ជីវិតកម្សាន្ដ

យុវជនខ្មែរដំបូងម្នាក់ សម្រេចក្តីស្រមៃធ្វើការនៅក្នុងក្រុមហ៊ុនFacebook

បានផុស

២ years មុន

នៅ

ថ្ងៃសុក្រ ២៥ កុម្ភៈ ២០២២

ដោយ

មហាជននិងអ្នកប្រើប្រាស់បណ្តាញសង្គមហ្វេសប៊ុកកំពុងមានការចាប់អារម្មណ៍ហើយផ្ទុះការសរសើរគ្រប់គ្នាចំពោះកូនខ្មែរដំបូងគេមួយរូបដែលអាចសម្រេចក្តីស្រមៃរបស់ខ្លួនតាំងពីតូចគឺចូលធ្វើការក្នុងក្រុមហ៊ុនFacebook។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅលើគណនីហ្វេសប៊ុកយុវជនដែលមានឈ្មោះថា Victorya Hengបានរៀបរាប់ឲ្យដឹងនៅថ្ងៃនេះថា ទីបំផុតក្តីស្រមៃរបស់ខ្លួនតាំងពីក្មេង ដែលចង់ចូលធ្វើការក្នុងក្រុមហ៊ុនFacebook បានសម្រេចហើយ។ យុវជនរូបនោះបន្តថា កាលពីរៀននៅខ្មែរថ្នាក់ទី១០ ចេះធ្វើsoftware និង toolsបន្តិចបន្ទួចធ្លាប់ស្រមៃចង់ចូលធ្វើការនៅក្នុងក្រុមហ៊ុនធំFacebook តែកាលនោះគិតថា មិនអាចទៅរួចឬមិនងាយទៅរួចទេព្រោះពេលនោះគិតថា មិនដឹងចេញមករៀនអាមេរិកធ្វើយ៉ាងម៉េចផង។

យុវជនដដែលនេះបាននិយាយទៀតថា ថ្ងៃនេះ៧ឆ្នាំក្រោយមក ខ្ញុំទទួលបានឱកាសការងារចូលធ្វើការនៅក្នុងក្រុមហ៊ុនFacebookនៅខែ៥ខាងមុខនេះ រយ:ពេល៣ខែបន្ទាប់ពីបានជាប់ការចម្រាញ់ប្រវត្តិ រូបការងារនិងឆ្លងកាត់ការសម្ភាសចម្រាញ់ដ៏ពិបាកចំនួន៣ដង។ អ្វីដែលខ្ញុំបានរៀនគឺអោយតែយើងមានចំណង់ចំណូលចិត្តក្តីស្រមៃខ្ពស់ជឿជាក់លើខ្លួនឯង និងការខិតខំប្រឹងប្រែងតែបន្តិចថ្ងៃណាមួយយើងនឹងធ្វើវាបាន។

ខ្ញុំនឹងខំប្រឹងប្រែងដើម្បីក្លាយជាបុគ្គលិកពេញសិទ្ធនៅថ្ងៃខាងមុខ។ ហើយខ្ញុំនឹងចែករំលែកបទពិសោធន៍ សម្រាប់អ្នកទាំងអស់គ្នាដែលមានបំណងចង់ដាក់ពាក្យចូលធ្វើការក្រុមហ៊ុនធំៗឆាប់ៗនេះ។ រូបភាពកាលពីឆ្នាំ២០១៩មករៀនអាមេរិចដំបូងចិត្តចង់ចូលមើលតែ គេហាមបានត្រឹមឈរថតរូបមុខoffice Facebook៕

អត្ថបទ៖ ចាន់រ៉ា

Related Topics:យុវជនខ្មែរ