គីម ជុងអ៊ុន បញ្ជាឲ្យដាក់ពង្រាយគ្រាប់មីននៅជាប់ព្រំដែនចិនដើម្បីរារាំងមនុស្សមិនឲ្យចូលមកចម្លងជំងឺកូវីដ១៩ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានអន្ដរជាតិ

គីម ជុងអ៊ុន បញ្ជាឲ្យដាក់ពង្រាយគ្រាប់មីននៅជាប់ព្រំដែនចិនដើម្បីរារាំងមនុស្សមិនឲ្យចូលមកចម្លងជំងឺកូវីដ១៩

Published

on

ទាហានកូរ៉េខាងជើងម្នាក់បានស្លាប់ដោយសារការផ្ទុះអំឡុងពេលដាក់គ្រាប់បែកនៅតាមព្រំដែនជាប់ប្រទេសចិន។

ព័ត៌មានបែកធ្លាយនេះបានកើតឡើងបន្ទាប់ពីមានការអះអាងថា មេដឹកនាំលោក គីម ជុងអ៊ុន បានបញ្ជាឲ្យដាក់ពង្រាយគ្រាប់មីននៅព្រំដែនកូរ៉េខាងជើងដើម្បីរារាំងមិនឲ្យមនុស្សចូលមកចម្លងជំងឺកូវីដ១៩នៅក្នុងប្រទេស។

វិធានការដ៏ខ្លាំងក្លាត្រូវបានបញ្ជាដោយមេដឹកនាំផ្តាច់ការរូបនេះក្នុងគោលបំណងរារាំងការរីករាលដាលនៃជំងឺកូវីដ១៩។

ទាហានដែលត្រូវបានគេជឿថាមកពីកងអង្គភាព Storm Corp របស់កូរ៉េខាងជើងគឺកំពុងធ្វើការជាមួយមន្រ្តីផ្សេងទៀតដែលកំពុងដាក់ពង្រាយគ្រាប់មីន។ ទាហានបីនាក់ផ្សេងទៀតត្រូវបានគេជឿថា រងរបួសខណៈពេលបំពេញភារកិច្ចនេះនៅខេត្ត Yanggang។

យោងតាមសារព័ត៌មាន Daily NK បានរាយការណ៍ថា ការផ្ទុះគ្រាប់មីនបានកើតឡើងនៅពាក់កណ្តាលខែតុលា។

អាជ្ញាធរបានស្តីបន្ទោសកងកម្លាំងរបស់ Storm Corps ចំពោះឧប្បត្តិហេតុនេះដោយលើកឡើងពីការបណ្តុះបណ្តាលមិនគ្រប់គ្រាន់នៅក្នុងការដាក់មីន។

សារព័ត៌មាន Express បានរាយការណ៍ថា មន្រ្តីកូរ៉េខាងជើងក៏បានប៉ុនប៉ងលាក់បាំងឧប្បត្តិហេតុនេះផងដែរដោយសារតែទាហានដែលរងរបួសទាំង៣នាក់បានទទួលការព្យាបាលនៅក្នុងមន្ទីរពេទ្យក្នុងតំបន់។

កាលពីមុន កងកម្លាំងកូរ៉េខាងជើងបានប្រើផាវនៅតាមព្រំដែនជាប់ប្រទេសចិនប៉ុន្តែបច្ចុប្បន្នត្រូវបានអនុញ្ញាតឲ្យប្រើប្រាស់គ្រឿងផ្ទុះថ្នាក់យោធាដែលជាគ្រាប់មីន BBM-82។

គ្រាប់មីននេះផលិតពីផ្លាស្ទិកដែលអាចសម្លាប់មនុស្សបានក្នុងរង្វង់ប្រហែល៣ម៉ែត្រ។

លោក គីម ជុងអ៊ុន បានបញ្ជាឲ្យបិទព្រំដែនរបស់កូរ៉េខាងជើងកាលពីដើមឆ្នាំនេះបន្ទាប់ពីប្រទេសចិនបានចាប់ផ្តើមរាយការណ៍ពីការរីករាលដាលនៃមេរោគកូរ៉ូណា។

កាលពីខែតុលា មានសេចក្តីរាយការណ៍ថា កងកម្លាំងកូរ៉េខាងជើងបានទទួលបញ្ជាឲ្យបាញ់សម្លាប់អ្នកណាដែលព្យាយាមឆ្លងចូលឬចេញពីប្រទេសក្នុងកិច្ចប្រឹងប្រែងដើម្បីទប់ស្កាត់វីរុស។

នៅក្នុងខែកញ្ញា កងកម្លាំងកូរ៉េខាងជើងបានសម្លាប់មន្ត្រីកូរ៉េខាងត្បូងម្នាក់ដែលត្រូវបានប្រទះឃើញនៅក្នុងដែនទឹករបស់កូរ៉េខាងជើង៕

ប្រែសម្រួលដោយ៖ Vann Vann

ប្រភព៖ Daily Star

ចុចអាន៖ គីម ជុងអ៊ុន ត្រៀមជូនកាដូដ៏ភ្ញាក់ផ្អើលមួយដល់អាមេរិកនៅថ្ងៃលោក ចូ បៃដិន សម្ពោធចូលកាន់តំណែង

ចុចអាន៖ បុរសកូរ៉េខាងជើងដែលលោតផ្លោះរបងព្រំដែនចូលកូរ៉េខាងត្បូងគឺអ្នកហាត់កីឡាម្យ៉ាង

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ5 mins ago

ខេត្ត​ព្រះសីហនុ​មាន​រោងចក្រ​អគ្គិសនី​ដំណើរការ​ដោយ​ថាមពល​ធ្យូងថ្ម​ចំនួន​៤​រោងចក្រ

ព័ត៌មានជាតិ33 mins ago

តុលា​កា​រប​ញ្ជា​ឲ្យ​នាំខ្លួនលោកស្រី​ឧកញ៉ា​ អ៊ាន​ សៀវម៉ី ប​ន្ទា​ប់​ពី​មិន​ចូល​បំភ្លឺតាមការកោះហៅ

ព័ត៌មានជាតិ41 mins ago

របាយការផ្លូវការ ប្រជាជនកម្ពុជា​កើនជាង ២ លាន​នាក់ ខេត្ត​ក្រុង ៤ មាន​ចំនួនប្រជាជនច្រើនជាងគេ

ព័ត៌មានជាតិ50 mins ago

សម្តេចតេជោ និងមន្ត្រីរដ្ឋាភិ​បា​ល​ជាច្រើនរូបបន្តកាត់ប្រាក់ខែ ដើម្បី​​ទប់ស្កាត់ជំងឺកូវីដ១៩

ព័ត៌មានជាតិ1 hour ago

ឆ្នាំ​ប្រលងបាក់ឌុបហើយ យុវតី​ម្នាក់ ត្រូវ​ឆ្មា​ខាំ​រហូត​ចេញអាការៈ និងដេញ​ខាំ​គេគ្រប់គ្នា

Sokha Hotels

ព័ត៌មានពេញនិយម

Helistar Cambodia - Helicopter Charter Services