ព័ត៌មានជាតិ

វិទ្យាស្ថានពហុបច្ចេកទេសខេត្តកំពង់ឆ្នាំង ផ្តល់អាហារូបករណ៍ជាង ១ ៤០០ កន្លែង ដល់យុវជនមកពីគ្រួសារក្រីក្រ

បានផុស

៩ ខែ មុន

នៅ

ថ្ងៃព្រហស្បតិ៍ ១៦ តុលា ២០២៥

ដោយ

វិទ្យាស្ថានពហុបច្ចេកទេសខេត្តកំពង់ឆ្នាំង នៃក្រសួងការងារ និងបណ្ដុះបណ្ដាលវិជ្ជាជីវៈ ផ្ដល់អាហារូបករណ៍ចំនួន ១ ៤៥៨ កន្លែង លើ ១៧ មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ព្រមទាំងផ្ដល់ប្រាក់ឧបត្ថម្ភប្រចាំខែក្រោមកម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ (TVET 1.5M)។ សម្រាប់ប្រជាពលរដ្ឋ និងយុវជន ដែលមិនមែនជាក្រុមគោលដៅ ក៏អាចស្នើចុះឈ្មោះចូលសិក្សាបានដោយឥតគិតថ្លៃផងដែរ ប៉ុន្តែមិនទទួលបានប្រាក់ឧបត្ថម្ភនោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុខជំនាញទាំង ១៧ នោះ រួមមាន ៖ សេវាកម្មកុំព្យូទ័រ , ការរចនាក្រាហ្វិកដោយកុំព្យូទ័រ , ការដំឡើង និងអនុវត្តបច្ចេកវិទ្យាឌីជីថល , ដំឡើង និងថែទាំបណ្ដាញកាមេរ៉ាសុវត្ថិភាពក្នុងអគារ , ការថែទាំ និងជួសជុលប៉ុស្តិ៍ផ្សារ , ការថែទាំ និងជួសជុលម៉ាស៊ីនបោកខោអាវ , ការថែទាំ និងដំឡើងកាមេរ៉ាសុវត្ថិភាព , បច្ចេកទេសគ្រឿងម៉ាស៊ីនឧស្សាហកម្ម , ការថែទាំ និងជួសជុលម៉ាស៊ីនត្រជាក់រថយន្ត , ការថែទាំ និងជួសជុលម៉ាស៊ីនធុនតូច , ការថែទាំ និងជួសជុលរថយន្ត , ការថែទាំ និងជួសជុលត្រីចក្រយានយន្ត , ការថែទាំ និងជួសជុលទោចក្រយានយន្ត , ការថែទាំ និងជួសជុលប្រព័ន្ធចំហាយទឹកឧស្សាហកម្ម , សេវាកម្មបរិក្ខារត្រជាក់ក្នុងគេហដ្ឋាន , សេវាកម្មបរិក្ខារត្រជាក់ពាណិជ្ជកម្ម និងសេវាកម្មបរិក្ខារផ្ទះបាយ។

ការសិក្សាវគ្គថ្មី នឹងចាប់ផ្ដើមរៀងរាល់ដើមខែនីមួយៗ។ សម្រាប់ព័ត៌មានអំពីការចុះឈ្មោះចូលរៀន សូមទាក់ទងទៅកាន់ទូរសព្ទលេខ: ០១២ ៤៧៤ ៣៤១/ ០១៥ ៩៤០ ៤២០/ ០១០ ៥៤៦ ១៧៧/ ០៩៧ ២៦៩ ៥៧១៣ ឬ អញ្ជើញមកវិទ្យាស្ថានពហុបច្ចេកទេសខេត្តកំពង់ឆ្នាំងដោយផ្ទាល់ ដែលមានអាសយដ្ឋាននៅភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង៕