចាំបាច់ឲ្យនាវាមកបុកទេ សូម្បីតែនៅពេលវាចាប់បាននូវសញ្ញាដូចជា៖ ដែកម៉ាញេទិក ដែលចាប់សញ្ញាដែកដ៏ធំរបស់នាវា, ចាប់សញ្ញារលកសំឡេងម៉ាស៊ីនឬចង្កូតនាវា និងចាប់សញ្ញាបម្រែបម្រួលសម្ពាធទឹកនៅពេលនាវាធំៗបើកកាត់ពីលើ ក៏វាអាចផ្ទុះបានដែរ។

មីនម្យ៉ាងទៀតគេហៅមីនអណ្តែតសេរី ដែលវាធ្វើចលនាតាមអំពើនៅលើផ្ទៃទឹក និងផ្លាស់ទីទៅតាមចរន្តទឹកសមុទ្រ ឬតាមកម្លាំងខ្យល់។ ទោះមីនប្រភេទនេះ ត្រូវបានហាមឃាត់នៅក្រោមច្បាប់អន្តរជាតិអស់រយៈពេលជាង ៨០ ឆ្នាំមកហើយក៏ដោយ ប៉ុន្តែមានសេចក្តីរាយការណ៍ថា ទាំងអ៊ីរ៉ង់ និងអ៊ីរ៉ាក់ សុទ្ធតែបានប្រើប្រាស់ពួកវានៅឡើយ ក្នុងជម្លោះនានាចាប់តាំងពីឆ្នាំ១៩៨០មក។

តើគេដាក់មីនទាំងនោះដោយរបៀបណា?

1. ការប្រើប្រាស់នាវានិងទូកតូចៗ៖ នេះជាវិធីសាមញ្ញបំផុត ដោយគ្រាន់តែទម្លាក់មីនចេញពីកន្ទុយនាវា។ ទូកតូចៗ រួមទាំងទូកនេសាទ ក៏អាចត្រូវបានគេយកមកប្រើប្រាស់ក្នុងស្ថានភាពខ្លះដែរ។ អ៊ីរ៉ង់ល្បីខាងប្រើប្រាស់ទូកល្បឿនលឿន ដើម្បីលបដាក់មីនក្នុងល្បឿនលឿនរួចដកថយវិញ។
2. ការប្រើប្រាស់យន្តហោះ៖ យន្តហោះអាចទម្លាក់មីនចូលទៅក្នុងទឹក ដែលអនុញ្ញាតឲ្យគេដាក់មីនបានយ៉ាងលឿនក្នុងផ្ទៃទឹកដ៏ធំ។
3. ការប្រើប្រាស់នាវាមុជទឹក៖ នេះជាវិធីសម្ងាត់បំផុត ព្រោះគេអាចដាក់មីននៅតាមផ្លូវនាវាចរណ៍ដោយមិនឲ្យសត្រូវដឹងខ្លួនឡើយ៕

អត្ថបទ៖ សុខ សុវណ្ណ

The post តើអ៊ីរ៉ង់ ដាក់មីនក្នុងសមុទ្រដោយរបៀបណា ​ហើយវាដំណើរការយ៉ាងដូចម្តេច? appeared first on Kampuchea Thmey Daily.

វាពិតជារឿងចម្លែកណាស់ មុនពេលដែលទាហានថៃបើកការវាយប្រហារឈ្លានពានកម្ពុជាទាំងកម្រោល និងទាំងខុសច្បាប់នោះ យើងតែងតែលឺជាញឹកញាប់ និងមានការផ្សាយជាបន្តបន្ទាប់ថា ទាហានថៃម្នាក់នេះ ម្នាក់នោះ ដើរជាន់មីន ពេលដើរល្បាតក្នុងទឹកដីរបស់ខ្លួន។ ជាន់ហើយជាស្វ័យប្រវត្តិតែម្តង គឺកងទ័ពគេ រដ្ឋាភិបាលគេចោទទាំងងងើលថា មីនដែលជាន់នោះជាមីនថ្មី ហើយថាទាហានកម្ពុជា ជាអ្នកលួចដាក់មីន។ ចុះពេលនេះ ហេតុអ្វីមិនឃើញមានជាន់មីនថ្មីទៀតអ៉ីចឹង? បាត់មីនទាំងនោះទៅណាហើយ? លេបចូលក្នុងដីបាត់ ឬហោះទៅលើមេឃបាត់ ឬរត់ទៅពួនលាក់ខ្លួនក្នុងលេណដ្ឋាន?

មកដល់ម៉ោងនេះ អ្វីដែលយើងទទួលបាន គឺថាទាហានឈ្លានពានថៃស្លាប់រាប់រយនាក់នៅក្នុងព្រៃ ដោយសារតែអាវុធកម្ទេចពួកឈ្លានពាន គឺBM21 ប្រព័ន្ធបាញ់កាំជ្រួចប្រតិកម្មរហ័ស៤០កាណុងរបស់កម្ពុជា តែមិនបានទទួលព័ត៌មានសោះឡើយថា បានស្លាប់ដោយសារមីន ឬរបួសដាច់ដៃ ដាច់ជើង ដោយសារតែមីននោះ។ តាំងពីថ្ងៃដំបូងដែលទាហានថៃចាប់ផ្តើមបង្កហេតុ បើកការវាយប្រហារឈ្លានពានកម្ពុជាមក យើងបានតាមដានយ៉ាងយកចិត្តទុកដាក់បំផុតលើបណ្តាញសង្គមផ្លូវការរបស់រដ្ឋាភិបាលថៃ កងទ័ពថៃ និងសារព័ត៌មាននានារបស់ថៃ គឺមិនបានប្រទះសោះថា ទាហានថៃបានស្លាប់ ឬរបួស ដោយសារតែដើរជាន់មីន ហើយក៏លែងលឺទៀតដែរពាក្យថា កម្ពុជាបានដាក់មីនថ្មី ដើម្បីស៊ីជើងទាហានថៃនោះ។

បែបនេះ យើងអាចសន្និដ្ឋានលេងៗបានហើយថា ហេតុអ្វីបានជាទាហានថៃចេះតែដើរជាន់មីនមុនពេលបើកការឈ្លានពានកម្ពុជា? មីនដែលជាន់នោះ បើតាមការអះអាងរបស់ថៃ គឺជាមីនថ្មីទៅទៀត។ ច្បាស់អស់សង្ស័យហើយពេលនេះ គឺ«ថៃដាក់មីនខ្លួនឯង ហើយប្រើឱ្យកូនទាហានដែលគ្នាមិនដឹងអី ទៅដើរជាន់ដើម្បីបានលេសបើកការវាយប្រហារមកលើកម្ពុជា»។ ល្បិចសាច់កម្មនេះ គឺភាគីថៃធ្លាប់បានប្រើម្តងរួចហើយកាលពីចូលឈ្លានពានកម្ពុជាលើកទី១កាលពីថ្ងៃទី២៤ ខែកក្កដា ឆ្នាំ២០២៥កន្លងទៅ។ នៅសុខៗ ស្រាប់តែទាហានថៃដើរជាន់មីនជាបន្តបន្ទាប់ ប៉ុន្តែ ពេលប្រយុទ្ធគ្នាជាមួយកងទ័ពការពារជាតិកម្ពុជា ក៏លែងលឺថាដើរជាន់មីនទៀត វាពិតជាចម្លែក និងគួរឱ្យអស់សំណើចមែនទែន។

លើកនេះ ពួកថៃចង់លេងល្បិចសាច់កម្ម យកការជាន់មីន ជាការបង្កហេតុ ដើម្បីបានលេសវាយប្រហារឈ្លានពានកម្ពុជាទៀត ប៉ុន្តែ រាជរដ្ឋាភិបាលកម្ពុជា និងកងទ័ពកម្ពុជា ដឹងច្បាស់ពីល្បិចកលមិនថ្លៃថ្នូរនេះ ក៏ប្រើប្រាស់ការតស៊ូមតិលើឆាកអន្តរជាតិបកអាក្រាតពីល្បិចកលនេះ។ ហេតុដូច្នេះហើយ ពួកឈ្លានពាន ក៏បានប្រើល្បិចថ្មី ចោទកម្ពុជាថាបានបាញ់ប្រហារទៅទឹកដីគេមុន។ នេះ គឺជារឿងដ៏គួរឱ្យអស់សំណើចណាស់ វាមិនដែលប្រទេសដែលស្រឡាញ់សន្តិភាព តែងតែចង់បានការដោះស្រាយបញ្ហាដោយសន្តិវិធី និងគោរពយ៉ាងខ្ជាប់ខ្ជូននូវបទឈប់បាញ់ និងកិច្ចព្រមព្រៀងសន្តិភាព ទៅបាញ់ប្រហារគេមុន ឬនិយាយបែបម្យ៉ាងទៀតថា មិនដែលប្រទេសតូច ទៅបើកការវាយប្រហារប្រទេសធំ ប្រទេសអ្នកមាននោះទេ វាមិនអាចទៅរួចទេ។ គឺថៃទៅវិញទេ ដែលមានមហិច្ឆតាចង់បានទឹកដីកម្ពុជា បានបើកការវាយប្រហារឈ្លានពានមកលើដែនអធិបតេយ្យភាព និងជនស៊ីវិលកម្ពុជា។ ដោយសារតែមិនមានជម្រើស កងទ័ពកម្ពុជាក្រោមការដឹកនាំប្រយុទ្ធដោយមេទ័ពកំពូលដ៏ឆ្នើមរបស់កម្ពុជា គឺសម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត បានបង្ខំចិត្តបើកការប្រយុទ្ធតបតនឹងកងទ័ពឈ្លានពានយ៉ាងស្វិតស្វាយជាទីបំផុត។ គិតមកដល់នេះ កងទ័ពឈ្លានពានថៃបានចោលសាកសពយ៉ាងច្រើននៅក្នុងព្រៃ ហើយកងទ័ពក៏អង់អាចក្លាហានកម្ពុជា កំពុងជើងឈរ គ្រប់គ្រងដែនអធិបតេយ្យភាពរបស់ខ្លួនយ៉ាងរឹងមាំជាទីបំផុត៕

ដោយ៖ វណ្ណ សុគន្ធា

The post ឆ្ងល់ណាស់! ម៉េចក៏ផ្ទុះអាវុធប៉ុន្មានថ្ងៃនេះ អត់ឃើញទាហានថៃជាន់មីនអ៊ីចឹង ឫក៏មីនចេះរត់ទៅលាក់ខ្លួនក្នុងត្រង់សេបាត់ហើយ? appeared first on Kampuchea Thmey Daily.

សម្ដេចតេជោ ហ៊ុន សែន ប្រធានព្រឹទ្ធសភា ថាថៃសម្ដែងរឿងមីនបានល្អតែខ្វះបច្ចេកទេស។ សម្ដេច លើកឡើងលើទំព័រហ្វេសប៊ុកផ្លូវការដូច្នេះ នាយប់ថ្ងៃទី៤ ខែធ្នូ បន្ទាប់ពីឃើញបណ្ដាញផ្សព្វផ្សាយរបស់ថៃផ្សាយថា កងទ័ពភូមិភាគ២ថៃថារកឃើញគ្រាប់មីនPMN-2ថ្មី នៅតាមបណ្ដោយបន្ទាត់ព្រំដែនកម្ពុជា-ថៃ ដោយចោទថាកងទ័ពខ្មែរជាអ្នកដាក់។ ក្នុងការផ្សាយ បណ្ដាញផ្សព្វផ្សាយថៃ បានប្រើប្រាស់រូបភាពមនុស្សពីរនាក់ពាក់ឯកសណ្ឋានយោធាកម្ពុជាសម្ដែងដាក់មីន។

សម្ដេច ហ៊ុន សែន បង្រៀនបែបចំអកថៃថា ថ្ងៃក្រោយបើថៃចង់ឱ្យគេជឿថាកម្ពុជាដាក់មីនថ្មី ថៃត្រូវមានអ្នកដឹកនាំរឿងចេះរៀបចំសេណារីយ៉ូឲ្យបានល្អ រើសតួសម្ដែងឲ្យចេះធ្វើកាយវិការរបៀបដាក់មីនឲ្យបានត្រឹមត្រូវ ពិសេសបង្រៀនអ្នកថតឲ្យចេះថតពីរបៀបធ្វើចោរលួចដាក់មីនជាមុនសិន ចាំចេញថ្ពឹនភ្នែកអន្តរជាតិ។

ជាការកត់សម្គាល់ កាលពីពេលកន្លងទៅ ថៃបានយកបញ្ហាទាហានខ្លួនដើរចូលជាន់មីនក្នុងចម្ការមីនក្នុងដីខ្មែរដែលសេសសល់ពីសង្គ្រាមស៊ីវិលចោទប្រកាន់ និងបើកការវាយប្រហារឈ្លានពានដោយខុសច្បាប់មកលើកម្ពុជាកាលពីចុងខែកក្កដាកន្លងទៅ ហើយបន្ទាប់ពីមានបទឈប់បាញ់ និងកិច្ចព្រមព្រៀងសន្តិភាពថៃនៅតែយកបញ្ហាមីនចោទប្រកាន់កម្ពុជាម្ដងទៀតហើយម្ដងទៀត ជាពិសេសរយៈពេលប៉ុន្មាន៣ថ្ងៃចុងក្រោយ កងទ័ពភូមិភាគ២ថៃ នៅថ្ងៃទី៣ ខែធ្នូ បានផ្សាយថាមានករណីផ្ទុះមីននៅទល់មុខប្រាសាទព្រះវិហារកម្ពុជា និងថ្ងៃទី៤ ថារកឃើញគ្រាប់មីនថ្មី។ ការផ្សាយរបស់ថៃ ជាការស្រង់សម្ដីតែពីកងទ័ពរបស់ខ្លួន ដោយមិនមានការបញ្ជាក់ឬឆ្លងកាត់ការស៊ើបអង្កេត វាយតម្លៃពីអ្នកសង្កេតការណ៍ឯករាជ្យឡើយ។

ក្រសួងការពារជាតិកម្ពុជា កាលពីរសៀលថ្ងៃទី៣ ខែធ្នូ បដិសេធ និងច្រានចោលទាំងស្រុង ចំពោះការចោទប្រកាន់របស់កងទ័ពភូមិភាគទី២ថៃ មកលើកម្ពុជាដែលថាកម្ពុជាដាក់មីនថ្មី និងចាត់ទុកការផ្សាយរបស់កងទ័ពភូមិភាគទី២ថៃ ថាមាន បំណងបំភ័ន្ត ថ្ពឹនភ្នែកសហគមន៍អន្តរជាតិ និងលាក់កំបាំងនូវមហិច្ឆតារំលោភបំពានខុសច្បាប់របស់ខ្លួនចូលមកដែនអធិបតេយ្យស្របច្បាប់របស់កម្ពុជា។ក្រសួងការពារជាតិកម្ពុជា ឱ្យថៃបញ្ឈប់ជាបន្ទាន់ការយកបញ្ហាមីនដែលជាព័ត៌មានមិនពិត ដើម្បីធ្វើជាលេសរំលោភបំពានមកលើដែនអធិបតេយ្យស្របច្បាប់របស់កម្ពុជា។

ចំណែកអាជ្ញាធរមីនរបស់កម្ពុជា កាលពីព្រឹកថ្ងៃទី៣ ខែធ្នូ បានឆ្លើយតបក្នុងសេចក្ដីប្រកាសព័ត៌មានដោយចាត់ទុកថា ថៃប្រើប្រាស់ឧប្បត្តិហេតុផ្ទុះមីន ដើម្បីបង្វែរចំណាប់អារម្មណ៍របស់សាធារណជន និងសហគមន៍អន្តរជាតិ ចេញពីការបំផ្លិចបំផ្លាញ និងការខូចខាតដ៏ធំធេង ដែលបង្កដោយយោធាថៃមកលើកម្ពុជា ក្នុងអំឡុងពេលសង្គ្រាមប្រាំថ្ងៃ និងការរំលោភបំពានលើកិច្ចព្រមព្រៀងគួឡាឡាំពួរ និងសេចក្ដីថ្លែងការរួមគ្នា។

កម្ពុជា អះអាងយ៉ាងមុតមាំសាជាថ្មីថា ចាប់តាំងពីក្លាយជារដ្ឋភាគីនៃអនុសញ្ញាអូតាវ៉ា កម្ពុជាតែងតែប្រកាន់ខ្ជាប់នូវគោលការណ៍ និងកាតព្វកិច្ចរបស់ខ្លួននៅក្រោមច្បាប់អន្តរជាតិ ដោយមិនដែលដាក់មីនថ្មីដែលគំរាមកំហែងដល់សន្តិសុខ និងសុវត្ថិភាពរបស់មនុស្សជាតិនោះឡើយ។

ក្រសួងការពារជាតិកម្ពុជា នៅតែបន្តប្តេជ្ញាចិត្តក្នុងការគោរពយ៉ាងម៉ឺងម៉ាត់សេចក្តីថ្លែងការណ៍រួមស្តីពីសន្តិភាពរវាងកម្ពុជានិងថៃ ដែលត្រូវបានចុះហត្ថលេខាកាលពីថ្ងៃទី២៦ ខែតុលា ឆ្នាំ២០២៥ ជាពិសេសពាក់ព័ន្ធនឹងការទប់ស្កាត់ព័ត៌មានក្លែងក្លាយ ឬព័ត៌មានមិនពិត ក្នុងគោលបំណងបន្ធូរបន្ថយភាពតានតឹង និងបង្កើតបរិយាកាសអំណោយផលដល់ការរក្សាសន្តិភាព និងស្ថិរភាពរវាងប្រទេសទាំងពីរ៕

The post ថៃយកឯកសណ្ឋានទ័ពខ្មែរសម្ដែងដាក់មីន ផ្សាយថ្ពឹនភ្នែកអន្តរជាតិ÷ សម្ដេចតេជោថាថៃសម្ដែងបានល្អតែខ្វះបច្ចេកទេស appeared first on Kampuchea Thmey Daily.

ការគូស​បញ្ជាក់​បែប​នេះ​របស់​លោកទេសរដ្ឋមន្រ្តី​ លី​ ធុជ​ អនុប្រធាន​ទី១​អាជ្ញាធរ​មីន​ ធ្វើឡើងនៅក្នុង​ឱកាស​កម្ពុជាដឹកនាំរៀបចំព្រឹត្តិការណ៍អមស្តីពី​«ពង្រឹងកិច្ចសហប្រតិបត្តិការអន្តរជាតិ តាមរយៈការអភិវឌ្ឍសមត្ថភាពដើម្បីពិភពលោកមួយគ្មានមីន»​ កាល​ពី​ថ្ងៃទី៣ ខែធ្នូ ឆ្នាំ២០២៥ នៅ​ទីក្រុង​ហ្សឺណែវ​ ប្រទេស​ស្វីស​។ លោកទេសរដ្ឋមន្ត្រី លី​ ធុជ​ លើកឡើងថា តាមរយៈកិច្ចសហប្រតិបត្តិការ និងការចូលរួមគាំទ្រពីប្រទេសជាមិត្ត ដៃគូអភិវឌ្ឍ និងសហគមន៍អន្តរជាតិ កម្ពុជាបានប្រែក្លាយខ្លួនពីប្រទេសរងគ្រោះធ្ងន់ធ្ងរដោយសារមីន និងសំណល់ជាតិផ្ទុះពីសង្គ្រាម ទៅជាប្រទេសឈានមុខក្នុងសកម្មភាពមីន និងក្លាយជាដៃគូសំខាន់ក្នុងការគាំទ្រដល់ប្រទេសផ្សេងទៀត ដែលរងគ្រោះដោយសារមីន និងសំណល់ជាតិផ្ទុះពីសង្គ្រាម។

បើតាមលោក លី ធុជ កិច្ចខិតខំប្រឹងប្រែង និងការចូលរួមគាំទ្រដែលកម្ពុជាផ្តល់ទៅកាន់ប្រទេសរងគ្រោះដទៃ គឺដោយសារកម្ពុជាយល់ច្បាស់អំពីទុក្ខលំបាកដែលបង្កដោយមីន និងសំណល់ជាតិផ្ទុះពីសង្គ្រាម ហើយកម្ពុជាជឿជាក់ថា មានតែកិច្ចសហប្រតិបត្តិការ និងការខិតខំប្រឹងប្រែងរួមគ្នាទេ ដែលអាចធ្វើឱ្យយើងសម្រេចបានគោលដៅមនុស្សធម៌របស់អនុសញ្ញាអូតាវ៉ា។

ជាមួយ​គ្នានេះ​ លោកទេសរដ្ឋមន្រ្តី លី ធុជ ក៏បានលើកឡើងអំពីស្ថានការណ៍នៅតាមតំបន់ព្រំដែន និងបានបង្ហាញពីចេតនារបស់ថៃដែលប្រើប្រាស់ឧប្បត្តិហេតុផ្ទុះមីនធ្វើការចោទប្រកាន់មក​លើ​កម្ពុជាដោយ​គ្មានមូលដ្ឋាន គ្មានការពិត និងគ្មានការស៊ើបអង្កេតច្បាស់លាស់ ដើម្បីជាមូលហេតុក្នុងការវាយប្រហារឈ្លានពានមកលើកម្ពុជា ដែលបានបង្កការរងគ្រោះដល់ប្រជាជនកម្ពុជាក្នុងតំបន់ព្រំដែន។ លោកបានបញ្ជាក់ពីជំហររបស់កម្ពុជាក្នុងការត្រៀមខ្លួចរួចរាល់ក្នុងការផ្តល់កិច្ចសហការ និងបន្តអនុវត្តតាមយន្តការដែលមានស្រាប់ ដើម្បីដោះស្រាយបញ្ហា និងធានាបានសន្តិភាព ស្ថិរភាព និងសុខសុវត្ថិភាពរបស់ប្រជាជន។

គួរបញ្ជាក់ជូនថា ក្រៅពីបញ្ហាមីននេះ អាជ្ញាធរមីនកម្ពុជា ក៏បានលើកឡើងពីបញ្ហាគ្រាប់បែកចង្កោមដែលប្រើប្រាស់ដោយកងទ័ពថៃក្នុងពេលវាយប្រហារឈ្លានពានកម្ពុជានាពេលកន្លងមកប្រាប់ទៅលោកស្រី Pamela Moraga នាយកអង្គភាពគាំទ្រការអនុវត្តអនុសញ្ញាស្តីពីគ្រាប់បែកចង្កោមក្នុងជំនួបទ្វេភាគីនៅទីក្រុងហ្សឺណែវ កាលពីថ្ងៃទី២ ខែធ្នូ ឆ្នាំ២០២៥ ផងដែរ។ លោកទេសរដ្ឋមន្រ្តី លី ធុជ បានបញ្ជាក់ប្រាប់លោកស្រី Pamela Moragaថា ការប្រើប្រាស់គ្រាប់បែកចង្កោមរបស់យោធាថៃអំឡុងជម្លោះប្រដាប់អាវុធកម្ពុជា-ថៃ កាលពីខែកក្កដា ឆ្នាំ២០២៥ កន្លងទៅនេះ បានបង្កផលប៉ះពាល់រយៈពេលយូរ និងបង្កគ្រោះថ្នាក់ចំពោះប្រជាជន ជាពិសេស ក្មេងតូច។ លោកបន្តថា បើទោះជាស្ថានការណ៍បានធូរស្រាល ការភ័យក្លាយរបស់ប្រជាជននៅតែបន្តមាន ដោយសារសំណល់ជាតិផ្ទុះពីសង្គ្រាមដែលនៅពាសពេញដី និងស្រែចម្ការ ពិសេស គ្រាប់បែកចង្កោម ដែលជាក់ស្តែងថ្មីៗនេះ មានប្រជាជនវ័យក្មេងកម្ពុជាម្នាក់ ទទួលរងគ្រោះបាត់បង់ជីវិត ដោយសារគ្រាប់ចង្កោមដែលបន្សល់ទុកដោយការវាយប្រហារនេះ។

តាងនាមឱ្យរាជរដ្ឋាភិបាលកម្ពុជា និងប្រជាជនរងគ្រោះ លោកទេសរដ្ឋមន្រ្តី លី ធុជ បានទាមទារឱ្យអនុសញ្ញាស្តីពីគ្រាប់បែកចង្កោម ធ្វើការថ្កោលទោសឱ្យបានខ្លាំងក្លាចំពោះអ្នកប្រើប្រាស់គ្រាប់បែកចង្កោម និងឱ្យទទួលខុសត្រូវចំពោះផលប៉ះពាល់អវិជ្ជមានយូរអង្វែង ជាពិសេស ការបង្កគ្រោះថ្នាក់ដល់ប្រជាជនស៊ីវិល។ លោកទេសរដ្ឋមន្រ្តី បានសង្កត់ធ្ងន់ថា ទោះបីប្រទេសមិនមែនជារដ្ឋភាគីនៃអនុសញ្ញាស្តីពីគ្រាប់បែកចង្កោម ការប្រើប្រាស់គ្រាប់បែកចង្កោម គឺជាការរំលោភបំពានយ៉ាងធ្ងន់ធ្ងរចំពោះគោលការណ៍ច្បាប់មនុស្សធម៌អន្តរជាតិ ហើយត្រូវតែធ្វើការថ្កោលទោស៕

The post ទេសរដ្ឋមន្រ្តីកម្ពុជា បកអាក្រាតប្រាប់អន្តរជាតិថា ថៃយកបញ្ហាផ្ទុះមីន ធ្វើជាមូលហេតុវាយប្រហារឈ្លានពានមកលើកម្ពុជា appeared first on Kampuchea Thmey Daily.

«ក្រសួងការពារជាតិកម្ពុជា សូមបដិសេធ និងច្រានចោលទាំងស្រុង ចំពោះការចោទប្រកាន់របស់កងទ័ពភូមិភាគទី២ថៃ មកលើកម្ពុជាដែលថាកម្ពុជាដាក់មីនថ្មី ក្នុងគោលបំណងបំភ័ន្តសហគមន៍អន្តរជាតិ និងលាក់កំបាំងនូវមហិច្ឆតារំលោភបំពានខុសច្បាប់របស់ខ្លួនចូលមកដែនអធិបតេយ្យស្របច្បាប់របស់កម្ពុជា។»។ នេះគឺជាការឆ្លើយតបរបស់ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិតាមរយៈសេចក្ដីប្រកាសព័ត៌មានចេញនៅរសៀលថ្ងៃទី៣ ខែធ្នូ ។

យោងលើអំណះអំណាងរបស់យោធភូមិភាគទី៤របស់កម្ពុជា ដែលនៅទីតាំងជាក់ស្ដែង អ្នកនាំពាក្យក្រសួងការពារជាតិកម្ពុជា ថាកាលពីវេលាម៉ោង ២:២០នាទីរសៀលថ្ងៃទី២ ខែធ្នូ ពុំមានឮសម្លេងផ្ទុះគ្រាប់មីន ដូចការចោទប្រកាន់របស់កងទ័ពភូមិភាគទី២ថៃឡើយ។

ក្រោយពីបដិសេធការចោទប្រកាន់របស់ភាគីថៃជាច្រើនលើកលើបញ្ហាមីន ក្រសួងការពារជាតិអះអាងយ៉ាងមុតមាំសាជាថ្មីថា ចាប់តាំងពីក្លាយជារដ្ឋភាគីនៃអនុសញ្ញាអូតាវ៉ា កម្ពុជាតែងតែប្រកាន់ខ្ជាប់នូវគោលការណ៍ និងកាតព្វកិច្ចរបស់ខ្លួននៅក្រោមច្បាប់អន្តរជាតិ ដោយមិនដែលដាក់មីនថ្មីដែលគំរាមកំហែងដល់សន្តិសុខ និងសុវត្ថិភាពរបស់មនុស្សជាតិនោះឡើយ។

អ្នកនាំពាក្យ ថា៖«កម្ពុជាក៏សូមអំពាវនាវឱ្យភាគីថៃបញ្ឈប់ជាបន្ទាន់ការយកបញ្ហាមីនដែលជាព័ត៌មានមិនពិត ដើម្បីធ្វើជាលេសរំលោភបំពានមកលើដែនអធិបតេយ្យស្របច្បាប់របស់កម្ពុជា។»។

អ្នកនាំពាក្យ បន្ថែមថា ក្រសួងការពារជាតិកម្ពុជា នៅតែបន្តប្តេជ្ញាចិត្តក្នុងការគោរពយ៉ាងម៉ឺងម៉ាត់សេចក្តីថ្លែងការណ៍រួមស្តីពីសន្តិភាពរវាងកម្ពុជានិងថៃ ដែលត្រូវបានចុះហត្ថលេខាកាលពីថ្ងៃទី២៦ ខែតុលា ឆ្នាំ២០២៥  ជាពិសេសពាក់ព័ន្ធនឹងការទប់ស្កាត់ព័ត៌មានក្លែងក្លាយ ឬព័ត៌មានមិនពិត ក្នុងគោលបំណងបន្ធូរបន្ថយភាពតានតឹង និងបង្កើតបរិយាកាសអំណោយផលដល់ការរក្សាសន្តិភាព និងស្ថិរភាពរវាងប្រទេសទាំងពីរ។

ជាការកត់សម្គាល់ កាលពីពេលកន្លងទៅ ថៃបានយកបញ្ហាទាហានខ្លួនដើរចូលជាន់មីនក្នុងចម្ការមីនក្នុងដីខ្មែរដែលសេសសល់ពីសង្គ្រាមស៊ីវិលចោទប្រកាន់ និងបើកការវាយប្រហារឈ្លានពានដោយខុសច្បាប់មកលើកម្ពុជាកាលពីចុងខែកក្កដា​កន្លងទៅ ហើយបន្ទាប់ពីមានបទឈប់បាញ់ និងកិច្ចព្រមព្រៀងសន្តិភាពថៃនៅតែយកបញ្ហាមីនចោទប្រកាន់កម្ពុជាម្ដងទៀតហើយម្ដងទៀត។

អាជ្ញាធរមីនរបស់កម្ពុជា កាលពីព្រឹកថ្ងៃទី៣ ខែធ្នូ បានឆ្លើយតបក្នុងសេចក្ដីប្រកាសព័ត៌មានថា ថៃ​​ប្រើប្រាស់​ឧប្បត្តិហេតុ​ផ្ទុះ​មីន ដើម្បី​បង្វែរ​ចំណាប់​អារម្មណ៍​របស់​សាធារណជន និង​សហគមន៍​អន្តរជាតិ ចេញ​ពី​ការ​បំផ្លិចបំផ្លាញ និង​ការ​ខូចខាត​ដ៏​ធំធេង ដែល​បង្ក​ដោយ​យោធា​ថៃ​មក​លើ​កម្ពុជា ក្នុង​អំឡុង​ពេល​សង្គ្រាម​ប្រាំ​ថ្ងៃ និង​ការ​រំលោភ​បំពាន​លើ​កិច្ច​ព្រមព្រៀង​គួឡាឡាំពួរ និង​សេចក្ដី​ថ្លែង​ការ​រួម​គ្នា៕

ដោយ៖ ង៉ិល ណារ៉ាត់

The post ក្រសួងការពារជាតិថាថៃយកលេសបញ្ហាមីនថ្ពឹនភ្នែកអន្តរជាតិ ដើម្បីលាក់បាំងមហិច្ឆតាចង់ឈ្លានពានលើកម្ពុជា appeared first on Kampuchea Thmey Daily.

លើក​ឡើង​លើ​ហ្វេសបុក​លោក​នៅ​ថ្ងៃទី​៣០ ខែ​វិច្ឆិកា ឆ្នាំ២០២៥នេះ លោក ហេង រតនា បាន​លើកឡើង​ថា​តំបន់​ដែល​ចិន​ជាន់​មីន​នោះ​តំបន់​ចម្ការមីន​តាំង​ពី​ឆ្នាំ​១៩៨០​ ​ដែល​មាន​ទំនប់​ជីក លេណដ្ឋាន​ទ័ព របងបន្លាលួស និង​ព្រៃ​ក្រាស់​ខាង​ភាគី​កម្ពុជា​ ដែល​ជា​ចំនោទ​បញ្ហា និង​ភស្ភុតាង​មួយ​ចំនួន​ដែលគួរ​ពិចារណា​។

ដោយ​មិន​ចោទ​ប្រកាន់​ថា​ករណី​នេះ​អាច​ត្រូវ​បាន​ថៃ​ឱ្យ​ជនជាតិ​​ចិន​នេះ​ដើរ​ចូល​ចម្ការមីន​ខ្មែរ​ តែ​លោក​បាន​រម្លឹក​ដល់​ព្រឹត្តិការណ៍​ដែល​ទាហាន​ថៃ​ដឹក​ជន​ភៀស​ខ្លួន​កម្ពុជា​មក​ទម្លាក់​ចោល​នៅ​ជួរ​ភ្នំដងរែក​ បង្ខំ​ឱ្យ​ដើរ​កាត់​ចម្ការ​មីន​មក​កម្ពុជា​វិញ​បណ្ដាល​ឱ្យ​មនុស្ស​ស្លាប់​ជា​ច្រើន​កាលពី​ឆ្នាំ​១៩៧៩​។

លោក​ថា៖ «នេះជារឿងរ៉ាវប្រវត្តិសាស្ត្រត្រូវតែរំលឹកចងចាំនិងមិនអាចបំភ្លេចបាន»។

គួរ​ឱ្យ​ដឹង​ដែរ​ថា​ជន​ជាតិ​ចិន​ឈ្មោះ SHI JINGUI ត្រូវ​បាន​សារព័ត៌មាន​ថៃ​ចុះ​ផ្សាយ​ថា​បាន​ជាន់​មីន​ផ្ទុះ​ដាច់​ជើង​នៅ​ម៉ោង​៣និង​២០នាទី​ព្រឹក​ថ្ងៃទី​២៩ ខែវិច្ឆិកា ឆ្នាំ២០២៥ ​នៅ​ពេល​ដេល​ជន​រូប​នេះ​ព្យាយាម​ឆ្លង​ដែន​ចេញពី​កម្ពុជា​ទៅ​ប្រទេស​ថៃ​ដោទ​ប្រកាន់​កម្ពុជា​ថា​មិន​សហការ​ដោះមីន​តាម​ព្រំដែន​។ ទោះ​ជា​យ៉ាង​ណា​ក្រសួង​មហាផ្ទៃ​កម្ពុជា​បាន​បញ្ជាក់​ថា​ឈ្មោះ​ខាង​លើ​មិន​មាន​ក្នុង​ប្រព័ន្ធ​ទិន្នន័យ​កត់ត្រា​របស់​អ្នក​ដំណើរ​ចេញ​ចូល​កម្ពុជា​របស់​អគ្គនាយកដ្ឋាន​អន្តោប្រវេសន៍​ទេ។

ក្រសួងការពារជាតិ​នៅ​ថ្ងៃ​នេះ​ក៏​បាន​ចេញ​សេចក្ដី​ប្រកាស​ព័ត៌មាន​មួយ​ច្រាន​ចោល​ការ​​ចោទ​ប្រកាន់​របស់​ថៃ បញ្ជាក់​ពី​ការ​ប្ដេជ្ញា​ចិត្ត​ចំពោះ​ការងារ​ការពារ​អាយុជីវិត​ពលរដ្ឋ និង​កិច្ចសហការ​ដោះ​មីន​ផងដែរ​។ កម្ពុជាជំរុញឱ្យភាគីថៃអនុវត្តឱ្យបានម៉ឺងម៉ាត់នូវកិច្ចព្រមព្រៀងដែលភាគី​ទាំង​ពីរ​បាន​ឯកភាពគ្នារួចមកហើយ ដោយការងារដោះមីនមនុស្សធម៌នៅតាមព្រំដែន ត្រូវធ្វើឡើង​តាមរយៈ​ក្រុមការងារ JCTF និងស្របតាម SOP ដែលបានឯកភាពគ្នា៕

អត្ថបទដោយ ហ៊ុន សិរីវឌ្ឍន៍ ​​

The post ​អគ្គនាយក​ស៊ីម៉ាក់​មាន​ការ​សង្ស័យ​លើ​ឧបទ្ទវហេតុ​ចិន​ជាន់​មីន​នៅចំការមីនជាប់ព្រំដែនថៃ​​ appeared first on Kampuchea Thmey Daily.

ការណ៍នេះបានជាអាជ្ញាធរខេត្តព្រះវិហារ អំពាវនាវឱ្យប្រជាពលរដ្ឋរស់នៅក្នុងតំបន់សមរភូមិត្រូវមានការប្រុងប្រយ័ត្នគ្រាប់យុទ្ធភណ្ឌគ្រប់ប្រភេទ។

សូមជម្រាបថា នៅតាមបន្ទាត់ព្រំដែនកម្ពុជាថៃ ក្នុងភូមិសាស្ត្រ ស្រុកជាំក្សាន្ត ដែលជាសមរភូមិក្តៅបំផុតគឺតំបន់មុំបីអានសេះ  បុស្បូវ ភ្នំខ្មោច តាថាវ ចាក់ច្រែង តាសឹម ភ្នំទ្រព្យ  វាលឥន្ទ្រី ជាដើម ដែលកងទ័ពឈ្លានពានសៀមប្រើប្រាស់អាវុធគ្រប់ប្រភេទរាប់ទាំងគ្រាប់បែកចង្កោមផងនោះបានបាញ់ផ្លោង និង ទម្រាក់ស្រោចយ៉ាង ងងើលសន្ធាប់មកលើកងទ័ព នៃប្រទេសកម្ពុជាដែលការពារបូរណភាពទឹកដីរបស់ខ្លួន។

វិនាសកម្មកើតចេញពីការឈ្លានពានដ៏ព្រៃផ្សៃនេះហើយបានធ្វើឱ្យហេដ្ឋារចនាសម្ព័ននានា ជាពិសេសសំណងស្ថាបត្យកម្មប្រាង្គប្រាសាទ ដែលជាសម្បត្តិបេតិកភណ្ឌពិភពលោករងនូវការខូចខាតយ៉ាងដំណំ រួមនឹងផ្ទះសម្បែងប្រជាពលរដ្ឋស្លូតត្រង់ក៏ត្រូវរងការខូចខាតបាត់បង់នៅទីជម្រក លើសពីនេះបានធ្វើឲ្យបងប្អូនប្រជាពលរដ្ឋរាប់ម៉ឺននាក់ក្នុងនោះរាប់ទាំងកុមារផង បានរត់គេចជម្លៀសខ្លួនភៀសសឹក បានមកស្នាក់នៅតាមបណ្តាមណ្ឌលសុវត្ថិភាពផងដែរ។

ទោះជាយ៉ាងនេះក្តី សម្តេចតេជោហ៊ុន សែន ប្រធានពឹ្រទ្ធសភានៃព្រះរាជាណាចក្រកម្ពុជា និងសម្តេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា គឺសម្តេចទាំងទ្វេបន្សាបបាននូវរាល់ស្ថានការណ៍ឈ្លានពានដីអមនុស្សធម៌ ពីសំណាក់កងទ័ពឈ្លានពានសៀមនេះឱ្យ វិលទៅស្ថានការណ៍ជាប្រក្រតីបានទាន់ពេលវេលាវិញផងដែរ។

អាជ្ញាធរខេត្តព្រះវិហារ បានអំពាវនាវមួយជូនដល់បងប្អូនប្រជាពលរដ្ឋដែរស់នៅក្នុងតំបន់សមរភូមិប្រយុទ្ធពាក់ព័ន្ធជាមួយនិងគ្រាប់យុទ្ធភណ្ឌផ្សេងៗ ដោយធ្វើយ៉ាងណាសុំឱ្យបងប្អូនប្រជាពលរដ្ឋត្រូវមានការប្រុងប្រយ័ត្នឱ្យបានខ្ពស់បំផុតទៅលើករណីគ្រាប់យុទ្ធភណ្ឌទាំងឡាយទាំងពួង ប្រសិនបើមានការសង្ស័យទៅលើអ្វីមួយសូមឱ្យបងប្អូនប្រជាពលរដ្ឋយើងទាក់ទងដើម្បីរាយការណ៏ទៅកាន់CMAC(ស៊ីម៉ាក)ប្រចាំខេត្តព្រះវិហារ គឺអាចទំនាក់ទំនងទៅលោក អ៊ាន សុធា ដោយផ្ទាល់តាមរយៈទូរស័ព្ទ097 222 2735 និងលោកហង្សសាណាល0972001289៕

ដោយ ៖ ជុន កុសល

The post អាជ្ញាធរខេត្តព្រះវិហារអំពាវនាវ ឱ្យប្រជាពលរដ្ឋរស់នៅក្នុងតំបន់សមរភូមិត្រូវមានការប្រុងប្រយ័ត្នគ្រាប់យុទ្ធភណ្ឌគ្រប់ប្រភេទ appeared first on Kampuchea Thmey Daily.

លោក ហេង រតនា បានលើក​ឡើងលើ​បណ្ដាញ​សង្គម​របស់​លោកនៅ​រសៀល​ថ្ងៃទី​១៩ ខែ​កក្កដា​នេះ​ថា​នៅ​មុន​ទាហានថៃ​ជាន់​មីន មាន​រូបភាព​ជា​ច្រើន​នៅ​បណ្ដាញ​សង្គម​ថៃ​បាន​បង្ហោះ​ឱ្យ​ឃើញ​ពីសកម្មភាពរបស់ទ័ពថៃ​ដាក់​មីនតាមព្រំដែនតែ​ថៃ​មិន​បាន​ស៊ើបអង្កេត​លើ​រឿង​នេះតែ​បែរជាចោទកម្ពុជា​ និងចង់​ប្ដឹង​ទៅ UN ទៅវិញ។  លោកបន្ថែម​ថាវា​ក៏ជា​​រឿង​ល្អ​ដែរដែលថៃ​ចង់រក​ដំណោះស្រាយពី UN នោះ ដូច្នេះគួរ​តែបបួល​គ្នា​ជាមួយ​កម្ពុជា​ឡើង ICJ តែម្ដង​ទៅ ព្រោះ​ ICJ ជា​តុលាការ​របស់​ UN ស្រាប់។

លោកបាន​លើក​ឡើងថា៖ «មានរូបភាពតាមប្រពន្ធ័សង្គមជាច្រើននៅស្រុកសៀម បានធ្វើការផ្សព្វផ្សាយរូបភាពសកម្មភាពទាហ៊ានសៀមសម្រុកដាក់គ្រាប់មីនថ្មីៗតាមព្រំដែនខ្មែរ–សៀម។ តើរដ្ឋបាលសៀមនិងអង្គការដោះមីននៅសៀមមានចាត់វិធានការស៊ើបអង្កេតឬនៅ​ និងបានប្តឹងទៅថ្នាក់ដឹកនាំប្រទេសសៀមឱ្យចាត់វិធានការទប់ស្កាត់ឬនៅ? រឿងនេះករណីចង់ប្តឹងកម្ពុជាទៅUN​ពិតជាល្អហើយ។ ដូចនេះគួរតែបបួលគ្នាដោយកាន់ដៃកម្ពុជាទៅប្តឹងនៅICJ តែម្តង​ ព្រោះថាICJ ជាតុលាការរបស់UNនេះស្រាប់»។ 

គួរឱ្យ​ដឹង​ផងដែរថា កាលពី​ថ្ងៃទី១៦ ខែ​កក្កដា ទាហាន​ថៃ​បាន​ដើ​ជាន់មីន​បណ្ដាល​ឱ្យ​ម្នាក់​ដាច់​ជើង និង​២នាក់​ទៀត​រង​របួស។ ក្រោយហេតុការណ៍​នេះមេទ័ពជួរមុខ​ថៃ​ថាជា​គ្រាប់​សល់​ពី​សង្គ្រាម តែ​ក្រុម​អង្គការ​ដោះមីននិង​ក្រសួងការបរទេស​ថៃ​ជា​គ្រាប់មីនថ្មីដោយបាន​ចោទ​កម្ពុជា និង​ប្រុង​ប្ដឹង​ទៅ​ UN ផងដែរ។

អាជ្ញាធរ​គ្រប់គ្រង​សកម្មភាព​កំចាត់មីន និង​សង្គ្រោះពិការដោយសារ​មីន​កម្ពុជា​បាន​ច្រានចោលការ​ចោទ​ប្រកាន់​នេះ ដោយ​ថា​ជា​ការ​លើកឡើង​ដោយ​គ្មា​ន​ការ​ស៊ើបអង្កេត និង​ចោទ​ប្រកាន់​គ្មាន​ហេតុ​ផល៕

អត្ថបទដោយ ហ៊ុន សិរីវឌ្ឍន៍

The post អគ្គនាយកស៊ីម៉ាក់បង្ហាញ​រូប​ភាព​ទ័ព​ថៃ​ជីកដី​ដាក់​មីន​ខណៈនៅឡាំប៉ាចោទ​កម្ពុជា appeared first on Kampuchea Thmey Daily.