បន្ទាប់ពីមានរូបភាពដែល Lisa បញ្ចេញពន្លឺភ្លឺចែងចាំងក្នុងឈុតប៊ីគីនី ជាមួយនឹងទឹកសមុទ្រយ៉ាងស្រស់ស្អាត នៅកោះ Zakynthos ប្រទេសក្រិក​ ក្នុងនោះបង្កើតការចាប់អារម្មណ៍ជាច្រើនសម្រាប់អ្នកគាំទ្រ គឺជារូបភាពនៃការណាត់ជួបជាមួយ Frederick ដែលជាមហាសេដ្ឋីវ័យក្មេងរបស់ប្រេន TAG Heuer ជាម៉ាកនាឡិកាប្រណីត។

យ៉ាងណាមិញ តាមរយៈរូបភាពមួយសន្លឹកចុងក្រោយនៅក្នុងប្រព័ន្ធផ្សព្វផ្សាយសង្គម បានបង្ហាញឲ្យឃើញ Lisa និង Frederick អង្គុយក្បែរគ្នានៅខាងក្នុង​បន្ទប់ប្រណីត​របស់​ក្រុមហ៊ុន​អាកាសចរណ៍​មួយ ដែលនេះហាក់ពង្រឹងកាន់តែរឹងមាំនៅពាក្យ​ចចាម​អារ៉ាមរវាងអ្នកទាំងពីរ។

ទោះយ៉ាងណាក៏ដោយ រឿងរ៉ាវបែបណា​នៅ​មិន​ទាន់​ត្រូវ​បាន​គេ​បញ្ជាក់​ថា​ជា Lisa ឬ​អត់​នោះ​ទេ ខណៈ​ដែល​សារព័ត៌មាន​កូរ៉េ​ខាង​ត្បូង Newsen បាន​បង្ហាញ​ព័ត៌មាន​ដោយ​យោង​ទៅ​លើ​តំណាង​របស់ YG Entertainment ដំណឹងនៃកាលបរិច្ឆេទដំបូងត្រូវបានប្រកាសថា “យើង​មិន​អាច​បញ្ជាក់​ពី​ព័ត៌មាន​ណាត់​ជួប​របស់ Lisa ទេ​។” មាន​ចម្លើយ​ពីរ​ដែល​អាច​ធ្វើ​ទៅ​បានដោយថា នេះជាការពិត ឬពាក្យចចាមអារ៉ាមមិនពិត។

ដោយឡែក អ្នកគាំទ្រជាច្រើនបានបញ្ចេញមតិការពារ Lisa ថា​ នាងមានសិទ្ធិសប្បាយចិត្ត និងមានសិទ្ធិស្រលាញ់​ មិន​ថា​ពាក្យ​ចចាមអារ៉ាម​នោះ​ពិត​ឬ​មិន​ពិត​នោះ​ទេ។ ជា​ថ្មី​ម្តង​ទៀត យើង​សុំ​ឲ្យ​អ្នកគាំទ្រ​គោរព​ជីវិត​ផ្ទាល់​ខ្លួន​របស់​សិល្បករស្រីរូបនេះ៕​

ប្រែសម្រួល៖ សាង ស្រីល័ក្ខ

ចុចអាន៖YG សុំមិនបញ្ជាក់ជុំវិញពាក្យចចាមអារ៉ាម Lisa ណាត់ជួបជាមួយទាយាទស្នងមរតកប្រេន LV

ចុចអាន៖ទស្សនិកជនអាណិត Ahn Bo Hyun ខណៈគេវាយប្រហារ ក្រោយមានទំនាក់ទំនងជាមួយ Jisoo

The post លេចរូបភាព Lisa ផ្អែមល្ហែមជាមួយទាយាទស្នងមរតកប្រេន LV កាន់តែច្បាស់ជាងមុន appeared first on Kampuchea Thmey Daily.

មុនការចែកចាយព័ត៌មានចចាមអារ៉ាមនាពេលថ្មីៗនេះ តារាចម្រៀងដើមកំណើតថៃ​​ Lalisa និង CEO ក្រុមហ៊ុន Tag HAUER លោក Frédéric Arnault ធ្លាប់ក្លាយជាប្រធានបទក្តៅ បន្ទាប់ពីអ្នកនិយមលេងអ៊ីនធឺរណិត និងប្រព័ន្ធផ្សព្វផ្សាយបានទម្លាយថា អ្នកទាំងពីរមានទំនាក់ទំនងស្នេហាជាមួយគ្នា កាលពាក់កណ្ដាលឆ្នាំមុន។ ប៉ុន្តែរាល់លើក អ្នក​ទាំង​ពីរ​ត្រូវ​បាន​អះអាងថា ត្រឹម​ជា​មិត្ត​ជិត​ស្និទ្ធគ្នាប៉ុណ្ណោះ។

កាលពីដើមឆ្នាំនេះ ប្រព័ន្ធផ្សព្វផ្សាយកូរ៉េបានរាយការណ៍ពាក្យចចាមអារ៉ាមអំពីទំនាក់ទំនងស្នេហារវាង Lisa និង Frédéric ម្តងទៀត បន្ទាប់ពីអ្នកទាំងពីរត្រូវបានគេប្រទះឃើញនៅជាមួយគ្នានៅទីក្រុងប៉ារីស។ ខណៈពេលដែលមនុស្សជាច្រើនគិតថា ពួកគេកំពុងជួបជុំជាមួយក្រុមមិត្តភក្តិ វាបានធ្វើឱ្យមានការចាប់អារម្មណ៍ និងបង្កឱ្យមានការភ្ញាក់ផ្អើល ទោះបីជា YG Entertainment មិនបានធ្វើអត្ថាធិប្បាយលើពាក្យចចាមអារ៉ាមនេះក៏ដោយ។

ប៉ុន្មានថ្ងៃនេះពាក្យចចាមអារ៉ាមបានចាប់ផ្តើមម្តងទៀត​ ក្រោយពេលពី Lisa បានបង្ហោះរូបថតមួយចំនួនពីថ្ងៃឈប់សម្រាករបស់នាងនៅលើ Instagram ។ នៅក្នុងរូបថតដែលបានចែករំលែកនៅថ្ងៃទី៩ ខែសីហា អ្នកនិយមលេងអ៊ីនធឺរណិតកត់សម្គាល់ឃើញថា ប៉ុន្មានថ្ងៃមុន Lisa បង្ហោះរូប Frédéric បានបង្ហោះរូបថតស្រដៀងនឹង Lisa ដែរ ដែលវាទំនងជាថតនៅប្រទេសអ៊ីតាលី ឬប្រទេសក្រិក ខណៈរូប Lisa ចែករំលែកបានធ្វើឱ្យមនុស្សជាច្រើនសន្មត់ថា វាត្រូវបានថតនៅកន្លែងតែមួយ។

បន្ទាប់ពីរូបថតទាំងអស់ត្រូវបានចែកផ្សាយ អ្នកនិយមលេងអ៊ីនធឺរណិត សន្និដ្ឋានថា Lisa កំពុងសម្រាកលំហែកាយជាមួយគ្រួសារ Arnault ព្រោះតែអ្នកទាំងពីរកំពុងមានទំនាក់ទំនងពិសេសលើសពីមិត្ត។ យ៉ាងណាមិញ អ្នកគាំទ្រមួយចំនួនបានការពារ Lisa ដោយអះអាងថា តារារូបនេះប្រហែលជាកំពុងធ្វើដំណើរទៅចូលរួមព្រឹត្តិការណ៍របស់ក្រុមហ៊ុន BVLGARI ប៉ុណ្ណោះ៕

ប្រែសម្រួល៖ សន្យា

ចុចអាន៖ Lisa បង្កើតភាពភ្ញាក់ផ្អើល ដោយបង្ហោះឈុត ប៊ីគីនីលើកដំបូង

ចុចអាន៖ ប្រព័ន្ធផ្សព្វផ្សាយធំរបស់កូរ៉េរាយការណ៍ថា Lisa កំពុងណាត់ជួបជាមួយទាយាទស្នងមរតក LV

The post ព័ត៌មានណាត់ជួបរវាង Lisa និងទាយាទស្នងត្រកូល LV លេចឮជាថ្មី appeared first on Kampuchea Thmey Daily.

ទ្រព្យសម្បត្តិ​សុទ្ធរបស់ Arnault បាន​កើនឡើង​លើសពី ២០០ ពាន់លាន​ដុល្លារ​អាមេរិក​កាល​ពី​ថ្ងៃអង្គារ​ ដែល​ធ្វើ​ឲ្យ​លោក​ក្លាយ​ជាមនុស្សទីបី បន្ទាប់ពី​នាយកប្រតិបត្តិ Tesla លោក Elon Musk និង​ស្ថាបនិក​ក្រុមហ៊ុន Amazon លោក Jeff Bezos។ យ៉ាងណាមិញ​ដើម្បីឈាន​ដល់​កម្រិត​នៃ​ទ្រព្យសម្បត្តិ​នេះ ​បើយោងតាម​សន្ទស្សន៍ ​Bloomberg Billionaires បាន​បញ្ជាក់​ថា ​លោក Arnault ក៏​ជា​មនុស្ស​ដំបូង​គេ​នៅ​ក្រៅ​សហរដ្ឋ​អាមេរិក ដែល​មាន​ទ្រព្យ​សម្បត្តិ​លើស​ពី ២០០​ពាន់​លាន​ដុល្លារផងដែរ។

ថៅកែ LV រូបនេះ​ទទួល​បាន​ទ្រព្យសម្បត្តិ​ពីភាគហ៊ុន ៩៧.៥ ភាគរយ​នៅក្នុងក្រុមហ៊ុនដែល​កាន់​កាប់​ម៉ាកយីហោ​ម៉ូដប្រណីត Christian Dior គ្រប់គ្រង ៤១.៤ ភាគរយ​នៃ LVMH ។ ទ្រព្យសម្បត្តិសុទ្ធ​របស់គាត់​បានកើនឡើងចំនួន ២.៤ ពាន់លានដុល្លារ ដែលនាំទ្រព្យសម្បត្តិរបស់លោកកើនដល់ ២០១ពាន់លានដុល្លារអាមេរិក យោងទៅតាម​សន្ទស្សន៍​របស់ Bloomberg បញ្ជាក់។

ទោះយ៉ាងណាក៏ដោយ ទ្រព្យសម្បត្តិសុទ្ធរបស់​មហាសេដ្ឋី​បារាំង​បានកើនឡើង​ទ្វេដង​ចាប់តាំង​ពី​ដើម​ឆ្នាំ ២០២០មកម្ល៉េះ ចំ​ពេល​មាន​តម្រូវការ​ខ្លាំង​សម្រាប់​ទំនិញប្រណិតៗ ស្របពេលដែល​អ្នក​ប្រើប្រាស់​បាន​ហក់​ឡើង​លើកាបូប និងនាឡិការបស់​អ្នករចនា​ម៉ូដ​ ក្នុងអំឡុងពេល​មាន​ការ​រិតត្បិតជំងឺរាតត្បាតកូវីដ១៩។ ជាមួយគ្នានេះដែរ ចំណង់​ចំណូល​ចិត្ត​ដ៏​រឹងមាំ​សម្រាប់​ទំនិញ​ប្រណិត​កំពុង​ជួយ LVMH ដែល​មាន​ម៉ាក​យីហោ​ម៉ូដ​ប្រណិត​ជាច្រើន​រួម​មាន​ក្រុមហ៊ុន​ផលិត​ទំនិញ​ស្បែក Louis Vuitton អ្នក​ផលិត​គ្រឿងអលង្ការ Tiffany & Co. និង​អ្នក​ផលិត​នាឡិកា Tag Heuer។

ត្បិតថាលោក Bernard Arnault ជាមហាសេដ្ឋីលំដាប់ទី៣ក្ដី ប៉ុន្តែបុរសវ័យ៧៣ ឆ្នាំរូបនេះ​មិនបានប្រកាសថាអ្នកណានឹងស្នងតំណែងជានាយកប្រតិបត្តិ LVMH បន្តនោះទេ។ កូនស្រីតែម្នាក់របស់គាត់ឈ្មោះ Delphine Arnault ជាអ្នកដឹកនាំម៉ាកយីហោម៉ូដ​សំខាន់ Dior ខណៈដែលកូនប្រុសច្បង​គឺ Antoine Arnault គឺជានាយកប្រតិបត្តិនៃ​ក្រុមហ៊ុន​គ្រប់គ្រងរបស់ LVMH Christian Dior៕

ប្រែសម្រួល៖ សាង ស្រីល័ក្ខ

ចុចអាន៖លោក ថាក់ស៊ីន ក្លាយជាសេដ្ឋីថៃកើនទ្រព្យដល់ទៅ ១០០ លានដុល្លារ លើសឆ្នាំមុន

ចុចអាន៖តំបន់ហាមឃាត់ ៨ កន្លែងលើលោក គ្រោះថ្នាក់ដល់ស្លាប់ បើហ៊ានតែទៅ

The post ថៅកែ LV ក្លាយជាសេដ្ឋីពិភពលោកទី ៣ បន្ទាប់ពី Elon Musk និង Jeff Bezos appeared first on Kampuchea Thmey Daily.

ប៉ុន្តែក្រៅពីជាកេរ្តិ៍ឈ្មោះ និងការលក់របស់ម៉ាកយីហោប្រណិតនេះជុំវិញពិភពលោក តើមានអ្វីផ្សេងទៀតដែលត្រូវដឹងអំពី Louis Vuitton?

១ Louis Vuitton មិនដែលបញ្ចុះតម្លៃ

ម៉ាក់យីហោ Louis Vuitton មិនដែលមានការបញ្ចុះតម្លៃទេ ដោយជ្រើសរើសជំនួសវិញដោយរក្សាផលិតផលក្នុងតម្លៃថេរពេញមួយឆ្នាំ។ ម៉ាកយីហោនេះតែងតែព្រមានអតិថិជនរបស់ខ្លួនប្រឆាំងនឹងការទិញកាបូបបញ្ចុះតម្លៃនៅតាមអ៊ីនធឺណិត ជារឿយៗថាជាទំនិញក្លែងក្លាយ។

២ ក្រុមហ៊ុន Louis Vuitton ចាប់ផ្តើមផលិតប្រអប់ដាក់ឥវ៉ានជាផលិតផលដំបូង

Louis Vuitton ត្រូវបានបង្កើតឡើងក្នុងឆ្នាំ ១៨៥៤ ដោយលោក Louis Vuitton ផលិតផលដំបូងដែលគាត់បានផលិតសម្រាប់ក្រុមហ៊ុនគឺប្រអប់ដាក់ឥវ៉ាន់។ នៅពេលដែលលោក Louis Vuitton បានស្លាប់នៅឆ្នាំ ១៨៩២ អាជីវកម្មនេះត្រូវបានផ្ទេរទៅឲ្យកូនប្រុសរបស់គាត់ Georges ដែលកូនតែមួយគត់ រហូតមកដល់ចំណុចនេះ ក្រុមហ៊ុន Louis Vuitton ក៏បានផលិតកាបូប និងកាបូបតូចៗប្រណិតផងដែរ។

៣ អ្នកគ្រប់គ្រង់ Louis Vuitton ជំនាន់ទីបី

នៅពេលដែលលោក Georges Vuitton បានស្លាប់នៅឆ្នាំ ១៩៣៦ កូនប្រុសច្បងរបស់គាត់ Gaston បានទទួលមរតកបន្ត ហើយលោកបានក្លាយជាបុរសជំនាន់ទី ៣ របស់ Vuitton ដែលគ្រប់គ្រងម៉ាកយីហោនេះ។ នៅក្រោមការគ្រប់គ្រង់របស់ Gaston Vuitton ក្រុមហ៊ុនបានចាប់ផ្តើមផលិតកាបូប និងឥវ៉ាន់តូចៗបន្ថែមទៀត ហើយស្បែកសត្វបានក្លាយជាសម្ភារៈចម្បងនៅក្នុងផលិតផល Louis Vuitton ដែលម៉ាកនេះត្រូវបានគេស្គាល់យ៉ាងច្បាស់ដល់សព្វថ្ងៃនេះ។

៤ ប្រអប់ដាក់អីវ៉ាន់ត្រូវផលិតជាវ៉ាលីរូបរាងថ្មីរបស់ក្រុមហ៊ុន Louis Vuitton

ប្រអប់ដាក់ឥវ៉ាន់របស់ Louis Vuitton មិនមានរូបរាង និងរចនាបទបែបមុខទៀតទេ ដោយអ្នករចនាដំបូងគេដែលបង្កើតការឆ្នៃម៉ូដប្រអប់ដាក់អីវ៉ាន់ទៅជាវ៉ាលីរូបរាងថ្មី ការរចនាថ្មីនេះ​បាន​អនុញ្ញាត​ឱ្យ​កំណាត់​ដាក់អីវាន់កាន់តែងាយស្រួល។

៥ អក្សរកាត់ LV ដ៏ល្បីល្បាញបានកើតឡើងបន្ទាប់ពីការស្លាប់របស់លោក Louis Vuitton

កូនប្រុសរបស់គាត់ឈ្មោះ Georges Vuitton បានបង្កើតនិមិត្តសញ្ញា “L” និង “V” ត្រួតស៊ីគ្នានៅឆ្នាំ ១៨៩៦ បួនឆ្នាំក្រោយលោក Louis ក៏ស្លាប់ ហើយការរចនាម៉ូដអក្សរកាត់និងផ្កាដ៏សាមញ្ញបានធើ្វឲ្យក្រុមហ៊ុន Louis Vuitton ក្លាយជាម៉ាកម៉ូដែលទទួលស្គាល់ល្បីបំផុតមួយនៅក្នុងពិភពលោក។

៦ Louis Vuitton បង្កើតប្រព័ន្ធចាក់សោរថ្មីជួយថែរក្សាឥវ៉ាន់របស់អតិថិជន

មុនពេលមរណភាពរបស់ Louis Vuitton គាត់ និងកូនប្រុសរបស់គាត់ឈ្មោះ Georges បានបង្កើតប្រព័ន្ធចាក់សោរថ្មីដើម្បីជួយរក្សាឥវ៉ាន់របស់អតិថិជនរបស់ពួកគេឱ្យកាន់តែមានសុវត្ថិភាព។ ពីព្រោះចោរតែងតែរកមើលកាបូបថ្លៃៗដែលអ្នកមានប្រើប្រាស់ ហើយប្រព័ន្ធថ្មីនេះបានធ្វើឱ្យវាកាន់តែមាន​សុវត្ថិភាពសម្រាប់​អតិថិជន។

៧ ក្រុមហ៊ុននេះមានទំនាក់ទំនងជាមួយរបបណាស៊ីកំឡុងសង្គ្រាមលោកលើកទីពីរ

បន្ទាប់ពីការលុកលុយរបស់ណាស៊ីនៅប្រទេសបារាំងក្នុងឆ្នាំ ១៩៤០ ហាងម៉ូដជាច្រើនត្រូវបានបញ្ជាឱ្យបិទ លុះត្រាតែពួកគេធ្វើការជាមួយរបបនោះ។ ក្រោមការគ្រប់គ្រងរបស់ Gaston Vuitton ក្រុមហ៊ុន Louis Vuitton មិនបានបិទទ្វារ និងធ្វើការជាមួយរដ្ឋាភិបាលដែលគាំទ្រដោយណាស៊ី។

៨ Louis Vuitton គឺជាផលិតផលដែលមានគុណភាព

ហេតុផលមួយក្នុងចំណោមហេតុផលដែលកាបូបប្រណិតLV ទាំងនេះមានតម្លៃថ្លៃខ្លាំងនោះគឺថាវា ប្រើប្រាស់បានយូរមិនគួរឱ្យជឿ និងរឹងមាំ។ សម្ភារៈ Louis Vuitton អាចទប់ទល់នឹងលក្ខខណ្ឌត្រូវទឹកសូម្បីតែភ្លើង ហើយខ្សែរ៉ូតត្រូវបានបើកនិងបិទសាកល្បងប្រហែល ៥,០០០ ដងមុខនិងដាក់លក់។

៩ LV ជ្រើសរើសតែម៉ូដែលល្បីធ្វើការជាមួយ

អ្វីគ្រប់យ៉ាងអំពី Louis Vuitton ត្រូវបានគេមើលឃើញថារួមទាំងឱកាសក្នុងការងារតារាល្បីក៏ធ្វើជាម៉ូដែលឲ្យក្រុមហ៊ុននេះដែរ។ ម៉ាកល្បីៗចង់បានម៉ូដែលដែលមានកេរ្តិ៍ឈ្មោះល្បីល្បាញ​ ដូច្នេះវាមិនមែនជារឿងចម្លែកទេដែលតារាសម្តែង Emma Stone, Léa Seydoux និង Alicia Vikander ស្ថិតក្នុងចំណោមមុខមាត់របស់ Louis Vuitton ។

១០ លោក Louis Vuitton ធ្លាប់បានធ្វើការឱ្យភរិយារបស់ណាប៉ូឡេអុង

អ្នកប្រហែលជាឆ្ងល់ពីរក្រុមហ៊ុន LV ផលិតរបស់លក់ឲ្យអតិថិជនដែលមានទ្រព្យសម្បត្តិ និងឋានៈខ្ពស់តែប៉ុណ្ណោះ ពីព្រោះលោក Louis Vuitton ធ្លាប់បានធ្វើការឱ្យលោកស្រី Joséphine ដែលជាភរិយារបស់ណាប៉ូឡេអុងអធិរាជនៃប្រទេសបារាំង។

១១ ការបូប LV Mini Speedy បង្កើតឡើងដោយតារាសម្ដែងនិងបង្ហាញម៉ូដ Audrey Hepburn

ក្នុងទសវត្សរ៍ឆ្នាំ ១៩៦០ តារាសម្ដែង និងជាតារាបង្ហាញម៉ូដ Audrey Hepburn បានទាក់ទងទៅក្រុមហ៊ុន Louis Vuitton ដោយសុំឱ្យក្រុមហ៊ុនធ្វើការបូប Mini Speedy ឲ្យនាង។ ការរចនាសម្រាប់ ការបូប “Speedy” ត្រូវបានបង្កើតឡើងក្នុងឆ្នាំ ១៩៣០ ហើយសព្វថ្ងៃនេះប្រភទនេះការបូកមានគ្រប់ទំហំខុសៗគ្នា។

យ៉ាងណាមិញ ឥឡូវនេះ LV កំពុងដំណើរការនៅក្នុងប្រទេសជាច្រើន គឺជាម៉ាកដ៏ពេញនិយមបំផុតមួយ មិនត្រឹមតែនៅក្នុងឧស្សាហកម្មម៉ូដប៉ុណ្ណោះទេ ប៉ុន្តែក៏មាននៅក្នុងពិភពលោកទាំងមូលផងដែរ ៕

ប្រែសម្រួល៖នាងតូច

ចុចអាន៖តារាចម្រៀង Lisa ទទួលមរណភាព បន្ទាប់ពីចប់កម្មវិធី Golden Globes

The post រឿងពិត ១១ យ៉ាងគួរឱ្យចាប់អារម្មណ៍ អំពីម៉ាកយីហោ Louis Vuitton appeared first on Kampuchea Thmey Daily.

ដូច្នេះហើយកម្ពុជាថ្មីបានជីកកាយ អំពីជីវប្រវត្តិលោក Louis Vuitton ឲ្យប្រិយមិត្តអ្នកអានបានដឹងកាន់តែច្បាស់ ថាតើលោកមានប្រវត្តិបែបណាខ្លះ។

Louis Vuitton កើត​នៅ​ថ្ងៃទី ៤ ខែ សីហា​ ឆ្នាំ ១៨២១ គាត់​ដឹង​ក្ដី​ឡើង​លើ​ទឹកដី អានឆេយ (Anchay) ប្រទេស​បារាំង។ Louis មាន​ឪពុក​ជា​កសិករ និង​ម្ដាយ​ជា​អ្នក​ធ្វើមួក។ កាលនោះ​ប្រទេស​បារាំង​ទើប​តែ​ងើប​ឡើង​ពី​សង្គ្រាម​ណាប៉ូឡេអុង​នៅ​ឡើយទេ ដូច្នេះ​ហើយ​កសិករ​ជា​ច្រើន​ទាំង​គ្រួសារ Vuitton ក៏​ធ្លាក់​ខ្លួន​យ៉ាង​ខ្លាំង​ផងដែរ។ ដោយការ​ទាល់ច្រក Louis សម្រេចចិត្ត​ធ្វើ​ចម្ការ​ពី​ព្រលឹម​ទល់​ល្ងាច​តែ​ម្ដង​ទៅ គាត់ដាំដំណាំ ប្រមូលផលដំណាំ ចិញ្ចឹមសត្វ និង​រក​អុស​សម្រាប់​ជីវភាព​គ្រួសារ។

ដល់​ពេល​មួយ​ដែល Louis មានអាយុ ១០ឆ្នាំ ជីវិតរបស់គាត់កាន់តែពិបាក ម្ដាយលាចាកលោក ចំណែក​ឯ​ឪពុក​ក៏​រៀបការ​ប្រពន្ធ​ថ្មី​ដែល​ម្ដាយ​ចុង​របស់​គាត់គឺ​ជាស្ត្រីចិត្តអាក្រក់​ដូចក្នុង​រឿង​ព្រេង​និទាន នាង​ធ្វើបាប Louis រហូតដល់ Louis រត់​ចោល​ផ្ទះ​តែ​ម្ដងទៅ។ ក្នុងឆ្នាំ ១៨៣៥ ពេល Louis មានអាយុ ១៣ឆ្នាំ គាត់រត់ទៅបារាំងទាំងគ្មានលុយ គ្មាន​អាហារ សំណាងល្អ Louis ទទួល​បាន​ការងារ ជាកូនជាងធ្វើវត្ថុប្រើប្រាស់​ទាំង​ដឹង​ថា​ការងារ​នេះ​មិន​សូវ​ជា​រកប្រាក់បានប៉ុន្មានទេ ប៉ុន្តែ​គេ​បង្រៀន​គាត់​ឲ្យ​ចេះធ្វើវត្ថុ​ចេញពី ថ្ម លោហៈ ក្រណាត់ និង​ឈើ។

បន្ទាប់មក​មាន​ខ្សែ​រទេះភ្លើង​គេ​បើក​ដំបូង​ទៅ​ទីក្រុង​ប៉ារីស អ្នក​ដំណើរ​ស្ទើរ​តែ​គ្រប់​គ្នា​ត្រូវការ​ប្រអប់​ធំៗ​ដែល​អាច​ដាក់​អីវ៉ាន់​ដូចជា គំនូរ ឧបករណ៍តន្ត្រី និង គ្រឿង​សង្ហារិម​ជាដើម។ លោក​មេជាង Monsieur Maréchal បាន​ជួល Louis មកធ្វើជាកូនជាង ដោយសារតែ louis មាន​ជំនាញ​ស្រាប់។ Louis មាន​ស្នាដៃ​ល្បីរន្ទឺធ្វើ​ឲ្យ​អធិរាជ​ស្រី Eugénie de Montijo តែងតាំង​គាត់​ជា​ជាង​ផ្ទាល់​ខ្លួន។ មួយឆ្នាំក្រោយមក Louis ក៏សម្រេចចិត្ត​បើក​ហាង​ដំបូង​ជាមួយ​ការ​ច្នៃប្រឌិត​ថ្មីៗ ​ទទួល​បាន​ការ​ពេញចិត្ត​ពី​ភ្ញៀវ​ជាខ្លាំង។

ក្រោយមក​ក៏​មាន​សង្គ្រាម​ទៀត ​ធ្វើឲ្យ​ Louis ធ្លាក់ខ្លួន​ជា​លើក​ទីពីរ​ សូម្បី​តែ​អាហារ​សឹង​តែ​មិនបាន​បរិភោគ ​រហូត​ដល់​ឆ្នាំ ១៨៧១ សង្គ្រាម​បាន​បញ្ចប់ Louis ក៏​ត្រលប់​មក​ផ្ទះ​វិញ។ ពឹង​លើ​ប្រាក់​សន្សំ​ គាត់​ក៏​ចាប់ផ្ដើម​ម្ដង​ទៀត អ្វីៗ​ក៏​ល្អ​ឡើង​វិញ ជាអកុសល Louis ស្លាប់​នៅ​អាយុ ៧២ឆ្នាំ ដោយ​គ្មាន​មូលហេតុ ហើយ​កូនប្រុស​របស់ Louis ឈ្មោះ Georges Vuitton ក៏​បាន​បន្ត​មុខ​ជំនួញ​ និង​បង្កើត​ស្លាក​សញ្ញា​ជា​ការ​ចងចាំ​ពី​ឪពុក​របស់​គាត់​គឺ LV នេះឯង៕

ប្រែសម្រួល៖ វារី

ចុចអាន៖កំពូលម៉ាកយីហោសំលៀកបំពាក់ថ្លៃបំផុតទាំង១០ ជា Brands លំដាប់ពិភពលោក

ចុចអាន៖ប្រវត្តិបិសាចសមុទ្រ សាយរ៉ិន ស៊ីសាច់ជាអាហារ និងស្អប់មនុស្សប្រុសខ្លាំង

The post Louis Vuitton ពីក្មេងអនាថា ក្លាយជាម្ចាស់យីហោម៉ាកល្បី LV appeared first on Kampuchea Thmey Daily.

ក្រុមហ៊ុនធំរបស់LVមាន​ឈ្មោះថា​ LVMH មានទីស្នាក់ការកណ្តាលនៅទីក្រុងប៉ារីសប្រទេសបារាំង​ក្នុងទំហំ​ទឹកប្រាក់ ៣៣ ពាន់លានដុល្លារ លើផ្សារហ៊ុន។

បច្ចុប្បន្ន LVMH មាននិយោជិកជាង ១២១ ពាន់នាក់ និងមាន​លោក Bernard Arnault ជានាយកប្រតិបត្តិ ។ លោកក៏ជា​អ្នកមាន​លំដាប់ទីពីរក្នុងលោក​ជាមួយ ទ្រពសកម្ម១០៧,៦ ពាន់លាន​ដុល្លារអាមេរិក។

LV ជាស្លាកសញ្ញាដែល​ដំណើរការ​អាជីវកម្ម បាន១៦៥ ឆ្នាំមកហើយ​ត្រូវបានគេ​ចុះបញ្ជី​ថាជាម៉ាកដែលមាន​តម្លៃ​បំផុតទី ១៥ នៅលើទីផ្សារ​ពាណិជ្ជកម្មពិភពលោកជាមួយ​ផលិតផលនានា​ដូចជា​កាបូបដៃ​កាបូបយួរ​ស្បែកជើង​ នាឡិកា គ្រឿងអលង្ការ ផលិតផលស្បែកនិងទឹកអប់។

តោះទស្សនាថា ហេតុអ្វីបានជា LV អាចទទួលតំណែងជាស្តេចម៉ាកសញ្ញានៃប្រណីតភាព?

អត្ថបទ៖ ចម្រើន​ តារា

ចុចអាន៖ ឡានថ្លៃបំផុតក្នុងលោកមានម្ចាស់ហើយ លក់បានតម្លៃ ៣ ៨.១ លានដុល្លារអាមេរិក​

The post អាថ៌កំបាំងដែលនាំឱ្យ LV ក្លាយជាស្តេច នៃបណ្តាម៉ាកយីហោដ៏ប្រណីតលើលោក appeared first on Kampuchea Thmey Daily.