ដោយឡែកលោក Sonthi Kochawat អ្នកសិក្សាផ្នែកបរិស្ថាន និងសុខភាព ក្លឹប​សិក្សា​បរិស្ថាន​ថៃ​បាន​បង្ហាញ​ថា​ កម្ដៅ​នៅ​ប្រទេស​ថៃ​គឺ​ក្ដៅ​ខ្លាំង​ក្នុង​អំឡុង​ខែមេសា​នេះ ​​សូមប្រយ័ត្នសុខភាព​ឲ្យមែនទែន។ ដោយសារតែការសិក្សា​ស្រាវជ្រាវនៅទីក្រុងឌូបៃសហព័ន្ធ​អារ៉ាប់រួមបញ្ជាក់​ថា អ្នក​ដែល​នៅ​ក្នុង​ម្លប់ឬ​ក្រោម​ពន្លឺ​ថ្ងៃ ពេល​ប៉ះ​នឹង​ខ្យល់​ក្ដៅ​នៅ​សីតុណ្ហភាព​ខុស​គ្នា​ប្រហែល ១ម៉ោង ឬ​តិច​ជាង​នេះ នឹងធ្វើឲ្យ​មនុស្សភាគច្រើនមានរោគសញ្ញាដូចខាងក្រោម៖

– សីតុណ្ហភាព​ខ្យល់​ចន្លោះ​ពី ៣៩-៤០ អង្សា​សេ ខួរក្បាល​នឹង​បញ្ជា​យឺត​ជាង សរីរាង្គ​របស់​រាងកាយ​ធ្វើការ​យឺត​ជាង អស់កម្លាំង​បានងាយ និង​ដកដង្ហើម​លឿនខុសធម្មតា។

-សីតុណ្ហភាព​ខ្យល់ ៤០-៤១ អង្សាសេ​ នឹង​មាន​ការហត់​នឿយ​ ចង់តែ​ដេកនៅលើឥដ្ឋត្រជាក់ៗ។

-សីតុណ្ហភាព​ខ្យល់​លើសពី ៤១អង្សាសេ ឬច្រើន​ជាងនេះ រាងកាយ​នឹងចាប់ផ្តើមបិទ ដែល​មានន័យ​ថា ​ប្រព័ន្ធ​របស់​រាងកាយ​នឹង​ចាប់ផ្ដើម​បរាជ័យ ដែលនាំឲ្យ​ក្តៅខ្លួនឬរមួលក្រពើពីការបាត់បង់សារធាតុរ៉ែ ហត់នឿយ ឬ​ហត់នឿយ​ពេលស្ថិតក្រោមកម្ដៅយូរ។ មួយវិញទៀត អាចបណ្ដាឡឲ្យចង្វាក់​បេះដូង​លោត​ញាប់ បែកញើស​ច្រើន ជំងឺ​ដាច់សរសៃឈាម​ក្នុងខួរក្បាល ឬ​កម្ដៅ​ដែល​បណ្ដាល​មក​ពី​ក្ដៅ​ខ្លាំង ចំណែក​សីតុណ្ហភាព​រាងកាយ​កើន​ឡើង​យ៉ាង​ឆាប់រហ័ស រហូត​ដល់​កម្ដៅ​មិន​អាច​បញ្ចេញ​បាន​ភ្លាមៗ មាន​ឱកាស​ស្លាប់​ខ្ពស់​ណាស់ក្នុងពេលនេះ។

– សីតុណ្ហភាព​ខ្យល់​រហូត​ដល់ ៥០ អង្សាសេ រាងកាយ​មិន​អាច​ទទួល​យកបាន ហើយ​ឱកាស​នៃ​ការ​ស្លាប់​គឺ​ខ្ពស់​ណាស់ ពីជំងឺ​ខ្សោយ​បេះដូង។

លើស​ពី​នេះ ការ​ស្រាវ​ជ្រាវ​ក៏​បាន​លើក​ឡើង​ផង​ដែរថា​ ប្រសិនបើសីតុណ្ហភាពខ្ពស់ជាង ៣៨ អង្សាសេ មិន​គួរនៅក្រោមពន្លឺព្រះអាទិត្យចន្លោះម៉ោង ៩:០០ ព្រឹកដ​ល់ម៉ោង ៣:០០ រសៀល គួរ​តែ​ផឹក​ទឹក​យ៉ាង​ហោចណាស់ ២លីត្រក្នុងមួយថ្ងៃដើម្បីការពារពីកាំរស្មី UVA និង​លាបឡេ​ការពារ​កម្ដៅ​ថ្ងៃ​ដែល​មាន SPF 30++ យ៉ាងតិច។​

សំខាន់បំផុត ចូរចេញពីព្រះអាទិត្យឲ្យ​បានតិចបំផុតតាមដែលអាចធ្វើទៅបាន។ កុំពិសាគ្រឿង​ស្រវឹង ឬជាតិកាហ្វេអ៊ីន និង​ភេសជ្ជៈ​មាន​ជាតិស្ករ។ ដោយសារតែវានឹងបង្កើន​ល្បឿនធ្វើ​ឲ្យ​អស់កម្លាំងនិង​ពន្លឿន​ការ​កើតឡើង​នៃ​កម្ដៅ​ដាច់​សរសៃឈាម​ខួរក្បាល (heat stroke) ឬ​ជំងឺ​ដាច់​សរសៃឈាម​ខួរក្បាល​លឿន​ជាង​មុន។ គួរតែលាក់ខ្លួននៅក្នុងម្លប់នៃអាគារ បើកកង្ហារខ្យល់។ ប្រសិនបើមានម៉ាស៊ីនត្រជាក់​ សូមបើកម៉ាស៊ីនត្រជាក់ ​ហើយផឹកទឹកជាប្រចាំ៕

ប្រែសម្រួល៖ សាង ស្រីល័ក្ខ

ចុចអាន៖ជំងឺភ្នែក ៣ ប្រភេទ គួរប្រយ័ត្នពេលចូលឆ្នាំខ្មែរ ជាពិសេសអ្នកលេងកាំភ្លើងបាញ់ទឹក

ចុចអាន៖ថៃ ព្រមានមនុស្ស ៦ ក្រុម ឲ្យប្រយ័ត្នក្នុងខែមេសានេះ កម្ពៅអាចឡើងរហូតធ្វើឲ្យដាច់សរសៃឈាមខួរក្បាល

The post បើរាងកាយស្ថិតក្នុងអាកាសធាតុក្តៅខ្លាំង តើរោគសញ្ញាអ្វីខ្លះនឹងកើតឡើង? appeared first on Kampuchea Thmey Daily.

១.  កោងខ្នង

ការប្រើប្រាស់ទូរស័ព្ទ ឬកុំព្យូទ័របង្កឲ្យមនុស្សមានទម្លាប់អង្គុយកោងខ្នងរហូតដល់ជាប់តជំនាន់ ។

២. មានក្រញាំ

សកម្មភាពចុចទូរស័ព្ទជាមូលហេតុចម្បងធ្វើឲ្យអ្នកប្រើមានទម្លាប់បត់ដៃចុច ហើយការធ្វើបែបនេះយូរៗទៅបណ្ដាលឲ្យដៃប្រែជាក្រញ៉ាំលែងត្រង់ដូចដើម ។

៣. កែងដៃ ៩០ ដឺក្រេ

ចំណុចនេះបានមកពីការលើកទូរស័ព្ទនិយាយក្បែរត្រចៀករយៈពេលវែង ដូច្នេះអ្នកអាចបើកសំឡេងដើម្បីចៀសវាងការដាក់ក្បែរត្រចៀកក៏ជាគំនិតល្អដែរ ។

៤. លាលាដ៍ក្បាលកាន់តែធំ ខួរកាន់តែតូច  

នៅឆ្នាំ ៣០០០ មនុស្សនឹងមានលលាដ៍ក្បាលធំ ហើយខួរកាន់តែតូច បើយោងតាមទ្រឹស្ដីអ្នកវិទ្យាសាស្ត្រ ។

៥. កក្រាស់ជាងមុន

ពេលលលាដ៍រីកធំ កក៏រីកទៅតាមកន្លែងផ្សេងៗដែរដើម្បីសម្របខ្លួនឲ្យដំណើរការសម្រាប់រាងកាយ ។

៦. ត្របកភ្នែកថ្មី

ពន្លឺពីទូរស័ព្ទ ឬកុំព្យូរទ័រអាចធ្វើឲ្យឈឺក្បាលនិងឈឺភ្នែក ដូច្នេះមនុស្សអាចដុះត្របកភ្នែកថ្មីដើម្បីទុកការងារពន្លឺបន្ថែម ។

ដើម្បីលុបបំបាត់ការប្រែប្រួលខាងលើ លុះត្រាយើងចេះគ្រប់គ្រងទម្លាប់ប្រើប្រាស់បច្ចេកវិទ្យាលើសកម្រិតហើយងាកមកធ្វើលំហាត់ប្រាណទើបប្រសើរឡើង ៕

ប្រែសម្រួល ៖ វារី

ចុចអាន ៖ ផ្នែកនៃរាងកាយគ្មានប្រយោជន៍ទាំង ៥ ដែលមនុស្សលែងត្រូវការ

The post មួយពាន់ឆ្នាំក្រោយ មនុស្សនឹងប្រែប្រួលរូបរាងដោយសារការប្រើប្រាស់បច្ចេកវិទ្យា appeared first on Kampuchea Thmey Daily.

១. ខ្នែងពោះវៀន

ខ្នែងពោះវៀនមានតួនាទីបង្កើត និងការពារមីក្រុប ឬបាក់តេរីដែលជួយដល់ប្រព័ន្ធរំលាយអាហារ ប៉ុន្តែបច្ចុប្បន្នមនុស្សចេះកែច្នៃអាហារស្រួលបរិភោគទើបខ្នែងពោះវៀនក្លាយជាគ្មានប្រយោជន៍ទៅវិញ ។

២. សាច់ដុំ Palmaris Longus ដែលភ្ជាប់ពីកដៃទៅកែងដៃ

មនុស្សសម័យមុនត្រូវការសាច់ដុំ Palmaris Longus ដើម្បីឡើងដើមឈើ ឥលូវមនុស្សប្រហែល ១០ ភាគរយគ្មានសាច់ដុំនេះទេ ។

៣. ធ្មេញថ្គាមទាល់

ដោយសារការផ្លាស់ប្ដូរទម្រង់មុខ និងរបបអាហារ មនុស្សលែងត្រូវការថ្គាមទាល់ទៀតហើយ អ្នកខ្លះចាំបាច់ត្រូវដកចេញតែម្ដង ។

៤. សាច់ដុំ Arrector pili

សាច់ដុំនេះស្ថិតនៅក្បែរគល់រោមរបស់មនុស្សមាននាទីធ្វើឲ្យយើងព្រឺសម្បុរ ដូច្នេះមនុស្សពីបុរាណត្រូវការសាច់ដុំនេះសម្រាប់រាងកាយដែលពោរពេញដោយរោមរបស់ពួកគេ ។

៥. ឆ្អឹងកន្ទុយ

ដើមឡើយមនុស្សមានកន្ទុយដើម្បីទប់លំនឹងខ្លួន ក្រោយពីចេះដើរស្ទាត់ជំនាញកន្ទុយដែលយើងមានក៏រួញរហូតនៅសល់តែឆ្អឹងនៅក្រោមឆ្អឹងកងបន្តិច ណាមួយវាមិនមានប្រយោជន៍ដល់យើងនាពេលបច្ចុប្បន្នទេ ។

សូមបញ្ជាក់ដែរថាផ្នែកឥតប្រយោជន៍របស់មនុស្សមិនមែនមានតែ ៥ ផ្នែកខាងលើទេនៅមានច្រើនកន្លែងទៀតដូចជា ត្របកភ្នែកជាន់ទីបី និងសាច់ដុំត្រចៀកជាដើម ៕

ប្រែសម្រួល ៖ វារី

ចុចអាន ៖ ការពិតដ៏អស្ចារ្យទាំង ១០ អំពីរាងកាយមនុស្ស

The post ផ្នែកនៃរាងកាយគ្មានប្រយោជន៍ទាំង ៥ ដែលមនុស្សលែងត្រូវការ appeared first on Kampuchea Thmey Daily.

១ មិន​បរិភោគ​ខ្លាញ់​ឲ្យ​គ្រប់គ្រាន់

ការ​ណែនាំ​របប​អាហារ​ដំបូង​របស់​អាមេរិក​ត្រូវ​បាន​ចេញ​ផ្សាយ​ក្នុង​ឆ្នាំ ១៩៨០ ខ្លាញ់​ត្រូវ​បាន​គេ​ចាត់​ទុក​ថា​​គួរ​ជៀសវាង។ ការ​សិក្សា​ចង្អុល​បង្ហាញ​ថា​ ជាតិ​ស្ករ​អាច​ជា​កត្តា​បង្ក​ឲ្យ​ធាត់​ធំ​ជាង​ខ្លាញ់​ក្នុង​របប​អាហារ ហើយ​ខ្លាញ់​ដែល​មាន​សុខភាព​ល្អ​មួយ​ចំនួន ​ពិត​ជា​អាច​ជួយ​អ្នក​បញ្ចុះ​ទម្ងន់​បាន។ ខ្លាញ់​ដែល​មាន​ជាតិ monounsaturated មាន​សុខភាព​ល្អ​ដូចជា​ខ្លាញ់​ដែល​មាន​នៅ​ក្នុង​ប្រេង​អូលីវ​ ប្រេង​អាល់ម៉ុន​ សណ្ដែក​ដី​ និង​ផ្លែ​បឺរ។

២ បរិភោគ​ប្រូតេអ៊ីន​ច្រើន​ពេក

ប្រូតេអ៊ីន​គឺ​ជា​សារធាតុ​ផ្សំ​សំខាន់​ជួយ​បង្កើត​សាច់​ដុំ​គ្មាន​ខ្លាញ់ ​ដុត​បំផ្លាញ​កាឡូរី​នៅ​ពេល​សម្រាក​និង​អាច​ជួយ​ឲ្យ​អ្នក​ស្រក​ទម្ងន់​បាន។ ប៉ុន្តែ​អាច​មិន​ល្អ​បើ​ទទួលទាន​ច្រើនពេក។ ការ​ហូប​ប្រូតេអ៊ីន​ច្រើន​ពេក​ អាច​ចូលរួម​ចំណែក​ដល់​ខ្លាញ់​ក្នុង​រាងកាយ​ដោយសារ​វា​មាន​កាឡូរី​ច្រើន។

៣ ដាក់​កម្រិត​ទទួលទាន​អាហារ​ពេក

មនុស្ស​មួយ​ចំនួន​សន្មត​ថា​បើ​កាត់​បន្ថយ​កាឡូរី នាំ​ឲ្យ​បាត់បង់​ទម្ងន់​ ទាំង​នេះ​សុទ្ធតែ​មិន​ពិត។ ការ​សិក្សា​មួយ​ដែល​ចុះ​ផ្សាយ​ក្នុង​ទស្សនាវដ្ដី​ចិត្តវិទ្យា​បាន​រក​ឃើញ​ថា ​អ្នក​ដែល​ទទួលទាន​អាហារ​មានកាឡូរី​ទាប​មិន​ឡើង​ទម្ងន់​ក្នុង​រយៈពេល​វែង ​ដោយសារ​ការ​ផលិត​អរម៉ូន cortisol ស្ត្រេស​ច្រើន​ពេក។ នៅ​ពេល​ដែល​រាងកាយ​របស់​អ្នក​បញ្ចេញ​អ័រម៉ូន cortisol ច្រើន​ពេក ​វា​ផ្ដល់​សញ្ញា​ដល់​រាងកាយ​ក្នុង​ការ​ផ្ទុក​ជាតិ​ខ្លាញ់​ ជា​ពិសេស​នៅ​ក្នុង​ពោះ​របស់​អ្នក។

៤ ញ៉ាំ​ច្រើន​ពេក​ក្រោយ​ពេល​ហាត់ប្រាណ

របប​ហាត់ប្រាណ​ទៀងទាត់ ​គឺ​ជា​ផ្នែក​មួយ​ដ៏​សំខាន់​នៃ​កម្មវិធី​សម្រក​ទម្ងន់​ ប៉ុន្តែ​មិនមែន​មានន័យថា​ ក្រោយ​ហាត់​ប្រាណ​ហើយ​សម្រុក​ហូប​នោះ​ទេ។ ប្រយ័ត្ន​ក្រពះ​ពោះវៀន​ធ្វើ​ទុក្ខ។

៥ បរិភោគ​អាហារ​មាន​គ្រឿង​ផ្សំ​ច្រើន

ប្រយ័ត្ន​ចំពោះ​អាហារ​ដែល​មាន​ស្លាក“ ខ្លាញ់​ទាប”“ គ្មាន​ជាតិ​ស្ករ” ឬ“ គ្មាន​ជាតិ​ស្អិត Gluten” ។ ដោយសារ​តែ​ពពួក​អាហារ​អស់​នោះ​ត្រូវ​បាន​គេ​លក់​នៅ​លើ​ទីផ្សារ​ថា​ជា​អាហារ​បំប៉ន។ ភាគច្រើន​នៃ​អាហារ​ទាំង​នេះ​ត្រូវ​បាន​កែច្នៃ​ខ្ពស់​និង​មាន​គ្រឿងផ្សំ​មិន​ល្អ​ច្រើន។ យក​ល្អ​គួរ​តែ​នៅ​ទទួលទាន​ម្ហូប​ដែល​មិនមែន​ជា​អាហារ​កញ្ចប់ ​និង​មាន​គ្រឿង​ផ្សំ​តិច​បំផុត។

៦ មិន​បរិភោគ​ក្នុង​កម្រិត​មធ្យម

អាហារ​ដែល​មាន​​ផែ​សុខភាព​ល្អ​​ក៏​អាច​នាំ​​ឲ្យ​ឡើង​ទម្ងន់។ ផ្លែប័រ​ សណ្ដែកដី​ និង​ចេក​ជា​ដើម​ទាំងនេះ​នៅ​តែ​មាន​កាឡូរី​ក្រាស់​ និង​អាច​បណ្ដាល​ឲ្យ​ឡើង​ទម្ងន់​ ប្រសិន​បើ​អ្នក​មិន​ប្រយ័ត្ន។ សូម​រីករាយ​ជាមួយ​អាហារ​ទាំង​នេះ ​ប៉ុន្តែ​ត្រូវ​ប្រាកដ​ថា​មាន​ទំហំ​សម​ល្មម​​និង​​កម្រិត​មធ្យម​មិន​ច្រើន​ពេក៕

ប្រែសម្រួល៖ សាង ស្រីល័ក្ខ

ចុចអាន៖ប្រយ័ត្ន! ប្រភេទ​អាហារ​​​មិន​គួរ​ទទួលទាន​ក្នុង​រដូវ​នេះ ​អាច​​មាន​អាក្រក់​​ចំពោះ​ពោះវៀន​ធ្ងន់ធ្ងរ

ចុចអាន៖អ្នក​និយម​ផឹក​កាហ្វេ​ មក​មើល​​ឥទ្ធិពល​សំខាន់​​ពី​ភេសជ្ជៈ​មួយ​នេះ

The post មាន​ទម្លាប់​ទទួលទាន​​អាហារ​របៀប​នេះ ​ធានា​ថា​រាងកាយ​អាច​ទ្រុឌទ្រោម​ទាំង​វ័យ​ក្មេង​មិន​ខាន​ appeared first on Kampuchea Thmey Daily.

នារីស្បែកខ្មៅជាមួយនឹងអាចម៍រុយលើរាងកាយ នាង Nikia Phoenix

បុរសភ្នែកពណ៌ត្នោតនិងពណ៌ខៀវ លោក Mechi Lucky

ស្ត្រីចិញ្ចើមព្រិល នាង Bevictorrious

គេនិយាយថា នាងត្រូវបានព្រះអាទិត្យថើប Neacsuiulia

អធិរាជ​ស្បែក​ស លោក Bera

ស្ត្រី​ភ្នែក​ពីរ​ពណ៌ នាង Vitamea

រាជនី​ស្បែក​ខ្មៅ នាង Nikkothot និង​កូនស្រី

ស្ត្រីស្បែកផែនទី នាង Barbarhat

លោក Akincavalcante

ប្រែសម្រួល៖ សន្យា

ប្រភព៖ Bright Side

ចុចអាន៖មកស្គាល់ត្បូងពេជ្រថ្លៃជាងគេបំផុតលើពិភពលោក

ចុចអាន៖អ្នកជំនាញសុខភាព​ផ្លូវចិត្ត​ ហាមយើង​មិនឱ្យ​ទស្សនា​រឿងបែបរន្ធត់មួយចំនួននេះ​ម្នាក់ឯង​

The post មិន​គួរ​ឲ្យ​ជឿ​ថា​មនុស្ស​យើង​មាន​ពណ៌​សម្បុរ​ស្បែក​ប្លែកៗ​ពីគ្នា​ដល់​ម្លឹង appeared first on Kampuchea Thmey Daily.

ខាង​ក្រោម​នេះ​នឹងប្រមូល​នូវ​ហេតុការណ៍​មិន​គួរ​ឱ្យ​ជឿ​មួយ​ចំនួន​អំពី​រាងកាយ​របស់​មនុស្ស​ មក​បង្ហាញ​ជូន​លោក​អ្នក​ហើយ​អាច​និង​ភ្ញាក់ផ្អើល​នៅ​ចំណុច​ណា​មួយ​ជាក់​ជា​មិន​ខាន​ទេ។

១.ជង្គង់

វា​អាច​ជា​រឿង​គួរ​ឱ្យ​ភ្ញាក់ផ្អើល​សម្រាប់​អ្នក​ប៉ុន្តែ​តើ​អ្នក​ដឹង​ទេ​ថា​ទារក​ទើប​នឹង​កើត​មិន​មាន​ជង្គង់ទេ។ សាច់ដុំ​ដំបូង​លេចឡើង​ជា​ឆ្អឹងខ្ចី​ជង្គង់​ដែល​ក្រោយ​មក​វិវត្ត​ទៅ​ជា​ជង្គង់​ត្រឹម​អាយុ ៣ ឆ្នាំ។

២.កញ្ចក់ភ្នែក

អ្វី​ដែល​គួរ​ឱ្យ​ភ្ញាក់ផ្អើល​នោះ​គឺ​កែវភ្នែក​គឺ​ជា​ផ្នែក​តែ​មួយ​គត់​នៃ​រាងកាយ​របស់​អ្នក​ដែល​មិន​ទទួល​បាន​ការ​ផ្គត់ផ្គង់​អុកស៊ីហ្សែន​ពី​ឈាម​ផ្ទុយ​ទៅ​វិញ​វា​អាស្រ័យ​ទៅ​លើ​ខ្យល់។

៣.ព្យាយាមបញ្ជាខ្លួនឯង

នៅ​ពេល​ដែល​នរណា​ព្យាយាម​លេងសើច​ដោយ​ឲ្យ​រាងកាយ​​រសើប​ អ្នក​នឹង​សង្កេត​ឃើញ​ថា ​អ្នក​មិន​សើច​ទាល់​តែ​សោះ​នៅ​ពេល​អ្នក​ធុញទ្រាន់​នឹង​ខ្លួន​អ្នក។ មូលហេតុ​ដែល​កើត​ឡើង​គឺ​ថា cerebellum របស់​អ្នក​បញ្ជូន​សញ្ញា​ទៅ​រាងកាយ។

៤.ខួរក្បាល

ប្រសិននរណាប្រាប់ថា ​មនុស្ស​ម្នាក់​ប្រើ​ខួរក្បាល​របស់​ពួកគេ​ត្រឹមតែ ១០% ជា​មធ្យម កុំ​ជឿ​អី! នេះ​គ្រាន់​តែ​ជា​ការ​ប៉ាន​ស្មាន​ប៉ុណ្ណោះ​ តាមពិត​អ្នក​ប្រើវា​គ្រប់​ផ្នែក​នៃ​ខួរក្បាល​របស់​អ្នក។ ខួរក្បាល​របស់​អ្នក​ប្រើ​អុកស៊ីហ្សែន ២០% និង ៥០% នៃ​ជាតិ​គ្លុយកូស​ដែល​ចូល​ក្នុង​ខ្លួន។ វា​ក៏​ចំណាយ ២០% ​នៃ​ថាមពល​សរុប​ដែល​រាងកាយ​របស់​អ្នក​មាន។

៥.កែវ​ភ្នែក​ស្រវាំង

ស្រវាំង​ភ្នែក​គឺ​ជា​ស្ថានភាព​ដ៏​កម្រ​មួយ​ដែល​អ្នក​ជំងឺ​មិន​អាច​មើល​ឃើញ​ដោយ​ពន្លឺ​ភ្លឺ​ខ្លាំង។

៦.ដកដង្ហើមពីរន្ធច្រមុះ

មនុស្ស​ភាគច្រើន​ដកដង្ហើម​ចេញ​ពី​រន្ធច្រមុះ​តែ​មួយ​ប៉ុណ្ណោះ។ វា​ផ្លាស់​ប្ដូរ​បន្ទាប់​ពី​រៀងរាល់ ៤ ម៉ោង​ម្ដង។

៧.ទំហំសាច់ដុំ

ទោះ​បី​ហាត់ប្រាណ​ច្រើន​ក៏​ដោយ ​ក៏​ទំហំ​សាច់ដុំ​អាច​និង​ត្រូវ​បាន​កាត់​បន្ថយ។​

៨.ផ្ទៃមុខ

ប្រហែលជា ២៥% នៃ​សាច់ដុំ​ស្ថិត​នៅ​ក្នុង​តំបន់​ក​និង​មុខ។ នេះ​ជា​ហេតុផល​ដែល​ទឹកមុខ​របស់​អ្នក​មាន​គឺ​ងាយ​បកស្រាយ។

៩.ស្ត្រីសក់ក្រហម

អ្នក​មាន​ការ​ភ្ញាក់ផ្អើល​នៅ​ពេល​​ដឹង​ថា​សក់​របស់​ស្ត្រី​ដែល​មាន​សក់​ពណ៌​ក្រហម​ត្រូវ​បាន​ប្រើ​ដើម្បី​បង្កើត​ប្រដាប់ប្រដា​ក្មេង​លេង (ឧបករណ៍​ពិសេស​ដើម្បី​វាស់​សំណើម​ខ្យល់) ។

១០.អាថ៌កំបាំងនៃភ្នែក

វា​ជា​ការ​ពិត​ដែល​នរណា​ម្នាក់​ខ្លាច​ខ្សែភ្នែក​អ្នក​ផ្សេង​សម្លឹង​មក ​ហេតុផល​​គឺ​ថា​ចក្ខុវិស័យ​របស់​អ្នក​ដែល​សម្លឹង​មក​បាន​កើន​ឡើង​ដែល​អាច​ឲ្យ​គេ​ប៉ាន់ស្មាន​បរិស្ថាន​ជុំវិញ​របស់​អ្នក​បាន។

១១.ខួរក្បាលអំពូល

ខួរក្បាល​របស់​យើង​មាន​ថាមពល​គ្រប់គ្រាន់​ដើម្បី​បំភ្លឺ​ដូច​ជា​អំពូល។

១២.ភ្នែកពិការពណ៌

ពិការ​ភ្នែក​ពណ៌​គឺ​ជា​រឿង​ពិត​ហើយ​ទោះ​បី​ជា​ការ​ស្រាវជ្រាវ​ដែល​និយាយ​ថា ​វា​ត្រូវ​បាន​រក​ឃើញ​តែ​លើ​បុរស​ក៏​ដោយ​ ​ស្ត្រី​ក៏​ទទួល​រង​នូវ​ភាព​ពិការ​ភ្នែក​ពណ៌​ដែរ។ ប៉ុន្តែភាគច្រើនវាកើតឡើងនៅប៉ែកអឺរ៉ុប។

១៣.មួយជំហានម្តងៗ

យោង​តាម​ការ​ស្រាវជ្រាវ​ដើម្បី​ឈាន​មួយ​ជំហាន​ទៅមុខ​រាងកាយ​របស់​អ្នក​ប្រើ​សាច់ដុំ​ចំនួន ២០០ ។ ទោះ​យ៉ាងណា​ចំនួន​អាច​ប្រែប្រួល​អាស្រ័យ​លើ​រាង​កាយ​របស់​មនុស្ស​គ្រប់រូប។

១៤.ស្បែកនឹងបង្កើតឡើងវិញ

ស្បែក​របស់​អ្នក​បង្កើត​ឡើងវិញ​ដោយ​ខ្លួនឯង​តាម​ធម្មជាតិ​រៀងរាល់ ២៨ ថ្ងៃ​ម្ដង​ ហើយ ក្នុង​មួយ​ជីវិត​មនុស្ស​ស្រក​ស្បែក ៤០ គីឡូក្រាម​ជា​មធ្យម។

១៥.ឆ្អឹង

ទារក​ទើប​នឹង​កើតមាន​ឆ្អឹង​ច្រើន​ជាង ២៧០ ។ ក្នុង​កំឡុង​ពេល​នៃ​ការ​លូតលាស់​ភាគច្រើន​នៃ​ឆ្អឹង​ចូលគ្នា​ទៅវិញទៅមក​បណ្ដាល​ឲ្យ​មាន​ឆ្អឹង​ចំនួន ២០៦ ដែល​ត្រូវ​បាន​រក​ឃើញ​នៅ​មនុស្ស​ពេញវ័យ ៕

ប្រែសម្រួល៖ សាង ស្រីល័ក្ខ

ចុចអាន៖ ទម្លាប់​គេង​មិន​គ្រប់ ៨ម៉ោង រឿង​អាក្រក់ ៨យ៉ាងនេះ​​នឹង​កើត​មាន​ចំពោះ​អ្នក​

The post ការ​ពិត​ដ៏​អស្ចារ្យ​អំពី​រាងកាយ​មនុស្សដែលយើងមិនធ្លាប់ដឹង appeared first on Kampuchea Thmey Daily.