មជ្ឈមណ្ឌលបណ្ដុះបណ្ដាលវិជ្ជាជីវៈ​ខេត្តប៉ៃលិន​ (PLPTC) នៃ​ក្រសួងការងារ និង បណ្តុះ​បណ្តាល​វិជ្ជាជីវៈ បាន​ផ្តល់​អាហា​រូបករ​ណ៍​លើ ១១ មុខ​ជំនាញ ​តាម​រយៈ​កម្មវិធី​បណ្តុះ​បណ្តាល​ជំនាញ​វិជ្ជាជីវៈ និង​បច្ចេកទេស (TVET 1.5M) របស់​ សម្ដេច​ធិបតី ព្រម​ទាំង​ផ្ដល់​ប្រាក់​ឧបត្ថម្ភ​ប្រចាំខែសម្រាប់​យុវ​ជន​មក​ពីគ្រួសារ​ក្រីក្រ និង គ្រួសារងាយរងហានិភ័យ។

ក្នុងនោះ មានមុខជំនាញ ៣ ដែលទទួលបានការចាប់អារម្មណ៍ពីយុវជន អតីតពលករ និង ពលរដ្ឋ នៅខេត្តប៉ៃលិន ​រួម​មាន ការកែច្នៃបន្លែ និង ផ្លែឈើ សេវាកម្មរដ្ឋបាល និង សេវាកម្មសម្អាងកាយ ដែលសុទ្ធសឹងតែជាជំនាញស្របតាម​តម្រូវការទីផ្សារការងារបច្ចុប្បន្ន និង អាច​បង្កើត​ឱកាស​រ​ក​ចំណូល​បន្ថែ​ម រួម​ទាំង​អា​ចបង្កើត​អាជីវក​ម្មផ្ទាល់​ខ្លួន​។

ជាមួយគ្នានេះ មជ្ឈមណ្ឌល​ PLPTC បានឲ្យដឹងថា គិតចាប់ពីឆ្នាំ ២០២៤ ម​ក ត្រី​មាស​ទី ១ នៃ​ដើម​ឆ្នាំនេះ បាន​ផ្ដល់អាហា​រូបករណ៍​ជូន​សិស្ស​សរុប ២,៦៤០​​ នាក់​។ ក្នុង​នោះ​ មាន​យុវជ​នដែល​មកពីគ្រួសា​រក្រីក្រ និង ​ងាយរង​ហានិភ័​យ សរុប​ចំនួន ១,៨៦៩ នាក់។

គួររំលឹកផងដែរថា ចាប់​តាំងពីការប្រកាសអនុវត្ត​នូវកម្មវិធីបណ្ដុះបណ្ដា​លជំនាញ​វិជ្ជាជីវៈ និង ​បច្ចេកទេស (TVET 1.5M) កាលពី​ថ្ងៃទី ១៥ ខែមករា ឆ្នាំ ២០២៤ មកត្រឹមត្រីមាសទី ១ នៃឆ្នាំ ២​០២៦ នេះ​សរុប ១៦៤,៦៧៧ នា​ក់ ក្នុង​នោះ មានយុ​វជនគោលដៅ​មកពីគ្រួ​សា​រក្រីក្រ និង​ គ្រួសារ​ងាយ​​រង​ហា​និ​ភ័យ ៧០,៧៨០ នា​ក់ ដែល​ទទួល​បាន​ប្រាក់​ឧបត្ថម្ភ​ប្រ​ចាំ​ខែ និង កា​របណ្ដុះបណ្ដា​លជំនាញ​នៅទូទាំង​ប្រទេសកម្ពុជា៕

The post កម្មវិធី TVET 1.5M ៖ ជំនាញ ៣ បានចុះឈ្មោះចូលរៀន​ច្រើន​ជាង​គេពី​ យុវជន អតីត​ពលករ និង​ ពលរដ្ឋ នៅខេត្ត​ប៉ៃលិន appeared first on Kampuchea Thmey Daily.

បើតាមវិទ្យាស្ថាន NPIC បានឱ្យដឹងថា វិទ្យាស្ថាន​បាន​បណ្តុះ​បណ្តាល​លើជំនាញ​ចំនួន ២២ រួម​មាន ៖ ១.ជំនាញ​ការ​ផលិត​នំ , ២.ជំនាញ​​សេវា​​កម្ម​​បរិ​ក្ខារ​​ត្រ​ជាក់​ក្នុ​ង​​គេហ​ដ្ឋាន , ៣.ជំនាញ​ធុរកិច្ច​ភេសជ្ជៈ , ៤.ជំនាញ​ការរ​ចនាក្រា​ហ្វិក​ដោយ​កុំព្យូទ័រ , ៥.ជំនាញ​ការថែ​ទាំ និង ​ជួសជុល​រថយន្ត , ៦.ជំនាញ​ការ​កែ​ច្នៃបន្លែ​ និង ផ្លែ​ឈើ , ៧.ជំនាញ​ការ​ដំឡើង​បណ្តាញ​អគ្គិសនី​ក្នុង​អគារ , ៨.ជំនាញ​ការងារ​កំបោរ , ៩.ជំនាញ​ការដំឡើង​បណ្តាញ​បំពង់​ទឹក , ១០.ជំនា​ញ​​ការងារការ៉ូ , ១១.ជំនាញ​ការដំឡើង​ប្រព័ន្ធ​បញ្ជា​ម៉ូទ័រ​អគ្គិសនី , ១២.ជំនាញ​ការថែ​ទាំ និង ​ជួសជុល​ទូរសព្ទ​ដៃ , ១៣.ជំនាញ​​ការថែទាំ​​ និង ​ជួ​ស​​ជុលជណ្តើរយន្ត , ១៤.ជំនាញការបន្ស៊ីលោហៈ , ១៥.ជំនាញការផ្សារអគ្គិសនី , ១៦.ជំនាញការថែទាំង និង ជួសជុលម៉ាស៊ីនត្រជាក់រថយន្ត , ១៧.ជំនាញ​​ការថែទាំ និ ងជួសជុលអគ្គិសនីរថយន្ត , ១៨.ជំនាញសេវាកម្មកុំព្យូទ័រ , ១៩.ជំនាញការដំឡើង និង ថែទាំបណ្តាញកុំព្យូទ័រ , ២០.ជំនាញ​ការ​វាស់​ភ្នែក​ និង កាត់​កញ្ចក់​វ៉ែន​តា , ២១.ការធ្វើ​ម្ហូប​ខ្មែរ , និង ២២.ការ​ដំឡើង​ និង ថែ​ទាំ​កា​មេរ៉ា​សុវត្ថិ​ភាព។

ចំពោះវគ្គសិក្សាថ្មី នឹងចាប់ផ្តើមចុះឈ្មោះចូលរៀនចាប់ពីថ្ងៃជូនដំណឹងនេះតទៅ។​ សម្រាប់ព័​ត៌មានអំពីការចុះ​ឈ្មោះ​ចូលរៀន សូម​ទាក់ទង​ទៅកា​ន់ទូ​រសព្ទលេខ ០១២ ៦៤៩​ ២៦២/ ០៨៩ ៤២៦​​​​ ០៩៨/ ឬ អ​ញ្ជើញ​​មកវិទ្យា​ស្ថានជាតិ​ពហុបច្ចេក​ទេសកម្ពុជា ​(NPIC) ដែលមានទីតាំង​ស្ថិត​នៅភូមិ​ព្រៃ​ពពេល សង្កាត់​សំរោងក្រោម ខណ្ឌ​ពោធិ៍សែន​ជ័យ រាជ​ធានីភ្នំពេញ។

គួររម្លឹកថា កម្មវិធីបណ្ដុះបណ្ដាលជំនាញវិជ្ជាជីវៈ និង បច្ចេកទេសដល់យុវជន​គោលដៅមកពី​គ្រួសារក្រីក្រ និង គ្រួសារងាយរង​ហានិភ័យនៅទូទាំង​ប្រ​ទេសចំនួនប្រ​មាណ ១,៥ លាននាក់ ក្នុងកម្រិតសញ្ញាបត្រ​បច្ចេកទេស និង វិជ្ជាជី​វៈ ត្រូវបាន​ផ្ដួចផ្ដើមឡើងដោយ សម្តេចអគ្គមហាសេនាបតីតេជោ ហ៊ុន សែន ក្នុងឆ្នាំ ២០២៣ និង ប្រកាសដាក់ឱ្យអនុវត្តដោយ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា កាលពី​ថ្ងៃ​ទី​ ១៤ ខែវិច្ឆិកា ឆ្នាំ ២០២៣៕

The post វិទ្យាស្ថាន NPIC ផ្តល់អាហារូបករណ៍ ៣ ពាន់កន្លែង ដល់ យុវជនមកពីគ្រួសារក្រីក្រ ដែលមាន​ជំនាញ​ចំនួន ២២ តាមរយៈកម្ម​វិធី ១,៥ លាននាក់ appeared first on Kampuchea Thmey Daily.

បើតាមវិទ្យាស្ថាន NPIC បានឱ្យដឹងថា គិតចាប់តាំងពីឆ្នាំ ២០២៤ រហូតមកដល់ត្រីមាសទី ១ ឆ្នាំ ២០២៦ វិទ្យាស្ថានបាន​ផ្ដល់​អាហារូបករ​ណ៍ដល់​ប្រជា​ពលរដ្ឋ និង យុវជនដែលមកពីគ្រួសារក្រីក្រ និង ងាយរងហានិភ័យសរុបចំនួន ៤ ៣៧០ នាក់​​ ចុះ​ឈ្មោះចូ​លរៀនជំនាញបច្ចេកទេសក្នុងកម្មវិធី TVET 1.5M ក្រោមកម្មវិធីអាហារូបករណ៍របស់ សម្ដេចមហាបវរធិបតី ហ៊ុ​ន ម៉ាណែត។

វិទ្យាស្ថាន NPIC ​​កំពុងបណ្ដុះ​បណ្ដាលជំនាញដល់សិក្ខាកាមចំ​នួន ២០ មុខជំនាញ ដែលស្ថិត​ក្រោម​កម្មវិធី TVET 1.5M ដើម្បី​លើកកម្ព​ស់ជំនា​ញ​វិជ្ជាជីវៈ និង បង្កើនឱកាស​ការងារជូនដល់អតីតពលករខ្មែរត្រឡប់មកពីថៃផងដែរ។ ក្នុងនោះមានមុខជំនាញទាំង ៦ ដែល​មាន​សិក្ខា​កាម​ចាប់អារម្មណ៍ចុះឈ្មោះចូលរៀនច្រើនជាងគេនៅក្នុងវិទ្យាស្ថាន។​

ជំនាញទាំង ៦ នោះរួមមាន ជំនាញ នៃការផលិតនំ , សេវាកម្មបរិក្ខារត្រជាក់ក្នុងគេហដ្ឋាន , ធុរកិច្ចភេសជ្ជៈ , ការរចនាក្រាហ្វិកដោយកុំព្យូទ័រ , ការថែទាំ​ និង ជួសជុលរថយន្ត , ការកែច្នៃបន្លែ និង ផ្លែឈើ។ ជំនាញទាំងនេះ ត្រូវបានចាត់ទុកជាជំនាញ​ដែល​ស្រប​តាម​ត​ម្រូវការទីផ្សារការងារ និង អាចប​ង្កើតឱកា​សរកចំណូលបាន​ឆាប់រហ័ស ទាំងការបម្រើកា​រងារ​នៅតាមស្ថា​ប័ន ឬ ការបង្កើត​អាជីវកម្ម​ផ្ទាល់ខ្លួន។

ចំពោះវគ្គសិក្សាថ្មី នឹងចាប់ផ្តើមចុះឈ្មោះចូលរៀនចាប់ពីថ្ងៃជូនដំណឹងនេះតទៅ។​ សម្រាប់ព័​ត៌មានអំពីការចុះ​ឈ្មោះ​ចូលរៀន សូម​ទាក់ទង​ទៅកា​ន់ទូ​រសព្ទ​លេខ ០​១២ ៦៤៩​ ២៦២/ ០៨៩ ៤២៦​​​​ ០៩៨/ ឬ អ​ញ្ជើញ​មកវិទ្យាស្ថានជាតិពហុបច្ចេកទេសកម្ពុជា (NPIC) ដែលមានទីតាំងស្ថិត​នៅភូមិ​ព្រៃ​ព​ពេល សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។

ដើម្បីចូលរៀនក្នុងកម្មវិធីនេះ យុវជនគោលដៅ ត្រូវបំពេញលក្ខខណ្ឌមួយចំនួនដូចជា យុវជនមកពីគ្រួសារក្រីក្រ និង ងាយរងហានិភ័យ , មាន​អាយុ​ចាប់​ពី ១៥ ឆ្នាំ​ឡើង , មានអត្តសញ្ញាណបណ្ណសញ្ជាតិខ្មែរ ឬ សំបុត្រកំណើត , និង មានបណ្ណសមធម៌(កម្រិតភាពក្រីក្រ ១ និង ក្រីក្រ ២) ឬ បណ្ណសម្គាល់គ្រួសារងាយរងហានិភ័យ៕

The post ពលរដ្ឋ និង យុវជនមកពីគ្រួសារក្រីក្រជាង ៤ ពាន់នាក់ ទទួលបានជំនាញ ចំណូលសមរម្យ ក្រោយទទួល​ការបណ្ដុះ​បណ្ដាល​ក្នុង​កម្មវិធី ១,៥ លា​ន របស់​ សម្ដេចធិបតី appeared first on Kampuchea Thmey Daily.

មុខជំនាញ​ទាំង ១៧ នោះ រួមមាន ៖ សេវាកម្ម​កុំព្យូទ័រ , ការ​រចនា​ក្រាហ្វិក​ដោយ​កុំព្យូទ័រ , ការ​ដំឡើង និង​អនុវត្ត​បច្ចេកវិទ្យា​ឌីជីថល , ដំឡើង និង​ថែទាំ​បណ្ដាញ​កាមេរ៉ា​សុវត្ថិភាព​ក្នុង​អគារ , ការ​ថែទាំ និង​ជួសជុល​ប៉ុស្តិ៍​ផ្សារ , ការ​ថែទាំ និង​ជួសជុល​ម៉ាស៊ីន​បោកខោអាវ , ការ​ថែទាំ និង​ដំឡើង​កាមេរ៉ា​សុវត្ថិភាព ​, បច្ចេកទេស​គ្រឿង​ម៉ាស៊ីន​ឧស្សាហកម្ម ​, ការ​ថែទាំ និង​ជួសជុល​ម៉ាស៊ីនត្រជាក់​រថយន្ត​ , ការ​ថែទាំ និង​ជួសជុល​ម៉ាស៊ីន​ធុន​តូច ​, ការ​ថែទាំ និង​ជួសជុល​រថយន្ត ​, ការថែទាំ និង​ជួសជុល​ត្រីចក្រយានយន្ត ​, ការ​ថែទាំ និង​ជួសជុល​ទោចក្រយានយន្ត​ , ការ​ថែទាំ និង​ជួសជុល​ប្រព័ន្ធ​ចំហាយ​ទឹក​ឧស្សាហកម្ម ​, សេវាកម្ម​បរិក្ខារ​ត្រជាក់​ក្នុង​គេហដ្ឋាន ​, សេវាកម្ម​បរិក្ខារ​ត្រជាក់​ពាណិជ្ជកម្ម និង​សេវាកម្ម​បរិក្ខារ​ផ្ទះបាយ។

ការ​សិក្សា​វគ្គ​ថ្មី នឹង​ចាប់ផ្ដើម​រៀងរាល់​ដើមខែ​នីមួយៗ។ សម្រាប់​ព័ត៌មាន​អំពី​ការ​ចុះ​ឈ្មោះ​ចូលរៀន សូម​ទាក់ទង​ទៅកាន់​ទូរសព្ទ​លេខ​: ០១២ ៤៧៤ ៣៤១/ ០១៥ ៩៤០ ៤២០/ ០១០ ៥៤៦ ១៧៧/ ០៩៧ ២៦៩ ៥៧១៣ ឬ អញ្ជើញ​មក​វិទ្យាស្ថាន​ពហុបច្ចេកទេស​ខេត្ត​កំពង់ឆ្នាំង​ដោយ​ផ្ទាល់ ដែល​មាន​អាសយដ្ឋាន​នៅ​ភូមិ​ទួល​ក្រឡាញ់ សង្កាត់​កំពង់ឆ្នាំង ក្រុង​កំពង់ឆ្នាំង ខេត្ត​កំពង់ឆ្នាំង៕

The post វិទ្យាស្ថានពហុបច្ចេកទេសខេត្តកំពង់ឆ្នាំង ផ្តល់អាហារូបករណ៍ជាង ១ ៤០០ កន្លែង ដល់យុវជនមកពីគ្រួសារក្រីក្រ appeared first on Kampuchea Thmey Daily.

មុខជំនាញ​ទាំង ៩ រួមមាន ៖ ការ​ដំឡើង​បណ្ដាញ​អគ្គិសនី​ក្នុង​អគារ​ , សេវាកម្ម​កុំព្យូទ័រ​ , ការ​ផ្សារ​អគ្គិសនី ​, ការថែទាំ និង​ជួសជុល​ទោចក្រយានយន្ត ​, សេវាកម្ម​កាត់សក់​បុរស ​, សេវាកម្ម​បរិក្ខារ​ត្រជាក់ , សេវាកម្ម​សម្អាង​កាយ , គេហកិច្ច និង​ផ្នែក​កសិកម្ម។

ការ​សិក្សា​វគ្គ​ថ្មី នឹង​ចាប់ផ្ដើម​រៀងរាល់​ដើមខែ​នីមួយៗ។ សម្រាប់​ព័ត៌មាន​អំពី​ការ​ចុះ​ឈ្មោះ​ចូលរៀន សូម​ទាក់ទង​ទៅកាន់​ទូរសព្ទ​លេខ ០១២ ៣១៣ ៣៦២/ ០៨៨ ៦២៤ ០៦២២/ ០៩៧ ៧២៥ ៩៣៥៨/ ០៩៧ ៣២២ ១៤៧៣/ ០៩៧ ៧៩៦ ៦៦៥៣ ឬ អញ្ជើញ​មក​មជ្ឈមណ្ឌល​បណ្ដុះបណ្ដាល​វិជ្ជាជីវៈ ខេត្ត​មណ្ឌលគិរី ដោយ​ផ្ទាល់​ ដែល​មាន​អាសយដ្ឋាន​នៅ​ភូមិ​ជ្រៃ​សែន សង្កាត់​មនោ​រម្យ ក្រុង​សែន​មនោ​រម្យ ខេត្ត​មណ្ឌលគិរី (​ផ្លូវ​ទៅ​ទឹកធ្លាក់​សែន​មនោរម្យ ឬ​ដំណាក់​សេ្តច ចម្ងាយ ៤ គីឡូម៉ែត្រ ពី​រង្វង់​មូល​គោព្រៃ​)៕

​

The post មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី ផ្ដល់អាហារូបករណ៍ ៣០០ កន្លែង និងប្រាក់ឧបត្ថម្ភ ដល់យុវជនមកពីគ្រួសារក្រីក្រ appeared first on Kampuchea Thmey Daily.

នៅក្នុង​ពិធី​ប្រកាស​បើក​វគ្គ​វិ​ក្រឹ​ត​ការ​គ្រូ​បច្ចេកទេស លើក​ទី​ ៣ ស្តីពី​“​វិធីសាស្ត្រ​បង្រៀន និង​ការ​ប្រើប្រាស់​ម៉ូឌុល​តាម​ជំនាញ​” ដើម្បី​គាំទ្រ​កម្មវិធី​បណ្តុះបណ្តាល​ជំនាញ​វិជ្ជាជីវៈ និង​បច្ចេកទេស សម្រាប់​យុវជន​មកពី​គ្រួសារ​ក្រីក្រ និង​គ្រួសារ​ងាយ​រង​ហានិភ័យ នៅ​សួន​អប់រំ​បណ្ដុះបណ្ដាល​បច្ចេកទេស និង​វិជ្ជាជីវៈ រាជធានី​ភ្នំពេញ នា​ថ្ងៃទី ​២៥ ​មិថុនា នេះ លោក​បណ្ឌិត ហ៊ីង ស៊ី​ដេ​ត ប្រតិភូ​រាជរដ្ឋាភិបាល​ទទួលបន្ទុក​ជា​អគ្គនាយក​អប់រំ​បណ្ដុះបណ្ដាល​បច្ចេកទេស និង​វិជ្ជាជីវៈ​ បានឱ្យដឹងថា កម្មវិធី​បណ្ដុះបណ្ដាល​ជំនាញ​វិជ្ជាជីវៈ និង​បច្ចេកទេស​ ជូន​ដល់​យុវជន​មកពី​គ្រួសារ​ក្រីក្រ និង​គ្រួសារ​ងាយ​រង​ហានិភ័យ​នៅ​ទូទាំងប្រទេស ​”សម្រាប់​គោលដៅ ចំនួន​ ១,៥ លាន​នាក់ លើ​កម្រិត​សញ្ញាបត្រ​បច្ចេកទេស និង​វិជ្ជាជីវៈ​ ១ ដោយ​មិន​បង់ថ្លៃ​សិក្សា និង​ទទួលបាន​នូវ​ប្រាក់ឧបត្ថម្ភ​ប្រចាំខែ ដែល សម្ដេច​ធិបតី​នាយករដ្ឋមន្ត្រី បានប្រកាស​ដាក់ឱ្យអនុវត្ត​ជា​ផ្លូវការ​កាលពី​ថ្ងៃទី​ ១៤ ខែ​វិច្ឆិកា ឆ្នាំ ២០២៣ ឱ្យ​ទទួលបាន​ចុះឈ្មោះ​ចូលរៀន​ពី​សំណាក់​យុវជន សិស្ស និស្សិត បុគ្គល​ នៃ​សេដ្ឋកិច្ច​ក្រៅ​ប្រព័ន្ធ និង​កម្មករ-និយោជិត ដើម្បី​ទទួលបាន​ជំនាញ​មួយ​ពិតប្រាកដ ដែល​អាច​យកទៅ​បង្កើត​មុខរបរ​ផ្ទាល់ខ្លួន ឬ​ចូល​បម្រើ​ការងារ​នៅតាម​សហគ្រាស គ្រឹះស្ថាន​នានា ដែល​ធ្វើឱ្យ​ពួកគាត់​មាន​ជីវភាព​ល្អ​ប្រសើរឡើង ដោយ​រក្សាបាន​នូវ​ស្ថិរភាព​ការងារ កំណើន ផលិតភាព ប្រាក់ចំណូល​សមរម្យ លក្ខខណ្ឌ​ការងារ​ល្អប្រសើរ និង​ចាក​ផុតពី​បន្ទាត់​ នៃ​ភាពក្រីក្រ ព្រមទាំង​ចូលរួមចំណែក​យ៉ាងសំខាន់​ក្នុងការ​សម្រេចបាន​នូវ​គោលដៅ​យុទ្ធសាស្ត្រ​ទី​ ៣ របស់​រាជរដ្ឋាភិបាល ​ក្នុងការ​កាត់​បន្ថយ​ភាពក្រីក្រ​ក្នុង​អត្រា​ទាប​ជាង ១០% និង​ទម្លាក់​អត្រា​ នៃ​ភាព​ក្រីក្រ​ឱ្យ​ស្ថិត​នៅ​ក្នុង​កម្រិត​អប្បបរមា។

លោក​បណ្ឌិត​បាន​បន្តថា ​ជា​លទ្ធផល​ គិត​ត្រឹម​ថ្ងៃទី​ ២៤ ខែមិថុនា ឆ្នាំ​ ២០២៥​ នេះ ការអនុវត្ត​កម្មវិធី ទទួល​បាន​នូវ​លទ្ធផល​ផ្លែផ្កា​គួរ​ជាទី​មោទនៈ ដោយមាន​សិស្ស​ចុះឈ្មោះ​ចូលរៀន​សរុប​ចំនួន ១២៩,២៧៥​ នាក់ (​ស្រី ៥៥,១៥៧​ នាក់​) , សិស្ស​កំពុង​រៀន​ចំនួន ៣៦,៤៧៧ ​នាក់ (​ស្រី ១៧,៦២២ នាក់​) , សិស្ស​បានបញ្ចប់​ការសិក្សា​សរុប​ចំនួន ៤៦,១២០ ​នាក់ (​ស្រី ១៩,១៣៥ ​នាក់​) , សិស្ស​ចុះ​កម្មសិក្សា​សរុប​ចំនួន ៣៧,០៩៩​ នាក់ (​ស្រី ១៨,០៨៤​ នាក់​) និង​សិស្ស​ទទួល​បាន​ការងារ​ធ្វើ​សរុប​ចំនួន ២២,១០៨ ​នាក់ (​ស្រី ៩៤,៦១ នាក់​)។

លោក​បណ្ឌិត​បាន​បន្ត​ថា លទ្ធផល​នេះ​បាន​និង​កំពុង​បង្ហាញ​នូវ​ការ​យកចិត្តទុកដាក់​យ៉ាង​ខ្លាំង​របស់​រាជរដ្ឋាភិបាល និង​បាន​ ស.បញ្ជាក់​ឱ្យ​ឃើញ​ពី​សាមគ្គីភាព​របស់​ថ្នាក់ដឹកនាំ​អគ្គនាយកដ្ឋាន និង​គ្រឹះស្ថាន​អប់រំ​បណ្ដុះបណ្ដាល​បច្ចេកទេស និង​វិជ្ជាជីវៈ ដៃគូ​អភិវឌ្ឍន៍ វិស័យ​ឯកជន និង​ភាគី​ពាក់ព័ន្ធ ដែល​បាន​ចូលរួម​អនុវត្ត​នូវ​បេសកកម្ម​ដ៏​មុត​ស្រួច​នេះ ប្រកបដោយ​ការទទួលខុសត្រូវ​ខ្ពស់ និង​បុ​រេ​សកម្ម​ក្នុង​ការ​អនុវត្ត ក្នុង​គោលបំណង​ដើម្បី​ផលិត​ធនធាន​មនុស្ស និង​អភិវឌ្ឍន៍​កម្លាំង​ពលកម្ម​ឱ្យ​មាន​ចំណេះដឹង ជំនាញ សមត្ថភាព គុណធម៌ សីលធម៌ ចរិយា​មារយាទ មនសិការ​វិជ្ជាជីវៈ ស្មារតី​ទទួល​ខុសត្រូវ​សហគ្រិនភាព មាន​ផលិតភាព ការប្រកួតប្រជែង​ខ្ពស់ មាន​ភាព​ធន់ បត់បែន អាច​ឆ្លើយតប​តាម​តម្រូវការ នៃ​ការវិវត្តន៍​យ៉ាង​ឆាប់រហ័ស ​នៃ​មូលដ្ឋាន​សេដ្ឋកិច្ច ឧស្សាហកម្ម បច្ចេកវិទ្យា​ឌីជីថល ស្របតាម​ការ​តម្រង់​ទិស​គោលនយោបាយ​នានា​របស់​រាជរដ្ឋាភិបាល ដែល​បាន​ដាក់ចេញ​ក្នុង​យុទ្ធសាស្ត្រ​បញ្ចកោណ ដំណាក់កាល​ទី ១ នេះ។

គួរ​បញ្ជាក់​ថា យុវជន​មកពី​គ្រួសារ​ក្រីក្រ និង​គ្រួសារ​ងាយ​រង​ហានិភ័យ ចូលរៀន​កម្មវិធី​បណ្ដុះ​បណ្ដាល​យុវជន​មកពី​គ្រួសារ​ក្រីក្រ និង​ងាយ​រង​ហានិភ័យ​ប្រមាណ ១ លាន ៥ សែន​នាក់​ នេះ​ មិន​ត្រឹមតែ​ចូល​រៀន​ដោយ​ឥតគិតថ្លៃ​ប៉ុណ្ណោះ​ទេ ថែមទាំង​ទទួល​បាន​ប្រាក់ឧបត្ថម្ភ​ប្រមាណ ២៨ ម៉ឺន​រៀល សម្រាប់​ដោះស្រាយ​ជីវភាព​ប្រចាំថ្ងៃ​ពេល​កំពុង​សិក្សា ៤ ខែ ទៀត​ផង។ រីឯ​យុវជន​មកពី​គ្រួសារ​ទូទៅ ក៏​អាច​ចូល​សិក្សា​ដោយ​ឥតគិតថ្លៃ​ដែរ តែ​មិន​ទទួល​បាន​ប្រាក់ឧបត្ថម្ភ​ដូច​យុវជន​គ្រួសារ​ក្រីក្រ និង​គ្រួសារ​ងាយ​រង​ហានិភ័យ​នោះ​ទេ៕

អត្ថបទ ៖ សំអឿន

The post ត្រឹមថ្ងៃទី ២៤ មិថុនានេះ មានយុវជនក្រីក្រ និងងាយរងហានិភ័យជិត ១៣ ម៉ឺននាក់ ចុះឈ្មោះចូលរៀនជំនាញដោយឥតគិតថ្លៃ appeared first on Kampuchea Thmey Daily.

ថ្លែង​ក្នុង​ទិវា​ជាតិ​អប់រំ​បណ្ដុះបណ្ដាល​បច្ចេកទេស និង​វិជ្ជាជីវៈ លើក​ទី ៨ ក្រោម​ប្រធានបទ «TVET បង្កើត​ឱកាស​ការងារ សាង​ក្តី​សង្ឃឹម​ដល់​យុវជន​» រយៈពេល ២ ថ្ងៃ ចាប់ពី​ថ្ងៃ​ទី ១៥ ដល់​ថ្ងៃ​ទី ១៦ ខែ​មិថុនា លោក ហេង សួរ រដ្ឋមន្ត្រី​ក្រសួង​ការងារ និង​បណ្ដុះបណ្ដាល​វិជ្ជាជីវៈ បានឱ្យដឹងថា ដើម្បី​បង្ក​លក្ខណៈ​ងាយស្រួល​សម្រាប់​សិស្ស​យុវជន​មកពី​គ្រួសារ​ក្រីក្រ និង​ងាយ​រង​ហានិភ័យ​ដូចជា កម្មករ-និយោជិត និង​អ្នក​នៅ​ក្នុង​សេដ្ឋកិច្ច​ក្រៅ​ប្រព័ន្ធ​មាន​លទ្ធភាព ពេលវេលា និង​ឱកាស​ចូលរៀន​ក្នុង​កម្មវិធី​បណ្ដុះបណ្ដាល​ជំនាញ​វិជ្ជាជីវៈ និង​បច្ចេកទេស ក្រសួង​ការងារ បាន​ពង្រីក​វេន​សិក្សា​ឱ្យ​កាន់​តែ​មាន​លក្ខណៈ​បត់បែន​ដែល​មាន​ច្រើន​ជម្រើស​រហូតដល់ ៧ វេន ផ្សេងៗ គ្នា រួមមាន ថ្ងៃ​ចន្ទ​-​សុក្រ ចំនួន ៥ វេន ​(​វេន​ពេញ​មួយថ្ងៃ​ , វេន​ព្រឹក​ , វេន​រសៀល ​, វេន​ល្ងាច​/​យប់ រៀន ៣ ម៉ោង ​, វេន​ល្ងាច​/​យប់ រៀន ២ ម៉ោង​) , ការសិក្សា​ថ្ងៃ​សៅរ៍​-​អាទិត្យ​ពេញ​ម៉ោង ចំនួន ១ វេន និង​ការ​សិក្សា​តែ​ថ្ងៃអាទិត្យ​ពេញ​មួយថ្ងៃ ចំនួន ១ វេន។

លោក​រដ្ឋមន្ត្រី បាន​បន្ត​ថា វគ្គ​សិក្សា​នីមួយៗ មាន​រយៈពេល​ខុសគ្នា ចាប់ពី ៤ ដល់ ១២ ខែ និង​មាន​វេន​ល្ងាច​/​យប់ និង​ចុង​សប្ដាហ៍ និង​អនុញ្ញាត​ឱ្យ​យុវជន និង​កម្មករ-និយោជិត អាច​ចុះ​ឈ្មោះ​វេន​ណាមួយ​ដែល​សមស្រប និង​ងាយស្រួល​សម្រាប់​ខ្លួន ខណៈ​ដែល​ពួកគេ​នៅតែ​អាច​បន្តធ្វើ​ការងារ និង​ធានា​បាន​នូវ​ស្ថិរភាព នៃ​ប្រភព​ចំណូល​របស់​ខ្លួន។

លោក​រដ្ឋមន្ត្រី បាន​បន្ត​ទៀត​ថា ចាប់​តាំងពី​រាជរដ្ឋាភិបាល​បាន​ដាក់​ឱ្យ​ប្រើប្រាស់​កម្មវិធី​បណ្ដុះបណ្ដាល​ជំនាញ​វិជ្ជាជីវៈ និង​បច្ចេកទេស ដល់​យុវជន​មកពី​គ្រួសារ​ក្រីក្រ និង​គ្រួសារ​ងាយ​រង​ហានិភ័យ ១ លាន ៥ សែន​នាក់ កាលពី​ថ្ងៃ​ទី ១៤ ខែ​វិច្ឆិកា ឆ្នាំ ២០២៣ រហូតមកដល់​ខែឧសភា ឆ្នាំ ២០២៥ នេះ មាន​អ្នក​ចុះឈ្មោះ​ចូលរៀន​ប្រមាណ ១២ ម៉ឺន ១ ពាន់​នាក់ សិស្ស​កំពុង​សិក្សា និង​បញ្ចប់​ការ​សិក្សា ៧ ម៉ឺន ៣ ពាន់​នាក់ និង​សិស្ស​ទទួល​បាន​ការងារ​ធ្វើ ១ ម៉ឺន ៨ ពាន់​នាក់។

លោក​រដ្ឋមន្ត្រី បាន​បន្ថែម​ថា យុវជន​មកពី​គ្រួសារ​ក្រីក្រ និង​ងាយ​រង​ហានិភ័យ ពេល​ចុះឈ្មោះ​ចូល​រៀន គឺ ទទួល​បាន​ការ​សិក្សា​ដោយ​ឥតគិតថ្លៃ និង​ទទួល​បាន​ប្រាក់ឧបត្ថម្ភ​ពី​រាជរដ្ឋាភិបាល​ក្នុង ១ ខែ ចំនួន ២៨ ម៉ឺន​រៀល។ ចំពោះ​យុវជន ឬ​កម្មករ-និយោជិត មកពី​គ្រួសារ​ទូទៅ មិន​ទទួល​បាន​ប្រាក់​ឧបត្ថម្ភ​ទេ តែ​ទទួល​បាន​ការសិក្សា​ដោយ​ឥតគិតថ្លៃ​នៅ​តាម​គ្រឹះស្ថាន​អប់រំ​បណ្ដុះបណ្ដាល​បច្ចេក​ទេស និង​វិជ្ជាជីវៈ​សាធារណៈ ចំនួន ៣៧។

លោក​រដ្ឋមន្ត្រី បាន​បញ្ជាក់​ថា គិត​ត្រឹម​ខែ​ឧសភា ឆ្នាំ ២០២៥ ក្រសួង បាន​អភិវឌ្ឍន៍​កញ្ចប់​ស្តង់ដារ​បណ្តុះបណ្តាល​ផ្អែកលើ​សមត្ថភាព​បាន​ចំនួន ២២២ គុណវុឌ្ឍិ លើ ៩៦ មុខជំនាញ និង​អភិវឌ្ឍន៍​កញ្ចប់​សិក្សា​ផ្អែកលើ​សមត្ថភាព​បាន​ចំនួន ១ ៩៧៩ មេរៀន លើ ៤៥ គុណវុឌ្ឍិ (CI) នៃ ៤៥ មុខ​ជំនាញ លើ​វិស័យ​អាទិភាព​ទាំង ១០ ក្នុង​កម្មវិធី​បណ្ដុះបណ្ដាល​ជំនាញ​វិជ្ជាជីវៈ និង​បច្ចេកទេស ដល់​យុវជន​មកពី​គ្រួសារ​ក្រីក្រ និង​គ្រួសារ​ងាយ​រង​ហានិភ័យ៕

អត្ថបទ ៖ សំអឿន

The post ក្រសួងការងារ ពង្រីកវេនសិក្សាមានលក្ខណៈបត់បែនសម្រួលដល់កម្មករ និងអ្នកសេដ្ឋកិច្ចក្រៅប្រព័ន្ធបានសិក្សាជំនាញបន្ថែម appeared first on Kampuchea Thmey Daily.

លោក ស៊ុន មេសា អ្នកនាំពាក្យ​ក្រសួង​ការងារ និង​បណ្ដុះបណ្ដាល​វិជ្ជាជីវៈ បាន​មានប្រសាសន៍​នៅ​ថ្ងៃទី​ ១១​ មិថុនា នេះ​ថា គិត​ត្រឹម​ខែឧសភា ​ឆ្នាំ ២០២៥ នេះ មាន​អ្នកស្នើ​ចុះឈ្មោះ​ចូលរៀន​កម្មវិធី​បណ្តុះបណ្តាល​បច្ចេកទេស និង​វិជ្ជាជីវៈ ដល់​យុវជន​មកពី​គ្រួសារ​ក្រីក្រ និង​គ្រួសារ​ងាយ​រង​ហានិភ័យ ឬ​កម្មវិធី TVET 1.5M របស់​រាជរដ្ឋាភិបាល ចំនួន​ ១២១ ០០០ នាក់។ ក្នុងនោះ​ អ្នក​កំពុង​សិក្សា ​និង​បញ្ចប់​ការសិក្សា​ចំនួន​ ៧​ ម៉ឺន​នាក់ ​អ្នកមាន​ការងារ​ធ្វើ ​១៨ ០០០​ នាក់ ​ក្នុងនោះ​ យុវជន​ក្រីក្រ​ និង​ងាយ​រង​ហានិភ័យ​ ៧ ៧០០ ​នាក់ ​និង​អ្នក​រង់ចាំ​ចូល​សិក្សា​ចំនួន​ ១០ ០០០ នាក់។

កម្មវិធី​បណ្ដុះបណ្ដាល​យុវជន​មកពី​គ្រួសារ​ក្រីក្រ និង​ងាយ​រង​ហានិភ័យ​ប្រមាណ ១ លាន ៥ សែន​នាក់ នេះ ត្រូវបាន​រាជរដ្ឋាភិបាល​ប្រកាស​បើក​ជា​ផ្លូវការ កាលពី​ថ្ងៃទី ១៤ ខែវិច្ឆិកា ឆ្នាំ ២០២៣ កន្លងទៅ​។ ចំពោះ​យុវជន​មកពី​គ្រួសារ​ក្រីក្រ និង​គ្រួសារ​ងាយ​រង​ហានិភ័យ ចូលរៀន​កម្មវិធី​នេះ មិន​ត្រឹមតែ​ឥតគិតថ្លៃ​ប៉ុណ្ណោះ​ទេ ថែមទាំង​ទទួល​បាន​ប្រាក់ឧបត្ថម្ភ​ប្រមាណ ២៨ ម៉ឺន​រៀល សម្រាប់​ដោះស្រាយ​ជីវភាព​ប្រចាំថ្ងៃ​ពេល​កំពុង​សិក្សា ៤ ខែ ​ទៀតផង។ រីឯ​យុវជន​មកពី​គ្រួសារ​ទូទៅ ក៏​អាច​ចូល​សិក្សា​ដោយ​ឥតគិតថ្លៃ​ដែរ តែ​មិន​ទទួល​បាន​ប្រាក់ឧបត្ថម្ភ​ដូច​យុវជន​គ្រួសារ​ក្រីក្រ និង​គ្រួសារ​ងាយ​រង​ហានិភ័យ​នោះ​ទេ។

លោក​បាន​បន្តថា កំណើន នៃ​ការចុះឈ្មោះ​ចូលរៀន​នេះ​គឺ​ល្អ​គួរឱ្យកត់សម្គាល់​ផងដែរ ដោយសារតែ​រាជរដ្ឋាភិបាល​តាមរយៈ​ក្រសួង​ការងារ​បាន​បង្កើត​ម៉ោង​សិក្សា​ល្អ​មែនទែន​ដែលមាន​ភាពបត់បែន​ខ្ពស់​ទៅដល់​អ្នកសិក្សា​ទាំងអស់។

លោក​បាន​បន្ថែមថា «​ការដែល​ប្រជាពលរដ្ឋ កម្មករ​-​និយោជិត មានឱកាស​ក្នុងការ​សិក្សា​ជំនាញ​បច្ចេកទេស​របស់​រាជរដ្ឋាភិបាល​នេះ យើង​មិនអាច​បំភ្លេច​បានទេ​នូវ​សុខសន្តិភាព និង​ស្ថិរភាព​ដែល​រាជរដ្ឋាភិបាល​អាណត្តិ​ទី ៧ នេះ បន្ត​ការពារ និង​យកចិត្តទុកដាក់ ហើយ​ការបណ្តុះបណ្តាល​វិជ្ជាជីវៈ​បច្ចេកទេស​នេះ ក៏​ជា​លទ្ធផល​ដ៏​ល្អ នៃ​ការ​ទាក់ទាញ​ទាក់​ម៉ូយ​របស់ សម្តេច​ធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រ​កម្ពុជា ដែល សម្តេច បាន​ដើរ​ទាក់​ម៉ូយ​រយៈពេល​ជាង ១៩ ខែ​កន្លង​មក​នេះ ហើយ​បង្កើតឱ្យមាន​ការវិនិយោគ​ពី​រោងចក្រ​ជាច្រើន​ពី​ដៃគូ​បរទេស​ជាច្រើន​ដែល​មក​ដល់​ពេលនេះ​មាន​រោងចក្រ​សហគ្រាស​កើនឡើង​ជាង ៤៥ ០០០ កន្លែង ហើយ​កើន​ឡើង ៦០០ រោងចក្រ គិត​ត្រឹម​ថ្ងៃទី ២៥ ខែមេសា ឆ្នាំ ២០២៥ នេះ។ អីចឹង​វា​ជា​មនុញ្ញផល​មួយ​ដែល​ហូរ​ចេញពី​គោលនយោបាយ​ដ៏​ត្រឹមត្រូវ​របស់ សម្តេច​ធិបតី ហ៊ុន ម៉ាណែត ហើយ​ក្រសួង​ការងារ ក៏បាន​ដាក់​ចេញ​នូវ​ការ​បណ្តុះបណ្តាល​ស្របតាម​យុទ្ធសាស្ត្រ​បញ្ចកោណ​របស់​រដ្ឋាភិបាល​ ក្រោម​ការ​ចង្អុល​បង្ហាញ​របស់ សម្តេច​ផ្ទាល់ តែម្តង ធ្វើឱ្យ​ទទួលបាន​នូវ​ជោគជ័យ​លើ​ការងារ​បណ្តុះបណ្តាល​បច្ចេកទេស និង​វិជ្ជាជីវៈ​នេះ​»។

លោក ស៊ុន មេសា បាន​អំពាវនាវ​ដល់​កម្មករ​-​កម្មការិនី ពិសេស​ប្រជាពលរដ្ឋ​ដែល​មកពី​គ្រួសារ​ក្រីក្រ និង​ងាយ​រង​ហានិភ័យ​ កំពុង​មាន​ការងារ​ធ្វើ​ហើយ សូម​ឆ្លៀតពេល​ក្នុង​ថ្ងៃ​សៅរ៍ ឬ​អាទិត្យ​ពេលយប់ មក​ចុះឈ្មោះ​ចូលរៀន​ជំនាញ​បច្ចេកទេស​បន្ថែម​នៅ​តាម​គ្រប់​វិទ្យាស្ថាន​ទាំង​នៅ​ទូទាំងប្រទេស ពិសេស​នៅ​រាជធានី​ភ្នំពេញ មាន ៨ វិទ្យាស្ថាន ដើម្បី​អាច​ទទួល​បាន​នូវ​ចំណេះដឹង និង​ជំនាញ​ថ្មីៗ បន្ថែម​ ដែល​ស្របទៅនឹង​សេដ្ឋកិច្ច និង​សង្គម​ត្រូវការ ហើយ​ពលរដ្ឋ​អាចមាន​ឱកាស និង​មាន​ជម្រើស​ការងារ​ថ្មីៗ ទទួល​បាន​ប្រាក់ខែ​ខ្ពស់​ជាង​មុន ធ្វើ​ឱ្យ​ជីវភាព​កាន់តែ​ប្រសើរ​មួយ​កម្រិត​បន្ថែម​ទៀត៕

អត្ថបទ ៖ សំអឿន

The post ត្រឹមខែឧសភា មានយុវជនមកពីគ្រួសារក្រីក្រ និងងាយរងហានិភ័យ ជាង ១២ ម៉ឺននាក់ ចុះឈ្មោះរៀនជំនាញដោយឥតគិតថ្លៃ appeared first on Kampuchea Thmey Daily.