សកម្មភាពនេះគឺដូចទៅនឹងការព្រមានរបស់ប្រធានការិយាល័យសន្តិសុខជាតិកូរ៉េខាងត្បូង លោក Shin Won-sik ដែលថា ទីក្រុងព្យុងយ៉ាង អាចបាញ់សាកល្បងមីស៊ីល អំឡុងពេលសហរដ្ឋអាមេរិក រៀបចំការបោះឆ្នោតជ្រើសរើសប្រធានាធិបតី។

តាមការបញ្ជាក់ពីសារព័ត៌មាន NHK, មីស៊ីលនេះបានធ្លាក់នៅខាងក្រៅតំបន់សេដ្ឋកិច្ចពិសេសជប៉ុនក្នុងមហាសមុទ្រ ខណៈនាយករដ្ឋមន្ត្រីជប៉ុនលោក Shigeru Ishiba បានណែនាំដល់មន្ត្រីរាជការទាំងអស់ឲ្យប្រមូលនិងវិភាគព័ត៌មាន រួចជូនដំណឹងដល់សាធារណជនឲ្យបានទាន់ពេលវេលា ព្រមទាំងពិនិត្យឲ្យបានហ្មត់ចត់អំពីសុវត្ថិភាពយន្តហោះនិងកប៉ាល់។

ការ​បាញ់​សាកល្បងមីស៊ីលរបស់​កូរ៉េ​ខាងជើង កើត​ឡើងត្រឹម​ប្រាំ​ថ្ងៃ​ប៉ុណ្ណោះ បន្ទាប់​ពី​ប្រទេស​នេះ​ធ្វើតេស្ត​មី​ស៊ី​ល​អន្តរទ្វីប​ថ្មី​ឈ្មោះ Hwasong-19។

មីស៊ីលនេះត្រូវគេអះអាងថា មានសមត្ថភាពអស្ចារ្យនិងកម្លាំងខ្លាំងបំផុត ពោលអាចហោះបានរយៈពេលរហូតដល់៨៦នាទី ក្នុងចម្ងាយជាង ១០០០គីឡូម៉ែត្រ ហើយកម្ពស់របស់មីស៊ីលគឺឈានដល់ទៅ ៧ ០០០គីឡូម៉ែត្រឯណោះ នៅពេលវាឡើងដល់ចំណុចកំពូល។

ស្របពេលជាមួយគ្នានោះ ជប៉ុនក៏ព្រមានដែរថា មីស៊ីលអន្តរទ្វីបនេះ អាចហោះដល់ដីគោកអាមេរិកឯណោះ។

លោក Yoshimasa Hayashi ប្រធានខុទ្ទកាល័យជប៉ុនព្រមានថា «ផ្អែកលើព័ត៌មានដែលយើងទទួលបានអំពីចម្ងាយហោះហើរនិងរយៈកម្ពស់នៃមីស៊ីល ICBM របស់កូរ៉េខាងជើងនេះ យើងជឿថា វាអាចហោះដល់ចម្ងាយ ១៥ ០០០គីឡូម៉ែត្រឯណោះ អាស្រ័យលើក្បាលគ្រាប់បំពាក់លើវា។ គ្មានអ្វីត្រូវឆ្ងល់ឡើយ មីស៊ីល​នេះពិតជាអាច​ធ្វើ​ដំណើរ​បាន​ឆ្ងាយ​ដល់​ដីគោក​​អាមេរិកមែន ព្រោះចម្ងាយ​រវាង​ប្រទេស​ទាំង​ពីរ មាន​ប្រមាណត្រឹម ៩ ៩០០ គីឡូម៉ែត្រប៉ុណ្ណោះ»៕

អត្ថបទ៖ សុខ សុវណ្ណ

ចុចអាន៖ កូរ៉េខាងជើង បាញ់មីស៊ីល២គ្រាប់ទៀត ក្រោយពេល នាវាមុជទឹកអាមេរិក មកដល់ កូរ៉េខាងត្បូង

The post កូរ៉េខាងជើង បាញ់មីស៊ីលមួយគ្រាប់ ចំថ្ងៃបោះឆ្នោតអាមេរិក appeared first on Kampuchea Thmey Daily.

ក្រសួងការពារជាតិជប៉ុននិយាយថា មីស៊ីលទាំងពីរនេះ ហាក់ដូចជាធ្លាក់នៅខាងក្រៅតំបន់សេដ្ឋកិច្ចផ្តាច់មុខរបស់ខ្លួន ខណៈអគ្គសេនាធិការចម្រុះរបស់កូរ៉េខាងត្បូង (JCS) ក៏បានអំពាវនាវឲ្យ ទីក្រុងព្យុងយ៉ាង បញ្ឈប់ការបាញ់បង្ហោះបែបនេះតទៅទៀតផងដែរ ។

JCS បាននិយាយក្នុងសេចក្តីថ្លែងការណ៍មួយថា “យើងសូមថ្កោលទោសខ្លាំងៗ ចំពោះការបាញ់មីស៊ីលផ្លោងជាប់ៗគ្នារបស់កូរ៉េខាងជើង ថាជាទង្វើបង្កហេតុដ៏ធ្ងន់ធ្ងរ ដែលបំផ្លាញសន្តិភាព និងស្ថិរភាពនៃឧបទ្វីបកូរ៉េ ក៏ដូចជាសហគមន៍អន្តរជាតិ។​ ការបាញ់បង្ហោះនេះ បានបំពានយ៉ាងច្បាស់ លើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ”។

ទន្ទឹមនោះ យោធាសហរដ្ឋអាមេរិកក៏បានដឹងអំពីការបាញ់មីស៊ីលនេះផងដែរ ហើយកំពុងពិគ្រោះយោបល់យ៉ាងជិតស្និទ្ធជាមួយសម្ព័ន្ធមិត្ត និងដៃគូ។

គួរបញ្ជាក់ថា ការបាញ់នេះកើតឡើងជិតមួយសប្តាហ៍ បន្ទាប់ពីកូរ៉េខាងជើង បានសាកល្បងមីស៊ីលឆ្លងទ្វីប Hwasong-18 ចុងក្រោយរបស់ខ្លួន ដែលទីក្រុងព្យុងយ៉ាងនិយាយថា ការបាញ់នោះគឺជាការព្រមានដល់សហរដ្ឋអាមេរិក និងសត្រូវដទៃទៀត។

ស្របពេលជាមួយគ្នានោះ ការបាញ់លើកចុងក្រោយនេះ ក៏កើតឡើងផងដែរ បន្ទាប់ពីទាហាន​អាមេរិក​ម្នាក់ ​បាន​រត់​ឆ្លង​កាត់​ព្រំដែន​អន្តរកូរ៉េ​ ចូល​ទៅ​ក្នុង​ប្រទេស​កូរ៉េ​ខាង​ជើង ដោយទីក្រុងវ៉ាស៊ីនតោន និយាយថា ទាហានរូបនេះត្រូវបានកូរ៉េខាងជើងឃុំឃាំង ដែលជាហេតុបង្កើតឲ្យមានវិបត្តិថ្មីរវាងសត្រូវទាំងពីរ៕

ប្រែសម្រួល៖ Vann Vann

ប្រភព៖ CNA

ចុចអាន៖ ប្អូនស្រី គីម ជុងអ៊ុន ថា ការបាញ់មីស៊ីល Hwasong-18 គ្រាន់តែជាសញ្ញា ផ្ដើមការវាយលុយរបស់ កូរ៉េខាងជើង ប៉ុណ្ណោះ

The post កូរ៉េខាងជើង បាញ់មីស៊ីល២គ្រាប់ទៀត ក្រោយពេល នាវាមុជទឹកអាមេរិក មកដល់ កូរ៉េខាងត្បូង appeared first on Kampuchea Thmey Daily.

ទីភ្នាក់ងារសារព័ត៌មានផ្លូវការ KCNA របស់កូរ៉េខាងជើងបាននិយាយថា មីស៊ីលយុទ្ធសាស្ត្រប្រភេទថ្មីចំនួនពីរគ្រាប់ បានវាយប្រហារចំគោលដៅនៅឯនាយឆ្នេរសមុទ្រ ភាគខាងកើតកាលពីថ្ងៃព្រហស្បតិ៍។

រូបថតនៅលើគេហទំព័ររបស់កាសែត Rodong Sinmun នៃប្រទេសកូរ៉េខាងជើង បានបង្ហាញពីការបាញ់មីស៊ីលចេញពីជើងទម្រ ក្នុងអណ្តាតភ្លើងឆេះយ៉ាងសន្ធោសន្ធៅ។

ទោះបីជាយ៉ាងណាក៏ដោយ រូបភាពដែលចេញផ្សាយដោយ KCNA មិនបានបង្ហាញពីវត្តមាន មេដឹកនាំកូរ៉េខាងជើង លោក គីម ជុងអ៊ុន ទេ ដែលជាធម្មតា លោកមិនដែលខកខានចំពោះព្រឹត្តិការណ៍បែបនេះឡើយ

រឿងនេះបានបង្កឲ្យមានមន្ទិលសង្ស័យថា តើលោក គីម ជុងអ៊ុន បាត់ខ្លួនឬក៏យ៉ាងណា ហើយពេលនេះលោកកំពុងស្ថិតនៅឯណា។

KCNA បានដកស្រង់សម្តីមន្ត្រីជាន់ខ្ពស់លោក Ri Pyong Chol ដែលត្រួតពិនិត្យការធ្វើតេស្តនេះ ដោយបាននិយាយថា ការអភិវឌ្ឍអាវុធថ្មីគឺមានសារៈសំខាន់ខ្លាំងណាស់ ក្នុងការពង្រឹងអំណាចយោធារបស់ប្រទេស និងរារាំងរាល់ការគំរាមកំហែងផ្នែកយោធាដែលមាននៅក្នុងឧបទ្វីបកូរ៉េ។

ការបាញ់សាកល្បងនេះ គឺជាការបង្កហេតុធំបំផុតលើកដំបូងរបស់កូរ៉េខាងជើង ចាប់តាំងពីប្រធានាធិបតីអាមេរិក លោក ចូ បៃដិន ឡើងកាន់តំណែងកាលពីខែមករា។

អ្នកជំនាញខ្លះនិយាយថា ប្រទេសកូរ៉េខាងជើង មានគោលបំណងដាក់សម្ពាធលើរដ្ឋបាលលោក បៃដិន ដើម្បីបង្កើនអានុភាពរបស់ខ្លួននៅក្នុងកិច្ចចរចានាពេលអនាគត៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ កូរ៉េខាងជើង ថា មីស៊ីលដែលបាញ់កាលពីម្សិលមិញជាការសាកល្បងប្រព័ន្ធអាវុធយុទ្ធសាស្ត្រថ្មី

The post លោក គីម ជុងអ៊ុន កំពុងបាត់ខ្លួន? appeared first on Kampuchea Thmey Daily.

លោកប្រធានាធិបតី ត្រូវបានគេចោទសួរអំពីមីស៊ីល Ballistic ពីរគ្រាប់ដែលបាញ់កាលពីថ្ងៃពុធ ហើយគេសួរថា តើលោកនឹងចាត់វិធានការអ្វីដើម្បីតបត។

លោកបាននិយាយនៅក្នុងសន្និសីទកាសែតដំបូងក្នុងនាមជាប្រធានាធិបតី កាលពីថ្ងៃព្រហ​ស្បតិ៍ (ថ្ងៃសុក្រនៅកម្ពុជា) ថា “ទី១ ខ្ញុំសូមនិយាយថា សេចក្តីសម្រេចលេខ១៧១៨ របស់អង្គការសហប្រជាជាតិ ត្រូវបានរំលោភបំពានដោយមីស៊ីលដែលត្រូវបានសាកល្បងទាំងនោះ”។

លោកបានបន្តបញ្ជាក់ថា គាត់កំពុងនិយាយទៅកាន់សម្ព័ន្ធមិត្តនិងដៃគូ។ នឹងមានការឆ្លើយតប ប្រសិនបើកូរ៉េខាងជើង ជ្រើសរើសយកផ្លូវបង្ករឿង យើងនឹងឆ្លើយតបតាមនោះ។

ទោះបីជាយ៉ាងណាក៏ដោយ លោកបានបន្តថា លោកក៏បានរៀបចំសម្រាប់ទម្រង់ការទូតមួយចំនួនផងដែរ ប៉ុន្តែវាត្រូវតែមានលក្ខខណ្ឌ។

ប៉ុន្មានម៉ោងមុនសន្និសីទកាសែតនេះ សហរដ្ឋអាមេរិកបានស្តីបន្ទោសលោក គីម ជុងអ៊ុន បន្ទាប់ពីមីស៊ីលទាំងនោះត្រូវបានបាញ់ចូលសមុទ្រជប៉ុន។

មន្រ្តីមន្ទីរបញ្ចកោណ បានហៅការបាញ់នោះថាជាការរំលោភយ៉ាងជាក់ស្តែង លើសន្តិសុខក្នុងតំបន់និង សេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ។

ការបាញ់បង្ហោះនេះ បានរំលោភលើបម្រាមរបស់ក្រុមប្រឹក្សាសន្តិសុខអង្គការសហប្រជាជាតិដែលមិនឲ្យទីក្រុងព្យុងយ៉ាង សាកល្បងមីស៊ីល Ballistic ហើយវា គឺជាការបាញ់លើកទី២របស់កូរ៉េខាងជើងក្នុងរយៈពេលមិនដល់មួយសប្តាហ៍ផង៕

ប្រែសម្រួលដោយ៖ Vann Vann

ប្រភព៖ The Sun

ចុចអាន៖ កូរ៉េ​ខាង​ជើង​បាញ់​មីស៊ីល​យ៉ាង​ស្ងាត់​ប្លែក​ជា​បញ្ហា​ប្រឈម​ដំបូង​ចំពោះ​លោក​ ចូ បៃដិន

The post ចូ បៃដិន គំរាមសងសឹក គីម ជុងអ៊ុន បន្ទាប់ពីបាញ់មីស៊ីល appeared first on Kampuchea Thmey Daily.

ក្រុមមន្រ្តីនិយាយថា មីស៊ីលទាំងនេះត្រូវបានបាញ់បង្ហោះនៅម៉ោងប្រហែល៧ព្រឹក (ម៉ោងនៅប្រទេសជប៉ុន)។

ពួកគេជឿជាក់ថា មីស៊ីលបានធ្លាក់នៅខាងក្រៅតំបន់សេដ្ឋកិច្ចផ្តាច់មុខរបស់ជប៉ុនហើយភ្លាមៗ មិនមានការគំរាមកំហែងដល់ប្រទេសជប៉ុនទេ។

វាជាមីស៊ីល Ballistic ដំបូងបំផុតដែលបាញ់ដោយ កូរ៉េខាងជើង ក្នុងរយៈពេលជិតមួយឆ្នាំមកនេះ។

ក្រុមប្រឹក្សាសន្តិសុខជាតិរបស់ជប៉ុន បានជួបប្រជុំគ្នារួចទៅហើយ និងកំពុងតាមដានស្ថានការណ៍នេះយ៉ាងយកចិត្តទុកដាក់។

ឧប្បត្តិហេតុថ្ងៃព្រហស្បតិ៍នេះ បានកើតឡើងបន្ទាប់ពីទីក្រុងព្យុងយ៉ាង បាញ់មីស៊ីលរយៈចម្ងាយខ្លីនិងមិនមែនជាមីស៊ីល Ballistic ចំនួនពីរគ្រាប់នៅក្នុងទិសដៅឆ្ពោះទៅរកប្រទេសចិនកាលពីចុងសប្តាហ៍។

វាកើតឡើងបន្ទាប់ពីដំណើរទស្សនកិច្ចទៅកាន់តំបន់នេះ ដោយរដ្ឋមន្រ្តីក្រសួងការបរទេសអាមេរិកលោក Antony Blinken និងរដ្ឋមន្ត្រីការពារជាតិ Lloyd Austin ដើម្បីពិភាក្សាអំពីសម្ព័ន្ធភាពនិងបញ្ហាសន្តិសុខនៅក្នុងតំបន់ ខណៈប្រទេសកូរ៉េខាងជើងត្រូវបានគេមើលឃើញថាជាការគំរាមកំហែងសំខាន់មួយ៕

ប្រែសម្រួលដោយ៖ Vann Vann

ប្រភព៖ NHK

ចុចអាន៖ កូរ៉េខាងជើង បង្អួតអាវុធមានឥទ្ធិពលបំផុតលើពិភពលោក

The post កូរ៉េខាងជើង បាញ់មីស៊ីល Ballistic ២គ្រាប់ទៀតព្រឹកនេះ appeared first on Kampuchea Thmey Daily.

ការបង្ហាញសាច់ដុំយោធានេះបានកើតឡើង បន្ទាប់ពីប្រទេសកូរ៉េខាងជើងបញ្ចប់កិច្ចប្រជុំនយោបាយរយៈពេលជាងមួយសប្តាហ៍។

រូបថតពីប្រព័ន្ធផ្សព្វផ្សាយរដ្ឋបានបង្ហាញថា មេដឹកនាំ គីម ជុងអ៊ុន ញញឹមនិងបក់ដៃនៅពេល គាត់មើលក្បួនដង្ហែរនៅទីលាន គីម អ៊ីលស៊ុង ក្នុងទីក្រុងព្យុងយ៉ាង។

ព្យុហយាត្រានេះមាន ទាហានដើរហែក្បួនជាជួរក៏ដូចជាសព្វាវុធយោធាជាច្រើន រួមមានរថក្រោះនិងជើងទម្របាញ់រ៉ុកកែតផងដែរ។

នៅចុងបញ្ចប់ មីស៊ីលផ្លោងរយៈចម្ងាយខ្លីប្រភេទថ្មីនិង SLBM ត្រូវបានរថយន្តដឹកចូលមកក្នុងទីលាន។

ទីភ្នាក់ងារសារព័ត៌មាន KCNA បានរាយការណ៍ថា “អាវុធដែលមានឥទ្ធិពលបំផុតរបស់ពិភពលោកគឺ មីស៊ីលផ្លោងបាញ់ចេញពីនាវាមុជទឹក បានចូលដល់ទីលានហើយបង្ហាញពីកម្លាំងដ៏ខ្លាំងក្លានៃកម្លាំងប្រដាប់អាវុធបដិវត្ត”។

ប្រទេសកូរ៉េខាងជើងបានបាញ់សាកល្បង SLBM ជាច្រើនគ្រាប់ចេញពីក្រោមទឹកហើយក្រុមអ្នកវិភាគនិយាយថា ពួកគេកំពុងស្វែងរកការអភិវឌ្ឍនាវាមុជទឹកប្រតិបត្តិការមួយគ្រឿង ដើម្បីដាក់មីស៊ីលទាំងនោះ៕

ប្រែសម្រួលដោយ៖ Vann Vann

ប្រភព៖ Reuters

ចុចអាន៖ គីម ជុងអ៊ុន បញ្ជាឲ្យដាក់ពង្រាយគ្រាប់មីននៅជាប់ព្រំដែនចិនដើម្បីរារាំងមនុស្សមិនឲ្យចូលមកចម្លងជំងឺកូវីដ១៩

The post កូរ៉េខាងជើង បង្អួតអាវុធមានឥទ្ធិពលបំផុតលើពិភពលោក appeared first on Kampuchea Thmey Daily.

ប្រទេសនេះមានកងនាវាមុជទឹកដ៏ធំមួយប៉ុន្តែមាននាវាមុជទឹកតែមួយគ្រឿងប៉ុណ្ណោះដែលត្រូវបានគេដឹងថា មានសមត្ថភាពផ្ទុកមីស៊ីលផ្លោង Ballistic។

Ha Tae-keung សមាជិកសភាគណបក្សប្រឆាំងនៅក្នុងគណៈកម្មាធិការស៊ើបការណ៍សម្ងាត់របស់សភាបានប្រាប់ Reuters ថា “នាវាមុជទឹកមួយគ្រឿងរបស់កូរ៉េខាងជើងដែលកំពុងសាងសង់គឺអាចផ្ទុកមីស៊ីលផ្លោងបាញ់ដោយនាវាមុជទឹក (SLBM)”។

ប្រទេសកូរ៉េខាងជើងបានទទួលរងការដាក់ទណ្ឌកម្មរបស់ក្រុមប្រឹក្សាសន្តិសុខអង្គការសហប្រជាជាតិចាប់តាំងពីឆ្នាំ២០០៦មកជុំវិញកម្មវិធីនុយក្លេអ៊ែរនិងមីស៊ីលផ្លោងរបស់ខ្លួន។

មេដឹកនាំកូរ៉េខាងជើងលោក គីម ជុងអ៊ុន និងប្រធានាធិបតីសហរដ្ឋអាមេរិកលោក ដូណាល់ ត្រាំ បានជួបគ្នាចំនួនបីលើកចាប់តាំងពីឆ្នាំ២០១៨មកប៉ុន្តែមិនបានធ្វើឲ្យមានការរីកចម្រើនតាមការអំពាវនាវរបស់សហរដ្ឋអាមេរិកឲ្យទីក្រុងព្យុងយ៉ាងបោះបង់ចោលអាវុធនុយក្លេអ៊ែរនិងការទាមទាររបស់កូរ៉េខាងជើងឲ្យបញ្ឈប់ការដាក់ទណ្ឌកម្មនោះទេ។

កាលពីឆ្នាំមុន ប្រព័ន្ធផ្សព្វផ្សាយរដ្ឋបានបង្ហាញថា លោកគីមកំពុងពិនិត្យមើលនាវាមុជទឹកដ៏ធំមួយដែលទើបនឹងសាងសង់ថ្មីដែលជាហេតុបង្កឲ្យមានការភ័យខ្លាចថា រដ្ឋសម្ងាត់មួយនេះកំពុងតែត្រៀមពង្រីកកម្មវិធីមីស៊ីលនុយក្លេអ៊ែររបស់ខ្លួន៕

ប្រែសម្រួលដោយ៖ Vann Vann

ប្រភព៖ Daily Mail

The post កូរ៉េខាងជើងកំពុងសាងសង់នាវាមុជទឹកដែលមានសមត្ថភាពបាញ់មីស៊ីល Ballistic appeared first on Kampuchea Thmey Daily.