ពួកគាត់ បន្ថែមទៀតថា កាតព្វកិច្ចយោធា គឺជារឿងសំខាន់សម្រាប់ប្រទេស ក្នុងករណីប្រទេសមានសង្គ្រាម ពួកគាត់ជាសិស្ស-និសិ្សត ក៏មិនមានឱកាសបានរៀនសូត្រនោះដែរ។ ដោយឡែក ការរៀនសូត្រ ក៏ជាតួនាទីភារកិច្ច ជាធនធានល្អសម្រាប់ប្រទេសដែរ។

ច្បាប់កាតព្វកិច្ចយោធា គឺកំហិតសម្រាប់យុវជនដែលមានអាយុចាប់ពី ១៨ ដល់ ២៥ ឆ្នាំ និង ផ្តល់គោលការណ៍ស្ម័គ្រចិត្តសម្រាប់នារី។

សេចក្តីព្រាងច្បាប់ថ្មី ស្តីពី «កាតព្វកិច្ចយោធា» បានតម្រូវឲ្យយុវជនត្រូវបំពេញកាតព្វកិច្ចយោធារយៈពេលពីរឆ្នាំ(២៤ ខែ)ជាកំហិត ហើយអាចបន្ត ៦ ខែ បន្ថែមទៀត ក្នុងករណីចាំបាច់បំផុត។ ប៉ុន្តែចំពោះជនណាដែលមានបំណងគេចវេសពីការបំពេញកាតព្វកិច្ច អាចប្រឈមទោសដាក់ពន្ធនាគារចាប់ពី ៦ ខែ រហូតដល់ ៥ ឆ្នាំ អាស្រ័យលើទម្ងន់ទោស និងកាលៈទេសៈជាក់ស្តែង លើកលែងតែ ចំពោះភិក្ខុសង្ឃ បុព្វជិតសាសនា អ្នកមានពិការភាព និងអ្នកជំនាញជាន់ខ្ពស់ដែលកំពុងបំពេញបេសកកម្មសំខាន់ៗ ជូនជាតិប៉ុណ្ណោះ ដែលត្រូវបានលើកលែងសម្រាប់ការមិនបំពេញកាតព្វកិច្ចយោធា៕
អត្ថបទ ៖ សុភា

The post យុវជន ត្រៀមខ្លួនពេញលេញចូលរួមបំពេញកាតព្វកិច្ចយោធា នៅពេលជាតិមានតម្រូវការ appeared first on Kampuchea Thmey Daily.

ក្រុម​យុវជន លើក​ឡើង​ថា ការ​សម្រេចចិត្ត​របស់​ថ្នាក់ដឹកនាំ​ដែល​មាន សម្តេច​តេ​ជោ ហ៊ុន សែន និង សម្តេច​ធិបតី ហ៊ុន ម៉ាណែត ក្នុង​ការ​បន្ត​បិទ​ព្រំដែន​រវាង​ប្រទេស​ទាំង ០២ គឺជា​ការ​សម្រេចចិត្ត​ដ៏​ត្រឹមត្រូវ​បំផុត ព្រោះ​ភាគី​ថៃ​ជា​អ្នក​បិទ​ច្រក​ព្រំដែន​ជា​ឯកតោភាគី​មុន។

យុវជន​បន្ថែម​ថា ដោយសារ​កត្តា​បិទ​ព្រំដែន ហើយ​ពុំ​មាន​ទំនិញ​សៀម​ចូល​មក​ក្នុង​ដី​ខ្មែរ​នេះ​ហើយ ទើប​ធ្វើ​ឲ្យ​ខ្មែរ​ងាក​មក​គាំទ្រ​ផលិតផល​របស់​ខ្មែរ ស្ទើរតែ​ពាសពេញ​ប្រទេស ខណៈ​ទំនិញ​ខ្មែរ ក៏​ជា​ផលិតផល​ដែល​មាន​គុណភាព​ល្អ មិន​ចាញ់​ផលិតផល​ប្រទេស​ដទៃ​នោះ​ឡើយ។ ជាពិសេស​នោះ ជួយ​លើក​ស្ទួយ​សេដ្ឋកិច្ច​ដល់​ប្រជាពលរដ្ឋ និង​ម្ចាស់​អាជីវកម្ម​ក្នុងស្រុក​ផង​ដែរ។

សម្តេច​តេ​ជោ ហ៊ុន សែន ប្រធាន​ព្រឹទ្ធសភា នៃ​ព្រះរាជាណាចក្រ​កម្ពុជា និង​ជា​ប្រធាន​គណបក្ស​កាន់​អំណាច ធ្លាប់​បាន​បញ្ជាក់​ថា ជំហរ​របស់​កម្ពុជា នឹង​មិន​ផ្លាស់ប្ដូរ​ទេ ហើយ​កម្ពុជា​ក៏​មិន​ធ្វើ​ថោក​ទៅ​សុំ​ថៃ​បើក​ច្រក​ព្រំដែន​នោះ​ដែរ។ ថៃ អាច​បន្ត​បិទ ១០០ ឆ្នាំ​ទៀត ក៏​កម្ពុជា​មិន​ស្លាប់​ដែរ។

សម្តេច​តេ​ជោ បាន​អរគុណ​ទៅ​ភាគី​ថៃ ដែល​តាមរយៈ​ការ​បិទ​ព្រំដែន​ជា​ឯកតោភាគី​នេះ ធ្វើ​ឲ្យ​ទំនិញ​ថៃ​នាំ​ចូល​មក​មិន​បាន ហើយ​បាន​ធ្វើ​ឲ្យ​ទំនិញ​កម្ពុជា​ដែល​ផលិត​ក្នុងស្រុក​មាន​ការ​រីកចម្រើន​យ៉ាង​ខ្លាំង។ ប្រជាជន​កម្ពុជា​ដែល​ស្រឡាញ់​ជាតិ​នាំគ្នា​គាំទ្រ​ប្រើប្រាស់​ទំនិញ​ក្នុងស្រុក ដែល​នេះ​នឹង​គាំទ្រ​ដល់​ការ​រីកចម្រើន​ខាង​សេដ្ឋកិច្ច​សម្រាប់​រយៈពេល​វែង​ផង​ដែរ៕

អត្ថបទ ៖ សុភា

The post យុវជន គាំទ្រយ៉ាងខ្លាំងចំពោះជំហរមុតមាំរបស់ថ្នាក់ដឹកនាំកម្ពុជាលើការបន្ត បិទព្រំដែន ខណៈទំនិញខ្មែរក្នុងស្រុកមានគ្រប់គ្រាន់សម្រាប់ប្រើប្រាស់ appeared first on Kampuchea Thmey Daily.

បើតាមលោក ហេង សំហេង គោលបំណងនៃជំនួបនេះ គឺដើម្បីទទួលបាននូវធាតុចូល និងអនុសាសន៍នានាពាក់ព័ន្ធបន្ថែមនឹងវិស័យព័ត៌មានពីក្រសួងព័ត៌មានទៅដល់ក្រុមយុវជនសង្គមស៊ីវិល ជាពិសេសលើកិច្ចការសង្គម និងព័ត៌មានដែលក្រុមយុវជនសង្គមស៊ីវិល កំពុងធ្វើសកម្មភាពនេះឱ្យកាន់តែមានប្រសិទ្ធភាព ស្របតាមច្បាប់ជាធរមាន ដោយធ្វើយ៉ាងណាឱ្យសង្គមកម្ពុជាមានការរីកចម្រើន និងរក្សាបានសណ្តាប់ធ្នាប់ល្អលើវិស័យព័ត៌មាន។

ក្នុងជំនួបនេះ លោក ផុស សុវណ្ណ បានសម្តែងនូវការស្វាគមន៍ចំពោះក្រុមយុវជនដែលចូលរួមជួយការងារសង្គមផ្សេងៗ ជាពិសេសលើវិស័យព័ត៌មាន ស្របទៅនឹងគោលការណ៍ និងច្បាប់របស់រាជរដ្ឋាភិបាលកម្ពុជា។ ជាមួយគ្នានេះ លោក ផុស សុវណ្ណ បានគូសបញ្ជាក់ថា ដើម្បីប្រទេសជាតិមានការរីកចម្រើន យុវជនគ្រប់រូបត្រូវធើ្វជាគំរូល្អដល់យុវជនជំនាន់ក្រោយ។

ស្ថិតក្នុងឱកាសនោះ លោក ផុស សុវណ្ណ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានព័ត៌មាន និង សោតទស្សន៍ ក៏បានផ្ដល់អនុសាសន៍មួយចំនួនដល់ក្រុមយុវជនសង្គមស៊ីវិលផងដែរ ដោយបានជំរុញនូវការផ្សព្វផ្សាយលើវិស័យអប់រំ បញ្ហាគ្រោះថ្នាក់ចរាចណ៍ បញ្ហាគ្រឿងញៀន ដែលជាផ្នែកមួយសំខាន់ក្នុងការចូលរួមធ្វើឱ្យសង្គមជាតិមានការរីកច្រើន។

លោក ផុស សុវណ្ណ បានជំរុញឱ្យក្រុមយុវជនចូលរួមលុបបំបាត់នូវរាល់ព័ត៌មានក្លែងក្លាយ ឬក្លាយជាឧបករណ៍នយោបាយក្នុងន័យអវិជ្ជមាន ហើយចូលរួមផ្សព្វផ្សាយសមិទ្ធផលជាតិ ពិសេសយន្តការអភិវឌ្ឍន៍ ស្របតាមគោលនយោបាយរបស់រាជរដ្ឋាភិបាល និងយុទ្ធសាស្រ្តបញ្ចកោណដំណាក់កាលទី១ ដែលដឹកនាំដោយសម្តេចធិបតី ហ៊ុន ម៉ាណែត ជាដើម។

ជាការឆ្លើយតបលោក ហេង សំណាង ប្រធានក្រុមយុវជនសង្គមស៊ីវិល បានជម្រាបជូនលោកប្រតិភូរាជរដ្ឋាភិបាល ថា បណ្ដុំអង្គការសង្គមស៊ីវិល នឹងបើកវគ្គបណ្តុះបណ្តាលស្ដីពីវិជ្ជាជីវៈសារព័ត៌មាន និងផ្សព្វផ្សាយព័ត៌មានប្រកបដោយវិជ្ជាជីវៈ ក្រមសីលធម៌ ដល់សមាជិកសមាជិកការនៃក្រុមយុវជនចំនួន៣០០នាក់ នាពេលខាងមុខ និងបន្តបណ្តុះបណ្តាលដល់បណ្តាផែនក្រុមសេដ្ឋកិច្ចក្រៅប្រព័ន្ធ ដែលភាគច្រើនជាអ្នកប្រកបរបរដឹកជញ្ចូន ម្ចាស់អាជីវករលក់ដូរឱ្យមានជំនាញមួយទៀត គឺវិស័យអ្នកសារព៌ត៌មាននេះផងដែរ។

ជាចុងក្រោយលោក ហេង សំណាង ប្រធានក្រុមយុវជនសង្គមស៊ីវិល និងក្រុមសេដ្ឋកិច្ចក្រៅប្រព័ន្ធ​ ក៏បានអំពាវនាវដល់សាធារណៈជនចូលរួមឆ្លើយតបដល់ការផ្សព្វផ្សាយព័ត៌មានក្លែងក្លាយ និងពិនិត្យឱ្យបានគ្រប់ជ្រុងជ្រោយការផ្សព្វផ្សាយព័ត៌មាននានានៅលើបណ្ដាញសង្គម៕

The post យុវជនសង្គមស៊ីវិល ជួបពិភាក្សាជាមួយតំណាងក្រសួងព័ត៌មាន លើកិច្ចការសង្គម និងព័ត៌មាន appeared first on Kampuchea Thmey Daily.

រូបភាពពី៖ និស្សិតផ្លាស្ទិក

ស្ថាបនិកនៃ “និស្សិតប្លាស្ទិក” គឺលោក ហែម សុភេម វ័យ២១ឆ្នាំ ជានិស្សិតប្រុសឆ្នាំទី៣ បច្ចុប្បន្នសិក្សាជំនាញភាសាអង់គ្លេស នៅវិទ្យស្ថានភាសាបរទេស (IFL) នៃសាកលវិទ្យាល័យភូមិន្ទភ្នំពេញ។ លោកបានឱ្យ “កម្ពុជាថ្មី” ដឹងថា “និស្សិតប្លាស្ទិក” គឺលោកជាអ្នកបង្កើតឡើងដំបូងតាំងពីឆ្នាំ២០២២ តែម្នាក់ឯងប៉ុណ្ណោះ។

សព្វថ្ងៃលោកក៏បានកៀរគសមាជិកចូលរួមប្រមាណជិត ៥០០នាក់ហើយ ដោយ៩០% គឺជានិស្សិត ហើយយុវជនទាំងអស់សុទ្ធតែមិនធ្លាប់ស្គាល់គ្នាពីមុនមកឡើយ។

លោក ហែម សុភេម (រូបភាពពី៖ និស្សិតផ្លាស្ទិក)

ការបង្កើតក្រុម “និស្សិតប្លាស្ទិក” នេះឡើងមកគឺធ្វើឡើងក្នុងគោលបំណង៣សំខាន់ៗ។ ទី១ ដើម្បីសោភ័ណភាពទីក្រុងស្អាត ទី២ ធ្វើជាគំរូល្អដល់មនុស្សជំនាន់ក្រោយ និងទី៣គឺ ការផ្លាស់ប្តូរទម្លាប់ចោលសំរាមផ្តេសផ្តាសរបស់ប្រជាជនខ្មែរ។ លោកថា ដំបូងឡើយសម្ភារៈសម្រាប់រើសសំរាមផ្សេងៗ គឺលោកជាអ្នកចេញថវិកាផ្ទាល់ខ្លួនទិញទាំងអស់ ដោយមិនមានការគាំទ្រពីអង្គការណាមួយឡើយ។ បន្ទាប់មក ទើបមានសប្បុរសជនមួយចំនួនបានឃើញនៅលើបណ្តាញសង្គម និងជួយឧបត្ថម្ភថវិកាមួយចំនួន ហើយក្រុមលោកក៏បានទុកថវិកាទាំងនោះក្នុងការទិញសម្ភារមួយចំនួនសម្រាប់រើសសំរាម។  

រូបភាពពី៖ និស្សិតផ្លាស្ទិក

លោក ហែម សុភេម លើកឡើងថាថា៖ “បើទោះបីជាអត់មានអ្នកជួយ ក៏យើងនៅតែចេញធ្វើដដែល ក៏ខ្ញុំនៅតែចំណាយដដែលហ្នឹង”។

កន្លែងដែល “និស្សិតប្លាស្ទិក” កំណត់សម្រាប់រើសសំរាម គឺជាកន្លែងដែលមានមនុស្សរស់នៅ និងប្រមូលផ្តុំច្រើន។ កន្លែងទាំងនោះមានដូចជា តំបន់មាត់ទន្លេ នៅមុខព្រះបរមរាជវាំង តាមសួនច្បារ តាមមាត់ទន្លេត្រើយម្ខាង និងកន្លែងសាធារណៈជាច្រើនទៀត។ មិនតែប៉ុណ្ណោះ ពួកគេក៏បានចុះទៅកាយសំរាមនៅតាមប្រឡាយលូទឹកស្អុយនៅក្នុងភ្នំពេញ ដូចជាទឹកប្រឡាយបឹងសាឡាង និងស្ទឹងមានជ័យជាដើម។ ក្រៅពីការសិក្សា “និស្សិតប្លាស្ទិក” បានចំណាយពេលរើសសំរាម ៤ដងក្នុងមួយខែ ឬ លើសពីនេះទៅតាមពេលវេលាដែលមាន គឺជ្រើសយកថ្ងៃចុងសប្តាហ៍។ ចំពោះពេលវេលានៃការប្រមូលសំរាម គឺអាស្រ័យទៅតាមទំហំនៃសំរាមដូចគ្នា។

រូបភាពពី៖ និស្សិតផ្លាស្ទិក

យុវជន ហែម សុភេម និយាយថា៖ “បើខ្ញុំប្រមូលក្នុងប្រឡាយលូទឹកស្អុយ យើងប្រមូលពីម៉ោង៧ ពេលខ្លះដល់ម៉ោង២។អ៉ីចឹងមានន័យថា ៦ ទៅ៧ម៉ោង។ តែបើយើងប្រមូលនៅតាមមាត់ទន្លេ យើងមានគ្នាច្រើន ហើយវាអត់មានសំរាមស្អុយពិបាកប្រមូលទេ យើងប្រមូល ២ម៉ោងកន្លះ”។ រាល់ការប្រមូលសំរាមបានម្តងៗ គឺក្រុមយុវជនមួយនេះប្រមូលបានសំរាមយ៉ាងតិចណាស់ក៏ ១០០បាវដែរ។

រូបភាពពី៖ និស្សិតផ្លាស្ទិក

នៅតាមទីកន្លែងមួយចំនួនដែលក្រុមយុវជនមួយនេះបានប្រមូលសំរាមរួច ក៏នៅតែមានប្រជាជនមួយចំនួនបន្តបោះចោលសំរាមដដែល ប៉ុន្តែក៏មានកន្លែងមួយចំនួនប្រជាជនក៏មានការយល់ដឹងច្រើន។ ក្រុមលោកក៏បានធ្វើជាវីដេអូបង្ហោះនៅលើទំព័រហ្វេសប៊ុករបស់ខ្លួន ពីសកម្មភាពប្រមូលសំរាម ការសំណូមពរ និងសារអប់រំមួយចំនួន ឃើញថាមានប្រសិទ្ធភាពបានមួយចំនួនដែរ។ នេះបើតាមការបញ្ជាក់ពីលោក ហែម សុភេម។

រូបភាពពី៖ និស្សិតផ្លាស្ទិក

ក្រុមយុវជននេះ ក៏មានបំណងដើរប្រមូលសំរាមនៅតាមបណ្តាខេត្តនានាផងដែរ ប៉ុន្តែ ធ្វើយ៉ាងណាឱ្យក្រុងភ្នំពេញក្លាយជាទីក្រុងមួយដែលគ្មានសំរាមជាមុនសិន ទើបអាចបន្តតាមបណ្តាខេត្តផ្សេងៗ ហើយក៏អាស្រ័យលើពេលវេលា និងថវិកាផងដែរ

ស្ថាបនិករូបនេះ តំណាងឱ្យក្រុមយុវជន បានសំណូមពរឱ្យប្រជាជនគ្រប់រូប ឱ្យចេះស្រឡាញ់ និងថែរក្សាបរិស្ថាន ដោយចូលរួមចំណែកការពារ ចាប់ផ្តើមពីការឈប់ចោលសំរាមផ្តេសផ្តាស ហើយងាកមកទុកដាក់សំរាមឱ្យមានសណ្តាប់ធ្នាប់ និងត្រឹមត្រូវវិញ ព្រោះគ្រាន់តែចោលសំរាមនៅក្នុងធុងសំរាមមិនមែនជារឿងមួយដែលមនុស្សឡើយ មនុស្សគ្រប់រូបអាចធ្វើបានគ្រប់ៗគ្នា៕

ដោយ៖ អុន ស្រីមាន

The post យុវជនមួយក្រុមសាមគ្គីគ្នាដើរប្រមូលសំរាមជុំវិញភ្នំពេញ appeared first on Kampuchea Thmey Daily.

ជាក់ស្តែង​នៅលើ​គណនី​ហ្វេ​ស​ប៊ុ​ក​យុវជន​ដែល​មាន​ឈ្មោះថា​ Victorya Heng​បាន​រៀបរាប់​ឲ្យ​ដឹង​នៅថ្ងៃ​នេះ​ថា ​ទីបំផុត​ក្តី​ស្រមៃ​របស់ខ្លួន​តាំងពីក្មេង ដែល​ចង់​ចូលធ្វើការ​ក្នុង​ក្រុមហ៊ុន​Facebook បានស​ម្រេច​ហើយ​។​ យុវជន​រូបនោះ​បន្តថា ​កាលពី​រៀន​នៅ​ខ្មែរ​ថ្នាក់​ទី​១០​ ចេះ​ធ្វើ​software និង tools​បន្តិ​ចប​ន្ទួ​ច​ធ្លាប់​ស្រមៃ​ចង់​ចូលធ្វើការ​នៅ​ក្នុង​ក្រុម​ហ៊ុន​ធំ​Facebook​ តែ​កាលនោះ​គិតថា ​មិនអាច​ទៅ​រួច​ឬ​មិន​ងាយ​ទៅរួច​ទេ​ព្រោះ​ពេលនោះ​គិតថា​ មិន​ដឹង​ចេញមក​រៀន​អាមេរិក​ធ្វើ​យ៉ាងម៉េច​ផង​។​

យុវជន​ដដែល​នេះ​បាន​និយាយទៀតថា ថ្ងៃនេះ​៧ឆ្នាំ​ក្រោយមក ​ខ្ញុំ​ទទួលបាន​ឱកាស​ការងារ​ចូលធ្វើការ​នៅក្នុង​ក្រុមហ៊ុន​Facebook​នៅ​ខែ​៥​ខាងមុខនេះ​ រយ​:​ពេល​៣​ខែ​បន្ទាប់ពី​បាន​ជាប់​ការ​ចម្រាញ់​ប្រវត្តិ រូប​ការ​ងារ​និង​ឆ្លងកាត់​ការសម្ភាស​ចម្រាញ់​ដ៏​ពិបាក​ចំនួន​៣​ដង​។ ​អ្វីដែល​ខ្ញុំ​បាន​រៀន​គឺ​អោយតែ​យើង​មាន​ចំណង់​ចំណូលចិត្ត​ក្តី​ស្រមៃ​ខ្ពស់​ជឿជាក់​លើខ្លួនឯង​ និង​ការខិតខំ​ប្រឹងប្រែង​តែ​បន្តិច​ថ្ងៃ​ណាមួយ​យើង​នឹងធ្វើ​វា​បាន​។

ខ្ញុំ​នឹង​ខំប្រឹងប្រែង​ដើម្បី​ក្លាយជា​បុគ្គលិក​ពេញ​សិទ្ធ​នៅ​ថ្ងៃ​ខាងមុខ​។ ​ហើយ​ខ្ញុំ​នឹង​ចែករំលែក​បទ​ពិ​សោធន៍ សម្រាប់​អ្នក​ទាំងអស់គ្នា​ដែលមាន​បំណង​ចង់​ដាក់ពាក្យ​ចូលធ្វើការ​ក្រុមហ៊ុន​ធំៗ​ឆាប់ៗ​នេះ​។ ​រូប​ភាព​កាលពី​ឆ្នាំ​២០១៩​មក​រៀន​អា​មេ​រិច​ដំបូងចិត្ត​ចង់​ចូល​មើល​តែ គេ​ហាម​បាន​ត្រឹម​ឈរ​ថតរូប​មុខ​office Facebook​៕

អត្ថបទ៖ ចាន់​រ៉ា​

​

The post យុវជនខ្មែរដំបូងម្នាក់ សម្រេចក្តីស្រមៃធ្វើការនៅក្នុងក្រុមហ៊ុនFacebook appeared first on Kampuchea Thmey Daily.

ជាមួយគ្នានេះ ក៏មានការចូលរួមផងដែរពីសំណាក់លោកគ្រូ-អ្នកគ្រូ​ សិស្សានុសិស្ស​ មកពីតាមបណ្តាលវិទ្យាល័យ​ក្នុងស្រុក-ក្រុង​ទាំង១០​ ទូទាំងខេត្តកំពង់ចាម​ សរុបប្រមាណជាង៧០០នាក់​។ ពិធីបោះជំរុំនេះ រៀបចំធ្វើឡើងរយៈពេល៧ថ្ងៃ​ ចាប់ពីថ្ងៃទី​១៩ ដល់​ ថ្ងៃទី២៥​ ខែមករា​ ឆ្នាំ​២០២២​នេះ​ នៅវិទ្យាល័យស្គន់​ ស្រុកជើងព្រៃ​។ ​

លោក អ៊ុន​ ចាន់ដា​ អភិបាលខេត្តកំពង់ចាម​ បានជំរុញលើកទឹកចិត្តដល់ក្រុមយុវជនទាំងអស់ ត្រូវចេះយកអ្វីដែលបានធ្វើ និងជួបជុំនៅពេលនេះ យកទៅអនុវត្តន៍បន្តនៅតាមសាលា​ និងតាមសហគមន៍ខ្លួនវិញ ដើម្បីធ្វើយ៉ាងណាឲ្យកម្ពុជាមានធនធានមនុស្សមានសមត្ថភា ពនិង​​ចំណេះវិជ្ជា​ច្រើនសំបូរបែប។ ចំណែក ក្រុមយុវជន​មកពីតាមបណ្តាលវិទ្យាល័យជាច្រើន​ទូទាំងខេត្តកំពង់ចាម​ ដែលបានចូលរួមការបោះជំរុំយុវជន​នេះ បានបង្ហាញអារម្មណ៍សប្បាយរីករាយ​ ដោយពួកគេអាចជួបជុំគ្នា​ ផ្លាស់ប្តូរចំណេះដឹង​ និងបទពិសោធន៍​ថ្មីៗ​ ខណៈ​ដែលរាជរដ្ឋាភិបាល​កម្ពុជា​បានផ្តល់វ៉ាក់សាំងចាក់ស្រោចពេញផ្ទៃប្រទេសទាំងដូសទី១​ រហូតដល់ ដូសទី៣​ជាដូសជំរុញ​ និងបន្តចាក់ជូនដូសទី៤ទៀត​  ដើម្បីប្រយុទ្ធប្រឆាំងទៅនឹងការឆ្លងរីករាលដាលជំងឺកូវីដ-១៩​ និងអាចជួបជុំគ្នាដូចពេលនេះ។

យុវជន ក៏បានបន្ថែមទៀតថា​ ក្នុងនាមយុវជនសម័យនេះ​ គឺត្រូវទទួលនូវអ្វីដែលថ្មីៗ​ តាមបែបវិទ្យាសាស្ត្រ​ជឿនលឿនថ្មី​ៗ និងចេះរួបរួមគ្នាជាផ្លុងមួយ​ ដើម្បីការអភិវឌ្ឃន៍ប្រទេសជាតិ​ឲ្យមានការរីកចម្រើន​ ពោល គឺជាយុវជនត្រូវធ្វើយ៉ាងណាក្លាយខ្លួនឲ្យជាកូនល្អ​ សិស្ស​ល្អ​ មិត្តល្អ​ និងពលរដ្ឋល្អនៅក្នុងសង្គមជាតិផងដែរ៕

អត្ថបទ ៖ ហុង ម៉េង ហៀ

The post ​ខេត្តកំពង់ចាម រៀបចំការបោះជំរុំរយៈពេល១សប្តាហ៍ ដើម្បីជាការជំរុញការអភិវឌ្ឍសមត្ថភាពយុវជន appeared first on Kampuchea Thmey Daily.

អ្នកឧកញ៉ា គិត ម៉េង បានប្រសាសន៍តាមទំព័រហ្វេសប៊ុកកាលពីថ្ងៃចន្ទថា៖ «ការឈានដល់វ័យ យុវជន ដំបូងអាចជាពេលវេលាដ៏ស្មុគស្មាញ ដោយសារអ្នកត្រូវមានពេលវេលា និងមានការសម្រេចចិត្តជាច្រើនដែលត្រូវធ្វើសម្រាប់អនាគត។ ក្មួយៗខ្លះប្រហែលជាកំពុងត្រៀមខ្លួន ដើម្បីបង្ហាញនូវគំនិត និងថាមពលដែលក្មួយមាន ចំណែកក្មួយៗខ្លះទៀតប្រហែលជាមានអារម្មណ៍ច្របូកច្របល់ វង្វេង ហើយនៅតែស្វែងរកនូវអ្វីដែលចង់បាននាពេលអនាគតរបស់ខ្លួន»។

ជាមួយនឹងការលើកឡើងបែបនេះ អ្នកឧកញ៉ា គិត ម៉េង បានផ្តល់នូវត្រីវិស័យតម្រង់ទិស និងគន្លឹះចំណុច១៣ ចំណុច ដែលលោកបានឆ្លងកាត់ផ្ទាល់ ដើម្បីចែករំលែកទៅដល់យុវជនជំនាន់ក្រោយ។ ចំណុចទាំងនេះ រួមមាន៖

១. សូមស្វែងរកអ្នកណែនាំ និងតម្រង់ផ្លូវជាមួយនឹងគោលដៅដែលអ្នកចង់បាន

២. សូមព្យាយាមរៀនភាសាឱ្យបានច្រើន កាន់តែច្រើន កាន់តែប្រសើរ

៣. សូមផ្តោតអារម្មណ៍១០០% លើអ្វីដែលអ្នកកំពុងធ្វើ

៤. ត្រូវហ៊ានប្រឈមនឹងហានិភ័យ ហើយដាក់ចិត្តធ្វើកិច្ចការនោះដោយមិនរុញរា

៥. រក្សាផ្នត់គំនិតមិនចុះចាញ់របស់អ្នកក្នុងការធ្វើកិច្ចការតូចធំទាំងឡាយ នៅពេលដែលអ្នកមានអារម្មណ៍ថាចង់បោះបង់។ សូមចងចាំនូវ «មូលហេតុដំបូងបំផុត» ដែលអ្នកសម្រេចចិត្តធ្វើកិច្ចការទាំងនោះឡើងមក

៦. សូមរៀនធ្វើការសម្រេចចិត្តខ្លះៗ ហើយសាកល្បងវិនិយោគបន្តិចម្តងៗលើប្រាក់ចំណូលអកម្មផ្សេងៗ

៧. សូមប្រាប់ខ្លួនឯងនូវហេតុផលដែលអ្នកអាចធ្វើបានឱ្យបានច្រើនជាងមូលហេតុដែលអ្នកធ្វើមិនបាន

៨. សូមចងចាំថា អ្នកអាចធ្វើឱ្យមានវឌ្ឍនភាពជាច្រើនជាមួយនឹងក្តីសុបិន និងមហិច្ឆតាធំរបស់អ្នក

៩. សូមជឿជាក់លើសភាវគតិ វិចារណញាណ បញ្ញា ហើយធ្វើតាមបេះដូងរបស់អ្នក

១០. សូមស្រឡាញ់ខ្លួនឯង និងធ្វើជាអ្នកលើកទឹកចិត្តឱ្យខ្លួនឯងជានិច្ច

១១. ព្យាយាមរាប់នូវចំណុចល្អៗដែលអ្នកមាន ជំនួសឱ្យកំហុសរបស់អ្នក

១២. ធ្វើបច្ចុប្បន្នភាពចំណេះដឹងឱ្យបានគ្រប់គ្រាន់លើផ្នែកឌីជីថល និងគ្រប់គ្រងហិរញ្ញវត្ថុ

១៣. ចំណុចដែលសំខាន់បំផុតនោះគឺ សូមចំណាយពេលឱ្យបានច្រើនតាមតែអ្នកអាចធ្វើបាន សម្រាប់មនុស្សដែលសំខាន់សម្រាប់អ្នកបំផុត៕

អត្ថបទ ៖ វណ្ណ សុគន្ធា

The post អ្នកឧកញ៉ា គិត ម៉េង ប្រាប់គន្លឹះ១៣ចំណុចដល់យុវជន ដើម្បីឲ្យធ្វើការសម្រេចចិត្តត្រូវសម្រាប់អនាគត appeared first on Kampuchea Thmey Daily.

​ក្រុមយុវជន​ចែករំលែក​ទស្សនៈ​ជាមួយ​អគ្គលេខាធិការរង​អាស៊ាន ឯកឧត្ដម ត្រាន់ ឌុ​ក ប៊ិ​ញ ស្ដីពី​តួនាទី​ដែល​យុវជន​អាច​ធ្វើបាន​ដើម្បី​ជួយ​អភិវឌ្ឍ​តំបន់​ឆ្ពោះទៅកាន់​និរន្ដរភាព​។ ភ្ជាប់​ជាមួយ​ប្រធានបទ “​កសាង​អនាគត​ប្រកបដោយ​និរន្ដរភាព​រួមគ្នា​” របស់​សមាគមយុវជន​អាស៊ាន (AYF) ឆ្នាំ​២០២១ សមាគម​បានស្នើ​ឱ្យធ្វើ​បទ​បង្ហាញ និង​ប្រឹក្សា​យោបល់​កាន់តែ​ទូលំទូលាយ​ក្នុងការ​បង្កើត​គោលនយោបាយ​។ ពួកគេ​ក៏​លើកឡើង​ពី​វិធីសាស្ដ្រ​មួយចំនួន​ក្នុងការ​គាំទ្រ​ដល់​កំណើន​អាជីវកម្ម​ចីរភាព និង​ចាប់ផ្ដើម​គម្រោង​យុវជន​អាស៊ាន​អន្ដរជាតិ​ដើម្បី​កិច្ចសហប្រតិបត្ដិការ និង​ចែករំលែក​ចំណេះដឹង ជាពិសេស​ក្នុង​ផ្នែក​នៃ​ការផ្ដល់​សិទ្ធិអំណាច​ដល់​យុវជន ការណែនាំ​ប្រៀប​ប្រដៅ កិច្ចការពារ​សេរីភាព​មូលដ្ឋាន​របស់​យុវជន បច្ចេកវិទ្យា​ឌីជីថល និង​ថាមពល​បញ្ចេញ​បានទាប​។

​រយៈពេល ៥​ថ្ងៃ យុវជន ៣៣​នាក់ បាន​ចូលរួម​ក្នុង​កិច្ចពិភាក្សា​ជា​ហូរហែ ដែល​រិះរក​ន​វា​នុ​វត្ដ​ភាព​ក្នុង​កិច្ចការ​គ្រប់គ្រង​សុខភាព​សាធារណៈ បរិស្ថាន សង្គម និង​អភិបាលកិច្ច​ស្ដង់ដារ (ESG) ក៏ដូចជា​មាន​កិច្ចសហការ​ក្នុងចំណោម​សហគមន៍​ប្រជាជាតិ​អាស៊ីអាគ្នេយ៍ និង​តួនាទី​យុវជន​ក្នុងការ​បញ្ចេញ​សំឡេង​ដ៏​មាន​ឥទ្ធិពល​ដើម្បី​កសាង​អនាគត​ប្រកបដោយ​និរន្ដរភាព​។

​ក្រុមយុវជន​មានឱកាស​ប្រាស្រ័យ​ទាក់ទង​ជាមួយ​មេដឹកនាំ​ប្រកបដោយ​វិចារណញាណ​ដ៏​គួរឱ្យ​គោរព និង​អ្នកមាន​តួនាទី​ក្នុង​វិស័យ​សាធារណៈ រួមទាំង អគ្គលេខាធិការរង​អាស៊ាន ឯកឧត្ដម ត្រាន់ ឌុ​ក ប៊ិ​ញ ដែល​បាន​ចែករំលែក​ទស្សនៈ​របស់​លោក​ស្ដីពី​សារសំខាន់​នៃ​ការជំរុញ​អត្ដ​សញ្ញាណ​អាស៊ាន សិទ្ធិអំណាច​យុវជន​ក្នុង​របៀបវារៈ​នៃ​ការអភិវឌ្ឍ​អាស៊ាន និង​រឹតចំណង​ទាក់ទង​ផ្ទាល់​ក្នុងចំណោម​យុវជន​អាស៊ាន​។​

លោក វី សាម​ឌី យុវជន​អាស៊ាន​ឆ្នាំ​២០២១ មកពី​ប្រទេស​កម្ពុជា និង​ជា​លេខា​ទីមួយ នៃ​ស្ថានទូត​ព្រះរាជាណាចក្រ​កម្ពុជា​ប្រចាំ​ប្រទេស​សិង្ហ​បុរី បាន​ថ្លែងថា “​សមាគមយុវជន​អាស៊ាន (AYF) បាន​ផ្ដល់នូវ​បទពិសោធ​ដ៏​គួរឱ្យភ្ញាក់ផ្អើល​។ ខ្ញុំ​បាន​ជួប​អ្នកបង្កើត​គោលនយោបាយ​ជាន់ខ្ពស់​ជាច្រើនរូប និង​អ្នកជំនាញ​គ្រប់​វិស័យ ដែល​ទាក់ទង​នឹង​បរិបទ​បច្ចុប្បន្ន​។ ខ្ញុំ​ក៏បាន​រាប់អាន​មិ​ត្ដ​ភក្ដិ​យល់​ចិ​ត្ដ​គ្នា និង​អភិវឌ្ឍ​ចំណេះដឹង​កាន់តែច្បាស់​អំពី​សិង្ហ​បុរី និង​តំបន់​អាស៊ាន​។ ទោះ​យើង​មកពី​ប្រភព​ផ្សេងៗ​គ្នា​យ៉ាងណាក៏ដោយ ក៏​យើង​មាន​ភាព​ទទួលខុសត្រូវ​រួម​ក្នុងការ​ចូលរួមចំណែក​អភិវឌ្ឍ​អនាគត​ប្រកបដោយ​និរន្ដរភាព​សម្រាប់​តំបន់​”​។

ក្រុមយុវជន​អាស៊ាន​ដ៏​បានធ្វើ​ទស្សនកិច្ច​មន្ទីរ​ពិសោធន៍​វា​នុ​វត្ដ​ភាព​សង្គម Sustainable Living Lab (SL2) កសិដ្ឋាន​ថាមពល​សូ​ឡា​បណ្ដែត​ទឹក Sembcorp Tengeh Floating Solar Farm, EWR2 រោងចក្រ​កែច្នៃ​សំណល់​អេឡិចត្រូនិក​ស្វ័យប្រវត្តិកម្ម និង Insectta ជា​កសិដ្ឋាន​សត្វល្អិត​ក្នុង​តំបន់​ទីក្រុង​ដំបូង​របស់​សិង្ហ​បុរី ដែល​ចិញ្ចឹម​រុយ​ខ្មៅ​ដើម្បី​ជួយ​ប្រែក្លាយ​កាកសំណល់​អាហារ​ទៅជា​សារធាតុ​សំយោគ​សម្រាប់​ប្រើប្រាស់​ក្នុង​ឧស្សាហកម្ម ជា​ផ្នែក​មួយ​នៃ​ដំណើរ​ទស្សនកិច្ច​កាម​សិ​ក្សា​របស់​ពួកគេ​។ ដំណើរ​ក្រេបជញ្ជក់​ចំណេះវិជ្ជា​នេះ​បាន​ផ្ដល់ឱ្យ​ក្រុមយុវជន​នូវ​ចំណេះដឹង​ស៊ីជម្រៅ​លើ​នវានុវត្តន៍​សង្គម ការ​បំប្លែង​ថាមពល ក៏ដូចជា​បច្ចេកវិទ្យា​ក្នុង​វិស័យ​ចំណីអាហារ និង​កសិកម្ម​នៅ​ប្រទេស​សិង្ហ​បុរី​ជាដើម​។

កញ្ញា គួច ឈុន​បូរ៉ា​មី ជា​យុវជន​អាស៊ាន​ឆ្នាំ​២០២១ មកពី​ប្រទេស​កម្ពុជា និង​ជា​និស្សិត​បរិញ្ញាបត្រ​ជាន់ខ្ពស់​នៅ​សាកលវិទ្យាល័យ​ជាតិ​សិង្ហ​បុរី បាន​ថ្លែងថា “​ថ្វីដ្បិតតែ​យើង​មកពី​ប្រទេស​ផ្សេងៗ​គ្នា​យ៉ាងណាក៏ដោយ ក៏​យើង​មាន​បញ្ហា​ត្រូវ​ដោះស្រាយ​រួមគ្នា​ក្នុងនាម​ជា​តំបន់​តែមួយ​។ បញ្ហា​ទាំងនោះ រួមមាន បម្រែបម្រួល​អាកាសធាតុ សន្ដិសុខ​ស្បៀង លទ្ធភាព​ទទួល​បានកា​រ​អប់រំ​ប្រកបដោយ​គុណភាព អ​សមភាព​យេនឌ័រ និង​បញ្ហា​ផ្សេងៗ​ទៀត​។ ប៉ុន្ដែ​យើង​ក៏បាន​ធ្វើ​កិច្ចការ​ដ៏​ល្អប្រសើរ​ជាច្រើន​រួមគ្នា ដែល​យើង​បាន​ចែករំលែក និង​សិក្សា​ពីគ្នា ដើម្បី​យកទៅ​អនុវត្ដ​នៅ​ប្រជាជាតិ​យើង​រៀងៗ​ខ្លួន​។ ខ្ញុំ​ឆ្លៀត​យក​ឱកាស​នេះ​ដើម្បី​ផ្សារភ្ជាប់​ទំនាក់​ទំនងជា​យុវជន​ដទៃ​ក្នុង​តំបន់ ហើយ​ខ្ញុំ​សង្ឃឹមថា នឹង​ស្វែងយល់​ពី​ពួកគេ​ឱ្យ​កាន់តែ​ស៊ីជម្រៅ និង​រិះរក​កិច្ចសហការ​ប្រកបដោយ​សក្ដានុពល​”​។​

​កម្មវិធី​សមាគមយុវជន​អាស៊ាន ក៏​ផ្ដល់ឱ្យ​ក្រុមយុវជន​ចូលរួម​នូវ​ឱកាស​ចែករំលែក​បទពិសោធន៍ កសាង​ទំនាក់ទំនង និង​ជា​ផ្នែក​មួយ​នៃ​បណ្ដាញ​ក្រុម​អ្នកដឹកនាំ​យុវជន​អាស៊ាន​។ ក្រុមយុវជន AYF ចុងក្រោយ​បំផុត​បាន​ចូលរួម​បណ្ដាញ​អតីត​និស្សិត ដែលមាន​សមាជិក ៧៩​នាក់​។​

​កញ្ញា ជេន តាន់ នាយក​ប្រតិបត្តិ​អង្គការ​មូលនិធិ​អន្ដរជាតិ​សិង្ហ​បុរី (SIF) បាន​ថ្លែងថា “​យុវជន​នាពេល​បច្ចុប្បន្ននេះ​មានទឹក​ចិ​ត្ដ​ក្លៀវក្លា និង​គោលបំណង​ច្បាស់លាស់​។ ពួកគេ​ជាច្រើន​ចង់ឱ្យមាន​ការរីកចម្រើន​តាមរយៈ​សមត្ថភាព​ការងារ ហើយ​ពួកគេ​បង្កើតបានជា​សំឡេង​ដ៏​សំខាន់​សម្រាប់​ការផ្លាស់ប្ដូរ​សង្គម​ប្រកបដោយ​ភាព​វិជ្ជមាន​ក្នុង​តំបន់​។ កម្មវិធី AYF ត្រូវបាន​បង្កើតឡើង​ដើម្បី​ផ្សារភ្ជាប់​ទំនាក់ទំនង​អ្នកដឹកនាំ​ជា​យុវជន​ដូច​ពួកគេ និង​ជំរុញ​ពួកគេ​ឱ្យ​ឈាន​ចាប់​ឱកាស​សហ​ប្រតិ​ប​ត្ដិ​ការកសាង​អាស៊ាន​ដ៏​រឹងមាំ​”​។​

​លោក ដា​វីដ ឈូ នាយក​ប្រតិ​ប​ត្ដិ NYC Singapore បាន​បន្ថែមថា “​សហគមន៍​សកល​នាពេល​បច្ចុប្បន្ន ត្រូវ​នាំគ្នា​ដោះស្រាយ​បញ្ហា ដែល​មិន​ស្ថិតក្រោម​អធិបតេយ្យ​ព្រំដែន​នរណា​ដាច់​មុខ​ឡើយ​។ តាមរយៈ​ការងារ​រួមគ្នា​នេះ យើង​អាច​ចែករំលែក​ចំណេះដឹង និង​ជំនាញ​របស់​យើង​ដើម្បី​ដោះស្រាយ​បញ្ហា​ប្រឈម​នានា​។ ខ្ញុំ​លើកទឹកចិត្ដដ​ល់​សមាគម​យុវជន​របស់​យើង​ឱ្យ​កសាង​ទំនាក់ទំនង​ទូទាំង​តំបន់ ក៏ដូចជា​បង្កើត​បរិស្ថាន​បៃតង និង​អនាគត​ដ៏​រឹងមាំ​សម្រាប់​អាស៊ាន​”៕

The post អ្នកដឹកនាំយុវជន ក្នុងសមាគមអាស៊ានរិះរកវិធីសាស្ដ្រ អភិវឌ្ឍតំបន់ជាមួយដំណោះស្រាយនិរន្ដរភាព appeared first on Kampuchea Thmey Daily.