សុខភាព

បើរាងកាយស្ថិតក្នុងអាកាសធាតុក្តៅខ្លាំង តើរោគសញ្ញាអ្វីខ្លះនឹងកើតឡើង?

បានផុស

៣ years មុន

នៅ

ថ្ងៃអង្គារ ១១ មេសា ២០២៣

ដោយ

ក្នុងពេលដែលប្រទេសកម្ពុជាកំពុងតែទទួលរងនៅអាកាសធាតុក្ដៅខ្លាំងនៅក្នុងខែមេសានេះ ប្រាកដណាស់ថារាងកាយរបស់មនុស្សនឹងប្រែប្រួល រហូតដល់អ្នកខ្លះមានរោគសញ្ញាកើតឡើង ខណៈមួយចំនួនមិនចេញរោគសញ្ញាឲ្យដឹង តែអាចគ្រោះថ្នាក់ដល់ស្លាប់បាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកលោក Sonthi Kochawat អ្នកសិក្សាផ្នែកបរិស្ថាន និងសុខភាព ក្លឹបសិក្សាបរិស្ថានថៃបានបង្ហាញថា កម្ដៅនៅប្រទេសថៃគឺក្ដៅខ្លាំងក្នុងអំឡុងខែមេសានេះ សូមប្រយ័ត្នសុខភាពឲ្យមែនទែន។ ដោយសារតែការសិក្សាស្រាវជ្រាវនៅទីក្រុងឌូបៃសហព័ន្ធអារ៉ាប់រួមបញ្ជាក់ថា អ្នកដែលនៅក្នុងម្លប់ឬក្រោមពន្លឺថ្ងៃ ពេលប៉ះនឹងខ្យល់ក្ដៅនៅសីតុណ្ហភាពខុសគ្នាប្រហែល ១ម៉ោង ឬតិចជាងនេះ នឹងធ្វើឲ្យមនុស្សភាគច្រើនមានរោគសញ្ញាដូចខាងក្រោម៖

– សីតុណ្ហភាពខ្យល់ចន្លោះពី ៣៩-៤០ អង្សាសេ ខួរក្បាលនឹងបញ្ជាយឺតជាង សរីរាង្គរបស់រាងកាយធ្វើការយឺតជាង អស់កម្លាំងបានងាយ និងដកដង្ហើមលឿនខុសធម្មតា។

-សីតុណ្ហភាពខ្យល់ ៤០-៤១ អង្សាសេ នឹងមានការហត់នឿយ ចង់តែដេកនៅលើឥដ្ឋត្រជាក់ៗ។

-សីតុណ្ហភាពខ្យល់លើសពី ៤១អង្សាសេ ឬច្រើនជាងនេះ រាងកាយនឹងចាប់ផ្តើមបិទ ដែលមានន័យថា ប្រព័ន្ធរបស់រាងកាយនឹងចាប់ផ្ដើមបរាជ័យ ដែលនាំឲ្យក្តៅខ្លួនឬរមួលក្រពើពីការបាត់បង់សារធាតុរ៉ែ ហត់នឿយ ឬហត់នឿយពេលស្ថិតក្រោមកម្ដៅយូរ។ មួយវិញទៀត អាចបណ្ដាឡឲ្យចង្វាក់បេះដូងលោតញាប់ បែកញើសច្រើន ជំងឺដាច់សរសៃឈាមក្នុងខួរក្បាល ឬកម្ដៅដែលបណ្ដាលមកពីក្ដៅខ្លាំង ចំណែកសីតុណ្ហភាពរាងកាយកើនឡើងយ៉ាងឆាប់រហ័ស រហូតដល់កម្ដៅមិនអាចបញ្ចេញបានភ្លាមៗ មានឱកាសស្លាប់ខ្ពស់ណាស់ក្នុងពេលនេះ។

– សីតុណ្ហភាពខ្យល់រហូតដល់ ៥០ អង្សាសេ រាងកាយមិនអាចទទួលយកបាន ហើយឱកាសនៃការស្លាប់គឺខ្ពស់ណាស់ ពីជំងឺខ្សោយបេះដូង។

លើសពីនេះ ការស្រាវជ្រាវក៏បានលើកឡើងផងដែរថា ប្រសិនបើសីតុណ្ហភាពខ្ពស់ជាង ៣៨ អង្សាសេ មិនគួរនៅក្រោមពន្លឺព្រះអាទិត្យចន្លោះម៉ោង ៩:០០ ព្រឹកដល់ម៉ោង ៣:០០ រសៀល គួរតែផឹកទឹកយ៉ាងហោចណាស់ ២លីត្រក្នុងមួយថ្ងៃដើម្បីការពារពីកាំរស្មី UVA និងលាបឡេការពារកម្ដៅថ្ងៃដែលមាន SPF 30++ យ៉ាងតិច។

សំខាន់បំផុត ចូរចេញពីព្រះអាទិត្យឲ្យបានតិចបំផុតតាមដែលអាចធ្វើទៅបាន។ កុំពិសាគ្រឿងស្រវឹង ឬជាតិកាហ្វេអ៊ីន និងភេសជ្ជៈមានជាតិស្ករ។ ដោយសារតែវានឹងបង្កើនល្បឿនធ្វើឲ្យអស់កម្លាំងនិងពន្លឿនការកើតឡើងនៃកម្ដៅដាច់សរសៃឈាមខួរក្បាល (heat stroke) ឬជំងឺដាច់សរសៃឈាមខួរក្បាលលឿនជាងមុន។ គួរតែលាក់ខ្លួននៅក្នុងម្លប់នៃអាគារ បើកកង្ហារខ្យល់។ ប្រសិនបើមានម៉ាស៊ីនត្រជាក់ សូមបើកម៉ាស៊ីនត្រជាក់ ហើយផឹកទឹកជាប្រចាំ៕

ប្រែសម្រួល៖ សាង ស្រីល័ក្ខ

ចុចអាន៖ជំងឺភ្នែក ៣ ប្រភេទ គួរប្រយ័ត្នពេលចូលឆ្នាំខ្មែរ ជាពិសេសអ្នកលេងកាំភ្លើងបាញ់ទឹក

ចុចអាន៖ថៃ ព្រមានមនុស្ស ៦ ក្រុម ឲ្យប្រយ័ត្នក្នុងខែមេសានេះ កម្ពៅអាចឡើងរហូតធ្វើឲ្យដាច់សរសៃឈាមខួរក្បាល