លោក គឹម ចាន់ ​អ្នក​គ្រប់​គ្រង​កសិដ្ឋានគីរីទេស ​បាន​ឱ្យ​ដឹង​ថា​ ដោយ​មើល​ឃើញ​ពី​កំណើន​នៃ​តម្រូវ​ការ​ម្ទេស ​លើ​ទីផ្សារ​ក្នុង​ស្រុក ​និង​ក្រៅ​ប្រទេស ​និង​ជា​ដំណាំ​ងាយ​ស្រួល​ដាំ​ដុះ​ផង​នោះ ​ទើប​កសិដ្ឋាន​បាន​ជ្រើស​រើស​ដាំ​ដំណាំម្ទេស ដែល​មានទាំ​ង​ពូជ​ម្ទេស​ដៃ​នាង ​និង​ម្ទេសមា​លី ​ជាមួយ​នឹង​ការ​ផ្ដល់​ឱកាស​ការងារ​ដល់​ប្រជាពលរដ្ឋ​ក្នុង​មូលដ្ឋាន​ អាច​រក​ប្រាក់​ចំណូល​ផ្គត់ផ្គង់​ជីវភាព​ក្នុង​គ្រួសារ​ហើយ​នោះ ​ពួក​គា​ត់បា​ន​ទទួល​បាន​ចំណេះ​ដឹង​ពី​បច្ចេកទេសនៃការ​ដាំដុះ​ថែម​ទៀត​ផង​​។​

លោក ​គឹម ​ចាន់ ​បាន​ឱ្យ​ដឹង​ទៀត​ថា ​បច្ចេកទេស​នៃ​ការ​ដាំដុះ ​ពី​មួយ​ដំណាក់​កាល​ ទៅ​មួយ​ដំណាក់​ ដូច​ជា​ការរៀប​ចំដី ​ប្រព័ន្ធ​ទឹក​ស្រោចស្រព ​គឺ​ជា​ចំណុច​សំខាន់​ ដែល​អាច​ឱ្យ​ដំណាំ​ មាន​ការ​លូត​លាស់​ល្អ ​ទិន្នផលខ្ពស់ ​និង​ការ​ប្រមូល​ផល​បាន​យូរ​ទៀត​ផ​ង​។ ​លោក​ក៏​បាន​អំពាវនាវ​ដល់​ប្រជាពលរដ្ឋ សូ​មបន្តជួយគាំទ្រនូវផលិតផលកសិកម្មក្នុងស្រុក​ ដើម្បី​ជំរុញ​ឱ្យ​ដំណាំ​កសិកម្ម​ក្នុង​ប្រទេស ​មាន​និរន្តរភាព​ដែល​អាច​ប្រកួត​ប្រជែង​លើ​ទីផ្សារអន្តរជាតិ។

សូមបញ្ជាក់ថា ​សហគមន៍សកិដ្ឋានគីរីទេស​ មាន​ទីតាំង​ស្ថិត​ក្នុង​ឃុំ​ឃុនរាម ​ស្រុក​បន្ទាយស្រី ដែល​ធ្វើ​លើ​ដំ​​ណាំម្ទេស ​មាន​ពីរ​ប្រភេទ ​គឺ​ពូជម្ទេសដៃនាង និង ម្ទេស មាលី ​ក្នុង​ទំហំផ្ទៃដី ចំនួន ៣ហិកតា ខណៈ​បច្ចុប្បន្ន​សហគមន៍​សកិដ្ឋានគីរីទេស បាន​និង​កំពុង​មាន​កិច្ចសហការ​ជា​ដៃ​គូ​ ជាមួយ​សហគមន៍​កសិកម្ម​ដទៃទៀ​ត ​ក្នុង​ខេត្ត​ និង​ក្រៅ​ខេត្ត ​លើការដាំដុះដំណាំម្ទេសនេះផងដែរ៕

ដោយ៖ជុន កុសល

The post សហគមន៍​កសិដ្ឋាន​គីរីទេស​បាន​និង​កំពុង​ផ្ដល់​ឱកាស​ការងារ​ដល់​ប្រជាពលរដ្ឋ​ ខណៈ​ដំណាំ​ម្ទេស​កំពុង​មាន​តម្រូវ​ការ​ច្រើន​លើ​ទីផ្សារ​ appeared first on Kampuchea Thmey Daily.

ម្ទេសមានផ្ទុកសារធាតុ capsaicin – គ្រឿងផ្សំដែលបង្កើតរសជាតិហឹរ – ដែលប៉ះពាល់ដោយផ្ទាល់ដល់សរសៃឈាម និងចរន្តឈាម។

ការសិក្សាមួយចំនួនបង្ហាញថា capsaicin អាចជួយពង្រីកសរសៃឈាមថ្នមៗ ធ្វើឲ្យប្រសើរឡើងនូវលំហូរឈាម និងជួយបន្ថយសម្ពាធឈាមជាបណ្ដោះអាសន្ន។ ម្ទេសក៏មានផ្ទុកសារធាតុប្រឆាំងអុកស៊ីតកម្មជាច្រើនដូចជាវីតាមីន C ការ៉ូទីណូអ៊ីត និង flavonoids ដែលជួយកាត់បន្ថយការរលាក និងការពារជញ្ជាំងសរសៃឈាមពីការខូចខាតដែលបណ្តាលមកពីភាពតានតឹងអុកស៊ីតកម្ម ដែលជាកត្តាមួយដែលរួមចំណែកដល់ជំងឺលើសឈាមរយៈពេលវែង។

មិនត្រឹមតែប៉ុណ្ណោះ ម្ទេសក៏ជួយទ្រទ្រង់ការរំលាយអាហារ បង្កើនការបង្កើតកំដៅ និងជំរុញការចំណាយថាមពល ដោយហេតុនេះជួយគាំទ្រដល់ការគ្រប់គ្រងទម្ងន់ – កត្តាសំខាន់មួយក្នុងការធ្វើឱ្យសម្ពាធឈាមមានស្ថេរភាព។

ការបន្ថែមម្ទេសក្នុងបរិមាណត្រឹមត្រូវអាចបន្ថែមរសជាតិដល់អាហារ ជួយកាត់បន្ថយតម្រូវការអំបិល និងរួមចំណែកដល់ការកែលម្អរបបអាហារដែលមានសុខភាពល្អសម្រាប់អ្នកដែលមានជំងឺលើសឈាម។

មិនមែនគ្រប់គ្នាដែលមានជំងឺលើសឈាមអាចញ៉ាំម្ទេសជាប្រចាំទេ

ទោះជាយ៉ាងណាក៏ដោយ មិនមែនគ្រប់គ្នាដែលមានជំងឺលើសឈាមអាចញ៉ាំម្ទេសបានស្រួលនោះទេ។

អ្នកដែលមានក្រពះងាយប្រតិកម្ម ដំបៅក្រពះ ដំបៅពោះវៀនតូច ច្រាលអាស៊ីត ឬរលាកពោះវៀនធំ ងាយនឹងរលាកដោយសារសារធាតុ capsaicin ដែលនាំឱ្ឲ្យមានការឈឺចាប់ក្រហាយ រំលាយអាហារមិនបានល្អ ឬកាន់តែអាក្រក់ទៅៗ ដែលធ្វើឲ្យរោគសញ្ញាដែលមានស្រាប់កាន់តែអាក្រក់ទៅៗ។

នៅពេលដែលរាងកាយមានប្រតិកម្មខ្លាំងចំពោះរសជាតិហឹរ ចង្វាក់បេះដូងអាចកើនឡើងជាបណ្តោះអាសន្ន ដែលបណ្តាលឱ្យមានអារម្មណ៍ក្រហាយ និងមិនស្រួល។ នេះមិនមានគ្រោះថ្នាក់ដោយផ្ទាល់ទេ ប៉ុន្តែអាចធ្វើឲ្យមនុស្សដែលមានជំងឺលើសឈាមមានការព្រួយបារម្ភ និងបណ្តាលឱ្យសម្ពាធឈាមប្រែប្រួល។

អ្នកដែលមានជំងឺលើសឈាមនៅតែអាចញ៉ាំម្ទេសក្នុងកម្រិតមធ្យមបាន អាស្រ័យលើសមត្ថភាពរបស់រាងកាយក្នុងការទប់ទល់នឹងអាហារហឹរ និងស្ថានភាពរំលាយអាហារ។ ការប្រើប្រាស់បរិមាណតិចតួចដើម្បីបង្កើតរសជាតិច្រើនតែគ្មានគ្រោះថ្នាក់ និងថែមទាំងមានប្រយោជន៍ទៀតផង។

ទោះជាយ៉ាងណាក៏ដោយ អ្នកគួរតែជៀចៀសវាងការញ៉ាំហឹរពេក ជៀសវាងម្ហូបហឹរខ្លាំងៗ និងកំណត់វាប្រសិនបើអ្នកមានជំងឺរំលាយអាហារ។

ការគ្រប់គ្រង និងស្តាប់ប្រតិកម្មរបស់រាងកាយគឺជាគន្លឹះក្នុងការជួយមនុស្សដែលមានជំងឺលើសឈាមប្រើប្រាស់ម្ទេសដោយសុវត្ថិភាព និងមានប្រយោជន៍៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ស្លឹកគ្រៃ ជួយដល់ការបន្សាបជាតិពុលក្នុងថ្លើម ខណៈមនុស្សជាច្រើនមិនសូវអើពើ

The post អ្នកមានជំងឺលើសឈាម គួរតែញ៉ាំម្ទេសដែរឬទេ? appeared first on Kampuchea Thmey Daily.

នៅលើទំហំដីប្រមាន ៥ ហិកតា នៅក្បែរជើងភ្នំស្ថិតក្នុងឃុំចែងមានជ័យ ស្រុកបាណន់ ខេត្តបាត់ដំបង លោក ប៊ុន ធឿន បានរៀបរាប់ថា ក្រុមគ្រួសារលោកបានពឹងផ្អែកលើផលដំណាំម្ទេសពីមួយរដូវដល់មួយរដូវ សម្រាប់ទ្រទ្រង់​សេដ្ឋកិច្ចគ្រួសារ និង​ការសិក្សាររបស់កូនៗ។

មុខរបរដាំម្ទេសនេះតែងតែមាន​ប្រឈម​លើ​​បញ្ហា​តម្លៃ ដែលធ្វើឲ្យប៉ះពាល់​ដល់​សេដ្ឋកិច្ចគ្រួសារ។ នេះបើតាម​លោក ប៊ុន ធឿន។ ​ត្រូវ​ហត់នឿយក្នុងក្រុមគ្រួសារបន្តិច ដោយសារត្រូវកាត់បន្ថយកម្លាំងពលកម្ម​ លោក​​ត្រូវ​ប្រមូលផលដោយខ្លួនឯងខ្លះ ទើបអាច​ទប់ទល់បាន​ចំណូលដែលឈ្មួញបានទម្លាក់តម្លៃយ៉ាងច្រើន ដែលតម្លៃជាទូទៅជំហានដំបូងបាន​ចន្លោះ​ពី ៤ ០០០ រៀលទៅ ៤ ៥០០ រៀល តែពេលនេះបានត្រឹមចន្លោះពី ១ ៥០០ រៀលទៅ ២ ៥០០រៀល ប៉ុណ្ណោះ។

កសិកររូបនេះបន្តថា តម្លៃខាងលើនេះគឺលោកឈប់លក់ឲ្យក្រុមឈ្មួញទៀតហើយ ដោយ​លោក​ត្រូវ​ប្រមូលហាលឲ្យក្រៀម​ទាំងអស់ ខណះលោកទើប​សម្រេចចិត្ត​ទិញម៉ាសុីនកិនមួយកែច្នៃទៅជាម្ទេសហុយ (ម្ទេសហ្មត់) វិញ ដែល​មានទីផ្សារ ហើយក៏ភ័យ​រឿង​មិនខូចខាត​ដែរ​។

លោកអះអាង​ថា ក្រោយពីលោកបានផ្អាកលក់ម្ទេសស្រស់ ក្រុមឈ្មួញមួយចំនួនក៏បានដំឡើងតម្លៃបានខ្លះទៀត តែលោក​​នៅតែមិនលក់ ព្រោះម្ទេសក៏ប្រមូលចង់អស់ដែរ ហើយទុកកែច្នៃសម្រាប់ម៉ូយដែលបានកុម្ម៉ង់វិញ។

លោកបន្ត​ថា បើវិធីថ្មីនេះដំណើរការ លោកនឹងបន្តអាជីពថ្មីនេះរហូត ហើយម្ទេសស្រស់ក៏លក់ខ្លះឲ្យតែមានតម្លៃសមរម្យ លោក​ឈប់បារម្ភរឿងខាតទៀតហើយ ព្រោះពេលនេះលោក​មាន​ច្រក​ចំនួន ២។

លោកបន្តទៀតថា “បើខ្ញុំកែច្នែធ្វើម្ទេសហុយ ម៉ូយទទួលទិញក្នុង១គីឡូក្រាមចន្លោះពី ១៥ ០០០ រៀលទៅ ១៧ ០០០ រៀលដែរ ចឹងចំណូលក៏បានគ្រាន់បើដែរ បើទោះបីពួកគាត់លក់ចេញវិញ ចំណេញប៉ុណ្ណាទៀត ជារឿងរបស់ពួកគាត់ តែសម្រាប់ខ្ញុំ១គី ឡូក្រាម ១៧ ០០០ រៀល អាចទទួលយកបាន ហើយបើតាមខ្ញុំស្មាន យ៉ាងហោចក្នុង១ថ្ងៃ ម៉ូយទទួលយកបានជាង ១០០ គីឡូក្រាមដែរ ព្រោះម្ទេសខ្ញុំដាំប្រភេទម្ទេសដៃនាងលេខ១ ខ្លះគេហៅថា ម្ទេសចង្អុលមេឃ។

បើតាមអ្នកទទួលទិញម្ទេសហ៊ុយ​បានបង្ហើបថា ពួកគាត់ទិញចូលចន្លោះពី ១៥ ០០០ រៀលទៅ ១៧ ០០០ រៀល ក្នុង​១​គីឡូក្រាម ហើយពួកគាត់បានលក់ចេញវិញចន្លោះពី ២៥ ០០០ រៀលទៅ​ ២៧ ០០០ រៀល គ្រាន់បានកម្រៃដោះស្រាយសេដ្ឋកិច្ចគ្រួសារខ្លះ ដោយពួកគាត់ប្រាប់ថា ពួកគាត់មិនមានដីចម្ការទេ គឺរស់អាស្រ័យលើការលក់ដូរបន្លែគ្រប់មុខក្នុងផ្សារជាប្រចាំ​ថ្ងៃ ហើយចំណូលក៏បានគ្រាន់បើដែរ ដូចជាម្ទេសហ៊ុយ​ ក៏បានចំណេញគ្រាន់បើដែរ ក្នុង១គីឡូក្រាម៕

អត្ថបទ៖ សៅ សារិទ្ធ

The post ឈ្មួញព្យាយាម​ទម្លាក់​តម្លៃ កសិករកែច្នៃម្ទេសស្រស់​ជា​​ម្ទេសហុយ ១គីឡូក្រាម​លក់​បានពី ១៥ ០០០ ទៅ ១៧ ០០០ រៀល appeared first on Kampuchea Thmey Daily.

កសិករ​ បានឱ្យដឹងថា ចំណូល​បានមក​ពីការ​ប្រមូល​ផលក្នុងដំណាក់កាលទី១ អាចសល់សម្រាប់​ទប់ទល់​និង​ការ​ប្រមូល​ផល​នៅដំណាក់កាលទី២។ ប៉ុន្តែ​ នៅដំណាក់កាលទី២ ពួកគេ​មិន​នឹកស្មានថា ទីផ្សារ​បាន​ស្រុត​ចុះ​យ៉ាង​ឆាប់​បែប​នេះ​សោះ ខណៈ​កាលពីប្រមូលផលលើក​ទី១ លក់​បាន​ក្នុងតម្លៃ ៤ ៥០០ រៀល ក្នុង ១ គីឡូក្រាម ហើយ​ម្ទេសខ្ចី​បាន ៣៥០០ រៀល ក្នុង ១ គីឡូក្រាម តែ​ប៉ុន្មាន​ថ្ងៃ​មក​នេះ​ម្ទេស​ដៃនាង​ទុំ​លក់​បាន​តែ ២៥០០ រៀល ហើយ ម្ទេស​ខ្ចី លក់បាន ១៥០០ រៀល ​ប៉ុណ្ណោះ​។

កសិករ​នៅ​ស្រុក​បាណន់ លោក ប៊ុនធឿន បាន​ឱ្យ​ដឹង​ថា ចំណូល​ដែល​បាន​ពី​ការប្រមូល​ផលលើក​ទី១ គឺបាន​ចំណាយ​ទៅវិញ​លើកម្លាំង​ពលករ​ស្ទើរគ្មាន​សល់​ធ្វើ​ទុន ខណៈ​លើកទី២ លោក​បាន​បំប៉នជីច្រើន​ជាងលើកទី១ ដោយ​សារតែគិត​ថា តម្លៃ​ម្ទេស​នៅរក្សា​ដូចការប្រមូលផលកាលពីលើកទី១ ដដែល ទើប​លោក​ខំ​បំប៉ន​ដោយ​ចំណាយ​លើជីច្រើនជាងមុនបន្តិច តែ​ដល់​ពេល​ប្រមូល​ផលវគ្គទី២ ប៉ុន្មាន​ថ្ងៃមក​នេះ ក៏​ស្រាប់​តែ​តម្លៃ​ធ្លាក់​ចុះ​ស្ទើរពាក់កណ្តាល។

ការ​ប្រមូល​ទិញ​ផ្លែ​​ម្ទេស​​ពី​​ឈ្មួញ ដែល​បាន​ទម្លាក់​​តម្លៃ​នេះ លទ្ធផល​​ក៏​មិន​ខុសពី​​កសិករ​នៅ​​ស្រុក​ឯកភ្នំ​ប៉ុន្មាន​ទេ កសិករ​បាន​ឲ្យដឹងថា ឈ្មួញ​តែងតែ​ឆ្លៀត​ឱកាស​យក​ចំណេញ​ច្រើន​ពីពួកគេ​ ខណៈ​ដែលម្ទេស​អាចម៍​សត្វ ពួក​គេ​លក់​រាល់​រដូវ​កាល មិន​ក្រោម ៨ ០០០ រៀល នោះទេ ក្នុង ១ គីឡូក្រាម តែពេល​នេះ​ឈ្មួញឲ្យ​តម្លែ​តែ ៤០០០​ រៀល​ ប៉ុណ្ណោះ ក្នុង ១ គីឡូក្រាម។

អ្នកស្រី ម៉េង សារ៉ាន់ និងលោក ផ្លាន វណ្ណះ ជា​កសិករ​ប្រកបរបរ​ដាំ​ម្ទេស​អាចម៍​សត្វ​នៅ​ក្នុង​ឃុំ​កោះ​ជីវាំង ស្រុក​ឯកភ្នំ បាន​ឲ្យ​ដឹងថា ​ពួកគេ​និយម​ដាំម្ទេស​អាចម៍​សត្វ ដោយ​សារ​តែ​ម្ទេស​ប្រភេទ​នេះ​មហាជន និង​នៅ​តាម​បណ្តា​ហាងគុយទាវ ឬ​ហាងបាយ​គេ​និយមបំផុត ទើប​វា​មាន​តម្លៃ​ថ្លៃ តែ​ពេល​នេះ​លក់​បានតែ ១ គីឡូក្រាម ៤០០០ រៀល ​​ប៉ុណ្ណោះ បើ​ទូទាត់​ទាំង​ជី និង​ការថែទាំ ស្ទើរ​តែ​មិន​ចង់រួច​ខ្លួន​ផង។

ដោយឡែក អ្នកស្រី វណ្ណថា វ័យ ៧៤ឆ្នាំ នៅ​ក្នុង​សង្កាត់​រតនៈ​ ក្រុង​បាត់ដំបង បាន​ឲ្យដឹង​ថា បច្ចុប្បន្ន​អ្នកស្រី​លក់​ម្ទេស​ដៃនាង​បន្ត​ឲ្យ​អាជីវករ​ដែល​លក់ក្នុង​ផ្សារ​នានាក្នុង​ក្រុង បាន ១ ​គីឡូក្រាម ៣៥០០រៀល សម្រាប់​ម្ទេស​ទុំ ខណៈ​ដែល​គាត់​បាន​ឱ្យកូន​​ជួយ​​ទៅទិញ​​នៅ​​តាម​ចម្ការ​​មួយ​ថ្ងៃ​ត្រឹម ៥០ទៅ ១០០ គីឡូ​ក្រាម​ ប៉ុណ្ណោះ គ្រាន់​បាន​ទ្រទ្រង់​សេដ្ឋកិច្ច ដោយ​មិន​ពឹង​លើ​កូន​ទាំង​ស្រុងនោះទេ។

អ្នកស្រីបន្តថា «មុន​និង​ទៅទិញ​ម្ទេស​នៅ​តាម​ចម្ការ ខ្ញុំ​បាន​ដើរ​សួរ​អាជីវករ​តាម​ផ្សារ​ជាស្រេច ខ្លះ​យក ២០ គីឡូក្រាម ខ្លះ​យក ៥០ គីឡូ ខ្លះ​ក៏​យក ៣០ គីឡូក្រាម អ៊ីចឹង​យ៉ាង​ហោច​ក្នុង ១ថ្ងៃខ្ញុំ​លក់​បានចន្លោះពី ៥០ ទៅ ១០០ គីឡូក្រាម រាល់​ថ្ងៃ ខណៈ​ក្រុម​ឈ្មួញ​​ដើរ​ទម្លាក់​តម្លៃ​ម្ចាស់​ចម្ការ​ផង ចឹង​ខ្ញុំអាចរក​ចំណូល​បានចន្លោពី ៥ ទៅ ១០​ ម៉ឺន​រៀល​ក្នុង​មួយ​ថ្ងៃ​ដែរ»​៕

អត្ថបទ៖ សៅ សារិទ្ធ

The post ឈានដល់កា​រប្រមូលផលម្ទេសលើកទី២ ឈ្មួញទម្លាក់ថ្លៃម្ទេស​ស្ទើរពាក់កណ្តាល appeared first on Kampuchea Thmey Daily.

នៅឆ្នាំនេះដោយសារអាកាសធាតុក្តៅ ដូច្នេះម្ទេសដៃនាងអាចធ្លាក់ទិន្នផលប៉ុន្តែតម្លៃក៏បានគួរសមដែរ។ ខណៈដៃកំពុងបេះម្ទេស ជាមួយកម្មករជាច្រើនទៀត អ្នកស្រី អៀន ពេញ ដែលជាម្ចាស់ចម្ការនៅភូមិព្រែកត្រប់ ឃុំព្រែកនរិន្ទ បានរៀបរាប់ថា ការប្រើប្រាស់ដើមទុនលើការដាំម្ទេសក្នុងផ្ទៃដីទំហំ ៣រ៉ៃ អ្នកស្រីត្រូវប្រើប្រាស់ដើមទុនអស់ប្រមាណ ៤ លានរៀល។

បើគិតចាប់តាំងពីដាំរហូតប្រមូលផល អ្នកស្រីបានលើកឡើងថា ម្ទេសអាចប្រឈមនឹងដង្កូវស៊ី ឬ ក្រា ជាដើម ហើយនេះជាលើកទីមួយហើយដែលអ្នកស្រីសាកល្បងដាំម្ទេស ហើយក៏ប៉ះចំគ្រោះរាំងស្ងួត និងក្តៅថែមទៀត ដោយទើបតែមានភ្លៀងធ្លាក់នៅខែឧសភានេះ លុះការប្រមូលផលដំបូងបានតម្លៃត្រឹមតែជាង ២ពាន់រៀល តែប៉ុណ្ណោះ ក្នុងមួយគីឡូក្រាម។ហើយនៅពេលប្រមូលផលលើកទីពីរនេះឮថាតម្លៃអាចឡើងជាង ៤ពាន់រៀលក្នុងមួយឡូក្រាម ដូច្នេះអាចបានចំណេញខ្លះដែរ តែបើបានមួយគីឡូក្រាមចាប់ពី ៥.០០០ រៀលឡើងទើបម្ចាស់ចម្ការអាចចំណេញ និងទប់ទល់ថ្លៃកម្មករបាន ព្រោះកម្មករដែលបេះម្ទេសគឺទទួលបានជាង ១ ពាន់រៀលក្នុងមួយគីឡូក្រាម។

អ្នកស្រីក៏បានសំណូមពរទៅបណ្ដាឈ្មួញធ្វើយ៉ាងណាកុំទម្លាក់តម្លៃខ្លាំងពេកបើមិនដូច្នោះកសិករមិនអាចបន្តដាំម្ទេសដៃនាងនេះតទៅទៀតបានឡើយ៕

អត្ថបទ៖ សោ និយមរ័ត្ន

The post កសិករឃុំព្រែកនរិន្ទ កំពុងប្រមូលផលម្ទេសដែលតម្លៃទីផ្សារបានថ្លៃគួរសម appeared first on Kampuchea Thmey Daily.

ការស្រាវជ្រាវវេជ្ជសាស្រ្តសម័យទំនើបក៏យល់ស្របជាមួយឱសថបុរាណស្តីពីឥទ្ធិពលឱសថរបស់ម្ទេស។ អាស្រ័យហេតុនេះ ម្ទេសមានផ្ទុកសារធាតុសកម្មមួយចំនួនដូចជា capsicain ដែលជាសារធាតុសកម្មដែលបណ្តាលឲ្យឡើងក្រហម និងឡើងកំដៅ លេចឡើងតែនៅពេលផ្លែម្ទេសទុំ ស្មើនឹង ០.០១-០.១% ប៉ុណ្ណោះ។ Capsaicin ជួយជំរុញខួរក្បាលឲ្យផលិតអរម៉ូន endorphins ដែលជាសារធាតុ morphine ចុងដែលដើរតួជាថ្នាំបំបាត់ការឈឺចាប់ ជាពិសេសមានប្រយោជន៍សម្រាប់អ្នកដែលមានជំងឺរលាកសន្លាក់រ៉ាំរ៉ៃ និងមហារីក។

ក្នុងនោះផងដែរ ម្ទេសក៏ជួយការពារជំងឺបេះដូង ព្រោះវាផ្ទុកសារធាតុសកម្មមួយចំនួនដែលជួយឲ្យឈាមរត់បានល្អ ចៀសវាងការកកកុញនៃផ្លាកែត ដែលអាចបង្កជំងឺសរសៃឈាមបេះដូងបានយ៉ាងងាយ។ ផ្លែនេះក៏ការពារជំងឺលើសឈាមផងដែរ។

មិនត្រឹមប៉ុណ្ណឹងទេ ម្ទេស​មាន​ឥទ្ធិពល​មួយ​ចំនួន​ទៀត​ដូច​ជា​គ្រប់គ្រង​ជំងឺ​បេះដូង​សរសៃឈាម ការពារ​មហារីក ការពារ​ជំងឺ​សរសៃឈាម​បេះដូង បង្កើន​ភាព​ធន់​នឹង​ជំងឺ​ផ្តាសាយ ព្យាបាល​ការ​ឈឺក្បាល កាត់​បន្ថយ​ជាតិ​ខ្លាញ់​ក្នុង​ឈាម និង​ការ​សម្រក​ទម្ងន់ជាដើម៕

អត្ថបទ៖ សាង ស្រីល័ក្ខ

ចុចអាន៖តើមានសុខភាពល្អទេ ក្នុងការធ្វើតាមរបបអាហាររបស់អ្នកមាន?

The post តាមឱសថបុរាណ ម្ទេសមានប្រសិទ្ធភាពធ្វើឲ្យបេះដូងប្រសើរឡើង បំបាត់ជំងឺច្រើនមុខ appeared first on Kampuchea Thmey Daily.

អ្នកដាំម្ទេស Pepper X មានឈ្មោះថា Ed Currie ដែលជាស្ថាបនិកក្រុមហ៊ុនអាមេរិក Puckerbutt Pepper ហើយក៏ជាអ្នកបង្កើតម្ទេសពូជ “Carolina Reaper” ដែលមានកម្រិត​ហឹរជាមធ្យម ១.៦៤ លាន​​​ស្កូវីលដែរ ។

លោក Ed បានដាំម្ទេសពូជ Pepper X នៅក្នុងកសិដ្ឋានរបស់គាត់អស់រយៈពេលជាង ១០ ឆ្នាំ ដោយឆ្លងកាត់ការបង្កាត់ពូជជាមួយនឹងម្ទេសហឹរខ្លាំងផ្សេងទៀត ខណៈពិន្ទុស្កូវីលរបស់ Pepper X ត្រូវបានគណនាដោយសាកលវិទ្យាល័យ Winthrop ក្នុងរដ្ឋ South Carolina ។

ការបង្កាត់ពូជម្ទេសថ្មីចំណាយពេលយ៉ាងយូរ និងទាមទារការអត់ធ្មត់ច្រើន ទម្រាំចេញជាពូជថ្មីដែលគេចង់បាន ។ ដូច្នេះ ជារៀងរាល់ឆ្នាំ Ed ព្យាយាមបង្កាត់ពូជម្ទេសជាង ១០០ ដង ដោយសង្ឃឹមថាមានពូជចំនួន ១ ឬ ២ អាចជាប់កំណត់ត្រាក្នុងរយៈពេល ១០ ឆ្នាំកន្លងមក ៕

ប្រែសម្រួល៖ វារី

ប្រភព៖ guinnessworldrecords

ចុចអាន៖ ដឹង​ប៉ុន្មាន​ចំណុច​នេះ អ្នក​ចូល​ចិត្ត​ម្ទេស ច្បាស់​ជា​សប្បាយ​ចិត្ត​វិញ​ហើយ

The post រកឃើញពូជម្ទេសហឹរបំផុតជាប់កំណត់ត្រាពិភពលោក appeared first on Kampuchea Thmey Daily.

១ អាហារូបត្ថម្ភពេញលេញ

ជាដំបូង ត្រូវ​ដឹងថាម្ទេស​មានសារធាតុចិញ្ចឹមសំខាន់ៗសម្រាប់សុខភាពល្អ។ ពួកវា​សម្បូរទៅ​ដោយវីតាមីន C ដែលល្អសម្រាប់ពង្រឹងប្រព័ន្ធការពាររាងកាយរបស់អ្នក និងប្រឆាំងនឹង​ជំងឺផ្សេងៗ។ ម្ទេសក៏​សម្បូរវីតាមីន A ប៉ូតាស្យូម និងជាតិដែក ដែលសុទ្ធតែមានសារៈសំខាន់​សម្រាប់សុខភាព និងសុខុមាលភាពទូទៅ។

២ ការធូរស្បើយពីការឈឺចាប់

​ម្ទេស​ក៏មាន​អត្ថប្រយោជន៍​អាហារូបត្ថម្ភ​បន្ថែម​មួយ​ចំនួន​ ដែល​អ្នក​ប្រហែលជា​មិន​បាន​ដឹង​ដែរ​។​ ឧទាហរណ៍ វា​ដើរតួ​ជា​ថ្នាំ​បំបាត់​ការឈឺចាប់​តាម​ធម្មជាតិ​។ ដោយសារតែ​បន្លែមានសារធាតុម្យ៉ាងហៅថា capsaicin ដែលភ្ជាប់ទៅនឹ​ងអ្នកទទួលការឈឺចាប់របស់រាងកាយ។ Capsaicin កាត់បន្ថយការរលាក និងកាត់បន្ថយ​ការឈឺចាប់។

៣ ស្រក​ទម្ងន់

ម្ទេស​គឺជាជម្រើសដ៏ល្អសម្រាប់អ្នកដែលចង់រក្សារាងកាយរបស់ពួកគេឲ្យ​ស្ថិតស្ថេរ និង​គ្មានមេរោគ​បង្កគ្រោះថ្នាក់។ ដោយសារតែម្ទេសទាំងនេះមានលក្ខណៈសម្បត្តិប្រឆាំងនឹងបាក់តេរី និងប្រឆាំងនឹងផ្សិត។ នេះគឺដោយសារតែការពិតដែលថា capsaicin នៅក្នុងម្ទេស​អាចជួយក្នុងការបំផ្លាញ​បាក់តេរីនិងផ្សិតមួយចំនួន។ ជួយកាត់បន្ថយឱកាសនៃការចម្លងរោគ។

៤ ញ៉ាំក្នុងកម្រិតមធ្យម

ម្ទេស​អាចជួយសម្រក​ទម្ងន់​ ដែលជា​គុណសម្បត្តិដ៏គួរ​ឲ្យ​ភ្ញាក់ផ្អើលបំផុតមួយ។ ពីការពិនិត្យបានរកឃើញ សារធាតុ capsaicin ដែលមាននៅក្នុងម្ទេសនេះ​អាចបង្កើនល្បឿនការរំលាយ​អាហាររបស់អ្នក និងធ្វើឲ្យ​​អ្នកដុតកាឡូរីបានលឿន។ នេះ​អាច​ជួយ​ឲ្យ​​ស្រក​ខ្លាញ់​បន្តិច​ម្តងៗ។

លើសពីនេះទៀត កម្ដៅដែលបង្កើតដោយម្ទេសអាចជួយកាត់បន្ថយចំណង់អាហារ។ វានឹងជួយឲ្យអ្នកទទួលទានកាឡូរីសរុបតិចជាងមុន និងស្រកទម្ងន់បានលឿន។ ជាការពិតណាស់ វាជារឿងសំខាន់ក្នុងការចងចាំរឿងនោះ ម្ទេសនៅតែជាអាហារហឹរ។ ហើយ​មនុស្ស​មួយ​ចំនួន​ប្រហែល​ជា​មិន​អាច​ទ្រាំ​នឹង​កម្ដៅ​បាន​ទេ។ ប្រសិនបើអ្នកកំពុងស្វែងរកវិធីដើម្បីបន្ថែមរសជាតិអាហាររបស់អ្នក និងបន្ថែមកំដៅខ្លះដល់ជីវិតរបស់អ្នក។ ម្ទេសគួរតែជាជម្រើសនៃតម្លៃពិចារណា។ ជាមួយនឹងអត្ថប្រយោជន៍សុខភាពជាច្រើន និងរសជាតិឆ្ងាញ់។ ពួកវាជាអាហារបំប៉នដែលទាក់ទាញភ្នែកផងដែរ៕

ប្រែសម្រួល៖ សាង ស្រីល័ក្ខ

ចុចអាន៖វិធី ១០ យ៉ាង ទប់ស្កាត់ការឃ្លានផ្អែម សម្រាប់អ្នកចង់សម្រកទម្ងន់

The post គុណតម្លៃ ៤យ៉ាងនៃម្ទេសសម្រាប់សុខភាព appeared first on Kampuchea Thmey Daily.